حنين - لمن فوق الخمسين (whatsapp)

[عادل أبوزيد]

اقتباس

*قصيدة مصري فوق الخمسين عام فأكثر....* عندى حنين...

عندى حنين جامد بيشدنى ﻷيام زمان.......
للترماى أبو سنجة اللى مافيهوش بيبان......  
لسبرتاية ووابور ساكت وعالى أبو دخان .....
عندى حنين للمنديل أبو أويا 
وهيبة جدى أبو ابويا 
ويشمك بنت الحارة
وكسوف بنت الجارة
والخلخال المدور ف كعوب  النسوان......
وقعدة حسن ومرقص وكوهين 
أيام ما كان عندنا فعلاً  دين
والاكلة يادوب تكلف قرشين 
ولو ماعندناش عشاء نروح عند الجيران.....
عندى حنين لعصاية العسلية 
والأكل نشيله جوة نملية 
والسفرة كانت لمة على طبلية 
والحلو نعمله مانشتريهوش من دكان.......
عندى حنين لعربية ولمبة الجاز
والشيش الخشب وراه قزاز
والنموسية فوق سرير هزاز
وأوضة المسافرين ممنوعة لكائن من كان....
عندى حنين لنهاركم سعيد 
وزيارتك لينا تبقى يوم عيد
وإتفضلى يا هانم بأدب شديد
والكبار حتى لو غرب بناديهم أعمام وخلان... عندى حنين لفرن ستي البلدى
ومنشة وطربوش وشنب جدى 
والكستور كان حنين على جلدى
والناس كلها بتصحى للشغل بهمة قبل الأدان.......
عندى حنين لعسكرى الدورية
واﻷمان نص الليل والفجرية
والحب كان يادوب لمسة ايديها لإيدية 
وﻻ بصة من عيون الحبيب تترعش لها اﻷبدان.....
عندى حنين للمدرس المحترم
اللى بصة منه توقفنا زى القلم
ولما يشرح نسكت كلنا ونتكتم 
ومافيش درس خصوصى عشان كان إنسان.
عندى حنين لساعى البريد
والمكوى كانت حتة حديد
والتلغراف كان إختراع جديد
واللى عنده تليفزيون يبقى من بيت مليان.... عندى حنين لدورى الشوارع 
وف أى عيد نزين الكنايس والجوامع
والكحك مدور والبسكوت صوابع
يعملوه بفرحة سوا أم فاطمة مع أم ماريان..
عندى حنين لبتاع البيانوﻻ 
والمية زى الشهد من القلة
وكل بيت ﻻزم يكون فيه غلة 
والسمنة والمش والعسل والجبنة جوة خزان... عندى حنين لصندوق الدنيا بستارته
واللى يشوفه يحكى على حلاوته
يعدى كل أسبوع ويغير حكايته 
وصاحبه يحكى لنا الحكاية فشر  البغبغان..
عندى حنين لجواز من غير فشخرة
والشبكة يادوب حاجة صغيرة
والشقة سهلة نجيبها متأجرة 
وكل اللى عاوز يتجوز بسرعة يلاقى له مكان.
عندى حنين ليوم خميس كان معلوم
نجهز كلنا لسهرة الست أم كلثوم  
والعيلة تتلم كلها من غير لوم
واسمع آهات الطرب من ابويا زى صوت الكمان.....
عندى حنين و الحنين دة تاعبنى 
وخايف اﻷمل اللى جوايا يسيبنى 
وأسيب الهم دة لبنتى وإبنى
يورثوا زمن خالى من الضحكة والحب واﻷمان.......
وبتمنى يرجع الحب تانى جوانا
ويسكن الوطن من تانى حشانا 
واللى بيحكمنا يبقى مننا ومعانا 
ومايسيبناش للعميل والعويل واللى لينا خان.
عندى حنين  وعندى برضه أمل
إن الكره ف بلادنا يتقتل
وإن أكيد بعد المر دة فى عسل
دى المحروسة عليها عين رب عادل ورحمن ورحيم ......
#عندى_حنين_وأمل
أنا المصري
منقول

 

[RSHUSSEIN]

By God you brought tears to my eyes your words reminded me of Egypt I once knew and left 40 years ago!

[tarek hassan]

2 ساعات مضت, RSHUSSEIN said:

By God you brought tears to my eyes your words reminded me of Egypt I once knew and left 40 years ago!

مرحبا بك في المنتدى وإن شاء دائما مصر بخير ووطن نفتخر بيه ونحبه ونشتاق إيه 

أنت تعلم الشباب مهما تغيرت الأماكن ومهما طالت الأزمان حبوا بلدكم واخلصوا ليها وتذكروا دائما فضلها عليكم

تحياتي 

[أبو محمد]

ده اسمه استفزاز يا أستاذ عادل

موضوع مثير لـ "لذكريات عبرت أفق خيالى" .. مثير لحنين لا يعرفه أولادنا Nostalgia
سأحاول - على قدر الإمكان - أن أضع بعض وسائل الإيضاح لبعض ما جاء فى القصيدة
 

اقتباس

للترماى أبو سنجة اللى مافيهوش بيبان

[أبو محمد]

اقتباس

 

لسبرتاية ووابور ساكت وعالى أبو دخان .....

 

السبرتاية .. مع قمع السبرتو وغطا الفتيل

ده (الساكت) أو (أبو عدة ساكتة)

وده العالى (ابو دخان)

أشهر الماركات كان "بريموس" .. و "أوبتيموس"

[أبو محمد]

9 ساعات مضت, عادل أبوزيد said:

عندى حنين للمنديل أبو أويا 

المنديل ابو أويا ده بقى حكاية
أصله اسكندرانى .. اشتهرت به "بنات بحرى"

من أشهر من ارتدينه .. شادية وتحية كاريوكا


وحديثا .. نانسى عجرم وصوفيناز

[أبو محمد]

9 ساعات مضت, عادل أبوزيد said:

ويشمك بنت الحارة

اليشمك .. Sounds Turkish
البتاعة اللى على الأنف دى اسمها "القصبة" .. كانت من الذهب

[عادل أبوزيد]

كان لازم نخرج من السياسة شوية , غير معقول أن نغرق جميعا في السياسة و ننعزل عن الأمور الحياتية العادية

ما سبق كان إستهلالا لابد منه

أين الكلام عن الفن  هل يعقل ألا نرى أو نسمع كليب ل شادية  هل تذكر شادية و هي تغني  "دي البنت حتة سكرة  ...."  ، كل يوم في الصبح تشكيلات أغاني جميلة جدا  .. 

ألا يوجد من الشباب  من يتكلم عن الشباب  و لا    الشباب كبروا  و دخلوا في ربيع العمل.

دعونا نأخذ هدنة  من الشأن العام  دون أن نفقد الإهتمام به

[suma]

 مساء الخيرات.

  فعلا تلك الخواطر لا تمر الا على ذهن من تعدي الخمسين حاضره ذهب في آماكن عدة  فدرءا للغربة والألم لا بد للعوده للوراء بالوجدان والروح ومن نعم الله علينا لا نتذكر إلا الاشياء الجميلة والتي تضفي بسمة على الشفاة ولمعة بالعين تحير من يجالسنا(ان كان هناك باقي منهم ) .

 ولو نظرت الى أشياءك التي اشتاقت لها الروح والنفس لوجدتها بسيطة جدا ولكنا احببناها فعلا وسعدنا بها .الترام مثلا يمثل لي عشقا ما بعده عشق وهذا البابور كم طهينا عليه الأكل الذي التف حوله كل الأحبه ؛ كان ذهني يرجع لآيام ماضية فسح النزهة والمنتزة  وقديما رحلات ابي الى الهرم..كنا نجلس حوله ..وغير المسموح نتحرك بعيدا لانه عيييييب..كنا نصدق انه عيب فعلا لكن في المرحلة الجامعية اكتشفت انها ليست كذلك لذا اخذت حقي في رحلات الجامعة .

أحسنت يا سيدي في اختيارك فعلا  كلام جميل سأحتفظ به  واردده عندما يشدني الحنين لآيام خلت .

 

         سومه

  

 

  

[Grandma]

أنا شامة ريحة تاريخ و حاجات حلوة  هنا طالعة من الفرن بتاع زمان ... بس فرن فينو 

ترمواي بسنجة و بوابير جاز و سبرتيات  و مناديل بأويا وكحك و خلاخيل ... أنا دخلت زقاق المدق ولا ايه ؟

فكرتني بحنين عبد المنعم مدبولي في فيلم ( مولد يا دنيا ) 

 

 

[أبو محمد]

في 9/21/2016 at 12:22, عادل أبوزيد said:

والخلخال المدور ف كعوب  النسوان......

هذا هو الخلخال (الأصلى) كان فى العادة "فضة" وساعات "ذهب"
كان بيتقدم "شبكة" فى الأرياف

وكان بيتلبس - برضه فى العادة - اتنين فوق بعض .. مما ينتج عنه "رنة الخلخال" الشهيرة
وكان فيه منه أبو "جلاجل" .. اللى بيرن "لوحده"

[أبو محمد]

في 9/21/2016 at 12:22, عادل أبوزيد said:

عندى حنين لعصاية العسلية