اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

بأي حق !!!!!!!!؟


Recommended Posts

بأي حق يترك العنان لفئة من الشعب تطالب أخرين من ابناء الشعب بترك الوطن بالفاظ نابية منها 

اللي مش عاجبه البلد يغور 

اللي مش عاجبه البلد يمشي 

اللي مش عاجباه مصر ياخد باسبورهومع السلامه 

اللي مش عاحبه يغور في سبعين داهية 

والسؤال لما يترك هؤلاء دون محاسبة قانونية ؟

حيث انهم تطاولوا على فئة من الشعب وهم ليسوا جهة اثبات تهم او تحقيق وهل هذا الاسلوب وتلك الكلمات النابية الموجهة لفئة من ابناء الوطن من اختصاص الاعلامي ؟؟؟

ثانيا : ليس من شأن الاعلامي ان يتخذ موقف معادي من اي فئة كانت من ابناء الوطن فالاعلامي دوره عرض ما لديه من اخبار ومناقشاتها في ضوء الحياديه وما دون ذلك يعد تعدي منه يستحق عليه السؤال والمراجعه والعقاب وذلك دون المساس بحرية الاعلام 

تلك الحرية التي من شانها شأن أي حرية أخرى لأي شخص نعتبره حرا وصاحب رأي حر ما لم يضر أحد ودون ان يتعدي حدود حريات الاخرين

الامر يستحق وقفه من الجهات المسئولة 

رابط هذا التعليق
شارك

فيه ناس كتير بتتكلم باسمنا من أول ثورة يناير لحد دولوقتي مش واحد لوحده 

مش هتقدر تحسب أو تقول بأي حق كان هذا أو ذاك يقول أو يعمل 

حتى اللي بيفجر ويحرق ويقتل ويذبح فاكر نفسه بيخدم الدين والوطن وبيعمل لصلاح البلاد والعباد للأسف

والدولة هتعمل إيه هتحاسب مين ولا مين

 

رابط هذا التعليق
شارك

منذ ساعة, tarek hassan said:

فيه ناس كتير بتتكلم باسمنا من أول ثورة يناير لحد دولوقتي مش واحد لوحده 

مش هتقدر تحسب أو تقول بأي حق كان هذا أو ذاك يقول أو يعمل 

حتى اللي بيفجر ويحرق ويقتل ويذبح فاكر نفسه بيخدم الدين والوطن وبيعمل لصلاح البلاد والعباد للأسف

والدولة هتعمل إيه هتحاسب مين ولا مين

 

عزيزي المحترم طارق 

فرق كبير جدا بين اللي بيفجر ويقتل والكل بيجرمه وبيحاربه وبين اللي بيتعدى حدوده على مسمع ومرأى من الدولة 

على الاقل اللي بيفجر الدولة بتحاربه 

لكن الفئة اللي بتكلم عنها اعلامين كتير ومنهم بيخضع لادارة الاعلام المصري وسهل محاسباتهم ولكن الغريبة انهم مبيتحاسبوش 

ومعظم حالات الاحتقان اللي بين الشعب وبعضه بيبقى سببها الفئة دي من الاغلامين 

اللي اقصده ان اللي بيفجر بيتحارب بكل ما لدى الدولة والشعب من قدرة على محاربته ولكن الفئة دي فين من المسائلة والحساب , برغم انه من السهل جدا انها تتحاسب فليه مبتتحاسبش ؟؟؟؟؟؟؟؟؟؟؟؟؟؟

حضرتك شوفت الفيديو المرفق ؟

وانا بصراحة ضد ان كل حاجة نقول الدولة هاتعمل ايه ولا ايه !!!!!!!!!!!!!

اومال الرئيس والحكومة والبرلمان يفترض الناس بتنتخبهم ليه ؟؟؟؟

هانعتبرهم بركة مثلا !!!

اسعد الله صباحك عزيزي المحترم طارق

تم تعديل بواسطة وائل علوان
رابط هذا التعليق
شارك

9 ساعات مضت, وائل علوان said:
السؤال لما يترك هؤلاء دون محاسبة قانونية ؟

ليس من شأن الاعلامي ان يتخذ موقف معادي من اي فئة كانت من ابناء الوطن فالاعلامي دوره عرض ما لديه من اخبار ومناقشاتها في ضوء الحياديه...

الامر يستحق وقفه من الجهات المسئولة 

2 ساعات مضت, وائل علوان said:

الفئة اللي بتكلم عنها اعلامين كتير ومنهم بيخضع لادارة الاعلام المصري وسهل محاسباتهم ولكن الغريبة انهم مبيتحاسبوش ...

... الفئة دي فين من المسائلة والحساب , برغم انه من السهل جدا انها تتحاسب فليه مبتتحاسبش ؟؟؟؟؟؟؟؟؟؟؟؟؟؟

صح الصح !

بس فيه هنا عندنا مشكلة "بسيطة" لو طبقنا الصح دة يا عزيزي ...

ببساطة لو بطلوا وإتحاسبوا ... اذن كيف سيُصبح <<<إعلام موجه>>> يعمل في خدمة النظام عن طريق غسل عقول "المُتفرجين" ؟!؟!؟

رابط هذا التعليق
شارك

بحق المطلب الثانى للثورة المصرية
عيش ..
حرية .. عدالة اجتماعية
بحق من أعطى لنفسه حق :

"إقصاء جيل لسه على وش الدنيا وما زال يعطى دون انتظار للمقابل"
وياريت اقتصر الأمر على حق الإقصاء فقط .. بل تعداه إلى حد "قلة الأدب"
أرجوك لا تضع مزيدا من الملح على الجرح .. وخلينا طاويين عليه الجناح
فلكل فعل رد فعل .. والحلقة مفرغة لن يفلح سؤالك فى تحديد بدايتها أو نهايتها
باختصار .. هذه الزبالة .. من مطالب الثورة المصرية .. وهكذا يمارسها البعض
هذا حق طالب به ومارسه "الثوار" .. فلماذا يريدون حرمان الغير منه ؟

eye::
مين يقدر يقف فى وش الثورة ؟

رابط هذا التعليق
شارك

الفاضل وائل علوان

ايه الفرق بين الموضوع دا و بين موضوع اللي مش عاجبه يمشي ؟

على أي حال انا سجلت في الموضوع السابق اعتراضي على أي مصري فاهم ان مصر بتاعته وحده و ان اللي بينتقد الاوضاع فيها لازم يغور 

اللي لازم يمشي بالنسبالي هو اللي بيرتكب اي عمل اجرامي عدواني في حق مصر و شعبها 

رابط هذا التعليق
شارك

31 دقائق مضت, Grandma said:

الفاضل وائل علوان

ايه الفرق بين الموضوع دا و بين موضوع اللي مش عاجبه يمشي ؟

على أي حال انا سجلت في الموضوع السابق اعتراضي على أي مصري فاهم ان مصر بتاعته وحده و ان اللي بينتقد الاوضاع فيها لازم يغور 

اللي لازم يمشي بالنسبالي هو اللي بيرتكب اي عمل اجرامي عدواني في حق مصر و شعبها 

المحترمة grandma

الفرق اني شوفت الفيديو المجمع الملحق بالموضوع والفيديو اثار غضبي جدا وحبيت اني اشاركه مع حضراتكم لتبادل الرأي والنقاش 

في موضوع اللي مش عاجبه يمشي لم يكن ملحق به الفيديو 

تم تعديل بواسطة وائل علوان
رابط هذا التعليق
شارك

4 ساعات مضت, أبو محمد said:

بحق المطلب الثانى للثورة المصرية
عيش ..
حرية .. عدالة اجتماعية
بحق من أعطى لنفسه حق :

"إقصاء جيل لسه على وش الدنيا وما زال يعطى دون انتظار للمقابل"
وياريت اقتصر الأمر على حق الإقصاء فقط .. بل تعداه إلى حد "قلة الأدب"
أرجوك لا تضع مزيدا من الملح على الجرح .. وخلينا طاويين عليه الجناح
فلكل فعل رد فعل .. والحلقة مفرغة لن يفلح سؤالك فى تحديد بدايتها أو نهايتها
باختصار .. هذه الزبالة .. من مطالب الثورة المصرية .. وهكذا يمارسها البعض
هذا حق طالب به ومارسه "الثوار" .. فلماذا يريدون حرمان الغير منه ؟

eye::
مين يقدر يقف فى وش الثورة ؟

عزيزي المحترم / أبو محمد 

افهم من كلام حضرتك انك شايف زي ما عمل فلان او فلان او فلان كده امبارح فمن حق فلان او فلان او فلان يعمل كده انهارده ؟؟؟

نقدر نسميه انتقام مثلا !!!!!!!!!!!!!!!

بس احب افكر حضرتك بحاجة ان لما الثوار اللي انا بصراحة معرفش مين فيهم اللي مارس الافعال دي اصلا , هانفترض انهم عملوا كده , فاحب اذكرك ان خلاص البلد دلوقتي مش معاهم ومع غيرهم , مع ناس تانية قامت بثورة بردو وشالت نظام وجابت نظام أخر , فلا اظن ان حضرتك كنت بتشيل نظام مارس الافعال دي عشان تجيب نظام تاني يعمل نفس الافعال 

 

تم تعديل بواسطة وائل علوان
رابط هذا التعليق
شارك

10 ساعات مضت, White heart said:

صح الصح !

بس فيه هنا عندنا مشكلة "بسيطة" لو طبقنا الصح دة يا عزيزي ...

ببساطة لو بطلوا وإتحاسبوا ... اذن كيف سيُصبح <<<إعلام موجه>>> يعمل في خدمة النظام عن طريق غسل عقول "المُتفرجين" ؟!؟!؟

عزيزي المحترم / white heart 

كل ما اتمناه ياعزيزي المحترم ان يتخلص الشعب من تلك النزاعات التي تفيد في النهاية الطرف الوحيد المستفيد 

اشد ما يترك اثرا سلبيا في نفسي ان ارى ابناء الشعب الواحد يتم استخدامهم كسياط في ايدي المستبدين الداخليين والخارجيين , المستبدين الذين استخدموا بالأمس القريب نفس الفئة التي تسمي اليوم معارضة واليوم يضربون من كانوا بالامس في سدة الحكم بالأخرين , ودوما يظل الطرف المستبد يعيش ويتنفس ويأكل ويشرب من تغييب الاتباع وللأسف لا استثني فصيل واحد من تهمة التبعية فجميعنا اتبعنا وقتما اشير الينا بذلك وسنحت الفرصة وتهيأت الظروف 

كنت اتمنى ان يكون هذا الشعب قد وعي وفهم وتعلم من تجربة اثارها السلبية طالت الجميع ولكن في الحقيقة اكتشفت ( انه لسه بدررررررررررري )

تم تعديل بواسطة وائل علوان
رابط هذا التعليق
شارك

22 ساعات مضت, وائل علوان said:

افهم من كلام حضرتك انك شايف زي ما عمل فلان او فلان او فلان كده امبارح فمن حق فلان او فلان او فلان يعمل كده انهارده ؟؟؟

نقدر نسميه انتقام مثلا !!!!!!!!!!!!!!!

لا يا عزيزى .. لست من فريق "إشمعنى" ولا من فريق "عاد لينتقم"
هو فقط إجابة على سؤال "بأى حق" ؟
فأردت أن أبين أن المتحدث فى الفيديو ليس هو فقط المتعدى على الحقوق
وأن أبين أن هذا الاعتداء على الحق لم يكن شيئا معروفا قبل تاريخ معين
وأن هذا الاعتداء شأنه شأن أى اعتداء آخر على الحقوق
ناتج عن فهم خاطئ لمعنى "الحرية"
وإن كنت حضرتك لم تقابل هذا الفريق أو ذاك من المعتدين
فأنت - بالقطع - تتعرض للاعتداء على حقوقك بشكل شبه يومى فى الشارع
ولا أدرى إن كنت قد لاحظت ازدياد هذا الاعتداء على الحقوق أثناء وبعد الثورة أم لا

وليس معنى إجابتى أنى أوافق على ما فى الفيديو ولا على أسلوب المتكلم
بل معناه التفكير فى مقولة أراها صحيحة 100%
"إن الثورات والحروب الأهلية تفرز أقذر ما فى الوطن ليطفو على السطح"
فهذا صحيح .. وسيمضى وقت حتى تعود القذارة "إلى القاع" مرة أخرى
ولكن مصيرها راجعة لمكانها .. حتما .. فهذه هى قوانين "الطبيعة"

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    لايوجد أعضاء مسجلون يتصفحون هذه الصفحة

×
×
  • أضف...