اذهب الي المحتوي
ArabHosters
Grandma

سين _ سؤال

Recommended Posts

مساحة مخصصة للأسئلة .... تجاوب ما تجاوبش انت حر 

 

لان السؤال مش شرط يكون له جواب 

و ممكن يكون له جواب ما نعرفهوش 

اللي يعرف يجاوب

و اللي ما يعرفش يحاول يبحث عن الاجابة 

 

أسئلة من كل نوع ومن أي نوع

أسئلة عادية و عجيبة أو غريبة 

أسئلة استفهامية أو ساخرة 

 

المهم إسأل 

إسأل أي سؤال يخطر على بالك ما تحبسهوش 

و يا تلاقي إجابة يا ما تلاقيش 

بختك يا ابو بخيت 

 

 

 

 

 

شارك هذه المشاركه


رابط المشاركه
شارك

هو ايه اساسآ اصل كلمة بخت دي ؟؟

 

هي بتدل عالحظ .. لكن بخت في العربي يعني جمل

ايه بقي العلاقة بين الجمل و الحظ ؟

شارك هذه المشاركه


رابط المشاركه
شارك

هو ايه اساسآ اصل كلمة بخت دي ؟؟

 

هي بتدل عالحظ .. لكن بخت في العربي يعني جمل

ايه بقي العلاقة بين الجمل و الحظ ؟

 

لو بضم الباء تبقى جمال يعنى إبل وبالذات الخراسانى (مش الخرسانى)

لو بفتح الباء تبقى حظ وفى نفس الوقت تبقى جد

المصدر

اللغة الأربية دى هاجة غريبة هالص

شارك هذه المشاركه


رابط المشاركه
شارك

هو ايه اساسآ اصل كلمة بخت دي ؟؟

 

هي بتدل عالحظ .. لكن بخت في العربي يعني جمل

ايه بقي العلاقة بين الجمل و الحظ ؟

 

بخت بالفتحة مش بالضمة زي ما قال الفاضل ابو محمد 

 

بس كلامك فكرني بتعبير ( هم يا جمل) اللي بنقولها للأطفال واحنا بنأكلهم 

( هم ) باللغة المصرية القديمة يعني كُل يا جمل 

طيب اشمعنى الجمل يعني ؟!!

يكونش عاوزين الطفل يجتر أكله وما يرجعش يا كل تاني !!!

شارك هذه المشاركه


رابط المشاركه
شارك

 

لو بضم الباء تبقى جمال يعنى إبل وبالذات الخراسانى (مش الخرسانى)

لو بفتح الباء تبقى حظ وفى نفس الوقت تبقى جد

المصدر

اللغة الأربية دى هاجة غريبة هالص

 

 

على فكرة السؤال كان عن ( بخيت ) مش البخت 

دورلنا بقى في اللغة العربية عن المقصود 

معاك دقيقتين ونص فات منهم 60 ثانية 

شارك هذه المشاركه


رابط المشاركه
شارك

_ ليه بعض الرجال  بيطولوا أظفر اصبعهم الخنصر ؟!!!

 

آه صحيح ليه ؟

هل لهذا علاقة بالقذارة ؟

:)

لأنى لاحظت رجالة مربية ضوفر الخنصر عشان يسلكوا بيه سنانهم

شارك هذه المشاركه


رابط المشاركه
شارك

ليه كل واحد عنده محل في مصر بالذات بيضم له مساحة من الرصيف بنفس مساحة محله ؟!!

الجزار / الفرارجي / الفكاهاني / السماك / الخ

و ليه مافيش رقابة عليهم تلزمهم بحدود مساحة محالاتهم ؟!!!

شارك هذه المشاركه


رابط المشاركه
شارك

 

:)

من قال هذا ؟

إن لها نفس سرعة الضوء

فعندما يغيب الضوء .. تحل الضلمة محله .. بنفس السرعة

 

 

مش متأكدة من المعلومة دي 

دا بيعتمد على الاصل في الكون الظلام ولا النور ؟

العلماء زمان كانوا بيقولوا الظلام لان الفراغ مظلم و بعد كدا رجعوا قالوا النور 

لكن مافيش تأكيد 

في الاسلام الله نور السموات و الأرض 

يعني الأصل النور 

 

وانا باعتقد ان الأصل هو  النور اللي هو متحرك و بيصل من مكان لمكان

بينما الظلام ثابت لا يتحرك 

شارك هذه المشاركه


رابط المشاركه
شارك

لو أنت .. أي انت .. اتولدت في عيلة غير عيلتك .. ايه نسبة تغييرك لعقيدتك اللي ادوهالك ؟؟

 

 

نسبة ضعيفة جدا تصل لدرجة الاستحالة 

هذا ما وجدنا عليه اباءنا 

هو احنا لسه هنغير ... اللي تعرفه أحسن من اللي ما تعرفهوش 

شارك هذه المشاركه


رابط المشاركه
شارك

هو فريد الاطرش كان بيسأل مين السؤال اللى مالهوش إجابة ده


ليه كل الأزهار بتحبك والطير والناس ؟


علشان الرقة اللى فى قلبك والا الإحساس ؟


دا حتى ماجدة وفاتن كانوا كل شوية يقولوله


ما اعرفشى .. ما افهمشى


شارك هذه المشاركه


رابط المشاركه
شارك

 

هو فريد الاطرش كان بيسأل مين السؤال اللى مالهوش إجابة ده

ليه كل الأزهار بتحبك والطير والناس ؟

علشان الرقة اللى فى قلبك والا الإحساس ؟

دا حتى ماجدة وفاتن كانوا كل شوية يقولوله

ما اعرفشى .. ما افهمشى

 

 

مادام رد عليه فاتن و ماجدة يبقى كان بيسألهم هما ... بصرف النظر هما كانوا عارفين الاجابة ولا لأ 

حضرتك مستخسر فيهم السؤال ولا ايه ؟!!  :rolleyes: 

شارك هذه المشاركه


رابط المشاركه
شارك

مادام رد عليه فاتن و ماجدة يبقى كان بيسألهم هما ... بصرف النظر هما كانوا عارفين الاجابة ولا لأ 

حضرتك مستخسر فيهم السؤال ولا ايه ؟!!  :rolleyes: 

 

غلط

هو كان يقصد مديحة يسرى بهذا السؤال "التوكيدى"

السؤال اللى انا سألته ده بيطلق عليه اسم "سؤال موجه"

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...