هدايا رمضان

[عبير يونس]

السنة اللي فاتت

كانت هدية رمضان ليا هي اعادة اكتشاف ان رمضان شهر " التنفس"

و انها فرصة عظيمة اثناء الامتناع عن الأكل و الشرب نكتشف لذة التنفس

و استخدام الهواء كوقود للتشغيل

و قد ايه التنفس الصحيح بيعمل دماغ أضعاف الدماغ بتاعة النسكافيه او السجاير للمدخنين

و ده لمسته بنفسي اثناء عملي أثناء الصبام

و ازاي كانت تنفسات بسيطة بتخللي عينيا تنور و دماغي تفتح و ابقى منتعشة بشكل رائع و مقبلة على المجهود بنشاط

هدية عظيمة جدا و قيمة جدا

و رمضانات كتير عدت في حياتي من غير ما اخد هديتي

الهدايا هنا بالطلب

اطلب تلاقي

" ادعوني..استجب لكم "

اتعب شوية و اتفرج ع الهدايا

و اتعب شوية واختار اللي تحبه

و اتعب شوية كمان و عبي الهدايا في اكياس

السنة دي قررت ما اخدش هدية واحدة

قررت اخد لحد ما اتعب

************************************

الهدية الأولى :

*************

*************

رمضان زي الدنيا و نفس النظام الكوني

جمع المتناقضات اللي في الليل و النهار

و لأول مرة في عمري

أدرك فائدة من وجود المتناقضات مع بعض في نفس الوقت

و هي الوصول للتوازن !

كنت دايما فريسة لفكري المتطرف

و فرحانة اوي بحتة يا ابيض يا اسود اللون الرمادي ده انا محبوش

يا مشروب سخن مولع يا مشروب بارد مثلج و ما ارضاش بالفاتر

الفكر ده بينعكس على السلوكيات في رمضان

1- خمول شديد في النهار مقابله نشاط زائد في الليل

2- اعتبار الصيام " حرمان" بيؤدي لنقيضه " الافراط"

و النظرة دي اللي بتخللي الثقافة المتفشية ثقافة افراط شديد

بنفضي السوبر ماركت و محلات الحلويات و نعمر السفرة بكل ما لذ و طاااااااب

حرمان مقابله افراط

و بتقوت علينا نقطة التوازن في النص مبنشوفهاش

رمضان مش شهر الأكل

احنا طول السنة بنهبل بمعنى كلمة بنهبل

شهر بس نعتدل

يعني هيحصل ايه لو فطرنا اي حاجة و اتسحرنا اي حاجة

هيحصل ايه لو اخترنا مسلسل واحد بس و فكينا الأسر اللي قدام التلفزيون 24 ساعة

احنا ممكن نشتغل عادي في رمضان و الله و بنشاط اعلى جدا كمان مهواش شهر الخمول و الانتخة

قال يعني مش مأنتخين طول السنة مثلا !!!

الهدية هنا ...

هديتين أثناء الصيام

1- ضد فكرة الفائدة المؤجلة

2- مع فكرة الفائدة المؤجلة

ازاي ده ؟؟

اه هي الحاجة و عكسها اللي بنوصل بيها للتوازن

يعني و انا صايم مش هأجل الحياة لبعد الفطار

مفيش وقودي المعتاد من المية و الاكل لكن في وقود ممتاز اسمه التنقس و على فكرة وقود اقوى بكتيييييير

هيخلليني اعيش و امارس نشاطي بشكل طبيعي من غير تأجيل

و برضه مع الفائدة المؤجلة

اني صابر على الاكلة اللي بحبها و ماشي في حياتي باستمرارية لكل اعمالي بلا تأجيل لحد ما يجي أوانها

وهنا يتحقق التوازن

اعمل لدنياك كأنك تعيش أبدا

و اعمل لآخرتك كأنك تموت غدا

[باهى الطائر الحزين]

دار الافتاء المصرية : غداً الاثنين أول أيام شهر رمضان المبارك ..
كل سنة و أنتم طيبين ...

[عبير يونس]

1 hour ago, باهى الطائر الحزين said:

دار الافتاء المصرية : غداً الاثنين أول أيام شهر رمضان المبارك ..
كل سنة و أنتم طيبين ...

و حضرتك بكل الخير و السعادة و كل أحبابك 
امين 

[عبير يونس]

الهدية الثانية: 
************
************

مين اللي قال ان اللي بناخده هو المقسوم لنا كاملا ؟؟
مين عرفنا أصلا ايه هو المقسوم لنا ؟!
منين حكمنا ان رزقنا مش واسع 
و انه ليس في الامكان ابدع ما كان!!
مين اللي قال لك رزقك ضيق؟ 
شفت ازاي اللي ربنا مخبيهولك عشان تحكم كده ؟
و ازاي تعتقد ان ربك عطاؤه قليل 
و هو بنفسه بيقول 
كُلًّا نُّمِدُّ هَٰؤُلَاءِ وَهَٰؤُلَاءِ مِنْ عَطَاءِ رَبِّكَ ۚ وَمَا كَانَ عَطَاءُ رَبِّكَ مَحْظُورًا 

[suma]

. تحياتي: 

لم كل ما اقرأ لك أجدني أعيد القراءة مرة ومرتان ! هل للسلاسة وجمال الأسلوب ام ما تحمله الكلمات من معاني جديدة وجميلة!؟؟؟

 ومن عدم الدخول في تفصيلات أنا رمضان السنة دي بالنسبة لي غير. قاطعت اول شيء التلفاز ليس نهائيا ولكن ممكن اخبار او برنامج مهم  اما المسلسلات .. مقاطعة بالثلث.. 

وكنت لا اقرأ القرأن الا بعد الافطار هذا العام في كل وقت واكتشفت ان القراءة قبل الافطار لها طعم غير.. اي والله غير .. 

المهم سأعيد قراءتك علي اخرج بمضمون مغاير لما تحمله الحروف.... سلمت يارب وكل سنة وانت طيبة اما عن التنفس العميق فأنا أزاوله  من مدة حسب نصيحة احد الأطباء لي لما وجدني دائماً غاضبة من حالتي الصحية وفعلا انشغلت بها عن المرض ذاته!!

 

سومه

 

          سو

[باهى الطائر الحزين]

هدية اليوم ..

لا تحزن ؛

فـ كرم الله لا يتأخر

 إنما يأتي في وقته المناسب )

[باهى الطائر الحزين]

ما كان لك سيأتيك رغم ضعفك 
وما ليس لك لن تناله بقوتك ...

د شاهيناز النجار

[عبير يونس]

On 6/9/2016 at 0:08 AM, suma said:

. تحياتي: 

لم كل ما اقرأ لك أجدني أعيد القراءة مرة ومرتان ! هل للسلاسة وجمال الأسلوب ام ما تحمله الكلمات من معاني جديدة وجميلة!؟؟؟

 ومن عدم الدخول في تفصيلات أنا رمضان السنة دي بالنسبة لي غير. قاطعت اول شيء التلفاز ليس نهائيا ولكن ممكن اخبار او برنامج مهم  اما المسلسلات .. مقاطعة بالثلث.. 

وكنت لا اقرأ القرأن الا بعد الافطار هذا العام في كل وقت واكتشفت ان القراءة قبل الافطار لها طعم غير.. اي والله غير .. 

المهم سأعيد قراءتك علي اخرج بمضمون مغاير لما تحمله الحروف.... سلمت يارب وكل سنة وانت طيبة اما عن التنفس العميق فأنا أزاوله  من مدة حسب نصيحة احد الأطباء لي لما وجدني دائماً غاضبة من حالتي الصحية وفعلا انشغلت بها عن المرض ذاته!!

 

سومه

          

      كل عام وحضرتك و كل أحبابك بخير و سعادة وهناء
يسعدني و يشرفني قراءة حضرتك لما أكتب 
  وفعلا أعمال كثيرة شعورها مختلف أثناء الصيام
خصوصا قراءة القرآن الكريم
واعتقد أن وقت الصيام هو أنسب وقت لتدبر معانيه
أنرتِ الموضوع سيدتي   

[عبير يونس]

On 6/11/2016 at 3:25 AM, باهى الطائر الحزين said:

هدية اليوم ..

لا تحزن ؛

فـ كرم الله لا يتأخر

 إنما يأتي في وقته المناسب )

و نعم بالله 

 

On 6/11/2016 at 4:48 PM, باهى الطائر الحزين said:

ما كان لك سيأتيك رغم ضعفك 
وما ليس لك لن تناله بقوتك ...

د شاهيناز النجار

 أناقة غير عادية د. شاهيناز
سوبر لايك    

[باهى الطائر الحزين]

كلما دخلت الي المطبخ

سمعت الضحكات تجلجل في بيت جاري

كنت استغرب الأمر لكن

في هذا الشهر الفضيل

اكتشفت ان الضحك ..

هو التعويذه والروقيا الشرعيه

ضد الحسد واشياء اخري )

[عبير يونس]

الأبناء مش ملكية للوالدين 
الأبناء ملك اللي خلقهم و احنا " رعاة " و مستأمنين عليهم 
و في نفس الوقت ربنا هو الراعي الحقيقي و هو الحافظ لهم 
لأن مش كلنا " مدركين " تأثيرا قرارتنا في حياتنا عليهم 
معظم الآباء في العالم كله تحملوا مسؤولية تربية الأبناء وهمة ميعرفوش عنها حاجة !!
بيكرروا اللي اتعمل معاهم و بس 
صح و الا غلط ؟ رحمة والا قسوة؟ انت وحظك بقى :) 
عشان كده النماذج بتتكرر و احنا بنعتبرها جزء من قوانين الوراثة 
بينما هي مجرد صفحات بيضا انكتب عليها بايدينا نفس الكلام " بدون تغيير" 
لاحظت نفسي اني كنت باكرر كل اللي كانوا بيعملوه والدي ووالدتي معايا بحلوه ومره مع ولادي 
و كنت مدركة اني باكرر احيانا اللي مكانش عاجبني !!
لكن الاكتر كان اني كنت بابعد عن اللي كان بيضايقني و مكررتوش معاهم 
بنفضل نكرر 
و النماذج تتكرر 
و اللي بيحاول يقف و يغير بيبقى اسمه متمرد و جاحد و عاق و.. و.. اختار الاسم اللي يعجبك :) 
لما قررت اسيب ولادي بعد انفصالي عن والدهم 
مكانش قرار سهل 
واجهت بيه مجتمع بيرفض تماما الطلاق كحق طبيعي و حلاااااااال عشان خاطر الولاد حياتهم ما تتدمرش 
طيب هو في ضمان ان " كل" الأبناء اللي عاشوا مع أب و أم كلهم صحتهم النفسية كويسة و ناجحين في علاقاتهم ؟؟ 
طيب هو كل الأبناء اللي آباءهم انفصلوا طلعوا بايظين و مدمرين؟؟ 
طيب و الأهم من السؤالين دول 
رب العالمين وهو بيشرع ان الطلاق حلال 
مكانش مثلا و العياذ بالله مدرك للعواقب بإن في أولاد هيتدمروا ؟؟؟!!!
ايه اللي يدمر الولاد اكتر ؟ 
انهم مش موجودين مع بابا و ماما في نفس الوقت ؟
و الا انهم شايفين مفيش بين بابا وماما المشاعر الجميلة القايمة على الود والاحترام؟؟ 
ممكن بابا يكون مسافر مثلا صح؟
و الا ليل نهار في الشغل مش بيشوفوه اصلا ؟؟!!
اشمعنا المجتمع بيقبل ده ؟   
ماهو عدم تواجد اهو 
و عدم تواجد اكثر تدميرا من الطلاق نفسه 
لكن المهم انه داخل اطار الزواج 
البيت مانهدمش 
ملصمينه قدام الناس مع انه خربان من جوة 
المهم الواجهة الاجتماعية عشان كلام الناس 
عشان هو كده 
" هذا ما ألفينا عليه آباءنا" 
مش واخدين بالكو ان كل حاجة جديدة بتلاقي الرد ده " هذا ما ألفينا عليه آباءنا" 
الخوووووووف 
كل مصيبة وراها الخوف 
و التعلق مصيبة اكبر 
متعلقين بالولاد 
عايزينهم في حضننا بغض النظر عن أي حاجة تانية 
حضن خانق و قد يكون مدمر و احنا مش واخدين بالنا 
او ممكن متعلقين بمنطقة الأمان بتاعتنا و مش عايزين نطلع منها
باقنع نفسي ان ولادي محتاجين وجودي معاهم 
بينما الحقيقة اني انا اللي محتاجة وجودهم 
و انا اللي مش عارفة اعيش من غيرهم 
وجودهم منطقة راحة و أمان 
الدبدوب اللي منعرفش ننام الا واحنا حاضنينه
كنت زمان و انا صغيرة باتساءل ليه فترة رعاية الحيوانات لولادهم قصيرة 
و مجرد ما عودهم اشتد و قدروا يتحركوا لوحدهم خلاص بيستقلوا 
كبرت على ان استقلال الابناء في سن 16 عن والديهم في اوروبا " انحلال" :) 
ههههههههههههههههههههه سايبين كل نضوج الاستقلال في انهم يقدروا يعيشوا لوحدهم و باصين بس للحرية الجنسية 
مع ان كتير اوي بيبقوا موجودين في القيد الأسري و احرار جنسيا برضه بس في الخفاء بعيد عن أعين الوالدين 
الأبناء في مجتمعنا حتى بعد التخرج و الزواج و الانجاب مبيستقلوش عن آباءهم برضه و يفضلوا لازقين فيهم 
و الآباء طايرين من الفرح ان ولادهم واحفادهم ماليين عليهم البيت 
بعلاقة " احتياااااااااج" 
مش بينهيها الا الموت 
فايدة عظيمة للموت 
بينهي "الاحتياج " اللي احنا مش قادرين ننهيه بنفسنا 
وصلناااااا لمربط الفرس 
الاحتياج 
هو المصيبة الكبرى 
هو سبب كل المصايب 
الاحتياج بيخلينا نخاف و نتعلق و نحزن ونغضب و نشعر بالذنب و نقلق و نتوتر و.. و.. 
عشان كده كانت أكبر وصية روحانية 
أن تعلق قلبك بالله و تخللي احتياجك له لوحده 
عشان تتحرر من الاحتياج لكل ما دونه سبحانه من الأشياء و الأشخاص
عشان تقدر تستقل 
تكسر الجمود 
و تكتشف القدرة اللي جوانا اننا نقف و نقول لا 
مش هأستمر في نفس الدوامة 
بس مين يقدر يوقف الدايرة اللي بيلف فيها بدون توقف ؟؟ 
و مين يقدر ياخد القرار انه يقف دلوقت و من غير تأجيل ؟

[باهى الطائر الحزين]

لن يقاسمك الوجع صديق.. ولن يحمل عنك الألم حبيب.. ولن يسهر بدلاً منك قريب.. لذلك اعتني بنفسك واحمها ولا تعطي الأحداث والمواقف أكثر مما تستحق.
 

[عبير يونس]

   هو ليه في القرآن الكريم مفيش سيرة عن رعاية الأبناء غير بس عن سنوات الرضاعة؟
ليه مفيش كلام عن اصول التربية وازاي نعامل الاطفال ؟
و ازاي نعاملهم في سنوات المراهقة؟
هو ليه رب العالمين اغفل الكلام عن المواضيع الخطيرة دي ؟؟
هو ده ميدلش ان الكلام في المواضيع دي ليس الا "دهلزة" بشرية بتبعدنا عن الجوهر الحقيقي للعلاقات؟؟!!

طب ليه اعتبرنا ان الاحسان للوالدين معناه الطاعة العمياء مع ان الآية الصريحة بتقول

 

وَإِنْ جَاهَدَاكَ عَلى أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفاً وَاتَّبِعْ سَبِيلَ مَنْ أَنَابَ إِلَيَّ ثُمَّ إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ ﴾. [سورة لقمان : 15].

 

ايه دخل الاحسان بالطاعة ؟؟ 
و ليه بنربي الطفل انه يسمع الكلام عشان يبقى مؤدب ؟؟
ايه دخل الأدب باني انفذ اللي انت بتقوله ؟؟
و ليه بنربيهم على مبدأ أن الحنان و الأمان مقابل الطاعة ؟ 
مع إن كونيا المبدأ ده مش موجود بالمرة 
و رب العالمين مبيفرقش في الرزق و الأمان و التوفيق و الحماية بين عبد بيطيعه و عبد بيعصيه !!
الرابطة اللي قايمة على حنان و أمان مقابل طاعة سهل انها تتقطع بمجرد ما الاحتياج للحنان و الأمان ينتهي بوجود بديل يبمنحهم بقيود أقل :) 
ليه منعيدش حساباتنا في المفاهيم اللي بنعتنقها بالوراثة من اللي سبقونا 
و نبتدي نفكر فيها بشكل مختلف ؟؟

[عبير يونس]

لما حد يصطدم بيك و انت ماشي سواء بقصد او بدون قصد وعلى اختلاف نواياه ايا كانت 
رد فعلك تجاهه هو اختيارك انت 
بامكانك تبتسم له و تقول له حصل خير 
و بامكانك تتعصب و تقول له " ايييييه مش تفتح ! انت اعمى !!
قانون الوفرة الكونية قائم على التضاعف من كل حدث 
يعني لو ابتسمت في وشه و قلتله حصل خير الخير اللي عملته ده مش بيقف عندك 
بيؤثر فيه و بيحفزه هو كمان يعمله و يتضاعف الخير و ينتشر 
و كمان لو شتمته الشر ده مبيقفش عندك بيؤثر فيه و بيحفزه على العنف و يبتدي ده كمان يتضاعف و ينتشر 
لو حد اذاك ايه الفايدة اللي تعود عليك لو هو اتأذى هو كمان ؟؟؟!!!! غير شعور التشفي اللي بيؤذيك انت شخصيا !!
لكن تخيل الفايدة اللي هترجع لك في الآخر من حيث لا تدري لو اتبعت معاه الخير و دعيت له على الأقل 
وصول الخير لك اختيارك و قرارك

[عبير يونس]

" أفتتخذونه وذريته أولياء من دوني وهم لكم عدو بئس للظالمين بدلا "
فكرة الصراع بين الخير و الشر تعطي للشر حجما و قوة و تضعه على قدم المساواة مع الخير 
الاختيار قوة كبرى أعطاها رب العالمين للأنس و الجن فقط 
الصراع بين الانسان و الشيطان و ليس بين الخير والشر 
فالخير من الله تعالى وحده 
و الشر من أنفسنا 
و الشيطان نفسه لم يجرؤ على تحدي رب العالمين 
هو تحدى صنعة رب العالمين " الإنسان" 
خروج الانسان عن الصراط المستقيم يعطي قوة زائفة و تضخيم وهمي للشيطان 
فيتضخم كبالون يفقعه دبوس توبة الانسان في أي لحظة و عودته للحق 
الصراع يكون دوما على القرار الذي يحرص دوما الشيطان ألا يجعلنا نتخذه 
و استخدام كافة السبل من تشكيك و تخويف و تسويف و ابعاد حتى لا نتخذه 
انتصر في معركتك 
اتخذ قرارك و اقبل مسؤولياتك

[عبير يونس]

 

بنفس منطق انك مش هتوصل للسعادة لما تنجج

بل انك لازم تكون سعيد اولا عشان تنجح ...

مش لما انجح هابقى اعمل اللي احبه...

انا هاعمل اللي احبه عشان انجح

[عبير يونس]

حب النفس له شقين

واحد ايجابي و واحد سلبي

الايجابي فيه الثقة بالنفس و الحفاظ على الكرامة و الرفعة و السمو

و السلبي فيه الغرور والكبرياء و التعالي

متحاولش تكسر السلبي

الكسر و الهدم عنف

و العنف نتايجه مش مضمونة

ممكن تجور على الجزء الكويس و انت مش واخد بالك

ما تحاربش السلبيات

متخشش في صراع نتيجته الوحيدة اضافة قوة مضاعفة للي بتحاربه

بدل ما تكره اللي مش عاجبك في نفسك

حط كل طاقتك في حب اللي عاجبك فيها ..بس كده!

[عبير يونس]

مقاومتك لدخول فكرة لعقلك 
نتيجته انها بتدخل منتصرة 
عارف ليه؟ 
لأنك اديتها كل قوتك بالمقاومة 
اقبلها !
بس لحظة من فضلك 
اتأكد ان نظام الصرف الصحي عندك سليم 
بعمل صيانة دورية منعا لحدوث انسدادات في المواسير 
عشان متبقاش زي سواق الميني باص اللي عمال يركب زباين و محدش بينزل