اذهب إلى المحتوى
محاورات المصريين

الرحمة


Suzan

Recommended Posts

قصة اعجبتني

اجبروا خاطر بعض ما يبخلوش بيه علي حد بيعدي علينا اوقات بنحتاج فيها لتطييب خاطرنا ولو بكلمه 
وانا صغير كنت بالعجلة بلعب بيها و راجل كان ف عربيته بس لسه ماتحركش روحت وقفت جنب شباك عربيته من ناحيته وقولتله "عااااموووو جاي سبق؟".. المهم انه بصلي ب ضحكة سخرية تبعتها ابتسامة شقاوة من عيل صغير، وقالي جاي و هو بيغمزلي بنظرة تحدي، طبعاً هو مكنش بيتحداني ولا حاجه، هو شاف عيل صغير جرئ وبنفس الوقت طلبه ده ممكن يكون بالنسباله حلم و منافسة حقيقية هو داخلها.. 
واستعدينا للسبق وبدأت انا أبدل و هو يدوس ع البنزين بهدوء عشان يكون جنبي ع الخط،، هو سايق براحه عشان يكسبني، حس اني هاطير مالفرحه لو سبقته، وانا حاسس انه اسرع مني برغم تساوينا ع الخط، بس انا عايز اسابقه وابص عليه ورايا مش جنبي، وبدأت سرعتي تزيد، وهو ثابت علي سرعته، السبق ده كان ف مسافة نص شارع مش طويل،،بس بالنسبالي تراك مسافته فوق ال 1000 متر، وكسبته فعلاً ولما لحقني بالعربية بصلي بصة عمري ماهنساها وهو بيضحك..
عدي سنين طويله ع الموقف ده، ومن سنتين كنت ف مستشفي بزور حد صاحبي كان عامل حادثة، وانا نازل لقيت الراجل ده قاعد علي كرسي متحرك و شاب يقربله بيزُق الكرسي، شكله كبر اوي،، بس تجاعيد السنين دي كلها ماغيرتش شكله اللي انا عارفه، وقفت للحظه واحده افتكرت فيها الموقف بتاع زمان، لقيت نفسي رايحله من وراه وقولتله بنفس النبرة "عااااموووو جاي سبق؟"..
بصلي و سكت... انا كملت كلامي ماستنتهوش يفتكرني حتي، وقولتله بس لوحدك من غير ما الكابتن ده يزوُقك، قالي اكيد مش هاقدر يابني... قولتله هاتقدر ياعم الشباب و بالفعل وافق، وقفت جنبه وجريت جريه بسيطة لانه عارف اكيد انها مجرد مداعبة، وبدأ يلف عجلة الكرسي وكأنه فعلاً عايز يكسبني، وانا ببطّء ف حركتي لحد ما سبقني، وروحتله لقيته باصصلي نفس البصه اللي بصهالي زمان بس وهو مدمع، كان هاين عليا اني اعيط جداً، ده حتى مش فاكرني ولا عارفني، بس حضنته ساعتها وقولتله مانت زي الفل اهو واسرع مني و انا بضحك بالزق عشان ماعيطش،، طبطب علي كتفي وقولتله ربنا يقومك بالسلامه وتبقي زي الحصان ولينا سباق تاني بس علي رجلينا.. وضحكلي ومشيت، الراجل ده انا روحت عشان ازوره من فترة وعرفت انه مات، مات حتي من غير ما افكره بأن انا اللي جبر بخاطره وهو صغير والسنين لفت و رجعتني ليه واشوفه عشان اجبرله خاطره بنفس الموقف، الراجل ده علمني ان جبر الخواطر ده من اعظم الأشياء اللي ممكن إنسان يديها لحد، وانها داين تدان ولو بعد عمر طويل، وانها خير انت زرعته هاتحصده ف اشد وقت ل إحتياجك ليه..
إجبروا خاطر بعض ان كان ده ف مقدرتكم، ماتبخلوش بيه علي حد عشان هاتتردلكم وكلنا بيعدي علينا اوقات بنحتاج فيها لتطييب خاطرنا ولو بكلمه حلوه.. 
وادعوا للراجل ده بالرحمة لأنه يستحقها، ربنا يرحمه ويرحم جميع موتانا.

رابط هذا التعليق
شارك

يقال دائما جبر الخواطر على الله  و يقال أيضا  مثل الزبيبة لا تترس البطن لكن تجبر الخاطر.

القصة جميلة و المعنى منها جميل جدا  لكن في بلادنا ربما جبر الخواطر أحيانا يكون على حساب المجتمع نفسه ، و إسمحي لي بحكاية صغيرة في أحد زيارات ملكة بريطانيا في الخارج إصطف تلاميذ صغار من الأشبال لتحية الملكة ولد صغير انفعل و تحمس و خرج من الصف و جرى الى الملكة   بمنطوقنا نراها حادثة عادية  لكن النظم و القواعد الانجليزية  تعني ان هذا الطفل تم منعه الى الابد من حضور أي مناسبة مشابهة ... الاصول .. اصول !

قارنوا ذلك بما يحدث عندنا من جبر الخواطر احيانا على حساب المجتمع 

اكرر جبر الخواطر على الله و شكرا للمعني الراقي الذي ذكرتينا به

  • أعجبني 1

مواطنين لا متفرجين


رابط هذا التعليق
شارك

المقصود من القصة هو جبر الخواطر الادمي بين الناس.  وهو الرحمة ومحبة وتسامح وكلمة الطيبة وهو ان ترمي خبزك علي وجه الماء . ويوم ماء ستحصد هذا الحب اكيد . 

غير مقصود جبر الخواطر في المصالح او التعامل الرسمي  .

رابط هذا التعليق
شارك

11 ساعات مضت, Suzan said:

المقصود من القصة هو جبر الخواطر الادمي بين الناس.  وهو الرحمة ومحبة وتسامح وكلمة الطيبة وهو ان ترمي خبزك علي وجه الماء . ويوم ماء ستحصد هذا الحب اكيد . 

غير مقصود جبر الخواطر في المصالح او التعامل الرسمي  .

أنتي محقة بالكامل يا سيدتي ، لكن في بلادنا  و في السنوات الأخيرة بالذات  و بدعاوي "الخير و جبر الخواطر" تم إحتلال عدد من المواقع  بمن لا يستحق

  • أعجبني 1

مواطنين لا متفرجين


رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      من الجيد جدا أن سامية جمال وفريد الأطرش وصباح ومحمد فوزى ونور الهدى وعبدالحليم حافظ وسعاد حسنى ومحمد عبدالوهاعرض الصفحة
    • 2
      الرحمة!!! نفسي نوّسع مفهوم الرحمة  تعالوا نخلي السنة دي مليانة "رحمة" نرحم بعض من أفكار الإدانة! نرحم بعض من النقد وإصدار الأحكام والاتهامات! نرحم بعض من كلمة جارحة او كلمة وحشة في حقهم! نرحم بعض من نظرة مظهرية ونظرة متعالية! نرحم بعض من التعقيد ، ونقبل ونتقبل الآخر! نرحم بعض من نظرنا اللي بيركز بس علي السلبيات! نرحم ونفوّت ونعذر بعض!  نرحم حد غلط ، أصل كلنا غلطنا وبنغلط وهنغلط! نرحم نفوسنا من كتر التفكير والتأنيب واللوم وشيل الهم! نرحم حد مالوش سند أو حد مكتئب أو حاسس
    • 11
      ارحموا من في الارض يرحمكم من في السماء. الانسانية....كلمة واحدة ومعان لانهائية . للأسف الشديد يختلط الامر علينا عندما نصف بعض - البشر - ب أنهم عندهم انسانية لمجرد اعطائهم بعض النقود لمتسول ... او ...لانهم يتباهون بموائد رحمن في رمضان حتي يقال ,,, الوجيه الامثل اطعم جياع بوجبات اشهي واغلى من وجبات جاره رجل الاعمال ..او ..جارته الراقصة السابقة صاحبة العصمة الحاجة الشريفة.. لن اتحدث هناااا عن اغنيااااء يعطون ويساعدون فقراء.. لا لا لا ...ليست هذه وجهة نظري . لكني اليوم سوف احدثكم حد
    • 0
      إنا لله وإنا إليه راجعون توفيت فجر اليوم حرم حسين مجاور، رئيس اتحاد العمال الأسبق، وعضو مجلس الشعب المنحل والمحبوس حالياً على ذمة قضية موقعة الجمل وكان إبنه الأكبر وهو في الثلاثينات من عمره ويعمل رجل اعمال .. قد توفي الشهر الماضي يوم 25 فبراير بالتحديد أثر إتخلال توازنة وسقوطة من الطابق الحادي عشر من شرفة منزل بالمعادي .. ورفضت وزارة الداخلية خروج حسين مجاور مصحوباً بقوة من الداخلية مثل حالات سجناء كثيرون لحضور الجنازة وهو تعنت بشع لا يُقره دين ولا قانون .... فالراجل مهما كان مازال على ذم
    • 85
      لا ادري ماالسبب ف سرعه الاستجابة من قبل ادارة النايل سات من يومين ومازالت المناشدات من العاملين ف قناة الرحمة والعاملين فيها من اجل وقف القرار "قال الشيخ "حسن حسان" شقيق الداعية "محمد حسان" ومدير البث بقناة الرحمة، إنهم توجهوا أول أمس بخطابات للسيد محمد حسنى مبارك رئيس الجمهورية، ونجله جمال مبارك رئيس لجنة السياسات بالحزب الوطنى، وأنس الفقى وزير الأعلام وحبيب العادلى وزير الداخلية، اعتراضا على استجابة إدارة النايل سات لقرار المحكمة الفرنسية بوقف بث قناة الرحمة بحجة أنها تنشر أفكارا معادية للسام
×
×
  • أضف...