الزواج للجميع

[Fahman]

كل البنات و الصبيان عايزين يتجوزوا ...  سليم

ليه ما بيحصلش ؟  لا بيحصل  و بيحصل كتير  

يا ترى ده موضوع مهم نتكلم فيه  و الا لأ ؟

أنا أعرف شبان كتير زي الورد  زي الورد بمعنى الكلمة و عايزين  يتجوزوا  بس ...  و آه من بس دي

و اعرف بنات زي الفل بنات ناس و متعلمين  و فيهم كتير على مستوى عالي من الجمال أو أقدر أقول مستوى جمال فوق المتوسط  برضه  عايزين يتجوزوا ....  بس    و آه من بس دي

 

[tarek hassan]

هل تقصد أن الجميع يريد الزواج وطالما هناك إرادة فهي كافية .... 

الشباب اللي مضيع وقته في الهري والنقمة والإحباط وومضيع وقته في النت

لازم تتغير عقيدته في الحياة ويكافح علشان يوفر تكاليف الزواج وطالما سار في الطريق فربنا هيعينه 

أنا مع تيسير سبل الزواج ولكن مع من بذل كل طاقته واستقامته وأخلاقه

الفرد جزء من المجتمع لازم ينهض بنفسه وبمجتمعه 

ولكن كتير من الشباب هم عالة على أهلهم وعلى مجتمعهم وعايزين كسب سريع وبدون عمل حقيقي وجوازه ببلاش 

العون للشباب والشابات هو سد العجز وليس شيل الليلة عنهم من أولها لآخرها 

 

[Grandma]

الشباب و البنات و أهلهم مقيدين نفسهم و أبناءهم بعادات وتقاليد ومظاهر سلسلتهم

وجعلت الزواج وكأنه مصيبة ووقعت فوق راسهم 

في ايدهم حل المشكلة 

لا مهر ولا شبكة و لا حفلة الا في حدود المستطاع و المتاح

الشقة ايجار قانون جديد مش لازم تمليك

ولو ان برضو الايجار هيكون غالي عليهم 

لذلك الحكومة لازم تساعد وتفرض ايجارات مخفضة 

اما الاثاث فسهل مش لازم يجهزوا كل البيت 

كل شهر يشتروا حاجة جديدة 

يستمتعوا بحياتهم وما يفكروش في الانجاب قبل 5 سنوات 

وواجب عليهم الا ينجبوا اكتر من طفلين 

وعلى الدولة ان تفرض قانون لتحديد النسل 

ودا لمصلحة الطفل قبل مصلحة البلد

من يرغب في الزواج فعلا عليه يقدم تنازلات 

 

[عادل أبوزيد]

من يريد الزواج فعلا فالعادي و الملحوظ  أنه سيتزوج أيا كانت ظروفهم المادية و الإجتماعية  أو على الأقل هذا ما أراه

ما سبق كان إستهلالا لابد منه

هذا الموضوع  للشباب  من الجنسين  أو قل أنه  موجه  لمن لم يتزوج أو تتزوج بعد ، 

خبرة من هم  في رييع العمر  مثلي ربما  تكون مفيدة  لشباب هذه الأيام.

[Fahman]

البنات والاولاد مبيشوفوش بعض ، ما بيعرفوش بعض،

اللي بيعرفوا بعض  جيران و الا زمايل شغل  بيتجوزوا. يمكن مش بسرعة لكن آخرتهم الجواز.

مش كدة و الا إيه

[عادل أبوزيد]

مصر الأولى عالميا في نسبة الطلاق :

اقتباس

مصر أولى دول العالم فى الانفصال 170 ألف حالة طلاق أغلبها خلع 2015 سبتمبر 11 تحقيق ـ وجيــه الصقـار: سجلت الإحصاءات الدولية بالأمم المتحدة أخيرا، ارتفاع نسبة الطلاق فى مصر حتى أصبحت الأولى عالميا بمعدل فاق 170 ألف حالة فى العام الأخير، وأغلبها عن طريق قانون الخلع، وعزت ذلك للظروف الاجتماعية والاقتصادية، والصحية فضلا عن نقص الوعى أو إدمان المخدرات، وانتشار المواقع الإباحية على الانترنت مما جعل هناك تزايدا فى نسب الطلاق عاما بعد عام خاصة مع قانون الخلع الذى يساعد المرأة على الطلاق دون علم زوجها. الباحث محمد رضا بجامعة عين شمس أكد أن تدخل الأهل في حياة الزوجين من أهم الأسباب التي تؤدي إلى الطلاق مبكراً، وهو ما وجد في أغلب الدراسات ، وكذلك الخيانة الزوجية، والجفاف العاطفي ، وعدم الانجاب ، والإدمان ، وظهور أنماط أخري من العلاقات الزوجية

 

تم تعديل 22 أبريل 2016 بواسطة عادل أبوزيد
اضافة صورة مقال عن الطلاق

[عادل أبوزيد]

تعقيب سريع من زوجتي : البنات مابقتشي تستحمل المسئولية

و كمان مابقوش يقبلوا قهر الأزواج (الطبقات الدنيا كان منتشر فيها ضرب الزوجات)