اذهب إلى المحتوى
محاورات المصريين

الزواج من بنت اكبر منك


Emad Hosny

Recommended Posts

في بنت صاحبة اختي اكبر مني باربع سنوات هي جميلة وشكلها ما يبانش انها اكبر مني بس اللى عاجبنى فيها اخلاقها عمري ما شوفت فى اخلاقها بصراحة
هيبقى فى مشاكل بخصوص السن ده ولا التفاهم و الحب هيحلوا اي مشكلة ممكن تحصل مستقبلا

رابط هذا التعليق
شارك

9 minutes ago, Emad Hosny said:

في بنت صاحبة اختي اكبر مني باربع سنوات هي جميلة وشكلها ما يبانش انها اكبر مني بس اللى عاجبنى فيها اخلاقها عمري ما شوفت فى اخلاقها بصراحة
هيبقى فى مشاكل بخصوص السن ده ولا التفاهم و الحب هيحلوا اي مشكلة ممكن تحصل مستقبلا

حضرتك مصري وفي مصر يبقى اكيد في مشاكل هتحصل ومن غير الخوض ف الاسباب 

ده عرف المجتمع المصري اللذيذ فماتتعبش نفسك وربنا يكرمها ويكرمك

رابط هذا التعليق
شارك

3 دقائق مضت, herohero said:

حضرتك مصري وفي مصر يبقى اكيد في مشاكل هتحصل ومن غير الخوض ف الاسباب 

ده عرف المجتمع المصري اللذيذ فماتتعبش نفسك وربنا يكرمها ويكرمك

هو الوضع مختلف شويه لانها يتيمة بمعني ان مش هيكون ليها حد غيري فموضوع الاهل وانهم يرفضوا وكده مش موجودة وبالنسبة لاهلي مش معارضين علشان عارفين اخلاقها وادبها 
حضرتك شايف ايه .؟

رابط هذا التعليق
شارك

زواج الرسول صلى الله عليه وسلم الأول ( 25 سنة ) من أم المؤمنين خديجة ( 40 سنة ) لم يكن فاشلا 

ما ترتاح إليه يا أخي وإن أفتوك الناس وأفتوك شريطة ألا تظلمها في يوم من الأيام وتعتبر نفسك غلطت 

توكل على الله فهي نعمة أدب وأخلاق  وهتصونك ومن غير حما ...

. ربنا يبارك لك وحظك حلو إن شاء الله

عمر ما السن ما كان مشكلة 

شفت زواج دام طول العمر والست أكبر .... وزواج لم يستمر والزوجة أصغر 

المهم المقاييس اللي أنت حددتها للزواج 

تاني توكل على الله .... بس أمانة عليك مالهاش غيرك كن لها الزوج والأب والأم طول العمر أحبتتها أم كرهتها 

وعسى إن ربنا يرزقك منها الذرية الصالحة أنت متعرفش الخير فين ومنين يمكن منها يكون خيرا كثيرا 

ربنا يكرمك ويكرمها إن شاء الله 

 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

في رحلة عمري شاهدت كثيرا من الزيجات السعيدة التي تكبر فيها الزوجات عن أزواجهن ، و في السياق نفسه  ربما رأيت زيجات قليلة غير سعيدة لأن الفارق لأن الرجل الطاعن في السن  تزوج من هي في سن حفيداته.

لا أرى أنه من الصواب أن نقيس على عصر غير عصرنا و مجتمعات غير مجتمعنا  مع كل التفديس للنبي عليه الصلاة و السلام.

مواطنين لا متفرجين


رابط هذا التعليق
شارك

تحياتي:

 المشكلة ليست في السن .اذا كانا ذا فكر واحد ورؤية واحدة كذلك  وتأكد انك  مطمئن انك بعد سنوات لن تذكر هذا الفارق أمامها ..ليه لا!!!

   وعن تجربة أقل لك انه ممكن يكون زواجا سعيدا جدا؛ ابني كان شابا لم يصل عمره إلى .اربع وعشرون عاما فقط..جاء واخبرني انه احب فتاة وليست مصرية وتكبره بسنوات اكثر مما قلت .وساعتها عفاريت الدنيا رقصت أمام عيني. ازاي..اول فرحة لي ..طيب وبعدين واصريت للأسف وبالتالى زوجي أخذ نفس الموقف وقلنا شباب وسيرجع.لكنه تزوجها ولم يطلب مليما واحدا مني.

  لم تمر نصف السنة وتحادثنا على مضض..لكن اقسم انها كانت نعمة الزوجة له ونعمة الكنة لي. حياتهما كلها حب واحترام .احببتها وهي لم تغضب لأني كنت رافضاها .وهم الآن عندهم شاب زي القمر في الثاني الثانوي وبنتين قمر ..واعترف انه أبر أبنائي بي ..مرة سقطت على الارض وعجزت عن الوقوف بمفردي. كان تاني يوم عندي ولم يصدق انني اصبحت سليمة .( هو مقيم بالامارات )

 استفت قلبك وضع كل الاحتمالات أمام عينيك وأعرفها جيدا .وبعدها توكل على الله. وتحياتي لك.

 

                   سومة

رابط هذا التعليق
شارك

لاء 

متتجوزهاش طبعا

نفرض انك اتجوزتها وصديقك من نفس عمرك اتجوز واحدة اصغر منه ب 5 سنين واتقابلتو فى اى مناسبة .. هتلاحظ ان فارق العمر بين زوجتك وزوجه صديقك 9 سنين مع ان صديقك نفس عمرك 

بعد وقت انت هتلاحظ الفرق وهتندم .. متقليش حب وجواز واطفال بينا وقصص .. اللى بحكهولك داه هو الواقع .

وماستهونوش بالعمر لانه مهم بالنسبة للرجل الشرقى واسرته واسرتها هى كمان ... تكافؤء العمر والتعليم والعاءلة واللغه والدين و حتى المظهر الخارجى المرتب والشكل نوع من التكافوء 

بلاها دى جوازة هتندم .. وحاول تتعرف فى محيط الاسرة على واحدة من نفس عمرك .. 

 

تم تعديل بواسطة اغابي

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

التكافوء هو أساس الزواج الناجح 

و لكن لكل قاعدة استثناء

اتمنى أن تكون حضرتك من الاستثناءات 

و عموما لو ما اتجوزتش خالص هتكون أسعد :thumbupwink:

خير الكلام ما قل ودل وإتكتب بالمصري الفصيح

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...