لو عرف السبب!!!

[suma]

       بسم الله الرحمن الرحيم.

 

سأتكلم عن حالة من الحالات المصرية والمسكوت عنها..لم افكر في كتابتها قبلا ولكن حديث بين جارتي والتي كانت تفرج عن قلبها وتقص لي معاناتها من ولدها ..هو ما دفعني للكتابة واعذروني لو لم تجدوا تناسقا بين جمله لأني اكتبه مباشرة.

 الصبي في الصف الأول ثانوي وله هواية الموسيقى  للأسف وأنا اعني الكلمة...لأنه وحيد وجاء بعد شوق كبير أحيط ببعض من الدلال .

في المرحلة الاعدادية كان لايذهب المدرسة..ليه يا بني؟ المدرسون لا يشرحون  والحصص بتعملوا فيها ايه؟ يتهرب من الاجابة ويكتفي بنظرة لوم لي لجهلي.  المهم بعد الاعدادية مجموع ضعيف لا يدخل ثانوي عام..قلت له يا بني التعليم الفني هو المستقبل شوف انت بتحب إيه واختار .انه يهوي المزيكا قال مدارس نوعية واتخصص في الموسيقى..اكتشفنا إنها جامعة وبعد الثانوية ولها مجموع واختبار قدرات كمان....المهم لم اهتم بعدها وتركت الأمر له ولأمه ( لان والده كان قد توفي من سنوات قليلة) 

   اليوم جاءتني والدموع في عينها المدرسة الخاصة بتاخد مبلغ وقدره وبسلامته لا يذهب حتى إنه لم يحضر الامتحانات السابقة وعنده مدرسون في كل المواد  وغير مهتم ..

قلت خلاص اتركيه لو رسب يحول مسار ويروح صنايع.قالت قلت له  فأجابني..انت عايزاني الناس تضحك علي؟؟

 

   آدي المشكلة. الشباب يفضلون شهادات جامعية من جامعات لا عمل لخرجيها مثل الحقوق..التجارة..الخدمة الإجتماعية...وغيرها يعني يبلط في الكلية سنوات وسنوات وبعدها يخرج عايز شغل ومكتب ومرتب و...و...

سبحان الله !! هل هو خطأ في مفاهيم الناس أم في مخطط الحكومة ؟؟!!!

 قديما كان عندنا في الثغر معهد اسمه .دونبوسكو..كان يخرج صناع مهرةفي كل المجالات لكنه للأسف أصبح غير موجود .

وكي نعيد التوازن لأفكار الناس لازم كل الأجهزة تتكاتف إعلام بكل أشكاله..ندوات في المدارس والأحياء والمراكز الثقافية.

 

          على كل.أنا. تحدثت عن المشكلة لكن ...الحل؟؟؟؟ وهل نستطيع؟؟؟؟؟ 

واذكركم بمدارس الصنايع والمعدات والأجهزة التي جاءت من اليونسكو  في وقت ما( قبل الثورة) وتركت ولم تستخدم خوفا من المسئولية لو أصابها العطب .لو أعيد النظر اليها ..يمكن.ً....

 

             سومه