ابواب الخير يا اهل الخير

[bentmasria]

السلام عليكم و رحمة الله و بركاته

نشاط مشترك بين مجموعتي المنــــار + الوفاء و الأمل

اعزائنا الكرام كل عام و انتم بالف خير

احنا يا جماعة بدأنا بدري بدري بدري افطارات رمضان السنة دي انا عارفة ان الناس بتحب تشم نفسها في رمضان شوية في البداية بس معلش تعالوا على نفسكوا عشان خاطر مسنين الوفاء و الأمل اللي محتاجين لكل محاولة منكوا انكوا توعدونا بالحضور و المشاركة

فطرانا في الوفاء و الأمل ان شاء الله حيكون يوم الخميس القادم بإذن الله الموافق 6/10/2005 ميلادي و حيكون ثالث يوم رمضان

كل اللي عايزينه منكوا حاجتين صغطتين و الإتنين ابسط من بعض

اولاً اللي يقدر منكوا يشاركنا مادياً في تكلفة اعداد الوجبة فالوجبة حتتكلّف 10 جنيه

و هي عبارة عن وجبة سمك فيلية قطعتين سمك فيلية و ارز سمك احمر + سلطة + عيش + كوب عصير قمر الدين + السلطات

و ان شاء الله احنا مطلوب مننا حوالي 250 وجبة

ثانياً اللي يحب منكوا و يار يت طبعاً تحبوا انه يشاركنا توزيع الوجبات دي على المسنين قبل الفطار و ده معناه ان حضرتكوا مشكورين حتنتظرونا

امام بوابة جمعية الوفاء و الأمل بمدينة نصر في تمام الرابعة و النصف عشان نبتدي رحلة التوزيع داخل الجمعية قبل اذان المغرب ان شاء الله

بجد يا جماعة محتاجين مشاركتوا المادية و المعنوية قوي

يعني محدش يكبّر دماغه من الشباب و يقول 10 جنيه دي مبلغ قليل و اكيد في غيري كتير حيدفعها او يقول لو مرحتش اوزع الوجبات في غيري كتير حيروح

و تأكد كل ما تيجي في بالك الفكرة دي انك مش لوحدك اللي فكّرت فيها يعني زي ما انت كسّلت تشترك اكيد في كتير غيرك كسّلوا و عشان كده انت بقى لازم ساعتها تأخذ الإتجاه العكسي و تروح مش مكسّل و تروح مشترك معانا قوام ..... خلاص اتفقنا بقى

رجاءً الإتصال و المشاركة مع زملائنا

للشباب المهندس كريم منير 0101797251

و للبنات الأنسة مها عبد المنعم 0123991022 أو الأنسة هند احمد 0121099601

اللهم اجعلني خيراً مما يظنون و اغفر لي ما لا يعلمون و ارحمني يوم يبعثون