اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

مشاهد سينمائيه لا تنسى


Recommended Posts

طب ياعم متزعلش نفسك

مشهد حسين فهمي والفنانه المحترمه ناهد يسري في الفيلم الراقي

سيدة الأقمار السوداء

لما كانوا نازلين يصلوا الفجر B)

رابط المشاركه
شارك

بالنسبة لموضوع سيدة الاقمار السوداء

لقد قرأنا في الجرانين زمان ان حسين فهمي انكر بانه الممثل الذي ظهر في المشاهد اياها وان هناك دبلوماسي خليجي حاول ابتزازه بهذا الفلم وتم القبض عليه.............. :D

رابط المشاركه
شارك

أنا مش حاسكت:

رياض المنفلوطى (محمد سعد) فى خطبته العصماء "التشرد الأطفالى مش موجود هنا بس بالعكس، التشرد الأطفالى موجود فالعالم كله العتبة ميدان عبدين الجيزة ...."

رابط المشاركه
شارك
بالنسبة لموضوع سيدة الاقمار السوداء

لقد قرأنا في الجرانين زمان ان حسين فهمي انكر بانه الممثل الذي ظهر في المشاهد اياها وان هناك دبلوماسي خليجي حاول ابتزازه بهذا الفلم وتم القبض عليه.............. :blush:

لا يا عم هو حسين فهمي

وهي ناهد يسري

بعد صلاة الفجر :lol:

رابط المشاركه
شارك

زهيري باشا ..

هي ايه حكاية صلاة الفجر دي :wub:

طيب قولي الإمام قرأ ايه في صلاة الفجر امبارح ..

لما كنت نازل تصلي الفجر

:lol:

من المشاهد السينمائية التي لا تنسى ..

في فيلم آلام المسيح .. لما كانوا يسوقوا المسيح للصلب ..

وتذكر لما كان صغير وبيجري ووقع على الأرض .. وجت السيدة مريم لتحمله ..

منظر مؤثر اوووي

:blush:

رابط المشاركه
شارك

فى السنما المصرية كتير من المشاهد المؤثرة ولكن فى راى ان احسن ممثلات بتعبر عن المشاعر المركبة كانت شاديا وسعاد حسنى

وحفكركم بمشهد من شاديا فى فلم شىء من الخوف

ركزوا معايا لان اللقطة كلها كانت مش اكتر من دقيقتين بس كانت مؤثرة جدا لانها فى وقت قصير ومن غير ولا كلمة اتغير تعبير العين لاكثر من انفعال

لما عتريس قفل الهويس وفية كورال بيغنى ان الزرع جف والضرع جف ..حاوصف اللقطة باللتتابع

حيرة-فكرة -خوف من تنفيذ الفكرة -اقدام -فرحة لما المياة تتدفق والناس تهلل-ترقب لما بيجى عتريس ورجالتة-مواجهه وعنيها كله تحدى انها مش هممها تموت- راحة لما بيمشى ويجرى بحصانة-ونظرة كنت بحبك وصعبان عليا دى اخر نظرة

اظن مفيش اكتر من كدة ابداع

وكمان سعاد حسنى عندها مشاهد كدة زى مشهدها فى المتوحشة لما كانت بتغنى وبلبس البياتشوا انا ضاع منى كمان حاجة كبيرة اكبر من انى اجيب لها سيرة وبتدى ظهرها للجمهور فى السيرك ودمعها بتنزل وبعدين تدور وتضحك منتهى الحسسية

ومشهدها فى الحب فى الزنزانة فى تبادل العيش بين السجنين وهى عنيها بتتخيل يترى مين ممكن الى يكون بتحبة وهى مشفتوش طبعا عادل امام كان ادها فى المشهد والموسيقى كانت بتتحرك مع كل تعبير رمزى من العيون

دى المشاهد الى من غير كلام بس فيها كتير

وكمان مشهد صلاح منصور فى فيلم الزوجة التانية وهو مشلول وبيشاور بايدة والناس بتقولة مبروك حتبقى اب وهو بيصرخ من غير حوار ان لا دة مش ابنى

ومن نفس الفيلم وسعاد حسنى بتضمولادها اوى وبتعيطط وبتلاقى حل المشكلة فى كلمة الارجوز الى ادام البيت وهو بيقول حاتجوزة واحب الى فى بالى

جملة قاسية جدا ومعبرة عن مبلغ القهر والعزيمة على انقاذ الاسرة دى مهما كان التمن حتى لو تمسكت باضعف الايمان ان تخلى حبها فى قلبها بس

وطبعا فية مشاهد كتير لمحمود المليجى لما كبر بس اهمهم وهو بيجنى القطن وهو بيموت ورغم الاكتفاء بالاغنية الى مش ممكن تتنسى ابدا انما الرمز الى وراء اللقطة كان عظيم جدا جدا

رابط المشاركه
شارك
  • 4 months later...

فى السنما المصرية كتير من المشاهد المؤثرة ولكن فى راى ان احسن ممثلات بتعبر عن المشاعر المركبة كانت شاديا وسعاد حسنى

وحفكركم بمشهد من شاديا فى فلم شىء من الخوف

ركزوا معايا لان اللقطة كلها كانت مش اكتر من دقيقتين بس كانت مؤثرة جدا لانها فى وقت قصير ومن غير ولا كلمة اتغير تعبير العين لاكثر من انفعال

لما عتريس قفل الهويس وفية كورال بيغنى ان الزرع جف والضرع جف ..حاوصف اللقطة باللتتابع

حيرة-فكرة -خوف من تنفيذ الفكرة -اقدام -فرحة لما المياة تتدفق والناس تهلل-ترقب لما بيجى عتريس ورجالتة-مواجهه وعنيها كله تحدى انها مش هممها تموت- راحة لما بيمشى ويجرى بحصانة-ونظرة كنت بحبك وصعبان عليا دى اخر نظرة

اظن مفيش اكتر من كدة ابداع

وكمان سعاد حسنى عندها مشاهد كدة زى مشهدها فى المتوحشة لما كانت بتغنى وبلبس البياتشوا انا ضاع منى كمان حاجة كبيرة اكبر من انى اجيب لها سيرة وبتدى ظهرها للجمهور فى السيرك ودمعها بتنزل وبعدين تدور وتضحك منتهى الحسسية

ومشهدها فى الحب فى الزنزانة فى تبادل العيش بين السجنين وهى عنيها بتتخيل يترى مين ممكن الى يكون بتحبة وهى مشفتوش طبعا عادل امام كان ادها فى المشهد والموسيقى كانت بتتحرك مع كل تعبير رمزى من العيون

دى المشاهد الى من غير كلام بس فيها كتير

وكمان مشهد صلاح منصور فى فيلم الزوجة التانية وهو مشلول وبيشاور بايدة والناس بتقولة مبروك حتبقى اب وهو بيصرخ من غير حوار ان لا دة مش ابنى

ومن نفس الفيلم وسعاد حسنى بتضمولادها اوى وبتعيطط وبتلاقى حل المشكلة فى كلمة الارجوز الى ادام البيت وهو بيقول حاتجوزة واحب الى فى بالى

جملة قاسية جدا ومعبرة عن مبلغ القهر والعزيمة على انقاذ الاسرة دى مهما كان التمن حتى لو تمسكت باضعف الايمان ان تخلى حبها فى قلبها بس

وطبعا فية مشاهد كتير لمحمود المليجى لما كبر بس اهمهم وهو بيجنى القطن وهو بيموت ورغم الاكتفاء بالاغنية الى مش ممكن تتنسى ابدا انما الرمز الى وراء اللقطة كان عظيم جدا جدا

احب اضيف لسعاد حسنى وشاديه .. فنانه ماكانتش بتمثل الا بعيونها رغم انى مش باتشد لها قوى لكن ناديه لطفى كانت استاذة ادوار مركبه .

رابط المشاركه
شارك

اظن ان مشهد المحاكمه

من فيلم الناصر صلاح الدين من اخراج يوسف شاهين

والذى كان بين احمد مظهر و توفيق الذقن من جهه( الجانب العربى)

وبين حمدى غيث وناديه لطفى من الجهه الاخرى(الجانب الصليبى)

والذى اخذ الطابع المسرحى فى اخراجه سينمائيا

وما اجمل الحوار الذى كتبه السباعى ومحفوظ فى هذا المشهد

رابط المشاركه
شارك

يااااااااااه دة انا محتاجة اعصر نافوخى عشان افتكرلكم.. :)

امممم

ممكن المشهد بتاع نور الشريف و بوسى فى فيلم حبيبى دائما لما كانت بتديله الخاتم بتاع جدها و بتقوله ان الممرضة فى المستشفى فاكراهم الاتنين قرايب....

و كمان مشهد لما قالتله انها عارفة انها مريضة و بتقوله ( انا مش خايفة من الموت يا ابراهيم.. انا بس خايفة اسيبك لوحدك)..

بردو المشهد بتاع السندريلا سعاد حسنى لما كانوا كلاب البوليس السياسى بيغتصبوها فى فيلم القاهرة 30 تقريبا

اممممم دة اللى قدرت افتكره حاليا :)

رابط المشاركه
شارك

مشهد نجيب الريحاني وهو يطلق تحية كاريوكا في فيلم لعبة الست

مشهد قبل النهاية من فيلم الكيف الذي ينتهي بأن يفقد الفخراني عقلة

ايضاُ من فيلم الكيف المشهد الذي يخبر فيه محمود عبد العزيز اعضاء فرقته انه سيغني

ومن الكيف أيضا المشاهد التي يحاول محمود عبد العزيز إقناع الفخراني ببيع المخدرات المضروبة

مشهد عماد حمدي و عبد الحليم الذي يخبره أنه لقيط في فيلم الخطايا

مشهد من فيلم البرئ عندما يكتشف احمد زكي أن المسجون الذي يضربه هو رفيق عمره الذي يعلمه الوطنية

ونأتي للإفضل

مشهد في فيلم الكباب والإرهاب عندما سأل عادل إمام الناس احلامكم إيه مطالبكم إيه .... وعندها سكت الناس

رابط المشاركه
شارك

بردو المشهد بتاع السندريلا سعاد حسنى لما كانوا كلاب البوليس السياسى بيغتصبوها فى فيلم "القاهرة 30" "تقريبا"

يا فندم القاهره 30 كانت فيه متجوزه محفوظ عبد الدايم - بتاع طظ -

و مرافقه البيه أحمد مظهر ... بعد الظهر :sad:

انما المشهد اللى قصدك عليه ... ده كان فى فيلم "الكرنك"

رابط المشاركه
شارك

بردو المشهد بتاع السندريلا سعاد حسنى لما كانوا كلاب البوليس السياسى بيغتصبوها فى فيلم "القاهرة 30" "تقريبا"

يا فندم القاهره 30 كانت فيه متجوزه محفوظ عبد الدايم - بتاع طظ -

و مرافقه البيه أحمد مظهر ... بعد الظهر :lol:

انما المشهد اللى قصدك عليه ... ده كان فى فيلم "الكرنك"

ايووووووووووووووةةةةةةةةةةةةة هو الكرنك

معلش بقى الزهايمر عامل عمايله :sad:

رابط المشاركه
شارك

من المشاهد اللى فى ذاكرتى:

-حمزه الشيمى فى اعدام ميت

لما قتل ابنه بالخنجر .. فى اخر الفيلم

و قاله : بايدى يا ولدى اطهرك من عار الخيانه

مشهد التفجير بتاع ميناء ايلات

و بعدها الراجل قال : عملوها الوحوش

ساعتها حسيت اد ايه النصر حلو يا جدعان :D

-أحمد زكى - فيلم البيضه و الحجر

لما سباخ - الدجال - طلعله الحجره عشان يخوفه و يطفشه

قام هو اللى رعبه :D

-أحمد زكى فى الهروب ...

و هو متعلق عالشجره ... و الخلفيه الموسيقيه الرهيبه للفيلم

الله يرحمه .. هو و عاطف الطيب

- فيلم صلاح الدين

صلاح الدين ..لما لقى ملوك اوروبا بيستهبلوا :

إذا .....

هى الحرب ........

نخوضها دفاعا عن الحق .. و العدل

(يخرج ريتشاد من الخيمه صاءحا فيه .... ) : أى حق و اى عدل

يا رب العالم اللى ماعندهاش دم ..... و بيقولوا ان زمن المغامرات ... و الكرامه و الشرف و الكلام الفارغ ده ... انتهى ... mfb:

يشوفوا المشهد ده مرتين ... قبل الاكل و بعده :sad: :lol:

رابط المشاركه
شارك
  • 2 years later...
  • 11 years later...

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • اضف...