اذهب إلى المحتوى
محاورات المصريين

باقى من الزمن (....) .. فماذا أنتم فاعلون ؟


Recommended Posts

أقترح - بدلا من اللف والدوران - محاولة الإجابة على سؤال الموضوع

ماذا أنتم فاعلون ؟

لغاية دلوقت .. نتيجة تصحيح السؤال .. هى صفر كبير

حاولوا فيما تبقى من وقت .. يمكن

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

  • بعد 2 أسابيع...
  • الردود 106
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

الصور المنشورة

في 9/3/2016 at 16:32, أبو محمد said:

أقترح - بدلا من اللف والدوران - محاولة الإجابة على سؤال الموضوع

ماذا أنتم فاعلون ؟

لغاية دلوقت .. نتيجة تصحيح السؤال .. هى صفر كبير

حاولوا فيما تبقى من وقت .. يمكن

 

أنا هنتخب الرئيس اللي بيتحضرله دا 

خطة تجهيز مصطفى حجازى لانتخابات الرئاسة..وعصام حجى «استبن»

Cute 

مش كدا ؟ 

هيقف وراه طوابير كتير 

 

 

خير الكلام ما قل ودل وإتكتب بالمصري الفصيح

رابط هذا التعليق
شارك

3 ساعات مضت, Grandma said:

 

أنا هنتخب الرئيس اللي بيتحضرله دا 

خطة تجهيز مصطفى حجازى لانتخابات الرئاسة..وعصام حجى «استبن»

Cute 

مش كدا ؟ 

هيقف وراه طوابير كتير 

 

 

على البركة .. حقك بلا منازع .. بس المهم يبقى فيه "فعل"
مش كلام (لوكلوك لوكلوك) .. وخبط عشوائى فى الهواء
عندما نرى
"الفعل" سيكون لكل حادث حديث بإذن الله

فى الحقيقة أنا اتعترت من كام يوم على الفيس بوك على صفحتين
واحدة أفتكر اسمها الدستور المصرى الموازى
ودى بتتكلم عن
"فعل"
وهو محاولة للتوافق بين "الثوار" - وحطى تحت المسمى من تشائين - والأخوان
محاولة للتوافق على دستور توافقى
وبيدعو الإخوان إنهم يعملوا زى "النهضة" التونسية
التى أعلنت صراحة فصل السياسة عن الدين

الصفحة التانية مش فاكر اسمها فى الحقيقة
ولكنها بتتكلم عن ضم الصفوف (
فعل أهو) والتجهيز للانتخابات القادمة
وبيقولك إنهم هيركزوا فى الأول على وضع برنامج رئاسى
وبعدين يدوروا للبرنامج ده على مرشح

فعل ده ولا مش فعل يا متعلمين يا بتوع المدارس ؟
 

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

في 9/17/2016 at 02:17, أبو محمد said:

فى الحقيقة أنا اتعترت من كام يوم على الفيس بوك على صفحتين
واحدة أفتكر اسمها الدستور المصرى الموازى
ودى بتتكلم عن 
"فعل" 
وهو محاولة للتوافق بين "الثوار" - وحطى تحت المسمى من تشائين - والأخوان
محاولة للتوافق على دستور توافقى
وبيدعو الإخوان إنهم يعملوا زى "النهضة" التونسية
التى أعلنت صراحة فصل السياسة عن الدين

الصفحة التانية مش فاكر اسمها فى الحقيقة
ولكنها بتتكلم عن ضم الصفوف (
فعل أهو) والتجهيز للانتخابات القادمة
وبيقولك إنهم هيركزوا فى الأول على وضع برنامج رئاسى
وبعدين يدوروا للبرنامج ده على مرش

 

طيب كدا نقدر نعتبر ان مرشحهم في الحالتين مصطفى حجازي :mosking:

الشخصية دي تنفع في الحالتين ولا لأ يا متعلمين يا بتوع المدارس ؟ 

خير الكلام ما قل ودل وإتكتب بالمصري الفصيح

رابط هذا التعليق
شارك

  • بعد 3 أسابيع...

باقى من الزمن (21 شهرا) .. فماذا أنتم فاعلون ؟
===========================

لسه بتغنوا "هاتولى حبيبى" ؟
لسه بتغنوا "هاتولى م الحبيب كلمة تواسى العاشق الحيران" ؟
لسه بتعلقوا فشلكم - فى تكوين كيان سياسى معارض "محترم" - على شماعة الحكومة ؟
وعلى إن "ماهى الحكومة هى اللى مش عايزانا نشارك معاها" ؟
يادى "النخبة" قصدى "النكبة" المطينة بطين يا ولاد


لطم الخدود وشق الجيوب مش هينفع مع الناس اللى فاهماكم من البداية
إنتم "فاشلون" .. إنتم مبسوطين بـ "النوم فى العسل" .. إنتم "ما بتعرفوش"
لا هتكوِّنوا أحزاب .. ولا تعرفوا تكوِّنوا أحزاب .. ولا عاوزين تكوِّنوا أحزاب
إنتم "مبسوطين كده" .. إنتم "مرتاحين كده" .. إنتم لا فرق بينكم وبين مبارك
اللى كان "مبسوط كده .. مرتاح كده"

أُشهد الأستاذ عادل ابو زيد .. أنه - شخصيا - سأل فى ندوة "أبريلية" عام 2011 :
"متى - يا شباب - ستكوِّنون أحزابا لخوض الانتخابات القادمة ؟"
فكانت الإجابة من "محمد عادل" (صححنى يا أستاذ عادل إن كنت مخطئا)
لا لا لا .. أحزاب إيه ؟ .. إحنا هنفضل زى ما احنا "جماعة ضغط"
يا حلاوة المولد .. وبهذا فإن "كل شيئن انكشفن وبان" .. بدرى بدرى
ما أنتم إلا أداة استعملها "تنظيم" الأخوان ولا يزال .. ما أنتم إلا "مطية" ركبها "تنظيم" الأخوان ولا يزال

ما قلته - أعلاه - تؤيده "الست" اللى ساعدتكم وقبلها كوندليزا على إنكم تقوموا بثورتكم "المجيدة"
أستمعوا إلى هذا المقطع ..
وركزوا مع "الست" ابتداء من الدقيقة 3:33
هتلاقوها بتقول على لسان من كانوا يسمون قادة الثورة عندما قابلتهم فى ميدان التحرير 2011
بتقول نفس الكلام اللى اتقال فى "الندوة الأبريلية"
لما سألت "قادة الثورة" ماذا ستفعلون فى الانتخابات القادمة ؟ .. من سيترشح ؟
متى ستكوِّنون احزابا ؟
كانت الإجابة : إحنا مش بتوع كده .. دى مش شغلتنا .. ناس تانية تعملها
إحنا مهمتنا .. نثور .. نتظاهر .. نسقط النظام
أما ماذا بعد ؟؟؟!!! .. فالإجابة : دى مش شغلتنا .. It's not our job

إحنا شغلتنا "نهد" وبس .. إحنا "مقاولين هدم" .. أما البناء ! .. سورى يا حاجة .. مالناش فيه

سواء كان كلامى صح أو غلط .. فمازال السؤال قائما فى أول المداخلة وكل شهر بإذن الله

 

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

هو مرشحهم الهجوم على المرشح الؤهل الوحيد 

وهو دا التعريف الحرفي للحسد والحقد 

تمنى زوال نعمة الغير فقط 

وهو معول الهدم وفقط بدون خطة بناء 

ينطبق عليهم المثل : حجة البليد مسح السبورة ....

فلا استذكار للدروس ولا حلا للواجب ولا حفظا للعلوم ولا الترشح لمنصب رائد الفصل

بسبب أنه كان فقط يمسح السبورة

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

أُشهد الأستاذ عادل ابو زيد .. أنه - شخصيا - سأل فى ندوة "أبريلية" عام 2011 :
"متى - يا شباب - ستكوِّنون أحزابا لخوض الانتخابات القادمة ؟"
فكانت الإجابة من "محمد عادل" (صححنى يا أستاذ عادل إن كنت مخطئا)
لا لا لا .. أحزاب إيه ؟ .. إحنا هنفضل زى ما احنا "جماعة ضغط"

فعلا  فعلا  هذا ما حدث بالضبط و أذكر أيضا أن السيد محمد عادل ذكر صراحة "أنا تربية إخوان"  و كان هذا في إجتماع دعوا إليه في فيلا  قديمة منحها لهم ممدوح حمزة يقيمون فيها إجتماعاتهم  و ذلك في شارع السبع سواقي في جاردن سيتي.

ما سبق كان إستهلالا لابد منه

أذكر وقتها أني سألت عن رؤيتهم  فلم أجد إجابة إلا السابقة و كانوا في أغلبهم شباب صغار أقل من العشرين سنة و كان إهتمامهم تجميع أرقام التليفونات و العناوين الإليكترونية و أظن أيضا مناطق السكن  و ركزوا كثيرا على آليات الحشد .

عودة إلى موضوعنا

أتصور يا سيدي أن مصر في مرحلة مخاض  قد تطول لكن المؤكد أن هناك رؤية ترسخت  في الخمس سنوات الماضية  برفض التطرف و  رفض الحكم الديني . أما ما عدا ذلك فما زال في حالة إنضاج إجتماعي و إختبارات فكرية.

مواطنين لا متفرجين


رابط هذا التعليق
شارك

ثمانية أشهر مضت منذ أن ألقيت السؤال
وما زال "تنابلة السلطان" بيبحلقوا فى السؤال ولم يضعوا سطرا واحدا فى الإجابة
اللهم إلا الدعوة إلى "ثورة" فى 11/11 لهدم البناء الجارى على قدم وساق
ثورة الغرض منها كما قال أحدهم "نزع سلاح الشرطة والجيش"

الخروف بيمأمأ .. والعيال حافظين ومش فاهمين .. وبيمأمؤوا وراه
العيال اتركبوا قبل كده (هم بيقولوا اتركبوا مرتين) .. ولسّاهم موطيين عشان يتركبوا تانى

معذورين برضه .. أصل باباهم "الكداب الكبير" قالها قبل كده
البرادعي يحذر مرسي من «ثورة جوع» إذا فشلت التسوية السياسية في مصر

باقى من الزمن (20 شهرا) .. فماذا أنتم فاعلون ؟

8 شهور يا تنابلة ما بناخدش منكم غير
لوك لوك ، لوك لوك .. توك توك ، توك توك

 

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

  • بعد 3 شهور...

ياااااااااااااااااااااااااااااااااه
دانا نسيت الموضوع ده

بس اللى فكرنى بيه حدثٌ جللٌ
وخبر يهتز له عرش السلطان قابوس

ألا أيها الليل الطويل ألا أنجلى
الأسوشيتد برس عاملة مقابلة مع المرشح الرئاسى المحتمل

خالد على
أبشرواااااا
بعد انتصاره فى المحكمة .. حاطط عينه على الرئاسة
ماليش دعوة دى الوكالة هى اللى بتقول مش انا
After court victory, Egypt rights lawyer eyes presidency bid

إخترت الفقرة دى وهاترجمها
"Of course, I am a likely candidate, but I have yet to make a final decision"
"طبعا ، أنا مرشح محتمل ، ولكن يجب أن أتخذ قرارا نهائيا"
He said consultations are underway among "democratic and social forces"
وقال : "إن المشاورات جارية بين القوى الديموقراطية والمدنية"

والنبى يا جماعة تطلعوا له مظاهرات تطالب باعتزاله المحاماة
ليصير الرئيس الثامن لجمهورية مصر العربية

على العموم لسه بدرى
باقى من الزمن (17 شهرا) .. فماذا أنتم فاعلون ؟

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

يا سلام يا ابو محمد .... هي فين المشكلة ... من حقه انه يترشح ...

زي ما  رشح نفسه قبل كده بعد مبارك و زي ما  مورتا رشح نفسه .. و المغني بتاع بحبك يا حمار رشح نفسه برضه و معاهم ييجي الف و خمسميت واحد ... و ارجع لصفحات المحاورات من كام سنة و انت تشوف ...

 

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

10 ساعات مضت, أبو محمد said:

ياااااااااااااااااااااااااااااااااه
دانا نسيت الموضوع ده

بس اللى فكرنى بيه حدثٌ جللٌ
وخبر يهتز له عرش السلطان قابوس

ألا أيها الليل الطويل ألا أنجلى
الأسوشيتد برس عاملة مقابلة مع المرشح الرئاسى المحتمل

خالد على
أبشرواااااا
بعد انتصاره فى المحكمة .. حاطط عينه على الرئاسة
ماليش دعوة دى الوكالة هى اللى بتقول مش انا
After court victory, Egypt rights lawyer eyes presidency bid

إخترت الفقرة دى وهاترجمها
"Of course, I am a likely candidate, but I have yet to make a final decision"
"طبعا ، أنا مرشح محتمل ، ولكن يجب أن أتخذ قرارا نهائيا"
He said consultations are underway among "democratic and social forces"
وقال : "إن المشاورات جارية بين القوى الديموقراطية والمدنية"

والنبى يا جماعة تطلعوا له مظاهرات تطالب باعتزاله المحاماة
ليصير الرئيس الثامن لجمهورية مصر العربية

على العموم لسه بدرى
باقى من الزمن (17 شهرا) .. فماذا أنتم فاعلون ؟

رئيس ... ولمصر .... عك ما بعده عك 

العيب مش عليه ... العيب على ذلك القاضي اللي عك فيما لا دراية له به 

القاضي ماله ومال خبرة الخبراء الجغرافيين والتاريخيين والسياسيين

ومال القضاء وموضوع يحتاج لعلماء وخبراء في هذا المجال

وهل القاضي ملم بكل الأمور حتى يحكم في كل شيء حتى الأمور السيادية 

وخالد علي نتاج هذا العك

والعك جاب عك 

كان بيقول لن اشترك في مسرحية انتخابات الرئاسة السابقة وأرفض ترشح السيسي

رجع تاني يقول هترشح .هي الرئاسة بتلم أو بترمرم 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

17 ساعات مضت, Scorpion said:

يا سلام يا ابو محمد .... هي فين المشكلة ... من حقه انه يترشح ...

زي ما  رشح نفسه قبل كده بعد مبارك و زي ما  مورتا رشح نفسه .. و المغني بتاع بحبك يا حمار رشح نفسه برضه و معاهم ييجي الف و خمسميت واحد ... و ارجع لصفحات المحاورات من كام سنة و انت تشوف ...

 

مفيش مشكلة خالص يا سنيور
دانا بادلل عليه اهو
المرة اللى فاتت حصل على 130 ألف صوت
المرة دى - خصوصا بعدما أنقذ تيران - ممكن يكون هو الرئيس
ربك قادر على كل شيئ .. ياريت
خصوصا إنه يسارى من بتوع الحكومة هى بابا وهى ماما
والزيت والسكر والرز مش هيبقى فيهم أى مشكلة
وكل حاجة هتبقى بالتسعيرة وفى متناول اللى بيشتغل واللى ما بيشتغلش
فيه أحلى من كده رئيس ؟

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

  • بعد 2 شهور...

الموضوع ده مفتوح من 14 شهر .. وباقى من الزمن 13 شهر
لو سمحتم دوَّروا ودعبسوا فى صفحاته
يمكن يكون حد جاوب على السؤال (فماذا أنتم فاعلون ؟) وانا مش واخد بالى
بلاش فى صفحاته .. دعبسوا فى الجرايد .. فى التوك شو .. فى جبلاية القرود .. تويتر
أى حاجة
اللى يلاقى إجابة على السؤال ..  يقول ما يتكسفش
غير إجابة (ما هى الحكومة هى اللى مش عايزة حد يعمل حاجة) .. لأنها اتهرست

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

34 minutes ago, أبو محمد said:

الموضوع ده مفتوح من 14 شهر .. وباقى من الزمن 13 شهر
لو سمحتم دوَّروا ودعبسوا فى صفحاته
يمكن يكون حد جاوب على السؤال (فماذا أنتم فاعلون ؟) وانا مش واخد بالى
بلاش فى صفحاته .. دعبسوا فى الجرايد .. فى التوك شو .. فى جبلاية القرود .. تويتر
أى حاجة
اللى يلاقى إجابة على السؤال ..  يقول ما يتكسفش
غير إجابة (ما هى الحكومة هى اللى مش عايزة حد يعمل حاجة) .. لأنها اتهرست

هاشتاج "هنتخب السيسى تانى" 

مش عارف حضرتك اكيد عارف اللي فيها هو المشكلة ان مفيش كومبارس وده الازمة يعني المطلوب كومبارس مش منافس حقيقي

فدعواتك الفترة الجاية نلاقي كومبارس لان انت عارف حكاية الفوز بالتزكية مش ظريفة

ولا اقولك نعملها بيعة زي ماعند طوالات العمر ،تصدق فكرة 

قال انتخابات قال ومنافسة ياراجل كبر مخك 

رابط هذا التعليق
شارك

2 دقائق مضت, herohero said:

هاشتاج "هنتخب السيسى تانى" 

مش عارف حضرتك اكيد عارف اللي فيها هو المشكلة ان مفيش كومبارس وده الازمة يعني المطلوب كومبارس مش منافس حقيقي

فدعواتك الفترة الجاية نلاقي كومبارس لان انت عارف حكاية الفوز بالتزكية مش ظريفة

ولا اقولك نعملها بيعة زي ماعند طوالات العمر ،تصدق فكرة 

قال انتخابات قال ومنافسة ياراجل كبر مخك 

هاشتاج "هنتخب السيسى تانى" زى اللى بيروحوا أمريكا لمنع السيسى من الترشح
كل واحد حر .. ويعمل "اللى يقدر عليه"
قربنا نلم الورق يا محترم .. إما تجاوب أو تفضل مبحلق كده فى ورقة الأسئلة

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

3 minutes ago, أبو محمد said:

هاشتاج "هنتخب السيسى تانى" زى اللى بيروحوا أمريكا لمنع السيسى من الترشح
كل واحد حر .. ويعمل "اللى يقدر عليه"
قربنا نلم الورق يا محترم .. إما تجاوب أو تفضل مبحلق كده فى ورقة الأسئلة

ما انا رديت ع حضرتك ان اللي اتعمل هاشتاج هنتخب السيسي ثاني 

وفي هاشتاج ثاني اتعمل برده نفس الفكرة بس اتقال بطريقة الولاد قلالات الادرب قعدوا يقولوا المعنى واصبح منافي للاداب العامة

والطرف الاخر عمل هاشتاج السيسي لازم يمشي

 

وده خلاصة التجربة السياسية ، زي ماحضرتك شايف

عاوز استعدادات اكثر من كدة

رابط هذا التعليق
شارك

يعنى كله فى جبلاية القرود .. مفيش حاجة فى أرض الواقع
تمام كده

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

1 ساعه مضت, أبو محمد said:

يعنى كله فى جبلاية القرود .. مفيش حاجة فى أرض الواقع
تمام كده

نعم يا سيدي كله "طق حنك" في جبلاية القرود و ما شابهها .. على أرض الواقع  من تتصور على أرض الواقع يمكن أن يكون له وجهة نظر تستحق الحوار حولها   تذكر أن عندنا ما يقرب من 90 حزب  أكرر تسعين حزب  من هم ؟ و ما هي رؤيتهم   هل هناك على الساحة رؤى  شبه واضحة للحكم على الأداء.

ربما على مستوى  الأفراد  أنا و حضرتك  ممكن أن نتحمس لبعض المواقف  و نتحمس ضد بعض المواقف  لكن ليس لدرجة  أن نصرخ في الشارع  يعيش يعيش أو يسقط يسقط

سؤال غير بريئ  هل إدارة مصر و شعب مصر   يستحقون أو تتلائم معهم  الديموقراطية  التقليدية.

مواطنين لا متفرجين


رابط هذا التعليق
شارك

اقتباس

طب ممكن حضرتك تقولي هتنتخب مين في 2018 
- مين ؟ أنا ؟
-آه حضرتك 
- وليه اقولك 2018 بس ؟دانا ممكن اقولك هنتخب مين مدى الحياه لو كان لنا عمر 
- طب قول كده 
- بص يا سيدي ...  في 2018 عبد الفتاح السيسي 
- 2022 السيسي لو الدستور اتعدّل ... و صدقي صبحي لو الدستور ماتعدّلش .
- 2026 صدقي صبحي .
- 2030 هنتخب وزير الدفاع اللي عينه صدقي صبحي اللي انا مش عارف اسمه 
- 2034 هنتخب رئيس مصر اللي فاز في 2030 ( اللي هو كان قبل كده وزير الدفاع اللي عينه صدقي صبحي )

- يه ده ؟ حيلك حيلك ... انت عايز تشلّنا ولا عايز تعسكر الدوله تماما ؟
- آه يا حبيبي عايز أشلّكو و عايز أعسكرها و أخليها أخر عسكره متعسكره بالعساكر ... عندك مانع ؟ 
- آه عندي ...  انت ليه تعمل كده ؟ 
- يابني مش ده  صوتي الانتخابي ؟ 
- آه
- و مش الديموقراطيه بتقول اني أدّي صوتي الانتخابي للشخص اللي انا عايزه ؟
- آه
- طيب يبقى مال ...  انت ؟ 
- صح ...  ده حقك الديموقراطي بس عايز أفهم ايه مشكلتك مع المجتمع المدني ؟ 
- مش بحبه المجتمع المدني ده 
- ليه مش بتحبه ؟ 
- عشان بيغيّر طعم الملوخيه .
- لا والله بسألك بجد ....  ليه مش بتحبه ؟ 
- أصلي جربتهم كذا سنه من بعد 2011 و شوفت بعيني امكانياتهم و خطاباتهم و أفكارهم و شعاراتهم و حلقاتهم و برجالاتهم .
- أيوه و توصلت لقناعه بتقول ايه بقى ؟ 
- أقولك بصراحه من غير زعل ؟ 
-  آه قول و مش هزعل 
- قناعتي بقت المثل  اللي كانو بيقولوه عندنا في البلد زمان 
- بيقول ايه المثل الأبيح ده ؟ 
- مش هتزعل ؟ 
- لا مش هزعل ...  قول بقى 
- المثل بيقول لا تمشي ورا المجتمع المدني ولا تخلّي المجتمع المدني يمشي وراك .

 

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

  • بعد 2 شهور...

 

اقتباس

 

إلي كل من:
حمدين صباحي، خالد علي، أبو الفتوح، الفريق الرئاسي وعصام حجي، الموقف المصري و أحمد شفيق و الأخوان كمان لو حبوا .... و كل شخص له طموح لرئاسة مصر.

قدامكم فرصه العمر ... الراجل عمل كل حاجه ممكن تتعمل لمصلحتكم. الراجل ضرب شعبيته بصاروخ أرض جو, سايبهلكم بيضه مقشرة .... كل القرارات الجنونيه اللي مافيش حد قرب منها في ٦٠ سَنه خدها كلها في ٣ سنين من أول الحد الاقصي للأجور لزياده البنزين مرتين لتعويم الجنيه لزياده الكهربا وزياده المعاشات و الأجور و التموين و أخيرا المقص بتاع امبارح .... لاء و أمتي قبل يوم واحد من ٣٠-٦. 
الراجل ده واضح أنه قلبه ميت و مستبيع و عايز يكره الناس فيه بأي شكل ... ونفسه لو لسه في حد بيحبه أو متردد أن ينتخبه تاني مايفكرش خلاص ...!
الراجل ضرب ضربته و مستناش للسنه الجايه بعد الانتخابات و شكله عايز يخلع ... أصلها بيني وبينكم مابقتش زي زمان ومابيجيش من ورآها غير وجع القلب.

قدامكم سَنه كامله تقنعوا الناس بيكم و تشرحوا لهم خطتكم و برنامج الرفاهية المرتقب علي إيديكم بإذن الله ... السكه سالكه .... تقريبا أهم بند اللي بياكل ميزانيه الدوله اللي هو دعم المحروقات و الطاقه خلاص أتشال و قريب قوي هايخلص موضوع الموظفين اللي عايشين عاله علي البلد ... مافيش أي حِجه خلاص.

و نصيحه سيبكم من حكايه ثوره تاني و أفتح الميادين و كلام الهجص ده ... ركزوا في المهم و أشتغلوا علي برنامج إنتخابي محترم علشان الناس تمشي وراكم و تنتخبكم. 
ونصيحه برضه بلاش حكايه نضمن منين إنتخابات نزيه و مافيش تزوير والجيش في صفه والهري الفاضي ده. زمن التزوير ولى خلاص بلارجعه و الجيش عمر ماكان ولاءه لأشخاص الجيش ولاءه للبلد و شعبها و أظن أنتوا خير شاهد علي كده ولو الناس في صفكم الجيش هايكون معاكم.

يلا يارجاله شدوا حيلكم وسمعونا أحلي كلام .... غير كده يبقي نسمع جمال خطوتكم و مانشوفش وش سعادتكم تاني .... و سيبوها للي بيحاول أو اللي عايز يعمل حاجه علشان هي مش ناقصه حنجوريه فارغه و هري علي الفاضي.

مستنينكوا ... !

 

 

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...