اذهب الي المحتوي
ArabHosters
tarek hassan

الشرطة المصرية

Recommended Posts

فلا اقل من محاكمه عسكريه عاجله تحكم باعدام هذا القاتل المجرم السفاح أكل السحت الذى استغل سلطته وطبنجته الميري فى قتل مواطن كادح كل ذنبه انه طالب باجرته كامله

 

 

 

يا ريت يا شاعر

بس للأسف "الشرطة هيئة مدنية" بنص الدستور

 
رسائل غضب من السيسي لـ«الداخلية».. السلطات الممنوحة للحفاظ على أرواح وممتلكات المواطنين.. مواجهة التصرفات الخاطئة بالقانون لوقفها بشكل رادع.. إدخال بعض التعديلات التشريعية لضبط الأداء الأمني
الجمعة 19/فبراير/2016 - 05:09 م
أشرف سيد
 

عقد الرئيس عبد الفتاح السيسي، بعد ظهر اليوم الجمعة، بمدينة شرم الشيخ اجتماعا مع اللواء مجدي عبد الغفار وزير الداخلية، حيث اطلع السيسي من وزير الداخلية على آخر مستجدات الأوضاع على صعيد الأوضاع الأمنية الداخلية في البلاد، ولاسيما في أعقاب بعض الأحداث الأخيرة.

الحفاظ على أرواح المواطنين

وأكد الرئيس السيسي على أن السلطات الممنوحة لبعض أعضاء الجهات الأمنية إنما تُعنى في المقام الأول بتمكينهم من الحفاظ على أرواح وممتلكات ومصالح المواطنين، بهدف إرساء قواعد الأمن والنظام في البلاد، وذلك في إطار من التقدير والاحترام المتبادل بين الجانبين.

التصرفات

وأشار الرئيس السيسي إلى أنه على الرغم من عدم انسحاب بعض التصرفات غير المسئولة لعدد من أفراد جهاز الشرطة على هذا الجهاز الوطني الذي قدم العديد من التضحيات والشهداء لحماية الوطن والدفاع عن المواطنين.إلا أنه تتعين مواجهة تلك التصرفات بالقانون لوقفها بشكل رادع ومحاسبة مرتكبيها.

القانون

وأضاف السيسي خلال اللقاء أن مواجهة مثب هذه الأمور يقتضي إدخال بعض التعديلات التشريعية أو سن قوانين جديدة تكفل ضبط الأداء الأمني في الشارع المصرى بما يضمن محاسبة كل من يتجاوز في حق المواطنين دون وجه حق.

ووجه الرئيس السيسي بعرض هذه التعديلات التشريعية على مجلس النواب خلال ١٥ يوما لمناقشتها.

 

شارك هذه المشاركه


رابط المشاركه
شارك

نظام السيسى ف ((ورطه))بسبب تجاوزات أمناء ((الشرطه))

 

أكرر هنا احدى كلماتى للتاريخ التى قلتها فى موضوع اخر ((ثورة يناير قامت فى الاساس بسبب تجاوزات الشرطه .. فى البدء كان خالد سعيد)) .. فهل تكون الثورة القادمه بدايتها من الدرب الاحمر !!!؟ الله لا يقدر 

:)

ولا كأنك كنت عايش معانا وشوفت الإرهاصات والبدايات والتداعيات

وكمان بتقول "الله لا يقدر" ؟

:)

طب صلى على النبى

شارك هذه المشاركه


رابط المشاركه
شارك

 

يا ريت يا شاعر

بس للأسف "الشرطة هيئة مدنية" بنص الدستور

 

انا سمعت ان ممكن يتحاكم  محاكمه عسكريه او على الاقل محاكمه  عاجله وان ده ممكن بتدخل الرئيس  شخصيا  .. لازم لازم الدوله متغلطش نفس غلطة النظام السابق بتاع مبارك لما تجاوزات الشرطه كانت سبب رئيسى فى ثورة 25 يناير .. لازم لازم يتم وأد فتنة الدرب الاحمر فى مهدها ((وسبحان الله كانت الدرب الاحمر فى السبعينات هى بداية شرارة الاحتقان الطائفى فى مصر بين المسلمين والمسيحيين)) .. لازم لازم امين الشرطه ده يتعدم((مش يتسجن)) عشان اعدامه كمان يكون بمثابة((((ردع)))) لباقى امناء الشرطه من المتجاوزين .. غير كده بقى يبقى ربنا يستر وانتظروا ما لا يحمد عقباه 

شارك هذه المشاركه


رابط المشاركه
شارك

نظام السيسى

 

من اول السيسي ...

لو السيسي ...

 

رسائل غضب من السيسي

عقد الرئيس عبد الفتاح السيسي ...

 اطلع السيسي  ...

أكد الرئيس السيسي ...

أشار الرئيس السيسي ...

أضاف السيسي ....

ووجه الرئيس السيسي ...

فعلاًً ,,, انها دولة " مؤسسات " (الجنرال الرئيس السيسي) !!!

شارك هذه المشاركه


رابط المشاركه
شارك

فعلاًً ,,, انها دولة " مؤسسات " (الجنرال الرئيس السيسي) !!!

سلو بلدنا يا مان  من أيام جدنا مينا موحد القطرين hpc:!: 

تم تعديل بواسطة التونسى

شارك هذه المشاركه


رابط المشاركه
شارك

سلو بلدنا يا مان  من أيام جدنا مينا موحد القطرين hpc:!: 

وكان برضه هو نفسه سلو بلاد كتيييييير ... ومافلحوش الا لما بقى عندهم دولة " مؤسسات " بس .. من غير سعادة البيه، ولا الباشا، ولا معاليه ....  ولا "شعارات" فارغة من عينة الشرطة والشعب في خدمة الوطن !!!

شارك هذه المشاركه


رابط المشاركه
شارك

 

 

ايه الازمة يعني ؟؟؟ قتل مواطن مصري في دولته أمر لا يستحق العجب او البكاء او كل هذا الهياج الاعلامي ،المواطن المصري فرص الموت عنده أكثر من اي مواطن في اي دولة أخرى بعيدا عن القضاء والقدر لكن مسببات الوفاة عندنا كثيرة جدا ز

ياسادة بعد كل الدم اللي شوفتوه وفيه اللي بارك وفيه اللي عارض ، معقولة لسه بيفرق معانا وبنحزن وبنزعل !!!!!!

 

المواطن اللي مات ده عمره وقدره 

كان  ممكن يموت بأي طريقة أخرى بالعكس ده افضل طريقة وممكن يكون نتيجة وفاته هيحصل تغيرات 

 

- كان ممكن يموت في قطار 

-كان ممكن يموت وهو راكب ميكروباص 

-كان ممكن يموت بعلاج خاطئ 

-كان ممكن يموت وهو ماشي جنب سور مدرسة 

-كان ممكن يموت وهو في شقته البيت يقع زي ما عمارات كثير بتقع

-كان ممكن يموت وهو راكب عبارة او معدية 

- كان ممكن يموت بالكهرباء من عمود انارة في الشارع 

- كان ممكن يموت باكل مسرطن او سمك فاسد وده كثير

-كان ممكن يموت لو كان طلع رحلة سفاري ف الصحراء او يروح العريش 

-كان ممكن يموت لو حد بلغ عنه انه اخواني وارهابي وعميل

- كان ممكن يموت لو امين شرطة شافه بيتكلم لغات هيقبض عليه ويتعذب ويموت

-كان ممكن يموت لو كان في رابعة 

-كان ممكن يموت لو عسكري مجند بيخدم بدون ادوات كافيه ع يد ارهابيين

تم تعديل بواسطة herohero

شارك هذه المشاركه


رابط المشاركه
شارك

الكلام ده حقيقي والاخوة بتوعم الشعارات العنترية يوسعوا وسيبكم من كلام الاونطة اللي جرب هو اللي يتكلم وكلنا عارفين كدة بس بنحب نضحك ع نفسنا ده واقعنا 

 

https://www.youtube.com/watch?v=OhVSeAQcwyA

شارك هذه المشاركه


رابط المشاركه
شارك

سأترك الرد على الفيديوهات والتويتات والهري


وبالتأكيد المتربصون بجهاز الشرطة سيبجدون ضالتهم المنشودة يوميا لأن الأخطاء موجودة


في كل أجهزة الدولة


لنناقش الأمر بالمنطق والعقل إن كنا نريد ذلك


كم عدد الأطباء الذين يخطئون يوميا ؟ وكم عدد الضحايا لهذه الأخطاء ؟


كم عدد المعلمين الذين لا يقومون بواجبهم وعدد الخريجين نتيجة لذلك وما حصلوا عليه من شهادات الجهالة المقنعة ؟


وووووووووووووو


والله لو قلت لي حد إنه مبيغلطش هقول للقائل : أنت أفاك لأنك مش ملاك


ولا توجد أيضا المؤسسة الملائكية


فليستمر الهري والتزييط على مؤسسة بعينها والغرض مرض ومعلوم 


وكل شيء زاد عن حده هيتقلب لضده بفضل الوعي العام


وتبا للمزييطين راغبي الفتنة بين أفراد الشعب


سيحيق المكر السيء بأهله


شارك هذه المشاركه


رابط المشاركه
شارك



 



معلهش هسأل سؤال ممكن يبقى بايخ شوية


الشرطى ارتكب جريمة .... و هيتحاكم ... وان شاء الله الحكم هيكون مرضى لنا جميعا


السؤال


 



بالنسبة للناس اللى ضربوا الشرطى واصابوه ( هو واللى معاه ) هذه الاصابات الخطيرة التى منعت استجوابه لخطورة حالته .... المفروض يتحاكموا هما كمان ؟؟ ولا نعتبرها رد فعل طبيعى 




 







محدش هيجاوب على السؤال .... أو هيجاوب إجابة مترضيش ربنا ....


أن المبرمجين الزياطين عايزين جنازة ويشبعوا فيها لطم ضد جهاز معين وفقط 


شارك هذه المشاركه


رابط المشاركه
شارك

 

سأترك الرد على الفيديوهات والتويتات والهري

وبالتأكيد المتربصون بجهاز الشرطة سيبجدون ضالتهم المنشودة يوميا لأن الأخطاء موجودة

في كل أجهزة الدولة

لنناقش الأمر بالمنطق والعقل إن كنا نريد ذلك

كم عدد الأطباء الذين يخطئون يوميا ؟ وكم عدد الضحايا لهذه الأخطاء ؟

كم عدد المعلمين الذين لا يقومون بواجبهم وعدد الخريجين نتيجة لذلك وما حصلوا عليه من شهادات الجهالة المقنعة ؟

وووووووووووووو

والله لو قلت لي حد إنه مبيغلطش هقول للقائل : أنت أفاك لأنك مش ملاك

ولا توجد أيضا المؤسسة الملائكية

فليستمر الهري والتزييط على مؤسسة بعينها والغرض مرض ومعلوم 

وكل شيء زاد عن حده هيتقلب لضده بفضل الوعي العام

وتبا للمزييطين راغبي الفتنة بين أفراد الشعب

سيحيق المكر السيء بأهله

 

استاذ طارق فيديو فيلم هي فوضى قديم من قبل 25 يناير ؟؟ واظن حضرتك وانا وكلنا عارفين الحقيقة بس مصرين ندفنها 

 

ومحدش بيزيط ولا حاجه انا استعنت برأي خبير استراتيجي بيقول ان اللي بيحصل ده مؤامرة 

 

طب هنفضل ساكتين لحد امتى وقولنا مليون مرة النماذج الفاسدة موجودة في كل حتة ويجب معاقبتها 

 

خد بالك الاسلوب بتاعك ده اسلوب جميل جدا ونتيجته ان مفيش حاجه هتتعمل 

 

عارف حضرتك زي بالضبط اللي بيرمي زبالة في الشارع وتيجي تكلمه عيب ما يصحش هتوسخ الشارع فيرد يقول يعني هي جت عليا 

 

اسلوب هي جت عليا وكلنا فاسدون صدقني ثبت فشله 

 

محدش لا بيزيط ولا بيعمم بس لازم تبقى عارف ان في اجهزة الغلطة فيها بيتاثر كثير اووووووووووي 

 

ومحدش قال ان الاطباء المهملين يتسابوا بس انت مصر ع ان ده تبقى منظومة 

 

طبيب يغلط عادي ، حد يعمل دواء ويطلع مضر وعادي لا يحاسب ، مهندس فاسد عادي ، محاسب حرامي عادي ، تاجر فاسد عادي 

 

انت الي مصر ع استمرار المنظومة ده !!! وبعدين تيجي تلوم الاخرين انه بيزيطوا وبيستغلوا ياسبحان الله 

 

يا سيدي ضيع عليهم الفرصة وحارب الفساد صح ومحدش من الزياطين دول هيكون له كلمة هتخرسهم 

 

 

هيريحك الامين ده اخوان واللي قتل السائح الايطالي اخوان واللي اتحرش بالمواطنية ده اخوان 

هقولك حاتم في هي فوضى اخوان ،وسبب ازمة الدولار الاخوان وسبب فساد التعليم الاخوان ،وسبب كساد حركة التجارة ومرور السفن في قناة السويس الاخوان ، وسبب كل مشاكل مصر الاخوان 

 

بس اللي جاب الرئيس السيسي وعينه وزير دفاع وتخطى من هم اقدم منه رئيس اخواني 

شارك هذه المشاركه


رابط المشاركه
شارك

 

 

محدش هيجاوب على السؤال .... أو هيجاوب إجابة مترضيش ربنا ....

أن المبرمجين الزياطين عايزين جنازة ويشبعوا فيها لطم ضد جهاز معين وفقط 

 

الناس عملت كده لان دول عارفين اخرتها فقالك ناخد حقنا بايدينا والناس ده حبايب الداخلية مادول اللي كانوا بيتاجروا يضربوا في الشباب الفاسد بتاع المظاهرات 

 

يعني ربك بيسلط ابدان ع ابدان 

 

الناس خدوا حقهم بايديهم !!! مش ده دولة القانون الناس عارفين اخرتها الامين زيه زي غيره 

شارك هذه المشاركه


رابط المشاركه
شارك

 

ليستمر الهري والتزييط على مؤسسة بعينها والغرض مرض ومعلوم 

وكل شيء زاد عن حده هيتقلب لضده بفضل الوعي العام

وتبا للمزييطين راغبي الفتنة بين أفراد الشعب

سيحيق المكر السيء بأهله

 

والرئيس لما اهتم بنفسه  تانى يوم  واستدعى وزير الداخليه فى شرم الشيخ مناقشا اياه فيما حدث فى الدرب الاحمر كان بيزيط وبيتربص برده !!!!؟

 

يا استاذ طارق لا وجه مقارنه مطلقا بين خطأ طبيب او معلم .. وبين استغلال أمين شرطه((مسلح)) لسلطته فيرتشى ويأكل السحت ويفسد فى الارضى علاوة على إزهاق الارواح البشريه بدون وجه حق .. ولما احنا بنهتم ورئيس الدوله بيهتم ده معناه خوف وقلق على البلد مش تزييط وما شابه .. بكررها تانى .. المؤسسه دى كانت السبب فى قيام ثوره والتجاوزات بتاعتها دى اللى كل يوم ماليه الميديا ممكن تؤدى الى ثوره اخرى اكثر دمويه وفوضويه .. كفانا تبريرا وتهوينا .. اللى بيحب البلد دى بجد لازم يواجه مشاكلها بكل قوه .. مش يهرب او يدفن راسه فى الرمال زى النعام 

تم تعديل بواسطة التونسى

شارك هذه المشاركه


رابط المشاركه
شارك

 

 

محدش هيجاوب على السؤال .... أو هيجاوب إجابة مترضيش ربنا ....

أن المبرمجين الزياطين عايزين جنازة ويشبعوا فيها لطم ضد جهاز معين وفقط 

 

ماهو ده اللى خايفين منه...  والرئيس ذات نفسه خايف منه .. ألا وهو سيادة ((((شريعة الغاب)))) وعدم سيادة ((القانون)) .. ان كل واحد ياخد حقه بإيده مدام فيه تجبر وافترا و((((طرمخه)))) 

شارك هذه المشاركه


رابط المشاركه
شارك

 

انت الي مصر ع استمرار المنظومة ده !!! وبعدين تيجي تلوم الاخرين انه بيزيطوا وبيستغلوا ياسبحان الله

 

وسع أنت بس يا أستاذ : هيرو ... قبل ما الكلمتين يروحوا من دماغي وسيبني أفش غلي وأبق البحصة 

هناك أفراد شرطة أخطأوا .... نعم

لكن ألم نسأل أنفسنا كم عدد أفراد الشرطة الذين لم يخطوا ؟

وعدد اللي جابوا لك حقك ؟

وعدد اللي سهروا على أمنك ؟

وعدد اللي ماتوا وهما بيدافعوا عن بلدك ؟

وعدد اللي قبضوا على مجرمين وحرامية وبلطجية وإرهابيين ؟

أيها المزيط : أنت مواطن فاسد ومعندكش ضمير وبتدعي إن التزييط تهذيب وإصلاح وتقويم

شارك هذه المشاركه


رابط المشاركه
شارك

 

وسع أنت بس يا أستاذ : هيرو ... قبل ما الكلمتين يروحوا من دماغي وسيني أفش غلي وأبق البحصة 

هناك أفراد شرطة أخطأوا .... نعم

لكن ألم نسأل أنفسنا كم عدد أفراد الشرطة الذين لم يخطوا ؟

وعدد اللي جابوا لك حقك ؟

وعدد اللي سهروا على أمنك ؟

وعدد اللي ماتوا وهما بيدافعوا عن بلدك ؟

وعدد اللي قبضوا على مجرمين وحرامية وبلطجية وإرهابيين ؟

أيها المزيط : أنت مواطن فاسد ومعندكش ضمير وبتدعي إن التزييط تهذيب وإصلاح وتقويم

 

استاذ طارق 

 

هل حضرتك ضد ان كل مواطن مصري ياخد حقه ؟؟؟ اكيد لا 

ده اللي انا وغيري بنطلبه المواطن المصري ايا كان ياخد حقه في كل شئ 

 

العادلة استاذي الفاضل مطلبنا كلنا 

 

ضابط شرطة اتقتل او مجند راح ضحية عملية ارهابية لازم يتجاب حقه ولازم يتحاسب المسئول عنه لو ثبت تقصير ف تامينه او تسليحه

 

بالعكس انا من أشد المصرين ع تحقيق العدالة الناجزة 

 

لان ده الطريق الوحيد لمنع قانون الغاب ،اللي حعمله اهالي الدرب الاحمر ده مؤشر كارثي والناس ده خصوصي علاقتها كويسة جدااااااااااا مع الامن وكانوا يد طولى ايام 25 يناير 

ومنهم اللي حطم اقساد شرطة ومنهم اللي سرق ومنهم اللي ضرب ناس من بتوعم 25 يناير 

 

يعني الشرطة حبيبتهم واللي حصل ده سحابة صيف لكن لما حد يعورهم هياخدوا حقهم باديديهم انت فاكرهم اطباء 

شارك هذه المشاركه


رابط المشاركه
شارك

بالتأكيد المتربصون بجهاز الشرطة سيبجدون ضالتهم المنشودة يوميا لأن الأخطاء موجودة

في كل أجهزة الدولة

1- أنت تسميهم "متربصون" .. وأنا اسمهيم "مواطنين" .. يحق لهم الرصد والمراقبة والنقد وعلى طول الخط طالما ان مستوى الخدمة ليس فقط ضعيف بل سئ ومتخلف ... وأنت هنا لا تقعل الا الدفاع عن هذا السئ والمتخلف اذن من الطبيعي أن ترى في غيرك هذا "متربص" ... 

2- أنت تسميها " أخطاء " ... وغيرك من المواطنين يسموها بمسماها الصحيح والدقيق .. أى جرائم متعمدة وعلى رأسها (ما تعرفه جيداً) سؤ إستغلال السُلطة !!!

3- منذ متى من وجهة نظرك بدأت هذه <<< الجرائم المتعمدة >>> في الظهور شيئاً فشيئاً حتى وصلت الى مثل هذا المستوى من الإستفحال ... ولماذا؟

شارك هذه المشاركه


رابط المشاركه
شارك

 

وسع أنت بس يا أستاذ : هيرو ... قبل ما الكلمتين يروحوا من دماغي وسيبني أفش غلي وأبق البحصة

هناك أفراد شرطة أخطأوا .... نعم

لكن ألم نسأل أنفسنا كم عدد أفراد الشرطة الذين لم يخطوا ؟

وعدد اللي جابوا لك حقك ؟

وعدد اللي سهروا على أمنك ؟

وعدد اللي ماتوا وهما بيدافعوا عن بلدك ؟

وعدد اللي قبضوا على مجرمين وحرامية وبلطجية وإرهابيين ؟

أيها المزيط : أنت مواطن فاسد ومعندكش ضمير وبتدعي إن التزييط تهذيب وإصلاح وتقويم

 

وكلامنا اللى مش عاجبك يا مان هو دفاع عن هؤلاء جميعا  وعن جهودهم التى تهدر بسبب أمين شرطه ((فاسد)) .. الموضوع عامل زى طبخه تعبت فيها وجه مساعد غبى ليك وبدل ما يحط عليها ملح حط عليه رمل فبوظ الطبخه .. عامة الواحد بيقول ما يمليه عليه ضميره لانى شايف السكوت او التهوين او التبرير فى موقف جلل زى ده بمثابة ((اشتراك)) ضمنى فى جريمة امين الشرطه الذى قتل مواطن بدون وجه حق وفساد فى الارض 

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • رسالة لمن بلغ العقد السادس

      مقالة رائعة للأستاذ منير توفيق عبارة عن مجموعة نصائح لمن بلغ العقد السادس من عمره  ، وجدتها تستحق النشر لتعم الفائدة بين الفئة المخاطبة،  وإليكم هذه النصائح المفيدة عسى الله أن ينفع بها الجميع : 1 –حاول أن تكون أنيقا و نظيفا دائما ، فجمال الشباب قد زال ، لذا عليك أن تنتبه لنفسك، و تهتم بها، و تحسن صورتك بالأناقة و حسن الخلق . 2 – حتى تكون عندك حياة صحية ، حاول المشي كثيرا، فهو رياضة الكبار في السن، و لا ترهق نفسك، فإذا تعبت فارتاح، ثم واصل حتى تنهي حصتك، و لا تزد عن نصف ساعة كل يوم، تن

      في موضوعات شخصية

    • الوطن ومشرطُ الجرّاح!

      الوطن ومشرطُ الجرّاح! لابد من إجراء جراحة عاجلة للوطن، ولكن في أي مكان في الجسد المصري يجب أن يدخل مشرط ُالجرّاح؟ في المخ حتى يعتدل تفكير الناس! في القلب حتى تستقيم ضمائرهم! في الصدر حتى تصبح الشجاعة أهم قيمة إنسانية! في البطن حتى يتراجع سعار شهوة الطعام! في العينين حتى نبحث عن الجمال حولنا! في الأذنين حتى نتعلم احترام النغم واللغة والتعبيرات الساحرة وقوة المنطق، ولتتوقفا عن الإنصات للغث والتفاهات وخطب الكبار ورجال الدين! في ا

      في المغتربين المصريين - egyptian expatriates

    • رسالة موقع انجاز الطلب تحت الاجراء ماذا تعنى

      الاخوة الافاضل السلام عليكم ورحمة الله وبركاتة كنت ارغب فى الاستفسار عن رسالة موقع انجاز عند الاستعلام عن التاشيرة والتى تظهر لى الطلب تحت الاجراء هل هذا يعنى قبول الجواز خاصة وان المهنة كانت فى الجواز مختلفة عن المهنة فى التاشيرة وقدمت مع ا لجواز شهادة خبرة بالمهنة الموجودة بالتاشيرة والمفترض ان تصدر التاشيرة بعد كام يوم مع العلم ان الجواز دخل القنصلية يوم الثلاثاء والرسالة بدات فى الظهور من اليوم مع خالص الشكر والتقدير

      في المغتربين المصريين - egyptian expatriates

    • رسالة شكر و إعتذار عن الإزعاج الذي سببته لكم برسالتي "بؤرة سرطانية على الكبد"

      كل الشكر و الإمتنان لكل من سأل عنى بأي وسيلة ، و أطمئن الجميع أنا لا أشعر بأي ألم و لا توجد أي أعراض مرضية كما أن النتيجة النهائية للتحاليل الباثولوجية لم تظهر بعد و أسألكم الدعاء

      في باب الإجتماعيات

    • المجندين يمكن أن يحملوا رسالة التنوير إلى قرى و نجوع مصر

      من المجندين عدد ربما يكون كبيرا  يعانون من الأمية ، و يمكن أن تكون فترة تجنيدهم فرصة جيدة لمحو أميتهم  ... ليس هذا فقط بل يمكن أن يكونوا رسل التنوير في كل قرية أو نجع في مصر......  يمكن إقناعهم بضرورة الإكتفاء بطفل واحد .. بضرر الختان على البنات و على السعادة الزوجية هناك أوهام سائدة في الريف  تقول منى الشغالة على إبنها طبعا مراته لا زم تكون "مختنة" هو حيتجوز دكر ... و تستمر في الريف جيلا بعد جيل مجزرة تشويه الأعضاء التناسلية للإناث و من ثم البرود الجنسي بعد الزواج  و يلجأ الرجال إلى المخدر

      في موضوعات جادة

×
×
  • اضف...