Jump to content
عادل أبوزيد

حفل إستقبال للأعضاء الجدد

Recommended Posts

أهلا و سهلا بل 460 عضو الجداد

زارنا النبي

يا 138000 مرحبا (460*300)

طبعا بعد تعليق الرايات ورفع الأعلام و رش الرمال حديكوا نصيحه غاليه:

حاولوا تقروا مداخلات mzohairy

من أهم المداخلات :)

على الاطلاق :blush:

Share this post


Link to post
Share on other sites

سكوب : ايه ده .. يفط دعائية جوا المحاورات ... و هل هذا يجوز ...

احمد : هو ايه ده اللي يجوز .. هو فيه حاجة بمزاجنا يا بني آدم .. هو مافيش لايحة ماشيين عليها ...

سكوب : لايحة ايه ؟

أحمد : لايحة .. القواعد .. اهه جه وقتها يا خفيف ... انت مش طابعها ..

سكوب : آه صحيح .. معايا ما تخافش ... بس احنا لسه ما كملناش تقديم بقية الفريق ...

احمد : هو ماتش يا سكوب ... اعتبرها فاصل و بعدين نكمل التقدمة ...

سكوب : ماشي .. لكن لو حد زعل من العيال حفتن عليك ....

و استلم الميكروفون :

- من فضلكم يا جماعة .. الكل يقف ..و بطلوا لغ شوية .. علشان الحتة اللي جاية مهمة ...

همهمة تجتاح الحاضرين ... و ابتدأوا في الوقوف

- كل واحد يسيب الطبق اللي في ايده .. و يرفع ايده اليمين و يحط ايده الشمال في جيبه ...

نظرات استعجاب بين الحاضرين و لكن قليلآ قليلآ ... ابتدأت الأيادي ترتفع و ساد علي المكان جوآ جديآ ...

- قولوا ورايا من فضلكم .... اقسم بالله العظيم

500 صوت يردد : اقسم بالله العظيم

سكوب : والله العظيم اقول الحق و ان كان علي رقبتي

500 صوت : والله العظيم اقول الحق و ان كان علي رقبتي

استاذ عادل لسي السيد : بينيل ايه ده ... الحقه قبل ما يبوظ الدنيا

سي السيد يهرول الي المنصة .. و يميل علي أذن سكوب

- فيه ايه يا سكوب ؟

مازالت الأيادي كلها مرفوعة و في انتظار بقية القَسَم

سكوب بصوت هامس : اصل الورقة ضاعت و مش فاكر بالظبط انا لازم اقول ايه ... اضربني بقي قدام العالم دي و خلي منظرنا اي كلام ...

يزيحه سي السيد بهدؤ .. و بأبتسامة يرسمها علي وجهه .. يأخذ الميكروفون :

- اتفضلوا استريحوا يا جماعة ..... الجزء الخاص بالحلفان خلص ... دلوقتي الأستاذ أحمد محمود .. الشهير بأبن مصر جه دوره علشان يتلو علينا قواعد محاورات المصريين .. اللي عادة مافيش حد بيقراها لما بيسجل عندنا .. و لكنها بجد مهمة جدآ .. و حتوفر عليكم و علينا جهد كبير لو تابعناها كلنا ... الكلمة الآن للأستاذ أحمد محمود ...

و ترك الميكروفون .. و لكن لم ينسي اثناء مروره امام سكوب أن يناوله بونية مخفية في بطنه ...

أحمد محمود : السلام عليكم و رحمة الله و بركاته

همهمة ترد السلام

- شوفوا يا جماعة ... يا بخت اللي بكاني و ضحك الشعب عليا ... و الأوله شرط آخره فلاشات .. و بين البايع و الشاري أيه

الجمهور : يفتح الله

استاذ عادل : يا أستاذ أحمد ... خش عالمفيد من فضلك

أحمد : ما هو ده كان استهلال لابد منه يا استاذ عادل .. عالعموم .. شوفوا يا جماعة .. قواعد المحاورات في منتهي البساطة .. ممكن تكون ما تعجبش .. لكن بعد تجارب السنين اللي فاتت ديه كلها .. وصلنا لقناعة أنها فعلآ .. اللي خلت المحاورات .. المحاورات الل بنعرفها كلنا دلوقتي ... و نشوف مع بعض البنود و نركز فيها:

التسجيل في هذا المنتدى متاح لكل من يرغب بالإنضمام في العضوية على أن يتم احترام النظم واللوائح الإدارية وهي كالتالي:

1- يجب مراعاة الإحترام المتبادل بين الأطراف المتحاورة، و عدم ذكر اللألفاظ البذيئة.

2- يمنع الإستهزاء بالمشاركين أوإثارة الأحقاد بينهم. و الخلافات بين الأعضاء، تحل عن طريق المشرفين فقط .

3- يمنع منعاً باتاً تبادل أو إطلاق الالفاظ السوقية التي تشعر بالانتقاص أو وصف طائفة إسلامية بالكفر والنفاق ألخ …، إضافة الى الكلمات البذيئة والرديئة التي لا يقبلها الخلق الإسلامي القويم.

4- يجب الإلتزام بكتابة المواضيع في الابواب المخصصة لها ومراعاة عدم تكرار الموضوع في اكثر من باب قدر الامكان.

5- يجب اختيار العنوان المناسب للموضوع وعدم إشتماله لعبارات إستفزازية أو تعريض بالآخرين.

6- يمنع تغيير مجرى الحوار في المواضيع أو محاولة تشتيت الأفكار التي يناقشها كاتب الموضوع أو تحويل المواضيع الى مهاترات شخصية وسيتم تحرير او حذف مثل هذه التعقيبات.

7- إدارة منتدى حوارات المصريين تشجع على الحوار الحر والهادف وتشجع على التفاعل بين روادها وتسعى بأن تجعل التعقيبات مفيدة ، ومشاركات الأعضاء المتكررة التي لا بقصد الإثراء بها والإفادة و الإستفادة و إنما لزيادة عدد مشاركاته سيكون مصيرها الحذف ، وبالذات إذا كانت ضمن مواضيع جادة وهادفة لما تشكله من إعاقة في سير الحوار الموضوعي.

8- يمنع نقل الخلافات من مواقع أخرى للمنتدى.

9- يمنع منعاً باتاً الإساءة الى الدين الإسلامي الحنيف، و الكتب المقدسة والأنبياء و الرسل والائمة من أهل البيت و الصحابة و أمهات المؤمنين و علماء المسلمين و المذاهب الإسلامية .

10- يمنع الانتقاد أو الإساءة لأصحاب الديانات الأخرى و العقائد الوضعية بأسلوب يتنافى مع آداب الحوار الإسلامية السمحة و اصول الخلق القويم.

11- يمنع التعرض لعلماء الدين بصفة شخصية أو توجيه الإهانة لهم و لكن ذلك لا يمنع شرح آرائهم وأفكارهم و مناقشتها بالدليل المرجعي الواضح و بأسلوب موضوعي بعيد عن التحقير أو الإتهام.

12- يمنع التعرض للشخصيات العامة بتعمد الإهانة لهم في حياتهم الخاصة.

13- حرية طرح النقاشات العقائدية مكفولة للمشاركين بشرط عدم تحولها لنقاشات طائفية عقيمة. و سوف يعدل أو يحذف أي موضوع يتعرض بصورة مباشرة لإثارة الفتنة الطائفية سواء كان ذلك بتوهين العقائد الدينية أو القيام بشتم وسب الشخصيات المقدسة عند المسلمين أو غير ذلك من صور تأجيج الصراع الطائفي على حساب وحدة الأمة وتآلفها.

14- تمنع الدعاية لأي موقع مخل للآداب و الأخلاق الإسلامية.

15- ما ينشر في صفحات المنتدى من حوارات لا يمثل الرأي الرسمي للموقع و إدارتها، بل هي آراء للكتاب و هم يتحملون تبعة آرائهم، و تقع عليهم وحدهم مسؤولية الدفاع عن آرائهم وأفكارهم.

16- حرصاً من ادارة المنتدى على التواصل مع أعضائها الكرام فإن باب شئون المحاورات مفتوح لهم أمام اى استفسارات او اقتراحات او الشكاوى العامه اما الشكاوى الشخصيه من اى عضو فتكون من خلال الماسينجر لأى من افراد الادارة.

17- حرية طرح المواضيع مكفولة لجميع المشاركين في المنتدى دون إستثناء شريطة عدم مخالفة قوانين الكتابة المذكورة أعلاه. و يحق لإدارة المنتدى و دون سابق إنذار حذف المواضيع أو تعديلها إذا لم تكن مطابقة للضوابط المذكورة أعلاه، و يتم إلغاء أو توقيف عضوية المشارك عند الإصرار على مخالفة الشروط.

18- غير مسموح نهائيا بتوجيه اى اهانه او تلميح للادارة بالتحيز او سوء القرارات و لا تناقش اى مشكلة خاصه باى عضو فى اى باب فى المنتدى فى حالة وجود اى شكوى من فريق التنسيق نرجو ابلاغ : الادفايزر . عبر ماسينجر المنتدى او الايميل ..

و خلاص .. فيه حاجة مش واضحة ؟

طب بكده فعلآ حنعمل مع بعض كلنا شغل عالي قوي .... و اهم حاجة .. و كلمة السر هي الأحترام ...

شاكر صبركم و دلوقتي نرجع للحفلة

تصفيق حاد

سكوب : ايه ده انا اتحلق لي .. التسقيف ده كان المفروض يكون ليا انا

بنت مصرية : لسه السهرة طويلة يا سكوب .. و الجايات اكتر من الرايحات ... هو مادا فين ؟... مادا ... مادااااا

فايولين : كان مع عمه العنتبلي بيقزقزوا لحمة ...

بنت مصرية : بيقزقز للواد لحمة .. يا نهار اسود ... و انطلقت بكل سرعتها ..

سكوب : طب دلوقتي يعني الأعلانات الدعائية بتاعت زهيري دي تجوز الا لأ ؟

عصام : انت ما سمعتش البند رقم 14 ... هو حاطط فيها صور ابيحة ؟

سكوب : لأ

عصام : حاطط فيها عنواين حد في المهجر ؟

سكوب : لأ

عصام : حاطط فيها صورتك ؟

سكوب : لأ

عصام : يبقي خلاص .. تجوز ... سهلة العملية مش كده ... ما تجيب حتة من الساندوتش اللي معاك.

Share this post


Link to post
Share on other sites

بعد السرد للموضوع المهم من 18 نقطه وجعوا بيها قلبنا بيقولك واضح ولا مش واضح

ياستاذى انت شايفهم اغبيه ولا ايه??? طبعا واضح

بس انت بتقول لحمه مع العنتبلى هى فين ديه ياعم ده سين سين ابولسان بلانصات ده مرمتنى بالارض علشان سندوتش كبده اسكندرانى و بعهولى بجوز عسكر و لحلاوه العنتبلى باعهوله باربعه

بس الغريب ياخى فى بدايه الحفل كنت شايف عدة باربكيوى و حاجات تفرح و عند الانتهاء من استماع ابن مصر

ابوص يمين و شمال ولا القى الباربككيو ولا اى حاجه الظاهر ان فى عشوه فى العوامه بتاعت استاذ عادل

Share this post


Link to post
Share on other sites

مجموعة جديدة تدخل الحارة .... و يهرع احمد محمود لأ ستقبالهم ..

- أهلآ أهلآ .... اتفضلوا الحفلة ابتدت ..

last Samurai : اريجاتو جوتزااي ماشيتا ...

احمد محمود : ماشيتا ... ماشيتا ... لو عايز تحلق سي السيد الجدع اللي هناك ده اللي بيبيع سدق ممكن يخدمك ... لو عايز شيتا خد تاكس لحد الجيزة و هناك في جنينة حتلاقي اللي بتدور عليه يا اخويا ..

last Samurai : اوهايو زاي ما ماس ( هي بتتكتب ازاي )

احمد محمود : زي ما مس ... الجدع ده حبتدي اشك فيه .. يا سكووووب ... تعالي يا خواجة شوفه عايز ايه ده ..

سكوب : جود بونجور يا خبيبي ... دو يو سيبك يوجوسلافي ؟

last Samurai : يوجوسلافي ايه يا سيدنا ... مالكم ...هو ايه النظام هنا ... انتوا افتكرتونا خواجات و لا ايه ؟

- سكوب : ياس .. اي هاف تو آيز .. ذا كات إذ أون ذا تيبول

- أحمد محمود : يا سكوب دول مصريين .. انت بتنيل ايه ؟

- سكوب : مصريين ايه يا افندي انت ... دول خواجات من كوريا الشعبية .. و الخواجة اهه عينيه مقفولة و معلق سنجة ورا ضهره زي فيلم بروسلي يجد معزة...

اثناء تلك المناقشة كانت بنت مصرية قد أبتعدت بالمجموعة الجديدة لتصحبهم في جولة أرجاء المكان .. بينما صوت سي السيد يتصاعد من الميكروفون :

- نيجي بقي للمكان اللي جامعنا كلنا فيه ... البيت كبير .. و عيلة ماشاءالله تسد عين الشمس .. بيت مليان اوض .. اشي خبيز .. و اشي عجين .. اشي سياسة .. و اشي بتنجان ... و تلاقي دول هنا بيتكلموا جد ... و تلاقوا دول هنا بيذكروا الله .. و تلاقي دول هنا بيمارسوا رياضة .. و اللي بيغني .. و اللي بيضحك .. يعني علي كل لون يا باطيسطا .... المهم ان كل لون يتحط في الأوضة بتاعته ابوس ايديكم .. الترتيب مهم جدآ عندنا يا اخواتنا .. يعني مش معقول نحط الخضار في اوضة المسافرين مثلآ .. و الا ايه... و ديه حاجة مهمة ..و دايمآ بنكررها .. لكن ساعات في ناس ما بتاخدش بالها و تقوم ترمي موضوع عن حاجة في باب مالوش اي علاقة ... نقوم نيجي احنا يا بتوع التنسيق و نفضل نشيل و نحط .. و نبعت ..لما الواحد ساعات بيتخنق بجد ...

سكوب : آه والنبي يا بو السيد اتك عالنقطة دي .. علشان انا مش ملاحق .. في البيت طول النار الف ورا جونيور الم في لعبه و شراباته و هدومه و احط كل حاجة في مكانها .. آخر النهار آجي هنا و الاقي نفسي تقريبآ بعمل نفس الموضوع...

سما مصر : مين ده ؟

ريهام : ده باين عليه مشرف

سي السيد ( ناظرا الي سكوب نظرة نارية جاززآ علي أسنانه ) : طيب يا استاذ سكوربيون .. حنبقي نتناقش حول مشاكل جونيور لاحقآ في الأدارة .. نرجع لموضوعنا ...البيت ده بقي يا اخواتنا من فترة للتانية بيحتاج ترتيب و تنضيف ... علشان كده فيه مجموعة اسمها المشرفين .. المنسقين .. الأدارة .. سموهم زي ما انتم عايزين ... دول حيكونوا تحت أمركم بس قبل اي حاجة تحت أمر المجموعة ككل قبل ما يكونوا في خدمة الأفراد ...

سكوب : خدامين ابوهم يعني ...

يفقد سي السيد اعصابه : يا سكوب نقطني بسكاتك .. بقوللك ايه .. ما تروح تلعب كورة في الطريق الدائري ...

سي السيد : نرجع لموضوعنا .. الفريق ده مين بقي .. مجموعة منكم اتعرفوا عليهم .. و سكوب قدم منهم اتنين شباب كده

فايولين كينج ... و شريف عبد الوهاب .. لكن فيه مجموعة تانية كبيرة بتشتغل في صمت ... و يشرفني ان اقدمهم

صاحب البيت الأستاذ عادل ابو زيد

تصفيق حاد ... يرفع الأستاذ عادل يده شاكرآ ....

- الميكروفون معاك يا استاذ عادل .. كلمة للأعضاء...

استاذ عادل : هو انا حتكلم كام مرة .. انا خلاص قلت اللي عندي .. بص لأول مداخلة في الموضوع ده ... و صحصحوا معانا بقي ...

سي السيد : أحممم .. آه صحيح انا نسيت .. معلش ...طب بدل ما نقع في مواقف محرجة , ننسي حد ... شوفوا ... انتو تحت في آخر الصفحة الرئيسية ... بصوا كده في النص حتلاقوا اربع ايقونات مهمين

اول واحدة عاليمين : مواضيع اليوم النشيطة

تاني واحدة : الأدارة ... اهما دول اللي لو احتجتوا اي حاجة حتلاقيهم تحت امركم .. هما اللي بيكنسوا .. هما اللي بينضفوا .. هما اللي بيحجزوا بين اللي بيتخانق .. و كده يعني ... و بالمناسبة حاجة مهمة .. لو فيه حد مفروس من التاني او شايل في قلبه منه .. او فيه حاجة حصلت و ما عجبتش ... فبدال التسييح ... و نفتح مواضيع نشتم و نقل قيمة بعض و كده يعني .. فأحنا هنا في المحاورات اتفقنا ان اللي حاسس ان فيه حاجة غلط ... يقوم دايس عالزرار ده ... و يكتب لعمنا الأدفايزور شكوته .. مش عايز يكتب للأدفايزور علشان مش عارفه . نو بروبليم ... ينقي اي واحد من الجيش اللي موجود هناك ده و يكتبله ... يعمل ايه بقي ابن المحظوظة اللي حتجيله الشكوي ... ييجي يرميها عندنا في اوضة الأجتماعات .. و نفضل ندرسها و نشيل و نحط و نتخانق .. بس في الآخر اللي بيتقرر هو اللي بيتنفذ ... ديموقراطيآ ... بمعني الكلمة ...

انا كنت وقفت فين .. اه الزراير ...

تالت زرار : مكتوب عليه افضل 10 مشاركين اليوم

رايع زرار : و ديه لوحة الشرف و اللي حتلاقوا فيه افضل 10 مشاركين كليآ ...

سكوب : ارحمنا بقي انا جعت ...

سي السيد : بابتسامة صفراء ناظرآ لسكوب .. عندك حق يا زميلي العزيز ... اتفضلوا يا جماعة البوفيه مفتوح ...و قبل ما انسي .. شكر خاص للمعلم العنتبلي لتبرعه باللحمة التي ستجدوها بالبوفيه .. و للأخ وايت هارت لتبرعه بالتورت و الجاتوهات .... بعد البوفيه الكلمة حتكون للأعضاء الجدد .. لو عندهم استفسارات او اقتراحات ...

و نزل من علي المنصة ساحبآ سكوب من ياقة جاكتته .. و دخلوا الي غرفة جانبية مكتوب عليها خاص الأدارة ....

يا تري اللي هيجرالك يا سكوب يا ابني ....

Share this post


Link to post
Share on other sites
... اتفضلوا يا جماعة البوفيه مفتوح ...و قبل ما انسي .. شكر خاص للمعلم العنتبلي لتبرعه باللحمة التي ستجدوها بالبوفيه .. و للأخ وايت هارت لتبرعه بالتورت و الجاتوهات ....

سيبك إنت ... دي أحلى جُمله أنت كتبتها يا سكوب وجت على الوجيعة ... أصل الأمور ناشفة عند أخوك اليومين دول وكل العزايم أو الإجتماعات اللي بأروحها الوجبات بتبقى مُحددة فمباعرفش أخد راحتي وبأقوم نص بطن ...

نفسي بقى في بوفية مفتوح كده وأنا أكون في البوفيه لواحدي وأروح نازل بالمايوه في قلب الحلل والآناجر - جمع انجر - وأفضل أكل أكل أكل لحد ما يبان لي أصحاب .... ويا سلام البوفية ده بقى يكون مقتصر على المأكولات البحرية المختصرة والمفيدة .. يعني إستاكوزا وجمبري وكابوريا - وإبعد عن أي أصناف سمك - .......... يـــــــــــاه دي تبقى ليلة .

Share this post


Link to post
Share on other sites

سي السيد : بس خلاص .. مش قادر .. اللحمة كبست عالمراوح و مش قادر اتنفس ... شوية شاي دلوقتي بقي ييجوا في وقتهم تمام ...

عصام : هي لسه فيها شاي و قهوة .. هي الحفلة دي حتخلص امتي .. عاوز اروح

سكوب : تروح .. يا ابني احنا لسه بنقول يا هادي ... الدور دلوقتي عالأعضاء الجداد و اللي مش جداد قوي

Mohamed ( من علي مائدة مجاورة ) : طب تسمحولي افتتح انا كلمة الأعضاء

سي السيد : ماشي يا ابو علم .. استني لما نقدمك للشعب

سي السيد : الو... الو... اعضاء المحاورات الكرام .. ارجو ان تكون اللحمة بتاعت المعلم العنتبلي .. و الFoix des ois à la champignons اللي جابهم الحاج زهيري من كرار بيتهم عجبوكم ... و لحد ما توصل الفاكهة ... فالكلمة دلوقتي حتكون للأعضاء نفسهم .. و حنبتدي بالأستاذ Mohamed .. اتفضل يا باشا

Mohamed : السلام عليكم

- و عليكم السلام و رحمة الله و بركاته

الأخوة الأفاضل أعضاء المنتدى ، وأخص الأخوة الجدد

نحن أعضاء منتدى محاورات المصريين نتحاور ونتحادث كأسرة واحدة ، نتحادث ونتحاور ونختلف كأعضاء أى أسرة داخل مصر ، وإن كانت أسرتنا كبيرة ، والعامل أو العوامل المشتركة بيننا هى حبنا لبلدنا وأحترامنا لانفسنا وباقى الأعضاء والذى يتجلى فى أدب الحوار حيث أننى أعتبر أننا نجلس فى دوار أحد الأخوة أو أبناء العم والذى تكرم وفتح لنا داره لنتجاذب فيها اطراف الحديث ،

أما وأننى قد لاحظت أن بعض الأعضاء وبالذات الجدد يدخلون المنتدى مهاجمين مشمرين عن سواعدهم ضد أى فكرة أو رأى يخالف مايرونه ، فنصيحتى لهم أن التؤدة ومراجعة الألفاظ مرة واثنتين قبل نشرها خيرا لهم ولنا حتى نبقى على بعضا من سمات هذا المنتدى ألا وهى أدب التحاور ، فلسنا فى نزاع فيما بيننا يستلزم حدة الحوار ، والاختلاف فى الرأى لايفسد للود قضية ولا يجب ان يمس انسانا ما بضرر مادى او أدبى.

الملاحظ أن بعض السادة الجدد على وجه الخصوص يستخدمون الفاظا لايصح ان تستخدم لوصف مخالفيهم فى الرأى كالجهل وعدم المعرفة والمخدوعين وما الى ذلك من الفاظ.

لا ياسادة أحترموا عقول الآخرين ولاتقللوا من شأن آرائهم حتى ولو كانت ضد ماتؤمنون به.

ولا عجب أن كثيرا من الأعضاء المشهود لهم بعفة اللسان وعمق الموضوعات التى يطرحونها قد تغيبوا عن الساحة بسبب أشياء مثل هذه.

أرجو الله أن يوفقنا جميعا.

تصفيق حاد و بالذات من اعضاء فريق التنسيق

Share this post


Link to post
Share on other sites

أنا مبسوط من وجود المنتدي الرائع دا .. فالحوار و التواصل و تبادل الخبرات و وجهات النظر هي الطريقه الوحيده لزياده الوعي .

دا حتي الاختلاف في الرأي .. مفيد جدا للرأي -_- :)

يثبته و ينقحه .

Share this post


Link to post
Share on other sites

السلام عليكم

دا أنا كل يوم باتعلق بالمنتدى ....أصدي بالبيت أكتر

و بعتبر نفسي محضوضة أوي لأني عرفتكم <_<

ربنا ما يحرمني منكم

Share this post


Link to post
Share on other sites

بسم الله الرحمن الرحيم وبه استعين

اخوانى واخواتى فى هذا المنتدى المثمر الرائع

ادخل بينكم اليوم وكلى امل ان اجد مجالا للحوار وقرائه افكاركم والتعبير عن افكاري من خلال بعض السطور

وادعوا الله تعالى ان يكون الحب والتسامح والاخلاص هو هدفنا الوحيد النبيل تحت رايه مصر كنانه الله فى ارضه حفظها الله

فتقبلوانى اخا بينكم لايحمل لكم الا كل حب وتقدير

مع خالص محبتى وصادق احترامى

عزالدين ابو العز

Share this post


Link to post
Share on other sites

www.mowjeldoha.com-borders-23.gif

أهلا وسهلا

شرفت أخواتك وأخوانك بقدومك الميمون وحضورك المشرف

أتمنى كل التوفيق من الله لك واتمنى ان تستفيد وتفيد

أتمنى لكِ كل فائدة في هذا الصرح الكبير

والله يحفظك ويرعاك

www.mowjeldoha.com-3barat-67.gif

Share this post


Link to post
Share on other sites

السلام عليكم ورحمة الله

اولا لقد تعرفت على هذاالمنتدى عن طريق صديق كويتي احترمه كثيرا قال لي وبلهجة كويتية فيه خوش منتدى راح يعجبك وايد واعطاني اسم المنتدى وعلى فكرة هوه قال لي انه بيتابع المنتدى وبيستفيد منه كتير جدا

في البداية كنت منتظر ان يكون منتدى عادي ومستواه الفكري ليس جيد

لكن وبصراحة عندما شاركت فيه وقرأت بعض الافكار والمواضيع المطروحة احترمته جيدا وبالفعل بدأت اتفاعل معه بشكل مستمر وشبه يومي

على فكرة هذا اول منتدى اشارك فيه واتفاعل معه لانه بصراحة معظم المنتديات اللي دخلتها كانت غير هادفة

Share this post


Link to post
Share on other sites

انا سعيدة انى انضميت لمنتدى متميز جدا بنكهته المصرية و خفة الدم الى مستحيل تكون فى اى شعب تانى و بصراحة انا اتشجعت لما شفتك يا دكتور عادل عضو فى المنتدى لانه اكيد احب اتعلم منك و اسمع اراءك بعد نجاحى فى ال MBA حيث انى كنت من تلامذتك

اى سؤال انا تحت امركم و بايجاز انا مصرية مقيمة فى سويسرا و بحب مصر قوى قوى

انا طبعا متابعة المنتدى و احب اشارك و افيد فى اى شئ معاكم

Share this post


Link to post
Share on other sites

انا سعيدة انى انضميت لمنتدى متميز جدا بنكهته المصرية و خفة الدم الى مستحيل تكون فى اى شعب تانى و بصراحة انا اتشجعت لما شفتك يا دكتور عادل عضو فى المنتدى لانه اكيد احب اتعلم منك و اسمع اراءك بعد نجاحى فى ال MBA حيث انى كنت من تلامذتك

اى سؤال انا تحت امركم و بايجاز انا مصرية مقيمة فى سويسرا و بحب مصر قوى قوى

انا طبعا متابعة المنتدى و احب اشارك و افيد فى اى شئ معاكم

أولاً مرحباً بك معنا يا بلو

ثانياً إنتي تقصدي مين بالدكتور عادل ؟

ثالثاً وده الاهم الف مبروك على نجاحك في ال ـmba والله يخليكي احكي لنا عن تجربتك بها احسن قي ناس هنا قربت تموت ولسه مش عارفه تفوت فيها

Share this post


Link to post
Share on other sites

اهلا يا وليد و يا س س شكلى انا اللى هرحب بيكو من كتر ما قريت مواضيعكو و حسيت انى اعرف كل الناس من زمان

بس يا س س اوعى توقعنى فى الكلام من الاول انا بقولك اهو :P

هو هيعرف لما يقرا

يلا اشوفكو قريب

بخصوص سؤالك ايه تخصصك و الا لسة فى الاول لو واخد تخصص مالى هتتحول و وفر على نفسك و خد سى اف ايه او سى بى ايه ابركلك

Share this post


Link to post
Share on other sites

www.mowjeldoha.com-borders-23.gif

blu

:P

:D

أهلاً و سهلاً كارما .... :P

نورت/نورتى المنتدى :)

طب ...تصدق بقه يا وليد انا شيلتهالك في قلبي :P

بلو ..كارما

اهلا بكل الاعضاء الجدد ..نورتوا المنتدي :D

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Similar Topics

    • إمكانية فرص العمل بكندا - نوع الأعمال المتاحة للمصريين الجدد

      الأخ أبو زيد كلامك صحيح وعشان تبحث عن موضوع كنت لازم تقلب الخمسة وعشرين صفحة عموما نبدأ بموضوع: فرص العمل ونوعياتها المتاحة للمصريين المهاجرين الجدد حصلت على تأشيرة الهجرة وجئت لكندا الشهر الماضي لاثبات دخول فقط وفي نفس الوقت تقصي حقائق الحياة وأهمها البحث عن فرصة عمل مناسبة. أنا مترجم وأعلم أن هذه الوظيفة ليست بالسهولة للحصول عليها بكندا والتقيت بأصحاب مكاتب ترجمة عرب بتورونتو التي يفترض انها مدينة التجارة وفرص العمل الواسعة . وكان الرد بأن البلد تمر بفترة كساد ويفضل أن تنتظر قليلا فهذا ليس

      in الحياة و الهجرة إلى كندا life and immigration to Canada

    • نحتاج من يتطوع لتقديم المشورة للأعضاء

      الحياة في مصر تتعقد بإستمرار بالنسبة للمصريين المغتربين أو الذين سيتغربوا ... ياريت  يكون هنا في المحاورات من يتطوع بإعطاء النصيحة و المشورة. عاوزين محامي شاطر و طيب و إبن حلال يشور علينا و ياريت حد ممكن يفتي في مسائل و مشاكل العاملين في الخارج. هل من متطوعين  

      in الملتقى العام لزوار محاورات المصريين

    • المماليك .. والمماليك الجدد

      فى أوائل القرن السابع عشر كان المصرى لا يرى نفسه صاحب البلاد .. ولا اولى الناس بالبقاء فيها وانما كان قصارى ما يطمع فيه أن يسمح له الحكام بالمقام بجوارهم والعمل والسهر على راحتهم .. وكان إستبداد الحكام وأولى الأمر الأتراك والمماليك يشعره ويوحى اليه أنه متطفل على موائدهم سائل ما ليس له حق فيه .. ولو عرف المواطن المصرى أيامها أنه وحده صاحب هذه البلاد .. وهو أول من سكنها لكان موقفه من المماليك موقف صاحب الحق المهضوم !!! وقديما قالوا التاريخ يعيد نفسه .. وبكل أسف وحسرة المماليك الجدد يلبسون" الك

      in سياسة داخلية

    • بالأسماء .. الوزراء الجدد فى التشكيل الجديد لحكومة قنديل

      أسماء الوزارء الجدد بحكومة قنديل بينهم 3 من الإخوان ذكرت مصادر برئاسة الجمهورية أنه سيتم الإعلان خلال ساعات عن تعديل وزارى يشمل 10 وزارات. وأوضحت المصادر أن سبب تأخر الإعلان عن التعديل الوزاري هو إيجاد بديل لوزير الداخلية حيث ترى الرئاسة قصورا في أداء الأجهزة الأمنية في الفترة الأخيرة. وتنشر «التحرير» الوزراء الجدد فى حكومة قنديل الجديدة خالد فهمي عبد العال وزيرًا للبيئة حاتم عبد اللطيف وزيرًا للنقل «عن حزب الحرية والعدالة» وائل المعداوي وزيرًا للطيران المدني محمد علي بشر وزيرًا ل

      in سياسة داخلية

    • العثمانيون الجدد...بطل من زمن فات ( اردوغان) ..

      موضوع من المواضيع التى ضاعت اثناء تحديث المنتدى .....للفاضل ابا فاطمة . تمت كتابته فى 11 أغسطس 2011 ------------------------- وهذه هى المداخلة الاولى .. --------------------- السلام عليكم ورحمة الله وبركاته الاخوة الافاضل منذ زمن وانا متابع هذا الرجل ( العظيم ) وكل مرة اقول خلاص الرجل ستقف انجازاته ولكن يخيب ظنى واتمنى من الله ان يخيب ظنى على طووول فالرجل يتحفنا بين الحين والاخر بمواقفه المشرفة اخرها زيارته لبورما وقبل ان استرسل فى مواقفه ساكتب تعريف عن بدء هذه المجموعة التى عرفتها با

      in سياسة دولية

×
×
  • Create New...