اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

الشركة الألمانية لإبادة الحشرات شركة وهمية و مقدم فيها 30 بلاغ (Whatsapp)


Recommended Posts

إتصلت بالشركة الألمانية لرش شقتى ، ووصلنى رقم الشركة رسالة على الموبايل ، اتصلت بيهم للإستفسار فأخبرونى انه لابد من معاينة الشقة لتحديد عدد اللترات المطلوبة ، وأخبرونى ان سعر اللتر 20 و30 و50 
قلت عاوزة افضل شىء ، 
وحددت موعد للحضور 
وطبعا توقعت ان شقة مساحتها 160 متر لن تستهلك اكثر من خمسة لتر مثلا ، خصوصا انى برش مع بداية الصيف ومن باب النظافة لا اكثر ، 
وحضر المندوب ، 
رش نص الشقة فقط وقالى اكمل ولا لأ !!!!!!!
قلت له كمل طبعا 
قالى انا استهلكت 60 لتر لحد دلوقتى وسعر اللتر 50 جنية !!!!!!!
اصابنى العجب ....!
ولا شفت لترات مبيد ولا الهوا ، 
قسما بالله كان بيدخل يعبى مياة من الحمام ، 
وطبعا زعقت ، لكن للاسف ابنى اتفاوض معاهم ودفع 2500 بدل 3000 جنية 
كل ده علشان آخد الوصل اللى مكتوب فيه عنوان الشركة والضمان ، 
وتاتى يوم كنت فى جهاز حماية المستهلك ومعايا الفاتورة ، 
وفوجئت ان الشركة الألمانية دى معمول فيها 30 بلاغ ، ومش عارفين يوصلوا ليهم ، 
وقالولى ليا ازاى تكلمى حد بعت ليكى رسالة على التليفون !!!
قلت ليهم نعم ، دول بيعملوا اعلانات فى التليفزيون !!!!
قالى كل ده نصب فى نصب ، ولا عندهم سابقة اعمال ولا الهوا ، والضمان ده وهم ونصب ، ومفيش تصريح من وزارة الصحة ده كدب .....!
30 بلاغ ومش عارفين يمسكوهم ......!
طلعت على الضرايب اكشف على الرقم الضريبى الموجود عالفاتورة ، طلع رقم ملوش وجود نهائيا ، 
يعنى الفاتورة اللى دفعت الفلوس علشان آخدها طلعت وهم وكدب وعنوان غلط وارقام تليفون اى كلام 
وقسما بالله العظيم ولا سجل تجارى 
ولا رقم ضريبى 
ولا ضمان 
كله وهم فى وهم فى وهم ، 
تخيلوا شركة رشت فى شقة 80 متر ب 60 لتر ، ولا كأنهم بيرشوا فدان قطن ...!!!!!
ويقولوا ده لو كان عندك اصابة كنا هنرش 100 لتر ......!
مشكلتى مش شخصية 
لاااااااااا
انا دفعت الفلوس واخدت الفاتورة علشان اثبت انهم نصابين واجيب حقى بالقانون ، 
الشكوى ضدهم موجودة فى جهاز حماية المستهلك واتحولت للنيابة ...
وسجل تجارى ورقم ضريبى طلع ملوش وجود ، نصب فى نصب ، والضمان وهم فى وهم فى وهم 
المشكلة دى عامة 
ولابد من تحذير الجميع 
دى مافيا ونصابين وبيبعتوا رسائل على التليفونات وبيعملوا اعلانات فى التليفزيون 
والسفارة الألمانية انكرت صلتها بهم ، 
وانا مش هأسكت وهأفضل ورا حقى ، 
وشكرا لكم جميعا، واتمنى تحذير الجميع من النصباية دى #شيير #خلي_بالك #نصب  .

خالد ياسين
#مصر_الجديدة

رابط المشاركه
شارك

وصلتني هذه المعلومة : توجد وحده مكافحه تابعه لمكاتب الصحه وانا اتصلت بيهم وسعرهم على الشقه بالكامل ١٥٠ جنيه وتدى للعامل٥٠ جنيه بقشيش يعيد رش على الشقه كلها وبقالى ثلاث سنوات الشقه نطيفه جدا

رابط المشاركه
شارك

حكاية تشبه حكايتي أول أمس مع تركيب فلتر جديد 

اتصلت بي سيدة وقالت رشحك أحد الأشخاص لزيارة مجانية لعرض تركيب فلتر بالبيت وسيأتيك المندوب 

جه المندوب وعرض علي الفلتر قولت له ماشي واستعلمت منه عن النوع وبحثت عن الجودة والسعر ولقيت إنه زائد في السعر 1200 جنيه 

فاتصلت بيه وعرفته وألغيت الموضوع بدون خسارة غير خمسين جنيه مقدم حجز 

عموما لابد من التدقيق في مندوبين المبيعات والشركات الوهمية التي لا مقر معتمد لها لأن كل مرة بيتنصب علينا 

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
×
×
  • اضف...