اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

بين العبقرية والغباء .. ومادة الرياضيات !!


Recommended Posts

أحيي الأخت جيجي على الموضوع جملة وتفصيلاً..

هذا المعتقد ليس موجوداً فيما يخص مادة الرياضيات ، بل في ما يخص النظام التعليمي في مصر عموماً ، وهو نظام غبي وأحمق بكل المقاييس.. نظام يجعل الطالب تحت المفرمة في أحلى سنوات عمره ، لا يتيح له أدنى براح للتفكير ، ولا يستهدف قدرات الطالب على الفهم بالمرة.. لازم تحفظ ، وتحفظ ، وبعدة كدة تحفظ..

المصيبة السوداء أن الرياضيات مادة تفكير ومنطق ، تحتاج للاثنين معاً ، وقد وصلنا إلى مستوى بشع صار فيه كل شيء يتم تحفيظه بشكل مسف.. حد يحفظ رياضيات يا عالم؟

وهذا ما أضيفه لما قاله س س حبيب الملايين في المداخلة السابقة..

خلص الكلام

رابط المشاركه
شارك

لا يا بشمهندس ولاطولت ولاحاجه .. خد راحتك .. أنا مبسوطة إنه فيه حد عبرني .. عشان أطلع كل الغيظ اللي جوايا ..

للأسف الشديد التعليم الفاشل عندنا لا يؤهل الطالب أبداً لسوق العمل ، كل اللي بندرسه نظريات وكلام مكتوب ، طيب يا جماعة عايزين نشوف ، عايزين نطبق ، عايزين نفهم .. مفيش !!

من دراستي في الكلية لحد ما وصلت سنة رابعة دلوقتي .. طلعت بنظرية جميلة جداً بس بعد فوات الأوان تقريبا ،، في الكلية متستناش حد يشرحلك ، متستناش حد يعلمك ، علّم نفسك بنفسك ، تعلم مهارات التعلم الذاتي والمستمر ، لكن لو مشيت على اللي يدوك بس هتضيع وهتطلع من الكلية والمحصلة زيرو ..!!

أقرأ أكتر من اللي الدكتور بيقول .. وخاصة الموضوعات اللي بتحبها .. تعلم أكثر في هذا المجال .. طور نفسك .. اطّلع على مراجع كثيرة .. حاول إنك تقترب من درجة المحترف في هذا المجال ...!!

عشان لما تخلص كلية وتروح للشغل .. تروح وأنت واثق من نفسك .. وفاهم أنت هتعمل ايه ..!!

وحكاية الدكاترة المخلصين .. آه فيه .. ويكون تأثيرهم على الطلبة قوي جدااااااااا ..

اقولك حاجه احنا عندنا دكتور دارس فيه هندسة المنوفية ..صحيح الدكتور عصبي ودايما يهزئنا :rolleyes: .. بس والله العظيم الانسان ده أثر فيا جاااامد اوي .. خلاني افكر بطريقة مختلفة جدا .. فتح عينيا على حاجات عمري ما كنت اعرفها .. عودني افكر بطريقة علمية وأسلوب حديث .. فهمني يعني ايه تعليم وكلية ومستقبل .. والحمد لله هو اللي بقى مشرف مشروعي التخرج دلوقتي ..

وأستاذة تانية ... معاها ماجستير تربية من جامعة المنصورة .. الانسانة دي فعلا أثرت فيا زي الدكتور .. خلتني اموووووت في حاجه اسمها تربية ، كانت بتدرسلي مادة " طرق تدريس" .. خلتني فعلاً افهم يعني ايه تدريس ويعني ايه مدرسة ..

(شوفتوا اللي كان لهم تأثر كبير في حياتي مصريين .. ويقولولي بتحبي المصريين ليه :lol: )

وموضوع الذكاء الوجداني بالعكس فيه ناس أذكياء فعلاً من الناحية دي ... بس زي ما قلت حكاية فش الغل دي .. قليل لما تلاقي واحد حليم في هذا الزمن العجيب ..

في الكلية .. نبقى جايين الصبح ياسلااااام .. نفسنا مفتوحة على الآخر... ومبسوطين وعايزين نحضر المحاضرة .. في المحاضرة بقى .. يخش الدكتور باين انه مالوش نفس .. يا اما يكون متخانق مع مراته.. والا العربية اتعطلت في نص السكة ..ويكون مستني أي حاجه تحصل عشان يقلب الدنيا .. يسمع همس بسيط .. يالهوووووي .. يقوم مطربق الدنيا فوق دماغنا والمحاضرة مشروحة وهتيجي في الامتحان ويقفل ويخرج ... طب احنا ذنبنا ايه ... احنا ذنبنا ايه يجي يفش غله فينا ... طب اعكس الحكاية .. الدكتور متضايق اوي من الطلبة .. يرجع البيت ويفش غله في مراته .. طب المسكينة ذنبها ايه ...... شفت كيف .. ده مثل بسيط من أمثلة الذكاء الوجداني .. انك تعود نفسك تفصل بين انفعالاتك ومن لا ذنب له فيها ..

يعني الإنسان الذكي وجدانياً .. يعرف يتعامل مع الناس بذكاء من ناحية الوجدان والانفعالات ..!!!

أقولك مثال تاني لسه قاريه من كذا يوم .. لما تكون قاعد في مجموعة ناس فيهم واحد تخين مثلا .. اوعى تتكلم عن السمنة والريجيم عشان متجرحش شعوره ولو مكنتش تقصده .. ده ذكاء وجداني .. !!

وغيره وغيره .. الذكاء الوجداني مجاله واسع جداً .. والقراءة فيه ممتعة بجد ...

.................................

........................

ايوى يا سي السيد بالضبط ......

انت جيت على الجرح ، وفكرتني بالذي مضى ، أنا حصلتلي الحكاية دي ، واتحطمت واتدمرت وضاعت سنة من عمري ، لكن الحمد لله كان درس من دروس الحياة ..

التقسميات دي أنا بتضايق منها جداً .. وقبلها في الثانوية العلمي للممتازين والأدبي للكسلانين ... ايه التقسيم السخيف والغبي ده ؟؟

ايه اللي خلانا ورا ورا .. الا التفكير بهذه العقلية ، واخر شيء نفكر فيه تنمية الميول لدى الطلاب .. !!

.......................

.................

أهلا بك يا شريف ...

اه والله ..بيحفظوا رياضيات .. يحفظوا استنتاج .. يا جماعة .. اسمه استنتاج .. يعني يستنتج .. مش يحفظ ...

يا خسارة على عقول اولادنا اللي راحت خلاص :lol: ..

بس ايه سين سين .. حبيب الملايين :) ..

والله يا سي السيد تنفع تدخل انتخابات .. وشعارك يبقى سين سين .. حبيب الملايين ..

وكلنا هنصوتلك ..

بس ايه أنا صوتي ..

يلا عشانك بس ..

هأخليه بـ10 ألاف دولار بس :lol: ...

رابط المشاركه
شارك

عارفين الإعلان بتاع الصابون اللي بيقول " الإنطباعات الأولى تدووووووم "

أهو ده تماماً ما يحدث لدينا في التعليم ...

على سبيل المثال ..

لو مُدرس الرياضيات كان سيكوباتي أو مش مقبول في المرحلة الإبتدائية .. يبقى عليه العوض في الرياضيات بقيت سنوات الدراسة .. وده اللي حصل معايا .

على العكس بقى مدرسين اللغات والجغرافيا والتاريخ .. لذا أصبحت إنسان فاشل في مادة الرياضيات وخدت بعضي من سُكات وتخصصت أدبي في الثانوية .. وكانت ليلة يا عمده ... البيت إتقلب محزنة وماما لبست إسود .. وبابا أخد العزا في وأنا حي .. لإني خيبت ظنه ومش هابقى داكتوووور ... وخلاص حكم عليه بالفشل لإن ما بيدخلش أدبي الا الفشلة والرعاع ...

ولكنني صممت ...

والحمد لله جبت مجموع كبير في ثانوي ... ولكن صممت أدخل تجارة ... نفس العزا الأولاني إتنصب - وكغننا عايشين في التُرب - وقالوا لي خلاص يبقى جهز نفسك من دلوقت عشان تبقى عواطلي ...

يعني هي حاجات كده بقت استيريو تايب :

- أدبي .... عواطلي

- علمي ... طب أو هندسة

- صنايع وتجارة .... يعني بانجو وشوية صيع

رابط المشاركه
شارك
  • 14 years later...

مر أمامي تساؤل  أظن في المجلة العلمية لل bbc هو هل الرياضة إكتشاف أم إختراع ؟

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • أودري هيبورن الجمال و العبقرية

      أشاهد الآن فيلم الحرب و السلام  الفيلم ثلاث ساعات و نصف و هو عن رائعة تولستوي ، الفيلم غني جدا رغم انه إنتاج ١٩٥٦ ( هناك انتاج روسي سنة ١٩٦٦) ، الفيلم في بداياته  صور فاخرة للأرستوقراطية الروسية. الموضوع عن أودري هيبورن  ممثلة جميلة جدا  باهرة الجمال  و عبقرية في التمثيل. شاهدت لها عدة أفلام  و أنتوي أن أشاهد باقي أفلامها  .. إنها السهل الممتنع.      

      في الفنون

    • الرياضيات - ابتدائي, متوسط, ثانوي.

      وصلني على الإيميل النهاردة الموقع ده وهو موقع تعليمي رائع لمادة الرياضيات لجميع الصفوف إبتدائي , متوسط , ثانوي عبارة عن شرح وأمثلة كثيرة جداً الشرح بالصوت والصورة والتمارين تفاعيلة وفيه تمارين عبارة عن العاب وهذا أكثر ما عجبني فيه لو عندك إبن أو إبنه فأكيد هيستفاد منه كثير بدل ما يقعد علي الكمبيوتر يلعب Games وخلاص إضغط هنا سبحان الله وبحمده .. سبحان الله العظيم مع تحياتي

      في التعليم و العمل - education & employment issues

    • جنون الرياضيات ... هذا ليس علما بالتأكيد !

      الموضوع فى جريدة المصرى اليوم و يتكلم ببساطة عن القدرة على التنبؤ بمصائر الأفراد و الدول بناء على كود رقمى يصل إليه الكاتب - مؤلف هذا الشئ - و من هذا الكود يصل إلى الكثير عن الشخص . الكلام من مظهره لا يزيد عنه طراز جديد من الدجل شأنه شان الهندسة الحيوية التى إخترعها و ترزق منها أستاذ جامعى هو إبن المعمارى الناجح الدكتور سيد كريم - سيد كريم هو الأب و ليس مخترع الهندسة الحيوية. هل إختلطت الأمور فى مصر غلى هذا الحد ؟ أستاذ رياضيات يستخدم نظرية «الأكواد الرقمية» في التنبؤ بمصائر

      في موضوعات خفيفة

    • (مصر) .. دكتورة شادن عبد الجواد .. المصرية العبقرية

      هذه المرة اللقاء مع شخصية من حاضرنا .. لم تطل علينا من صفحات التاريخ .. و لن نتحدث عنها باعتبار ما كان .. بل باعتبار ما هو كائن .. الدكتورة شادن عبد الجواد .. مثال آخر .. حين تنبغ العبقرية المصرية .. نراها و نحسها .. و نتلمسها أحيانا ... دكتورة مهندسة .. ناجحة حقا .. مصرية حقا .. مثال مشرف حقا .. بفضل خبرتها العلمية ودراستها العميقة استطاعت أن تثبت أقدامها في سلم النجاح، وأن تسير بخطى واثقة، ليتوج عملها في النهاية بوصولها لرئاسة المركز القومي لبحوث المياه، واختيارها من قبل منظمة الأغذية والز

      في انجازات المصريين

×
×
  • اضف...