اذهب الي المحتوي
Grandma

البلطجة

Recommended Posts

البلطجة ظاهرة بشعة منتشرة في مصر بسبب البطالة .. كتير من رجال الأعمال _ اللي بعض منهم اصلا بلطجية ونصابين كبار  _ و من الفنانين و الأثرياء لا يتحركون الا و وراءهم موكب من البلطجية اللي احيانا بيطلقوا عليهم حراسة أو بودي جاردز  و طبعا هؤلاء البلطجية و الحراسة الخاصة يحملون أسلحة من كافة الانواع  لحماية أسيادهم . الجريمة اللي حصلت عشية  مبارة مصر و الكاميرون في كافيه ( كيف ) اللي بيمتلكه رجل أعمال تعتبر واحدة من جرائم البلطجة الكثيرة اللي بتحصل في مصر راح ضحيتها شاب وعريس في ريعان شبابه من أجل اعتراضه على سلوك خاطىء اتبعه صاحب الكافيه من أجل اجبار الزبائن على دفع ال minimum  charge  ، وكأن الزبون يجب الا يستفهم او  يعترض على ما يقره صاحب المكان  في الفاتورة و الا كان مصيره القتل . الغريب ان الشاب المهذب ابن الناس  دفع الفاتورة رغم اعتراض اصدقائه حتى يجنب أصدقائه شر الجرسونات وبلطجية المحل الا ان هذا الأدب لم يشفع له وكان مصيره القتل لان شهوة الشر و القتل تغلبت على هؤلاء الوحوش الآدمية التي لا تتحرك الا باشارة من اصبع أسيادها و موافقتهم .


من جرائم البلطجة الشهيرة التي تذكرها مصر  جريمة  قتل الفنانة  سوزان تميم على يد الحارس الخاص لرجل الاعمال هشام طلعت مصطفى بسبب رفضها الزواج منه بعد  ان أغدق عليها الأموال .. والمتهم مازال في السجن هو و حارسه رغم انهما لم يحكم عليهما بالاعدام . 

  ( صبري  نخنوخ ) هو أشهر بلطجي محترف في مصر كون ثروة طائلة من بلطجته و الغريب ان الكل كان يعلم بطبيعة مهنته  ومصدر ثروته وله أصدقاء من رجال الاعمال و الفنانين والكل  يتعامل معاه و يحترمه  ويستخدمه وقت الحاجة .
  
 هذه  الأوضاع الغرببة الشاذة للأسف أصبحت عادية و مُسلّم بها .. مع انها أحد مظاهر الفساد التي يجب القضاء عليه . فمتى  ستصبح مصر خالية من البلطجية ؟ وهل فرض قانون يمنع توظيف ( البودي جاردز ) ممكن يحل المشكلة ؟ و لماذا لا يُعاقب كل من يحمل سلاحا  ولو كان هذا السلاح مطوة او حتى عصا ؟  
 أخشى ان تكون البلطجة في مصر أسلوب حياة .

 

شارك هذه المشاركه


رابط المشاركه
شارك

حضرتك بتخشي ان تكون البلطجة اسلوب حياة !!!!!

انا اسف اكيد حضرتك مش عايشة ف مصر او مش بتشوفيها ف التليفزيون 

 

عموما ابقي قابليني لو أسامة النجار مالك الكافيه حد جرح له صباع

وشوفي تعر....ص احمد موسى ازاي كان بيحاول ينسف القضية عن طريق انه يعمل شيوع ف قتل

استاذتي الفاضلة اللي قتل مجدي مكين طلع بكفالة .....

الخير طايل الكل مسيحي ومسلم

وان شاء الله الافاضل اللي بيطبلوا هنا لما الدور يجي عليهم ساعتها هيحسوا بدولة القانون

 

كل سنة واحنا ف البلطجة عايشين

شارك هذه المشاركه


رابط المشاركه
شارك
15 ساعات مضت, herohero said:

عموما ابقي قابليني لو أسامة النجار مالك الكافيه حد جرح له صباع

ليه بقى على راسه ريشة ؟ دي الكافيهات اللي جنبه اتجاب عاليها واطيها امبارح وكانوا بيعيطوا للابراشي في برنامجه  .. امال هو هيحصل فيه ايه .. اصبر بس شوية هنشوف 

15 ساعات مضت, herohero said:

وان شاء الله الافاضل اللي بيطبلوا هنا لما الدور يجي عليهم ساعتها هيحسوا بدولة القانون

ان شاء الله الدور ما يجيش على انسان بريىء .. وليه حضرتك بتسمي الدفاع عن النظام تطبيل ؟ ما احنا زي ما بنقول السلبيات بنقول الايجابيات ... ما ينفعش كلنا نبقى معارضة و كلنا يبقى لا عاجبنا العجب و لا صيام في رجب .. ما حضرتك عارف ان ارضاء الجميع غاية لا تدرك .

شارك هذه المشاركه


رابط المشاركه
شارك
1 minute ago, Grandma said:

ليه بقى على راسه ريشة ؟ دي الكافيهات اللي جنبه اتجاب عاليها واطيها امبارح وكانوا بيعيطوا للابراشي في برنامجه  .. امال هو هيحصل فيه ايه .. اصبر بس شوية هنشوف 

ان شاء الله الدور ما يجيش على انسان بريىء .. وليه حضرتك بتسمي الدفاع عن النظام تطبيل ؟ ما احنا زي ما بنقول السلبيات بنقول الايجابيات ... ما ينفعش كلنا نبقى معارضة و كلنا يبقى لا عاجبنا العجب و لا صيام في رجب .. ما حضرتك عارف ان ارضاء الجميع غاية لا تدرك .

حضرتك التطبيل هو ان الحاجه لو كانت من شخص اخر تبقى جميلة وحلوة مادام ع الكيف وانا شايف ان لفظ التطبيل اشيك من لفظ اخر غير لائق أدبيا هنا 

موضوع الكافيهات وازالتها شئ جميل بس الاجمل لو كانت من الاول مااتعملتش لان حرام الرشاوي اللي اتدفعت تروح ع الفاضي وتكسير وتخريب كان من الاول 

لكن زي ما بقول لحضرتك لان الموضوع اصبح راي عام كان الفعل قوي 

القصه مالهاش دعوة بالارضاء القصة بسيطة 

دولة عدل وقانون 

شارك هذه المشاركه


رابط المشاركه
شارك

الراجل اللي اسمه أسامة النجار صاحب الكافيه دا شيخ منصر . 

واحدة  اتصلت النهارة من الامارات بالابراشي وقالت انه نصب عليها واخد منها خمسة مليون دولار وسبعة مليون جنيه على اساس تشاركه في اوتيلات ومطاعم .. لكنه اخد الفلوس وعملها منع هي وعيلتها من دخول مصر ومن يومها مش عارفة تطول فلوسها وقالت انه كان شحات قبل ما يعرفها .

لسه يا ما هنسمع حكايات عنه .

شارك هذه المشاركه


رابط المشاركه
شارك
7 hours ago, Grandma said:

الراجل اللي اسمه أسامة النجار صاحب الكافيه دا شيخ منصر . 

واحدة  اتصلت النهارة من الامارات بالابراشي وقالت انه نصب عليها واخد منها خمسة مليون دولار وسبعة مليون جنيه على اساس تشاركه في اوتيلات ومطاعم .. لكنه اخد الفلوس وعملها منع هي وعيلتها من دخول مصر ومن يومها مش عارفة تطول فلوسها وقالت انه كان شحات قبل ما يعرفها .

لسه يا ما هنسمع حكايات عنه .

اتمنى لك استماع ومشاهده ممتعة

ولما ياخد جزائه ابقى عرفيني 

http://www.tahrirnews.com/posts/662632/أخبار-مصر-مصر-الجديدة-عبد-الفتاح-السيسي

شارك هذه المشاركه


رابط المشاركه
شارك
4 ساعات مضت, herohero said:

اتمنى لك استماع ومشاهده ممتعة

لا ما انا عارفة المعلومات اللي في اللينك لانها نزلت في مواقع كتير .. وعارفة كمان انه أسس _ للمفارقة المضحكة _ حاجة اسمها ( مواطنون ضد الارهاب )  راجل حويط  يعرف من أين تؤكل الكتف .. لكن الجديد _ ولو اني خمنته _  ان ثروته طلعت من النصب زي رجال أعمال كتير .. يعني بلطجي كبير و الكبير بيطلع في الغالب زي الشعرة من العجين خصوصا بقى لو وكل محامي زي فريد الديب .

شارك هذه المشاركه


رابط المشاركه
شارك
6 minutes ago, Grandma said:

لا ما انا عارفة المعلومات اللي في اللينك لانها نزلت في مواقع كتير .. وعارفة كمان انه أسس _ للمفارقة المضحكة _ حاجة اسمها ( مواطنون ضد الارهاب )  راجل حويط  يعرف من أين تؤكل الكتف .. لكن الجديد _ ولو اني خمنته _  ان ثروته طلعت من النصب زي رجال أعمال كتير .. يعني بلطجي كبير و الكبير بيطلع في الغالب زي الشعرة من العجين خصوصا بقى لو وكل محامي زي فريد الديب .

يمكن حضرتك عيشتي بره مصر لفترة فنسيتي الواقع اللي حصل ف الثمانينات 

حضرتك اللي معتبراه مفارقة مضحكة هو شئ اساسي من اساسيات البيزنس وانا الحمد لله تريبت بعيدا ولكن لما رجعت وعيشت فترة ف ارض الوطن شوفت كل صور الفساد ده وتاكدت ان مفيش امل لان الفساد عندنا مقنن وده شئ نمتاز به عن كثيرين حضرتك احنا عندنا ادارة فساد

فاحب اطمنك ان حضرتك غيرآمنة  ع نفسك او اولادك او احفادك وتجنبي الصدام مع اي حد من اصحاب النفوذ واللي بقوا كثير اوي

وان شاء الله في انتظار المزيد من الانتهاكات

بالمناسبة لسه واحد مضروب برده عشان ركن ادام محل !!!!

 

 

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • بصــدق‏..‏ البلطجة الأمريكية في المشهد العربي‏

      http://www.ahram.org.eg/NewsQ/229342.aspx عبد الناصر سلامة تاريخ طويل من التخاذل العربي في مواجهة البلطجة الأمريكية‏,‏ لا لشيء إلا لأننا كنا دائما أمام أنظمة دكتاتورية‏,‏ وهشة في الوقت نفسه‏,‏كانت تعتبر نفسها بمنأي عن الضرر ما دام لم يقع عليها بصورة مباشرة‏,‏ علي الرغم من أن هذه المواقف كانت خصما واضحا من رصيدها لدي الشعوب التي كانت تقف في واد‏,‏ وقياداتها السياسية في واد آخر‏,‏ علي اعتبار أن السلطة تستمد قوتها أولا وأخيرا من المارد الأمريكي‏,‏ ومن ثم فإن الشعوب‏,‏ التي لا حول لها ولا قوة‏,‏ ي

      في مختارات من الصحف

    • عندما تأتي البلطجة من النائب العام ..

      تابعنا على مدار الأيام الماضية الضجة التي صاحبت الحكم القضائي الخاص ببطلان تعيين طلعت عبد الله نائبا عاما للبلاد .. الحكم الذي أصدره المستشار الشجاع جاب الله محمد جاب الله والقاضي ببطلان تعيين طلعت عبد الله نائبا عاما وبالتالي بطلان كل ما صدر ويصدر وسيصدر عنه من قرارات لو استمر في موقعه .. كان يجب تنفيذ الحكم فورا استجابة لقرار المحكمة وإخراج عبد الله من مكتب النائب العام ثم محاولة البحث عن حل لإشكالية القرارات الباطلة التي أصدرها النائب الباطل طلعت .. لكن بدلا من هذا وجدنا النائب العام بكل ص

      في سياسة داخلية

    • فيديو: البلطجة النسائية

      تحقيق تليفزيوني جديد حوار داخل عالم البلطجة ولكنها البلطجة النسائية http://www.youtube.com/watch?v=oZqFKaj5v_U&sns=fb

      في محاربة الفساد

    • نشرة أخبار أعمال البلطجة في مصر

      لتوالي اعمال البلطجة في مصر بصورة شبه يومية قررت فتح موضوع مستقل لنشر جميع اخبار اعمال البلطجة حتي تكون وثيقة ارشيفية لتلك الاحداث بلطجية يحاولون اختطاف فتاة من محطة سكة حديد كوم حمادة بالبحيرة ايمن فاروق 10-6-2011 | 15:24 خط اصغر خط اكبر 3 عدد التعليقات 841 عدد القراءات صورة أرشيفية شهدت محطة قطارات السكة الحديد بمنطقة كوم حمادة بمحافظة البحيرة حادثاً مأساوياً وذلك عندما حاول 4 من البلطجية خطف فتاة من داخل المحطة وأثناء تصدى رجال الشرطة لهم هددوا بذبحها أمام المتواجدين وأحدث أحدهم

      في محاربة الفساد

    • هل تؤيد علانية عقوبات البلطجة في هذه الفترة بالذات ؟

      كلنا طبعاً شايفين وحاسين باللعبة القذرة لجهاز الشرطة اللي بيحاول يلوي دراعنا كلنا كشعب وهو لسان حاله بيقول " إشربوا بقى عشان تعرفوا قيمتنا وتعرفوا إننا أسيادكم وورونا الجيش هايعمل لكم إيه " وبالتالي الأغلبية منهم لم تعود إلى عملها واللي عاد بيؤدي عمله بمنتهى الإهمال واللامبالاه .. بل بالعكس ده بيعملوا مظاهرات ضد الوزارة لطلبات خاصة بهم وبمرتباتهم .... وأدينا شايفين كم حوادث غريبة وأنفلات أمني واضح ، وفي حالات كثيرة الشرطة بتبقى واقفه زي خيال المآته ولا تُحرك ساكناً والجيش هو اللي بيتدخل

      في موضوعات جادة

×
×
  • اضف...