في ذكرى 25 يناير

[Grandma 643]

اليوم هو الذكرى السادسة لثورة ( الغضب ) الضاحكة  .. كل ثورة وانتم طيبين ..  فاكرين مطالب الثورة ياولاد   ( عيش ، حرية ، عدالة اجتماعية ) يا ترى قدرنا نحقق مطالبنا البسيطة دي ؟ 

( العيش )  العيش أصبح أغلى من قبل الثورة بس الحمد لله متوفر ومنغير طوابير  بس المقصود بالعيش مش الخبز فقط  ولا الطعام  وانما المعيشة كلها .. اللي الحمد لله  كلها أصبحت نااار 
طيب معليش بقى المطلب الاول لسه شوية على تحقيقه .. لما يتحسن وضعنا الاقتصادي ان شاء الله كله هيتظبط .

ندخل على المطلب التاني

( الحرية )..... احم احم 
الواحد حاسس انه زي ما يكون  طير في السما .. اتكلم براحتك منغير تسجيلات ولا تسريبات .. ادخل عالنت براحتك مافيش عليك رقابة ولا حاجة   ..  اكتب براحتك مافيش حد  هيزعل منك  ويبرّقلك عيونه .. انزل مظاهرات براحتك ماحدش هيقبض عليك ولا يفُض مظاهرتك .

( العدالة الاجتماعية ) بسبب الظروف الاقتصادية الاغنياء زادوا غنا و الفقراء زادوا فقر ..  بس الحمد لله الفاسدين والمرتشين  بيتقبض عليهم  .. لسه الوسايط شغالة والموظفين فاتحين الدرج وناس بتخلص معاملاتها قبل ناس حسب واساطتها .. لسه الشاي بالياسمين بيفتح العقول المتربسة ..  لسه التعليم بايظ و المستشفيات الحكومية بعافية والدوا شح . و المحافظين و المحليات نايمين .. والبرلمان بيمثل الحكومة مش الشعب .
 ومازال التمييز بين الرجل و المرأة .. المؤمن والكافر .. المسلم والمسيحي .. الشيعي والسني .. لكن الحقيقة دي مش مسئولية الدولة وانما دي ثقافتنا ومسؤليتنا احنا كشعب . 

_ الله يقطعكم ..امال ايه اللي اتغير ياولاد 
_خلعنا حسني مبارك 
_طيب هو ما كانش ممكن يمشي منك غير ثورة _ووجع راس 
_ايوه طبعا عاجلا ام آجلا كان هيمشي 
_ كان لزومه ايه بقى كل الخسائر ووجع الراس دا  ؟ 
_ شكلنا حلو واحنا عاملين ثورة 
_ طيب هل مازالت اهداف الثورة حاليا هي  _ ( العيش والحرية والعدالة الاجتماعية ) 
_ لأ بقى فيه اولوية 
_ اللي هي ايه ؟
_   محاربة الارهاب 
_ والارهاب دا جالنا منين يا ولاد  ؟
_ من اللي ركبوا الثورة وخطفوها وعاوزين الكرسي تاني 
_هو مين اللي خطف الثورة منكم يا ولاد  ؟ دول ولا دوكاهم ؟ 
_ ايه ؟ اسكتي بقى يا تيتة .. احنا مكملين

[أبو محمد 4,237]

ثورة الشك
كل سنة وانتى طيبة .... يا ست

[أبو محمد 4,237]

نحن لا نكذب .. ولكننا نتجمل
================
نسميها "يخت" ، أو نسميها "كارُّو"
نسميها "طيارة" ، أو نسميها "حلزونة"
كلنا عارفين ومعترفين إنها كانت مجرد "ركوبة" واتركبت

[tarek hassan 2,631]

مطالب الثورة دي كانت تعجيزية او غامضة..   نعم 

ما علينا من العيش فالرغيف ناس تاخده بخمسة قروش وناس بتشتريه بجنيه....  والحمد لله على كل حال 

انا بتكلم عن العدالة الاجتماعية..  المطلب اللي ماتقدرش تضبطه 

يعني هل ممكن باسمها نسوي بين الخفير والمدير وبين المؤهل وغير المؤهل... العدالة شيء نسبي وكل واحد ممكن يفسرها بطريقته وعمر ما الناس كلها هترضى.. لأن الناس متفاوتة في كل شيء وربنا اللي يبسط ويقدر... يعني يوسع ويضيق على الناس لحكمة

والحرية تفسيرها غامض..  ناس فسرتها أننا نهدم الدولة وناس فسرتها بالفوضى وناس قلعت ملابسها واتعرت وناس بتشتري راجل وناس بتشتم وتسب وتلعن ومالهمش كبير

اذا هناك مطالب العباد لا دخل لهم فيها 

وخطا كبير اننا نطلب حريتنا من أحد واحنا بحمد الله أحرار من قبل الثورة ومن بعدها....  وخاصة هنا في المحاورات

وأسأل الله أن يرزقني العيش وليس العباد 

[Grandma 643]

2 ساعات مضت, أبو محمد said:

ثورة الشك
كل سنة وانتى طيبة .... يا ست

و حضرتك طيب يا ابو محمد .. الشك ظاهرة صحية .. بيقولك ( شكوا تصحوا ) 

2 ساعات مضت, أبو محمد said:

كلنا عارفين ومعترفين إنها كانت مجرد "ركوبة" واتركبت

يبقى ندعي دعاء الركوب : {سُبْحانَ  الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ} 

[Grandma 643]

منذ ساعة, tarek hassan said:

مطالب الثورة دي كانت تعجيزية او غامضة..   نعم 

دايما الحاجات البسيطة بتبقى تعجيزية ( السهل الممتنع )

بس مش لدرجة غامضة 

 

منذ ساعة, tarek hassan said:

ما علينا من العيش فالرغيف ناس تاخده بخمسة قروش وناس تشتريه بجنيه....  والحمد لله على كل حال 

صحيح بس احنا اتفقنا اننا مش بنقصد الخبز فقط .. البنت اللي بتساعدني في البيت كل يوم تيجي تعيط تقولي السكر ب 12 جنيه والرز ب 10 و الزيت ب 15 .. و اللحمة مش بنشوفها الا في العيد .. اروح فين وآجي منين .. دا غير مصاريف المدرسة و الدروس ولا اذا حد من ولادي تعب .. اما بهديها واقولها أزمة وهتعدي بتبصلي باستنكار وكأني مش حاسة بيها  .. وتقولي امتى بس .

منذ ساعة, tarek hassan said:

انا بتكلم عن العدالة الاجتماعية..  المطلب اللي ماتقدرش تضبطه

يعني هل ممكن باسمها نسوي بين الخفير والمدير وبين المؤهل وغير المؤهل... العدالة شيء نسبي وكل واحد ممكن يفسرها بطريقته

 ماحدش قال نساوي الناس ببعضها لان ربنا نفسه جعلنا درجات .. لكن فيه اساسيات لازم المواطن يتعلم صح وفي مكان آدمي ويتعالج صح زيه زي الوزير .. و ابن الاستاذ الجامعي ما ياخدش مكان ابن الانسان البسيط في الجامعة .. والقاضي يركن عربيته في نفس المكان اللي بيركن فيه المواطن العادي .. وسائل المواصلات لازم تكون سهلة و نظيفة للكل .. الطوابير بالدور .. باختصار كل المظاهر الحضارية اللي بنشوفها في الغرب لو اتطبقت  عندنا هتتحقق العدالة الاجتماعية .

منذ ساعة, tarek hassan said:

وعمر ما الناس كلها هترضى.. لأن الناس متفاوتة وربنا اللي يبسط ويقدر... يعني يوسع ويضيق على الناس لحكمة

ارضاء الناس غاية لا تدرك دا حقيقي لكن لازم نحقق الحد الأدنى لحياة كريمة للمواطن 

منذ ساعة, tarek hassan said:

والحرية تفسيرها غامض..  ناس فسرتها أننا نهدم الدولة وناس فسرتها بالفوضى وناس قلعت  ملابسها واتعرت وناس بشتري راجل وناس بتشتم وتسب وتلعن ومالهمش كبير

الحرية معروفة .. انت حر حرية مطلقة ..  لكن حريتك تقف عند بداية أذية الغير 

يعني اللي بيثير الفوضى و اللي بيهدم الدولة و اللي بيشتم يتعاقب .. لكن مش اشتم بيني وبين اصدقائي على النت او في التليفون وحد يجي يسجلي ويقولي انتي شتمتي .. انت مالك بتتجسس ليه ؟ 

منذ ساعة, tarek hassan said:

انا مش منتظر حد يمنحني الحرية

الحرية لا تُمنح ..ربنا وهبنا الحرية  

منذ ساعة, tarek hassan said:

وأسأل الله أن يرزقني وليس العباد

 آمين يارب 

[أبو محمد 4,237]

5 ساعات مضت, Grandma said:

و حضرتك طيب يا ابو محمد .. الشك ظاهرة صحية .. بيقولك ( شكوا تصحوا ) 

أنا أشك
إذن أنا دبوس

[أبو محمد 4,237]

5 ساعات مضت, Grandma said:

يعني اللي بيثير الفوضى و اللي بيهدم الدولة و اللي بيشتم يتعاقب .. لكن مش اشتم بيني وبين اصدقائي على النت او في التليفون وحد يجي يسجلي ويقولي انتي شتمتي .. انت مالك بتتجسس ليه ؟ 

الثائر الحق .. هو الذى يثور ليسرق الملفات
ثم يعيط لما تتذاع التسجيلات

[أبو محمد 4,237]

6 ساعات مضت, tarek hassan said:

انا بتكلم عن العدالة الاجتماعية..  المطلب اللي ماتقدرش تضبطه 

يعني هل ممكن باسمها نسوي بين الخفير والمدير وبين المؤهل وغير المؤهل... العدالة شيء نسبي وكل واحد ممكن يفسرها بطريقته وعمر ما الناس كلها هترضى.. لأن الناس متفاوتة في كل شيء وربنا اللي يبسط ويقدر... يعني يوسع ويضيق على الناس لحكمة

 

5 ساعات مضت, Grandma said:

 ماحدش قال نساوي الناس ببعضها لان ربنا نفسه جعلنا درجات

كلام جميل .. كلام معقول .. ما اقدرش اقول حاجة عنه
المساواة شئ .. والعدل شئ آخر
اشتراكية الستينات قامت على إعادة توزيع الثروة
ولم تقم على عدالة توزيع الثروة
فظهر نمط للموظفين والعمال ما زال ساريا فى الحكومة والقطاع العام
نمط "إشتغلنا ما اشتغلنا .. سيدى الميرغنى يوكلنا"

فلننظر إلى توزيع المكعبات فى الصورتين
فى الصورة الأولى "المساواة فى التوزيع"
فى الصورة الثانية "العدالة فى التوزيع"

[herohero 669]

20 hours ago, Grandma said:

اليوم هو الذكرى السادسة لثورة ( الغضب ) الضاحكة  .. كل ثورة وانتم طيبين ..  فاكرين مطالب الثورة ياولاد   ( عيش ، حرية ، عدالة اجتماعية ) يا ترى قدرنا نحقق مطالبنا البسيطة دي ؟ 

( العيش )  العيش أصبح أغلى من قبل الثورة بس الحمد لله متوفر ومنغير طوابير  بس المقصود بالعيش مش الخبز فقط  ولا الطعام  وانما المعيشة كلها .. اللي الحمد لله  كلها أصبحت نااار 
طيب معليش بقى المطلب الاول لسه شوية على تحقيقه .. لما يتحسن وضعنا الاقتصادي ان شاء الله كله هيتظبط .

ندخل على المطلب التاني

( الحرية )..... احم احم 
الواحد حاسس انه زي ما يكون  طير في السما .. اتكلم براحتك منغير تسجيلات ولا تسريبات .. ادخل عالنت براحتك مافيش عليك رقابة ولا حاجة   ..  اكتب براحتك مافيش حد  هيزعل منك  ويبرّقلك عيونه .. انزل مظاهرات براحتك ماحدش هيقبض عليك ولا يفُض مظاهرتك .

( العدالة الاجتماعية ) بسبب الظروف الاقتصادية الاغنياء زادوا غنا و الفقراء زادوا فقر ..  بس الحمد لله الفاسدين والمرتشين  بيتقبض عليهم  .. لسه الوسايط شغالة والموظفين فاتحين الدرج وناس بتخلص معاملاتها قبل ناس حسب واساطتها .. لسه الشاي بالياسمين بيفتح العقول المتربسة ..  لسه التعليم بايظ و المستشفيات الحكومية بعافية والدوا شح . و المحافظين و المحليات نايمين .. والبرلمان بيمثل الحكومة مش الشعب .
 ومازال التمييز بين الرجل و المرأة .. المؤمن والكافر .. المسلم والمسيحي .. الشيعي والسني .. لكن الحقيقة دي مش مسئولية الدولة وانما دي ثقافتنا ومسؤليتنا احنا كشعب . 

_ الله يقطعكم ..امال ايه اللي اتغير ياولاد 
_خلعنا حسني مبارك 
_طيب هو ما كانش ممكن يمشي منك غير ثورة _ووجع راس 
_ايوه طبعا عاجلا ام آجلا كان هيمشي 
_ كان لزومه ايه بقى كل الخسائر ووجع الراس دا  ؟ 
_ شكلنا حلو واحنا عاملين ثورة 
_ طيب هل مازالت اهداف الثورة حاليا هي  _ ( العيش والحرية والعدالة الاجتماعية ) 
_ لأ بقى فيه اولوية 
_ اللي هي ايه ؟
_   محاربة الارهاب 
_ والارهاب دا جالنا منين يا ولاد  ؟
_ من اللي ركبوا الثورة وخطفوها وعاوزين الكرسي تاني 
_هو مين اللي خطف الثورة منكم يا ولاد  ؟ دول ولا دوكاهم ؟ 
_ ايه ؟ اسكتي بقى يا تيتة .. احنا مكملين

هي الثورة حكمت ؟؟؟

من اللي كان بيحكم ؟؟؟

عموما اهي حصلت واللي كان كان وفات 6 سنوات ،والايام هتثبت مع الوقت من الصح ومن الغلط ،وممكن يكون كل الاطراف صح بس الاسلوب غلط ،لكن لاننكر ان اللي حصل ظاهرة صحية د

 

 

تم تعديل January 26, 2017 بواسطة herohero

[herohero 669]

17 hours ago, tarek hassan said:

مطالب الثورة دي كانت تعجيزية او غامضة..   نعم 

ما علينا من العيش فالرغيف ناس تاخده بخمسة قروش وناس بتشتريه بجنيه....  والحمد لله على كل حال 

انا بتكلم عن العدالة الاجتماعية..  المطلب اللي ماتقدرش تضبطه 

يعني هل ممكن باسمها نسوي بين الخفير والمدير وبين المؤهل وغير المؤهل... العدالة شيء نسبي وكل واحد ممكن يفسرها بطريقته وعمر ما الناس كلها هترضى.. لأن الناس متفاوتة في كل شيء وربنا اللي يبسط ويقدر... يعني يوسع ويضيق على الناس لحكمة

والحرية تفسيرها غامض..  ناس فسرتها أننا نهدم الدولة وناس فسرتها بالفوضى وناس قلعت ملابسها واتعرت وناس بتشتري راجل وناس بتشتم وتسب وتلعن ومالهمش كبير

اذا هناك مطالب العباد لا دخل لهم فيها 

وخطا كبير اننا نطلب حريتنا من أحد واحنا بحمد الله أحرار من قبل الثورة ومن بعدها....  وخاصة هنا في المحاورات

وأسأل الله أن يرزقني العيش وليس العباد 

وثورة 1952 !!!

ايه وضعها مش وقتها كانت تعجيزية ولما نيجي دلوقت نشوف الواقع ممكن جدا نقول ان ماحدث في 1952 انتكاسة وخسرنا كثير 

لو هنقارن ونقول مثلا ان مصر كانت بتداين بريطانيا وغيره وغيره من الكلام اللي بيعبر عن ان الفترة الملكية كانت وردي 

[حمزه عباس 14]

الحريه .. العداله الاجتماعيه .. الكرامه 

مفردات  يعرف معناها الذين خرجوا من اجلها على نظام فاسد فاشى فاشل يحكم مصر من 1952

نظام مبارك الحرامى رسمى بحكم محكمه لم يكن سوى حلقه فى منظومه الحكم الفاسد الفاشل فى مصر  

يبدو ان البعض اصابته عدوى ذاكره السمك سريع النسيان  او خرف السنين 

هل نسيتم سريعا كيف كان حال مصر بنهايه 2010 .. بماذا نذكركم 

بالفشل على كل المستويات و الانهيار على يد الحرامى مبارك و نظامه .. هل نسيتم حقا

ام انكم فى سبيل دعم النظام الحالى الذى جعل البعض ..و يا للعجب .. يترحم على ايام مبارك

ربما لشده الانهيار و الفشل الذى نراه و نعيشه حاليا 

مغيبو احمد سعيد يا من تعودتم على حشيش الناصريه بدايه من الظافر و القاهر وصولا 

الى جيشنا الموجود على اعتاب تل ابيب ففوجئتم بجنودنا المساكين يعودون حفاه عراه 

من مهلكه 67 بشكل مذل غير مسبوق فى تاريخ العسكريه المصريه 

و بدلا من ان تثوروا و تكونوا كالبنى ادمين الحقيقيين ذهبتم للمجرم تقولون له .. لا تتنحى 

ثم انتم الأن فى اواخر ايامك لا تستحوون ان تكرروا إجرامكم مع شباب طاهر نقى رغم انوفكم

التى صارت لا تتنفس إلا حشيش الناصريه الارداء على الإطلاق 

الأن تتهكمون و تسبون شباب طاهر عرف و ذاق معنى كلمه ..كرامه إنسانيه .. لا لشئ إلا أنه 

اراد لكم ان تذوقوها حقيقه و تفيقوا من ذل العبوديه  .

25 يناير يا ساده ثوره حقيقيه رغم انوفكم جميعا 

ثوره خرج فيها شباب طاهر نقى ضد ظلم نظام فاسد فاشي اراد الحريه و الكرامه للجميع 

و لكن للاسف تآمر عليه و على الثوره مدمنو العبوديه و اصحاب المصالح فى الداخل و الخارج و كسبوا  الجوله 

و لكن لم تنته  .. ثقوا تماما  .. اعدكم بهذا 

[herohero 669]

45 minutes ago, حمزه عباس said:

الحريه .. العداله الاجتماعيه .. الكرامه 

مفردات  يعرف معناها الذين خرجوا من اجلها على نظام فاسد فاشى فاشل يحكم مصر من 1952

نظام مبارك الحرامى رسمى بحكم محكمه لم يكن سوى حلقه فى منظومه الحكم الفاسد الفاشل فى مصر  

يبدو ان البعض اصابته عدوى ذاكره السمك سريع النسيان  او خرف السنين 

هل نسيتم سريعا كيف كان حال مصر بنهايه 2010 .. بماذا نذكركم 

بالفشل على كل المستويات و الانهيار على يد الحرامى مبارك و نظامه .. هل نسيتم حقا

ام انكم فى سبيل دعم النظام الحالى الذى جعل البعض ..و يا للعجب .. يترحم على ايام مبارك

ربما لشده الانهيار و الفشل الذى نراه و نعيشه حاليا 

مغيبو احمد سعيد يا من تعودتم على حشيش الناصريه بدايه من الظافر و القاهر وصولا 

الى جيشنا الموجود على اعتاب تل ابيب ففوجئتم بجنودنا المساكين يعودون حفاه عراه 

من مهلكه 67 بشكل مذل غير مسبوق فى تاريخ العسكريه المصريه 

و بدلا من ان تثوروا و تكونوا كالبنى ادمين الحقيقيين ذهبتم للمجرم تقولون له .. لا تتنحى 

ثم انتم الأن فى اواخر ايامك لا تستحوون ان تكرروا إجرامكم مع شباب طاهر نقى رغم انوفكم

التى صارت لا تتنفس إلا حشيش الناصريه الارداء على الإطلاق 

الأن تتهكمون و تسبون شباب طاهر عرف و ذاق معنى كلمه ..كرامه إنسانيه .. لا لشئ إلا أنه 

اراد لكم ان تذوقوها حقيقه و تفيقوا من ذل العبوديه  .

25 يناير يا ساده ثوره حقيقيه رغم انوفكم جميعا 

ثوره خرج فيها شباب طاهر نقى ضد ظلم نظام فاسد فاشي اراد الحريه و الكرامه للجميع 

و لكن للاسف تآمر عليه و على الثوره مدمنو العبوديه و اصحاب المصالح فى الداخل و الخارج و كسبوا  الجوله 

و لكن لم تنته  .. ثقوا تماما  .. اعدكم بهذا 

هتزعل الناس منك 

مع ان المفروض ان من يسبحون بحمد النظام الحالي ،يعلموا انه لولا ثورة 25 يناير ماكان جاء النظام الحالي وان من ع راس النظام الحالي كان زمانه شوية وهيقعد في الحديقة يتشمس او اقصى شئ يكون سفير في دولة يلم له قرشين 
وكان زمان جيمي هو الرئيس -كم كنت اتمنى ان يأتي جيمي عشان يحكمنا رئيس مدني فعلا 

[herohero 669]

لحظة تاريخية نادرة عاشتها مصر قبل ست سنوات، وآمال كبيرة بتحول ديمقراطي وعدالة اجتماعية
 

البذور ستنبت قريبا 

 

 

 

تم تعديل January 26, 2017 بواسطة herohero

[أبو محمد 4,237]

وسيظل "الجمل سفينة الصحراء"
 

[أبو محمد 4,237]

14 ساعات مضت, أبو محمد said:

الثائر الحق .. هو الذى يثور ليسرق الملفات
ثم يعيط لما تتذاع التسجيلات

أهو .. دبدوب مكلضم
كان بيدور على زمايله ولاد مجيدة فى الميدان
أتاريهم كانوا بيتفرجوا على ماتش مصر وغانا

[أبو محمد 4,237]

[Grandma 643]

15 ساعات مضت, أبو محمد said:

أنا أشك
إذن أنا دبوس

 دبوس بيفكر 

15 ساعات مضت, أبو محمد said:

الثائر الحق .. هو الذى يثور ليسرق الملفات
ثم يعيط لما تتذاع التسجيلات

لم يكن هدف الثوار سرقة الملفات .. هي وقعت في ايديهم نتيجة الفوضى .. خصوصا الكلبوظ مصطفى النجار .. أحسبه من الشباب الأنقياء 

 

15 ساعات مضت, أبو محمد said:

المساواة شئ .. والعدل شئ آخر
اشتراكية الستينات قامت على إعادة توزيع الثروة
ولم تقم على عدالة توزيع الثروة
فظهر نمط للموظفين والعمال ما زال ساريا فى الحكومة والقطاع العام

طيب مش عاوزين مساواة الستينات ياريت بقى حد يحققلنا عدالة الألفية الواحد وعشرين .. خلينا نجرب مساؤها هي كمان .

ومين مجيدة دي ؟ 

[أبو محمد 4,237]

3 دقائق مضت, Grandma said:

لم يكن هدف الثوار سرقة الملفات .. هي وقعت في ايديهم نتيجة الفوضى

أيوه صح
حتى بالأمارة هم اتكعبلوا فيها وكانوا هيقعوا

[Grandma 643]

3 ساعات مضت, herohero said:

هي الثورة حكمت ؟؟؟

لأ ما حكمتش .. بس مش فاهمة مغزى السؤال .. لو كان قصد حضرتك ان أهداف الثورة لم تتحقق لان الثورة لم تحكم فأنا موافقة حضرتك .. لكن مش معنى كدا ان الثورة لو كانت حكمت كانت أكيد هتحقق أهدافها دا شئ في علم الغيب 

3 ساعات مضت, herohero said:

وممكن يكون كل الاطراف صح بس الاسلوب غلط

كل الأطراف غلط والا ما و صلنا لما نحن فيه .

3 ساعات مضت, herohero said:

لكن لاننكر ان اللي حصل ظاهرة صحية

مظبوط .. دا التطور الطبيعي للحاجة الساقعة .. ولازم نصبر