نداء للبابا

[Suzan]

لو أوهموك ان الارهاب مالوش حل .. أسألهم امال ازاي بتأمنوا المسئولين و المشاركين في مؤتمر الشباب الي بيتعمل كل شهر في شرم الشيخ 
ازاي بتأمنوا ماتشات المنتخب الي بيحضرها المسئولين الكبار 
ازاي بتأمنوا السفارات و المنشأت العسكريه و بيوت كبار الدوله 
ازاي بتأمنوا مدينه الانتاج الإعلامي و الجوامع الي بيصلي فيها وزير الأوقاف كل اسبوع 

انت بتعرف تأمن و بتعرف كويس اوي كمان بس الموضوع موضوع أولويات مش اكتر

[Suzan]

* أخرجوا من المشهد : نداء الي قداسة البابا تواضروس وكافة المطارنة والأساقفة والقمامصة والقسوس ( أخرجوا من المشهد السياسي والعمل العام  وأمتنعوا عن  اللقاءات والتصريحات الإعلامية وأعطوا ما لقيصر ليقصر وما لله لله ) محدش يقدر يستنطقكم بالعافية . خلص النداء .

[tarek hassan]

الأستاذة الفاضلة : سوزان 

حضرتك أرسلتي ندائك ولم تذكري الغرض منه 

وهل ذلك حل ؟

لازم تكونوا حاضرين في المشهد 

لكم حق لازم هتأخذوه 

لكم ثأر مع الإرهاب ولابد تدركوا ثأركم 

مقارنة حضرتك يمكن ليكي بعض الحق فيها 

لكن هناك فرق بين تأمين مباراة وتأمين مئات أو آلاف الكنائس 

يمكن المجرمين أعداء البشرية والدين عايزين يوصولكم لهذه الحالة 

عايزين يوقعوا الدنيا في بعضها ولما نتفرق هيزيدوا عملياتهم علشان يتهموا الدولة أكتر

كل تصريحاتهم بتقول كده 

مش ممكن يبقى ضدكم الإرهاب ولا تكون الدولة معكم 

أنتم والدولة يد واحدة ضد الإرهاب 

يا فرحتهم لما نتفرق 

خلي جهودنا كلنا في الاتجاه الصحيح 

كلنا ضد الإرهاب 

كلنا معاكم نحتسب عند الله مصابكم الأليم والمستمر وشهداؤكم

إن عاجلا أو آجلا سينتقم الله من الظالمين وسترين مصارعهم 

اسحبي ندائك يا أستاذة وقولي يارب انتصر للمغلوب والمغدور به 

أنتي مؤمنه بالله فلنلجأ إليه 

وعارفه إن ربنا عادل وسيأتي بالفرج من الله وسترد الحقوق لأصحابها 

كل العزاء للشهداء وندعو لهم بالرحمة والمغفرة والجنة