اذهب إلى المحتوى
محاورات المصريين

فساد المستشفيات


Sherief AbdelWahab

Recommended Posts

شكراً للافوكاتو

ذات الوشاح

والله العظيم

حرقت دمي ورفعت ضغطي ..

وعايز اصرخ بصوت عالي اقول كلام كتير قوي قوي قوي

هو فيه ايه ....................................

هو فيه ايه بالضبط .....

منتشسبيمكنشس تيبمكنشست يبكنع3ضبقخهشستبنمض عق4خفه1 24فتقصكنمشسيمكنضتسبث01934ع شمكنسترءىؤرمنسقلب

ضص

قفب

منكشسلتبيمكشنستيب093124عمشنستب

ده غضب طلعته على لوحة المفاتيح .

مش باقولكم الحكومة بنت الوسخة ..

نجحت نجاح ساحق ماحق .............. في المخطط اللي نظمته وأول مرة الحكومة والنظام ينجحوا في حاجة بعد سرقة الدوله وأموال الشعب .

وهي نجاحها في مسخ البتاع المصري ،

فعلا مسخت هذا البتاع المصرى واصبح حيوان في شكل إنسان ،

والله الذي لا إله إلا هو ....................... لما بأنزل مصر ........... بأشعر اني في حديقة حيوانات فعلاً .... حديقة حيوانا كبيرة قوي قوي قوي

اسمها مصر ......................... كل لما امشي خطوة اقابل حيوان ممسوخ في شكل إنسان .

ممسوخ ومشوه النفس والعقلية والعقيدة والروح والعقل و و و و و و و

هذا هو البتاع المصري الجديد ، مبروك للنظام والحكومة ....... فقد نجحتي في الخطة ....

لذلك اصبح لا قيمة للبتاع المصري ده من زمان قوي ....

والبتاع نفسه ادرك هذه الحقيقة ومن هذا المنطلق يتعامل مع الآخرين ، لذلك لا يشعر بأي تأنيب ضمير ( يعني ايه ضمير)

ولا حرام ولا حلال وأي حاجة تسمى تحت الإنسانية والآدمية ....................

فالبتاع نفسه رخيص ................... ارخص من فضلات الملاعين لعنة الله عليهم واخذهم الله بأفعالهم ....................

فكيف يقدر حياة الآخرين من البتوع ..........

ولا حول ولا قوة إلا بالله ....................

اللهم فعجل بغضبك عليهم .... فهم كالأنعام بل أضل

رابط هذا التعليق
شارك

  • الردود 52
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

الصور المنشورة

نعم كل منا له ويعرف مئات القصص والحكايات والروايات

عن الفساد والانحراف و و و و و و

ولكن اصعب ما يمكن سماعه وافظع ما يمكن روايته وتحمله ......... هو عندما تسمع قصص ومأسي المستشفيات

عندما تحدث مثل هذه المصائب مع المرضي الذين لا حول لهم ولا قوة .

عندما تتحدث عن انفاذ ارواح ....

كل المصائب والفساد والانحراف كوم ....................... وما يحدث مع المرضى وأرواح كوم تاني خالص ..

رجل مصاب بأزمة قلبية ........... وأمامه دقائق ان لم يتم اسعافه ..........

شاء القدر ان تأتي له الأزمة بجوار مستشفى حكومي ، وأدخلوه المستشفى .

ماذا يفعلون .......... كلاب المستشفى .............. بطاقتك فين ..................

ويأخذون منه البيانات .......... ههههههههههههههههههههههههههههههههههههههههههههههههههه

يالها من حقارة هذه النفسية والعقلية المصرية

بطاقتك فين ، وكيف لإنسان بأزمة قلبية يتألم ويعض في الأرض من الألم ولا يدرى بحاله ، كيف له ان يخرج بطاقته او يعرف اين هي

او يملي استمارة .............

مئات القصص والروايات . المقرفة ،

لا حول ولا قوة إلا بالله .

والعجب العجاب ان هؤلاء الكلاب ، والحرامية والمرتشين والنصابين والأفاقين و و و و و

يشتكون أيضاً من سوء الأوضاع ...................

مريض اخر يعاني من أصعب الأمرض واخطرها

ومن نتائج المرض انه لا يستطيع ان يتحكم في الإخراج من السبيلين ،

ومتواجد في مستشفى من المفترض فيها انها مستشفى حكومي تبع جهة حكومية لها ثقل في البلد ،

ومن المفترض ان هذا النوع من الأمراض له عناية خاصة نتيجة ما يحدث للمريض

الحيوانات ........... وضعها للمريض ملاية للسرير المعفن .................

ولا حول ولا قوة إلا بالله ، المريض ليس له قوة ولا حول في نفسه ، اتوسخت الملاية ..........

حاول ان تطالب بملاية للسرير ، ساعة ، ساعتين ،

اصل مفيش ملاية ياأستاذ ،

اصلهم في المغسلة ، ههههههههههههههههههههههههههههههه

حتى الملاية عايزة واسطة

حتى ملاية السرير عايزة تدفع فلوس علشان يجبو لك ملاية سرير وهي اساسا حق للمريض رغم انفهم

حق للمريض ان يستبدل 20 ملاية طول اليوم

ولكن هيهات في الحيوانات داخل الحديقة .

وفي دولة عربية ولن نقول أوروبية .

في مستشفى حكومي عادي

غرفة خاصة كبيرة مليانة ارفف مخدات واكياس مخدات مكوة ، ومطبقة ، ومئات الملايات ،

مفتوحة على مصرعيها ،

نعم مفتوحة للمرضى يأخذون منها وقتما شاؤو

ولكن أيضاً مفتوحة لأهل المرضى ، فقد يقومون هم بالتغيير وقتما يحتاجون ،

اما عن العناية والخدمة و و و و وو و و و فهناك فرق بين السما والعمى ...............

الحل الوحيد هو الهدم ...

ان يسقط الله السماء على الأرض وخصوصاً على هذه البقة من الأرض وخصوصاً على هذا النوع من الشعب

فضفضة مخنوووووووووووووووووووووووووووووووووووووووووووووووووق

رابط هذا التعليق
شارك

الفاضل/نفسى أحبها,

أن ما كتبته هو أصدق شيئ قرأته فى الأسابيع الماضية.

مداخلتك لا تحتاج تعليق, بل تحتاج تحية.

تحياتى , تقديرى لكل كلمة تفوهت بها.

أستاذ / أفوكاتو

أحب أعرف حضرتك إن العضو "نفسه يحبها" مش مصري

هل لا زلت عند رأيك في تحياتك و تقديرك له

رابط هذا التعليق
شارك

الفاضل/نفسى أحبها,

أن ما كتبته هو أصدق شيئ قرأته فى الأسابيع الماضية.

مداخلتك لا تحتاج تعليق, بل تحتاج تحية.

تحياتى , تقديرى لكل كلمة تفوهت بها.

أستاذ / أفوكاتو

أحب أعرف حضرتك إن العضو "نفسه يحبها" مش مصري

هل لا زلت عند رأيك في تحياتك و تقديرك له

طيب لو سمحت يا ايهاب تقول لنا مين هو نفسى احبها ده ومنين

انا مش اول مره اقرا مداخلاته .. واتضايق من الفاظه .. ومش عارفه

ليه الاداره ما حذفتش من مداخلته الالفاظ الخارجه اللى كاتبها. :unsure:

وبعدين لو انت مش مصرى حارق دمك قوى كده ليه وعايز ونفسك تحبها ليه من اصله

ما بناقص طالما لا عاجباك شعب ولا حكومه :blink: .

757845%20dadf.gif
رابط هذا التعليق
شارك

العضو " نفسه يحبها " يصف مصر و المصريين بأنهم

رعاع

حوش

حيوانات

زبالة

اي حاجة وسخة ممكن تحطها

النهب جين وراثي ، وانعدام الأخلاق من مظاهر البتوع ،

والدعارة لكسب العيش ومهنة ،

إنها مستنقع ....

وأقول ( مستنقع حديقة الحيوانات)

مش باقولكم الحكومة بنت الوسخة ..

والله الذي لا إله إلا هو ....................... لما بأنزل مصر ........... بأشعر اني في حديقة حيوانات فعلاً .... حديقة حيوانا كبيرة قوي قوي قوي

اسمها مصر ......................... كل لما امشي خطوة اقابل حيوان ممسوخ في شكل إنسان .

فالبتاع نفسه رخيص ................... ارخص من فضلات الملاعين لعنة الله عليهم واخذهم الله بأفعالهم ....................

اللهم فعجل بغضبك عليهم .... فهم كالأنعام بل أضل

يالها من حقارة هذه النفسية والعقلية المصرية

والعجب العجاب ان هؤلاء الكلاب ، والحرامية والمرتشين والنصابين والأفاقين و و و و و

يشتكون أيضاً من سوء الأوضاع ...................

الحل الوحيد هو الهدم ...

ان يسقط الله السماء على الأرض وخصوصاً على هذه البقعة من الأرض وخصوصاً على هذا النوع من الشعب

و في مواضيع أخرى كتب "نفسه يحبها"

الحل هو الهدم

فعجل اللهم بغضبك على هذه الأرض ... فالرحمة لم يستفيدوا منها ....

الحل الوحيد هو ان النفق ده ينهد كله على بعض

حتى يظهر النور وتسطع الشمس على طهر ونقاء وصفاء على أرض فضاء

ويهاجر إليها رجل صالح من بعيد ، فينشأ الأسرة الصالحة ومن ثم المجتمع الصالح ومن ثم

لا للعبودية والوساخة و و و و و و و

الحل الوحيد هو الهدم

عسى الله ان يقلب هذه الأرض من تحتها إلى فوقها

ويدفن كل من فوقها

فعجل اللهم بغضبك على هذه الأرض

فالرحمة لم يستفيدوا منها شيئ

الشعب المسخ قاموا بسرقة هذه البراميل الخاصة بزبالتهم ... من الشوارع

سرقوا البراميل من الشوارع .... تخيلوا ............ سرقوا براميل الزبالة من الشوارع ....

حتى صنادق الزبالة ... ما تركوها في حالها ........ شعب لا يعرف النظافة ولا يعرف الإنسانية ولا الآدمية .... وهذه السمة الغالبة فيهم .

دلوقتي يا " نفسك تحبها "

مش تعرفنا حضرتك جنسيتك ايه ؟

متقولش مصري عشان مبحبش الكدب

عموما لحد ما تجاوب

لك مني

عظيم الاحتقار

تم تعديل بواسطة ايهاب سالم
رابط هذا التعليق
شارك

الأخ الفاضل إيهاب سالم,

تقديرى لشخص هو تقدير لما يكتبه , و ما يمكن أن استشفه من كلماته,

و فى المداخلة الأولى التى كتبها الأخ " نفسى أحبها" كانت كلماته تعبر عن الواقع كما يمكن أن أراه شخصيا,

و كون هذا الشخص مصرى أم لا , فلا أعتقد أنه هناك طريقة للتحقق من فيش و تشبيه العضو سوى كلماته. و حتى ذلك لا يمنع أنى أعجبت بكلام كثير من الأخوة و الأخوات الأعضاء الذين ينتمون إلى الدول العربية الشقيقة.

و بعض الكلمات التى وردت فى تعليقك على ردى على مداخلة الأخ " نفسى أحبها" لم تكن تصف المصريين من وجهة نظره هو, و لكنها كناية عما يعتقد الكاتب أنها رؤية المصرى الشعب المصرى فى عين الجهات الأمنية( رجاء مراجعة نص مداخلته الكاملة)

و الآن, و بعد أن عقبت على تعليق الأخ إيهاب, لى تعليق آخر على مداخلة أخرى للأخ " نفسى أحبها" التى ذكر فيها:

مش باقولكم الحكومة بنت الوسخة ..

فأنا أعتقد أن إستعمال هذه اللغة فى منتدانا الثقافى الراقى غير لائق, و يقلل من قيمة الرأى حتى ولو كان صائبا.

تحياتى لكم جميعا,

أعز الولد ولد الولد

إهداء إلى حفيدى آدم:

IMG.jpg

رابط هذا التعليق
شارك

انت يا نفسى احبها اكيد مش مصرى ولو كنت مصرى يبقى اكيد بعت ولائك وجنسيتك للبلد ايلى ?

انا حقيقى لو مش بحترم المنتدا واعضائه كنت رديت عليك بنفس الالفاظ ايلى شبهة بيها اهلنا وناسنا المصرين

رابط هذا التعليق
شارك

الأفوكاتو يقول :

و بعض الكلمات التى وردت فى تعليقك على ردى على مداخلة الأخ " نفسى أحبها" لم تكن تصف المصريين من وجهة نظره هو, و لكنها كناية عما يعتقد الكاتب أنها رؤية المصرى الشعب المصرى فى عين الجهات الأمنية( رجاء مراجعة نص مداخلته الكاملة)

واضح ان الأفوكاتوا راجل فاهم ......

وبيفهم اللي بيقراءه .... مش بيقراء وبس ........... وده شي جميل انك تقراء السطور وما بين السطور .... وتشعر بالحروف وما تحمله .

وهذا يفتقده كثير او بعض الناس .

الأخ ايهاب سالم ......... كام مليون مرة .... انت حضرتك شخصياً ... في نفسك وعلى الملاء قلت ان الحكومة ده ....................

وتشكر وتمدح هذا الشعب الجميل بما يحمله من سلوكيات محترمة حضارية تحمل صفات الأخلاق والتدين اليومي ... ؟؟؟؟؟!!!!!!!

كم مرة م

فيما سبق قلت انا .... ان من مرارة الواقع وحقيقته ...... يصيب بعض الناس بحالة تجعلهم يتكلمون بخلاف ما يحملون في صدورهم وأفكارهم .

فهنيئاً لك بالوطنية ................... وطعمها المر العلقم ...

أما أنا للاسف مصري

وبطافة شخصية مصرية ( حالة قرف )

وكفاية كده ...

oche

تتحدثين عن ولائي ................ يعني ايه ولاء ؟؟؟!!!

أنا آخر شوية ولاء عندي الحمد لله الدولة مسحتهم ( وأنا في الجيش ) .... واللي ما يعرفش يقول عدس ..... ولما تجربي اليمك قولي ياوطنية ...

ولاء وانتمائي للأرض التي أشعر فيها بأني إنسان ، آدمي ، محترم ،

أما اذا حضرتك عايش في مصر ومن أصحاب السكة المفتوحة والكروت والظهر المتين فلك الحق ان تتكلم عن الولاء الوطنية ( الزائفة )

أما إذا حضرتك عايش بره مصر ، فأين ولائك الآن ، مدفون لحين ما ترجع مصر ،

لماذا لم تعمل في مصر وهربت منها ، لماذا لم تكدح في مصر ، وتجعل تراب مصر يشرب من عرقك ،

لماذا لماذا لماذا .............. إنها الوطنية الولاء ......

يهربون بالسنين ، ويتحدثون عن الوطنية والولاء ..........

ولا انت آثرت العمل خارج مصر حتى تنتفع بلادك من ضرائب العاملين بالخارج التي سرقتها الحكومة من المساكين بالخارج

حتى لما المساكين هربو منها لم تتركهم الدولة في حالهم ،

فلا هي رحمتهم بالداخل ، ولا تركتهم في حالهم بالخارج .... هل تعرف مهزلة ضرائب العاملين بالخارج وعلى مدار كام سنة سرقوا مليارات الجنيهات من المساكين بالخارج

وفي النهاية قال ايه صدر قانون بعدم دستورية ضرائب العاملين بالخارج ..... وفين فلوسهم .

هههههههههههههههههههههههههههههههههههههههههههههههههههههههههههههههههههههههههههههههه

ه

هههههههههههههههههه

هههههههههههههههههههههههههههههههههههههههه

وطنية ، ولاء ........................ ولاء باللحمة المفرومة

ياعم بلاش حرقة دم ، وكفاية وطنية بقى ،

كفاية وطنية وولاء ، سممت بدنا ، وعقولنا ، وحطمت نفسيتنا ،

اقولك نكته .

بيقولك ... 4 آمناء شرطة قابلوا موظف غلبان في الشارع ، قالولو بطاقتك ( طبعاً بكل احترام ) وبعد ما اخذو البطاقة ،

واحترموه شوية ،

قالولوووووووووووو ( روح هات لنا 4 شندوتشات كفته ) ............... تحب تسمع باقي النكته ... ولا تحب اقولك نكت تانية ....

طلع بقى مزورة الوطنية وقيس عليها ........... الدولة كلها كده ، حكومة ، ونظام ، وشعب ،،،، ياعم انا باقولك الشعب ده مسكين ،

لكن للاسف ،،، لم يعد مسكين خلاص ، الحكومة ، مسخته ،

ياترى حضرتك عندك كام نكته من النوع ده ............ يقطعوا القلب ، ويحرقوا الدم ، ويرفعوا الضغط ، ويسمموا البدن ، ويخليك تلعن الدنيا واللي فيها من القهر والظلم

مش بس تقولك الحكومة .... بنت ... ولا ولد ............

واحد هربان من امه ويقولك وحشتيني ياما ..... هههههههههههههه ... مسخرة .... تناقض ..... كذب ....... شعارات فاضية ......

أما الحقيقة مش عارف بتوجع ليه ........ وحتفضل توجع ....

أما الأخ ايهاب سالم ... فعظيم احتقارك هذا لي ....

هذا هو شأن الشعب الممسوخ الحالي ، ولا غرابة ..... (

وأقول لحضرتك ........... ده كلام الناس عن بعض .

الكل يخاف من الكل ، الكل يحقد على الكل ، الكل يكره الكل ، الكل بيسرق الكل ، الكل ايده في جيب التاني ، ولا حضرتك مش عايش في مصر برضوا ،

وطنية بالريموت ، ولا ولاء عن بعد ولا اية ...............

لما تنزل مصر .... راح يقولولك ...... بس ما تقباش تخبي عليه ... وقولي الحقيقة .

يمكن هي وردي وانا عندي عمى الوان ........

(((((((((((((((( اما OCHa))))))))))))))))

اهلنا وناسنا ...................... مساكين مغلوب على امرهم .... مطحونين ...

واللي بيعتبر نفسه مش من دول ، يخرج نفس منه ، ويعتبر نفسه الإستثناء ، ويعتبر نفسه فلت من مخطط المسخ ، احتمال يكون حد فلت ، وده متوقع ،

بس للاسف انا ما شفتوش ولا سمعتش عنه حاجة ............... واحتمال بيدعى كده بس هو مش عارف انه ممسوخ ، ده احتمال برضوا ،

( ما اصل دلوقتي ) حتى المرتشي ، والنصاب ، والمحتال ، بيقولك ، الدنيا بقت وحشه قوي ، وبرضوا دول بيتكلموا ويقولوا ان الفاسد انتشر .

وهو حرامي ، ومرتشي ، ونصاب ، ومحتال ، ويأكل من الحرام ، ويستحل الحرمات ، ويهتك الأعراض ، كل ده والمبررات النفسية والعقلية بداخله تسول له هذا

فلا يدري ولا يشعر بما يفعله (((((((((( مش باقولكم ممسوخ ))))))) آآح مم ننا هو .......... حمار يعني ، كالبهائم بل هم أضل ...... خلينا نقول زي نسبة الانتخابات

99.9 بالمنظر ده .......... وبيتكلموا عن النظافة والإيمان والدين والصحة وعن الفساد والدين و و و و ، وهما في مستنقع الحياة ويفعلون من المحرمات واللآدمية

ما لا يعلمه إلا الله .............. دول برضوا بيتكلموا في الوطنية والولاء .... هي ده المشكلة ....

فكل ما يرى انه فلت من مخطط المسخ ، فأنا اعتذر له ....... وعساك بذرة الصلاح في المستنقع الآسن ، فقد تطرح شجيرات صالحة ، وهكذا دواليك ، وتكون أنت الأمل

المشكلة ان كل واحد بيقراء يشعر وكأني باتكلم عليه ، ياعم والله أيها القارئ انا لا اقصدك انت ...... صدقني ..... انا مفيش بيني وبينك حاجة ....

ده حتى احنا مشتركين في صفة واحدة ..... وهي الجنسية المصرية ...........

أما yacho

اذا كنت انت بقى عجباك شعبها وحكومتها ...... بالهناء والشفاء ، وهنيئا لك العيشة الجميلة الرائعة ، وبلاش تبقى في المجالس تتكلم عن السلبيات وسوء الأوضاع

وياريت تقولي الإيجابيات يمكن يكون لها تأثيري في من هم أمثالي ....

ولكنها رؤية مخنوووووووووووووووووووووووووووووووووق ....

((((((((((( اعتذر ))))))))))))))))))))) عن اي لفظ صدر مني في لحظة غضب وفوران الدم من حلاوة الواقع الجميل ....

ولن يظل إلا حل الهدم

رابط هذا التعليق
شارك

رغم إنك يا نفسك تحبها بتحاول تتقن اللهجه المصريه في الكتابه

ودي حاجه سهله طبعا على كل العرب

الا ان الالفاظ العاميه الغير مصريه تفلت منك بين الحين و الأخر

بص يا بابا

المصريين مش بيقولوا حاجات زي

كشخه = شيك

ماتركوها في حالها = ماسبوهاش في حالها

صناديق الزباله خاصتهم = صناديق الزباله بتاعتهم

أنا هاسامحك على كدبة إنك مصري

قول بقى بالحق إنت منين

ومتخافش مش هنشتم في بلدك و أهلك زي ما بتشتم فينا

عارف ليه

عشان إحنا ولاد أصول

مش ولاد ...............

أخر كلام يا نفسك تحبها

إقتباس من فيلم "مافيا"

أحمد السقا : أحب مصر على ايه ؟ الزباله و القرف وووو ............

مصطفى شعبان :بتحب والدتك ؟

أحمد السقا : طبعا ؟

مصطفى شعبان :ليه ؟

أحمد السقا : عشان والدتي

مصطفى شعبان :يعني مش عشان هي أجمل ست في الدنيا

فهمت إحنا بنحب مصر ليه

مش عشان هي أحسن بلد في الدنيا

بنحبها عشان بلدنا

حتى لو عشنا بعيد عنها

ومنقبلش حد يطول لسانه عليها أو علينا

بش مش هتفهم

عشان مش مصري

وعلى رأي المطربه أحلام

واللي ما يطول العنب ... حامض عنه يقول

تم تعديل بواسطة ايهاب سالم
رابط هذا التعليق
شارك

http://www.elakhbar.org.eg/issues/16858/1100.html

54 السنة - 16858 ه - العدد 1427 ربيع الآخر من 5 - م 2006 مايو من 3 الأربعاء

بسبب ماس كهربائي:

مصرع رضيع حرقا بحضانة مستشفي بنها الجامعي

آثار الحريق علي الحضانة

كتب احمد عبد الكريم:

لقي طفل عمره 14 يوما مصرعه في حريق شب داخل حضانة بقسم الاطفال بمستشفي بنها الجامعي بسبب ماس كهربائي.. تولت النيابة التحقيق في الحادث وندب فريق من النيابة لاجراء التحقيقات وفحص الحضانة للوقوف علي اسباب الحادث. الحريق شب في السابعة والنصف من صباح امس بحضانة يرقد بها الرضيع محمد خالد جودة هاشم من شبلنجة منذ 4 ايام وصرح الدكتور حسام الدين العطار رئيس جامعة بنها بأن هذه الحضانات مصنوعة من البلاستيك .. وأضاف ان سبب الحريق حدوث ماس كهربائي ويذكر أن الطفل ولد مع توأمه الذي توفي منذ ولادته وتم وضع الطفل في الحضانة لسوء حالته الصحية منذ 4 ايام وله شقيقتان. وأكد الدكتور حسام الدين العطار رئيس جامعة بنها ان النيابة العامة بدأت تحقيقاتها في الحادث الذي شب في الحضانة. واضاف انه تم انقاذ 7 اطفال اخرين كانوا في قسم الحضانات عندما القي العامل ابراهيم عبد الموجود العامل بالقسم نفسه ببطانية علي الحضانة المحترقة واشار د. العطار بأنه قرر عمل تحقيق موسع لمعرفة الاسباب التي أدت الي حدوث هذه المأساة علما بأن هذه الوحدة لها تاريخ مشرف في رعاية ابناء القليوبية ويحول لها من مراكز تخصصية من المحافظات المجاورة نظرا لسمعة العاملين بها. وصرح د. نبيل شديد رئيس مجلس ادارة المستشفيات الجامعية وعميد كلية طب بنها بأن الحريق وقع في السابعة والنصف صباحا وتم نقل باقي الحضانات من القسم الي قسم الرعاية المركزة واشار إلي ان ماحدث يعفي من فتح التحقيق حول الواقعة.. ويعتبر هذا اول حادث يقع داخل قسم الحضانات منذ انشائه من 30 سنة.

وأوضح الدكتور محمد مصطفي نائب رئيس مجلس إدارة المستشفيات الجامعية بأن ادارة المستشفي قامت بفصل التيار الكهربائي من قسم الحضانات.. كما تم نقل الحضانات الباقية وعددها سبعة بالاطفال فورا لقسم العناية المركزة الخاصة بالاطفال. وقال والد الطفل الذي يعمل امين شرطة ان هذا قضاء الله ولن اتحدث حتي تنتهي التحقيقات وتكشف عما إذا كان هناك إهمال من عدمه.

<span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span>

رابط هذا التعليق
شارك

الاخ ايهاب سالم

انت مش مصدق اني مصري .... يعني اكتبلك الرقم القومي بتاعي علشان تصدق .... ههههههههههههههه

ولا ابعتلك صورة الجواز البرطوشة الأخضر الكبير .... يمكن تصدق ، هههه

وبعدين ياعم حتى لو صدقت اني مصري ، حتفرق معاك ايه ،

المهم اني كلامي واقعي ، وانت بتحدث بيه نفسك والآخرين

يبقى بتحجر عليه ليه في كلامي ، مش من حقي أعبر عن رأي حتى لو علظ ولا ايه ،

ومن حقك تعبر عن عكسه ، لو معارض ، بس ان متأكد انك غير معارض حتى في قراره نفسك ،

لاني متأكد ان ما اقوله 150 مليون مصري حتى القادمين سيحدثون انفسهم بيه ،

اسمع النكتة ده ... بيقولك ايه في برنامج الساعة العاشرة ،

12020 قطار داخل المستودعات في هيئة السكة الحديد ، اتسرق منهم الفرامل ، مش يسترق منهم 100 ولا 200 ولا 1000 ولا الفين لا

من اللي اتناشر الف وعشرين عربيه كلهم .. ههههههههههه ( المحروسة ) قصدي ام الدنيا .... المهم .

ياعم ده كوبايه الميه اول ما تنزل من الحنفية بتبقى عاملة زي اللبن ، والمسئولين يقولولك ايه ، استنى عليها شوية راح تبقى حلوة ، المهم مش ده موضوعنا .

انا فهمت من كلامك ان عندك وطنية بالريموت ، وولاء عن بعد ..... سلملي على الترماي .....

ماتركوها في حالها = ماسبوهاش في حالها

صناديق الزباله خاصتهم

هو الكلام العربي حتى بقى مش مفهوم ، ما لها ما تركوها في حالها ، كلام تركي ده ،

وخاصتهم ده صعبة الفهم ولا ايه ......

المهم مش موضوعنا برضوا ..

تسمع عن اطفال الشوارع .... المغتربين دول هما اطفال الشوارع .. مع الفارق .

طفل الشارع ... اصبح عنده ينام في الشارع افضل من حضن امه وابوه ليه ، من سوء المعاملة ، والضرب والإهانة و و و و و ، اكيد بتسمع عن القصص ده

تبقى الأم ده شكلها ايه ولا الأب ده شكله ايه ..... عديم الرحمة والإنسانية و و و و و وده واقع حقيقي موجود ، وطبعاً ليست الغالبية هكذا ، وان كان هناك مثل هذه النماذج

فطز والف طز في هذه الأم وهذا الأب .......

فالأم الحقيقة هي التي تربي وتحتضن وتأوي وتراعي وتعطي الدفء والحنان و و و و و حتى ولم تكن هي الأم الحقيقة ، واعتقد برضوا انك فاهم ، ان هذا موجود في الواقع

على رأي المثل الأم هي اللي بتربي مش بتولد .. صح ولا مش صح ..... قولي بقى مش صح ( نظام معارضة للمعارضة ) وان كان ليك الحق برضوا انك تعارض ، (مش موضوعنا برضوا ...

مصر بقى المحروسة ام الدنيا .... من النظام ده ، الأم الطاردة لأبنائها ، الأم الظالمة القاسية التي لا يوجد عندها رحمة ، هي ونظامها وحكوماتها المتوالية ، ومؤخراً بعد وليس مؤخراً قوي يعني ، شعبها المسكين الممسوخ ، ام الدنيا هي الحاقدة على أبنائها

مش فيه حيوانات الأم بتأكل اولادها بعد الولادة على طول ، هي مصر كده ، ونظامها كده وحكومتها كده ، وشعبها كده .

يأكلو مال النبي ويحلوا بأموال الصحابة ......... مفيش حاجة اسمها حرام في قلبهم، بس باللسان فقط ، طبعاً أقر ، أن هناك استئناءات ولكن هيهات ، إنها قلة على الأصابع ،

إنهم فئة معينة ، أعرف انها سماتها وصفاتهم ، إلا من رحم الله ،

اما تأثرك بالأفلام الموجهة الفاشلة

انا كنت فاكر ان الأفلام المصرية الموجهة ذات الشعارات الكاذبة فشلت من زمان في التأثير على الشباب الروشة الصايع الفاهم ،

لكن اتضح لي ان لسه في شوية بيتأثروا بكلام الأفلام ، وبـ ما تقلش ايه ادتنا مصر ، قول حندي ايه لمصر ،

هههههههههههههههههه .... كلامات تفقع المرارة .....

عايز تعرف الفرق ................. شوف باقي الأمهات بتعمل ايه مع عيالها ............... وشوف ام الدنيا بتعمل ايه مع عيالها ....

بدل ما افضل اسرد لك القصص والحكاوي انت عارف كويس ...

ما تقولش عليهم دول غنية ، لا ، برضوا مصر غنية قوي ، بس للاسف مفيش حد يعرف ، لان الحرامية بطونهم واسعة قوي قوي وما بيشبعوش من المليارات المسروقة

ومطنشين ام البلد ، والبلد كلها ماشية هميوني بالبركة بالزق بالعبط والاستهبال ، وكل واحد يركب على الكرسي من مديرين العموم لكل الـ .... الكبير وكل واحد معاه سكينه على قد منصبه بيقطع في التورتة .. أموال الشعب .......

هي ده مصر ياعبلة

سمعت عن النكتة اللي بتقولك واحد مصري داخل قسم الشرطة ، طلع مشلول ، من الضرب

وعمل عملية لتعديل العمود الفقري ومسامير ودياوله ، وبرضوا لسه مشلول ، ............. عارف ليه ، اصله مواطن شريف .

ياعم ايهاب أقراء اللي بين السطور ............. وفتح مخك ....

تفتكر أمين الشرطة جاب الجبروت ده من فين علشان يوقف موظف غلبان يجبره على انه يجيب 4 سندوتشات كفتة بالقهر والظلم والإجبار

لانه شايف الملازم الأول اوسخ منه ،

والملازم الأول شايف ان النقيب اوسخ واوسخ

والنقيب شايف المقدم اوسخ واوسخين

والمقدم شايف وعارف ان العقيد مرتشي وحرامي ومنتفع و و و و

وهكذا حتى تصل إلى العمود اللي فوق الخزوق الكبير المزروع في الدولة ذات المضخة الجبارة في شفط ثروة البلد ....

اقولك نكته .

كنت قاعد عن المزين ... الحلاق يعني ..... دخل ضابط محترم ( لا أتذكر رتبته ولكن اعلى من نقيب على ما اتذكر ) في زية الأبيض الملائكي ، حلق وقام زي الحمار ، مشي ،

ايه ياعم محمد ، ده ما دفعش ثمن الحلاقة ، طبعاً كل الناس واخدة بالها ، قال هو على طول كده ،

وقال ياريت بس كده معايا انا بس ، ده مع بتاع الخضار كده ، والجزار كده ....

اظن ان تعرف ان الشعب بأكمله لا يحمل احتراماً لطائفة الشرطة ، وكذلك الشرطة تكن كل الحقد والكراهية لهذا الممسوخ ...

علاقة متبادلة ............. حميمة متزايدة ....

ياترى انت بقى عندك كام نكتة من دول ... سمعني واطربني ما تتكسفش ... عادي ..

ياعم حتى على النت مفيش حرية ولا اية ... اهو كله كلام ملوش لزمة ولا فايدة ... بس

هي من باب الفضفضة .............

هي حتفضل خربانة خربانة ..... بس انت خليك بره وقول ياولاء .... وهي حترد عليك ....

تعرف انا لو معايا جنسية تانية ... والله كنت كلمتك عن الوطنية والولاء ده للصبح وعن حضارة ام الدنيا اللي بنتشدق بيها بس على الفاضي والمليان ولا حتى عرفوا يحافظو عليها

كلها مسروقة ومتهربة من مين من أبناء ام الدنيا ومسئولين ام الدنيا ووزراء ام الدنيا ، ونلنا احلى نيل ، واحلى خبز ، واجمل رواتب ، واروع مسطحات خضراء ،

وأفظع شبكات طرق حديثة ، ولا الأمانة والشرف وسع ما تقوليش ، ولا احترام الحكومة للناس مفيش بعد كده ، ولا التعليم ، والتأمين الصحي ، لا يتمتع به إلا الأغنياء

والراقصين والراقصات والفنانين اصلهم ثروة البلد ، علاج على حساب الدولة ، وعم عبدو المسكين ينحرق بجاز وسخ ،

وفرص التوظيف متساوية مفيش ( تـ ............ ) ولا كوسة وخيار . وكروت ، ورشاوي للتوظيف ، البلد كلها ماشية على مبداء تكافوء الفرص ......

الموظف الحكومي ... الموظف المثالي بين الأمم النافقة .............. المدرسين اعظم رواتب على وجه الأرض .. والهدف واضح إعمار المحروسة .

والسياحة متقوليش ....... سرقة أراضي الدولة وبناؤها من أموال المدعين ، بدون ضمانات ، و و و و ، مفيش حاجة اسمها سرقة المال العام ،

ولا ابن الباشا سارق مليارات الشعب و لا ولا ولا ولا ولا ..

وأن هدف الحكومة ...... محدودي الدخل ... والطبقة العاملة ، فعلاً هو ده هدفهم .. طحنهم حتى يطيروا مع الرياح .......

وتقولي مش مصري ............... يارتني ما كنت مصري ....

والله الذي لا إله إلا هو ..... لو عندي امكانية الحصول على جنسية دولة محترمة .. أعيش فيها إنسان آدمي ، بني أدم ، دولة تحترم أولادها ، ورعاياها ، واعتقد انك تعرف دول بالشكل ده كتير موجودة على الكرة الأرضية ... غير المحروسة ....

لذهبت بكل فخر واعتزاز ... وتنازلت عن الجنسية المصرية .... بكل ولاء ووطنية ...... احتمال يكون فيه حد غيري محتاجها ....

والباقية تأتي .

اسيبك لاني مشغول شوية

رابط هذا التعليق
شارك

إنت حالتك صعبه يا نفسك تحبها

و بتقول على المصريين اللي جوه مسوخ

المسخ هوه اللي يشتم في بلده و أهل بلده و يتمنى هدمها على اللي فيها و يعوج لسانه بلهجة اللي عايش بينهم و يقول كشخه و ماتركوها في حالها وخاصتهم

بص ... لو قعدت تشتم في الحكومه من هنا ل عشر سنين قدام محدش هيزعل منك

مشكلتك إنك بتشتم في المصريين و تنعتهم بالحيوانات و المسوخ و البتوع و الدعاره و الوساخه و غيرها

و بتدعي ربنا يهدمها على دماغ اللي فيها

طب يا أخي انت مش أهلك لسه فيها و الا انت مقطوع من شجره

و بعدين بتقول فهمت من كلامي إني بره مصر

بص كده على اليمين تحت إسمي

شفت مكان الإقامه

وأزيدك م الشعر بيت

عندي كمان إقامه في كندا

و بعد 3 سنين إن شاء الله هاخد الجواز اللي حضرتك بتحلم بيه

بس عمري ما هأبيع بلدي و أدعي ربنا يهدمها على دماغ اللي فيها

و بعدين يا سيدي شيل ده من ده يرتاح ده عن ده

انت خلاص في حكم المتنازل عن الجنسيه

وعايز ربنا يحرق مصر باللي فيها

خلاص جاي المنتدى تعمل ايه و مسمي نفسك نفسي أحبها ليه

سيبها يا سيدي تتحرق باللي فيها و اتهنى في البلد اللي انت عايش فيها

و اللي مهما عشت فيها مش هتديك جنسيتها و لا الباسبور اللي مش عاجبك ده تسافر و ترجع بيه

خليك قاعد عندك زي ما انت عايز .. عمرهم ماهيدولك الجنسيه

و مسيرك هترجع لما يستغنوا عنك و ساعتها إدعي بقى ربنا يحرق بعض اللي فيها

وبرضه انت مش مصري

تم تعديل بواسطة ايهاب سالم
رابط هذا التعليق
شارك

نعم حالتي صعبة قوي

لاني مصري ، وما زلت احمل الجنسية المصرية . والبرطوشة الخضرة لسه معايا .

وانا لا اشتم في البلد ... انما اقر حقيقة . تقال على التلفزيون عياناً بياناً ، ليل نهار ، ولا انت مش بتشوف (مابتشوف) التلفزيون المصري ، ولا بتشوف التلفزيون الكندي ( تبع الوطنية)

بتنقال في الشارع في كل مكان في المخروسة ..... بس متهيألي حضرتك بتسمع بس ( متقولش ايه ادتنا مصر .... قول حندي ايه لمصر ) ده مصر ادتنا حاجة كبيرة قوي

اكبر من السعة المفروضة .

أما عوج اللسان ...( من عاشر القوم 40) ....... بكرة تعوج لسانك لما تأخذ الجواز ..... ولا حتكلمهم صعيدي ، وبكرة تتمنى عيونك تكون خضرة ، ( بس خليها في سرك )

( بالله عليك ياراجل ... استحلفك بالله ............ الم تنعتهم بهذه الصفة .يوما ما.... لما بتتعامل معاهم في الجهات الحكومية وفي وفي وفي وفي ) مش عايز اجابة على ده علشان انا واثق منها كويس . ومش انا اول واحد ، ولا انت اخر واحد ) .......... وفر الوطنية المشوية ده عليه شوية .... انا مش محتاجها ....

اما الجواز اللي حضرتك حتأخذة بعد 3 سنين . اللي انا بأحلم بيه .

طبعاً أنا بأحلم بيه ، وبأي ورقة وسخة تخليني انتسب لأي بلد محترم نظيف حضاري يعرف قيمة الإنسان ...... . وتعامله على أنه آدمي له حقوق ، وتعطيه حقوقه ، غير البرطوش الأخضر ..............

بس بالله عليك لما تأخذ الجواز الكندي (المحترم) والجنسية الكندية الجنان ( انا شامم رحتها دلوقتي )

ابقى انزل مصر وادخل مصر بالجواز المصري والنبي ....

على العموم مش انت اول ولا اخر مصري راح يدخل مصر بجنسية اجنبية في المطار ،

وحلفتك بالسيدة زينب .. ابقى اكتب في السيرة الذاتية بتاعتك ( مصري الجنسية) لزوم الوطنية والولاء المحمر

بلاش تكتب كندي

امثالك شفناهم كتير قوي .......... وطنيين برضوا زيك ، لكن لا يتعاملون إلا بالجوازات الأجنبية

وفي السيرة الذاتية كندي ، استرالي ، أمريكي ، بريطاني ، وهكذا إلى اخر . ( من الوطنية الحراقة )

والمصيبة اللي تقرف .... انه برضوا بيتحدث نفس اللغة ، ويقولك وطني ، ولائي ، كبدي ، فشتي .

احترمه قوي لما يتعامل على انه كندي ويصمت ، ولكن المصيبة تلاقي نفس النعرة الكاذبة ( ولاء ولاء ولاء) ايوه يابابا انا جايه اهو .....

اظن لما تكتب في السيرة الذاتية كندي ، ده وطنية مش كده ( بتشر منك الوطنية ساعتها ) ، ولا بتفتخر في مكان ، وتستعر في مكان ،

بالله افتكرني لما تكتبها بقلب جامد في السيرة الذاتية ، وحياتك راح تكتبها غصب عنك

كندي الجنسية ، وراح تشعر بفخر واعتزاز ، وانت مش اول واحد برضوا ، عرب كتير سبقوك ،

( حقك تكتبها ، حقك تفتخر ، لانها جنسية محترمة ) ولكن ما ترفعليش ستارة ولاء بالخلطة ، ووطنية بالدقة ...... لانها بقت حاجة معفنة ...

( مش بأقولك انت من اصحاب السكة الواسعة في مصر والكروت ) علشان كده ما تعرفش يعني ايه معاناة ... والأم المسمومة ..... ولا تعرف معنى القهروالظلم والطحن

ما أنا قلت لك انا لو معايا جنسية ثانية ( راح اكلمك على الولاء احسن منك ) وراح اكون وطني حتى الصباع ......

أما جاي المنتدي أعمل ايه ............. اعتقد أنني حر ........ طالما خارج المحروسة ...

ولا هنا كمان علشان المنتدى اسمه يحمل حروف تشتمل على اسم المحروسة ... حتعملي فيها أمين شرطة .....

مش مهم اخذ الجنسية من اي دولة ............ المهم اعيش بره الحديقة .................

ولكن طبعاً نسيت اقولك .......... مهمة قوي الجنسية الثانية ..... ما تخفش حتفرج قريب ...... طول ما فيه دول محترمة ... يبقى حتفرج ....

ومبروك حقيقي الجنسية الكندية ....... بافرح قوي قوي قوي لما الاقي مصريين يتحولوا إلى آدميين .... ويعاملون كبشر محترمين ،

والله العظيم شي مفرح ...

ياعم انت زعلان مني اني بأقر حقيقة على المصريين ... ده دلوقتي بقت تتقال عيني عينك في التلفزيون ..

ياريت تتفرج على التلفزيون المصري علشان تعرف حال خطة المسخ وصلت لحد فين ..................... انت برضوا مش قادر تفهم انهم مغلوب على أمرهم .

بس حنعمل ايه ... ده حالهم دلوقتي . وأنا مش مطالب ولا ملزم اعيش في الحديقة ... فر منها ما استطعت كفرارك من الأسد .....

وصدقني لو دخلتها مجبر ........ راح اعيش في قفص لوحدي ... علشان ما اتحولش ....... ( خطة الانعزال )

لاني مش محتاج اتعامل معاهم كتير ............ واللي يهوهو عليك ارميله لقمه .......

باعتذر لكل مصري شريف

ولا أعتذر لأي مصري وطنيته بالريموت كنترول ،، وولائه مشوي ......

سمعت النكته ده ....

بيقولك ان في جماعة من الوطنيين ، قصدي المصريين ، اللي عندهم ولاء مشمع ....

بيسرقوا كابلات الكهرباء اللي الحكومة بتمدها في الأرض ، ( وتصل حد السرقة ) لسرقتها بالكيلو مترات ......

وكل سنة وانت طيب يابيه ، وحمد لله على السلامة يابيه .

اقولك نكته تانية اشيك شوية ... ( كشخة وايد )

واحد طلع توكيل خاص ( بيع وشراء ) من الشهر العقاري المحترم ، بدون ما يكون الموكل موجود .... ( مصيبة )

فتح مخك ، كل سنة وانت طيبة يابيه ، حمد لله على اسلامة يابيه ...

اقولك نكته كمان ...

واحد من أصحاب الكوسة ( الكبيييييييييرة قوي )

قضى الجيش بتاعه في البيت مع خالته ..... اصله وطني ... أمثال الولاء المشوي ..

ولما خلص الجيش ، الشهادة جت على البيت ( هو برضوا بيتكلم في الوطنية والولاء) ، وراح عند باباه في الشغل ، دادي يعني ،

في أحدى الوزارات الكبيرة في مصر ، علشان يختار ، يشتغل فين ، هل يشتغل في مكتب الوزير ، ولا يشتغل في إدارة الميزانية ، ولا يشتغل في

قسم الحاسب الآلي ، ومين مميزاته اكثر ، ومين فلوسه اكتر ، وهكذا .....

واشتغل بعد ما خلص الجيش بيومن فقط .......( وهو برضوا بيتكلم عن تكافئ الفرص ) هههههه

بينقي خيار .......................... وقشطة على المحروسة ،

اذا كان شبل الأسد الكبير ، مركب مضخة في عمق ثروات الأرض ، ومضخة في حسابات المودعين ، ومضخة في حسابات المعاشات ،

وبيلعب بيهم في المشاريع الصغيرة ، الصغيرة قوي بتاعته ،

مسكين ثروته تقريباً حسب ما يقال على النت 700 مليون ....

يبقى مش عايز أمين الشرطة يضرب عم عبدو الممسوخ على قفاه في الشارع ويقله هاتي 4 سندوتشات كفته ......

بالله عليك سمعت حد كدخل قسم شرطة في اي دولة خرج مشلول .... ودخل ظلم ...... حاجة تفقع اللـــ ................

نفسي افهم مين ده الممسوخ اللي فضل يضرب لحد ما جابله شلل ،

اقولك نكته تانية ...

بيطلعوا عربيات القسم بالليل تمسك ( بنات الشوارع ) المشردين يعني ، بنات الشوارع المشردة اللاتي هربن من اسرهن . .

علشان يعلموهم الف بة في القسم بالليل ........... شفت المسخ وصل لحد فين ....

نماذج مشرفة من شعب وطني ، الولاء بياكل في جسمه ليل مع نهار ،

ما تبقاش تنسى تنفع بلدك بشوية خبرة ، وروح اشتغل فيها ، خلي شوية عرق منك ينزل على ترابها الجميل

( واشوفك بتعمر فيها ، وبتبنى مصانع ياولدي ) فاكر الأغنية ده .

خلاص بقت موضة قديمة ... حسني دلوقتي اللي بيبني المصانع .

سمعت النكته ده .

1000 مصنع في 6 سنين .

يعني مصنع كل يومين ونصف ..... وسلملي على المونبار .....

شفت وصل لدرجة ايه مدى الاستخفاف بهذا ... بهذا ايه بس ... ( الشعب ) ( اقول عليه ايه بس الشعب ده ، الواحد يوصفه ازاي )

شفت قد ايه الباشا مستحمر 70 مليون ....... مش جاي على خاطره حتى يحترم بعض العقلاء منهم ...

ده بالمختصر المفيد .....

خلاص بقى ياعم ايهاب ما تشغلش بالك بيه ، واخلعني من دماغك ..

وتصبح على خير ...

بخ

سلام .

رابط هذا التعليق
شارك

فسسسسسسسسسسسسسسسسسسسسسسسسسسسسسسساد

المسسسسسسسسســـــــسسسسسسسسسسسسسسستشفيات

الموضوع اسمه كده

[Posted by 81.10.96.9 via

يامصر... يامصر...يامصر

ياااااااااااااااااااااااااااااامصر

رابط هذا التعليق
شارك

بسم الله الرحمن الرحيم

و الله يا اخ نفسى احبها انا مترددة اذا كان ارد على حضرتك لحسن اخد لى كلمتين حلوين في جنابى ثم ان كونى مصرية يرشحنى بشدة لان اكون هدفا لهذه الطلقات السامة التى تطلقها علينا جميعا _ بما فينا نفسك ايضا _

بصراحه يا اخى لهجتك حادة فعلا

يعنى يا اخى انت تقول و ترد على نفسك

نعم يوجد في الشعب المصرى من هم مثل الوحوش سواء فقراء اغنياء بسطاء جهلاء او مثقفين

انت قلتها بنفسك

الضغط يحدث تشوه في نفوس البشر

ليس المصريين فحسب

اي بشر

يعنى مثلا لم نعد نرى البائع العجوز الطيب الذى يحب البنت الصغيرة التى تشترى منه الحلوى منذ كانت طفلة يخاف عليها كاولدها

بل نراه الان يحاول ان يتزوجها

و لا نرى الشاب الشهم الذى يخاف على الفتاة مثل اخوها بل نرى الان الشاب السخيف الذى يقف ملتصقا بحائط العمارة و يعاكس الى رايحه و الجاية في سماجة

الواقع ان هذه الفئة من الشعب تستحق الحرق فعلا و لكن ؟؟

توجد فئات اخرى انت قد نسيتها ؟؟

اين اهلك كما قال اخى ايهاب

هل تراهم ايضا مجرد مسوخ ؟

لو هم كذلك فالعذر معك فعلا لانك ترى حولك مسوخ في صورة بشر و لعلى ايضا اتذكر قول احد الكتاب عندما قال ان ابشع مسخ نقابله في حياتنا هو نحن

فهل ترى في نفسك مسخ مشوه يحاول الخروج ؟؟

ام ان مجرد محاولتك الهرب من مصر تشفع لك كونك مصرى ؟؟

ان سالت ان مصرى فسيقول لك انه لايحب مصر و يود الهرب الى اي مكان فهل يعنى هذا انه من فئة صالحة و انه بهذا يعد المواطن المثالى في دستورك

يا اخى قد تكرهه فعلا حكومة مصر و قد تكره ما يحدث لنا و كلنا نكرهه

ما هى مصر التى تكرهها

ان مصر التى اعرفها

لأ لن اقول لك النيل و الاهرا و غيرها

بل مصر هي مجرد ارض

ان صلح ما عليها من بشر صلحت و ان فسدوا فسدت

مصر ليست هي اسوء مكان على وجه الارض

بل حكومة مصر فانا لم ار في حياتى كلها حكومة تحب الشعوب الاخرى و تضرب شعبها بال...

حكومة تقول لنا : من فضلكم حافظوا على نظافة مدينتكم من اجل السياح مش مهم انتم تعيشوا ازاى المهم السياح لما يجيوا هيقولوا علينا ايه حرام عليكم هتطفشوهم

بصراحة حكومة مضحكة هي

ان لم تكن تحب مصر يا اخى ( نفسى احبها )فلن اقول لك انها لا تحبك بل اقول لك ان هذا هو قدرك سواء اردت ام لم تريد

قدرك ان تكون مصرى

قدرك ان تعيش في مصر او على الاقل حاملا للجنسية المصرية و تعيش في اي بلد اخر

نعم معك حق

حكومة مصر زي الزفت

لكن مصر كقطعه ارض لم تفعل شيئا فهى للاسف جماااااااااااااااااااد

حاول ان تتصالح قليلا مع نفسك

كلنا نكره حكومة مصر و بعض شعبها

لكننا لا نكره على الاقل انفسنا

الانسان هنا في مصر لديه حلين

اما ان يعيش جنب الحيط و حاطط ايده على راسه و تعبان

و اما يحاول يصلح في اي مجال هوا فيه

فيتعب و يتبهدل

و يحيس كل يوم ان مفيش فايده بس على الاقل بيعمل حاجه عشان لما يموت من الغيظ ربنا مش هيحاسبه على التقصير

اما بقى انه يعد يزعق و يزعل و يغضب و يهج و يمشى

فلن يصاب الا بالسكته الدماغية

و يموت بحسرته :closedeyes:

رابط هذا التعليق
شارك

الاستاذ نفسي احبها

كلامك حلو يا ريس ومعظمه مظبوط

الناس الللي مش عايشه معانا في البلد دي نظرتهم مختلفه تماما ورديه يعني(مش عارف جايبينها منين)

اعتقد الاستاذ اللي في قطر ده (أيهاب سالم) معندوش مشاكل لانه شكله متريش وكمان كندا

عموما من غير نق

انا اتفق معاك تماما بس عاوز اوضح حاجه

الحكومه هيا السبب في كل اللي بيحصل ده

الشعب مظلوم وغلبان ومعظمه مضروب علي قفاه

انت لو ملكش واسطه في البلد دي مش حتعمل حاجه

تبدا من الصفر وتنتهي برضه في الصفر

يمكن حتي لما تيجي تنتهي متلاقيهوش

يا اخ يالي بتحكي عن فيلم المافيا احب اقولك يا ريت تشوف بقية التليفزيون

يا راجل ده انا بقيت اتفرج عليه من باب الضحك فقط

انت تعرف مرتب المذيع في برنامج البيت بيتك كام؟

مش حتصدق عن الحلقه الواحده حوالي 10000 جنيه

لو مش مصدق اتصل ب099........اتصل لتربح 1000جنيه (جوايز السندباد ولا مسمعتش عنها)

شوف يا اخي ناس هبله بتستضيف ناس هبله وناس اهبل منهم بتتفرج عليهم

مين بيدفع الفلوس دي ولمصلحه مين الهبل ده

لاعب الكوره بيادخ كام علي الجون؟

انا مش فاهم البلد دي ماشيه ازاى بالظبط ؟

شوف كده اى رقاصه مبقالهاش يومين بتكسب كام

وانت تقضي عمرك بره بدلك وبعيد عن اهلك متجيبش ربعهم

القصد

الفلوس مش كل حاجه

تحب احكيلك عن الاحترام المتبادل هنا؟

احكيلك عن الطابور الاسود اللي شفته علشان اطلع بطاقه الرقم القومى

ولا عن العسكرى الغبي (ربنا يسامحه بقي) اللي رايح اساله اطلع البطاقه منين قالي اقف في الصف لحد اما الصف خلص اكتشف انه صف غلط

المهم نسيت اعرفكم بنفسي

انا د.أحمد 25 سنه

كنت داخل اقرأ الموضوع باعتباره فساد المستشفيات

قطعتوا قلبي بحكايتكم عن الاطباء ونفسي احكيلكم تجربتي

انا لما كنت امتياز كنت بعامل الناس حلو اوى والله

دايما ابتسامات ومعاملات حلوه

حتي موضوع الاستمارات والهبل ده مين قالكم عليه؟

ياما عالجنا ناس ومنعرفش اسمائهم

انا شخصيا عملت كده كذا مره

انا احب اطمنكم ان احوال المستشفيات كويسه

احنا الاطباء بنعمل اللي علينا في حدود الامكانيات

نقطع نفسنا يعني

يعني ايه انا اقضي العيد في مستشفي بعيد عن اهلي واصحابي والدوله تديني 7 جنيه بدل نبطشيه

اديكم انا 70 واخلع منها مفيش فايده

بقولكم ايه انا اتخنقت

سمعتوا اخر خبر

دلوقتي حاليا بيحفروا الشارع اللي انا ساكن فيه علشان الغاز الطبيعي يدخل

اسمع التهاني هه؟؟

بوظوا الاسفلت بعد اما فرحنا بيه مبقالوش سنه

يعني كان فين الغاز قبل اما يسفلتوا الشارع ولا هو لازم حفر يعني

حسبنا الله ونعم الوكيل

فضفضة مخنوققققققققققققققققققق كماننننننننن

:sad:

معلهش يا اخونا انا بسحب كلامي

الحكومه ميه ميه

يا مشخلعنا يا مدلعنا

(في السر كده هو فيه رقابه هنا ولا لأ أحسن انا عايش في مصر :sad: )

وايه كلمة انذار 0 اللي جنب اسمي دي

انا معملتش حاجه

برىءء يا بيه

رابط هذا التعليق
شارك

اعتقد الاستاذ اللي في قطر ده (أيهاب سالم) معندوش مشاكل لانه شكله متريش وكمان كندا

أه متريش .. وكمان كندا .. أي خدمه ؟

عموما من غير نق

لأ مفيش نق و لا حسد و لا حاجه خالص

الحكومه هيا السبب في كل اللي بيحصل ده

الشعب مظلوم وغلبان ومعظمه مضروب علي قفاه

طيب و هو ده اللي قلته لنفسه يحبها

إشتم الحكومه زي ماانت عايز لكن الناس لأ

انت لو ملكش واسطه في البلد دي مش حتعمل حاجه

تبدا من الصفر وتنتهي برضه في الصفر

يمكن حتي لما تيجي تنتهي متلاقيهوش

معلش دي حجة البليد

أنا ابتديت من الصفر

و لي أصحاب جوه مصر ناجحين و من الصفر برضه

وفي المقابل لي أصحاب إختاروا وظيفه حكوميه مضمونه و دول عايشين و خلاص .. بس فوق الصفر بشويه و بيشتكوا زيك كده

شوف يا اخي ناس هبله بتستضيف ناس هبله وناس اهبل منهم بتتفرج عليهم

يا مشخلعنا يا مدلعنا

وايه كلمة انذار 0 اللي جنب اسمي دي

انا معملتش حاجه

برىءء يا بيه

إنت متأكد إنك طبيب

أأأأأأه

مش إنت اللي قلت في مشاركه قبل كده إن الطب عندك يعني التثبيت و التظبيط

الطب عباره عن حاجتين التثبيت والتظبيط

تثبت العيان وتحسسه انك ابو الطب

وبعدين تظبطه وتديله علاج تمام

النجاح من الصفر ليه مواصفات مش من ضمنها التثبيت و التظبيط

نورت يا دوك

رابط هذا التعليق
شارك

كفايه :D

<span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span>

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...