اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

تذاكر للسعادة


عبير يونس
 مشاركة

Recommended Posts

تذاكر للسعادة يا بيه 

تذاكر للسعادة يا هانم 

رحلة للسعادة يا سادة 

المشاريب هنا بالعسل 

و لا عندناش قهوة سادة

و الكل هنا فرحان 

و لا حد حزين 

رحلاتنا بفلوس مش ورق 

 فلوسنا بني ادمين 

و لجل م النهاردة الافتتاح 

رح اقول لكم سر النجاح

اوعاك تبكي ع اللي راح

و بكل ارتياح

اسمع بعينيك الاتنين

قرّب كده 

ايه كل ده ؟

 دمعتين ذكرى

دمعتين حسرة
شهقة ألم
صرخة ندم
خوف من بكرة
ضياع وقت على فكرة
قوم اقف
ع الارض ثابت كما الصخرة
ثابت مهما يجرى
و لا تخلليش الشك ينهش فحلمك
قوم اغلبه
ضعيف جدا لعلمك
و الخوف بلونة بدبوس تفرقع
فرقعها متخافش
متفقدش اليقين
تعبان ؟
و من سمعك
ما كلنا تعبانين
الااااه حزينة
راقدة بتتوّجع
ع الفرح قاعدة تتمنع
ادفنها ريّحها
و فارقها بنواحها
مهما يلوموا اللايمين
صحصح عزمك
وقعت؟
قوم ولا يهمك
نفض هدومك
اليوم يومك
وفر شكوتك و لومك
و اسعى لرزقك
الكون مليان قلوب بتحبك
مين قدك مين
افتح عينيك و احلم
اوعك في يوم تندم
العيب مش في صديق
و لا غلط في اختيار الطريق
كل الطرق سالكة
و الخير واسع مالية قلبه البركة
و الكون فسيح و متين
حط ايدك على قلبك
قول له بالفرح حاسمح لك
و خللي نيتك خالصة
ده ربك في كرمه
يا ابن آدم ما يتوصى
كريم وهاب
قول للهم ياخد فايده الباب
الفرح صفقة و انت اللي كسبانها
و الدنيا فاتحالك ابوابها
و مكسرة حيطانها
واقف لسه تفكر ؟؟
و تقرر و تتحير ؟؟
مش عايزة نباهة
يللا بكل وجاهة
ادخل برجلك اليمين
رابط هذا التعليق
شارك

رحم الله المُبدع " صلاح جاهين " ... فكرتيني بيه !

برافو يا عبير ... :thumbupwink:

 

صلاح جاهين حتة واحدة :) 

شكرا لذوقك يا فندم 

رابط هذا التعليق
شارك

بسم الله الرحمن الرحيم

كلمة جميلة مش كفاية كل ما تعيدي القراءة تزدات خفقان القلب ولما نصل لنهاية الجملة ناسى لانتهاء الكلام فنعيد الكرة من جديد---نفس الاحساس تقريبا ويمكن اكتر عند سماعنا الاغنية في فيلم مافيا. ويمكن اغنية الختام في همام في امسترام يمكن ده شعوري انا بس .لا ادري

احسب انك لم تتمكني من اللغة فحسب بل غمست ريشتك في الوجدان والحس لذا لم تخطيء طريقها لقلوبنا .

كفاية احسن ابخس حقك في وصف كلماتك.....المهم سلمت اناملك التي كتبت وسلم احساسك الذي املى.

سومه

رابط هذا التعليق
شارك

لقد بعثت الابيات الى بريدي في الياهو. عذرا

....لكن للاسف لم تصلني تم تعديل بواسطة suma
رابط هذا التعليق
شارك

بسم الله الرحمن الرحيم

كلمة جميلة مش كفاية كل ما تعيدي القراءة تزدات خفقان القلب ولما نصل لنهاية الجملة ناسى لانتهاء الكلام فنعيد الكرة من جديد---نفس الاحساس تقريبا ويمكن اكتر عند سماعنا الاغنية في فيلم مافيا. ويمكن اغنية الختام في همام في امسترام يمكن ده شعوري انا بس .لا ادري

احسب انك لم تتمكني من اللغة فحسب بل غمست ريشتك في الوجدان والحس لذا لم تخطيء طريقها لقلوبنا .

كفاية احسن ابخس حقك في وصف كلماتك.....المهم سلمت اناملك التي كتبت وسلم احساسك الذي املى.

سومه

 

لا ترى الجمال إلا عيون جميلة 

و لا يشعر به إلا قلب جميل 

تشرفني متابعة حضرتك لما أبوح به 

دمتي بسعادة 

:clappingrose:

رابط هذا التعليق
شارك

  • 2 weeks later...
 


لما بشوفه قلبي يطب

واتلخبط وعرقي يصب

ايديا من سلام تتكهرب

وعنيا من عنيه تتهرب

واخطف نظرة وهو مش باصص

وافضل اتسائل

شوقي له واصل

والا بقلبي مش حاسس

و تبدأ الحيرة

وتئيد نار الغيرة

بسمة وتكشيرة

واخاصمه واصالحه

و القلب بيسامحه

وادور والف فدايرة

و هو مش دريان

وقبل ما يعرف

او حتى نتعرف

اعيش مع الاحزان

واطويه مع النسيان

واداوي فجراحي

مهمومة وكسيرة

ولدمعي ونواحي

مسجونة واسيرة

وكسرتي وحيرتي

في الهم حبسوني

وصحبتي و جيرتي

بالود يواسوني

والحزن واكلني

ومقربة من الموت

لحد ماصادفني

من جوة قلبي صوت

ايه يا بنتي ده كله

و ليه سايبة عز الحب

و ماسكة ليه في ذله

ايه يعني قلبك طب

و الا عرقك صب

مش ده يا قلبي الحب

الحب هدوء و سلام

راحة للقلب و انسجام

و لما يسري جوة البدن

يبقى لجروح الروح التئام

رابط هذا التعليق
شارك

 

تذاكر للسعادة يا بيه 

تذاكر للسعادة يا هانم 

رحلة للسعادة يا سادة 

المشاريب هنا بالعسل 

و لا عندناش قهوة سادة

و الكل هنا فرحان 

و لا حد حزين 

رحلاتنا بفلوس مش ورق 

 فلوسنا بني ادمين 

و لجل م النهاردة الافتتاح 

رح اقول لكم سر النجاح

اوعاك تبكي ع اللي راح

و بكل ارتياح

اسمع بعينيك الاتنين

قرّب كده 

ايه كل ده ؟

 دمعتين ذكرى

دمعتين حسرة
شهقة ألم
صرخة ندم
خوف من بكرة
ضياع وقت على فكرة
قوم اقف
ع الارض ثابت كما الصخرة
ثابت مهما يجرى
و لا تخلليش الشك ينهش فحلمك
قوم اغلبه
ضعيف جدا لعلمك
و الخوف بلونة بدبوس تفرقع
فرقعها متخافش
متفقدش اليقين
تعبان ؟
و من سمعك
ما كلنا تعبانين
الااااه حزينة
راقدة بتتوّجع
ع الفرح قاعدة تتمنع
ادفنها ريّحها
و فارقها بنواحها
مهما يلوموا اللايمين
صحصح عزمك
وقعت؟
قوم ولا يهمك
نفض هدومك
اليوم يومك
وفر شكوتك و لومك
و اسعى لرزقك
الكون مليان قلوب بتحبك
مين قدك مين
افتح عينيك و احلم
اوعك في يوم تندم
العيب مش في صديق
و لا غلط في اختيار الطريق
كل الطرق سالكة
و الخير واسع مالية قلبه البركة
و الكون فسيح و متين
حط ايدك على قلبك
قول له بالفرح حاسمح لك
و خللي نيتك خالصة
ده ربك في كرمه
يا ابن آدم ما يتوصى
كريم وهاب
قول للهم ياخد فايده الباب
الفرح صفقة و انت اللي كسبانها
و الدنيا فاتحالك ابوابها
و مكسرة حيطانها
واقف لسه تفكر ؟؟
و تقرر و تتحير ؟؟
مش عايزة نباهة
يللا بكل وجاهة
ادخل برجلك اليمين

 

 

كلام جميل

وبعدين

:Exclam:

 

 
لما بشوفه قلبي يطب
واتلخبط وعرقي يصب
ايديا من سلام تتكهرب
وعنيا من عنيه تتهرب
واخطف نظرة وهو مش باصص
وافضل اتسائل
شوقي له واصل
والا بقلبي مش حاسس
و تبدأ الحيرة
وتئيد نار الغيرة
بسمة وتكشيرة
واخاصمه واصالحه
و القلب بيسامحه
وادور والف فدايرة
و هو مش دريان
وقبل ما يعرف
او حتى نتعرف
اعيش مع الاحزان
واطويه مع النسيان
واداوي فجراحي
مهمومة وكسيرة
ولدمعي ونواحي
مسجونة واسيرة
وكسرتي وحيرتي
في الهم حبسوني
وصحبتي و جيرتي
بالود يواسوني
والحزن واكلني
ومقربة من الموت
لحد ماصادفني
من جوة قلبي صوت
ايه يا بنتي ده كله
و ليه سايبة عز الحب
و ماسكة ليه في ذله
ايه يعني قلبك طب
و الا عرقك صب
مش ده يا قلبي الحب
الحب هدوء و سلام
راحة للقلب و انسجام
و لما يسري جوة البدن
يبقى لجروح الروح التئام

 

 

بس الحمد لله

:)

ايه يا بنتي ده كله
و ليه سايبة عز الحب
و ماسكة ليه في ذله
ايه يعني قلبك طب
و الا عرقك صب
مش ده يا قلبي الحب
الحب هدوء و سلام
راحة للقلب و انسجام
و لما يسري جوة البدن
يبقى لجروح الروح التئام

 

 

 

كلنا عاوزين سعادة

بس إيه هى السعادة

ولا إيه معنى السعادة

قوللى يا صاحب السعادة

 

https://www.youtube.com/watch?v=NQMsFQTz6Ng

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

×
×
  • أضف...