اذهب الي المحتوي
se_ Elsyed

ملابس الراقصة "دينا".. أثارت أعضاء محلي القاهرة

Recommended Posts

أنا نشرت الخبر مش عشان دينا .. فإن طلع العيب من أهل العيب ما يبقاش عيب ...

وليس بعد الرقص ذنب ..

ولكن ما أثارني لكتابة هذا الخبر هو حكاية أعضاء مجلس محلي القاهرة .. فطول عُمري كنت أفتكرهم المجلس المحلي ده بتاع النضافة والكهرباء والتراخيص وكده ..

لذلك ما هو السبب الذي جعلهم يعترضون على ظهورها بهذا المنظر في البيت بيتك .. في حين في بلاوي وكوارث بتحصل في مصر أكثر من كده وماحدش بيسمع لهم صوت ولا حد سمع أساساً إنهم عندهم لجنة دينية ؟

ملابس الراقصة "دينا".. أثارت أعضاء محلي القاهرة

وجهوا اللوم ل" البيت بيتك".. الذي استضافها شبه عارية

كتب مجدي يوسف:

أثارت ملابس الراقصة دينا أزمة في مجلس محلي القاهرة الذي اعترض أعضاؤه علي قيام برنامج "البيت بيتك" باستضافة الراقصة يوم 31 ديسمبر الماضي لتتحدث عن الرقص الشرقي وهي شبه عارية علي حد وصف الأعضاء.

طالبت لجنة الشئون الدينية بالمجلس في جلستها التي عقدت برئاسة د.إسماعيل أحمد حسن القناة الثانية التي تبث البرنامج بضرورة المحافظة علي قيم المجتمع المصري والإقلال من البرامج المبتذلة التي تؤثر بالسلب علي شبابنا وفتياتنا.

ما تأخذونيش أنا موت على نفسي من الضحك في موضوع شبه عاريه ده .. وفكرني بفيلم زمان جت في جُملة كوميدية كده وكان البطل طالع بدور مؤلف سينيمائي والرقابة إعترضت على إسم فيلمه اللي كان باين " قابلني في الظلام وأنا عاريه .. يا حبيبي " المهم عدلوا الأسم وبقى " قابلني في الظلام وأنا شبه عاريه يا حبيبي "

------

يا بتوع المجلس .. ربنا ما يحرمكم من العبط ... قولوا آمين

شارك هذه المشاركه


رابط المشاركه
شارك

هو يعني خلاص كل الكوارث الاجتماعية المسؤلين عنها اتحلت وبقوا فاضين للدرجة دي علشان يعترضوا علي دينا

وبعدين دي بقت الدكتورة دينا وهي علي ما أعتقد خريجة كلية أدب .. أأقصد آداب

شارك هذه المشاركه


رابط المشاركه
شارك

قلتلكم .. الموضوع طلع في المساء ، يعني فرقت بنط.. :wub:

والحمد لله الذي وفق عبده الفقير لكشف أي عنوان مساوي أو جمهوراوي على المغمض وبمجرد السماع لا الرؤية.. فسوء صياغة عناوين صحف دار التحرير يجعل منها "علامة مائية مسجلة" ودرس لشباب الصحفيين لتفادي صياغة عناوين أخبارهم بهكذا طريق وتلك طريقة..

الزعيق باسم الشرف والمبادئ هو سمة سمات الشعبوية على الطريقة الجمهوراوية ، حتى وإن كانت ضمن أمور تثير الجدل فعلاً .. وللحديث بإذن الله تعالى بقية..

خلص الكلام

شارك هذه المشاركه


رابط المشاركه
شارك

يا جماعة هم الصحفيين كده دايما ينقلوا الخبر مش مظبوط

ملابس الراقصة دينا أثارت أعضاء مجلس محلى القاهرة!!!

أثارتهم من الإثارة والناس بقها اتفتح من الدهشة حتى ان لسان كل واحد دلدل لحد ماجاب موكيت أرضية المجلس

وانا اقول للسادة الأعضاء المبجلين العيب مش عليكم

العيب على ستاتكم اللى سايبينكم تتفرجوا على القناة التانية الاباحية بدون رقيب

بس برضه القناة التانية ذنبها ايه ماهى عايزة تفضل فى الساحة وسط القنوات اللى بيطلعلك فيها واحد يقولك اوعى تغيرالمحطة ولا تطلعلك واحدة تقولك مش هتقدر تغمض عينيك ( علشان هيجيبولك شلل فى جفونك)

أنا شايف صراحة ان العيب مش على دينا ولا على المجلس ولا القناه التانية ولا التالته

العيب علينا احنا اللى قلالات الأدب علشان بنجيب فى سيرة الناس المش موجوده

وفى النهاية افكركم بالراقصة الطاهرة التى توقفت بسيارتها الفارهة لتعطى شحاتا مبلغا من المال فى عز المطرة

فشكرها ودعالها قائلا ربنا يكرمك ولا يعريلك جته يا ست هانم

فأخذت منه الفلوس ثانية وقالتله حرام عليك انت عايز تخرب بيتى!!

كل سنة وانتم طيبين

شارك هذه المشاركه


رابط المشاركه
شارك

يا جماعة أنتم زعلانين من الملابس الحشمة اللى كانت ترتديها صاحبة العصمة والصون والعفاف ولا زعلانين من أعضاء المجلس أنهم أفاقوا من غفوتهم ولاحول ولاقوة الا بالله

شارك هذه المشاركه


رابط المشاركه
شارك

يعنى اتحماتوا دلوقى يا بتوع المجارى والكهربا والنضافة .. امال لو كنتوا شوفتوا ...............السى دى .. نحطة لكم فى البيت بيتك كمان .. ولا نولع لكم البيت ونخلص ، وبعدين تعالوا .... الشوارع وسخه ليه .. المجارى بتضرب كل يوم ليه .. طبعا قاعدين تتفرجوا على دينا.. وادينى خازوق وانا باكل برقوق .. ما قطعتوش الكهربا ليييييييييييييييييييييييييييييييييييييييييييييييييييييه.

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • ملابس صناعة مصرية في أكبر و أرقى المحلات في أوروبا و أمريكا ... نحتاج إلى قفزة في تدريب العمالة لهذه الصناعة

      في الستينيات كنت ضمن العاملين بمكتب وزير الصناعة و تلقينا وقتها رسالة من الملحق التجاري المصري في لبنان عرض فيه طلب مستوردين إستيراد بطاريات السيارات نسر بشرط  كتابة إسم منتج آخر عليها و كذا أن يكون بلد المنشأ لبنان ، لست أذكر ماذا تم وقتها  و لكن كان إنطباعي الشخصي وقتها هو الرفض. في البرنامج التليفزيوني  "صاحبة السعادة" الذي تقدمه الفاضلة إسعاد يونس الذي جعلته نافذة لعرض صنع في مصر و الذي تروج من خلاله للإنتاج المصري عرضت منتجات مصرية فاخرة تباع في المحلات الكبرى في أوروبا و أمريكا تحت عل

      في موضوعات جادة

    • غ ريق القاهرة .. الجديدة

      طبعآ لازم يتحطوا عالعمبوكة .. دي اراضي تمن المتر فيها بيوصل ل 18 الف جنيه .. و فلل تمنها جنبه 8 اصفار .. و كامبوندات  للوزرا ... و حاجات كده زي بيفيرلي هيلز .. ينفع يعني تتبني كده  بنفس فهلوة البنيات الأساسية و المجاري  لحتت تانية ..  دي فلوس ناس .. و مش اي ناس .. يبقي لازم المسئولين يتحاسبوا و يتنفخوا كمان ..   اعرف انا حتت تانية في مصر بتتضرب ميت قفا علي سهوة و مافيش حد بيتحاسب و لا بيدوروا علي حلول للمصايب اللي بتحصلها بصورة روتينية كل سنة .. و اسألوا أهل اسكندرية و اسوان و سينا ...

      في موضوعات جادة

    • خرائط التجمع الخامس و القاهرة الجديدة

      لم أهتم من قبل بالقاهرة الجديدة و كنت أعتبرها مكانا بعيدا و متطرفا رغم أنى أقيم فى مدينة نصر ، و كانت الأسرة تلوم على أنى إشتريت أرضا فى مدينة ...ذلك المكان البعيد شبه المهجور هذا كان منذ ثلاثين سنة تقريبا. ما سبق كان إستهلالا لابد منه قرر ولدى سكنى القاهرة الجديدة و كان على أن أجوب القاهرة الجديدة و معى السائق و جهاز ال gps لأعرف أين أنا و إلى أين أسير ، و معظم الأماكن التى رأيتهافى حالة بناء و تحيط بك أكوام الرمال و تشوينات الطوب و الأسمنت. و لا توجد أى علامات تسترشد بها و المناطق ا

      في مسائل إقتصادية - economic issues

    • بيومي أفندي - تخطيط القاهرة ٢٠٢٠

      كانت مشكلة بالنسبة لي معرفة تخطيط القاهرة  و خاصة عندما كنت أقارنها بمدن مثل المنيا و بورسعيد و الاسكندرية و كنت اصل دائما إلى أن الخطأ أني لم أذاكر الخريطة و إني ما زلت صعيدي مستجد في المدينة. إلى أن فاجأني إبني بتفسير تاريخي لما كان قد أستغلق على فهمي البسيط. إليكم وثيقة تاريخية لتخطيط القاهرة ٢٠٢٠  

      في دعوة للأبتسام

    • التنقلات بالموتوسيكل. .. خدمة مبتكرة في القاهرة

      خدمة جديدة مبتكرة. فعلا أعجبتني  يمكنك الآن أن تتنقل في القاهرة بواسطة موتوسكل .. اراك تتعجب. هي خدمة جديدة تقدمها شركة كريم - و ربما أوبر أيضا - أخبرني بها أمس يحي طالب الهندسة المقيم في المنيل بالقاهرة فقد استدعا شركة كريم لتوصيله إلى وسط البلد على موتوسكل. و المشوار استغرق ثلث ساعة  مقارنة ب ساعة كاملة بالسيارة و كانت تكلفة المشوار سبعة جنيهات. فعلا فكرة جميلة و جديدة.

      في الملتقى العام لزوار محاورات المصريين

×
×
  • اضف...