جمارك السيارات فى مصر

[Tafshan]

ولاد حلال ...

انا مش فاهم ليه موضوع الجمارك الجديده دي عامله ذي اسرار امن الدوله :unsure: مافيش اي مصدر اعرف منه الجمارك انخفضت على ايه و اد ايه ؟؟؟

حد يعرف ؟؟

اعملو فيا معروف ..

اخوكم طفشان و مش عارف ايه بيحصل في البلد

[أسد]

ده موقع الجمارك المصرية

الجمارك المصرية

[se_ Elsyed]

واحد من أصدقائي كان عنده معاملة بالأمس في السفارة المصرية .. فقولت له بالمرة طالما مسافر ورايح القنصلية هات لنا معاك أخبار عن جمارك السيارات ..

وانا بأعتبر الذهاب لأي قنصلية سفر لإنك بدون مبالغة لازم تقعد تتمشمشس في عربيتك على الأقل نص ساعة في مدخل الحي الدبلوماسي عشان التفتيش وإجراءات التدقيق ..

ما علينا ،،،

فجاب لي ورقة عبارة عن صورة فاكس وفيها بيانات عن الجمارك ... وما أسترعى إنتباهي حاجتين مهمين :

1- الفاكس موجه من مكتب التمثيل التجاري بجده إلى سفارتنا في الرياض واللي باعته كاتب عليه السيد الأستاذ / مجدي بـــك الدريني ..... قولت ما علينا يمكن الفاكس مبعوث إبان الفترة السابقة لثورة الكاكي ..

2- اخدوا من الراجل عدد واحد ريال قيمة الفاكس .... طب ليه يا خوانا دي صورة لا مؤخذه ... ولا بلاش .... يمكن محتاجين ماهم عاملين التليفون 0700 والدقيقة بـ 6 ريال ..... ما علينا ..

وإليكم نص الخطاب :

بالإشارة الى الخطاب الوارد من سيادتكم بشأن الإستفسار عن الرسوم الجمركية للسيارات بجمهورية مبارك العربية ..

أتشرف بالإفادة بأن الشرط الأساسي لتملك السيارة أن تكون جديدة وعلى الزيرو وموديل نفس العام ، مثلاً موديل 2004 تشترى في عام 2004 مالك أول .

وتكون الرسوم الجمركية كما يلي :

السعة جمارك مبيعات

حتى 1600 سي سي 40 % 15 %

أكثر من 1600 وحتى 2000 135 % 30

أكثر من 2000 135 45

- تُحسب ضريبة المبيعات من ( قيمة السيارة + قيمة الجمارك ) ده بقى شغل يهود بجد .

- على ان يُقدم سند الملكية ( فاتورة الشراء ) مُصدقة من الغرفة التجارية والخارجية السعودية وموثقة من القنصلية المصرية في تاريخ معاصر للفاتورة او خطاب مرور يُفيد تملك السيارة مالك اول في نفس العام .

- يتم خصم 10 % من قيمة السيارة في أول اكتوبر السنة الأولى ، ثم 5 % عن كل سنة تالية بحد أقصى 30 % بعد مُضي 5 سنوات .

حد فهم حاجة ؟

وبعدين هما ما جابوش سيرة لية عن اللي أقل من 1600 سي سي ؟

[lالمطحون]

خى الحبيب سى السيد لحد ما الكلام واضح ان كل الفئات لغاية 1600س جمركها 40% من قيمة شراء السياره بالسعر اللى عندهم هما مش اللى انت جايب بيه فاتوره وبعدين يحسب 15% من سعر السياره +الجارك كضريبة مبيعات واعتقد انها هتبقى احسن من هنا لان المواصفات الخليجى احسن كتير من المصرى ملوك الفهلوه وتمشية الحال فتوكل على الله وانا معاك

[se_ Elsyed]

يا دكتور احمد أنا باتكلم على الأخبار اللي دوشوا بها دماغنا وقتلناها بحثاً هنا والحكومة قالت بعضمة لسانها إن الجمارك على الـ 1300 سي سي فأقل هاتبقى 30 % ...

راح فين الكلام ده وليه السفارة ما جبتش عنه سيرة وبدأوا بالـ 1600 ؟

فتوكل على الله وانا معاك

طب يالله نشتري لوط عربيات عشان ناخد ديسكونت حلو :lol:

حقيقة كنت أفكر في حاجة كرولا على قدي .. ولقيت القطط الفطسانة طلعت لي وناس بتقولي هي عربية حلوه في حاجتين فقط وهي الـ Selling Value وقطع الغيار الرخيص اما من ناحية المتانة والعفرتة فعندك اللانسر أرخص وأجمد ولكن قطع غيارها غالية نسبياً ..

وبصراحة أنا جربت اللانسر ولقيتها اكثر من ممتازة مقارنة ببنات فئاتها زي الكورولا والهوندا مثلاً ( مش هاتكلم عن الكوري لإني مش مقتنع به من أساسه زي الكيا والحاجات الورق دي )

[ابو رامي]

السلام عليكم

انا لسة مسجل جديد في المنتدى وبصراحة لقيتها فرصة عشان اسال عن موضوع جمارك السيارات لاني مغترب في السعودية بقالي 17 سنة وقررت اني اشترى سيارة وانزل بيها مصر وفعلا رحت اشتريت سيارة شيفرولية اوبترا 2006 سعة الموتور 1600 سي سي فتيس عادي وزجاج كهرباء ومكيف وكاسيت ومرايات كهرباء وكنت عايز اي واحد ابن حلال يقول لي جمركها يطلع كام قبل ما اتورط وانزلها مصر ..

اخوكم ابو رامي

[nemr111]

سى السيد ..فى سؤال عاوز اعرفه ..لو واحد حب ياخد عربية مرسيدس موديل متقدم و يدخلها تربتيك و ليكن موديل 2000 و نزل بيها مصر ..تعرف فى خلال سنة يكون ضحك على البلد فى كام الف جنيه

مع العلم بأن العربيات المستعملة فى تركيا رخيصة جدا جدا مقارنة بالدول العربية..

[نفسي احبها]

ياجماعة الخير

زعلانين ليه من الفلوس الزيادة اللي بتتسرق في الجمارك وغيره .

اعتبروها زكاة الوطنية والولاء للبلد ...... هو انتوا مش بتحبوا مصر ولا ايه ؟؟؟؟؟!!!!!

وبعدين اللي بيسرق الفلوس ده مصريين زينا زيهم .. يعني مش حد غريب !!!!!!!!!!!!!!!!!!!!!!!

[se_ Elsyed]

للرفع

---

هل من جديد

واحد صاحبي عايز يتهف في عقلة ويجيب حتة إلنترا 1600 سي سي وينزلها مصر

بالمناسبة

سعر الإلنترا 2006 فول أوبشن كراسي جلد وقزاز كهربا وحركات - ما بتجيش بفتحة سقف - = 38000 ريال ( حوالي 58000 جنيه ) ... الأوتوماتيك منها بنفس المواصفات بتعمل 41000 ريال ( 62000 ج ) ونقول هايتظبط في قد 40000 ج جمارك يعني توتال = 98000 من غير ما نحسب نسبة الخصم التي سيحصل عليها بصفته مالك أول وكمان هايسجلها في السفارة ليستفيد من خصم عدد السنوات التي سيمكث بها هنا .... إيه رأيكو دام فضلكو .. يجيبها من هنا ولا من المحروسة ؟

[Hammer]

كده ما فيش أي ميزة في شراءها من السعودية ...

أصلاً سعر العربية هنا أرخص علي الأقل عشرة جنيه ... و الأهم بقي من ده كله إن العم غبور ح يعامل العربية دي معاملة المطاريد و أولاد البطة السودا .. و بالتالي ما فيش أي مركز صيانة معتمد ح يوافق علي إستقبالها .

فيضطر صديقك علي الدخول إلي عالم بلية الملئ بالإفتكاسات و تعذيب الموتورات و ح يحولولها في وقت قصير إلي أطلال عربية .

إرجع يا صاحب س . س :wub:

تم تعديل 6 يونيو 2006 بواسطة Hammer

[أسد]

فيضطر صديقك علي الدخول إلي عالم بلية الملئ بالإفتكاسات و تعذيب الموتورات و ح يحولولها في وقت قصير إلي أطلال عربية .

إرجع يا صاحب س . س

نعم .. إرجع ياصاحب س س

الإلنترا في مصر بـ 99000 جنيه

وعليها الضمان من غبور ..

فكرة شراء السيارات من السعودية والنزول بها إلى مصر غير عملية ..

من مصر أفضل ..

[Hammer]

فيضطر صديقك علي الدخول إلي عالم بلية الملئ بالإفتكاسات و تعذيب الموتورات و ح يحولولها في وقت قصير إلي أطلال عربية .

إرجع يا صاحب س . س

الإلنترا في مصر بـ 99000 جنيه

أنا لسة شايف إعلان من يومين و من شركة غبور شخصياً إن سعر الإلنترا الأتوماتيك 94,900 جنيه

لأ و إيه ... عليها خمسه جنيه ذهب هدية :wub:

هو الجنيه الدهب مش عدي الألف جنيه دلوقتي و لا دي أوشوعات ؟؟

[زعلان]

يا ريت تفتحولنا موضوع عن الضمان في مصر وعن الصيانة وخدمة ما بعد البيع :ph34r:

[أسد]

أنا لسة شايف إعلان من يومين و من شركة غبور شخصياً إن سعر الإلنترا الأتوماتيك 94,900 جنيه

لأ و إيه ... عليها خمسه جنيه ذهب هدية

هو الجنيه الدهب مش عدي الألف جنيه دلوقتي و لا دي أوشوعات ؟؟

في ملحق أوتو الذي يصدر ويوزع مع جريدة الجمهورية كل خميس في عدد الخميس 25 مايو كان منشور جدول به أسعار جميع السيارات ..

وكان الألنترا بالسعر الذي ذكرته .. يجوز السعر مرتبط بالمواصفات .. وهو ده الغالب ..

الجنيه سعره 800 جنيه اليومين دول ..

الذهب نزل شوية

[se_ Elsyed]

الميزة الوحيدة في شراءك سيارة من الخارج هي إنك مش هاتشعر بالثمن اللي مدفوع فيها لو جبتها واستخدمتها كام سنة وبعدين نزلت بها .. فبكده مش هاتركز إلا في فلوس الجمارك فقط ..

[Hammer]

الميزة الوحيدة في شراءك سيارة من الخارج هي إنك مش هاتشعر بالثمن اللي مدفوع فيها لو جبتها واستخدمتها كام سنة وبعدين نزلت بها .. فبكده مش هاتركز إلا في فلوس الجمارك فقط ..

دي ميزة نفسية بس يا س.س ... إنما في الأخر الفلوس اللي طالعة من الجيب هي هي

نسيت أقولك علي حاجة مهمة ... و هي إن نيسان صني 1600 سي سي ... اللي الإستبن بتاعها برقبة 19 عربية إلانترا بقي سعر الاتوماتيك منها في مصر دلوقتي 95 ألف .... بس

[أسد]

سي السيد ..

قول لصاحبك ينتظر حتى تنزل موديلات 2007

هيونداي ألنترا 2007 حتبقى أفضل بكثير من الحالية ..

فالحالية شكلها وحش الحقيقة .. وغير مريحة .. ولكنها أثبتت كفاءة عالية ..

المشكلة إنه أكيد سعرها حيرتفع ..

[واحد تاني]

الناس دي شكلهم فاهمين ... أما أدخل اسألهم

حد ممكن يفديني بخصوص نيسان مورانو يا جماعة الخير الجمارك بتاعتها تبقى كام ؟

وسعرها فى مصر كام بالاسعار اللى بتتكلموا عنها دي ؟

[se_ Elsyed]

خدمة للحبايب

أسعار جميع السيارات في مصر حتى تاريخ 1/5/2006

أخبار السيارات

[واحد تاني]

لما تخلص النظارة المظعمه ابقى باصيها :lol: