انقلاب ناعم ..

[عطر الجنة]

هل نحن على اعتاب انقلاب ناعم ..

الايادى التى تعبث بالامن العام فشلت ..

الايادى التى تعبث فى الاقتصاد لها مردود بالفعل ..

زاد الدولار بيد فاعل زيادة وهمية .. زيادة اطاحت باى تقدم واقعى ..

زيادة مردودها على الشعب مرير ..

عندما يكتمل الحصار الشعبى سنجد من يشعل الفتيل ..

مظاهرات ..

مطالبات بالتنحى ..

نفق مظلم ..

لابد ان يعتقل كل تجار العملة و غلق كل مكاتب الصرافة ..

لابد من حزم .. لابد من الاعلان عن انجازات الصمت ..

[tarek hassan]

لعلك يا استاذة تقصدي بمطالبات التنحي تلك الاشارة الاخوانية الربعاوية ١١|١١

ياما دعوات وياما جمع وياما تحريض وياما وياما وكله بيعدي

الناس العادية لا تعلم عما يقولون شيئا والعملية شاغلة بعض الاعلاميين والحالمين وفقط

اما الشعب فعارف مصلحته فين حاشا العملاء والخونة والمضحوك عليعم

 

[suma]

مساء الخيرات:

فعلا انقلاب ناعم كما تفضلت حضرتك ووصفتيه وللأسف والموجع ان من يرمي الفرشة له أناس كنا نحسبهم وطنيين ونراهم من محبي بلدهم ولأني في أيامي دي أشاهد وأسمع وأتفكر أرى الكلمة وما ورائها (زي ما بيقولوا الفاضي يعمل قاضي) بس أنا لست قاضية لكن اتنبه لما يقال واعمل مقارنات بين ماقاله اليوم ومن مده ولازم أخرج من كل هذابرؤية ارتاح اليها.  المذيعون ومعدي البرامج بإيعاذ من أصحاب القنوات ..كثير منهم...يبخون سموم الفوضى والتمرد لكن بقدر ،حتى لا يعرفوا مثل من يقتل إنسانا بسم بطيء كل يوم بالتدريج لكن في النهاية سيموت والقاتل بريء سيبكي مع الباكين.

  وأحب أن أقول لكم لسه من سويعة علمت أن صندوق النقد الدولي لم يوافق على القرض وظهر هذا في وجه الريس الذي علاه الهم ....كان هناك حوار مع الغيطي وقال الخبر.

فكيف سنكون ونواجه وهل سنكون كما كنا مع الريس جمال حين أعلن إننا سنستغنى عن...و.... هل سنقوى أم سنتركها تخرب؟! إن الكرة الحين في ملعب الشعب وليست في مكان آخر هل ممكن أن نعيد مافعلناه في حفر القناة التانية!!!!؟

 

             سومه

تم تعديل 12 أكتوبر 2016 بواسطة suma
عدم وجود همزات في بعض الحروف

[White heart]

7 ساعات مضت, suma said:

أحب أن أقول لكم لسه من سويعة علمت أن صندوق النقد الدولي لم يوافق على القرض وظهر هذا في وجه الريس الذي علاه الهم ....كان هناك حوار مع الغيطي وقال الخبر.

وجه الريس الذي علاه الهم ؟!؟!؟
وهو مش من "الهم" برضه اننا نعرف مثلاً شروط قرض المليارات الــ 12 دول بالقطارة .. وحسب الظروف؟!؟!؟

اقتباس

اشتراطات صندوق النقد الدولي التي لن يُصرف القرض إلا باستيفائها من قبل القاهرة، والتي من ضمنها مسألة تعويم الجنية لن تتم إلا بعد سداد مصر لديون قديمة لنادي الدائنين في باريس تبلغ 6 مليارات دولار، وخطة تسديد هذا المبلغ تفترض مساعدة سعودية تبلغ 2 مليار دولار، وهذا يعني أنه في حال تملص المملكة من دفع هذا المبلغ فإنه يعني انهيار الإستراتيجية الاقتصادية لمصر وتعثر مسألة قرض صندوق النقد الدولي في توقيت بالغ الحساسية على صعيد الأزمات الاقتصادية والمعيشية في الداخل المصري.

 

[أبو محمد]

14 ساعات مضت, suma said:

وأحب أن أقول لكم لسه من سويعة علمت أن صندوق النقد الدولي لم يوافق على القرض

لا أدرى يا سيدتى كيف قيل الخبر .. أو كيف كُتب
ولكن كلمة واحدة "ناقصة" تصحح الخبر وتنقله من معنى إلى آخر
الكلمة هى "بعد" .. إذا وُضعت فى نهاية الجملة تصححها وتغير معناها تماما
صندوق النقد الدولي لم يوافق على القرض بعد
وإذا كنا نبتغى الحقيقة فلابد أن يُكتب الخبر هكذا
صندوق النقد الدولي لم يوافق - بصفة نهائية - على القرض بعد

[أبو محمد]

بقولك ايه يا ريس 
كبَّر دماغك يا راجل 
- بلاها مشاريع بنية كهربا وطرق وباقى البنية التحتية (إيه العائد من وراها ؟)
- إردم يا راجل الأنفاق اللى بتعملها تحت القناة بلا تضييع وقت وفلوس
سينا إيه اللى عاوز تربطها بالوادى ؟
ما احنا طول عمرنا عايشين وهى فى حتة وباقى البلد فى حتة 
- إردم يا راجل السحارات .. مية إيه اللى عاوز توصلها هناك ؟
تنمية إيه اللى بتقول عليها دى ؟
إردم يا راجل .. وياريت تردم كمان الطشت .. إيه لازمته ؟
هى السفن يعنى هتعدم مسار ؟
ما عندها راس الرجاء الصالح والمسار الشمالى اللى فى الجليد
إنت يعنى مش عايز جيرانك يسترزقوا بخط إيلات ؟ .. يا راجل Live and Let Live 
- مزارع سمكية إيه اللى بتتكلم عليها ؟
ربنا خلق البحر للسمك .. إعترض بقى على حكمة ربنا
- وبعدين هو احنا ناقصين مدن لما رايح تعمل مدينة الاسماعيلية الجديدة
والعلمين الجديدة .. والا مدينة جلود فى الروبيكى ومدينة أثاث فى دمياط 
- محطة نووية إيه اللى رايح تتعاقد عليها .. إنت عاوز تودينا فى داهية ؟
داحنا يدوب بنسوق تكاتك .. عايز تبعزق الفلوس فى محطة نووية لشعب مش هيعرف يشغلها ؟
- إلغى يا راجل المنطقة الصناعية الصينية والمنطقة الروسية والمثلث الذهبى بتاع الصعيد 
- إلغى العاصمة الجديدة وقول للصين يدونا حقها ناشف واحنا نتصرف بمعرفتنا
- إلغى المساكن .. الناس مرتاحة فى العشوائيات .. مالك انت ومالهم ؟
- مليون وحدة سكنية إيه ومليون فدان إيه ؟ .. كفاية علينا الملايين اللى بنولدها
- رجَّع يا راجل النسوان اللى بيقولوا عليها غارمات للسجن .. على الأقل السجن فيه أكل وشرب
- رجَّع يا راجل الخبز زى ما كان .. نقاط إيه وزفت إيه ؟ مالها الطوابير ؟
ما طول عمرنا بنقف فى الطوابير .. والله يرحم اللى كانوا بيعشقوها وبيحبوها "موت"
طب ده كان فيه ناس سبوبتها هى الطوابير .. سيب الناس تسترزق يا راجل
- سلاح إيه اللى مضيع فلوسنا عليه ؟ ..
- إقفل حقول الغاز اللى فى البحر واللى فى البر كمان .. ده ربك هو الحارس 
- رجع أنفاق رفح خللى التجارة مع غزة تنتعش 
- رجع البوارج والطيارات لاصحابها وهات الفلوس .. إحنا محتاجينها 
- إوعى تقرب للدعم .. ماله الدعم ؟ .. طول عمرنا عايشين بيه 
وكل حاجة بنشتريها بأقل من قيمتها الحقيقية بكتير 

- وبعدين طاطى شوية لأمريكا ولكل اللى عايز يركب .. كشكشها ما تعرضهاش

رجع الفلوس واشترى بيها سكر وزيت ورز 
رجع الأسعار زى ما كانت .. وهات مارشميللو ونوتيللا وتيشيرتات ماركات

إسمع نصيحتى هتقضى السنة ونص اللى باقيين لك ودماغك مرتاح
وهتلاقى الناس ماشية بترقص فى الشوارع وتهتف بحياتك  
وأهم حاجة بقى .. سواق التوك توك هيكون مبسوط
وعمرو الليثى هيرتاح لأنه مش هيلاقى سواق توك توك يرضى يعمل معاه مقابلة

 

[suma]

 أحسنت حضرتك جبت الكلام من الآخر ..خلونا نأكل ونشرب ونعارك على ضيق المكان ونبكي على المهجرين اللي حيغرقوا ونشيل الهم على المصريين اللي حيعودوا من بلاد كانوا يعملون بها لكنها استغنت بأبنايها. 

لكن هل في تلك الحالة سيسكت القوم ويرتاحون.!!!! أشك.

 

  أما عن موضوع القرض أنا لم أقل انه صرح به في نشرة اخبارية مثلا ..ولكنه كان حوار والضيف كان جمال الغيطاني وأنتم تعلمون من هو! قال هذا القول حتى وقتها تمنى من الريس ان يتحدث مع الشعب صراحة..ده رأيه..

وموضوع تعويم الجنيه لم يتناوله الا اعلاميون ونشطاء لا غير وأكتر من مرة يصدر تصريح أنه لا ضغوط ولا تنازلات مقابل القرض..لكن من ....لازم يشير بهذا مرة علنا ةمرات خفيه.فإذا كان عند أحدكم قائمة الشروط قولوها لنا لنكون على بينةممكن يكون في قروض سابقة قد حدث.

 كفاية الموضوع أخد اكتر من حقه التمس منكم العذر.وتصبحوا على خير.

 

          سومه

 

[tarek hassan]

لا توجد مشكلة في عبد الفتاح السيسي .... لا يكذب ولا ينافق يعمل في صمت

يقيني من الله أنه لا يوجد انقلاب لا ناعم ولا خشن 

أنا مطمئن

فطنطاوي قال : مش هنسيبها تسقط 

والسيسي قال : اللي هيقرب لها هنشيلة من على وجه الأرض 

فعلا السيسي خافض جناحه لشعبه وناعم معاه 

لن الحذر كل الجذر لأن بداخله أسد 

واللي هيلعب في فم الأسد هيستاهل اللي يجرى له 

 

[أبو محمد]

11 ساعات مضت, suma said:

 أحسنت حضرتك جبت الكلام من الآخر ..خلونا نأكل ونشرب ونعارك على ضيق المكان ونبكي على المهجرين اللي حيغرقوا ونشيل الهم على المصريين اللي حيعودوا من بلاد كانوا يعملون بها لكنها استغنت بأبنايها. 

لكن هل في تلك الحالة سيسكت القوم ويرتاحون.!!!! أشك.

 

  أما عن موضوع القرض أنا لم أقل انه صرح به في نشرة اخبارية مثلا ..ولكنه كان حوار والضيف كان جمال الغيطاني وأنتم تعلمون من هو! قال هذا القول حتى وقتها تمنى من الريس ان يتحدث مع الشعب صراحة..ده رأيه..

وموضوع تعويم الجنيه لم يتناوله الا اعلاميون ونشطاء لا غير وأكتر من مرة يصدر تصريح أنه لا ضغوط ولا تنازلات مقابل القرض..لكن من ....لازم يشير بهذا مرة علنا ةمرات خفيه.فإذا كان عند أحدكم قائمة الشروط قولوها لنا لنكون على بينةممكن يكون في قروض سابقة قد حدث.

 كفاية الموضوع أخد اكتر من حقه التمس منكم العذر.وتصبحوا على خير.

 

          سومه

 

الأخت الفاضلة SUMA
أنا أعلم أنك كنت تنقلين ما قاله هذا الإعلامى الجهبذ 
وهو مثال للإعلاميين (الجورنالجية) الذين كانت محاكمنا ترفض الأخذ بشهاداتهم
ولم يكن تعليقى على كلام حضرتك إطلاقا 
نعم لم يوافق الصندوق بصفة نهائية على القرض بعد 
هناك بعض الخطوات التى يجب اتخاذها قبل ذلك 
لأن الصندوق ماله مش سايب .. ليس هو ما اخبرنا عنه عبد الحليم حافظ

إنه البنك "اللى بيساعد ويدِّى"
البنك الدولى وصندوق النقد وكافة الجهات التمويلية لا تقرض إلا لمن يستطيع السداد

تسديد القرض مرتبط بتدفق الاستثمارات 
والاستثمارات لا يمكن تتدفق واحنا عندنا سعرين لعملتنا .. يعنى لازم القضاء على السوق السودة
ولا يمكن القضاء على السوق السودة إلا بالتعويم الكامل أو التعويم "المدار" Managed
ولا يمكن هذا ولا ذاك إلا عندما يصل الاحتياطى النقدى من العملة الصعبة إلى حد معين
(أظن أنه من 25 إلى 30 مليار دولار)
كذلك لن نستطيع السداد إذا كنا نقترض علشان ناكل باسعار أقل من الأسعار الحقيقية
ونحن لا نستطيع - أبدا - تعويم الجنيه بشكل كامل .. لأسباب تتعلق بضعف الإنتاج وتوحش الاستيراد
مجلس المديرين سينعقد أواخر الشهر الجارى 
لذلك يتوقع المراقبون أن البنك المركزى سوف "يبدأ" فى عملية التعويم "المدار" خلال هذا الشهر
كذلك يشترط الصندوق أن تقوم مصر بتدبير 6 مليار دولار .. وهو ما اوشكت مصر على الانتهاء منه
أعتقد أن هذا قدر كاف من المعلومات للمجتمع لكى نعرف أين نقف
أما ما يطالب به البعض من وضع المفاوضات مع الصندوق على الهواء وعلى الفيس بوك 
فلا أريد أن أصفه بالوصف الحقيقى حتى لا يزعل من يطالبون به 

[أبو محمد]

جرى إيه يا هانى ؟!

إنت هتفهم أكتر من سواق التوك توك ؟
قلنالكم مليون مرة .. الدولة لازم توفر الكلة .. وسنكوشتات الحلاوة بالقشطة

هاني عازر: أنفاق قناة السويس الأكبر في العالم ويعمل بها 4800 مصري

[tarek hassan]

الناس دي استشهدت أمس وهي في محل جهادها ومكان عملها غدرا وحقدا 

ناس بتموت في خدمة وطنها كل يوم برصاصات من الخلف 

وناس كل همها بطنها وكيس السكر وإزازة الزيت 

ولا خير في أناس كل همهم بطنهم 

يا خـــادم الجسم كـــــم تسعى لخد مــته. . . أتــطلــب الربح مـــما فــــــيه خسران؟

أقــبــل عــلى النـفس واستكمل فضائلها. . . فــأنــت بالنــفس لا بــــــالجسم إنسان

[herohero]

8 hours ago, tarek hassan said:

الناس دي استشهدت أمس وهي في محل جهادها ومكان عملها غدرا وحقدا 

ناس بتموت في خدمة وطنها كل يوم برصاصات من الخلف 

وناس كل همها بطنها وكيس السكر وإزازة الزيت 

ولا خير في أناس كل همهم بطنهم 

يا خـــادم الجسم كـــــم تسعى لخد مــته. . . أتــطلــب الربح مـــما فــــــيه خسران؟

أقــبــل عــلى النـفس واستكمل فضائلها. . . فــأنــت بالنــفس لا بــــــالجسم إنسان

والله انا مع حضرتك فعلا ف كل كلمة نتقشف  بس ع الكل 

ياريت بجد الدولة تمنع الاستيراد التافه والعبيط ،انما ماتزعلش مني الدولة بتستورد عشان السبوبة تمشي وطز ف سعر الدولار والسكر اللي حضرتك شايفه مش مهم والاكل اللي بتتكلم عليه مش مهم 

معرفش لما الاكل والصحة والتعليم مش مهمين هتلاقي فين الجندي قوي البنية واللي صحته كويسة 

وبعدين هو حضرتك لما تبتعت الجندي من غير ماتوفر له التجهيزات الصح اللي تحميه ويجي يموت يبقى ياترى انت مالكش ذنب

التطبيل له حدود ياسادة انما كده احنا بنتجاوز الحدود المتعارف عليها للتطبيل 

[White heart]

في 10/14/2016 at 13:35, أبو محمد said:

 ما يطالب به البعض من وضع المفاوضات مع الصندوق على الهواء وعلى الفيس بوك 
فلا أريد أن أصفه بالوصف الحقيقى حتى لا يزعل من يطالبون به 

لا يا عزيزي ... صفه بما تريد ... أنت حُر تماماً .... فمن ضمن من طالبوا بــ "حقهم" الطبيعي والبديهي في معرفة شروط هذا القرض وبنود الإتفاق الذي <<< كذبت >>> وتفاوضت عليه الحكومة "سراً" ... هم أعضاء بالبرلمان الموقر .. تصور؟!؟!؟  اى "وصفك" الذي لا تريد الإعلان عنه سينطبق عليهم بالضرورة ... واخشى انه اذا كان وصف سلبي أو لا يليق (وهو ما يبدو عليه بالفعل) انه سيُصبح تقييم وحُكم خاطئ من جانبك خاصة اذا كان البعض من ممثلي الشعب الذي تحاول "الإستئثار" بحقهم في تلك المعرفة والتفكير والتحدث بأسمهم، وفرض الوصاية عليهم ... يرون انه:

اقتباس

أدان أحمد الطنطاوى عضو مجلس النواب، كذب الحكومة لأنها نفت إجراءها مفاوضات مع صندوق النقد الدولى للحصول على قرض لفترة طويلة، وفوجئنا جميعًا بعدم وجود مفاوضات مع الصندوق، وفجأة قالت إنها كانت تجرى مفاوضات وهو "كذب لا يليق ولا يُبرر"، والحكومة الآن تبرم اتفاقا سيكون له تأثيرات مباشرة وخطيرة جدًا على الشكل الاقتصادى لمصر، وربما على المستقبل السياسى، وهى قرارات يجب ألا تنفرد بها الحكومة وكان عليها أن تعود للمجتمع لمصارحته بالبرنامج.

وأكد الطنطاوى فى تصريحات خاصة لـ"برلمانى"، أن برنامج الحكومة الذى عرض على البرلمان لم يتضمن القرض، موضحًا أنه إذا تغير موقف الحكومة من المسألة فإنه يتغير بالتبعية برنامجها الاقتصادى، لأن شروط صندوق النقد مجحفة جدا وأرفض تسميتها بإصلاحات اقتصادية كما تردد الحكومة وصندوق النقد، متسائلا عن موقف الحكومة إذا كان المجلس رفض التصديق على القرض.

ودعا النائب البرلمانى، مجلس النواب إلى أن يعاقب الحكومة مرتين مرة على كذبها وخضوعها لشروط النقد ما يتسبب فى ضرر على الطبقات التوسطة ومرة أخرى عندما تجرأت على المجلس ودخلت وعقدت اتفاق دون أن تعود للبرلمان، ورأيى أن مصر كبيرة ولديها من موارد كثيرة بشرية ومادية وليست مضطرة أن تخضع للصندوق لكن للأسف لا تعرف الحكومة مكانة مصر.

وقال: "مكنش حق الحكومة تعقد اتفاق وكان يجب العودة للبرلمان لتستأذنه، وأتمنى أن يرفض المجلس هذا الاتفاق المجحف للشعب، و12 مليار دولار ليس هى السيولة ولو هنقترض تانى لسد العجز أو نزود الاحتياطى حتى يتآكل مرة أخرى فهو أسوأ أنواع القروض لسد عجز بدل من استحداث صناعة وننتج سلعا للمستهلك المحلى وللتصدير".

وانتقد أحمد الطنطاوى، الشروط المجحفة لقرض صندوق النقد، مؤكدًا أن دولًا كثيرة أخذت شهادة باستقرار الاقتصاد، الشهادة يجب أن تطلبها الحكومة من المواطن وليس من صندوق النقد يجب أن تقنعه، وبالتالى تقنع المستثمر الأجنبى وممكن نتأمل تجارب الدول الأخرى، تغيير النهج الاقتصادى للدولة ليس اختصاص الحكومة أو صندوق النقد بل البرلمان.

 

[أبو محمد]

في 10/13/2016 at 21:58, أبو محمد said:

بقولك ايه يا ريس 
كبَّر دماغك يا راجل 
- بلاها مشاريع بنية كهربا وطرق وباقى البنية التحتية (إيه العائد من وراها ؟)
- إردم يا راجل الأنفاق اللى بتعملها تحت القناة بلا تضييع وقت وفلوس
سينا إيه اللى عاوز تربطها بالوادى ؟
ما احنا طول عمرنا عايشين وهى فى حتة وباقى البلد فى حتة 
- إردم يا راجل السحارات .. مية إيه اللى عاوز توصلها هناك ؟
تنمية إيه اللى بتقول عليها دى ؟
إردم يا راجل .. وياريت تردم كمان الطشت .. إيه لازمته ؟
هى السفن يعنى هتعدم مسار ؟
ما عندها راس الرجاء الصالح والمسار الشمالى اللى فى الجليد
إنت يعنى مش عايز جيرانك يسترزقوا بخط إيلات ؟ .. يا راجل Live and Let Live 
- مزارع سمكية إيه اللى بتتكلم عليها ؟
ربنا خلق البحر للسمك .. إعترض بقى على حكمة ربنا
- وبعدين هو احنا ناقصين مدن لما رايح تعمل مدينة الاسماعيلية الجديدة
والعلمين الجديدة .. والا مدينة جلود فى الروبيكى ومدينة أثاث فى دمياط 
- محطة نووية إيه اللى رايح تتعاقد عليها .. إنت عاوز تودينا فى داهية ؟
داحنا يدوب بنسوق تكاتك .. عايز تبعزق الفلوس فى محطة نووية لشعب مش هيعرف يشغلها ؟
- إلغى يا راجل المنطقة الصناعية الصينية والمنطقة الروسية والمثلث الذهبى بتاع الصعيد 
- إلغى العاصمة الجديدة وقول للصين يدونا حقها ناشف واحنا نتصرف بمعرفتنا
- إلغى المساكن .. الناس مرتاحة فى العشوائيات .. مالك انت ومالهم ؟
- مليون وحدة سكنية إيه ومليون فدان إيه ؟ .. كفاية علينا الملايين اللى بنولدها
- رجَّع يا راجل النسوان اللى بيقولوا عليها غارمات للسجن .. على الأقل السجن فيه أكل وشرب
- رجَّع يا راجل الخبز زى ما كان .. نقاط إيه وزفت إيه ؟ مالها الطوابير ؟
ما طول عمرنا بنقف فى الطوابير .. والله يرحم اللى كانوا بيعشقوها وبيحبوها "موت"
طب ده كان فيه ناس سبوبتها هى الطوابير .. سيب الناس تسترزق يا راجل
- سلاح إيه اللى مضيع فلوسنا عليه ؟ ..
- إقفل حقول الغاز اللى فى البحر واللى فى البر كمان .. ده ربك هو الحارس 
- رجع أنفاق رفح خللى التجارة مع غزة تنتعش 
- رجع البوارج والطيارات لاصحابها وهات الفلوس .. إحنا محتاجينها 
- إوعى تقرب للدعم .. ماله الدعم ؟ .. طول عمرنا عايشين بيه 
وكل حاجة بنشتريها بأقل من قيمتها الحقيقية بكتير 

- وبعدين طاطى شوية لأمريكا ولكل اللى عايز يركب .. كشكشها ما تعرضهاش

رجع الفلوس واشترى بيها سكر وزيت ورز 
رجع الأسعار زى ما كانت .. وهات مارشميللو ونوتيللا وتيشيرتات ماركات

إسمع نصيحتى هتقضى السنة ونص اللى باقيين لك ودماغك مرتاح
وهتلاقى الناس ماشية بترقص فى الشوارع وتهتف بحياتك  
وأهم حاجة بقى .. سواق التوك توك هيكون مبسوط
وعمرو الليثى هيرتاح لأنه مش هيلاقى سواق توك توك يرضى يعمل معاه مقابلة

 

اقتباس

- مزارع سمكية إيه اللى بتتكلم عليها ؟
ربنا خلق البحر للسمك .. إعترض بقى على حكمة ربنا

برضه ما سمعتش الكلام ؟
كده تزعل أصحاب القلوب البيضاء اللى بتنقط هباب ؟
إنت يعنى بتكيدهم ومطلَّع لنا ناس تصور "بشاير الفنكوش" ؟