اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
عادل أبوزيد

العمة يامنة ... رائعة عبدالرحمن الأبنودي

Recommended Posts

قصيدة رائعة قرأتها عشرات المرات ، آخرها أمس في جريدة الأهرام ، بها أبيات و تعبيرات تعصر القلب.

ما سبق كان إستهلالا لابد منه

وجدت القصيدة بصوت الخال  و سأبحث عنها مكتوبة

https://www.youtube.com/watch?v=NrJPkOksR00

يامنه

 

رقم القصيدة : 82201 نوع القصيدة : عامي ملف صوتي: لا يوجد


 

والله وشبت يا عبد الرُّحمان ..

عجّزت يا واد ؟

مُسْرَعْ؟

ميتى وكيف؟

عاد اللي يعجّز في بلاده

غير اللي يعجز ضيف !!

هلكوك النسوان؟

شفتك مرة في التلفزيون

ومرة .. وروني صورتك في الجورنان

قلت : كبر عبد الرحمان!!

أمال انا على كده مت بقى لي ميت حول!!

والله خايفة يا وليدي القعدة لتطول

مات الشيخ محمود

وماتت فاطنة ابْ قنديل

واتباع كرم ابْ غبّان

وانا لسة حية..

وباين حاحيا كمان وكمان

عشت كتير

عشت لحد ماشفتك عجّزت يا عبد الرحمان

وقالولي قال خَلَّفت

وانت عجوز خلَّفت يا اخوي؟

وبنات..!!؟

أمال كنت بتعمل إيه

طيلة العمر اللي فات؟

دلوقت مافقت؟

وجايبهم دِلْوكْ تعمل بيهم إيه؟

على كلٍّ..

أهي ريحة من ريحتك ع الأرض

يونسُّوا بعض

ماشي يا عبد الرحمان

أهو عشنا وطلنا منك بصة وشمة

دلوك بس ما فكرت ف يامنة وقلت: يا عمة؟

حبيبي انت يا عبد الرحمان

والله حبيبي .. وتتحب

على قد ماسارقاك الغربة

لكن ليك قلب

مش زي ولاد الكلب

اللي نسيونا زمان

حلوة مرتك وعويْلاتك

والاّ شبهنا..؟

سميتهم إيه؟

قالولي : آية ونور

ماعارفشي تجيب لك حتة واد؟

والاّ أقولك :

يعني اللي جبناهم..

نفعونا في الدنيا بإيه؟

غيرشي الانسان مغرور !!

ولسه يامنة حاتعيش وحاتلبس

لمّا جايب لي قطيفة وكستور؟

كنت اديتهمني فلوس

اشتري للركبه دهان

آ..با..ي ما مجلّع قوي يا عبد الرحمان..

طب ده انا ليّا ستّ سنين

مزروعة في ظهر الباب

لم طلّوا علينا أحبة ولا أغراب..

خليهم..

ينفعوا

أعملهم أكفان..!!

كرمش وشي

فاكر يامنة وفاكر الوش؟

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي ..؟

حاجي ياعمة وجيت..

لالقيت يامنة ولا البيت

 

شارك هذه المشاركه


رابط المشاركه
شارك

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

رحمة الله علي الخال

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • رائعة الموسيقار عبد الوهاب...لا لا لا تغسلي (حماده بالعود)

      لا لا لا ...لا تغسلي اني نصحتكي فاسمعي....و اهي دي الهدومي اذا اردتي تغسلي ما اهون الدعك بصابون اذا اترغى خلى الصوابع كالحريقة مولعا اني غسلتكما اني شطفتكما اني دعكتكما اني نشرتكما ماكفاكي عشرين فم في رابسو وهم ولتر بطاس بيكويكي ويداكي بايشتان...ترتعشان من كتر الفنيكي ماذا اقول لزوجة تتحدى في كلامي اليها ماذا اقول لصوابع مزقتيها دعكا يا تايهه ااقول باشت... أأقول تلاشت.....ااقولها لو قولتها يبوظ غسيلي يا ويلتي ياويلتي لا لا لن اقول

      في الفنون

    • على بلاطة .. لانقبل محاولات "تلبيس العمة"

      نعم .. الأخ الأكبر يتحمل جزءا أكبر من المسئولية .. وربما بعض الدلع من "الصغار" .. ولكنه لا يقبل "قلة أدب" هؤلاء الصغار نعم .. الأخ الأكبر يقف فى المواجهة لحل مشاكل الأسرة .. ولكن من ضمن مسئوليته فى المواجهة ألا يقبل من "الصغار" توريطه فى مغامراتهم وحماقاتهم إعتمادا على أن الأخ الأكبر لابد أنه سيتدخل لحمايتهم والدفاع عنهم عندما يأتى رد الفعل حملة منظمة بدأت مع اقتراب انتهاء اتفاقية التهدئة بين حماس وإسرائيل للهجوم على مصر .. ولا زالت الحملة مستمرة ولا زال المولد منصوبا .. مظاهرة "صغار" تحركه

      في سياسة دولية

    • رائعة هشام الجخ ..مكملين و قصائد أخرى

      http://www.youtube.com/watch?v=YSzMWm-Owuc

      في أدب و شعر و قراءات

    • ورحل 'الخال'..الأبنودي

      اذا جاك الموت يا وليدي ..موت على طول. اللي اتخطفوا فضلوا أحباب صاحيين في القلب كإن ماحدش غاب. واللي ماتوا حتة حتة ونشفوا وهم حيين.. حتى سلامو عليكم مش بتعدي من بره الأعتاب أول مايجيك الموت .. افتح. أو ماينادي عليك .. إجلح. إنت الكسبان. إوعى تحسبها حساب.!! بلا واد .. بلا بت.. ده زمن يوم مايصدق .. كداب.!! سيبها لهم بالحال والمال وانفد إوعى تبص وراك. الورث تراب وحيطان الأيام طين وعيالك بيك مش بيك عايشين..!! يو.....ه يا زمان.. رحمك الله ..

      في باب الإجتماعيات

    • رائعة سواق الأوتوبيس

      بطولة حسونة المصرى طاقة نور وسط الظلام شوفت الفيلم خلص الكلام نادرا ما أتابع "القاهرة اليوم" لمدة طويلة .. عمرو أديب بينرفزنى ولكن هذا الجزء من حلقة الليلة جعلنى اتسمر أمام التليفزيون إلى النهاية وليس لأن عمرو أديب لم يكن هو مقدم الحلقة https://www.youtube.com/watch?x-yt-cl=84924572&x-yt-ts=1422411861&v=bRxjUP-Milo

      في موضوعات جادة

×
×
  • اضف...