اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

Recommended Posts

  • الردود 50
  • Created
  • اخر رد

Top Posters In This Topic

Top Posters In This Topic

Popular Posts

اليوم هو الذكرى السادسة لثورة ( الغضب ) الضاحكة  .. كل ثورة وانتم طيبين ..  فاكرين مطالب الثورة ياولاد   ( عيش ، حرية ، عدالة اجتماعية ) يا ترى قدرنا نحقق مطالبنا البسيطة دي ؟  ( العيش )  العيش أ

ثورة الشك كل سنة وانتى طيبة .... يا ست

مطالب الثورة دي كانت تعجيزية او غامضة..   نعم  ما علينا من العيش فالرغيف ناس تاخده بخمسة قروش وناس بتشتريه بجنيه....  والحمد لله على كل حال  انا بتكلم عن العدالة الاجتماعية..  المطلب اللي ما

2 ساعات مضت, herohero said:

كم كنت اتمنى ان يأتي جيمي عشان يحكمنا رئيس مدني فعلا 

يا دهوتي .. هو أي رئيس مدني كدا وخلاص .. حتى لو كان ابن مبارك 

طب ايه كان لازمتها الثورة بقى ؟ 

رابط المشاركه
شارك
26 دقائق مضت, أبو محمد said:

أيوه صح
حتى بالأمارة هم اتكعبلوا فيها وكانوا هيقعوا

يعني اما تتفاجىء ان امن الدولة بيسجل لكل الناس.. واسماء ناس مشهورة على السيديهات مش هيكون عندك حب استطلاع بيتسجل ايه ؟ 

واكيد كان بين الشباب النقي شباب مش نقي احتفظ بالتسجيلات لاستخدامها وقت الحاجة . 

 

رابط المشاركه
شارك
36 دقائق مضت, أبو محمد said:

بيعتمد على شكل راس الدبوس

آه .. بس شكل راس الدبوس بتحدد نوعية التفكير مش بتحدد هو بيفكر و لأ :razz:

36 دقائق مضت, أبو محمد said:

مامة "أمجد" ثورة .. و "أشرف" ثورة
وقريبة ونسيبة عائلات "أفعل" التفضيل

يعني اولاد شريفة و أولاد نزيهة..  وكدا 

واضح يا ابو محمد ان حضرتك اللي خطط للثورة المضادة 

 

رابط المشاركه
شارك

سيدنا الشعراوى يقول

الثائر الحق يثور ليهدم الفساد ثم يهدأ ليبني الأمجاد

فهل هؤلاء بعد ما هدموا الفساد هدأوا ليبنوا الامجاد 

هؤلاء ما هدأوا إلا فى سجون الانقلاب او مطاردين و مطرودين

او مهددين بالفضيحه و التسريبات بعد ان ساهموا فى افشال الثوره 

 

 

 

 

 

 

 

 

 

 

 

 

 

 

 

رابط المشاركه
شارك
1 ساعه مضت, حمزه عباس said:

هؤلاء ما هدأوا إلا فى سجون الانقلاب

خلينا واقعيين يا استاذ : حمزة بعد السلام عليكم 

لم يبق أحد يذكر كلمة انقلاب ... وذكرها الان لا يقدم ولا يؤخر

العالم كله يتعامل مع السيسي كرئيس شرعي منتخب 

نظرة العالم للسيسي والإخوان تسير في صالح السيسي وفي غير صالح الإخوان

ولأول مرة لا تكون هناك دعوات للتظاهر في 25 ينايروعدي اليوم بدون متظاهرين لا ثورجية ولا إخوان لأن الحنفية الأمريكية اتقفلت

يعني الحكاية انتهت ولابد من التعامل مع الواقع بواقعية 

مفيش انقلاب .... وعلى رأي القلة القليلة فيه انقلاب .... وحتى على هذا الرأي فإنه انقلاب ناجح 

 

رابط المشاركه
شارك
6 ساعات مضت, حمزه عباس said:

على كل حال 

 

لو أمطرت السماء حريه و كرامه  ... لرفع العبيد مظلاتهم

فيه مقولة لابراهيم عيسى في رواية ( مولانا ) بتقول : 

(( علشان يبقى فيه سُلطة لازم يكون فيه عبيد ))

السلطة دي تكون  مدنية / عسكرية / إخوان / عفاريت زرق  ... النتيجة واحدة 

علشان كدا الشعب مكبر دماغه دلوقتي.. زي ما بيقولوا ( العروسة للعريس .. و الجري للمتاعيس ) 

 

رابط المشاركه
شارك
On 1/26/2017 at 5:35 PM, Grandma said:

لأ ما حكمتش .. بس مش فاهمة مغزى السؤال .. لو كان قصد حضرتك ان أهداف الثورة لم تتحقق لان الثورة لم تحكم فأنا موافقة حضرتك .. لكن مش معنى كدا ان الثورة لو كانت حكمت كانت أكيد هتحقق أهدافها دا شئ في علم الغيب 

السؤال ليس له اي مغزي الا اقرار حقيقة ان الثورة او الفكر الثوري الراغب في التغيير لم يحكم فعلا 
المجلس العسكري هل حكم بفكر تغيير ؟؟ الاخوان لما جم اللي حكم كان عضو مجلس شعب سابق ايام الرئيس حسني مبارك 
وهكذا اصبحنا نجد الدكتور كمال الجنزوري !!! مستشارا ورئيسا للوزراء 
اذا ماهو التغيير ؟؟ مشكلة مصر ليست في الاشخاص مشكلتها في الافكار نحتاج لحل مشاكلنا فكر خارج الصندوق يأتي بانقلاب او ثورة او من السماء المهم افكار خارج الصندوق انما للاسف ربنا مش راضي علينا ومازلنا نتعامل بالافكار التقليدية اللي ثبت فشلها 

كل الأطراف غلط والا ما و صلنا لما نحن فيه .

ماله اللي وصلنا له ؟؟ الم يكن هو المطلوب اثباته ؟؟ تخوف الجيش من وصول جمال مبارك كان كابوس مرعب والجيش دعم 25 يناير حتى تكون ظاهريا ثورة او انتفاضة انما الحقيقة هو انقلاب ابيض والحمد لله نجح ورجع الامور لنصابها واتقرصت اذن الرئيس الاسبق حسني مبارك وكل سنة وانت طيبة لما يبقى عندنا رئيس مدني بخلفية مدنية زي اي دولة طبيعية في العالم بانتخابات وبرنامج انتخابي يحاسب عليه

مظبوط .. دا التطور الطبيعي للحاجة الساقعة .. ولازم نصبر 

لا للاسف لان الحاجه الساقعه بتتطور فعلا  احنا لم نتطور كتطور الحاجه الساقعة 

يعني لو شوفتي حاليا الرئيس السيسي هو الرئيس  الوحيد اللي مضى وقت طويل في الجيش ، يعني حكم مصر وهو برتبة مشير !!! فده تطور ممتاز جدا 

 

عموما ماحدث في 25 يناير شئ قبلناه او رفضناه هو انتفاضة ضد الظلم ،وكان في 18 يوم منظر الشباب المصري اللي اتهم كثيرا بالسلبية منظر مبهج ابهر العالم كله والكلام ده مش محض خيالات ده مسجل ومدون وهيجي اليوم اللي حضرتك او احفادك يعيشوا ف وطن يحترم رايهم ومايبقوش اقل من اي دولة حاكمها هو موظف برتبة رئيس جمهورية ليس اله منزل على الارض يسبحون بحمده 

 

On 1/26/2017 at 5:35 PM, Grandma said:

 

 

رابط المشاركه
شارك
On 1/26/2017 at 6:07 PM, Grandma said:

يعني اما تتفاجىء ان امن الدولة بيسجل لكل الناس.. واسماء ناس مشهورة على السيديهات مش هيكون عندك حب استطلاع بيتسجل ايه ؟ 

واكيد كان بين الشباب النقي شباب مش نقي احتفظ بالتسجيلات لاستخدامها وقت الحاجة . 

 

الجيش كان فين ؟؟؟ في لقطات فيديو العساكر واقفين بيتفرجوا ع حرق اقسام الشرطة ؟؟؟ ياساده اللعبة معروفة من اراد اسقطا الداخلية هو الجيش انتقاما منها لان قبل 2011 الشرطة كان لها اليد الطولى وده معروف وهي اللي كانت ساندة جمال مبارك في سيناريو التوريث اللي هو ضد رغبات الجيش طبعا

رابط المشاركه
شارك
On 1/27/2017 at 2:07 AM, Grandma said:

فيه مقولة لابراهيم عيسى في رواية ( مولانا ) بتقول : 

(( علشان يبقى فيه سُلطة لازم يكون فيه عبيد ))

السلطة دي تكون  مدنية / عسكرية / إخوان / عفاريت زرق  ... النتيجة واحدة 

علشان كدا الشعب مكبر دماغه دلوقتي.. زي ما بيقولوا ( العروسة للعريس .. و الجري للمتاعيس ) 

 

واخرة تكبير الدماغ ايه ؟؟؟

وبعدين هو احنا شعب مالوش مثيل يعني هو احنا اختراع ما العالم فيه دول كثيرة شعوبها بتعامل بآدمية وبقيمة كثير علينا 

ولا هو لازم دائما نعير بالفقر وحاكمنا كل شوية يفكرنا بظروفنا وفقرنا ماشوفناش ده في الدول اللي نهضت كانت بتعير باللقمة 

رابط المشاركه
شارك
On 1/26/2017 at 7:38 PM, حمزه عباس said:

نتيجة بحث الصور عن السيسي مع شباب الثوره

طبعا مش دول الثوار الاطهار الذين قصدتهم فى كلامى 

على كل حال 

 

لو أمطرت السماء حريه و كرامه  ... لرفع العبيد مظلاتهم 

الصورة ده جميلة جدااااااااااااا
وبتبين اد ايه ان نظامنا وقع نتيجه شوية شباب ؟؟؟
والاعجب ان رئيسنا الحالي واللي كان رئيس مخابرات كان بيقابلهم 

شغل تكتة وشغل روايات رجل المستحيل 

رابط المشاركه
شارك
On 1/26/2017 at 5:41 PM, Grandma said:

يا دهوتي .. هو أي رئيس مدني كدا وخلاص .. حتى لو كان ابن مبارك 

طب ايه كان لازمتها الثورة بقى ؟ 

ماهو لما يجي ابن مبارك واللي هو شخصية متعلمة في الخارج وفاهم بيزنس ارحم ما يجي ناس هواة !!!!
ناس طول عمرها في الحياة العسكرية وجاية عشان تشتغل في بيزنس !!!

من اللي يكسب بقى ؟؟؟

رابط المشاركه
شارك
On 1/27/2017 at 0:33 AM, tarek hassan said:

خلينا واقعيين يا استاذ : حمزة بعد السلام عليكم 

لم يبق أحد يذكر كلمة انقلاب ... وذكرها الان لا يقدم ولا يؤخر

العالم كله يتعامل مع السيسي كرئيس شرعي منتخب 

نظرة العالم للسيسي والإخوان تسير في صالح السيسي وفي غير صالح الإخوان

ولأول مرة لا تكون هناك دعوات للتظاهر في 25 ينايروعدي اليوم بدون متظاهرين لا ثورجية ولا إخوان لأن الحنفية الأمريكية اتقفلت

يعني الحكاية انتهت ولابد من التعامل مع الواقع بواقعية 

مفيش انقلاب .... وعلى رأي القلة القليلة فيه انقلاب .... وحتى على هذا الرأي فإنه انقلاب ناجح 

 

وهو اصلا الدعوات و11-11 وغيره من الفناكيش كان من اللي بيروج لها ؟؟

ياسيدي العزيز انقلاب او ثورة مش فارق ماتتعبش نفسك في اختلاف المسميات 

النتيجه واحده والعلم في الخارج بيسمي الامور بسمياتها 

وموضوع شرعية الرئيس السيسي  ده تم بذل الكثير للحصول عليها فلا تقلق 

خلينا في النتائج اللي ان شاء الله خير

 

رابط المشاركه
شارك

استاذ هيرو أُحيي حضرتك على إصرارك ومثابرتك في الدفاع عن آرائك 

و فيه سؤالين موجهين لمن يتهم  شباب الثورة بالخيانة  

_ هل كل الشباب اللي نزلوا في 25 يناير خاين او شمامين كُلة  ؟ 

الشباب اللي كان بيشتغل مع منظمات أجنبية هل كان يعلم ان بعض المعلومات كانت بُتستخدم ضد مصر ؟ والا انضحك  عليه ؟ ولا الجهات الاجنبية دي ما كانش هدفها اصلا التجسس على مصر ؟ 

 

 

رابط المشاركه
شارك
7 ساعات مضت, herohero said:

ماهو لما يجي ابن مبارك واللي هو شخصية متعلمة في الخارج وفاهم بيزنس ارحم ما يجي ناس هواة !!!!
ناس طول عمرها في الحياة العسكرية وجاية عشان تشتغل في بيزنس !!!

من اللي يكسب بقى ؟؟؟

اللي يكسب الناس اللي وراها الجيش 

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...