اذهب إلى المحتوى
محاورات المصريين

صبح على مصر بجنيه


tarek hassan
 مشاركة

Recommended Posts

جميل 

طب طالما انت فاهم وانا فاهم ممكن ترد على تساؤلي (الافتراضي) 

هل رئيس الدولة يطالب المواطنين بان يتبرعو للدولة ثم يقوم احد قياداتها بعمل غدوة محترمة على قفا الحكومة 

الكلام ده يتسق مع دعوة رئيس الدولة ام يصب ضدها ؟

وبالمرة بصفتك شاهد على العصر هل كانت تبرعات المواطنين من اجل الحرب تصرف على الاكل والفشخرة من جيب المتبرعين ام ان القلوب كانت صادقة والافعال تبرهن على الاخلاص 

اجابتك مهمة جدا بالنسبة لي عشان اعرف قراري في الامتناع عن التبرع كان صواب ام خطأ 

احنا كده الاسكندرانية مفتحين شويتين ههههههههههه

 

كده الموضوع هيتشعب .. ومش قادر افكرك .. بس ممكن تقرا

نعم يا عزيزى .. كان الشعب بيتبرع وكان الفساد ضارب أطنابه برضه

قريت عن سهرات صلاح نصر وفرقته (اللى منهم "موافى" .. عارف "موافى " :) ) مع الفنانات

واللى استمرت حتى بعد الهزيمة

عرفت أسباب إصدار بيان 30 مارس بعد مظاهرات فبراير 68 ؟

بيان 30 مارس 1968 كان بيدور حوالين محور واحد رئيسى "التغيير"

يا ترى تغيير إيه يا أستاذ إسلام ؟ .. ملايكة مخلصين وطنيين ؟

قامت حرب الاستنزاف فى مارس 69 بعد مظاهرات نوفمبر 68

ومع ذلك ديل الكلب ما تعدلش لغاية لما انور السادات بمساعدة هيكل (تصور) قضى على باقى مراكز القوى

وجود الفساد ليس مبررا لتقاعس المخلصين .. معلش - سامحنى - ده حجة البليد زى ما كنا بنقول فى المدرسة

الشعب كان بيتبرع وكل بيت كان فيه إما مجند أو شهيد أو جريح والفساد برضه كان موجود

لو حبيت نطوِّل نطوِّل بس نشوف موضوع من المفتوحين أو نفتح موضوع جديد

عشان نتكلم على الستينات والسبعينات على راحتنا

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

  • الردود 155
  • البداية
  • اخر رد

أكثر المشاركين في هذا الموضوع

الأيام الأكثر مشاركة

 

كده الموضوع هيتشعب .. ومش قادر افكرك .. بس ممكن تقرا

نعم يا عزيزى .. كان الشعب بيتبرع وكان الفساد ضارب أطنابه برضه

قريت عن سهرات صلاح نصر وفرقته (اللى منهم "موافى" .. عارف "موافى " :) ) مع الفنانات

واللى استمرت حتى بعد الهزيمة

عرفت أسباب إصدار بيان 30 مارس بعد مظاهرات فبراير 68 ؟

بيان 30 مارس 1968 كان بيدور حوالين محور واحد رئيسى "التغيير"

يا ترى تغيير إيه يا أستاذ إسلام ؟ .. ملايكة مخلصين وطنيين ؟

قامت حرب الاستنزاف فى مارس 69 بعد مظاهرات نوفمبر 68

ومع ذلك ديل الكلب ما تعدلش لغاية لما انور السادات بمساعدة هيكل (تصور) قضى على باقى مراكز القوى

وجود الفساد ليس مبررا لتقاعس المخلصين .. معلش - سامحنى - ده حجة البليد زى ما كنا بنقول فى المدرسة

الشعب كان بيتبرع وكل بيت كان فيه إما مجند أو شهيد أو جريح والفساد برضه كان موجود

لو حبيت نطوِّل نطوِّل بس نشوف موضوع من المفتوحين أو نفتح موضوع جديد

عشان نتكلم على الستينات والسبعينات على راحتنا

 

يعني كنتم عارفين ان فيه فساد وان تبرعاتكم كانت بتتصرف على الحفلات الصاخبة ورغم ذلك كنتم بردو بتتبرعو ؟!!!!

يااااااه

انتم كنتم طيبين اوي يابو محمد 

كده حضرتك ساعدتني في تأكيد قراري بعدم التبرع لان المصريين دلوقتي مابؤش طيبين 

بأو اشرار

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

متوسط سعر الفرد بعد ما يقوم مش عارف يمشى من كتر اللى أكله فى مطاعم اسكندرية

من قدورة لغاية السى جل بيتراوح بين 100 - 170 جنيه بالكتير

إذا كان اللى بيكتب مجنون أو اهبل يبقى اللى بيقرا عاقل خصوصا لو اسكندرانى 

 

محافظ الإسكندرية «يعزم» وزير الثقافة على «جمبري وفيليه وسي فود» بـ 40 ألف جنيه

1656888824815697616.jpg

2016-02-29 20:05:42 - هدير عصام

مصدر بـ«المطعم الشهير»: فاتورة الوجبة أرسلت إلى ديوان عام المحافظة

بينما يدعو الرئيس عبدالفتاح السيسي المواطنين إلى التبرع لمصر ضمن حملة "صبّح على مصر"، يقوم محافظ الإسكندرية، بدفع آلاف الجنيهات على نفقة المحافظة، نظير وجبات سمك تناولها مع وزير الثقافة في واحد من أشهر وأغلى مطاعم الأسماك بالمحافظة.

بعد أن افتتح حلمي النمنم، وزير الثقافة، برفقة محافظ الإسكندرية، محمد عبدالظاهر، معرض كتاب الإسكندرية، السبت الماضي، توجّه الاثنان، ومعهما عدد من المرافقين والصحفيين - وصل عددهم إلى نحو 80 فردًا إلى مطعم "فيش ماركت" للأسماك، وتناولوا وجبات قدرت ثمنها بـ40 ألف جنيه، بحسب مصدر داخل المطعم لـ"التحرير".

1596283607545285472.jpg

المصدر، أوضح أن الوزير والمحافظ، كانا برفقتهما مسؤولين عن معرض كتاب الإسكندرية، ووفد إعلامي، وصحفي، مشيرًا إلى أن متوسط سعر الوجبة نحو 200 جنيه، إلّا أن الوزير طلب وجبات خاصة مختلفة عن البقية.

ولفت المصدر، إلى أنه تم إرسال فاتورة الحساب إلى مكتب محافظ الإسكندرية بديوان عام المحافظة.

ومن ضمن الأسماك التي تناولها "زوار المطعم" سمك بربون وفيليه، ودنيس، وقاروص، وسبيط، وجمبري، وسالمون، وشوربة سي فود، بجانب الأرز، والسلطات، ومشروبات، وحلو "الفروت سلاد".

 

 

20_08_14_08_54_2014-08-20_205429.jpg

تم تعديل بواسطة White heart

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

يعني كنتم عارفين ان فيه فساد وان تبرعاتكم كانت بتتصرف على الحفلات الصاخبة ورغم ذلك كنتم بردو بتتبرعو ؟!!!!

يااااااه

انتم كنتم طيبين اوي يابو محمد 

كده حضرتك ساعدتني في تأكيد قراري بعدم التبرع لان المصريين دلوقتي مابؤش طيبين 

بأو اشرار

 

الحمد لله إنكم ما كنتوش موجودين فى الأيام الغابرة اياها

كان زمانك دلوقت بتدفع اشتراك النت والسمارت فون بالشيكل

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

الحمد لله إنكم ما كنتوش موجودين فى الأيام الغابرة اياها

كان زمانك دلوقت بتدفع اشتراك النت والسمارت فون بالشيكل

وهو مين اللي راح "خبط" عليهم <<<هناك>>> أساساً .. وخلاهم يشرفوا عندنا <<<هنا>>> وعلشان ايه ؟!؟!؟

مؤكد السؤال دة مالوش أى مكان من الإعراب في نظر البعض .. لكن انا أزعم ان جزء كبير النهاردة من "الإصطبحات" المطلوبة دي هى من تحت راس السؤال دة ... واللي وارد جداً انه يتكرر بشكل او بآخر .. طالما ان إجابتنا عليه قد يشوبها الكثير والكثير من الخلط !!! 

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

يعني حضرتك بتنفي الواقعة ولا بتنفي التكاليف 

انا طبعا محدد سؤالي وعارف انك فاهم 

 

آدى اللى يقدر ينفى أو يؤكد يا أستاذ إسلام

مش قلت لك أنا بس بافكر فى اللى باقراه ؟

شوفت بقى ؟

10 آلاف على 80 يبقى الفرد 125 جنيه

وكمان ما طلعتش لا المحافظة ولا الوزارة

دى حتى العزومة كانت شركة بين اتحاد الناشرين ودار المعرفة

 

مش قولت لك عيب يابو اسكندر وحذرتك ؟

:okok:

خليك انت ماشى ورا الملبوسين وفتاوى القهاوى

أما نشوف آخرتها

:)

«فيش ماركت»: لم نرسل فاتورة عزومة النمنم لمحافظة الإسكندرية
الثلاثاء 01/مارس/2016 - 02:53 م

712.jpg?q=1

وزير الثقافة حلمي النمنم

خالد الأمير

 

نفت إدارة مطعم فيش ماركت بالإسكندرية، إرسالها لفاتورة "عزومة" محافظ الإسكندرية المهندس محمد عبدالظاهر، ووزير الثقافة حلمي النمنم، لديوان محافظة الإسكندرية لتسديد ثمنها من المحافظة.

وأكدت الإدارة أن العزومة لا تتبع المحافظة أو حتى الوزارة، بل تتبع جهة أخرى هي من نظمت هذا الأمر، وليس بالمبلغ الذي ذكر 40 ألف جنيه.

على الجانب الآخر أكد مصدر داخل ديوان محافظة الإسكندرية عدم صحة ماتم تداوله بالمدينة عن قيام محافظ الإسكندرية بتسديد عزومة وزير الثقافة ودفع مبلغ 40 ألف جنيه، مشددًا على أن المحافظة لم تكن الجهة الداعية لهذا وإنما اتحاد الناشرين ودار المعرفة، ولم يكن المبلغ كما تم نشره وإنما أقل بكثير جدًا ولم يتجاوز 10 آلاف جنيه.

وأضاف المصدر أن المحافظ سيقوم باتخاذ الإجراءات اللازمة حيال ماتم نشره من أحد المواقع الإلكترونية لأنه ليس حقيقيًا.

 

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

وزى ما قولت على عكاشة هنا : "الأول"

باقولك .. وابقى فكرنى لو نسيت :

كله جاى دوره .. بالقانون

 

وأضاف المصدر أن المحافظ سيقوم باتخاذ الإجراءات اللازمة حيال ماتم نشره من أحد المواقع الإلكترونية لأنه ليس حقيقيًا.

 

الله يرحمك يا سادات : "الديموقراطية لها أنياب ومخالب"

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

آدى اللى يقدر ينفى أو يؤكد يا أستاذ إسلام

مش قلت لك أنا بس بافكر فى اللى باقراه ؟

شوفت بقى ؟  

...

خليك انت ماشى ورا الملبوسين وفتاوى القهاوى

أما نشوف آخرتها

1- دة على اساس انه كمبدأ عام يٌمكن "سحب" مسألة تصديق أحد الأطراف من العامة من اصحاب قناعة ما لواقعة ما نشرت تفاصيلها في وسيلة إعلامية خاصة (حتى يثبت العكس) والتى تصب في صالح، أو قد تدعم تلك القناعة بنسبة ما ... وإتهامهم وبشكل عام وبأثر رجعي (حتى مع تبين صدق العشرات من الوقائع الاخرى) بأنهم من اللى "ماشيين ورا الملبوسين وفتاوى القهاوي" ... ويُمكن إعتباراً من الأن أذن إعتبارها قاعدة عامة يجوز تطبيقها على باقي الأطراف مُستقبلاً في حالة تكرارها معهم؟؟؟

2- وكأن تفاصيل نص الخبر وردت اولاً في موقع جريدة خــــــــــــــــــاصــــــــــــــــة مٌستقلة ... بينما التكذيب "الرسمي" نُشر في موقع لجريدة قومية عـــــــــــــــامـــــــــــــــة ... يعني "فجأة" مطلوب تمرير ان موقع جريدة "التحرير" كاذب مًضلل .. بينما موقع "فيتو" هو على النقيض ؟؟؟

3- الله يصبحه بالخير المُحافظ المسيري و"الشباب" اللي نظموا أطول مائدة إفطار بالعالم للدخول في موسوعة جينيس العالمية ... فقد كان هناك بعض الأطراف التى صدقت انها ستصبح أفضل دعاية لمدينة الأسكندرية وسيزداد بعدها عدد زائريها من السياح !!!

عامة لو تبين صدق هذا التكذيب فألف خير وبركة ... ومبروك لخزانة محافظة الأسكندرية بقاء مبلغ 40 ألف جنيه بها لفترة أطول .... حتى إشعار آخر.  

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

 

آدى اللى يقدر ينفى أو يؤكد يا أستاذ إسلام

مش قلت لك أنا بس بافكر فى اللى باقراه ؟

شوفت بقى ؟

10 آلاف على 80 يبقى الفرد 125 جنيه

وكمان ما طلعتش لا المحافظة ولا الوزارة

دى حتى العزومة كانت شركة بين اتحاد الناشرين ودار المعرفة

 

مش قولت لك عيب يابو اسكندر وحذرتك ؟

:okok:

خليك انت ماشى ورا الملبوسين وفتاوى القهاوى

أما نشوف آخرتها

:)

 

عذر اقبح من ذنب 

وتبرير اسوأ من مصيبة 

ودار المعرفة تطفح وزير الثقافة والمحافظ جمبري واستاكوزا بامارة ايه 

يعني طفحتهم لله ف لله 

جدعنة 

شهامة 

مروءة

بتعطف عليهم مثلا 

بتشفق عليهم

بتبرهم عشان محرومين

بتكسب فيهم ثواب عشان موظفين غلابة مش لاقيين اللقمة 

عتيب والله التبرير ده 

دول موظفين عموميين ازاي يقبلو عزومة من ناس فيه بينها وبينهم مصالح وشغل 

ولا اطعم الفم تستحي العين 

لو على كده المفروض الجهات الرقابية تثبت الجريمة دي ولو حدث ربع اللي حصل ده في دولة محترمة كان زمان الوزير في السجن ولو كان في اليابان كان زمانه انتحر 

للاسف 

دي حادثة ثبتت عليهم وماذا عن اللي مابيثبتش وبيعدي وكتير بيعدي في مصر 

الحاجة الوحيدة اللي تخلي العزومة دي تعدي ان الوزير او المحافظ يكون عازم الناس دي على حسابه وبردو ما كانتش هاتعدي لان لو الوزير عزمهم على حسابه يبقى اكيد وزير مريش ومعاه فلوس ربنا وحده الي يعرف الفلوس دي جات منين عشان تتصرف بالطريقة دي 

الموضوع اتعقد اكتر بعد تبريرك ده يابو محمد 

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

 

الحمد لله إنكم ما كنتوش موجودين فى الأيام الغابرة اياها

كان زمانك دلوقت بتدفع اشتراك النت والسمارت فون بالشيكل

 

الحمد لله ان ربنا كان رحيم بنا وما طولش في عمر اللي تسبب في كل المصايب اللي احنا فيها دلوقتي لان لو كان طول في عمره كان زمانا فعلا زي مانت قلت 

انا عرفت فعلا اد ايه ربنا حافظ مصر من الاشكال دي وهايحفظها اكتر عن قريب 

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

 خليك انت ماشى ورا الملبوسين وفتاوى القهاوى

أما نشوف آخرتها

 

عذر اقبح من ذنب 

وتبرير اسوأ من مصيبة  

https://www.youtube.com/watch?v=Wm34nBu7Bxc

 

715.jpg

بقى بالذمة في سنة 2016 .. ولسة برضه فيه فواتير "رسمية" .... رايحة لمؤسسة عامة من مؤسسات الدولة ... تكون:

1- مكتوبة بخط اليد .. ومش بطابعة كومبيوتر وعليها رقم مسلسل!

2- ماتكونش مفصلة بالبيانات والأصناف والأسعار !

3- ماتكونش  لا مختومة ولا موقعة !

تم تعديل بواسطة White heart

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

عذر اقبح من ذنب 

وتبرير اسوأ من مصيبة 

ودار المعرفة تطفح وزير الثقافة والمحافظ جمبري واستاكوزا بامارة ايه 

يعني طفحتهم لله ف لله 

جدعنة 

شهامة 

مروءة

بتعطف عليهم مثلا 

بتشفق عليهم

بتبرهم عشان محرومين

بتكسب فيهم ثواب عشان موظفين غلابة مش لاقيين اللقمة 

عتيب والله التبرير ده 

دول موظفين عموميين ازاي يقبلو عزومة من ناس فيه بينها وبينهم مصالح وشغل 

ولا اطعم الفم تستحي العين 

لو على كده المفروض الجهات الرقابية تثبت الجريمة دي ولو حدث ربع اللي حصل ده في دولة محترمة كان زمان الوزير في السجن ولو كان في اليابان كان زمانه انتحر 

للاسف 

دي حادثة ثبتت عليهم وماذا عن اللي مابيثبتش وبيعدي وكتير بيعدي في مصر 

الحاجة الوحيدة اللي تخلي العزومة دي تعدي ان الوزير او المحافظ يكون عازم الناس دي على حسابه وبردو ما كانتش هاتعدي لان لو الوزير عزمهم على حسابه يبقى اكيد وزير مريش ومعاه فلوس ربنا وحده الي يعرف الفلوس دي جات منين عشان تتصرف بالطريقة دي 

الموضوع اتعقد اكتر بعد تبريرك ده يابو محمد 

حيلك حيلك يا أستاذ إسلام .. إنت هتعمل زى "بعض جماعة" ؟

:)

يا حبيبى الدخلة دى ما تنفعش فى مدرجاتنا

 

عذر إيه وأقبح إيه وذنب إيه ؟

يا راجل يا طيب أنا كنت باقولك إذا كان اللى بيكتب مجنون أو اهبل

يبقى اللى بيقرا عاقل خصوصا لو كان اسكندرانى

إنت مشيت ورا الملبوسين فى زفة الاربعين ألف جنيه على 80 وفى قول آخر 40 نفر

وانا قلتلك الأرقام فى اسكندرية من المطعم المتوسط "قدورة"

إلى المطعم الفاخر "سى جل" .. ويمكن فعلا مساواة الفيش ماركت بيه

وما طلعش تمن الوجبة من خارج اللى انا قلته

سواء 10 آلاف جنيه على 80 .. أو 15 ألف جنيه على 90

 

عيب تانى يابو اسكندر لما تعمل هليلة الأول على إهدار المال العام .. وطلعت هليلة فشنك

وبعدين داخل علينا بهليلة تانية لأن المحافظ أو الوزير

أخد رشوة عشان اتعزم على أكلة سمك بـ 175 جنيه (حسب المش فاتورة اللى بتستشهد بيها)

مش زى ما المذيعة الهبلة بتقول الوزير أكل بخمستاشر ألف جنيه من فلوس الناس

وراحت - زى الملبوسين - رابطة الحكاية بصبح على مصر بجنيه

 

بتطالب انه يتسجن أو ينتحر ؟

طيب إيش عرفك فى الاجتماع ده مين اللى كان بيطلب شغل أو خدمة من مين ؟

مش يمكن الوزير والمحافظ هم اللى راميين جتة الحكومة على دور النشر عشان شغلانة ببلاش؟

 

فتبينوا .. وفى قراءة أخرى فتثبتوا

:)

روح يا شيخ .. ربنا ما يحكِّمك فى عباده

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

عيب تانى يابو اسكندر لما تعمل هليلة الأول على إهدار المال العام .. وطلعت هليلة فشنك

وبعدين داخل علينا بهليلة تانية لأن المحافظ أو الوزير

أخد رشوة عشان اتعزم على أكلة سمك بـ 175 جنيه (حسب المش فاتورة اللى بتستشهد بيها)

مش زى ما المذيعة الهبلة بتقول الوزير أكل بخمستاشر ألف جنيه من فلوس الناس

وراحت - زى الملبوسينرابطة الحكاية بصبح على مصر بجنيه

1- نعم ... عندما لا ينفك الجنرال الرئيس هو ووزراءه وكل اعضاء حكومته عن التكرار اننا في مرحلة إقتصادية خطرة وليس فقط حرجة ... ويذهب الى حتى <<< إستجداء >>> العامة من المواطنين الى التبرع ولو بجنيه واحد لدعم ومواجهة هذا "الخطر" ... بينما يتبين هنا أن واحد من نفس وزراءه ومعه 89 من مسئولي حكومته يذهبوا وفي مناسبة واحدة (على الماشي) ليتمتعوا بوجبة غذاء في مطعم فاخر، قائمة طعامه ليست في مستوى الغالبية من عينة نفس هذا المواطن العادي الذي تنتظره أخطار شتى حسب إعلانتهم هم انفسهم في المناسبات المختلفة .. ومع ذلك فهم يتمتعون بها وبأمواله ومن دون وجه حق او داعي أو ضرورة قصوى ... فأن تلك الواقعة / هذا "المثال" هنا - وبعد أذن حضرتك، ومن دون أن أصبح بذلك قطعاً من الملبوسين ! - توصيفه ومسماه عندي - وعلى اقل تقدير -  هو: إهدار للمال العام ... و أى محاولة لأى من كان في الإجتهاد في إيجاد أى تبريرات دفاعاً عن إستمرارية وجود باب من ابواب الفساد، هو العيب بعينه!!!

2- بالنسبة للفاتورة (اللي مش فاتورة!) حددت لك، ولمُتابيعينا 3 ملاحظات عابرة بخصوصها ... وكنت انتظر منك او من اى زميل مُتفاعل معنا ويتفق مع توجهك، تفنيداً لهم، ولكنك فضلت المرور عليهم مرور الكرام، مكتفياً بإتباع اسلوب السخرية الغير مباشرة ... أذن فلا بأس أن نذهب وأن نقراء معاً ماذا يقول القانون في هذا الصدد تحديداً:

س3- هل أنا ملزم بإصدار فاتورة ضريبية؟ 

ج3- إذا كنت مسجلاً لدى المصلحة يتعين عليك إصدار فاتورة ضريبية للعميل وفقاً للقانون . و تصدر الفاتورة عند بيع سلع أو أداء خدمات خاضعة للضريبة و يجب أن تحرر من اصل و صورة . يسلم الأصل للمشتري و تحفظ الصورة لديك. و لابد من تسجيل بيانات الفاتورة بدفاتر المبيعات أول بأول 

________________________________________

س4- ما الفرق بين الفاتورة و الفاتورة الضريبية؟

ج4- يتمثل الفرق بينهما في المحتوى. فيجب أن تشمل الفاتورة الضريبية بيانات محددة في حين أنها لا تتوافر بالضرورة في الفاتورة العادية

-: أما عن محتوياتها بنص القانون فتشمل الآتى

أن تكون الفاتورة لها رقم مسلسل وبها تاريخ تحريرها -

أن يكون بها اسم البائع المسجل وعنوانه ورقم تسجيله -

أن يكون عليها اسم المشتري وعنوانه ورقم تسجيله إن كان مسجلاً أو معروفاً - 

بيان السلعة أو الخدمة المباعة، قيمتها فئة الضريبة المقررة، قيمة الضريبة مع بيان إجمالي الفاتورة - 

________________________________________

س5- ماذا لو لم أصدر فاتورة ضريبية؟

ج5- إذا كنت مسجلاً و لم تصدر فاتورة ضريبية أو أصدرت فاتورة لا تتضمن البيانات المحددة فلن يعتد بالفاتورة ضريبياً وفقا لأحكام القانون 11لسنة91 ويعد ذلك تهرباً طبقا لأحكام المادة (44) فقرة 8 من القانون المشار إليه و يتعين في هذه الحالة اتخاذ الإجراءات المقررة للتهرب 

________________________________________

س6- و إذا أصدرت فاتورة لا تتضمن البيانات الأساسية فهل هذا يمثل خطورة؟

ج6- نعم، فهذا يعنى أنه ليس بإمكان عميلك المسجل المطالبة بالخصم الضريبي المستحق له . و إذا لم تتضمن الفاتورة البيانات الأساسية و على الأخص بيان اسم المشتري و عنوانه و رقم تسجيله إن كان مسجلاً وجب تطبيق أحكام المادة (41) من القانون باعتبار ذلك مخالفة لأحكام اللائحة التنفيذية .

وبما أن "بوصلة" المنظومة الحاكمة "الجديدة" تعيد السيناريو من بدايته ... فتتجه الى "الشرق" وأهل الشرق من جديد من أجل مشروع النهضة فــ:

بتطالب انه يتسجن أو ينتحر ؟

نعم ... فإذا كانت رحلات الجنرال الرئيس الأخيرة لديهم، و دعوته لطلابهم لزيارة المدارس في مصر بهدف نقل ما أسماه بـــ "العدوى الإيجابية" ,,, فاولى به أن يبدأ بنفسه أولاً، وبوزراءه ومسئوليه الحكوميين (وما اكثرهم) ثانياً ... وينقل لهم ايضاً "عدوى إيجابية" أهم وأفيد:

الصين تعاقب 5459 مخالفا لقواعد التوفير في النفقات خلال يناير

ar2.jpg

بكين 22 فبراير 2016 (شينخوا)

قال أكبر أجهزة فحص الانضباط بالحزب الشيوعي الصيني اليوم (الاثنين) إنه تمت معاقبة اجمالي 5459 مسؤولا لمخالفتهم قواعد التوفير في النفقات والنزاهة خلال شهر يناير.

وتورط المسؤولون المعاقبون الشهر الماضي في 3945 قضية, اشتمل 26.5 بالمئة منها على مخصصات وإعانات غير مسموح بها, حسبما ذكرت اللجنة المركزية لفحص الانضباط في تقرير نشرته على موقعها.

ومن الانتهاكات الأخرى: تقديم وتلقي هدايا بشكل مناف للقانون واستخدام سيارات عامة بدون موافقة وكذلك استغلال الأموال العامة لإقامة مآدب طعام.

وتعمل الصين بكد في السنوات الاخيرة للتخلص من الفساد وفرض انضباط عمل اكثر صرامة بين الموظفين الحكوميين ردا على شكاوي مواطنين من قيادة المسؤولين سيارات العمل في الرحلات الشخصية والاستمتاع بالحفلات والبيوت الفارهة.

وأقامت اللجنة نظام ابلاغ شهريا في اغسطس 2013 لمراقبة تنفيذ القواعد الثمانية على مستوى البلاد, التي طرحها الحزب في 4 ديسمبر 2012 لتقليل البيروقراطية والبذخ وعادات العمل غير المرغوب فيها.

وبحسب اللجنة, فقد عوقب 49508 من المسؤولين لانتهاكهم تلك القواعد في 2015.

تم تعديل بواسطة White heart

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

2- بالنسبة للفاتورة (اللي مش فاتورة!) حددت لك، ولمُتابيعينا 3 ملاحظات عابرة بخصوصها ... وكنت انتظر منك او من اى زميل مُتفاعل معنا ويتفق مع توجهك، تفنيداً لهم، ولكنك فضلت المرور عليهم مرور الكرام، مكتفياً بإتباع اسلوب السخرية الغير مباشرة ...

إذا كان اللى بيكتب مجنون أو اهبل

يبقى اللى بيقرا عاقل خصوصا لو كان اسكندرانى

...

(حسب المش فاتورة اللى بتستشهد بيها)

وبعيداً عن الجنون والهبل و"بعضهم" هؤلاء ... هل من العقل أن "تنفرد" فيتو ( أى نفس المصدر الذي إستشهدت به أنت أولاً في مداخلتك تلك، عندما كتبت بها:

آدى اللى يقدر ينفى أو يؤكد

يا أستاذ إسلام

مش قلت لك أنا بس بافكر فى اللى باقراه ؟

شوفت بقى ؟

وكأنه وحتى يتحقق عُنصر التفكير فيما أقراءه مطلوب أن أخذ بــ "فيتو" فقط كمصدر ذو مصداقية للمعلومة التى سوف ابني عليها هذا التفكير، عوضاً عن مصدر جريدة التحرير الذي نشرت نص الخبر اولاً .. هل يعقل وفيما نحن بصدده هنا في هذا المُنعطف من موضوع الحوار، أن نُطالع بما أسمته ننشر الفاتورة الأصلية لـ "عزومة " محافظ الإسكندرية لوزير الثقافة الذي يكون من ضمن تفاصيله تلك المعلومة:

حصلت "فيتو" على صورة ضوئية للفاتورة الأصلية من مطعم Fish market.

؟!؟!؟

فأول ملاحظة:

كيف تكون الفاتورة الأصلية مازالت لدى المطعم، وتسنى لموقع "فيتو" - بعد نشر الواقعة هنا وهناك بعدة أيام - الحصول على صورة ضوئية منها ... خاصة واذا علمنا أنه قانوناً:

س3- هل أنا ملزم بإصدار فاتورة ضريبية؟

ج3- إذا كنت مسجلاً لدى المصلحة يتعين عليك إصدار فاتورة ضريبية للعميل وفقاً للقانون . و تصدر الفاتورة عند بيع سلع أو أداء خدمات خاضعة للضريبة و يجب أن تحرر من اصل و صورة . يسلم الأصل للمشتري و تحفظ الصورة لديك. و لابد من تسجيل بيانات الفاتورة بدفاتر المبيعات أول بأول

فإذا قلت وأى قائل آخر قال لنا: "ومن ادراك ان الصورة الضوئية تلك هى لأصل ... فربما تكون لصورة، والأصل ذهب مع أو أرسل الى هيئة الكتاب صاحبة "العزومة" ... فسأرد من خلال دليل صغير موجود في نفس تلك الصورة الضوئية المنشورة بموقع فيتو مع نص خبرها ... أنظر .. لقد قمت بتحديده في إطار أحمر مُشار اليه بسهم:

fatoura_fishmarket-41813361.jpg

فهل ترى جيداً هذا الخطأ "الغبي" ؟!؟!؟

هناك نفس رقم إجمالي المبلغ مكتوب وانما "كربوني" ... اى اننا وعلى ما يبدو بصدد فاتورة   <<< أصلية >>> وليس صورة كربونية، فاتورة ربما أعيد كتابتها بعد تسرب خبرها هنا وهناك بغرض النشر وإخراس الألسنة ... وان الفاتورة الأصلية لا علاقة لها بتلك المنشورة امامنا ...

أما الملاحظة الثانية:

أتصور انه طالما اننا بصدد <<< هيئة عامة >>> أذن فلن يتم دفع مبلغ الفاتورة وقتها عداً ونقداً .. يعني لا يُعقل ونحن في عصر "الحكومة الإلكترونية" أى عصرنة وميكنة معاملاتها بصفة عامة، وتلك المالية بصفة خاصة، انه مازال هناك أى مسئول في هيئة عامة، يحق له سحب أموال سائلة لمثل هكذا "اغراض" .. والتنقل بها يصرف منها يميناً ويساراً .. وبعدها يقوم بــ "تظبيط" ميزانيته وفواتيره ومستنداته (على رواقة!!!) ... وان اما انه حدثت قبلها مُكاتبات ومراسلات بين مثلاً مسئول الإدارة المالية لهيئة الكتاب (صاحبة العزومة) وبين إدارة المطعم، من أجل الحصول على مثل هكذا عرض بسعر "خاص" كهيئة عامة ... ويتم مثلاً تحويل عبر الحساب البنكي للطرفان، مبلغ على سبيل "العربون" مثلاً وجدية الإتفاق والإلتزام بكل شروطه بين طرفان إحداهما حتى  <<< هيئة عامة >>> ... وعلى أن يقوم المسئول الأكبر يومها وبعد إنتهاء العزومة، وطبع الفاتورة النهائية، ان يقوم - وبعد مراجعتها بنفس المكان والتأكد من صحة بيانتها كمسئول أول وأخير - بالتوقيع عليها حتى يتسنى بعدها لإدارة المطعم إرسالها الى الهيئة، لتقوم بدورها بعدها بتحويل - بعد خصم قيمة العربون - المبلغ المطلوب عبر الحسابات البنكية للطرفان ... وبهذا يتحقق عُنصر الشفافية، وما تشترطه من عُنصر التأكد والمُحاسبة الدقيقة ... وبالتالي غلق باب التلاعب تماماً ... فالمراسلات بتواريخها بأسماء اصحابها ومسئوليها ومناصبهم ووظائفهم ... الخ .. علاوة على أرقام التحويلات البنكية .. وغيرها من المعلومات كلها موجودة ومُسجلة وموثقة في قواعد بيانات مختلفة، ويُمكن الرجوع اليها في أى وقت ولأى هدف كان ... بدء بهدف القيام بأى عملية إحصائية وإنتهاء بالعملية الرقابية وسد الطريق بشكل جيد على الفساد المالي بأشكاله وأنواعه .... والذي معروف للقاصي والداني حجم ومدى تفشيه ببلدنا ....

فهل فعلاً تلك "الفاتورة" (اللي بالفعل مش فاتورة!) التى أمامنا لها أى علاقة من قريب أو بعيد بما هو لائق بــ "هيئات " و "مؤسسات " و " أمـــــــــــوال عـــــــــــــــــامـــــــــة " بدولة تُحكم بمنظومة "جديدة" ومختلفة عن سابيقها؟!؟!؟

تم تعديل بواسطة White heart

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

 

حيلك حيلك يا أستاذ إسلام .. إنت هتعمل زى "بعض جماعة" ؟

:)

يا حبيبى الدخلة دى ما تنفعش فى مدرجاتنا

 

عذر إيه وأقبح إيه وذنب إيه ؟

يا راجل يا طيب أنا كنت باقولك إذا كان اللى بيكتب مجنون أو اهبل

يبقى اللى بيقرا عاقل خصوصا لو كان اسكندرانى

إنت مشيت ورا الملبوسين فى زفة الاربعين ألف جنيه على 80 وفى قول آخر 40 نفر

وانا قلتلك الأرقام فى اسكندرية من المطعم المتوسط "قدورة"

إلى المطعم الفاخر "سى جل" .. ويمكن فعلا مساواة الفيش ماركت بيه

وما طلعش تمن الوجبة من خارج اللى انا قلته

سواء 10 آلاف جنيه على 80 .. أو 15 ألف جنيه على 90

 

عيب تانى يابو اسكندر لما تعمل هليلة الأول على إهدار المال العام .. وطلعت هليلة فشنك

وبعدين داخل علينا بهليلة تانية لأن المحافظ أو الوزير

أخد رشوة عشان اتعزم على أكلة سمك بـ 175 جنيه (حسب المش فاتورة اللى بتستشهد بيها)

مش زى ما المذيعة الهبلة بتقول الوزير أكل بخمستاشر ألف جنيه من فلوس الناس

وراحت - زى الملبوسين - رابطة الحكاية بصبح على مصر بجنيه

 

بتطالب انه يتسجن أو ينتحر ؟

طيب إيش عرفك فى الاجتماع ده مين اللى كان بيطلب شغل أو خدمة من مين ؟

مش يمكن الوزير والمحافظ هم اللى راميين جتة الحكومة على دور النشر عشان شغلانة ببلاش؟

 

فتبينوا .. وفى قراءة أخرى فتثبتوا

:)

روح يا شيخ .. ربنا ما يحكِّمك فى عباده

 

انا مش عارف بصراحة ايه وجه اعتراضك 

شوية تقول دي تكلفة زائدة وشوية تنكر حدوث العزومة ( عيب تانى يابو اسكندر لما تعمل هليلة الأول على إهدار المال العام .. وطلعت هليلة فشنك)

و بعدين تتهمنا باننا لا نتحرى الدقة 

انا احترت معاك الصراحة 

هما كلمتين ورد غطاهم وابرك من عشرة

العزومة حصلت واعترفت بها اكثر من جهة وبعدين من غير اعتراف لما رابطة المعلم تروح فيش ماركت اكيد حي بحري كله عرف بها وممكن حي الجمرك كله كمان عرف بها واللي دفع الفاتورة جهة حكومية سواء كانت المحافظة او كانت هيئة الكتاب ولو غلطنا وقلنا انها كانت المحافظة واتضح انها هيئة الكتاب فاحمد زي الحاج احمد وكل الطرق تؤدي الى البلعوم والجهاز الهضمي والحش 

حبيت تدافع وتقول دي مش على حساب المحافظة اتضح انها كانت على حساب هيئة الكتاب ودي جهة حكومية ايضا 

كل هذا يحدث ورئيس الدولة يتسول الجنيه من المصريين 

كان ما حدث بمثابة اعتراض على تصرف يتنافى مع ما يدعو اليه رئس الدولة 

لكن ما حدث منك هو انك ترى ان ما حدث لا علاقة له بالتبذير وانه كذب في كذب وماحصلش وانتم بتتبلو على الناس 

خلاص يا سيدي ولا تزعل نفسك 

انت مقتنع بانك تدفع جنيه لناس بتبذر ودي حقيقة لانك اكدتهالي 

انا بأه يا سيدي مقتنع بان المليم خسارة فيهم عشان دول ناس ماعندهاش دم وبتاكل سحت 

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

انت مقتنع بانك تدفع جنيه لناس بتبذر ودي حقيقة لانك اكدتهالي 

انا بأه يا سيدي مقتنع بان المليم خسارة فيهم عشان دول ناس ماعندهاش دم وبتاكل سحت 

 

بارك الله فيك

بس انا بادفع من غير ما اعمل زفة لما ادفع

ياريت انت كمان تعمل زيى لما ما تدفعش

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

بارك الله فيك

بس انا بادفع من غير ما اعمل زفة لما ادفع

ياريت انت كمان تعمل زيى لما ما تدفعش

ويبقى ايه فايدة المحاورات نفسها بقى ساعتها .. أو بمعنى أدق أبواب السياسة الداخلية والخارجية والمواضيع الجادة وما شابههم ... طالما المطلوب انه سواء كان <<< المحاور >>> (مش اللي بيعمل زفة !!!) سواء كان مؤيد أو كان مُعارض انه يحتفظ برأيه وحججه ومصادره لنفسه وما يطرحهاش علانية على صفحات المحاورات؟!؟!؟

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

  • بعد 1 شهر...

13138810_988809291173568_344282963204133

صبح على مصر بثمن الجورنال 

 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

13125034_991295240924973_757250007532118

رئيس وزراء كندا الغنية يستغيث بالمواطنين الكنديين  

يا كنديين، أرسلوا رسالة لـ 30333 و صبحوا على كندا بخمسة دولار 

بعد حرائق الغابات لتجاوز المأساة 

. ومحدش هناك قل أدبه . لإن مفيش صيع ومجرمين وصراصير الغيط اللي اسمهم نشطاء وقاعدين لكل ساقطة واتريقوا على التبرع لمصر 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة

  • الموضوعات المشابهه

    • 2
      العمل الخيري والتطوعي مطلوب جدا ومقياس لتحضر أي دولة ،لكن ما نراه جميعا اننا اصبحنا نعتبر جمع التبرعات لمستشفيات السرطان نمط حياة  منذ سنوات والتبرعات تجمع ونسب الاصابة بالسرطان مازالت كماهي ،ومازلنا نركز على ان نقوم بزيادة القدرة الاستيعابية للمستشفى ، يمكن اللي بيريح الواحد شوية ان في كما يقال في الاعلان صرف ع بحث علمي يختص بالسرطان ،لكن ياسادة الا يمكن ان نتعامل بفكرة درهم وقاية خير من قنطار علاج  ما نحاول اننا نشوف مسببات السرطان ونمنعها ،بل ان انا شايف ان رغم اعتراض الكثيرين ع اعل
    • 3
      قرب يا بيه .. قرب يا مُحترم فستان لرشا بإتنين جنيه بدلة حماده بتلاته جنيه طب متر الأرض في طابا بجنيه ونص حد قال شاري طب أخونا الحاخام اللي في أخر الصف ده قال شاري ؟ الحاخام : شالوم يا خبيبي .... إعملتو معروف أنا عايز 650 ألف متر .. وأدي 950 ألف جنيه اهم عالترابيزة يا خبيبي . بتقول كام يا عم جيني ونص للمتر ؟ وفين ...................... في طابا اللي مساحتها لا تتعدى 2 مليوت متر مربع ؟ يعني الخواجه هايشتري أكتر من ربع طابا ؟ بجنيه ونص ..... يا بلاش أما اليهود دول طلعوا أغبية بش
×
×
  • أضف...