اذهب إلى المحتوى
محاورات المصريين

المكرونة اللذيذة


Grandma

Recommended Posts

أربع طرق على السريع لاعداد المكرونة الي كلنا بنحبها 

مش هقول معكرونة بالفصحى لاني مش عارفة ايه لازمة حرف  (العين

 

خير الكلام ما قل ودل وإتكتب بالمصري الفصيح

رابط هذا التعليق
شارك

أنا باحب المكرونة .. بالعند فى "مرض السكر" و فى البرادعى كمان .. هه

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

9 دقائق مضت, أبو محمد said:

أنا باحب المكرونة .. بالعند فى "مرض السكر" و فى البرادعى كمان .. هه

طيب الحمد لله لقيت حد بشجع مكرونتي :Thumbup:

خير الكلام ما قل ودل وإتكتب بالمصري الفصيح

رابط هذا التعليق
شارك

هي اللي في الصورة دي مكرونة قبل ما أخش على الفيديو 

أصلي أحب في المكرونة شكل واحد الشكل التقليدي الكلاسيكي 

حتى المكرونة بالبشاميل مش قوي فيها 

لكن عموما تسلم إيديكي 

مفيش مانع ناكل منها بس تدفعي كام

1.PNG

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

16 ساعات مضت, tarek hassan said:

هي اللي في الصورة دي مكرونة قبل ما أخش على الفيديو 

أصلي أحب في المكرونة شكل واحد الشكل التقليدي الكلاسيكي 

حتى المكرونة بالبشاميل مش قوي فيها 

لكن عموما تسلم إيديكي 

مفيش مانع ناكل منها بس تدفعي كام

1.PNG

أنا مش هدفع بس ممكن انقلك مجانا لاقرب مستشفى تعملك غسيل معدة ...و بكدا ابقى عملت معاك واجب 

خير الكلام ما قل ودل وإتكتب بالمصري الفصيح

رابط هذا التعليق
شارك

في ١١‏/٩‏/٢٠١٦ at 01:24, Grandma said:

أنا مش هدفع بس ممكن انقلك مجانا لاقرب مستشفى تعملك غسيل معدة ...و بكدا ابقى عملت معاك واجب 

أعرف من المكرونة نوع واحد بس وهي المكرونة بالصلصة وأعرف من المكرونة بالصلصة نوع واحد وهو النوع التقليدي اللي متعودين عليه 

18.JPG

أما المكرونة 

بالدجاج أو بالجبنة أو بالخضار أو بالتونة و بالبيتزا أوبالبشاميل أو بالجمبري 

فكل الحاجات دي بنتفرج عليها وخلاص 

 

 

 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

في ١١‏/٩‏/٢٠١٦ at 07:26, tarek hassan said:

أعرف من المكرونة نوع واحد بس وهي المكرونة بالصلصة وأعرف من المكرونة بالصلصة نوع واحد وهو النوع التقليدي اللي متعودين عليه 

18.JPG

أما المكرونة 

بالدجاج أو بالجبنة أو بالخضار أو بالتونة و بالبيتزا أوبالبشاميل أو بالجمبري 

فكل الحاجات دي بنتفرج عليها وخلاص 

المكرونة من الاصناف التى من الممكن ان تقدم كطبق صلطة او واجبة كاملة ..

هات الطبق اللى بالصورة ده استاذ طارق و ضعه فى صينية او قارب فويل به 4 ملاعق زيت ذرة ..

ضع عليه زيتون حلقات او مشروم و قلبه ..

ضع اى صنف لحوم مقطعة صغير او دجاج او لانشون و قلب ..

غطى الوجه بشوية جبنة موتزاريلا و دخله الفرن حتى تسيح الجبن ..

الف هنا ..

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

في ٩‏/٩‏/٢٠١٦ at 22:35, Grandma said:

أربع طرق على السريع لاعداد المكرونة الي كلنا بنحبها 

مش هقول معكرونة بالفصحى لاني مش عارفة ايه لازمة حرف  (العين

 

اين الطريقة ..

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

5 ساعات مضت, عطر الجنة said:

المكرونة من الاصناف التى من الممكن ان تقدم كطبق صلطة او واجبة كاملة ..

هات الطبق اللى بالصورة ده استاذ طارق و ضعه فى صينية او قارب فويل به 4 ملاعق زيت ذرة ..

ضع عليه زيتون حلقات او مشروم و قلبه ..

ضع اى صنف لحوم مقطعة صغير او دجاج او لانشون و قلب ..

غطى الوجه بشوية جبنة موتزاريلا و دخله الفرن حتى تسيح الجبن ..

الف هنا ..

تاني

عملها فيه المنتدى وضيع ما تعبت في كتابته 

المسألة مسألة تعود وثقافة

وثقافة الطبخ عندنا لا تقبل الخلط

يعني

طبق مكرونة تقليدي + لحوم أو فراخ أو بط + كفتة + سلاطة ... وكل ما تيسر 

كل واحد على حده .... وليس الكل في واحد 

والشكل العام بيبقى أفضل من وجهة النظر الأخرى

ثقافتنا في الطبخ لا تجمع بين المتآلف أو المتنافر في حلة واحدة 

ليس معنى ذلك أن الطبخ الحديث غير جيد 

ولكن العيب في معدتنا الكلاسيكية التقليدية 

العيال نازلين لخبطة بره في كريب وبيتزا وأندومي وأشياء غريبة 

لكن بيوتنا كلها بتعتبر برامج الطبخ الحديث مجرد عكعكه 

ناس متأخره 

بس نقول إيه المثل بيقول

 كل اللي يعجبك وألبس اللي يعجب الناس 

عموما 

العيب فينا 

وشكرا أستاذة Grandma : عطر الجنة

وتسلم الأيادي 

واسلمن يا سيدات بلادي 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

في البيت عندنا  منذ شهر تقريبا و دخلنا في مرحلة المكرونة ... إزاي معرفش

ما سبق كان استهلالا لابد منه

اللي حصل و نحن في لندن اتعزمنا كام مرة في مطاعم لا تقدم الا المكرونة بتشكيلاتها المختلفة ، و وجدنا إنه كله مكرونة  و عليها أي حاجة رمزية من ال "زفر"  أكون طالب الأكل و أعشم نفسي  بطبق مكرونة بالسي فود اصدم عندما أجد السيف د عبارة عن حاجة رمزية،

هنا في القاهرة لاحظت في الكام شهر الماضيين وجد سلسلة مطاعم اسمها مكرونة. لم اجربها بعد.

المدام عندنا معي الآن  و إطلعت على وصفاتك من المكرونة و إنتوت أن تجرب فينا و عندما أقول فينا فأقصد شخصي  المتواضع. ...   دعواتكم 

مواطنين لا متفرجين


رابط هذا التعليق
شارك

10 ساعات مضت, عطر الجنة said:

اين الطريقة ..

عيدك سعيد يا ست عطر :redrose:

الطريقة موجودة خطوة خطوة في الفيديو ... ومعاها المقادير كمان 

ما احنا لازم نتطور ونستخدم التكنولوجيا الحديثة في توصيل أفكارنا 

و الف شكر على امدادنا بوصفة جديدة :give_rose:

 

خير الكلام ما قل ودل وإتكتب بالمصري الفصيح

رابط هذا التعليق
شارك

9 ساعات مضت, tarek hassan said:

تاني

عملها فيه المنتدى وضيع ما تعبت في كتابته 

المسألة مسألة تعود وثقافة

وثقافة الطبخ عندنا لا تقبل الخلط

يعني

طبق مكرونة تقليدي + لحوم أو فراخ أو بط + كفتة + سلاطة ... وكل ما تيسر 

كل واحد على حده .... وليس الكل في واحد 

والشكل العام بيبقى أفضل من وجهة النظر الأخرى

ثقافتنا في الطبخ لا تجمع بين المتآلف أو المتنافر في حلة واحدة 

ليس معنى ذلك أن الطبخ الحديث غير جيد 

ولكن العيب في معدتنا الكلاسيكية التقليدية 

العيال نازلين لخبطة بره في كريب وبيتزا وأندومي وأشياء غريبة 

لكن بيوتنا كلها بتعتبر برامج الطبخ الحديث مجرد عكعكه 

ناس متأخره 

بس نقول إيه المثل بيقول

 كل اللي يعجبك وألبس اللي يعجب الناس 

عموما 

العيب فينا 

وشكرا أستاذة Grandma : عطر الجنة

وتسلم الأيادي 

واسلمن يا سيدات بلادي 

حضرتك تؤمر يا أستاذ طارق 

بس مش عارفة ليه مش بتحب تجرب الجديد !!!

ملل انك تاكل تفس الاكل و بنفس الطريقة يوميا 

صدقني المكرونة بالطرق الجديدة احلى كتير من اللي بالصلصة و الباشميل 

لكن المهم اتقان الطريقة 

ولازم تفرط ايدك في المقادير حقيقي هي مكلفة شوية 

وبالهنا و الشفا :redrose:

 

خير الكلام ما قل ودل وإتكتب بالمصري الفصيح

رابط هذا التعليق
شارك

27 دقائق مضت, عادل أبوزيد said:

في البيت عندنا  منذ شهر تقريبا و دخلنا في مرحلة المكرونة ... إزاي معرفش

ما سبق كان استهلالا لابد منه

اللي حصل و نحن في لندن اتعزمنا كام مرة في مطاعم لا تقدم الا المكرونة بتشكيلاتها المختلفة ، و وجدنا إنه كله مكرونة  و عليها أي حاجة رمزية من ال "زفر"  أكون طالب الأكل و أعشم نفسي  بطبق مكرونة بالسي فود اصدم عندما أجد السيف د عبارة عن حاجة رمزية،

هنا في القاهرة لاحظت في الكام شهر الماضيين وجد سلسلة مطاعم اسمها مكرونة. لم اجربها بعد.

المدام عندنا معي الآن  و إطلعت على وصفاتك من المكرونة و إنتوت أن تجرب فينا و عندما أقول فينا فأقصد شخصي  المتواضع. ...   دعواتكم 

ههههههه حضرتك حقل تجارب بتاع المدام ... تحياتي لها و تهنئتي بالعيد كل سنة وانتم طيبين و ربنا يخليكم لبعض :give_rose:

الحقيقة مش كل الاماكن اللي بتتقن عمل المكرونة

اول مرة آكل مكرونة بالسي فود في حياتي كانت في فببنا وكنت جعانة جدا وحبيتها اوي 

و بعد كدا اكلتها كتير يالسي فود .. احيانا تعجبني واحيانا لأ

في اسكندرية مافيش عندنا سلسلة مطاعم مكرونة لكن أحسن رستوران  بيقدمها هو (زيرو ) في سيتي سنتر 

 الألذ منها بكتير مكرونة بحبها أوي في الكويت ودي تعتبر أكلة شعبية بيعملوا زيها في المطاعم  الفايف ستارز مش بتطلع لذيذة كدا ... بيطبخوها طهاة فلبنيين  وهنود  قدامك في اكشاك بيع شيك ونضيفة بجميع انواع الخضروات و المشروم و الصلصة البيضا و الجبنة البارميزان حقيقي خرافية 

خير الكلام ما قل ودل وإتكتب بالمصري الفصيح

رابط هذا التعليق
شارك

2 ساعات مضت, Grandma said:

عيدك سعيد يا ست عطر :redrose:

الطريقة موجودة خطوة خطوة في الفيديو ... ومعاها المقادير كمان 

ما احنا لازم نتطور ونستخدم التكنولوجيا الحديثة في توصيل أفكارنا 

و الف شكر على امدادنا بوصفة جديدة :give_rose:

 

سورى انا فكرت بمجرد الضغط على الرابط حيفتح ..

عشان كده ممكن تعدليه .. انا جبت السورس ..

او ..

طرق المكرونة الاربعة

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

في 9/12/2016 at 02:53, عطر الجنة said:

سورى انا فكرت بمجرد الضغط على الرابط حيفتح ..

عشان كده ممكن تعدليه .. انا جبت السورس ..

او ..

طرق المكرونة الاربعة

 

غريبة الفيديو اللي حطيته كان واضح قدامي في الموضوع وبيفتح عادي كفيديو مش لينك   ...مش عارفة عندي بس ولا فيه ناس ماكانتش شايفاه 

على أي حال ألف شكر على المصدر يا ست عطر :give_rose:

 

 

 

خير الكلام ما قل ودل وإتكتب بالمصري الفصيح

رابط هذا التعليق
شارك

  • بعد 2 شهور...

مساء الخيرات على عيونكم كلكلم.

اولا كل سنة وانتم طيبين ومتهنيين وطائعين لدين محمد هليه السلام...وبالنسبة لحلاوة المولد انا جبتها ولم استمع لدعوات المقاطعة لانها عادة لدينا.

 

   نأتي إلى المكرونة.انا بحبها جدا وبكل أنواعها لكنها غداره وخاينة ياناس. يعني تتعب في عمايلها وتغرف صحن وتتبعه بآخر وتقول الحمد الله .....بعد سويعة تكون راحت من المعدة وتتركها خاوية تريد الإمتلاء من جديد ولولا الواحد عامل حسابه ويضع كام صحن بجانبها من..بروتين ممكن...خس مع طاطم ..!!!

  انا اعمل المكرونة بطريقة عادية جدا..السلق ثم الصلصة وبتكون بها بصل وثوم ..الأولاد كانوا بيحبوها جدا..وممكن في الصلصة شوية لحم مفروم ..أو بواقي دجاج ..لكن التونة دي لم تجد معي سكة بالمرة ..كان يشير بها علي الطبيب الذي يتابع الدايت ( خلوا بالكم من كلمة .كان.دي)

اما الحين صعب على ارفع اناء المكرونة لتصفيته فكان الآتي مني..

...ممكن أعملها بالطريقة الصعيدية: أحمرها في الإيدام ثم أضع الماء المغلي والملح واتركها تتشرب زي الأرز على الشياطة..أنا بحبها أصلا كده.

...الطريقة التانية أسهل واسرع اطلبها من مطعم المحروسة بيعمل مكرونة عجب أطلب اللي أنا عايزاه وييجي لحد عندي !!

وللعلم أنا عثرت على المطعم ده بعد جهد جهيد هو تبع القوات المسلحة يعني لا غش في اللحوم ولا يحزنون وفعلا أكله طيب ومن حين لآخر مكالمة منهم تسأل عن الرضا السامي على ما يقدمونه..

   وكنت قبلا من مدة كده بستسهل وأعمل أندومي. بس ناس كتيير قالت عنه كلام ..... مع إنه مصنع هنا في مصر..

     كفاية كلام عن المكرونة. تصبحوا على خير.

 

              سومه

رابط هذا التعليق
شارك

في 12/9/2016 at 01:14, suma said:

مساء الخيرات على عيونكم كلكلم.

مساء الورد والياسمين على عيونك يا ست سومة :giverose:

في 12/9/2016 at 01:14, suma said:

اولا كل سنة وانتم طيبين ومتهنيين وطائعين لدين محمد هليه السلام...وبالنسبة لحلاوة المولد انا جبتها ولم استمع لدعوات المقاطعة لانها عادة لدينا.

 

كل مولد نبوي و انتي واسرتك طيبين و بألف خير و صحة وسلام  وأمن و امان 

وانا كمان لم استمع لدعوات المقاطعة واشتريتها من زمان و خلصتها كمان و على فكرة الاسعار مش زيادة كبيرة زي الاشاعات المنتشرة على مواقع التواصل ما بتقول ... و الانسان لازم يكتفي بكمية بسيطة مش لازم يشتري بالكيلو  والاتنين حفاظا على صحتنا وجيوبنا

في 12/9/2016 at 01:14, suma said:

نأتي إلى المكرونة.انا بحبها جدا وبكل أنواعها لكنها غداره وخاينة ياناس. يعني تتعب في عمايلها وتغرف صحن وتتبعه بآخر وتقول الحمد الله .....بعد سويعة تكون راحت من المعدة وتتركها خاوية تريد الإمتلاء من جديد ولولا الواحد عامل حسابه ويضع كام صحن بجانبها من..بروتين ممكن...خس مع طاطم ..!!!

مين مش بيحب المكرونة ؟!!

دي من الاكلات المشتركة و المفضلة عند كل الشعوب 

اتهامها بانها غدارة وخيانة دا اتهام ظالم خصوصا اننا دايما بنلجأ لها وقت الشدة ... مش عارفين نطبخ ايه او مافيش عندنا حاجة نطبخها يبقى الحل المكرونة .. وفي المطاعم لو مفلسين بنلجأ لها بدل البروتينات  الغير مضمونة و الباهظة الثمن 

اما من ناحية الشبع وامتلاء المعدة فدا بيرجع حسب التعود .. اللي متعود ياكل بروتينات و لحوم دايما مش بيشبعه حاجة غيرهم .. ومع ذلك لهواة البروتين شوية لحمة مفرومة على المكرونة تفي بالغرض و ممكن قطع ماشروم . 

في 12/9/2016 at 01:14, suma said:

 انا اعمل المكرونة بطريقة عادية جدا..السلق ثم الصلصة وبتكون بها بصل وثوم ..الأولاد كانوا بيحبوها جدا..وممكن في الصلصة شوية لحم مفروم ..أو بواقي دجاج ..لكن التونة دي لم تجد معي سكة بالمرة ..كان يشير بها علي الطبيب الذي يتابع الدايت ( خلوا بالكم من كلمة .كان.دي)

واخدة بالي :clapping:

انا سمعت ان  المكرونة المسلوقة وبدون اي اضافات بتساعد على تخفيض الوزن و العهدة على الراوي ..انا مش مصدقة 

المكرونة بالثوم و الصلصة بالطريقة العادية دي تخصص زوجي العزيز هو اللي بيجيد عمايلها :Thumbsup:

في 12/9/2016 at 01:14, suma said:

...ممكن أعملها بالطريقة الصعيدية: أحمرها في الإيدام ثم أضع الماء المغلي والملح واتركها تتشرب زي الأرز على الشياطة..أنا بحبها أصلا كده.

انا مش عارفة الطريقة دي ما جربتاش ... يا ترى  دي تشبه المبكبكة الليبي ولا غيرها؟ 

على اي حال انا مش بحب المكرونة بالصلصة الحمرا مش بس المكرونة اي اكل بالصلصة مش بحبه ودلوقتي بعد اللي سمعته عن شركة هاينز مش عاوزة اشوف اي صلصة قدامي 

في 12/9/2016 at 01:14, suma said:

...الطريقة التانية أسهل واسرع اطلبها من مطعم المحروسة بيعمل مكرونة عجب أطلب اللي أنا عايزاه وييجي لحد عندي !!

وللعلم أنا عثرت على المطعم ده بعد جهد جهيد هو تبع القوات المسلحة يعني لا غش في اللحوم ولا يحزنون وفعلا أكله طيب ومن حين لآخر مكالمة منهم تسأل عن الرضا السامي على ما يقدمونه..

فعلا الطريقة دي أسهل و أسرع  وأريح وأمتع :fun:

على علمي زمان كانت المحروسة مش بيدخلها أي شخص الا تبع الجيش و القوات المسلحة :hunting:

أخو جوزي مرة دخل وعمل مشكلة لانهم ما رضيوش يدخلوه قعد يزعق افتكروه اتجن دخلوه eye::

ما دام بيتصلوا و بياخدوا رأي حضرتك تبقي تبع القوات المسلحة بطريقة او بأخرى 

على أي حال  اوتيل التيولب تبع القوات المسلحة و بيدخل اي مواطن وهو اوتيل كويس واكيد مكرونته هتكون لذيذة 

في 12/9/2016 at 01:14, suma said:

وكنت قبلا من مدة كده بستسهل وأعمل أندومي. بس ناس كتيير قالت عنه كلام ..... مع إنه مصنع هنا في مصر..

     كفاية كلام عن المكرونة. تصبحوا على خير.

فعلا الاندومي ضار زيه زي مكعبات الماجي المصنعة 

احنا يظهر اخدنا على أكل الطعام المؤذي :snack:

ولسه الكلام عن المكرونة الشهية مفتوح

تصبحي و تتمسي على خير  :redrose:

 

خير الكلام ما قل ودل وإتكتب بالمصري الفصيح

رابط هذا التعليق
شارك

  • بعد 1 شهر...

يبدو أنه حدث تغير كبير في المكرونة التي من المفروض أن نأكلها في هذه الأيام ، كل وصفات المكرونة تعتمد على المكرونة الإسباجيتي أو "الشرايط"  و لم أجد أى وصفة تعتمد على المكرونة الكستبان - حتى الكشري الآن يباع عند أساطين الكشري بمكرونة إسباجيتي.

هل صدرت تعليمات عليا بحظر  المكرونة الكستبان ؟    الفاضل scorpion ممكن يفيدنا بحكم  موطنه الحالي ربما عنده معلومات عن حظر المكرونة الكستبان.

مواطنين لا متفرجين


رابط هذا التعليق
شارك

المكرونة  زي ما احنا عارفينها  بالطلياني اسمها PASTA ... و نوع منها اسمه ال maccheroni  يعني مكرونة مش معكرونة... و اللي من باب العلم بالشيء وصلت لأيطاليا من الجنوب و جات مع العرب ... 

بالنسبة للمكرونة الكستبان او المقصوصة او النص مقصوصة فانا بشوفهم دايمآ في مصر لما بنزل .. و للأستاذ عادل  و لطارق العزيز  أهديكم وصفة سهلة و سريعة و مافيهاش  شغل كتير  جدير برجالة في المطبخ   دوس هنا...

المكرونة الكستبان او زي ما بيسموها هنا بالمكرونة القصيرة تتعمل عادي .. يعني تغلي الميه و تحط شوية ملح و ترمي المكرونة فيها لحد ما تستوي و ترفعها اللي يضاف عليها بعد كده شوية صلصة و بتنجان مقلي مكعبات صغيرة و شوية جبنة رومي مبشورة 

او شوية عدس او فاصوليا بيضا من غير صلصة 

او تجيب شوية كوسة و تقطعهم برضه مكعبات صغيرة و تتشوح خفيف مع شوية زيت علي فصين توم و شوية شطة او فلفل احمر ( ممكن كمان تضيف كاري او كركم ) و لما تستوي تحط شوية جمبري و تسيبهم دقيقتين تلانة بالكتير .. و بعدين تطبخ المكرونة عادي و لما تستوي تضيفها عالكلام اللي فات ده و اقلبهم في بعض و بالهنا و الشفا .. 

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      من أوائل المؤسسات المصرية التى طبقت مبدأ مصر أولا هى المؤسسة العسكرية فالقوات المسلحة المصري عرض المقال كاملاً
    • 36
      * * "عزيزة" هذا هو الاسم الذي اخترته لأول سيارة امتلكتها في حياتي.. اشتريتها في أيام الفقر.. (تقولش يعني دلوقتي بقيت مليونير :) ) كانت "عزيزة" سيارة قديمة ومتهالكة جداً لدرجة تثير الدهشة والاستغراب في نفس الوقت.. وكان الناس يتساءلون: كيف هذه السيارة ما زالت على قيد الحياة رغم كل هذه التشوّهات الظاهرة عليها.. بالفعل كانت سيارة عجيبة جداً.. ما يكاد يراها أحد إلا ويشفق عليها وعلى صاحبها (اللي هو أنا) بل إنها كانت مصدراً للسخرية من جميع الناس.. ممن أعرفهم وممن لا أعرفهم.. ولكن مع ذلك .. كنت
    • 12
      كوندوليزا رايس وزيرة خارجيّة أمريكا الجديدة بوش و رايس.... وجهان لعملة واحدة http://www.ahram.org.eg/archive/Index.asp انها وجه امريكا في العالم‏..‏ وجه يعكس قوه ورحمه ونبل هذا البلد العظيم‏'‏ تلك هي الكلمات التي استخدمها الرئيس بوش لتقديم وزير خارجيه امريكا السادس والستين السيده كوندوليزا رايس ثاني امراه بعد اولبريت واول امراه من اصول افريقيه تتولي هذا المنصب المهم لتصبح علي مدي الاربع سنوات القادمه الصوت الذي يتحدث بوش من خلاله الي العالم‏.‏ فاذا كان الوزير السابق كولن بول يعد من الحمائ
    • 2
      ... سلطة الأرز والمكرونة ... المكونات التى تضعيها واحدة فى الحالتين . يعنى ارز مطهى ...او ..مكرونة مسلوقة . تقطعى مكعبات صغيرة ..بصل وطماطم وخيار ..وشرائح فلفل اخضر وزيتون اخضر وفلفل احمر ...وتونة أوانشوجة أو جمبرى مسلوق أو شرائح كابوريا / يعنى اى حاجة بحرية / وفيه ناس تحب تقطع جبنة مكعبات ..جبنة بيضاء من غير ملح . وتخلطى كله على الأرز او المكرونة وعليه صلصة فرنسية / زيت زيتون وخل وملح وفلفل اسود /.. ومن اسرار ..ربة البيت ../ ضعى فى طبق صغير مكونات الصلصة الفرنسية واضربيها بالشوكة كأنك
×
×
  • أضف...