اذهب إلى المحتوى
محاورات المصريين

المرمطــــــــون - قصة واقعية تحرق الدم


Recommended Posts

أنا بأقلب عليكو المواجع مش كده ؟

- إقرأ يا جدع أخر أخبار المرمطون ... إقرأ الحادثة .. إقرا الحادثة

** أخونا شغال له دلوقت ييجي 9 أيام من غير لا عقد مؤقت ولا عرض عمل ولا حاجة أبداً بعد ما قِبل بالفتافيت - بس دي مش فتافيت السُكر - .. يعني الفترة دي كلها شغال " بلاموطي " زي ما بيقولوا الإسكندرانية يعني شغال أي كلام على الهامش يعني .

** المهم نده له النهاردة صاحبنا التاني المُدير عشان يعطيه عرض العمل .. لقاه عمل ديسكونت تاني بنسبة 20 % تخفيض من الفتافيت .. يعني هو دلوقت بيلعب في الـ " فيت " بعد ما شال منه الـ " فتا " .... واك واك واك :D

يعني تقدروا تقولوا دلوقت أنا بأشاهد دلوقت فيلم " الذُل " لايف وعلى الهواء مباشرة ..

وحسبنا الله ونعم الوكيل ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

لو الواحد ما بيعملش حاجه غلط يبقى يقدر يحط صابعه في عين التخين .. سواء قِسم أو أمن دولة حتى ..

ده مش شعارات ولكنها ثقة بالنفس .

يااااااااا راااااااجــــــــــــــــــــــــــــل :lol:

قال رسول الله صلى الله عليه وسلم : ( ما كان الرفق في شيء إلا زانه ، ولا نزع من شيء إلا شانه)

( صحيح الجامع 5654).

رابط هذا التعليق
شارك

موضوع جميل..وهام

احنا كده بناقش اخطر صفه واخطر لازمه نعاني منها جميعا

وهي صوره المصري في الخارج (عربيه...اجنبيه)

طيب اي انسان في الدنيا لما بيتصرف تصرفاته دي بتكون نابعه من ايه

ورد فعل الطرف التاني اللي بيتعامل معاه بتكون علي اساس ايه

يبقي المشكله فيها طرفين مش طرف واحد

المصري والآخر..

المصري..تصرفاته تخرج من تربيته بالبيت والمدرسه والشارع والقدوه

الآخر ...خبراته مع الجنسيات المختلفه...مع نفس الجنسيه...مايسمعه ويعرفه من الاعلام

بأختصار هل المعادله كده مضبوطه والا ايه رأيكم

الموضوع خطير وهام نرجو الا ينتهي بسهوله

ودعوه الي جميع الاساتذه والاخوه بالمنتدي للحوار..

يامصر... يامصر...يامصر

ياااااااااااااااااااااااااااااامصر

رابط هذا التعليق
شارك

دي مداخله ليا من قرابة العامين عن المصريين و سمعتهم في الخليج خلونا نشوف

_____________________________________________________________

السلام عليكم

ليه ياجماعة سمعة العاملين المصريين مش كويسه في دول الخليج؟

هل عشان فقراء فبيضطروا يحاربوا بعض على لقمة العيش؟

ولا عشان بيقبلوا اي مرتب يلاقوه حتى ولو بخس؟

ولا عشان خايفيين يرجعوا للفقر تاني فبيتنازلوا عن كرامتهم في احيان كتيره مقابل استمرارهم في العمل؟

ولا عشان برضه في كثير من الاحيان بيحاولوا يحوشوا اكبر قدر ممكن فبيظهر عليهم علامات الحرمان في ظل دخل معقول؟

ولا عشان بنستعمل الفكاكة كتير وفي غير وقتها وبدون علم؟

ولا ايه ولا ايه ولا ايه

من كان عنده الافاده نرجوا الافاده

سلام

______________________________________________________________

سي السيد مصدقنيش ساعتها

ايه رأيك يابو حميد؟

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

سي السيد مصدقنيش ساعتها

ايه رأيك يابو حميد؟

رأيي في إيه ؟ !!!!!

إنت عارف كويس إن عندي أرتكاريا من التعميم

ليه ياجماعة سمعة العاملين المصريين مش كويسه في دول الخليج؟

فلما أقرأ كلام زي اللي إنت كاتبه فوق ده .. أقولك أسف .. وهارد لك يا كابتن زُهيري .. معنى كده إنك جمعت ملايين المصريين اللي شغالين في الخليج وحكمت عليهم إن سمعتهم وحشه وإن كلهم شغالين بـ 800 ريال فأقل ؟

أم السبب الوارد على لسانك ده

هل عشان فقراء فبيضطروا يحاربوا بعض على لقمة العيش؟

فممكن أرد عليك وأقولك - مع الإحترام الكامل لإخوتنا السودانيين - ليه إن شاء الله .. مين أفقر إحنا ولا السودانيين مثلاً ؟ وحته إفتكاسية فيروزيه - حقوق الطبع محفوظة لفيروز هانم - ماهو تعريفك للفقر ؟

لقد جانبك الصواب يا عزيزي

لسبب بسيط جداً : وهو إني أعرف واحد مصري من اللي بتتكلم عنهم يا محمد يا زُهيري وإسمه بالصدفة محمد زُهيري :) وسُمعته زي البرلنت ومش فقير وما بيقبلش حد يعدي على خيال كرامته مش كرامته نفسها ..

يبقى لما نيجي نتكلم وعشان أشد كُرسي وأجي أخد وأدي مع حضرتك ومع بقية السادة الزملاء الأفاضل .. يبقى خلونا نتكلم عن فئة مُعينة أو عن بعض المصريين تنطبق عليهم تلك الظروف أو الصفات ..

ونحاول إحنا إذا أدعينا إننا أصحاب فكر وكرامة وفي نفس الوقت مُغتربين وفي الخليج كمان .. أن نكون لهم قدوة .. وأن نحاول توعية مثل هؤلاء إذا قابلناهم في الحياة ....

صح ولا أنا غلطان يا زُهيري يا مصري ؟

هــا أشد الكُرسي ولا أشد الكُبس ونقفل المحل ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

صلوا على النبى يارجاله عليه الصلاه والسلام

طيب بخبرة سين سين و كرامته واخلاقه

و خبرة زهيرى و حسن طباعه و خبره الكبير الافوكاتو و حلاوة بيك و شريكه هادى يعنى اقصد كل مغترب وله خبره و مجال تعامل ان يسرده خبره و حصيله تجاربه فى هذا الموضوع من باب ايجاد حلول للمشكله المفروضه الان

mrizs2yd_ZaBaDo.gifصبح صبح يا عم الحاج
رابط هذا التعليق
شارك

يا عم صلي عالنبي

النقطه السوده بتبان بقوه في الثوب الأبيض

والفئه اللي سيادتك بتتكلم عليها دي أكتر من 50% على أقل تقدير

وهي الفئات ذات التعليم المتوسط والأقل من المتوسط وعديمي التعليم

:) وبعدين بلاش بقى نضحك على بعض

الكلام اللي قلته انا ده على نسبه كبيره من مصريين اشتغلوا في الخليج و بالذات العراق والكويت و ليبيا (لكثرة فئة العماله المصريه عن السعوديه والامارات) نتاج استعمار حوالي 5000 سنه

وفقر شديد مدقع

و أمراض الدنيا والآخره

وسجون

واعتقالات

وتعذيب

ياراجل احكيلك حكايه ممكن تضحكك وممكن تبكيك زي مانت عايز

في الجامعه (جامعة القاهره) سنة 87 كنا بنعمل مظاهرات ( طلابيه اسلاميه) وكلام من ده

سخنت في دماغنا وحبينا نخرج خارج الحرم الجامعي

مين اصطادنا ؟

قوات الأمن المركزي

وحطوا الشباب الصغير ده حوالي كل 200 في عربية الأمن المركزي

وقفلوها علينا

في شهر مايو

ومن الساعه 10 صباحا وحتى الخامسة عصرا

7 ساعات و الشمس الجباره بتضرب في صفيح العربيه اللي مفروض تستوعب 20 عسكري بحد أقصى واللي بقدرة الله استوعبت 200 طالب

طبعا الكل طلع زي الجزم القديمه اللي بوزها مفتوح و مرميه فوق سطح بيوت زمان

لا فاهمين طلابيه ولا اسلاميه ولا حتى فاكرين اساميهم

دي ناس تتوقع انها تطلع كويسه كأغلبيه؟

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

دي ناس تتوقع انها تطلع كويسه كأغلبيه؟

أيوه .. وأتوقع يطلع منهم زعماء كمان

أقولك إزاي يا ثورجي يا بتاع المُظاهرات ؟

كمثال بسيط : عندك كل جماعة الإخوان المسلمين .. إتمرمطوا ومات منهم الكثيرين في السجون .. ومع ذلك كانوا بيخرجوا أكثر عناداً وإصراراً على تحقيق هدفهم ... ومع ذلك نزلوا الإنتخابات وذلوا الحزب الوطني بإمكانيات بسيطة امام الغول الحكومي اللي بيستخدم إماكنيات دولة بحالها ....

وكثيرين من مرتادي السجون اللي إنت بتقول إنهم بيشحنوهم زي السردين كان لهم شأن .. لإن عندهم هدف مؤمنين به ...

يا زُهيري يا عزيزي .. إوعى تتكلم من فوق البُرج العاجي ... ولكن إتكلم عن نفسك وعن ضرورة إن لازم يبقى لك دور كراجل مُثقف ومتعلم وعندك هدف ويجب عليك أن تُصلح من حولك ...

وما أقعدش أبكي واقول أكثر من 50 % وأكثر من 60 % وكإنها حالة ميئوس منها ويصعُب علاجها .. مع إن إحنا في وسطهم وممكن يبقى لنا دور إذا كنت شايف منهم ناس جُهلاء محتاجين توعية .. على الأقل بالنصح والإرشاد .

وبلاش الكلام السوداوي ده الله يكرمك

النقطه السوده بتبان بقوه في الثوب الأبيض

ده مش ذنبنا إن في ناس غاوية سواد وسايبة الجلابية البيضا الناصعة البياض وشغلاها قوي حكاية القطة السودا .. قصدي النُقطة السودا .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

شوفتونا واحنا بنتخانق انا واللورد دوبل سين؟ :D

نجنن :)

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

أنا بأكتب موضوع جديد دولقت في المناقشات الجادة إسمه

( دور المُثقفين في خدمة المجتمع )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بجد انا بقالى حوالى 3 ساعات بقرأ بإستمتاع شديد الكلام اللى بيتقال ...

و بجد جداً بقى انا استفدت إستفادة جت فى وقتها جداً جداً ( وش واحد ناوى يطبق الكلام اللى قراه على صاحب عمل تانى يوم blink.gif ) و بشكر كل من:

س س ( فى دور البطولة )

المرمطون ( دور سنيد ) biggrin.gif

المعلم حلاوة العنتبلى ( ناكد سينيمائى ) victory.gif

الموسيقار محمد زهيرى ( ناكد فنى مسرحى و ماكيير astonished.gif )

و اشكر باقى المشاهدين و النقاد الفنيين على معلوماتهم القيمة ...

أشكركم و إلى اللقاء ( وش درية شرف الدين فى نادى السينيما girlie.gif )

44489_10151097856561205_1288880534_n.jpg

رابط هذا التعليق
شارك

إنت بتهزر يا فيولين ولا بتتكلم جد ؟

أصلك لو بتهزر يبقى هازعل ..

ولو بتتكلم جد يبقى الكلام اللي إحنا بنقوله لم يذهب أدراج الرياح .. فأعتقد إننا لا نكتب لأنفسنا .. ولكن هدف الجميع هو أن يستفيد من تجارب الآخرين .. ويا حبذا لما الواحد بيقرأ حاجة تُضيف له مهارة أو شيء جديد يقدر يطبقة في حياته وخصوصاً الحياة العملية .

----

هاحكيلك على موقف صغير

سنة 95 قرات إعلان في الأهرام شركة إلحاق عمالة بالخارج طالبين مُحاسبين للعمل بالسعودية .. روحت وقدمت ورقي ومشيت مع إني لا استغلت مُحاسب ولا دياولو ولكن أنا خريج 93 ويادوب على ما درست كمبيوتر ولغة والذي منه كانت عدت سنة ونص ودخلنا في 95 ... تمر الأيام ييجي 5 شهور وراحوا إتصلوا بي ..

روحت ولقيت أُمم قاعدة مستنية دورها ..

عشان أعرفك إن كثير من الناس عندها عقدة الخواجا .. أو حاجة كده زي ما تقول بيقيموا الناس بالكيلو أو بالبركة ..

فسكرتير الشركة دي وأنا بأقدم له الورق لقيته بيقولي : إحنا طالبين مُحاسبين .. فقلت له أومال أنا إيه شكلي كده مدي على مكوجي رِجل ؟ فقال لي وعباطة الأطفال في عينيه .. بالعكس حضرتك شكلك كده دكتور !!!!

قلت له من بؤك لباب السما يابني ... كان بودي والله بس أنا كنت أدبي في الثانوي ... مشيها مُحاسب عشان خاطري ... والفضول كلني بقه .. قولت له : إنت قلت كده ليه ؟ قصدي يعني إنتوا بتعرفوا ده دكتور وده مُحاسب وده مهندس ازاي ؟ يعني الدكتور بيجيلكوا وحاطط السماعة في ودانه وماسك سرنجة .. والمهندس راشق برجل في راسه .. والمحاسب ممكن يكون معلق ألة حاسبة في عروة الجاكيتا ..ولا بالوزن مثلاً ؟ فقال لي : لأ أصلك لابس بدلة ونضارة وبتاع وشكلك كده دكتور !!!!!

المهم دخلت لصاحب المكتب عشان المقابلة الشخصية وقلت سيبني من الواد العبيط التمرجي اللي بره ده بالتأكيد أنا هادخل لإنسان عاقل وبيعرف قدر الناس :D .. لسه بأقعد واقول يا هادي راح مديني وش وطلع المقص وعايز يحلق لي وهو ما يعرفش إني حلاق أساساً :D فقالي بالصلاتو عالنبي المرتب 1200 ريال وتذكرة السفر والإقامة والذي منه عليك وإحنا بناخد نسبة مش فاكر دلوقت كام ... فقلت له طب أستأذن أنا بقى أحسن سايب الطبيخ على النار يابو 1200 .. فقالي أقعد بس .. إنت شايف كل الناس اللي قاعدة بره دول .. ده كثير منهم يتمنى الفُرصة دي ... طب بُص أنا هاكلملك الكفيل يهزها شوية لـ 1800 ريال .. لكن بأمانة ربنا إوعى تقول لأي حد من اللي قاعدين بره .. قلت له ماعطلكش يابا الحاج ..

والله يا عم وسيبته ومشيت وأنا أساساً كنت باتدرب في مكتب محاسبة تفاريحي كده وباخد مكافأة تدريب 120 ج ما بيكفونيش ساندوتشات فول طعميةلنُص الشهر .. لولا الدعم الخارجي اللي كان بيوصلني من الوالد :) .. وفضلوا يتصلوا بي وأنا أرفض لحد ما ربنا وفقني في عملي الحالي ..

مع العلم بقى إن المكتب لم يختبرني في المحاسبة ولا البطيخ .. ولكنها كانت أشبة بعملية فصال على شروة طماطم مثلاً ..

إذاً في بداية حياتك لو بدأت تنزل من قبل ما تطلع .. يبقى هاتفضل نازل نازل نازل لحد ما توصل لجوف الأرض .. وشوف إنت بقى الحر بيبقى عامل إزاي تحت . :D

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

لأ يا عمو ثين ثين أوعى تكون افتكرت انى بتريق blink.gif

بجد كلامك جميل, و إستفدت و جه فوقته فعلاً لأنى مطلوب منى التنازل فى الأجر من صاحب العمل بحجة انه هياخد منى شغل كتير ( ممكن أسهلهالك بإنى مثلاً ببيع سلعة معينة .. و صاحب العمل طلب منى احضرله حاجة واحدة, و بعد ما تعبت فى تحضير السلعة اللى هو عاوزها.. قاللى السعر اللى انت طالبه كتير و لازم تنزل شوية عشان أخد منك تانى unsure.gif ) و من ساعتها يا ابيه س س و انا حالقله خالص ( بقالى إسبوع أهو ) ... و أخيراً طلبنى إمبارح على الموبايل و انا كنت نايم و لما صحيت كلمت رجل وسيط بينا عارف الموضوع من الأول و قاللى ممكن تنزل شوية فى السعر لأنه بجد عاوز منك حاجات تانية و مش هيقدر على السعر اللى انت طالبه ) swoon1.gif ...

علماً بإنى ملتزم بالسعر العادى المعروف للسلعة اللى ببيعها ... و فى نفس الوقت مش عاوز أخسره لأنه من الواضح ان فيه منافسين ليا بدأوا يدخلوا فى اللعبة , كل ده حصل قبل ما أقرأ الموضوع ...

بعد لما قريبته إستفدت جداً من ناحية انى اقدم التنازلات ... فبدل ما كنت هقدم تنازل مثلاً 25% ممكن أهز السعر معاه ديسكونت لـ 10% مثلاً يعنى ... biggrin.gif ...

عموماً دى مسألة محتاجة تفكير و تمحيص كتير ( يعنى ايه تمحيص ؟ blink.gif ) ... لكن فى جميع الأحوال موضوعك جه فى الجول بالنسبة لى ..

ميرسى كتير tulips.gif ....

44489_10151097856561205_1288880534_n.jpg

رابط هذا التعليق
شارك

حلو

جميييييل

كام مصري بقى بيعمل زيك؟

بلاش عدد احسن تقولي معديتهمش

خلينا نقول نسبه كده بالبلدي

ها

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

بكلم سي السيد طبعا

عد اللي كانوا قاعدين يره مكتب الراجل كام

وانت كام

وانت تعرف النسبه (وش واحد انتصر على غريمه و بيضحك بسخريه )

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

عزيزي محمد زهيري

عزيزي سي السيد

بداية ... كلاكما وجهة نظره جديرة بالاحترم

وانا اتفق مع زهيري في بعض النقاط , واختلف معه في اخري

وكذلك الحال مع حبيبي س س

لابد اولا ان اعترف ان كلام زهيري عن سمعة المصريين في الخليج صحيح الي حد كبير

وانا بتكلم من خلال الواقع اللي عشته هنا في الامارات

المصريين كانوا مسيطرين علي مجالات استراتيجيه ومهمة , وخسروا معظمها بسبب العيوب التي ذكرها زهيري

خد عندك مثلا

البترول ....كان المصريين شبه مسيطرين عليه هنا لكن بسبب خوف المصريين من بعضهم اصبح الواحد منهم عنده استعداد انه يساعد اي جنسيه تانيه غير ابن بلده خوفا من ان يكبر وياخذ وظيفته في يوم ما.

كانت النتيجة دخول الجنسيات الاخري مثل الجزائريين (تخيلوا ) الذين انتشروا في سنوات قصيرة واصبحوا شبه اغلبيه واصبح المصريون هم الاقل.

التعليم ....وآآآه من التعليم

نفس الغلطة بس بوضوح اكبر وكانت النتيجة سيطرة الاردنيين والفلسطينيين لدرجة غير عاديه رغم ان وزارة التربيه هنا في الثمانينات كانت اشبه بمجمع التحرير بسبب كثره المصريين فيها.

لكن أغلب المدرسيين المصريين للاسف لم يتفهموا الفرق بين المجتمع هنا والمجتمع في مصر .

يعني مثلا لا داعي للتكالب علي الدروس طالما مرتبك كويس علشان ما يبقاش منظرك مش حلو وتكون مهدد لكن هيهات ثم هيهات.

يحكيلي موجه مصري هنا عن مدرس لا يعمل اي شيء حتي يوم زيارة الموجه ليه ؟ لان دي آخر سنه ليه وكده كده ماشي .... يشتغل ليه ؟؟

اما الشرطه هنا ....

فحدث ولا حرج ..

ويبدوا ان المصريين الذين عملوا في الشرطه هنا ظنوا انهم شغالين في القسم في مصر .

ملحوظه ....الشرطه هنا في خدمة الشعب بكل ما تحمله الكلمة من معاني (حملات توعيه- مشاركه فعاله في كل المناسبات بCDs وكتيبات - هدايا توزع علي الجمهور في المراكز التجاريه ) ولو دخلت قسم شرطه هنا تحس انك داخل مؤسسسه مدنيه علي أعلي مستوي من الاحترام والتعامل.

اما ما فعله المصريين في الشرطه فعلي رأي صديق إماراتي .......يا خساااره.

هل تعلم مثلا ان طاقم المصريين الذي اعمل معه وهو طاقم مشرف جدا يثير تندر الاماراتيين لاننا ننطق ال the في الانجليزي نطقا صحيحا وهو ما لا يفعله معظم المصريين حتي المتخصصين منهم حتي اصبحنا مثار تندر بين المديرين لدرجة انههم ( بيفرجوا اصحابهم علينا علي طريقه - سبحا ن الله- شوف مصريين بس بيتكلموا انجليزي صح ازاي).

وخلاصة ماسبق ان النسبة الأكبر هنا لم تكن علي المستوي المطلوب خاصة ان كثيرا منهم يأتي الي هنا وهو غير مؤهل ولا يسعي للأسف لتطوير نفسه لأن المهم لديه ان المرتب ينزل آخر الشهر.وبالتالي خسر المصريون كثيرا من رصيدهم في البلد. وتلك هي وجهة نظر الاماراتيين انفسهم - علي الاقل الذين تعاملت انا معهم وهم عدد ليس بالقليل.

اما الاختلاف علي النسبه فهو من وجهة نظري ليس مهما ما دمنا متفقين انها اكثريه.

اما الاسباب التي ذكرها زهيري فهي في معظمها-من وجهة نظري- صحيحة

من فقر وقهر واستبداد واهم من ذلك كله

انحدار مستوي التعليم وبالتالي الخريج

اضف الي ذلك انهيار سمعة جامعاتنا التي كانت لها زمان شنه ورنه .

فلم يعد لخريج عين شمس او القاهرة تلك الحيثية وحل محلها ال AUB

الجامعة الاميركية في بيروت وغيرها من الجامعات الاجنبية.

ونحن نعلم ان كثيرا من خريجي الجامعات لدينا لا يستطيع ان يكتب جملتين علي بعض بالعربيه فما بالك بالانجليزية .

واتفق معك يا دوبل سين باشا

ان هناك نماذج مصريه اكثر من رائعة خاصة من الجيل الجديد الذي علم نفسه بنفسه بعد ما تخرج من جامعاتنا واتقن مهارت العصر من لغة الي كمبيوتر الي فن الاتصال مع الآخرين وهي اسس النجاح حاليا وفي المدي المنظور.

وان هؤلاء الشباب الرائعين وانا أقابل الكثير منهم هنا ومنهم من اصبح مليونيرا في سنوات قليلة بعد ما اكتسب الخبره الكافيه وبدأ عمله الخاص.

لكن هذه النماذج الرائعة تظل هي الأقل وتظل الاغلبية - حتي داخل مصر - ليست علي المستوي المطلوب.

يعني النسبه في الخارج هي نفس النسبه في الداخل تقريبا.

وطبعا انت تعلم اكثر مني ان الاغلبيه في الداخل وضعها لا يسر

اما عن دورنا الذي يمكن ان نقوم به - الذي يدعو اليه سين سين- فهو مهما كان يظل محدود الأثر لانه في النهايه جهد فردي غير منظم.

( انظر الي الجمعيات والروابط اللبنانيه هنا ونشاطاتها)

لاننا ايضا لا نجيد العمل الجماعي وليس لدينا روح الفريق( ارجع الي أسلوب التعليم مره أخري)

مع ملاحظة طبيعة الحياة في الغربه حيث الاولويه للعمل أكثر من اي شيء آخر حتي لو كان توعية الأخرين.

نقطه مهمة ايضا ....

من يأتي إلي هنا يكون محتاجا الي الوظيفه لا إلي التوعيه ( يعني لو ما حصلش علي التوعيه دي من مصر يبقي عليه العوض) هيحصل عليها بس بعد ما يتمرمط.

الغالبية تحرق المراكب في مصر قبل ان تصل الي هنا ويكون الاحساس بالهروب هو المسيطر وليس التخطيط لمستقبل افضل - بل مجرد الهروب .

لان اغلبنا يعشق تراب مصر فعلا بجد - او علي الاقل بتكلم عن نفسي- وحين يخرج منها يكون هاربا والهارب يخطط للهرب ولا يخطط لما بعده لان الهرب هو الهدف أما ما بعده فليس في حيز التفكير بعد.

وبالتالي يقل عدد المجيدين والنماذج المشرفة.مقارنة بالاغلبيه الا انهم يظلوا مشرفين ومؤثرين.

وعلي العموم يا س س هناك رجل بألف رجل

وهناك الالاف من الرجال لا يساوون رجلا واحدا

وبالتالي فوجهة نظرك ايضا في محلها

اما ما يمكن ان نعمله انا وانت وزهيري وغيرنا اننا نكون نماذج مشرفه علنا نستطيع تحسين الصوره

( لن تتحسن صورة المصريين في الخارج ما لم تتحسن في الداخل )

مش كدة ولا ايه ؟

يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك

رابط هذا التعليق
شارك

اخى زهيرى انا معك فى كلامك ان البقعه السوده بتظهر فى الجلبيه البيضاء ( مايعرفوش الامو) بس خلينا فى الجانب المحايد (سويسرا)

يعنى ننصح و بس و على المستمع التقيم و التنفيذ كما يريد

كما ارى من كلام الاخ Violinking انه فى مشكله يتبين علينا النصيحه و بذلك نساعد نحسن صورة المصرى فى الخارج

و نصيحتى يا اخ Violinking ان توافق بشروط وهى ان ياخذ منك تلك التجار كميه كبيره من المعروض و بذالك تكون راضية و فى نفس الوقت انت لم تخسر شيء حيث اخذه لكميه كبيره سوف يعطى لك بونس عاليه او تخفضات عاليه من ناحيه المورد

mrizs2yd_ZaBaDo.gifصبح صبح يا عم الحاج
رابط هذا التعليق
شارك

اخى زهيرى   انا معك فى كلامك  ان البقعه السوده بتظهر فى الجلبيه البيضاء   ( مايعرفوش الامو) بس خلينا  فى الجانب المحايد (سويسرا)

  يعنى ننصح و بس و على المستمع التقيم و التنفيذ كما يريد 

كما ارى من كلام الاخ Violinking انه فى مشكله   يتبين علينا   النصيحه     و بذلك  نساعد  نحسن  صورة المصرى فى الخارج

و نصيحتى  يا اخ Violinking  ان توافق  بشروط     وهى  ان ياخذ  منك تلك التجار  كميه كبيره من المعروض و بذالك  تكون  راضية و فى نفس الوقت انت لم تخسر شيء  حيث اخذه لكميه كبيره سوف يعطى لك بونس عاليه او تخفضات عاليه من ناحيه المورد

كلامك جميل يا صديقى ... بس المشكلة اللى بجد مش عارف أحلها هى :

إزاى أضمن انه فعلاً هيشترى منى كمية كبيرة تعوض الديسكونت اللى انا عاملهوله ؟

مش ممكن ياخد منى سلعة واحدة أو اثنين بالكتير و يستفاد هو من التنزيل اللى انا عامله بينما انا ابقى تعبت فى مقابل قليل ؟

هل فى مثلاً إجراء معين أخده بحيث أضمن شرائه لكمية معقولة منى ؟ و خصوصاً انى زى ما قلت فى منافسة بدأت أشوفها, بس بفارق ان المنافسين لا يملكون الجودة التى يجدها صاحب العمل عندى ( مش تناكة و الله دى ثقة :D ) , و على الجانب الأخر هو يهمه المكسب النهائى بالنسبة له ( عندما يسوق السلعة بعد ان يشتريها منى ) و لا يهمه أوى الجودة و لكن المكسب و المكسب فقط ( ناس جشعة صحيح :blink: )

:D

44489_10151097856561205_1288880534_n.jpg

رابط هذا التعليق
شارك

كمان نقطة عامة :

أى صاحب عمل بيكسب من مؤسسته لكن هناك صاحب عمل ذكى يدفع أكتر لكى يكسب أكتر و أكتر ... و نوع ثانى يدفع قليل فيكسب قليل ... لكن المؤكد ان الجميع يكسب ( على الأقل فى مجالى )

فى بدايتى كنت اعتمد انى أسوق لسلعى بشكل جيد مادياً حيث انى كلما وجدت منافس لى يقدم سلعة معقولة نسبياً بالنسبة لى فى الـ Quality بينما يقدم سعر معين, لا اترك فرصة لأصحاب العمل للتفكير و المفاضلة بينى و بين المنافس, و أقدم فوراً ديسكونت,... أو كما يقول السوق ( أضرب المنافس فى مقتل blink.gif ) ... و لكن هذة الطريقة نجحت لفترة وجيزة ثم أحجم بعض أصحاب العمل عن التعامل معى ( مكنتش عارف السبب لحاد لما قريت موضوع ابيه ثين ثين :blink: ) بينما أنا كنت مع الوقت يزداد إتقانى فى إنتاج السلعة أو المنتج الذى أقدمه, بحيث أصبح بجد بالنسبة للـQuality ينافس فئات مشهورة من المنافسين لى فى المجال ...

و عندما عدت الى السعر المتعارف عليه بين المنافسين وجدت أصحاب العمل مرة أخرى يطلبون منى أعمال أخرى ( وش واحد مش فاهم حاجة blink.gif )

و حتى لا أذهب بعيداً بالموضوع .. فأصحاب العمل لو كانوا أذكياء فسيدركون انهم كلما دفعوا من أجل الحصول على منتج جيد كلما كان مكسبهم كبير ... و لكن للأسف أعتقد ان هنا فى مصر قليلون جداً من يفعلون هذا.. إدراكاً منهم بأن هناك مكسب فى جميع الأحوال .... زائد ان المكسب القليل خير من المكسب الكثير .. و القناعة كنز لا يفنى biggrin.gif

مع تحياتى ...

44489_10151097856561205_1288880534_n.jpg

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...