اذهب إلى المحتوى
محاورات المصريين

الغلاء و الفساد


Grandma

Recommended Posts

الأسعار نار نار نار ... نار يا حبيبي نار ... كل يوم في ارتفاع بلا رقيب ولا حسيب 
و الحجة إيه ؟ تعويم الجنيه و ارتفاع سعر الدولار وكأن كل  حاجة بنشتريها مستوردة 
 ما حدش عاوز يعترف انه فاسد وطماع وغشاش سواء كان صانع أو تاجر .. اما الحكومة فعاملة ودن من طين وودن من عجين   
 المشكلة  اللي أبشع من الغلاء هي ( الغش التجاري ) يعني احنا أغلب الوقت  بندفع فلوس  في بضاعة إما فاسدة او مغشوشة  او غير صحية ،الخضار و الفاكهة على سبيل المثال مرميين عالارصفة في أسواق او شوارع  قذرة  معرضين للاتربة وعوادم السيارات و دبان وهوام لا حصر لها ... العيش بيتخبز في افران قديمة ومتهالكة والدقيق بيتخزن في مخازن بتلعب فيها الفئران وبيتوزع  في ظروف تشبه ظروف الخضار و الفاكهة .. السكر والعدس و الزيت أساسيات بالنسبة للفقراء ومع ذلك أسعارهم أصبحت فلكية ...  اللحوم و السمك والدواجن دول لعلية القوم في مصر ما يصحش المواطن الغلبان يبص على السلع الاستفزازية دي احسن يطق يموت بعد ان اصبح كيلو البتلو ب 210 جنيه و الضاني ب 185 جنيه مع انهم لسه بيتعلقوا عالارصفة بدون غلاف والدبان بيدوقهم قبلنا  .. عمركم شوفتوا لحمة في العالم بتتعرض بالمنظر دا ؟! فين الرقابة  الصحية ؟!
و لو إتخبطنا في راسنا وحبينا نتفسح و اكلنا في مطعم  بره  حتى _ لو كان من المطاعم الفاخرة _  هنلاقي المطابخ معدومة النضافة .. . يعني  من بره هله هله ومن جوه يعلم الله ، والطباخين الله أعلم بصحتهم ونضافتهم ..دا غير وجبات الحمير الشهية اللي بتقدم لنا  باسعار باهظة  .. والفاتورة المولعة بفعل ارتفاع الاسعار و الضرائب و الطمع  .. طب نروح فين ونيجي منين ؟ ! الادوية شاحة و الموجودة سعرها اتضاعف  رغم ان المادة الفعالة في الدواء  فاعليتها اقل عن نظيرها المستورد . .  كل حاجة بايظة ومن  أسوأ لأسوأ علشان مافيش رقابة وظبط وربط  على أي حاجة ..  فاذا كنا بنحارب الفساد  والغش وبنحاول نقلل من ارتفاع الاسعار فليه مافيش أي خطوة إيجابية واضحة ممكن يلمسها المواطن في هذا الاتجاه ؟!!

خير الكلام ما قل ودل وإتكتب بالمصري الفصيح

رابط هذا التعليق
شارك

9 hours ago, Grandma said:

الأسعار نار نار نار ... نار يا حبيبي نار ... كل يوم في ارتفاع بلا رقيب ولا حسيب 
و الحجة إيه ؟ تعويم الجنيه و ارتفاع سعر الدولار وكأن كل  حاجة بنشتريها مستوردة 
 ما حدش عاوز يعترف انه فاسد وطماع وغشاش سواء كان صانع أو تاجر .. اما الحكومة فعاملة ودن من طين وودن من عجين   
 المشكلة  اللي أبشع من الغلاء هي ( الغش التجاري ) يعني احنا أغلب الوقت  بندفع فلوس  في بضاعة إما فاسدة او مغشوشة  او غير صحية ،الخضار و الفاكهة على سبيل المثال مرميين عالارصفة في أسواق او شوارع  قذرة  معرضين للاتربة وعوادم السيارات و دبان وهوام لا حصر لها ... العيش بيتخبز في افران قديمة ومتهالكة والدقيق بيتخزن في مخازن بتلعب فيها الفئران وبيتوزع  في ظروف تشبه ظروف الخضار و الفاكهة .. السكر والعدس و الزيت أساسيات بالنسبة للفقراء ومع ذلك أسعارهم أصبحت فلكية ...  اللحوم و السمك والدواجن دول لعلية القوم في مصر ما يصحش المواطن الغلبان يبص على السلع الاستفزازية دي احسن يطق يموت بعد ان اصبح كيلو البتلو ب 210 جنيه و الضاني ب 185 جنيه مع انهم لسه بيتعلقوا عالارصفة بدون غلاف والدبان بيدوقهم قبلنا  .. عمركم شوفتوا لحمة في العالم بتتعرض بالمنظر دا ؟! فين الرقابة  الصحية ؟!
و لو إتخبطنا في راسنا وحبينا نتفسح و اكلنا في مطعم  بره  حتى _ لو كان من المطاعم الفاخرة _  هنلاقي المطابخ معدومة النضافة .. . يعني  من بره هله هله ومن جوه يعلم الله ، والطباخين الله أعلم بصحتهم ونضافتهم ..دا غير وجبات الحمير الشهية اللي بتقدم لنا  باسعار باهظة  .. والفاتورة المولعة بفعل ارتفاع الاسعار و الضرائب و الطمع  .. طب نروح فين ونيجي منين ؟ ! الادوية شاحة و الموجودة سعرها اتضاعف  رغم ان المادة الفعالة في الدواء  فاعليتها اقل عن نظيرها المستورد . .  كل حاجة بايظة ومن  أسوأ لأسوأ علشان مافيش رقابة وظبط وربط  على أي حاجة ..  فاذا كنا بنحارب الفساد  والغش وبنحاول نقلل من ارتفاع الاسعار فليه مافيش أي خطوة إيجابية واضحة ممكن يلمسها المواطن في هذا الاتجاه ؟!!

ممم حضرتك ارتفاع الاسعار بيحصل ف كل دولة ولكن بتلاقي في رقابة بتلاقي حد يفهمك ع الاقل بتلاقي سلعه نظيفة تاكلي وانت مطمنة 

انا مش بتكلم ع دول اسكندنافيا ولا كندا انا بتكلم ع دول لحد فترة قريبة كنا ومازلنا بنقول احنا اللي علمناهم وكانوا حفاة وعراة ،للاسف حضرتك الكل عنده رقابة وعقوبة رادعة لكل من يخالف بس للاسف الشديد الحكومة عندنا سعيدة جدااااااااااا باللي بيحصل 

وعندك اعلام محترم بيتاعلم بمنطلق اللي مش عاجبه يمشي او يغور 

رابط هذا التعليق
شارك

في 09/01/2017 at 07:30, herohero said:

ممم حضرتك ارتفاع الاسعار بيحصل ف كل دولة ولكن بتلاقي في رقابة

مظبوط فيه ارتفاع أسعار في كل العالم لكن مش بالصورة المبالغ فيها دي .. انا عشت عمري كله في الكويت وما زلت بتردد عليها الى الان لاني بعتبرها وطني زي مصر .. من يوم ما روحت وانا طفلة الى اليوم ساندويتش الفول ابو 100 فلس لم يتغير سعره .. البيض ارتفع سعره من فترة بسيطة 20 فلس فقط يعني منغير ما تحول العملة ما قيمته بالنسبة_ لعملتهم و مستوى معيشتهم _قرشين فقط ومع ذلك  الدنيا قامت و قعدت .. السلع  التموينية كل عشر سنين بتزيد زيادة بسيطة جدا وبما يتناسب مع الرواتب . مافيش العشوائية في الاسعار اللي عندنا . 

في 09/01/2017 at 07:30, herohero said:

 ع الاقل بتلاقي سلعه نظيفة تاكلي وانت مطمنة

لو الانسان دفع شوية زيادة بس وهو متطمن ان اكله صحي وسليم مش هيتكلم .. لكن ما يبقاش من كله .. ندفع وندمر صحتنا.  

في 09/01/2017 at 07:30, herohero said:

للاسف الشديد الحكومة عندنا سعيدة جدااااااااااا باللي بيحصل 

قالها ابراهيم عيسى في الفيلم اللي الكل بيتريق عليه ( مولانا )

( علشان يبقى فيه أسياد لازم يكون فيه عبيد )

ياريت حكومة الامارات تيجي تظبط الوضع عندنا شوية والله مش عاوزين فلوسهم عاوزين فكرهم وشغلهم .. يعلمونا ومالوا ما هم برضو اخواتنا .. مرة نعلمهم ومرة يعلمونا 

وخلي حكومتنا تتفرغ للارهاب 

 

تم تعديل بواسطة Grandma

خير الكلام ما قل ودل وإتكتب بالمصري الفصيح

رابط هذا التعليق
شارك

1 hour ago, Grandma said:

مظبوط فيه ارتفاع أسعار في كل العالم لكن مش بالصورة المبالغ فيها دي .. انا عشت عمري كله في الكويت وما زلت بتردد عليها الى الان لاني بعتبرها وطني زي مصر .. من يوم ما روحت وانا طفلة الى اليوم ساندويتش الفول ابو 100 فلس لم يتغير سعره .. البيض ارتفع سعره من فترة بسيطة 20 فلس فقط يعني منغير ما تحول العملة ما قيمته بالنسبة_ لعملتهم و مستوى معيشتهم _قرشين فقط ومع ذلك  الدنيا قامت و قعدت .. السلع  التموينية كل عشر سنين بتزيد زيادة بسيطة جدا وبما يتناسب مع الرواتب . مافيش العشوائية في الاسعار اللي عندنا . 

لو الانسان دفع شوية زيادة بس وهو متطمن ان اكله صحي وسليم مش هيتكلم .. لكن ما يبقاش من كله .. ندفع وندمر صحتنا.  

قالها ابراهيم عيسى في الفيلم اللي الكل بيتريق عليه ( مولانا )

( علشان يبقى فيه أسياد لازم يكون فيه عبيد )

ياريت حكومة الامارات تيجي تظبط الوضع عندنا شوية والله مش عاوزين فلوسهم عاوزين فكرهم وشغلهم .. يعلمونا ومالوا ما هم برضو اخواتنا .. مرة نعلمهم ومرة يعلمونا 

وخلي حكومتنا تتفرغ للارهاب 

 

جيتي ع الجرح ،انا تربية الكويت من ايام الدينار الاحمر 
ومش عاوز اقارن اوضاع دول الخليج بوضع مصر لان دول الخليج حالة مختلفة خالص 
انا اقصد الدول الاخرى 

مايحدث في مصر ليس ارتفاع في الاسعار مايحدث في مصر هو انفلاااااااااات في الاسعار دون رقيب او رادع 

وع فكرة في كل مايباع ويشترى يعني الغذاء والدواء والخدمات واجور العمالة ومواد البناء وكل شئ 

والكلام ده من زماااااااااان وانا بقوله ياساده في مصرنا العزيزة بناخد اسوا خدمة بأغلى سعر 

والامثلة كثيرة جدا 

لكن عموما خلنيا ناس عملية ،ياترى المخرج ايه من الازمة ده 

الحل بسيط الحكومة او النظام الحالي او الكيان الموجود يتكرم ويشرف المصريين بالاشراف ع توزيع السلع والرقابة على اسعارها 

لامؤاخذه زي ماهو مسئول عن مشاريع المقاولات ومستحوذ عليها كلها والبان الاطفال وغيره وغيره 
يقوم باحياء المجمعات الاستهلاكية ويشرف عليها بنفسه والحمد لله العمالة ( العساكر ) 

يقدروا يقوموا بالمهمة ده 

لان بصراحه اللي بيحصل مسخرة لما التضخم يوصل 24% والاقي محدش طالع يتكلم ولا يفهم الناس ولا فارقة معاه يبقى لامؤاخذه بقى انتوا بتهرجوا 

 

مصر بلد تقدر في غضون اسابيع معدودة تحل مشكلة انفلات الاسعار لو عاوزة !!!! بس ياريت نصيحه الناس اللي بتسرق اسرقوا اونهبوا واعملوا جيوب للكفن ،بس سيبوا غيركم يعرف يعيش 

الكل بيشتكي واللي بتكلم عليهم من طبقة مستورة ومرتاحه لكن قريبا هينضموا للطبقة محدودة الدخل لان قيمة مدرخاتهم قلت جدا

ياساده الارهاب وفزاعاته شئ مهم محاربته لكن مش معقولة  نفضل مفرغين كل جهودنا لمحاربة عدو بقالنا 3 سنوات وبنتبع نفس الاسلوب ومنتظرين نتيجه مختلفه 

 

ياريت نمشي البلد وفريق اخر بيحارب الارهاب وجزاكم الله كل خير ويقعد لكم في صحتكم وعيالكم واحفادكم 

رابط هذا التعليق
شارك

 

( كما وصلتني )

حي شرق يقوم بغلق قرية عبدالوهاب للمشويات...تسمم اسرة كاملة..ووفاة ابنهم
موضوع حلقه الابراشى سمعته كاملا.  ولم تذكر فيه عن لسان والد الطفل المتوفى ان المشكله فى اللحوم. وذكر ان السلطات هى سبب حاله التسمم من الدرجه الاولى وذكر باللفظ الطحينه والبنجر وبابا غنوج وذكر ان الطفل رحمه الله عليه كان يحب ان يأكل الكفته بالطحينه بدون عيش. وتقرير المعمل اثبت ان جميع السلطات تحمل بكتريا. شديده السميه وتحتل مركزا متقدما فى السموم الخطيره خاصتا وان اعراضها فى البدايه تتشابه مع الانفلونزا وذكرت دكتوره متخصصه كانت ضيفه الحلقه ان هذه السموم ليس لها علاج ومن ينجوا منها ينجوا بمعجزه والطفل المسكين رحمه الله عليه توفى فى الحال والاب والام دخلا فى غيبوبه. والادهش من ذلك دخول صاحب المطعم على الهواء ونفيه للواقعه ومحاولته تلفيق التهمه للمجنى عليهم ذاتهم. حسبى الله ونعم الوكيل.  
اهلى واحبابى فى الاسكندريه ومصر كلها بلدى حبيبتى. ارجوكم خذوا حذركم هذا ما يحدث فى قريه للمشويات لا يتعامل معها غير القادرين.   فما بالكم. من. المحلات الصغيره. والعربات المنتشره فى الشوارع والازقه. فكلها على الاقل تقدم السلطات.  غض النظر عن اللحوم ان كانت لحوم حمير او كلاب  ارجوكم خذوا حذركم فلكل منكم اشخاص متعلقه فى اعناقكم يريدونكم لتكمله المشوار. فأيها الاخ العزيز.  وفر فلوسك وإصنع طعامك فى بيتك. تنجوا بنفسك واسرتك.  واخيرا.  ربنا يخليكم لبعض.  ويبعد عنكم كل سوء.  وربنا يصبر والد ووالده الطفل الله يرحمه. وأعتقد على حد تفكيرى ان الموضوع بالفلوس بكره يطرمخ عليه ويرجع يفتح تانى. لكن رجائى انكم ما تنسوش زى كل مره وخليك انسان متحضر.  العقاب فى ايدك انت مش الحكومه لأنك ببساطه لو ما روحتش انت وغيرك حيقفل حيقفل.   واخيرا. لكم منى كل الحب والاحترام

خير الكلام ما قل ودل وإتكتب بالمصري الفصيح

رابط هذا التعليق
شارك

لي تجربة شخصية واحدة مع قرية عبد الوهاب من مدة 

أثناء تناولي وجبة مكرونة بالباشمل وجدت في المكرونة ورقة جبنة مفضضة يعني بدل ما تترمي في الزبالة لقيتها في الأكل .. ولما اشتكيت للويتر شالها من قدامي ورجع الطبق في ثواني وقالي شيلت الورقة بدون اعتذار ولا اي حاجة .. قولتله هو كدا خلاص ؟!  قالي : عادي يا افندم بتحصل ..

الناس دي متدربة تواجه مواقف محرجة وصعبة  بقوة عين وانكار للغلط بدل الاعتذار .. لان الاعتذار فيه اعتراف بالخطأ و بالتالي ادانة لادارة المطعم 

ودا بالظبط اللي حصل مع الابراشي في برنامجه .. بمنتهى الثبات و البجاحة نفي صاحب القرية ان الاكل اللي سمم الطفل من عنده .. رغم ان  كل التقارير الصحية الحكومية بتثبت ادانته . الناس دي من نوعية خاصة . 

خير الكلام ما قل ودل وإتكتب بالمصري الفصيح

رابط هذا التعليق
شارك

أستصعب تصديق القصة كما استصعبت من قبل قصة فساد صلصة الطماطم انتاج هاينز و قصة المواد السامة في بيبسي كولا. ...  انها كلها - على الاغلب - حروب بيزنس و ضرب تحت الحزام.

ابو رامي مطعم مشاوي بدأ منذ سنوات ك عربة سندوتشات و الآن محل كبير ثلاث ادوار  و الحدوتة أنه تم طلب مبلغ كبير منه لصندوق تحيا مصر. !  رفض الدفع قوم ايه الشرطة تفتش المحل و تستولي على اللحوم في المحل. و بعد خمس ايام ودوها المعمل.  طبعا كانت فسدت و شبعت فسدان.  و أغلقوا المحل و حكموا على الراجل بالحبس خمس سنين.   ...  و بعدها خرج الراجل من الحبس و المحل اشتغل تاني. .....  دي حدوتة سمعتها ممن يؤكدها. لكن زي ما حضرتك شايفة  تنفع فيلم سينما.

تعليق بسيط من جانبي  مصر كبيرة جدا جدا و مزدحمة جدا و فيها مناطق و احياء تكاد تقارب ارقى المناطق في اوروبا  و بها مناطق و احياء تكاد تنتمي لقرون مضت  ... مثلا الزمالك و بولاق

رابط هذا التعليق
شارك

13 hours ago, Grandma said:

لي تجربة شخصية واحدة مع قرية عبد الوهاب من مدة 

أثناء تناولي وجبة مكرونة بالباشمل وجدت في المكرونة ورقة جبنة مفضضة يعني بدل ما تترمي في الزبالة لقيتها في الأكل .. ولما اشتكيت للويتر شالها من قدامي ورجع الطبق في ثواني وقالي شيلت الورقة بدون اعتذار ولا اي حاجة .. قولتله هو كدا خلاص ؟!  قالي : عادي يا افندم بتحصل ..

الناس دي متدربة تواجه مواقف محرجة وصعبة  بقوة عين وانكار للغلط بدل الاعتذار .. لان الاعتذار فيه اعتراف بالخطأ و بالتالي ادانة لادارة المطعم 

ودا بالظبط اللي حصل مع الابراشي في برنامجه .. بمنتهى الثبات و البجاحة نفي صاحب القرية ان الاكل اللي سمم الطفل من عنده .. رغم ان  كل التقارير الصحية الحكومية بتثبت ادانته . الناس دي من نوعية خاصة . 

لانك مصرية وفي مصر ده الطبيعي 

وع فكرة لو تعاملت مع المصريين في المطاعم في الخليج من اسوا مايكون واسوا مطاعم في الخليج هي المصرية 

واسالي ف الكويت عن مطعم جاد واسالي ف الرياض عن مطاعم جاد وشوفي تعليقات المصريين ايه 

اوسخ مطاعم المصرية والستاف المصري وده شئ معروف في الخليج 

عاوزة تاكلي حضرتك اكل نظيف في مطاعم يبقى بره مصر ومطاعم مفيهاش عمالة مصرية لاننا اتربينا ان احمد ربنا انك بتاكل ولاقي اكل وكمان بتاكل في مطعم !!!! ده انت طماع واحمد ربنا مش احسن مانببقى زي سوريا والعراق 

 

هههههههههه حضرتك عاوزة الويتر المصري اللي شغال في مطعم على ارض مصر يعتذر !!! لمواطنة مصرية 

هههههههههههههههههههه ده من عجائب الدنيا 

تم تعديل بواسطة herohero
رابط هذا التعليق
شارك

9 hours ago, Fahman said:

أستصعب تصديق القصة كما استصعبت من قبل قصة فساد صلصة الطماطم انتاج هاينز و قصة المواد السامة في بيبسي كولا. ...  انها كلها - على الاغلب - حروب بيزنس و ضرب تحت الحزام.

ابو رامي مطعم مشاوي بدأ منذ سنوات ك عربة سندوتشات و الآن محل كبير ثلاث ادوار  و الحدوتة أنه تم طلب مبلغ كبير منه لصندوق تحيا مصر. !  رفض الدفع قوم ايه الشرطة تفتش المحل و تستولي على اللحوم في المحل. و بعد خمس ايام ودوها المعمل.  طبعا كانت فسدت و شبعت فسدان.  و أغلقوا المحل و حكموا على الراجل بالحبس خمس سنين.   ...  و بعدها خرج الراجل من الحبس و المحل اشتغل تاني. .....  دي حدوتة سمعتها ممن يؤكدها. لكن زي ما حضرتك شايفة  تنفع فيلم سينما.

تعليق بسيط من جانبي  مصر كبيرة جدا جدا و مزدحمة جدا و فيها مناطق و احياء تكاد تقارب ارقى المناطق في اوروبا  و بها مناطق و احياء تكاد تنتمي لقرون مضت  ... مثلا الزمالك و بولاق

تمام وياترى ده اسلوب عمل مقبول ؟؟ هو ف منظومة تقبل كده 

رابط هذا التعليق
شارك

في 11/01/2017 at 20:49, Fahman said:

أستصعب تصديق القصة كما استصعبت من قبل قصة فساد صلصة الطماطم انتاج هاينز و قصة المواد السامة في بيبسي كولا. ...  انها كلها - على الاغلب - حروب بيزنس و ضرب تحت الحزام.

ممكن جدا يكون الموضوع حروب بيزنس لكن دا ما يمنعش ان مستوى النضافة و الخدمة في أغلب مطاعمنا  مش على المستوى  المطلوب و اللي لازم تكون عليه في بلد المفروض انه سياحي .

في 11/01/2017 at 20:49, Fahman said:

تعليق بسيط من جانبي  مصر كبيرة جدا جدا و مزدحمة جدا و فيها مناطق و احياء تكاد تقارب ارقى المناطق في اوروبا  و بها مناطق و احياء تكاد تنتمي لقرون مضت  ... مثلا الزمالك و بولاق

للأسف اللي مزعل المصريين ان الاماكن الراقية في مصر مستواها كل يوم بينحدر بدل ما تتطور زي باقي دول العالم ... وهي الزمالك لسه زمالك زي زمان ؟!! احنا عاوزين ننقذ ما يمكن انقاذه لان مصر فعلا كبيرة و الامور بتنفلت و البركة في المحليات .. 

خير الكلام ما قل ودل وإتكتب بالمصري الفصيح

رابط هذا التعليق
شارك

16 ساعات مضت, herohero said:

اوسخ مطاعم المصرية والستاف المصري وده شئ معروف في الخليج

التعميم مش صح يا أستاذ هيرو .. أشهر الاوتيلات العالمية في الخليج كان بيديرها مصريين  زي الهيلتون و الشيراتون وفيه مطاعم مصري فاخرة جدا .. وعلى مستوى . المشكلة في نوعية بيئة الموظف سواء كان عامل او مدير .. كلما ارتقى الشخص او الموظف و العامل قدم لك خدمة جيدة و الرقي بيجي من التعليم و البيئة و التربية . لما انهار التعليم في مصر قل عدد الاستاف الجيد بس لسه موجود .. كتير من المطاعم الامريكية  الشهيرة في الكويت يديرها مصريين لكن الويتر الكويس هو اللي صعب تلاقيه ..

في الخليج بيفضلوا العامل و البائع و الويتر  الاسيوي على المصري لانه اقل سعرا وانشط وابتسامته لا تفارق وجهه مهما كانت مشاكله . ياريتنا نتعلم منهم . 

 

خير الكلام ما قل ودل وإتكتب بالمصري الفصيح

رابط هذا التعليق
شارك

On 1/13/2017 at 0:55 AM, Grandma said:

التعميم مش صح يا أستاذ هيرو .. أشهر الاوتيلات العالمية في الخليج كان بيديرها مصريين  زي الهيلتون و الشيراتون وفيه مطاعم مصري فاخرة جدا .. وعلى مستوى . المشكلة في نوعية بيئة الموظف سواء كان عامل او مدير .. كلما ارتقى الشخص او الموظف و العامل قدم لك خدمة جيدة و الرقي بيجي من التعليم و البيئة و التربية . لما انهار التعليم في مصر قل عدد الاستاف الجيد بس لسه موجود .. كتير من المطاعم الامريكية  الشهيرة في الكويت يديرها مصريين لكن الويتر الكويس هو اللي صعب تلاقيه ..

في الخليج بيفضلوا العامل و البائع و الويتر  الاسيوي على المصري لانه اقل سعرا وانشط وابتسامته لا تفارق وجهه مهما كانت مشاكله . ياريتنا نتعلم منهم . 

 

استاذتي الفاضلة حضرتك بتتكلمي ع الادارة 
انا بتكلم ع الضيافة فن الضيافة ،الابتسامة والرقي في التعامل 
انا مش هعمم وهسحب تعميمي لكن الغالبية العظمي وحضرتك تقدري تشوفي ده ع صفحات الانترنت ،وعموما نحن في مجال الضيافة لسنا مؤهلين ولا مدربين 

احنا فراعنة استاذتي الفاضلة الناس تخدمنا مش نخدم ع الناس 

قصة تفضيل العامل الاسيوي عشان الرخص ده كان زمان لان فعلا الزبون مش عاوز واحد\ حفيد حضارة 7000000سنة الزبون عاوز واحد نشيط ونظيف ومبتسم

رابط هذا التعليق
شارك

6 ساعات مضت, herohero said:

استاذتي الفاضلة حضرتك بتتكلمي ع الادارة 
انا بتكلم ع الضيافة فن الضيافة ،الابتسامة والرقي في التعامل 
انا مش هعمم وهسحب تعميمي لكن الغالبية العظمي وحضرتك تقدري تشوفي ده ع صفحات الانترنت ،وعموما نحن في مجال الضيافة لسنا مؤهلين ولا مدربين 

احنا فراعنة استاذتي الفاضلة الناس تخدمنا مش نخدم ع الناس 

قصة تفضيل العامل الاسيوي عشان الرخص ده كان زمان لان فعلا الزبون مش عاوز واحد\ حفيد حضارة 7000000سنة الزبون عاوز واحد نشيط ونظيف ومبتسم

لو كان الكلام عن فن الضيافة فأنا موافقة حضرتك جدا  .. المصريين بيفتقدوا هذا الفن مش بس كدا  للأسف احنا اللي بنطفش السياح كمان وبعدين نقعد نعيط .

 

6 ساعات مضت, herohero said:

نفسي حضرتك تسمعي يحي الفخراني قال ايه وكل الباهوات اللي بياخدوا ملايين بيقولوا ايه 

 

للأسف ما سمعتش الفخراني قال ايه بس قرأت بوست الاستاذ الفاضل سكوربيون وهو بيقول ان المصري لازم يتدرب على كبح جماح شهواته الاستهلاكية :D

خير الكلام ما قل ودل وإتكتب بالمصري الفصيح

رابط هذا التعليق
شارك

3 minutes ago, Grandma said:

لو كان الكلام عن فن الضيافة فأنا موافقة حضرتك جدا  .. المصريين بيفتقدوا هذا الفن مش بس كدا  للأسف احنا اللي بنطفش السياح كمان وبعدين نقعد نعيط .

 

للأسف ما سمعتش الفخراني قال ايه بس قرأت بوست الاستاذ الفاضل سكوربيون وهو بيقول ان المصري لازم يتدرب على كبح جماح شهواته الاستهلاكية :D

حضرتك انا الي يهمني فن الضيافة واي حد يقدر يعرف مدى سوء الخدمة وخاصة لو كنت مصري 

كلام الدكتور يحي الفخراني زيه زي غيره الغني اللي بينصح الناس بالفقر وده مشكلتي مع ناس كثير تلاقي امورهم تمام ومستكترين ع الفقراء او من يشتكون من ارتفاع الاسعار مجرد الشكوى

يعني لما اسمع عمرو اديب ولموسة مستكترين ع الناس الشكوى ومحمد صلاح بيقول لك قدمتوا ايه لمصر صح احنا ناس عادية وماقدمناش حاجه زي اللي ماتوا واستشهدوا للدفاع عن الوطن ،بس يارتى حضراتكم قدمتوا ايه ؟؟ هل بتعملوا في الاعلام ببلاش !!!!! انتوا بتهبروا ملايين وبتاجروا بالام واحزان الناس هو انتوا فاكرين ان عندكم موهبة انتوا حظكم انكم موجودين في هذه البقعة التعيسة عايشين ع مشاكلنا انتم زي الطفيليات الي عايشة عشان فيه عفن وقذارة غير كده مالكوش قيمة

اما عن المصري اللي لازم يكبح جماح شهواته انا موافق ع كدة بس ياترى اي مصري ؟؟؟؟ اصل احنا عندنا مصريين وعندنا مصرين اه والله مصر ناسها مشكلتهم الفيلا اللي من غير جنينة والمصيف والعيشة في الكومباوندات -وانا وغيري منهم بس مانقدرش نسكتتر على المصريين الثانيين الشكوى 

ومصر بتاعت مصريين مايعرفوش الا التوك توك وهو اكل عيشهم ومايعرفوش حياة الكومباوندات وناس طلباتها بسيطة اوووووووووي 

ناس نزلت انتخبت الاخوان عشان بتوعم ربنا ومش هيظلموهم وظلموهم ،ونزلوا ثاني انتخبوا اللي دافع عن الوطن بتاع الجيش وبرده للاسف هم اللي دفعوا الثمن  ، 

دول اللي عبر عنهم سائق التوك توك اللي حضراتكم اتهمتوه بالعمالة  

الغلاء = الفساد هم الاثنين وجهان لعملة واحدة

اخرنا نتشحتف ونبكي وخلاص وكل واحد مننا مش هيحس بنار الغلاء والعوز الا لما يجربها ، وللاسف الجوع كافر الناس لو جاعت هتطلع ع سكان الكومباوندات هتاكلهم 

وبضم صوتي للفاضل سكوربيون ان المصري يجمح شهواته ويقلل من اكل لحوم الحمير اللي هنواجه عجز فيها 

 

 

 

رابط هذا التعليق
شارك

في 16/01/2017 at 14:04, herohero said:

ناس نزلت انتخبت الاخوان عشان بتوعم ربنا ومش هيظلموهم وظلموهم ،ونزلوا ثاني انتخبوا اللي دافع عن الوطن بتاع الجيش وبرده للاسف هم اللي دفعوا الثمن

فكرتني  بعنوان مسرحية معبر  اسمها  ( نشنت يا فالح ) 

في 16/01/2017 at 14:04, herohero said:

الغلاء = الفساد هم الاثنين وجهان لعملة 

 

خير الكلام ما قل ودل وإتكتب بالمصري الفصيح

رابط هذا التعليق
شارك

في 1/8/2017 at 21:37, Grandma said:

الأسعار نار نار نار ... نار يا حبيبي نار ... كل يوم في ارتفاع بلا رقيب ولا حسيب 
و الحجة إيه ؟ تعويم الجنيه و ارتفاع سعر الدولار وكأن كل  حاجة بنشتريها مستوردة 

الدولار سعره بقاله ييجى شهر ونص وهو متنيل ثابت بعد تعويم الجنيه
ممكن حد يشرحلى السبب فى الغلاء المستمر كل يوم عن اللى قبله ؟
طبعا غير إنها حكومة بت كلب .. لأن دى أنا خلاص فهمتها
ولو مفيش سبب تانى

eye::
ياريت الحد ده يقول لى مين تانى بت كلب فى البلد دى
غير الحكومة ومنى الشاذلى .. عشان نجدد بس ؟

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

في 21/01/2017 at 06:19, أبو محمد said:

طبعا غير إنها حكومة بت كلب .. لأن دى أنا خلاص فهمتها
ولو مفيش سبب تانى

eye::
ياريت الحد ده يقول لى مين تانى بت كلب فى البلد دى
غير الحكومة ومنى الشاذلى .. عشان نجدد بس ؟

علشان التجديد ..

مش الحكومة بس اللي بنت (بوبي) كمان التجار والمصنعين  وكل اللي بيرفعوا السعر منغير سبب .

خير الكلام ما قل ودل وإتكتب بالمصري الفصيح

رابط هذا التعليق
شارك

48 دقائق مضت, Grandma said:

علشان التجديد ..

مش الحكومة بس اللي بنت (بوبي) كمان التجار والمصنعين  وكل اللي بيرفعوا السعر منغير سبب .

ومن أعمالكم سُلط عليكم
لتر البنزين 80 غلى نص جنيه .. سواق الميكروباص رفع الأجرة من جنيه لجنيه ونص
يعنى النص جنيه الزيادة اللى دفعه بياخده من 10 ركاب (يعنى 5 جنيه)
قوم إيه يروح هو يجيب الخبز ابو خمسة قروش بره البطافة ب 25 قرش
يروح الأسبوع اللى وراه يلاقيه بقى بـ 60 قرش مش نص جنيه
لأن الفران حرامى رايح جاى بيبيع الـ 4 أرغفة بـ 2 جنيه ونص (لأن مفيش فكة 10 قروش)
ييجى الفران يشترى اللمبة اللى كانت بـ 2 جنيه يلاقيها نطت مرتين لـ 3 جنيه وبعدين 4 جنيه
ده غير طبعا الحكومة بت الكلب اللى السواق والفران عاوزينها تسعر السلع والخدمات جبريا ؟
لأنهم (السواق والفران) لسه عايشين فى ميغة الاشتراكية
ومش عارفين إن "الحكومة بت الكلب" موقعة من زمان على اتفاقية "التجارة الحرة"
اللى هى بتلغى حاجة اسمها التسعيرة الجبرية
حتى الحاجة المستثناة والمسعرة جبريا (الدواء) المصانع والمستوردين والصيادلة بيلعبوا فيها
عرفنا بقى مين هم ولاد "البوبى" ؟
خليهم بقى يهوهوا ويعضعضوا فى بعض لغاية لما يبان لهم صاحب
أو يتعبوا وتخور قواهم ويعرفوا إن الله حق
وخللى الغلبان الحقيقى واقف سلبى وبيتفرج
الغلبان الحقيقى هو صاحب الدخل الثابت
يعنى الموظف اللى مش فاتح الدرج
أو الموظف اللى بياخد الجتة يوديها الشغل الصبح وياخدها بعد الضهر عشان يشتغل شغلته الحقيقية
أو صاحب المعاش اللى ما عندهوش قرشين بالدولار أو فرشين شهادات بتجيبله دخل إضافى
إنما السباك والكهربائى والنجار اللى كان بياخد مصنعية 10 جنيه
فما تخافيش عليه .. دلوقت مصنعيته بقت 100 و 150 جنيه
عشان خاطر السواق والفران
ومن يتق الله يجعل له مخرجا

 

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...