اذهب إلى المحتوى
محاورات المصريين

مشاهد سينمائيه لا تنسى


احمد هادي

Recommended Posts

فاكرين محمد ابو سويلم وهو بيتسحل في آخر مشهد من فيلم الارض

ولا نور الشريف - سواق الاتوبيس وهو بيضرب النشال ويصرخ " يا ولاد الكلب"

ولا محمود عبد العزيز وهو بيحدف نعيمة الصغير بالغسيل في راسها بالضبط

طب فاكرين عادل ادهم وهو بيحرق لميرفت امين فستان الفرح ويقولها شايفه يا قطه

ورشدي اباظه وهو بيسكع شاديه بالقلم ويقولها " وكمان بتقولي صباح الخير "

ولا انتوني كوين - عمر المختار وهو بيتوضا

فاكر ليلي مراد لما تقول ليوسف وهبي اصلنا قتلنا قتيل فيرد يقول " ياللهول"

فاكرين قناوي وهو ماسك هنومة-هند رستم علي شريط القطر والسكينه في ايه ؟

وصلاح-عبد الحليم - وسميحة -لبني عبد العزيز - اقفل انت الاول ...لا انت الاول طب نعد لحد تلانه ونقفل احنا الاتنين

مشاهد ومشاهد

انت بقي ايه المشهد اللي لا تنساه ؟

تم تعديل بواسطة احمد هادي

يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك

رابط هذا التعليق
شارك

صباح الفل يا شباب

طبعا مش هفتكر بالتفصيل زي هادي بس اللي فبالي دلوقتي:

استيفان روستي في سيدة القصر .. طب بس اروح اتحزم واجيلك

احمد فؤاد في سلام يا صاحبي .. فقعونا بمبة يا افيونة

بوسي في حبيبي دائما .. مش قولتلك كل حاجة حلوة بتموت بسرعة

محمود عبدالعزيز في العار .. والملاحة .. والملاحة .. وحبيبتي ملو الطراحة

محمود عبدالعزيز في الكيف .. بحبك يا ستموني مهما الناس لاموني

عبد الحليم في معبودة الجماهير .. بحبك .. بحبك .. كلمة بقالي كتير عايز اقولهالك

يالا ... افتكرولنا حاجات تانية ومستنيكم

رابط هذا التعليق
شارك

انت بقي ايه المشهد اللي لا تنساه ؟

طب عن قذنك أروح أتفرج على التليفزيون وأجي أحيكلك المشاهد التي لم أنساها :D

إنت يا جدع إنت هاتحيرنا ليه ؟

إنت مش عملت مظاهرة أول إمبارح في ميدان التحرير وجبت التليفزيون الـ 14 إنش بتاعك وكسرته قدام الناس ولا كإنه جبنة رومي دنماركي .. وقلت " حد الله بيني وبين التلفاز " وتحرم عليه محبتك والكلام ده .. وإحنا سخننا وراك وفضلنا نهتف ونقول ( يسقط ماسبيرو .. إلى الجحيم يا مدينة الإنتاج الإعلامي " ورفعناك فوق أكتافنا مع إنك كنت تقيل وهديت حيلنا ...

تقوم بعد ده كله تعملنا موضوع عن مشاهد لا تُنسى .. وبلاتوهات مش عارف إيه .. ولقطات لم تكتمل ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

احمد فؤاد في سلام يا صاحبي .. فقعونا بمبة يا افيونة

معليش يا أخ سيكا .. أنا هامسك لك عالوحده .. وأقسم وأقولك إن الجُملة دي كانت في فيلم ( المشبوة )

ده تاريخ يا ناس

هو الفن باظ من شويه

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

يا بو السيد

انا بتكلم دلوقتي عن السيما

مش التفزيليون

هناك فرق :)

ثم

بالله عليك .....

اعوض حالة الحرمان الفني اللي انا فيها ازاي ؟

اشوف الدفاتر القديمة عشان مفتحش دفاتر جديده :D

وعلي راي محمود عبد العزيز في فيلم العار

حقها يابو كمال حقها

وعلي راي الدكتور شديد

في كل افلامه

وماله يا خويا مش عيب

يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك

رابط هذا التعليق
شارك

سناء جميل"في الزريبة يا عرة.. اسفخس عليك راجل..الليلة يا عمدة"

نجمة ابراهيم:"الولية عضت ايدي وانا باخنقها تقولش عدوتها..ما حدش بياكلها بالساهل"

الشاويش عطية"شغلتك على المدفع بللم..هوهو هوه بغباوته"

اسماعيل يس:"عصاية ..عصاية..عصايا عليك يا رب"

جميلة محمود:"دانت ابوك كان بيعدي من تحت الطبلية واقف"

ابراهيم نصر":مخك كبير جوي يا آبا"

رابط هذا التعليق
شارك

فيلم حمام الملاطيلي :D

لما الراجل كان نازل يصلي الفجر!!!!! :)

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

مشاهد كثيره لا تنسى للراحل احمد زكى ..

مثلا مشهده فى فيلم النمر الاسود وهو يحاول الحديث مع الالمان عن طريق الورق الذى لا يعرف محتواه !! و تعبيرات وجهه حين يقابل بعنصرية زملائه فى العمل و حين يشعر بالامتنان لجارته العجوز وهى تمنحه هديه لعيد ميلاده

فيلم البرئ كذلك به مشهد يجلس فيه مع بعض تلامذة الجامعه بينما هو مجنّد امن مركزى و حين يشير احدهم الى قرب انتهاء الطعام ينتفض فى حرج معلنا انه "خلّص اكل" ..

أحمد زكى كان فنّان رائع .. يرحمه الله

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

فيلم حمام الملاطيلي :D

لما الراجل كان نازل يصلي الفجر!!!!! :D

ايه ده :D

انتا كمان شفته يا زهيري :)

طب ياريت تبعتلنا الlink كالمعتاد :P

تم تعديل بواسطة Mousa
رابط هذا التعليق
شارك

مشهد أحمد السقا وهو بيموت في فيلم تيتو ...

مشهد مؤثر اوووووووووي :D

جيجي ...

سعودية الجنسية ... مصرية الهوى ...

رابط هذا التعليق
شارك

جملت فريد شوقي المشهوره: وشرف امي...............

زينات صدقي: كتاكيتو بني

استفان روستي: نشنت يا فالح

عبد الفتاح القصري لزينات صدقي: يا ارض اخسفي معليكي

زينات: هوا انتا يامنيل

القصري: نخدمك يوم خرجتك كده يا جميل

زينات: دانتا امك الي اسمها امك يوم مولدتك رقعت بالصوت

القصري:شفتي بقي انك توعي علي امي

يوسف وهبي: بيتي بقي مزبله

توفيق الدقن: احلي من الشرف مفيش يا دنس

عبد الفتاح القصري: نرمندي تو

القصري: انا كلمتي متنزلش الارض ابداَ

مراته:حنفي

القصري: خلاص، بس المره الي جايه اعملي حسابك انه لاممكن ابدا

زينات صدقي بعد محطت مفتاح المطبخ في صدرها و ابوها كسر الباب: طويل الناب انسان الغاب

مرات عبد الفتاح القصري ل اسماعيل ياسين: شرف البنت زي عود الكبريت

علي فكره احلي موقف لما الشويش عطيه اكتشف ان ابن حميدو طلع صول في المباحث

سعاد حسني في فيلم "غريب في بيتي" راح تفتح باب الشقه

دخلت واحده صروخ بمقايس ايامها و سالت علي الكبتن شحاته ابو كف "نور الشريف"

لاحظ ان سعاد كانت بتنضف و شكلها يدي علي الخدامه ودار الحوار التالي

مندوبة الاعلان: يا تري الكبتن شحاته موجود

سعاد: لا نايم

المندوبه: اصحيه، وجريت علي غرفت النوم

سعاد شدتها من دراعها:تصحيه ايه يا انسه

المندوبه : ان عايزاه في مصلحته و ليكي الحلاوه

سعاد: مصلحته ايه دي الي تخليكي تدخلي علي راجل عازب اودت نومه، ثم ان وجود اي واحده ست في اوضت اي واحد راجل مصلحه له برضه.

نور الشريف فتح باب الغرفه و خرج البنت راحت تجري عليه بمياصه، رجع قعد علي الكنبه و هيه وراه لزقه فيه

المندوبه: كبتن شحاته انا مندوبة شركة دعايه و كنت عايزه استغلك، و لزقت فيه اكتر

نور بعد شويه ورد: انا محبش حد يستغلني

المندوبه: انا قصدي استغلك في اعلان لبن.........لبن زبادي، هنصورك وانتا بتاكل كرتونه بحالها و بعدين تشوط الكوره

سعاد مقاطعه بغيظ: ويقوم جايب جون، مش كده

نور: انا اصلا مبحبش الزبادي

كفايه كده

بعد شويه حسن مصطفي جيه و قاله الجمله المشهوره: دي مش واعكه يا شحاته ، دول وعكتين

تم تعديل بواسطة Mousa
رابط هذا التعليق
شارك

يا اخونا هو الموضوع مشاهد ولا ايفيهات ؟

و عموما انا هتكلم عن مشاهد

---------

طبعا المشهد الخالد لثوره الفلاحين على الظلم فى فيلم شىء من الخوف و الهتاف الشهير : جواز عتريس من فؤاده باطل

-----------

مشهد الرائعه سناء جميل فى فيلم بدايه و نهايه عندما دخلت الزنزانه و المسجونات يزفونها باغنيه : يا حلوه يا بلحه يا مقمعه

و مشهد انتحارها فى نفس الفيلم حتى تجنب شقيقها ان يرتكب جريمه بقتلها

-----

مشهد عادل امام و سعاد حسنى وهما يلوحان لبعضهما بالمناديل من شبابيك الزنازن فى فيلم حب فى الزنزانه

----

مشهد عبد الحليم حافظ عندما غنى لمريم فخر الدين بتلومونى ليه على كورنيش النيل " مش فاكر اسم الفيلم "

----

مشهد اجبار شكرى سرحان على تطليق زوجته فى فيلم الزوجه التانيه

اما عن الافلام الاجنبيه فهناك ايضا مشاهد لا تنسى :

مشهد دخول اليزابيث تايلور الى روما على عرش فرعونى متحرك فى فيلم كليوباترا

---

مشهد القتال بين كيرك دوجلاس و تونى كيرتيس فى فيلم سبارتاكوس عندنا كان كلا منهما يحاول ان يقتل الاخر ليجنبه عذاب الرومان

---

مشهد اللقاء الاول بين انتونى هوبكنز و بين جودى فوستر فى فيلم صمت الحملان عندما كان يقوم بدور طبيب نفسى مسجون و قام بتحليل شخصيه الطبيبه النفسيه الشرطيه

---

مشهد المواجهه بين روبرت دينيرو و ال باتشينو فى المقهى فى فيلم heat

---

مشهد النهايه بين توم هانكس و ميج رايان فى فيلم you,ve got mail عندما اكتشفت ميج رايان ان توم هانكس هو الرجل الذى احبته عبر الانترنت

---

ليس شرطا للموت ان يكفن الميت

ولا ان ينشر له نعيا

او ان يضعوا شاهدا على قبره

انت تموت عندما تصمت بينما كان ينبغى عليك ان تتكلم

"shinercorner"

رابط هذا التعليق
شارك

انا كلب يارمزي بيه

عبد المنعم مدبولي

احنا بتوع الاتوبيس....

تم تعديل بواسطة khedr

يامصر... يامصر...يامصر

ياااااااااااااااااااااااااااااامصر

رابط هذا التعليق
شارك

انا كلب يارمزي بيه

عبد المنعم مدبولي

احنا بتوع الاتوبيس....

يا حاج خضر ..

وجعت قلبي على الصبح .. الله يسامحك

هذا المشهد من أكثر مشاهد هذا الفيلم تأثيراً وإيجاعاً وإيلاماً للنفس

وطبعاً هذه الأفلام لا تذاع الآن لأسباب معروفة

ومن أهمها

أنفلونزا الطيور

قال رسول الله صلى الله عليه وسلم : ( ما كان الرفق في شيء إلا زانه ، ولا نزع من شيء إلا شانه)

( صحيح الجامع 5654).

رابط هذا التعليق
شارك

مشهد عبد الحليم حافظ عندما غنى لمريم فخر الدين بتلومونى ليه على كورنيش النيل " مش فاكر اسم الفيلم "

شاين :blink:

كانوا على كورنيش اسكندريه يا شاين :blink:

حكاية حب انتاج سنة 1957

وغنى فيه :

نار ياحبيبي نار

بتلوموني ليه

في يوم في شهر في سنه

بحلم بيك

:blink:

تم تعديل بواسطة mzohairy

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

طبعاً كلنا فاكرين نجيب الريحاني في فيلم ابو حلموس وخصوصا المشهد بتاع شحاته افندي و هوه بيقوله:

"بشكاتب ينصب علي بشكاتب؟! انا عايز النص ريال"

ولا المشهد بتاع الريحاني لما ساب محل الفراخ وراح يشتغل في ديرت الباشا وطلعله عباس فارس وقاله:

"انتا قبيح، انتا جزمه قديمه، بس عليك ملعنه في الحسابات"

و ده طبعا عشان موضوع الخروف ابو سته جنيه

رابط هذا التعليق
شارك

مشهد عبد الحليم حافظ عندما غنى لمريم فخر الدين بتلومونى ليه على كورنيش النيل " مش فاكر اسم الفيلم "

شاين :blink:

كانوا على كورنيش اسكندريه يا شاين :blink:

معلش يا زهيرى ياخويا

العتب ع الذاكره

:blink:

ويعدين كورنيش النيل او كورنيش البحر

اهى كلها كرانيش

متدقش يا زهيرى :blink:

ليس شرطا للموت ان يكفن الميت

ولا ان ينشر له نعيا

او ان يضعوا شاهدا على قبره

انت تموت عندما تصمت بينما كان ينبغى عليك ان تتكلم

"shinercorner"

رابط هذا التعليق
شارك

من فيلم خلّى بالك من زوزو ..

مشهد سعاد حسنى وهى ترى امها تنزل من على سلم الفيلا و ترقص وسط العوالم و نظرة الفزع التى ارتسمت على وجهها و تراجعها للخلف قليلا كأنّها تختبئ ..

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

الموضوع بقى سلطة كوارع ( ده نوع من انواع السلطة .. جديد ومُبتكر )

يا جدعان فرق كبير بين مشهد وبين جُملة

الراجل صاحب الموضوع بيقول " مشاهد .. مشاهد "

يقوم إخواننا السنيمانجية يدلقوا جُمل وآفيهات زي ما قال رُكن

يالله بقى نعجن ونبوظ السيما

يا ناس حرام عليكو .. هو الفن باظ من شويه ؟

ما هو من الناس اللي بتخلط بين المشاهد والآفيهات واللوكيشن والكرشندو ....

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...