أم كلثوم

[MZohairy]

شمس الاصيل

1958

محمود بيرم التونسي

رياض السنباطي

ــــــــــــــــــــــــــــــــــــــــــــــــــــــــــــــ

شمس الأصيل دهبّت

خوص النخيل يا نيل

تحفة ومتصورة

في صفحتك يا جميل

والناي على الشط غنى

والقدود بتميل

على هبوب الهوا

لما يمر عليل

***

يا نيل أنا واللي احبه

نشبهك بصفاك

لانت ورقت قلوبنا

لما رق هواك

وصفونا في المحبة

هو هو صفاك

ما لناش لا احنا ولا انت

في الحلاوة مثيل

***

انا وحبيبي يا نيل

نلنا أمانينا

مطرح ما يرسى الهوى

ترسى مراسينا

والليل إذا طال وزاد

تقصر ليالينا

واللي ضناه الهوى

باكي وليله طويل

***

انا وحبيبي يا نيل

غيبين عن الوجدان

يطلع علينا القمر

ويغيب كأنه ما كان

بايتين حوالينا نسمع

ضحكة الكروان

على سواقي بتنعي

ع اللي حظه قليل

يا نيل

مازالت الست في أقوى مراحل صوتها

وامكانيات التلاعب بالصوت يمينا ويسارا وشمالا و جنوبا لا حدود لها

في أي وقت تفعل ما تريد

وفي اي وقت تستطيع ادهاش الجمهور

و تستطيع تكرار جمله لحنيه بعشرين طريقه مختلفه و كلهم اجمل من بعض و بدون تحضير و على الهواء و أمام الجمهور

نرجع للغنوه

الكلمات جميله للرقيق بيرم

والالحان شديدة المصريه للجليل رياض السنباطي

والأداء لثومه

مش حتكلم غير على كوبليه واحد بس....

لحنه السنباطي بطريقتين مختلفتين ومن مقامين مختلفين ليتيح للست الأنطلاق كيف شاءت ومن كل ناحيه

أنا وحبيبي يانيل غايبين عن الوجدان

يطلع علينا القمر ويغيب كأنه ماكان

بايتين حوالينا نسمع ضحكة الكروان

على سواقي بتنعي عللي حظه قليل

شوفوا الأداء هنا وبالطريقتين

اسمعوا كم الترددات الصوتيه المتعاقبه في كلمة الكروان (شيئ صعب جدا يا جماعه و معجز)

وطريقة غنائها في على سواقي بتنعي و هي فعلا بتنعي بغنائها اللي حظه قليل

ومن قمة الشجن والحزن تنتقل بطريقه سحريه الى قمة الفرح عندما تغير المقام والكلام عندما تغني

والناااااي على البحر غنى ( صوتها فرحان و مبتهج )

كأنها بتضحك و هي بتغني

http://egyptian2.salmiya.net/songs/omkalth...mkalthoom82.ram

لنستمع معا.....

عايزكوا تركزوا في دي شويه يا جماعه و خصوصا العزيز هاني على مارجع لكم

[مسافر زاده الخيال]

مش عارف ليه مش مستسيغ الاستماع لام كلثوم مطلقا(رغم انها اكبر من اكون احد جمهورها)...غير انني ولدت في العام الذي توفت فيه...............

البعض يقوللي ان ماحد يسمع ام كلثوم الا اللى واقع في (حالة حب والعياذ بالله) فهل هذا الكلام صحيح؟؟؟؟؟؟

[MZohairy]

مش عارف ليه مش مستسيغ الاستماع لام كلثوم مطلقا(رغم انها اكبر من اكون احد جمهورها)...غير انني ولدت في العام الذي توفت فيه...............

البعض يقوللي ان ماحد يسمع ام كلثوم الا اللى واقع في (حالة حب والعياذ بالله) فهل هذا الكلام صحيح؟؟؟؟؟؟

:rolleyes:

طيب و اشمعنى بتحب تسمع عبد الوهاب؟