اذهب الي المحتوي
tarek hassan

الشرطة المصرية

Recommended Posts

مش عارفة ليه مش قادرة اتعاطف مع مريهان 

 

 ( لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه )

 

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله :accident:   :diablo:  

 

و بعدين القانون يبقى ياخد مجراه براحته :hang: 

لو كانت اتهاماتها للظابط صحيحة

يبقى اللى حصل حصل فى ساعة من الساعات اللى حضرتك بتقولى عليها دى

واقول للظابط ده عفارم عليك يا ابنى

يعنى واحدة "مبسوطة حبتين" وراجعة فى وش الفجر بتتطوح

تقتحم كمين وتصدم الظابط توقعه على الأرض

وبعدين تنزل عليه بسيل شتايم - سمعناها - أكثرها أدبا كلمة (من تلات حروف)

ومطلوب من الظابط الثبات الانفعالى وتحمل الإهانات ؟

يعنى لازم يبقى ملطشة عشان النحانيح بتوع الإنترنت والفيسبوك ؟

ترضيها حضرتك لإبنك ؟

تلاتة بالله العظيم لو أنا لكنت جرجرتها الأول من شعرها ومسحت بيها الأسفلت

وقلعت الرتب الميرى وطز فى البدلة

وبعدين كنت روحت على ابوها وامها اللى ربوها - وانا جاررها من شعرها - واعمل معاهم نفس الشئ

md2:

وآه لو نحنوح فيسبوكى إنترنتى من اللى بيدافعو عنها وقع فى إيدى الساعة دى

:)

وبعدين القانون ياخد مجراه .. ومرساه كمان

شارك هذه المشاركه


رابط المشاركه
شارك

مش عارفة ليه مش قادرة اتعاطف مع مريهان 

 ( لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه )

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله  :accident:    :diablo:  

 

و بعدين القانون يبقى ياخد مجراه براحته  :hang: 

طيب ما كدة يبقى قمة التناقض !

1- 

لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه 

عظيم جداً ... هذا هو الطبيعي ... هذا هو البديهي ... ومتفقين.

2-

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله

وممكن ووارد جداً كمان أن الــــواحـــــــــد دة - حضرته وسعادته -  لو كان من النوع "الطاووس" فرحان ومتباهي بجمال خطوته، وطلته البهية بألوان ريشه وسط غربانه .. ويا أرض انهدي ما عليكي قدي، وفي ساعات الفجر الأولى، تُقع تحت ايده "مُزة" بعد ساعات وردية مُملة أو رتيبة، ويكون حضرته <<< حــــــابـــــــب >>> يتسلى، ويكسر ملله أو رتابة الوقت، او أى سبب كان خاص أو شخصي ... وآهو يبقى ضرب أكتر من "عصفور" بحجر واحد (كسر حالة ملل حضرته + أمن البلد!) ... وطبعاً "المتهم" هنا .. اللي هو المفروض انه برئ حتى تثبت إدانته (القانون يجب أن ياخذ مجراه)، واللي مطلوب تمرير انه هو اللي "إستفز" اولاً حضرة وسعادة "الباشا" ... وبالتالي يحقله جنابه أنه "يفش غله" .. وحسب نوع "الصيدة" اللي قدامه ... لو ذكر ... يبقى قلمين وشالوطين ... ولو أنثى .. يبقى <<< دوبل!!!>>> يعني قلمين وشالوطين، علاوة على "فُرصة" تفتيش شنطتها وإخراج أى شئ "خاص جداً" ويتم فضحها والتشهير بيها وسط أمة لا اله الا الله .. وسبها وشتمها وتضريسها، و"فرصة" كمان يمد ايده ويتحرش بيها ويهتك عرضها .. ولو كان "المُتهم" وهى هنا في حالتنا أنثى ... (اللي هو المفروض انه مازال برئ حتى تثبت إدانته وبواسطة قاضي، وعقابه كذلك يكون على يد قاضي وفي محكمة وبعد إجراءات القانون الذي يجب أن يأخذ مجراه) اذا كان من النوع "الحامي" ... وإنتفض لكرامته وشرفه، وكان من النوع "القبيح" ... فهو <<< وحده >>> المُذنب بالطبع ... وبعدها:

مش عارفة ليه مش قادرة اتعاطف مع مريهان 

:Exclam:  :Exclam:  :Exclam:

تم تعديل بواسطة White heart

شارك هذه المشاركه


رابط المشاركه
شارك

مش عارفة ليه مش قادرة اتعاطف مع مريهان 

 

 ( لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه )

 

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله :accident:   :diablo:  

 

و بعدين القانون يبقى ياخد مجراه براحته :hang: 

أحيي حضرتك على شجاعتك فى التصريح بشعورك ده لانه كان نفس شعوري تجاه ميريهان بس مجتليش الجراءه اصرح  :Thumbsup: وعلى فكره والله الشلوطين دول على الألمين فى مصلحتها عشان يفوقوها ويدوها درس ويعرفوها انها مش عشان فنانه و(مُزه) تدوس على اى حد و تبقي فوق القانون ... وتحيه مره تانيه لافراد الكمين ده  :roseop: 

شارك هذه المشاركه


رابط المشاركه
شارك

اقول للظابط ده عفارم عليك يا ابنى

...

مطلوب من الظابط الثبات الانفعالى وتحمل الإهانات ؟

...

تلاتة بالله العظيم لو أنا لكنت جرجرتها الأول من شعرها ومسحت بيها الأسفلت

وقلعت الرتب الميرى وطز فى البدلة

وبعدين كنت روحت على ابوها وامها اللى ربوها - وانا جاررها من شعرها - واعمل معاهم نفس الشئ

آةةةةة ...

ويا سلام بقى ووفق هذا "المنطق" (قانون الغاب والبلطجة) لو عكسنا الآية  ... وفي حالات تانية، كان "المتهم" دة (اللي هو لسة المفروض لحد اللحظة دي برئ حتى تثبت إدانته!) ذكر بقى والا أنثى ... مش هاتفرق ...  كان معاة سلاح مثلا وراح "غازز" أو "طاخخ" بيه سعادة حضرة الباشا .. إنتقاماً لكرامته أو شرفه ... ليحمل بعدها هذا الظابط "الطاووس" .. أو البلطجي .. أو المريض نفسياً ... لقب "شهيد" ... و:

بعدين القانون ياخد مجراه .. ومرساه كمان

:Exclam: :Exclam: :Exclam:

واضح جداً صحة الإقتراحات الأخيرة التى انطلقت تُطالب بـــ "تطهير" تلك المؤسسة الأمنية، وبإعادة تأهيل "نفسى" لأفراد الشرطة ... لأنه واضح انه مش بس كتير من المواطنين اللي بيجهلوا بحقوقهم ... لا ... دة كمان كتير من رجال الشرطة (حالات فردية!) بحاجة ماسة الى إعادة هذا التأهيل وبشدة !!!

تم تعديل بواسطة White heart

شارك هذه المشاركه


رابط المشاركه
شارك

مش عارفة ليه مش قادرة اتعاطف مع مريهان 

 

 ( لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه )

 

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله :accident:   :diablo:  

 

و بعدين القانون يبقى ياخد مجراه براحته :hang: 

يعني غادة ابراهيم اللي كانت رئيس مجلس ادارة شقق دعارة اتعاملوا معاه بقلة أدب !!! اكيد لا لان ده مواطنة مصرية طانت بتدعم اقتصاد البلد  :Thumbsup:  :Thumbsup: 

 

شوفي حضرتك محدش يقدر يحكم ع تجربة الا لما يمر بيها  ، وعموما الايام هتثبت 

يعني مثلا رئيس مباحث قسم ثاني شبرا الخيمة اللي اتقتل غدرا ،سبحان الله من شهر كان ف مواطن منزل استغاثة لوزير الداخليه 

 

بيقول انهم خدوا مراته وبنته لحد ما ابنه يجي !!! هم رايحين يقبضوا ع الابن مالقهوش خدوا الام والبنت !! وبيشتكي من ظلم رئيس المباحث 

 

شوفي الدنيا صغيره ازاي ، كل مظلوم له رب اسمه الكريم 

شارك هذه المشاركه


رابط المشاركه
شارك

أحيي حضرتك على شجاعتك فى التصريح بشعورك ده لانه كان نفس شعوري تجاه ميريهان بس مجتليش الجراءه اصرح  :Thumbsup: وعلى فكره والله الشلوطين دول على الألمين فى مصلحتها عشان يفوقوها ويدوها درس ويعرفوها انها مش عشان فنانه و(مُزه) تدوس على اى حد و تبقي فوق القانون ... وتحيه مره تانيه لافراد الكمين ده  :roseop: 

طب بالنسبة لغادة ابراهيم ؟؟

 

يعني عرق الرجولة والجدعنة ان واحده مسرحه بنات مصريين ب3000 جنيه الليلة لاخوانا في الخليج (الرز )

 

ياترى ايه الوضع ؟؟ برده هتتشد من شعرها وتتبهدل وتجرجر ؟؟ يعني ماهو الطبيعي ان اي راجل حمش وشنبه ع دكر لما يشوف واحدة كده يقل أدبه ؟؟؟

 

ولا في حالة زي غادة ابراهيم عادي ده واحدة بتدعم اقتصاد البلد ؟؟؟

 

ماهي الحكاية لو بالاهواء الشخصية والكيف والمزاج والحالة العاطفية نلغي بقى القوانين ؟؟؟

 

مش عارف لو بالمنظر ده يبقى فعلا  End of text

شارك هذه المشاركه


رابط المشاركه
شارك

12802994_550953718402282_352996775946202

مريهان حسين

 

صوت خلخال الرقاصه

بقي اعلي من صوت ال آآآآه

بعد الرصاصه ...

حقيقه )

شارك هذه المشاركه


رابط المشاركه
شارك

 

12802994_550953718402282_352996775946202

مريهان حسين

 

صوت خلخال الرقاصه

بقي اعلي من صوت ال آآآآه

بعد الرصاصه ...

حقيقه )

 

نفس اسلوبنا لما حصلت مشكلة الاطباء دخلنا في موضوع اخطاء الاطباء 

 

ودلوقت ميرهان حسين (انا معرفهاش بصراحه  eye:: ) هي اشتهرت بعد الواقعه ده ، هندخل في قصة انها مش محترمة وانها لامؤاخذه ونفس الاسلوب التقليدي المتبع ، هو حد قال ان ميرهان بتحفظ قرآن وبتبيع سبح .سبحان الله شعب متدين بطبعه

 

فعلا كل واحد مادام الحكاية بعيد عن دقنه يبقى خلاص

شارك هذه المشاركه


رابط المشاركه
شارك

نفس اسلوبنا لما حصلت مشكلة الاطباء دخلنا في موضوع اخطاء الاطباء 

 

ودلوقت ميرهان حسين (انا معرفهاش بصراحه  eye:: ) هي اشتهرت بعد الواقعه ده ، هندخل في قصة انها مش محترمة وانها لامؤاخذه ونفس الاسلوب التقليدي المتبع ، هو حد قال ان ميرهان بتحفظ قرآن وبتبيع سبح .سبحان الله شعب متدين بطبعه

 

فعلا كل واحد مادام الحكاية بعيد عن دقنه يبقى خلاص

 

 

حضرتك تقصد الأطباء

يالي زورولها التقرير الطبي ؟

شارك هذه المشاركه


رابط المشاركه
شارك

حضرتك تقصد الأطباء

يالي زورولها التقرير الطبي ؟

لا اقصد الاطباء لما اعتدى عليهم أمناء شرطة وفي الاخر بقى كل تركيزنا ع اخطاء الاطباء 

 

واقصد ان توفيق عكاشة عادي يقابل سفير اسرائيل ،ونستنتكر ان اي حد يقول كلمة في مؤتمر فيه اسرائيليين 

 

اقصد حاجه كده لامؤاخذه اسمها ازدواجية ،اسمها حرية ع الكيف ، حاجه كده زي المهلبية بتاعت المالكي 

 

حاجه اكبر بكثير من ميرهان ، وغادة ابراهيم اللي بتدعم صندوق تحيا مصر  :Thumbsup:  بالدعارة اللي اكيد الضباط عاملوها معاملة كويسة او خدوا اوفر منها  :razz: 

 

القصه لا هجوم ع الشرطة او غيره ، الحكاية ان كل ماحد يفكر او يوجه لوم لفئة نلاقي جري حسب المزاج نطلع سلبيات في الفئة ده 

 

الشرطة او الجيش او القضاء او الاطباء او المهندسين او اي فئة فيها اخطاء حرام لما نتكلم !!!

 

مش فاهم ايه المطلوب !!!

 

الشرطة تمام والقضاء والجيش وبقية فئات المجتمع وحشة وسيئة وفاسدة !! حلو كده يا استاذ باهي اتحلت ازمة الدولار كدة .؟؟ البطالة اتحلت ؟ السياحة رجعت ؟؟ ازمة المرور اتحلت ؟؟

 

مابقيتش فارقة ميرهان ولا صافيناز 

 

https://www.youtube.com/watch?v=z7B8PAfKV9Y

تم تعديل بواسطة herohero

شارك هذه المشاركه


رابط المشاركه
شارك

يا أستاذ وايت فى التقرير الطبى لها بيقول ان عندها سحجات فى (عضوها التناسلى) لامؤاخذه .. فهل ده شئ معقول او منطقي يعنى ان حد من افراد الكمين تجراءوا واعتدوا عليها فى المنطقه الحساسه دى !!!!!!؟  شوف انت بقى  الاصابات دى حصلت ازاى .. ولواعتدوا عليها زي ما بتقول  فمن حقهم كمان يضربوها بالنار  مدام هى قاومت ورفضت الانصياع .. وده شئ قانونى وبيحصل فى كل دول العالم .

 

اللواء أبو بكر عبد الكريم: واقعة ميرهان حسين على مكتب وزير الداخلية

563219cf21f1a256733_1446123982.jpg

الخميس , 3 مارس 2016 - 5:31 م - دسوقى عماره و إسلام محمد

أكد اللواء أبو بكر عبد الكريم مساعد وزير الداخليه للإعلام والعلاقات المتحدث الرسمي بوزارة الداخليه، أنه تم إعداد مذكرة بواقعة الفنانه مريهان حسين والمشاده التي حدثت بكمين المريوطية وتبادل الاتهامات مع الضباط لعرضها على اللواء مجدى عبد الغفار وزير الداخليه لاتخاذ قرار بشأنها وبيان ما إذا كان هناك تجاوز من الضباط أم لا.

وأضاف اللواء عبد الكريم، أن وزير الداخليه كان متواجدًا فى تونس أثناء الواقعه لحضور مؤتمر وزراء الداخليه العرب وعقب عودته أمس الأربعاء، تم إعداد مذكره بالتفاصيل لعرضها عليه لاتخاذ اللازم.

من ناحيه أخرى واصلت نيابة الهرم باشراف المستشار محمد أبو الحسب رئيس النيابة التحقيق فى واقعة ضبط الفنانة ميرهان حسين لاتهامها بالتعدى على افراد كمين بالمريوطية والقيادة في حالة سكر عقب قرار النيابة بإخلاء سبيلها بكفالة 5 الاف جنيه حيث توجهت الفنانة صباح اليوم الخميس، 3 مارس، إلى مصلحة الطب الشرعي لتوقيع الكشف الطبى عليها بعدما اتهمت ضابطي من قسم الهرم بهتك عرضها وطلبت النيابة من مصحلة الطب الشرعى بإرسال التقرير الطبى بكافة تفاصيله فى اقرب وقت ممكن.

وأكدت النيابة أن الاتهامات التى تم توجيهها لضابطى قسم الهرم باستعمال القوة وهتك العرض تعتبر وفقًا لقانون العقوبات جنائيه، وأنه إذا ثبت صحة ذلك سيتم إحالة الضباط لمحكمة الجنايات، كما أكدت النيابة أن الاتهامات الموجهة للفنانة وهي التعدي على موظف عام والسب والقذف والقيادة تحت تأثير الخمر تعتبر جنحه، وإذا ثبت صحة ذلك سوف يتم إحالتها لمحكمة الجنح.

كما أمرت النيابة بإشراف شريف رشاد وبسكرتاريه محمود سامي، إحضار كشف بأسماء القوة المرافقة لضباط كمين الهرم والذين شهدوا واقعة ضبط الفنانة واستدعائهم لسماع اقوالهم حول الواقعة.

كانت النيابة قد استمعت لأقوال ميرهان وأكدت في التحقيقات أنها لم تقم بالتعدي على أفراد الكمين فواجهتها النيابة بالفيديو الذى ظهرت فيه تقوم بالسب، فأكدت أن ذلك نتج عن رد فعل منها نتيجة قيام أفراد الكمين بالتعدى عليها وإهانتها وسبها بألفاظ تخدش الحياء العام وعند قيامهم باصطحابها للقسم قام ضابطىين بالتحرش بها، وإخراج ملابسها الداخليه من شنطة يدها ووصفها بالعاهرة.

وأضافت أمام النيابه أنهم هتكوا عرضها وأحدثوا بها إصابات وأنها شعرت بالاهانه الشديدة بعد التعدي عليها وكأنها مسجله خطر وليست مواطنه لها كل الحقوق.

وناشدت الفنانه المسئولين إعادة حقها وكرامتها التي أهدرها الضابطين في الشارع وفي قسم الهرم أمام قياداتهم الأمنيه والذين لم يتدخلوا لإنقاذها من السب والضرب والاهانه.

من جانبهم أنكر الضابطين واقعة التعدى والضرب، وأكدوا أمام النيابة عدم ارتكابهم الواقعة فقامت النيابة بصرفهم بضمان محل وظيفتهما.

وطبعاً بما ان العزيز "باهي الطائر الحزين" وضع لنا ما يثبت انها:

12802994_550953718402282_352996775946202

مريهان حسين

صوت خلخال الرقاصه

بقي اعلي من صوت ال آآآآه

بعد الرصاصه ...

حقيقه )

فنانة "مُتحررة" ... 

أذن فأى شئ سوف تقوله أو تشهد به وبناء على هذا "التقييم" .. هو تلقائياً فاسد وكاذب بالضرورة  لا يُعتد به، بعكس السادة البهوات الظباط فهم مؤكد الصادقين في أى مما يزعموه، حتى ولو ليس هناك أى أدلة على صدق روايتهم!!!

بالمناسبة أنا أتحدث من حيث المبدأ، وبصفة عامة ... ولا أقصد تلك الفنانة نفسها، أو هؤلاء الظباط تحديداً .... 

تم تعديل بواسطة White heart

شارك هذه المشاركه


رابط المشاركه
شارك

 واحدة "مبسوطة حبتين" وراجعة فى وش الفجر بتتطوح ...

شاهد عيان يكشف حقيقة تعاطي ميرهان حسين للخمور قبل الحادث

fdgfg.jpg

04 مارس, 2016 - ميرهان حسين

قال كريم مدحت، مساعد مخرج بأحد الأعمال الفنية أنه شهد الساعات السابقة للحادثة التي وقعت للممثلة ميرهان حسين.

ونشر مدحت تدوينة عبر حسابه الشخصي على "فيسبوك"، عرّف فيها نفسه كمساعد مخرج في مسلسل "المغني" الذي تشارك بالتمثيل فيه المذكورة.

وأوضح أن التصوير كان في منطقة "نزلة السمان" بالهرم، مساء الاثنين 29 فبراير، وأنها بدأت تصوير في الساعة 1:30 صباحًا يوم الثلاثاء 1 مارس، وتم الانتهاء من تصوير المشهد في الثالثة من فجر اليوم.

وتابع "طول الفترة اللي ميرهان كانت معانا فيها في التصوير- اللي هي تقريبا 5 ساعات ونص- ماشوفتش إنها عليها أي علامات للسكر أو حتى شيء يلمح من بعيد إنها بتشرب أي نوع من أنواع الخمور، اللي أنا شايفه عن ميرهان من خلال تعاملي معاها في التصوير إن ما في مرة شوفتها حتى ماسكة سيجارة وآخرها كوباية النسكافيه".

وأضاف "أنا كنت قاعد بشتغل على حاجة بالظبط قدام غرفتها اللي كانت بتجهز فيها وطلعت وقعدت معانا أنا وبعض أفراد من طاقم العمل وكانت في كامل وعيها وطبيعية جدا ولا يبدو عليها أي نوع من أنواع وقوعها تحت تأثير أي مخدر أو مشروبات كحولية، والفترة اللي صورت فيها مشهدها كانت برضه في كامل وعيها مع العلم إن المشهد كان حجمه صفحتين ما بينها وبين محمد مهران، وميرهان كانت حافظة المشهد تماما وعارفة راكوراتها كويس وواعية تماما لكل اللي حواليها واللي بيحصل".

شارك هذه المشاركه


رابط المشاركه
شارك

أبو محمد, في 04 Mar 2016 - 03:10 AM, كَتَبَ
لو كانت اتهاماتها للظابط صحيحة
يبقى اللى حصل حصل فى ساعة من الساعات اللى حضرتك بتقولى عليها دى

 

 
ما هو دا قصدي تمام   clp:: 

واقول للظابط ده عفارم عليك يا ابنى
يعنى واحدة "مبسوطة حبتين" وراجعة فى وش الفجر بتتطوح
تقتحم كمين وتصدم الظابط توقعه على الأرض
وبعدين تنزل عليه بسيل شتايم - سمعناها - أكثرها أدبا كلمة (من تلات حروف)
ومطلوب من الظابط الثبات الانفعالى وتحمل الإهانات ؟

 

 
صعب جدا الثبات الانفعالي في اللحظات دي...
و لو انه حصل مع ضابط ( ياسمين النرش ) كتر خيره ويا صبره يمكن لانه أكبر سنا ..
بس كل اللي شاف الفيديو كان نفسه هو اللي يرزعها ألمين  
 
يعنى لازم يبقى ملطشة عشان النحانيح بتوع الإنترنت والفيسبوك ؟

 

 
هما كل اللي ع الانترنت نحانيح .!! nrd: 
 
ترضيها حضرتك لإبنك ؟

 

 

لا ارضاها لابني ولا غيره  angl:: 

 

تلاتة بالله العظيم لو أنا لكنت جرجرتها الأول من شعرها ومسحت بيها الأسفلت
وقلعت الرتب الميرى وطز فى البدلة
وبعدين كنت روحت على ابوها وامها اللى ربوها - وانا جاررها من شعرها - واعمل معاهم نفس الشئ

 

 
يا جامد ... حظها حلو البنت  :thumbupwink: 

 وآه لو نحنوح فيسبوكى إنترنتى من اللى بيدافعو عنها وقع فى إيدى الساعة دى
 :)
وبعدين القانون ياخد مجراه .. ومرساه كمان

 

 
خلاص يا بيه ماحدش هيفتح بقه :shutup:  ولتذهب ميرهان للجحيم ظالمة او مظلومة  mc(: 

شارك هذه المشاركه


رابط المشاركه
شارك
 
White heart
طيب ما كدة يبقى قمة التناقض !  
 

 

 
 
أهلا :welcome:  بأبو قلب أبيض زي الفل  :flr1: 
 لو حضرتك شعرت انك انسان متناقض تبقى انسان طبيعي 100%  :dance: 

صعب تلاقي انسان :old:  ثابت على مبادئه طول الوقت 

 

 
وممكن ووارد جداً كمان أن الــــواحـــــــــد دة - حضرته وسعادته -  لو كان من النوع "الطاووس" فرحان ومتباهي بجمال خطوته، وطلته البهية بألوان ريشه وسط غربانه .. ويا أرض انهدي ما عليكي قدي، وفي ساعات الفجر الأولى، تُقع تحت ايده "مُزة" بعد ساعات وردية مُملة أو رتيبة، ويكون حضرته <<< حــــــابـــــــب >>> يتسلى، ويكسر ملله أو رتابة الوقت، او أى سبب كان خاص أو شخصي ... وآهو يبقى ضرب أكتر من "عصفور" بحجر واحد (كسر حالة ملل حضرته + أمن البلد!) ... وطبعاً "المتهم" هنا .. اللي هو المفروض انه برئ حتى تثبت إدانته (القانون يجب أن ياخذ مجراه)، واللي مطلوب تمرير انه هو اللي "إستفز" اولاً حضرة وسعادة "الباشا" ... وبالتالي يحقله جنابه أنه "يفش غله" .. وحسب نوع "الصيدة" اللي قدامه ... لو ذكر ... يبقى قلمين وشالوطين ... ولو أنثى .. يبقى <<< دوبل!!!>>> يعني قلمين وشالوطين، علاوة على "فُرصة" تفتيش شنطتها وإخراج أى شئ "خاص جداً" ويتم فضحها والتشهير بيها وسط أمة لا اله الا الله .. وسبها وشتمها وتضريسها، و"فرصة" كمان يمد ايده ويتحرش بيها ويهتك عرضها .. ولو كان "المُتهم" وهى هنا في حالتنا أنثى ... (اللي هو المفروض انه مازال برئ حتى تثبت إدانته وبواسطة قاضي، وعقابه كذلك يكون على يد قاضي وفي محكمة وبعد إجراءات القانون الذي يجب أن يأخذ مجراه) اذا كان من النوع "الحامي" ... وإنتفض لكرامته وشرفه، وكان من النوع "القبيح" ... فهو <<< وحده >>> المُذنب بالطبع

 

شوف يا عزيزي انا ما اعرفش الضابط دا كان من النوع
الطاووس :pasha: و لا اللي عاوز يتسلى مع مزة نص الليل :oldman: ولا كان بيؤدي واجبه بضمير  :smart: 
يعني ما أعرفش مين الجاني ومين المجني عليه !!
وما اعتقدش ان حضرتك كمان تعرف ...
لكن اللي شوفناه قدامنا في الفيديو بيقول ان البنت دي حلال فيها التلطيش . و اما طلعت من الحجز على برنامج وائل الابراشي مباشرة كانت زي القردة و صاغ سليم ولا فيها أي حاجة 
لو نفس الموقف دا حصل مع بنت تانية مهذبة و بنت ناس واتعاملت
مع الضابط باحترام كنت هلوم ضابط الشرطة انه نزلها من عربيتها نص الليل
وما اعتقدش انه كان هيعمل كدا معاها .. ما احنا بنمر على كماين  :stop:  ولا فيه اي مشاكل .  :Laie: 

شارك هذه المشاركه


رابط المشاركه
شارك

 

 
 
ما هو دا قصدي تمام   clp:: 
 
 
صعب جدا الثبات الانفعالي في اللحظات دي...
و لو انه حصل مع ضابط ( ياسمين النرش ) كتر خيره ويا صبره يمكن لانه أكبر سنا ..
بس كل اللي شاف الفيديو كان نفسه هو اللي يرزعها ألمين  
 
 
 
هما كل اللي ع الانترنت نحانيح .!! nrd: 
 
 

 

لا ارضاها لابني ولا غيره  angl:: 

 

 
يا جامد ... حظها حلو البنت  :thumbupwink: 
 
 
خلاص يا بيه ماحدش هيفتح بقه :shutup:  ولتذهب ميرهان للجحيم ظالمة او مظلومة  mc(: 

 

 

أشكرك يا فندم .. واضح إن حضرتك من النوع اللى ما يعجبهوش الحال المايل

وده النوع صاحب "الأقلية" فى المناخ السائد "المفروض علينا"

 

الفيديو شوفناه بعنينا وسمعناه "بوداننا"

إنما اللى بيتريقوا على "المبرراتية" بيستشهدوا بشهادة "شاهد ما شافش حاجة"

عندما كان يدلى "بشهادته" امام وكيل الحريقة وائل الإبراشى

وكان شاهد "حريف" لأنه عندما سئل عن الفيديو قال "بكل حرفنه"

ما اقدرش أعوِّل على الفيديو لأنه "جايز" يكون مقتطع من السياق

:clapping:

ياواد يا لاعيب

 

هما كل اللي ع الانترنت نحانيح .!! nrd:

 

 

لأ طبعا مش كلهم

فيه مبرراتية .. مطبلاتية .. عبيد بيادة .. استخار واختار فشة أو ممبار

 

لكن اللي شوفناه قدامنا في الفيديو بيقول ان البنت دي حلال فيها التلطيش . و اما طلعت من الحجز على برنامج وائل الابراشي مباشرة كانت زي القردة و صاغ سليم ولا فيها أي حاجة

 

 

:not convinced:

هو انتى ما شمتيش ريحة البول اللى كانت على هدومها ؟

ده اشرف زكى بذات نفسه "شهد" إنهم رموا عليها جردل بول

طبعا مع خالص التحية "للشاهد" أشرف زكى "المتعاص"

شارك هذه المشاركه


رابط المشاركه
شارك

التونسي كتب 

 
أحيي حضرتك على شجاعتك فى التصريح بشعورك ده لانه كان نفس شعوري تجاه ميريهان بس مجتليش الجراءه اصرح

 

 
 
حضرتك ولا تخلي في نفسك حاجة ... احنا موجودين نصرح  :Thumbsup: 
 
وعلى فكره والله الشلوطين دول على الألمين فى مصلحتها عشان يفوقوها ويدوها درس ويعرفوها انها مش عشان فنانه و(مُزه) تدوس على اى حد و تبقي فوق القانون

 

 
للأسف انها فعلا علشان فنانة طلعت بسرعة من الحجز لو اي حد تاني انسى 
ومع كدا بتدعي انها علشان فنانة اتعاملت معاملة سيئة
اما انها مزة فدا مش صحيح انا اتصدمت بشكلها بدون ميك اب واحدة تانية خالص  :butterfly: 
 بس يارب تفوق

شارك هذه المشاركه


رابط المشاركه
شارك

...على فكره والله الشلوطين دول على الألمين فى مصلحتها ...

كلما تعمقنا في الحوار يا عزيزي .. كلما تأكد لي حقيقة كيف ان "الفرعون" (أى فرعون) لا يولد فرعون ويُصبح بعدها آله فقط بواسطه أبويه وأهله .. وانما هناك من العامة من يشاركون وغالباً - تطوعاً - في صناعته، وللأسف التاريخ يُحدثنا انه متى أصبح آله ... فبعدها من الصعب ان لم يكن من المستحيل أعادته الى حالة حتى فرعون فقط ..

وهو آله .. ليس بحاجة الى "عزيز" ... الجميع بلا إستثناء هم عبيده يدورون في فلكه ... حتى هؤلاء من صنعوه أنفسهم، ظناً منهم انه سيصير لهم سنداً وعوناً وحماية، وربما آداة لــ "فش الغل" والتنفيس، والتشفي، وربما أيضاً آداة بطش وتحكم في آخرين أى كانوا ... هذا الآلة لن يتردد ولو للحظة أن يجور عليهم، ويسحقهم سحقاً ولأى سبب كان يتراءى له مٌستقبلاً ... او متى يحين دورهم !!!

شارك هذه المشاركه


رابط المشاركه
شارك
herohero,كتب
يعني غادة ابراهيم اللي كانت رئيس مجلس ادارة شقق دعارة اتعاملوا معاه بقلة أدب !!! اكيد لا لان ده مواطنة مصرية طانت بتدعم اقتصاد البلد

 

 
احنا ما نعرفش اتعاملوا معاها ازاي !!
ويمكن ما تكونش اتطاولت على اي ضابط فاضطروا يعاملوها بأدب
لكن يكفي نظرات الاحتقار في عيونهم  :walkytalky: 
 
شوفي حضرتك محدش يقدر يحكم ع تجربة الا لما يمر بيها

 

 
مظبوط لكن انا متأكدة انها تجربة مرة جدا ومش اي انسان يقدر يتحملها :hithead: 

يعني مثلا رئيس مباحث قسم ثاني شبرا الخيمة اللي اتقتل غدرا ،سبحان الله من شهر كان ف مواطن منزل استغاثة لوزير الداخليه بيقول انهم خدوا مراته وبنته لحد ما ابنه يجي !!! هم رايحين يقبضوا ع الابن مالقهوش خدوا الام والبنت !! وبيشتكي من ظلم رئيس المباحث 
شوفي الدنيا صغيره ازاي ، كل مظلوم له رب اسمه الكريم    

 

 
انا سمعت كتير عن حوادث مشابهة ..
ورافضة تجاوزات الشرطة ومن المنادين بتطهيرها ومع ذلك انا بتكلم عن الحالة اللي قدامي
ومش ناسية ولا حد ناسي ان ثورة 25 يناير كانت بسبب تجاوزات الشرطة 
ومع ذلك التعميم غلط كبير.
     

شارك هذه المشاركه


رابط المشاركه
شارك

 

 
 
احنا ما نعرفش اتعاملوا معاها ازاي !!
ويمكن ما تكونش اتطاولت على اي ضابط فاضطروا يعاملوها بأدب
لكن يكفي نظرات الاحتقار في عيونهم  :walkytalky: 
 
 
 
مظبوط لكن انا متأكدة انها تجربة مرة جدا ومش اي انسان يقدر يتحملها :hithead: 
 
 
انا سمعت كتير عن حوادث مشابهة ..
ورافضة تجاوزات الشرطة ومن المنادين بتطهيرها ومع ذلك انا بتكلم عن الحالة اللي قدامي
ومش ناسية ولا حد ناسي ان ثورة 25 يناير كانت بسبب تجاوزات الشرطة 
ومع ذلك التعميم غلط كبير.
     

 

fr1::

إيه ده ؟ .. يعنى ما عندكيش خلاط ؟

شارك هذه المشاركه


رابط المشاركه
شارك

ابو محمد كتب :

هو انتى ما شمتيش ريحة البول اللى كانت على هدومها ؟

ده اشرف زكى بذات نفسه "شهد" إنهم رموا عليها جردل بول

طبعا مع خالص التحية "للشاهد" أشرف زكى "المتعاص"

 

 

أنا شاهد ما شمش حاجة  mf) 

 

مش عاوزين نظلم البنت ولا أشرف ذكي 

 

هيحصل تحقيق و المستخبي هيبان 

 

وعلى الجميع أن يخضع للقانون  :angrycop: 

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • الشرطة السويدية واختطاف أطفال المسلمين!

      الشرطة السويدية واختطاف أطفال المسلمين! القضية المثارة على مواقع التواصل الاجتماعي واليوتيوب بخصوص خطف الشرطة السويدية لأطفال من عائلاتهم المهاجرة مليئة بحكايات غير صحيحة وفبركات، خاصة الذين قالوا بأن الشرطة السويدية تختار الأطفال المسلمين. أنا أعيش في اسكندنافيا منذ 46 عاما، ولي أطفال وأحفاد ولم أسمع عن حكاية واحدة  تُنفذّ فيها الشرطة أوامر الدولة بعد تقارير من مكاتب الضمان الاجتماعي، فالحكاية باختصار تنطلق من سوء معاملة اللاجئين لأطفالهم في بلاد لا تتهاون مع ضرب الطفل وإهانته ومنعه من ح

      في المغتربين المصريين - egyptian expatriates

    • عقل رقمي للدولة المصرية

      الرئيس يعلن عن انشاء "عقل" للدوله المصرية بتكلفة 25 مليار جنيه بالعاصمه الاداريه الجديدة فى مكان مؤمن تماماً وعلى عمق 14 متر تحت الارض  توضيح : عقل رقمى للدولة المصرية  قاعده بيانات عملاقه موجوده فى مكان سري مؤمن تحت سطح الارض بالعاصمه الجديدة  قاعده بيانات فيها كل بيانات المصريين كل البيانات الحكومية ، عقل ذكى قادر على التحليل واخراج النتائج و اعطاء المقترحات  وهيكون فيه عقل اخر بمكان اخر على سبيل الاحتياط وهيكون لكل محافظه عقل مماثل على شكل اصغر العقل هيتم اطلاقه منتصف

      في موضوعات جادة

    • متى نقوم بتحنيط الصحافة المصرية؟

      متى نقوم بتحنيط الصحافة المصرية؟ تمر الصحافة المصرية، الورقية والإلكترونية، بحالة مرض لغوي أضحتْ به سقيمة المعنى، فقيرة اللغة، متهالكة الأسلوب، حتى بدا قاموسُها لا يحتوى على أكثر من عشرات من الكلمات لا تنضم إليها مفردة جديدة، ولا تساندها جملة سليمة، ولا تدعمها إضافات أو محسّنات أو.. بيانات بديعية. عشرات من " كبار" الكــُتــَّــاب أعيد الآن قراءة ما يبسطونه، ويفرشونه، وينثرونه على صفحات الصحف والمجلات، أونلاينية أو مطبعية، فلا أعثر علىَ فارق في الأسلوب واللغة والمفردة ما بين كتاب عقد أو

      في المغتربين المصريين - egyptian expatriates

    • هكذا تبصق المصرية على خمسة آلاف عام!

      هكذا تبصق المصرية على خمسة آلاف عام! بحثتُ عن بدء عصر النهضة في مصر فوجدته قد تبخر في الهواء، ولم أشاهد أثرا واحدا للطهطاوي وقاسم أمين وعلي مبارك والشيخ محمد عبده. خطوت عدة خطوات للأمام فلم أعثر على الدكتور طه حسين والعقاد والمازني ولويس عوض والدكتور حين فوزي والدكتور جمال حمدان والدكتور عبد الوهاب المسيري! قلت لعل المرأة المناضلة تركت أثرا في شقيقاتِ من حملن شعلة النور فلم أتبين ملامح هدى شعراوي وميّ زيادة وملك ناصف وصفية زغلول، ولم أجد أي أثر لمسيرة النضال والحرية وكرامة المرأة،

      في المغتربين المصريين - egyptian expatriates

    • الجنسية المصرية لأبناء الأم المصرية

      جريدة الاهرام ...بتاريخ 23/9/2003 وزارة الداخلية تبدأ قبول طلبات أبناء الأم المصرية لمنح الجنسية لمن تنطبق عليه الشروط بدأت مصلحة الجوازات والهجرة والجنسية بوزارة الداخلية قبول الطلبات من أبناء الأمهات المصريات للنظر في منح الجنسية لمن تنطبق عليه الشروط من هؤلاء الأبناء‏.‏ ومن المتوقع أن يستفيد من ذلك عدة آلاف من أبناء المصريات‏.‏ وصرحت مصادر مسئولة لمندوب الأهرام أحمــد موســي بأن العديد من السيدات المصريات المتزوجات من أجانب تقدمن بأوراقهن إلي إدارة الجنسية بمجمع التحرير‏,‏ وتتضمن المستندا

      في الأسرة و الطفل

×
×
  • اضف...