اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
itsme_1666

ايهما أذكى المرأة ام الرجل؟؟؟؟؟؟؟؟

Recommended Posts

صباح الخير عليكم :)

ياااااااا أخ هام هام ....يا اخ هام هام

توضيح بسيط كده لحضرتك إذا سمحت لى  يعنى!!!!!!!! ???

صورة زمان الى ترسخت وتعمقت وترسبت داخل حضرتك والى فيها تتجسد ضعف المرأة وتظهر قوة الرجل المفتول العضلات  يغطى جسمه الشعر اشبه بطرزان بطل الافلام الأمريكية وقد طرح المرأة ارضا ..وسحبها خلفه ..ممسكا بشعرها بيده اليسرى و باليد الاخرى عصا غليظة  هذه الصورة كانت زمان بكل ما توحى من معنىىىىىى

ولا احد من الاخوة الرجال يستطيع ان يدعى انه لم ير هذه الصورة....

اسمحوا لى ان اذكر لكم ايضا ان بالرغم من  قدم هذه الصورة إلا ان  هذا الاعتقاد الراسخ  بقوة الرجل و تفوقه على المرأة مازال  شائع حتى الآن  بالرغم من كونه  قائما  اساسا على  التوهم بأن القوة والضعف يحددهما بنية الجسد و قوته ..فى حين ان الابحاث العلمية تؤكد عكس ذلك ...

طيب هأقولكم على حاجة ..تعرفوا بقه ان الرجل المفتول العضلات  ده  فى بعض الاحيان بيخاف  من المرأة  لانها بتستخدم ذكاءها مش عضلاتها   وده مش كلامى على فكرة ده كلام بعض المحللين النفسيين

يخاف الرجل من المرأة من ان تزاحمه فى مجال العمل فكثيرا ما نسمع الآن عن مصطلح سيدة اعمال   وكثيرا ما نسمع  فى الريف عن عائلات كثيرة تعولها المرأة الريفية

فما يخيف الرجل  يكمن فى تهديد مكانته و نزع سيطرته  و التقليل من اهمية إدارته لنواح كثيرة من الحياة

يخشى الرجل ان تستغنى المرأة عنه إذا تيسر لها الاستقلال المادى  فبرغم حاجة المرأة للرجل إلا ان حاجته لها اكبر وهذا ما يولد لديه إحساس بالخوف من فقدانها  وبرده ده مش كلامى انا  :sneaky2:

ايضا يخاف الرجل فى بعض المجتمعات  التى  يضعف فيها الايمان وتكثر فيه الدجل والشعوذة من ان تلحق المرأة به خطر جسيما  فى صور شتى و من اهمها و اخطرها فى ذهن الرجل  ربطه جنسيا

يعنى إذن القوة ليست بالعضلات يا اخ هام هام

,وكما ا ذكر الاخ freefreer و الاخ متسائل

للمرأة انشطة   بيولوجية من حمل وولادة تعكس ما فى المرأة من قوة وجلد وليس

ضعف ووهن ..

اما عن  إستخدام ذكاءها فى منع الفتور ان يتسرب لحياتها الزوجية قبل ان يؤدى الى الإنفصال او الطلاق فأنتم  خير من يعلم طبعا ان  المرأة والرجل فى شراكة حياتية  منذ ان  اصبحا فى بيت واحد...فبالقدر الذى تستخدم فيه الزوجة ذكاءها للحفاظ على البيت من الانهيار مطلوب من الرجل قدر مساوى لمراعاتها وجدانيا ونفسيا وإهتمام بالحفاظ على بهجة ودفىء  الحياة ...فى إعتقادى المسؤلية تقع على الطرفين وإذا انهار ت العلاقة بين الرجل و المرأة فأنا على يقين ان المرأة استخدمت كل ما لديها من ذكاء للحفاظ على البيت والاسرة ولكن دون جدوى... :th:

أما بخصوص الجدعنة ....انا اسمعهم برده بيقولوا ان الست ده جدعة وبميت راجل....يعنى فيه ستات جدعان برده مش بس الرجالة ...

ملحوظة

-اشكر الاخ سيد مرزوق على تحيتى  وقد اخجلتم تواضعنا يا فندم والله...وفى

إنتظار مداخلات حضرتك ... :colgate:

شارك هذه المشاركه


رابط المشاركه
شارك

طبعا الأخت اتس مى-1666 ( يعنى أنا هوه واحدة من الستات) .. أستغلت التصريح بتاعى أسوأ استغلال .. طبعا أنا لا اقصد المرأة أقوى من الرجل عضليا ..  :)

أقصد ان ربنا سبحانه و تعالى .. أعطى الرجل قوة .. وضع داخله نقطة ضعف تجعله يسعى الى المرأة .. و أعطى المرأة ضعفا عضليا .. و جعل داخلها نقطة قوة .. تجعلها ( تقيلة ) .. فى السعى الى الرجل

و هذه حكمة الخالق فى دفع الناس للتعامل مع بعضهم البعض

و هكذا فالرجل يسخر قوته العضلية فى حماية المرأة .. و تكون المرأة قد فازت بالجمال و القوة العضلية المسخرة لها ..

وجلست تقزقز .. و تتهكم على الرجل و تطلع فيى القطط الفاطسة :angry2:  :angry2:

شارك هذه المشاركه


رابط المشاركه
شارك

اخ  freefreer

معلش حقك علينا ... عموما انا  ما بعدتش كتير لما قلت ان المرأة فى تحملها للعديد من الالام  يعكس قوة وجلد قد وهبهما الله لها ..وحضرتك من ناحية  اخرى وضحت ان    قوة الرجل تكون مسخرة لخدمة المرأة وحمايتها ..وده كلام جميل برده

و اقولكم على حاجة!!!! مداخلة حضرتك يا اخ فرى  لها علاقة بموضوع كنت قد قرأت  عنه وده تأكيد لكلامك  تأكيد كبير  ومناقض لفكرة الاخ هامهام الذى يعتمد فى كلامه  عن القوة على العضلات .... :sneaky2:

الموضوع هو عن كليوباترا مصر الذكية الاسطورة والتاريخ

فالمعروف ان كليوباترا هي آخر الملوك الذين حكموا مصر القديمة، قبل أن تسقط تحت سيطرة الرومان منذ حوالي ألفي سنة. . ورغم أنها ماتت قبل بلوغها الأربعين من عمرها فإنها أصبحت أكثر ملكات العالم القديم شهرة لقدرتها على السيطرة على قلوب الرجال وعقولهم. وهي اشتهرت في الأساطير الدرامية بسبب حبها ليوليوس قيصر ثم زواجها من خليفته مارك أنتوني (مرقص انطونيوس) وكتب عنها شكسبير مسرحيته الشهيرة «أنتوني وكليوباترا»،

كانت كليوباترا في آخر دولة الملوك البطالمة (البطالسة) التي خلفت الاسكندر المقدوني فى حكم مصر حوالي ثلاثة قرون من الزمان. ولا شك أن كليوباترا هي أشهر ملكات العالم القديم على الإطلاق، إذ جمعت بين  الذكاء والفتنة وأوقعت اثنين من أهم القادة الرومان في حبها، واستطاعت أن تجلس على عرش الإسكندرية وتمد حدودها إلى قبرص وسورية وفلسطين. بل إنها كادت تهزم إمبراطورية الرومان وهي بعد في عنفوانها، وهذا لأن العشاق لا يفقدون فقط رؤوسهم في مواقع القتال بل في الغرام ايضا .

.  :lookaround:  :lookaround:  :)

آهى كليوباترا آهى لا عندها عضلات ولا شنبات ....كان عندها بس  ذكاء  هزمت بيه إمبراطوريات  ....يبقى مين الاقوى بقه؟؟؟؟ الى عنده مخ والا الى عنده عضلات؟؟؟؟ :th:  :th:  :th:  :th:

شارك هذه المشاركه


رابط المشاركه
شارك

الأخت إتس مي

كليوباترا هي أشهر ملكات العالم القديم على الإطلاق، إذ جمعت بين  الذكاء والفتنة وأوقعت اثنين من أهم القادة الرومان في حبها، واستطاعت أن تجلس على عرش الإسكندرية وتمد حدودها إلى قبرص وسورية وفلسطين. بل إنها كادت تهزم إمبراطورية

أنا موافق على أن يكون إسم رئيس الجمهورية القادم   زينات , هيام , علية .... إلخ بشرط أن توقع شـــارون و نيتن  يــا هو  فى شباك حبها  وبذلك يبداء التنافس الدامي بينهما و نخلص منهم  .

تحياتي

شارك هذه المشاركه


رابط المشاركه
شارك

انا  مش موافق على الموضوع ده. هو إحنا ناقصين مش كفاية تحكمات فى البيت  :(

الاخت اتس مى . كليوباترا ده كانت فلته وكمان انا اسمع انها كانت حلوة قوى. يعنى تجمع بين حلاوة الشكل والروح ورجاحة العقل والدهاء. هل يوجد  إمرأة هذه الايام تجمع بين كل هذه الصفات.

شوفى ... يا ستى ...الست المصرية الذكية العاملة والمضحية والمكافحة  تركت فى غفلة من امرها ريشة  الكفاح تلون واجهة حياتها الزوجية فى خضم ركض يومى  متباين الصور متشعب الدروب  وتنكرت لآهات القلوب  وتنهيدات الصدور وتوهج الوجدان  ...روتين عمل اولاد غسيل  طبيخ .طبعا ما عندهاش وقت تعيد اكتشاف  مشاعر الزوج و توقد فيه قناديل الوجدان ...ماعندهاش استعداد إنشاالله تولع والا تطفى مش مشكلتها

بتقولى انها عندها ذكاء عاطفى مش كده ؟ماكنش حصل مشاكل ابدا

بتقولى عندها ذكاء فكرى ومنطقى ؟كنا شفناها فى مواقع قيادية  كتير.

انا اتفق معاكى لو قلتى احلى  اجمل الذ ماشى لكن غير كده اسمحى لى لأ

ملحوظة .انا معاكى ان الست ماباقتش ضعيفة وتنجر من شعرها زى ما طرزان كان بيعمل و زى ما قلتى.. ده لسبب واحد انها بقت تقص شعرها الاجرسون او كاريه   :P

او.... او.... مش عارف اسماء القصات الغريبة الى انتم بتعملوها ده.عموما  ده رأى شخصى  والاختلاف فى الرأى  لا يفسد للود قضية......

شارك هذه المشاركه


رابط المشاركه
شارك

اخ هام هام يااااااا اخ هام هام  ياااااااااا اخ هام هام

عندى شوية اسئلة صريحة جدا  من فضل حضرتك تجاوبنى عليها ؟؟؟؟؟ :sneaky2:  :sneaky2:

1- حضرتك عندك كام سنة؟؟ :sneaky2:

2-  بتشتغل ايه؟؟ :sneaky2:

3- حالتك الاجتماعية طبعا متجوز  بس كام؟؟؟؟ :sneaky2:

4-جنسية زوجتك او جنسياتهن إيه؟ بمعنى صعايدة والا اجانب ؟ :D

5- برج حضرتك ايه؟  :sneaky2:

6- عايش فين؟؟؟

بسسسسسسس خلاصصصصصصصصصص  :th:  :th:

شارك هذه المشاركه


رابط المشاركه
شارك

أعتقد الأخ همهم غير متزوج

عشان بيتكلم براحته ومش خايف

بس هو طيب وقلبه أبيض

Edited By ragab2 on May 19 2002 11:50am

شارك هذه المشاركه


رابط المشاركه
شارك

بل الأخ hammham رجل مجرب.. و أنا أحييه على هذا "الملخص المبين عن حياة الزوج المسكين"  :D

و أتفق معاه في كون المرأة لذيذه و حلوة.. مانستغناش  :colgate:  لكن موضوع الذكاء المنطقي ده آخر حاجة تتكلم عنها المرأة.

Edited By متسائل on May 20 2002 3:23pm

شارك هذه المشاركه


رابط المشاركه
شارك

يا جماعة يا جماعة ....ادولوا فرصة يتكلم....ها اتفضل يا اخ هام هم ....وإذا اتأخرت فى الرد  يمكن  اضرب الودع   و استخدم ذكائى واخمن الإجابات عن اسئلتى الهامة جداااااا

:sneaky2:

فى إنتظار الرد و من غير إحراج  :th:

شارك هذه المشاركه


رابط المشاركه
شارك

يا أخ هام هام .. أوعى تجاوب على هذه الأسئلة الأستدراجية ..  :D  يهدف نحديد موقعك .. و التعامل مع الهدف  :D حاكم دوا ايديهم طايلة .. :D

العبن غيرها .. كان غيركن .. أشطرن ( مس بتتقال كده؟ ) ..  :D  :D

شارك هذه المشاركه


رابط المشاركه
شارك

:cool:  :cool:  :cool:

ما حدش يقلق عليه انا عارف اتصرف إزاى فى المواقف الى زى ده وحط فى بطنك بطيخة صيفى يا فرى باشا.

الاخت العزيزة إتسمى:

اسئلتك صريحة وبسيطة وليس بها اى إحراج بالمرة

 :(  :( وانا هأجاوبك عليها حالا

اولا عندى كام سنة؟انا عمرى لا اقيسه بالسنين لاننى أؤمن بأن  الاجسام تهرم  بينما تتأجج العواطف ويزداد العقل وعيا وإدراكا بتقدم العمر.ثم ان لا يوجد سن يأس لدى الرجل    .

ثانيا بأشتغل إيه؟انا شاعر...شاعر خالص

ثالثا انا احى فيكى ذكائك لانك عرفتى انى متجوز و اكتر من واحدة وعلشان انا بدأت اقتنع بموضوع ذكاء المرأة ده  اترك لك تخمين الاجابة على السؤالين الى بعد كدة.

السؤال الأخير  إجابته انى مش عايش فى مصر  ولو كنت عايش فيها كان بقى ده حالى ؟

انتظر ردك  وشكرا لك

شارك هذه المشاركه


رابط المشاركه
شارك

ممممممممممم الاخ هامهام !!!!!! حضرتك بتشتغل شاعر؟؟شاعر بإيه حضرتك دلوقتى ؟؟ :th:  يعنى إنت  احسن والا لسة شاعر؟؟؟

ما كل واحد فينا شاعر يا اخ هامهام  و ما بنشتكيش خالص يعنى؟؟؟؟ :D

المهم انا شايفة تهرب طبيعى من الاجابة على اسئلتى ولكن انا حبيت اوضح ان اسئلتى لها مدلول علمى ...يعنى انا اعتقد ان حضرتك كده فوق الخمسين مستريح..ليه بقة ؟؟ لان الرجل كلما تقدم به العمر كلما زادت   إحتياجاته  العاطفية   :0

يبدأ بالشكوى من الزوجة المهملة له من هذه الناحية مع انها  معاه بقى لها اكتر من ربع قرن.. :sneaky2:

:inlove:

اما سبب اسئلتى الباقية اقولها لكم  فيما بعد ;)

شارك هذه المشاركه


رابط المشاركه
شارك

و هل معنى ذلك أن المرأة كلما تقدم بها العمر، عجزت عن تلبية الاحتياجات العاطفية للرجل؟

هذا معنى كلامك با أخت إتس مي.   :dozingoff:

Edited By متسائل on May 21 2002 6:42pm

شارك هذه المشاركه


رابط المشاركه
شارك

هو مش كلامى انا بالتحديد يا اخ متسائل لكن علميا معروف ان للمرأة سن يتغير فيه  مستوى بعض الهرمونات  وبعض كمياء جسمها مما يسبب ذلك لها إضطرابات فى الحالة المزاجية والنفسية والعضوية وهو  ما يسمى بسن اليأس ..اما الرجل عندما يتقدم به العمر فهو يتحسن مزاجيا و عاطفيا ويجد فى السن المتقدمة الوقت  للإهتمام  بأشياء كثيرة لم يكن ليجد الوقت الكافى لها فى  سن الشباب ..و مش بس كده وفي سن الشيخوخة يبدأ حجم المخ في التناقص عن الرجل أسرع من تناقص حجم المخ عند المرأة . والغريب أن الرجل يصبح مشاكسًا أكثر كلما نقص حجم دماغه ، في حين يظل مخ المرأة يعلم بكفاءة نسبية أفضل لأنه يتقلص بنسبة أقل .. ولعل ذلك هو السبب في أن الرجل يموت دائمًا قبل زوجته ، إلا في حالات نادرة ، حين يقتل الرجل زوجته ، ويظل على قيد الحياة فترة من الوقت .. قبل أن ينفذ فيه حكم الإعدام .

:th:  :lookaround:  :D

المعروف كمان  ان كثيرًا ما تشكو المرأة قائلة : إن زوجي لا يفهمني ولا يعترف بذكائى فى ترتيب امورى والقيام بها على اكمل وجه  ، ولا يستوعب كيف يمكنني التوفيق بين عملي خارج البيت وداخله ، ولماذا لا أنقطع عن الكلام ، وكيف أستطيع بسهولة أن أتذكر أسماء أشخاص التقيناهم مصادفة منذ سنوات .العلماء يفسرون الاختلاف في طريقة التفكير بين الرجل والمرأة بأنه نتيجة للاختلاف في استخدام المخ وتشغيله.. الرجل حين يركز تفكيره في العلم تضيء مناطق محددة من خلايا مخه ، أما التركيز عند المرأة فيحتاج إلى إضاءة خلايا أكثر عددًا ، بدليل أن الرجل حين يركز تمامًا على شيء ما لا يستطيع ملاحظة  أي شيء غيره ، فعندما يستغرق الأزواج في مشاهدة مبارارة لكرة القدم على شاشة التلفزيون لا يسمعون صراخ أطفالهم ، أو صوت جرس التلفون الذي يرن إلى جوارهم !

بينما تصرخ الزوجة وتنشال و تنحط  ولا حياة لمن تنادى

وفي مجال التعبير عن المشاعر ، يميل الرجل إلى التصرفات الجسدية ، في حين تلجأ المراة إلى تكتيكات كلامية ؛ فاللجوء إلى الضرب كتعبير عن الغضب هو من سمات النظام العصبي في مخ الرجل ، أما عندما تعبّر المرأة عن غضبها بالكلام فهذا التصرف هو من خصائص النظام العصبي الأكثر تطورًا الذي يتمتع به مخ المرأة .. على حد قول علماء المخ والأعصاب

  ;)  :D  :D  :D  :D

شفتم بقه ماجبتش حاجة  انا من عندى؟؟؟؟؟

وبخصوص الاخ هماهام انا متأكدة ان حضرتك متزوج واحدة فقط على الاقل دلوقتى ..يمكن كان فيه قبل  كده الله اعلم لكن من  خلال مداخلات حضرتك واضح جدااااااااااا المعزةةةةة الكبيررررة للزوجة والى  تمنعك من مجرد التفكير من تكرار التجربة الاليمة.....

واعتقد انها مش مصرية كمان لان الست المصرية حنينة ولطيفة وجميلة ومتعاونة ولذيذة وشاطرة  وذكيةةةةةة جدااااااااا وعمرها ما توصل جوزها للخروج عن اعصابه ابدا  ابدا ومهما عملت ففى الآخر يذكر لها الزوج لحظات طيبة وجدعنة كتير ...وده الى انا لم المسه فى مداخلاتك....

صح الكلام والا  لأ

:th:  :sneaky2:

شارك هذه المشاركه


رابط المشاركه
شارك
لان الست المصرية حنينة ولطيفة وجميلة ومتعاونة ولذيذة وشاطرة  وذكيةةةةةة جدااااااااا وعمرها ما توصل جوزها للخروج عن اعصابه ابدا  ابدا

:D ;) :D :D :D

أنا حافترض إنك بتهزري.. علشان مانزعلش من بعض  :D

كلامك تمام فعلا و كثير منه مذكور في كتاب "Men, Women and relationships - Men are from Mars, and Woemn are from Venus"

لكن نهاية الكلام عن المرأة المصرية، كانت عاطفية "شويتين". :D

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • تغطية وجه المرأة حرام .. حرام .. حرام!

      تغطية وجه المرأة حرام .. حرام .. حرام!النقاب وتغطية وجه المرأة أذكى عمل قام به إبليس شخصياً باسم السماء، فتطيع به المرأة الشيطان وتظن أنه الله!كيف تمكن الرجل في أكبر عملية دجل وتزوير وتحريف الكلم عن مواضعه أن يقنع الحمقىَ أنَّ تغطية وجه المرأة فضيلة، وأوامر إلــَـهية، وتوجيهات إسلامية؟دعاة النقاب والخمار وتغطية وجه المرأة يفتحون الباب، عن جهل أو قصد، لكل أنواع الرذيلة، فضلا عن أن تغطية وجه المرأة، نقابا أو خماراً، معصية صريحة لأوامر العلي القدير الذي قال ( يا أيها الناس إنا خلقناكم من ذكر وأنثى

      في المغتربين المصريين - egyptian expatriates

    • الرجل يحتاج يوميا الى ٢٤ "حضن" حتى يتزن و يبدع .. ده في فرنسا !

      الكلام ده فرنسا  ما تتوقعش في مصر تلاقي مع التموين الأحضان التي تحتاجها شهريا إنما لو اتعمل في مصر .. يوووه يوووه

      في دعوة للأبتسام

    • سفر المرأة الحامل

      عاوز استفسر بس ايه الاعتراض على سفر الحامل من السعوديه الى مصر . وازاى هيعرفوا انها حامل . وازاى نحل المشكلة لو فيه مشكله من الاساس من قبل شركات الطيران

      في المغتربين المصريين - egyptian expatriates

    • ايهما افضل الامارات ام السعوديه ام مصر

      السلام عليكم سبق طرح موضوعى من قيل للسفر الى السعوديه بفيزا حره ولكن جائنى عرض الى الامارات امن بمبلغ 2000 درهم و1000 اضافى وانا خريج ليسانس حقوق وانا اعمل بمجال الموارد البشريه لمده سنتان ولكن الظروف التى تمر بها مصر وهى لا تخفى على احدكم جعله جميع الشباب يفكر الى السفر الى الحليج وبلاد النفط ولكن اه اه اه ؟ هل السفر هو الحل وهل يمكن ان استقر فى احدى هذه البلاد كما يمكن فيما بعد استقدام زوجتى على هذه الفرص وهلى السفر حارج مصر هو حل للمشاكل ام يزيدها تعقيد هلى الامارات افضل ام السعودي

      في المغتربين المصريين - egyptian expatriates

    • د . ابراهيم سمك .. الرجل الذى رفض الجنسية الالمانية ..

      لما حد يعرض عليك جنسية الماني في مقابل انك تتنازل عن جنسية بلدك وانت تقوله لا انا مصري ومن الاقصر يعني صعيدي ولسة باتكلم لغة أهل الصعيد ٠٠٠إوعي تفتكر إنك مجنون  إياك تخاف من حد يقول عليك ساذج  اقرا حكايته من الاول عشان تعرف  اسمه ابراهيم سمك من الاقصر تخرج من هندسة اسيوط حب واحدة المانية وتزوجها  سافر معاها شتوتجارت وطبعا عمل دكتوراه هناك أول عمارة في شتوتجارت وأطول عمارة عملها بالطاقة الشمسية  إخترع لمبة شارع بتشتغل بالطاقة الشمسية لمدة ٥٥ أيام متواصلة بدون شحن ودي أطول مدة ممكن ت

      في انجازات المصريين

×
×
  • اضف...