Jump to content
yasovinas

ميكي وتان تان وكمان سوبر مان

Rate this topic

Recommended Posts

زمان من حوالي 35 سنه فاتوا بدأت في قراءة المجلات والقصص وايامها كان التليفزيون ابيض واسود وكل الحكايه القناة الاولى والتانيه اللي كانت بتقفل الساعه 8 تقريبا فكانت وسائل التسليه المتاحه هي العاب مثل البلي والمستعجله والكرنك والكورة بالاضافه الى القراءه،

ما علينا كانت القراءه وسيله جميله للتسليه والمساعده على السباحه في بحر الخيال

ايامها كنا نقرأ ميكي وسمير وكانوا ايامها باللغه المصريه وليس باللغه العربيه خصوصا ميكي وبطوط والجده بطه ومحظوظ وعبقرينو ، وسمير وتهته وكان هناك ايضا تان تان بشخصياتها الرائعه تان تان وتاكا تاكاتا ولوبو زالمفتش شخصيات كتيرة عشقتها وتفاعلت معها ايضا قصص السوبر مان والرجل الوطواط وايضاً المغامرون الخمسه تختخ ولوزه ونوسه وعاطف ومحب كنا نقرأ ونستمتع ونسرح بخيالنا كما نشاء بعدها في الثمانينات اتى رجل المستحيل وروايات عبير وسوبر ميكي

طيب ياعم وآخرة الفلاش باك بتاع دعاء الكروان ده ايه ؟؟؟

معلش خلوني اكمل استحملوا عابر سبيل

انت هتعمل فيها عوف الا صيل كمل وامرنا لله

زمان بقى ايام ميكي وسمير وتان تان والسوبرمان كنت بجمع هذه القصص الاسبوعيه اذكر ميكي كانت كل خميس وسمير جمعه وتان تان احد كنت بجمعهم وكل ما يوصلوا عشرين عدد اروح عند عم احمد حنتيره يعملهم لي مجلد

ما اطولش عليكم دايما كنت بحب ارجع لهذه المجلدات واعيش مع نفسي اقرأها وصدقوني كنت باستمتع بقرائتهم كل مرة زي اول مره

بعد الزواج احضرتهم معي الى عش الزوجيه مع ما احضرت من اشياء خاصه بي من بيت العيله

المدام تقبلتهم في البدايه على مضض وبعد فترة العسل وبعد ما استقرت الامور وكل واحد عرف وضعه ومركزه في البيت :blush:

بدأت تتنمر لهذه المجلدات بحجه انها عامله زحمه وبتلم تراب وعناكب

انقذتهم من ايدها واعدتهم الى بيت العائله وسافرت يا اخواني والهتني الايام عن اصدقائي القدامى

في الاجازه قبل الماضيه انتقلت والدتي من البيت القديم الى سكن جديد لظروف خاصه وخلال نقل الاثاث وجدت بعض المجلات فتذكرت كنزي القديم وبحثت عنه ولكن علمت ان كنزي اصبح على المشاع وتخطفته يد الدمار من اطفال العائله ولم يتبقى منه غير المجلتين اللى لاقيتهم

طيب عايز ايه يا عم وجعت دماعنا وقطعت قلبنا على شوية مجلدات

الاجازة الماضيه بحثت في الاسكندريه عن مجلدات ميكي وتان تان وسوبر مان فلنم اجد الا الاصدارات الجديده وهي وبصراحه غير ممتعه اشتريت اربع مجلدات ميكي

وقصص تان تان والتي اصبحت قصص لتان تان فقط وليست مجله شامله لاكثر من شخصيه مثل مجلات زمان

وهنا نصل الى الهدف من كل ما سبق :blush:

نداء الى كل الاخوه المقيمين في قاهرة المعز من يعرف مكان تباع فيه مجلدات ميكي القديمه ومجلدات تان تان القديمه وسوير مان والرجل الوطواط القديمه فقط مطلوب يخبرني عن المكان وانا باذن الله في العيد الصغير سوف اكون في مصر المحروسه وسوف اذهب واشتريها ومن قدم شيء بيداه التقاه وهنيالك يا فاعل الخير والثواب

Share this post


Link to post
Share on other sites
[

نداء الى كل الاخوه المقيمين في قاهرة المعز من يعرف مكان تباع فيه مجلدات ميكي القديمه ومجلدات تان تان القديمه وسوير مان والرجل الوطواط القديمه فقط مطلوب يخبرني عن المكان وانا باذن الله في العيد الصغير سوف اكون في مصر المحروسه وسوف اذهب واشتريها ومن قدم شيء بيداه التقاه وهنيالك يا فاعل الخير والثواب

في سور الأزبكية بالعتبة يا حبيبي هاتلاقي هناك الحاجات دي بالعبيط ...

أو في الأسواق اللي بتبيع الحاجات القديمة زي سوق السيدة عائشة لو بيعرضوا فيه كتب .

وخد عندك كمان ...

فاكر التجنيد القديم اللي في حلمية الزيتون اللي قبل محطة المحكمة اللي في مصر الجديدة ( هاتفتكره إزاي مانتا أسكندراني .. يعني خواجه ؟ ) المهم لو روحت هناك وفي الشارع اللي بيشمي فيه المترو - مش مترو الأنفاق - هاتلاقي في الجهة المقابلة محل بيبع جرايد ومجلات قديمة .. ممكن تلاقي عنده ... وخلي بالك جنبه واحد بتاع كبده ما تشتريش من عنده شاندوشتات :blush:

وفي محلات كثير بتلاقيها بتبيع المجلات والجرانين القديمة بالكيلو فدول بيبقى عندهم كنوز يابني ... إسأل مجرب .

Share this post


Link to post
Share on other sites

وبحثت عنه ولكن علمت ان كنزي اصبح على المشاع وتخطفته يد الدمار من اطفال العائله ولم يتبقى منه غير المجلتين اللى لاقيتهم

آآآآآآآآآآآآآآآآآآآآآآآآآآآآآآآآآآآآآآآآآآآآآآه :D :D :D :sad:

ليه بس فكرتنى :sad: :sad: ؟

Share this post


Link to post
Share on other sites

اشكرك يا ابو عمر يا غالي

انا فعلا وصيت ناس من البصاصين والعسس يروحو يشوفوا الاخبار ايه في سور الازبكيه

تجنيد الحلميه رحته مرة واحده زماااان لما كنت مترشح ضابط احتياط يعني انسى يا عمر

اخي محمد شلبي انا حاسس بوجيعتك بس لا ياس مع الحياه ولا حياة مع اليأس حاول تاني ودور زي ما انا بدور

امس وفي لقاء ابو ظبي العزيز زعلان اتحفني بهديه رائعة

مجلد ميكي - اي نعم هو من بتوع البومبن دول اصدار مايو 2004 لكن اهو تصبيرة لغايه ما ييجي المدد من مصر

القافله هتتحرك على الجمال يوم الاتنين القادم

Edited by yasovinas

Share this post


Link to post
Share on other sites

بص ياأخ ياسو

والله انا عايز اخدمك ولكن حقولك علي اماكن في الأسكندرية طالما انت من الاسكندرية زيي وطبعا احنا خواجات ومالناش في قاهرة المعز زي كل الأسكندرانية

فيه كشك صغير في نهاية سوق الميدان بالمنسية عند امتداد شارع سيدي تمراز وصاحب الكشك رجل عجوز ومشهور اسمه عم جابر وممكن تلاقي عنده المجلات القديمة دي لغاية دلوقتي والالغاز وخلافه

وكان زمان بيبيعوها في محطة مصر برضه بس تقريبا كده مابقتش تأكلهم عيش هناك دلوقتي

###

والله انت ابن حلال وفكرتني بالأيام الحلوة بتاعه زمان....اصل انا شبهك قوي في موضوع الاحتفاظ بالأعداد القديمة من ميكي وسمير بس انا اجدع منك ولسه محتفظ بيهم كلهم حتي الأن ولما سافرت اخدتهم معايا ومازالوا عندي حتي الأن وفيهم اعداد اعتبرها نفيسة جدا لميكي وسمير منذ عام 1965 و1966 وكده

وعندي اول خمس اعداد من ميكي جيب اول ماظهرت وعدد لابأس به من المئة الاولي من ميكي جيب

###

لاأعرف اذا كنت هاوي لجمع مجلات (مطبوعات لبنان) القديمة أم لا

وطبعا سوبرمان والوطواط من ضمنها بالأضافة الي مجلات أخري زي (لولو) و(البرق) و(طارق) بتاع الديناصورات هو وأخوه

وكان زمان في مصر قصص جميلة اسمها( الشياطين الثلاثة عشر) والعميل صفر مش عارف لسه شغالة في مصر والا بطلوها؟؟؟

###

انا معاك ان الاعداد الجديدة ليس لها طعم زي الاعداد القديمة حتي الرسومات ليس لها البريق بتاع زمان

وخصوصا مجلات سوبرمان اصبحت رديئة جدا ورسوماتها وقصصها تصيب بالبلاهة في حين زمان كانت في منتهي الروعة والتشوق وكان منها اللي اسمه (العملاق) وده برضه سوبرمان ولكن مجلات حجمها اكبر شوية من سوبرمان العادية

المهم شكرا علي موضوعك ده قوي انت فكرتني بحاجات جميلة قديمة وياريت اقدر اخدمك حتي اصورلك كام عدد من بتوع زمان وابعتهوملك علي عنوانك طالما طلعنا غاويين نفس الهواية من ايام زمان

Share this post


Link to post
Share on other sites

والله صعبت على يا ياسو .. انت نازل ان شاء الله على العيد .. يعنى بعد اربع اسابيع ..

وبتقولها كده وانت فرحان طبعا .. وتحرق فى دمنا وعاوز حد يقولك تلاقيها فين .. ؟؟

ايه بقى المناسبه .. مش كفايه عليك السعد والهنا وشم هواء الاسكندرية .. واكل وجبات السمك الهنية .. يا عم كفاية عليك تشوف الخراب الاسكندرانى قبلى طريق الكورنيش .. فخلف الواجهه الجميله .. حتروج زى ما بيقولك اخونا الفاضل ياسر تدور على تان تان وميكى فى السياله .. مش حتلاقى الكشك ده .. لأن شرطه المراف شالته .. لكن برضه ما يضرش .. كمل مشوراك وفى السوق التجارى امام المرسى ابو العباس حتلاقى مكتبه صغيرة فى الباتين حتلاقى مصاحف لكن لما حتخل جوه حتلاقى العجب كتب لو لفيت القطر مش حتلاقى زيها ..

الله طب وانت حتعمل باكتب القديمه دى ايه ؟؟ انت عاوز تانتان .. وميكى .. اقولك مخلصا ارجع تانى لشارع محرم بك وامام شارع جريد حتلاقى محل مخصص لبيع القديم والقديم جدا من الرويات والجرانيين وحتلاقى فى آخر المحل على اليمين .. مجموعة المجلات القديمة وحتلاقى اللى انت عاوزه من ميكى اذا لم يكن الراجل زهق وقفل لانى شفته سنه 2003 بالصدفة وانا باتمشى اتفرج فى الشارع بعد ان فاتنى الديزل اتكعبلت فى رصات المجلات القديمة والجرائد على الرصيف امام المحل .. ولكنه كان محل منظم جدا .. والحقيقة تتقال .. وتمنياتى لك بتحقيق حلمك

وكل سنه وانت طيب

Share this post


Link to post
Share on other sites

الاخ العزيز ياسر اشكرك جداً على المشاركة وعلى النصيحه وهروح باذن الله اشوف عم جابر في السوق

اما بالنسبة لمحطة مصر فخلاص انسى :D على فكرة كان في محل عندنا في سيدي جابر برضه وكنت زماااان ببدل من عنده المجلات وميكي جيب وتان تان وسوبر مان لكن اخر مرة عديت عليه لاقيته بيبيع سمك زينه :)

انا كنت مدمن ميكي وتان تان وسوبر مان ،، اما اي شيء اخر فما يقع تحت ايدي خير وبركه

عموما وبما اننا متشابهين في حاجات كتير اهمها الاسم والبلد يبقى اهلا بيك صديق عزيز وغالي :D

عمي الكبير مشرفني دايما في كل مكان الحفيد اخناتون العظيم -_- عليه النعمه انا مش عارف اقول لك ايه بس كلمه على جنب انا ساكن في شارع جرين في محرم بيك وما فيش الراجل اللي بتقول عليه حضرتك

في محل في شارع منشه بس للاسف ما عندهوش حاجات قديمه

اما بقى محلات السوق التجاري في ابو العباس المرسي فاكيد هروحها باذن الله

وعلشان خاطر العشرة والموده هاكللك صينيه سنجاري من اللي قلبك يحبها ومعاها شويه ام الخلول بحباش الطحينه

وبلاش لا كابوريا ولا جمبري علشان خاطر ما حدش يقول ده بيغيظنا B)

Share this post


Link to post
Share on other sites
عمي الكبير مشرفني دايما في كل مكان الحفيد اخناتون العظيم :)  عليه النعمه انا مش عارف اقول لك ايه بس كلمه على جنب انا ساكن في شارع جرين في محرم بيك وما فيش الراجل اللي بتقول عليه حضرتك

في محل في شارع منشه بس للاسف ما عندهوش حاجات قديمه

اما بقى محلات السوق التجاري في ابو العباس المرسي فاكيد هروحها باذن الله

وعلشان خاطر العشرة والموده هاكللك صينيه سنجاري من اللي قلبك يحبها ومعاها شويه ام الخلول بحباش الطحينه

وبلاش لا كابوريا ولا جمبري علشان خاطر ما حدش يقول ده بيغيظنا  :D

ماشى ما هو الاسعاف مش بعيد .. !! ياعم صلى على النبى ايام الصوانى ده راح مينفعش غير البورى المشوى بس يكون بحرى مش مزارع بتاع الملاحات انا مش عارف الاسكندرانية واخدين الم فى المحافظ ده ازاى ..

اما عن المحل فجايز ما يكونش قدام شارع جرين بالضبط .. ولكن فى جميع الاحوال على الرصيف اليمين وانت جاى محطة مصر بين شالرع جرين وشارع زين العابدين .. ولما تنزل حتلاقيه هناك .. لان مش معقول دا كان شاب صغير الا اذا كان ايجار المحل اتغير فخلع ..

وتمنياتى لك بزياره طيبة دا لنت طلعت من اجمل منطقة فى اسكندرية .. انت فاكر لما كانوا زمان بيسألونا بتحلم بايه .. يقوم الصعيدى يرد .. ميت الف جنيه ( دول كانوا زمان عشرة مليون ) وعماره فى محرم بك .. وعربه شوفرليه ..

Share this post


Link to post
Share on other sites

شوف يا ياسو .. فى شارع سنيما اوديون فى اسكندريه طبعا

حتلاقى راجل اسمه عم سكر والله .. ان شاء الله حتلاقى عنده اللى انت عايزه

ومش بعيد لو اشتريت يكونوا مجلاتنا انا واخواتى اللى ماما تخلصت منهم من ورانا <_<

بس انا كنت بقرا الشياطين ال 13 كمان .. ياللا اللى اتعمل فيك ده حصل لنا زيه بالضبط .

Share this post


Link to post
Share on other sites

ياشو يا احلى من الكاجو

ورحمة خالتي نزاكه انت ما حصلتيش روحي يا شيخه

الاهي وانت جاهي ؛؛؛؛؛؛؛؛؛؛؛؛؛ما علينا

باذن الله راح اشوف عم سكر ودعواتكم يا شباب,,,,,,, انا الاجازة اللي فاتت عملت مسح لكل الاقتراحات اعلاة ،،بس اللي في اسكندرية!!! وحصلت على عشر نسخ من تان تان القديمه بس ايه مزززززاج

Edited by yasovinas

Share this post


Link to post
Share on other sites

ما شاء الله ... ما شاء الله ...انتو وصلتوا لعم سكر ...

والله برافو عليكي يا ياشو ...

شوف بقى يا ياسو ياخويا ... عمك سكر ده راجل زي السكر بس يمكن يكون صعب شوية ميكي وتان تان ... بس اللى اكيد انك هتلاقي عنده كنوز -ايوه كنوز- من الكتب القديمة ... بالذات لو ليك فى كتب التاريخ او الادب الانجليزي ... اصله مش بيهتم بالحاجات اللى مكتوبة بلغة غير العربي وهتاخدها باسعار وهمية ...

انما بقى موضوع ميكي وسوبر ميكي وميكي جيب وسمير وكابتن سمير ... وممكن كمان ماجد وسعد وحاجات تانية ...

يبقى عليك بقى وعلى ميييين ....

اخوك واحد تاني ...

انا عندي جميع -ايوة جميع- الاعداد الصادرة منهم بداية من سنة 1979 وحتى 1990 وبالترتيب الاسبوعي...

وبعد كده بقى تخاطيف ...

بس انت قلت في مداخلة من اللى فوق ان سمير كان يوم الجمعة ... هو كان كده زمان والا ايه؟ اصل انا كنت بيجيبها يوم الاحد...

عموما زي ما قلت لك .... البضاعة موجودة ... وتحت امرك :)

Share this post


Link to post
Share on other sites

ما شاء الله ... ما شاء الله ...انتو وصلتوا لعم سكر ...

والله برافو عليكي يا ياشو ...

مش ممكن واحد تانى .. انت ازاى تعرف عم سكر .. انت من سكان كامب شيزار واللا ايه ؟

انا دايما بجيب احلى واقدم كتب من عنده .. انا سعيده انى لقيت حد يعرفه ..

بس برضه روح له يا ياسو .. ومالكش دعوه بواحد تانى :)

Share this post


Link to post
Share on other sites

مش ممكن واحد تانى .. انت ازاى تعرف عم سكر .. انت من سكان كامب شيزار واللا ايه ؟

تعرفي بعد ما تسيبي عم سكر وتمشي خطوتين كده ...

ييجي شارع ممفيس ...

تدخلي يمين ...

فى الاول هتلاقي الممر التجاري اللى في اوله الكوافير ...

سيبيه وكملي ...

فى نص الشارع على اليمين ييجي الراجل بتاع مخلل البصل ... افففففف

سيبيه برضه وكملي ....

تيجي المطلعاية بتاعة الشارع ...

اطلعي ...

على ايدك الشمال هتلاقي الفرن ...

عارفاه ؟؟؟

وحش متجيبيش من عنده ..... :wub:

لأ انا مش من سكان كامب شيزار ..... :)

Edited by واحد تاني

Share this post


Link to post
Share on other sites

ماااااااااااااااااااااااااااااااشى يا واحد تانى

ليه الاشتغالات دى طيب . :)

طب ايه رايك ان انا كنت بشترى من الفرن ده عيش فينو

وحارجع اشترى من عنده تانى :wub: .. وعلى راى واحد صاحبنا

عزيزي عليا .

ما علينا :)

Share this post


Link to post
Share on other sites

ايه ده كل دول اسكندرانية..ربنا يزيد و يبارك.

للاسف في حدود علمي مفيش مصادر محترمة للكتب القديمة في اسكندرية..

و حتي المصادر الموجودة حتلاقي اسعارها بقت اغلي من الكتب الجديدة حاليا ده اذا وجدت اللي انت عايزه..

بخصوص ميكي و تان تان و سوبر مان و استريكس بقي صعب جدا تجدهم و ممكن تجدهم و البائع يرفض يبيعهم لك لانه بيستغلهم في التبديل و القراءة كمصدر دخل متجدد..

يا ريت لو حد وجد مصدر كويس يبعت..و له الشكر

Edited by mickey_egp73

Share this post


Link to post
Share on other sites

الاخوة الاعزاء ، ، هواة القصص المصورة

وجدت هذا الموضوع في الحقيقة شيق بالنسبة لي حيث اننى كنت من كبار هواة جمع المجلات المصورة لمدة طويلة جدا وحقيقة مازلت احتفظ بها حتى بعد ان تخطيت الاربعين واحافظ عليها ولو انه فيفترة من الفترات اهملتها بعض الشيىء وللاسف قمت بتسليف بعضها الى بعض الاصدقاء حتى اننى نسيت من هم هولاء وعند بحثى وسواللى لهم افادونى (انت لسه فاكر دي تلاقيها اترمت) :unsure: :blink: (فنصحتى المهمة اذا كنت تهوى هذة المجلات بشدة لا تقوم بتسليفها الى احد الا اذا كان يعلم تمام العلم قيمتها يعنى زيك وانما الخوف برضه يطنش عليها :huh: ) المهم فقدت على اثر ذلك بعض مجلدات من سوبرمان والبرق وميكى للاعداد الاولى ونحن هنا نتكلم عن اعداد من الستينات حقيقة احاول حاليا البحث عنها مرة اخرى لاستكمال الاعداد الناقصة ولكن مازلت احتفظ بمجموعة كبيرة مع ذلك فمجلة تان تان احتفظ بالمجموعة كاملة من اول عدد الى ان توقفت وميكى كذلك منذ صدورها سنة 1959 وحتى سنة 1975 ينقصها بعض المجلدات في سنة 1966 و1967 (من التي قمت بتسليفها) والكثير غيرها حتى اننى ذهبت الى دار الهلال للسؤال عن اعداد ميكى وسمير الاولى ولكنهم افادونى بانها غير موجودة حتى لديم (غريبة) المهم احاول استرجاع المفقود عن طريق سوق الازبكية وسوق ابو الريش وحقيقة تحصلت عل الكثير ولكن الموضوع يحتاج مجهود وبحث مستمر هذا بخلاف انها تباع غالية الثمن فاعداد ميكى وسمير القديمة ممكن ان تصل الى 3 او 4 جنية للعدد وسوبرمان ممكن 4 او خمسة وهكذا

عموما عندى هنا هدية لكم وهي غلاف العدد الاول من ميكى بتاريخ 1-1-1959 وغلاف العدد الاول من سندباد بتاريخ 3-1-1952

وساتابع الكتابة مرة اخرى واذا كان عند اي حد سؤال حول هذه المواضيع انا جاهز

micky_1.jpg

sindbad_1.jpg

Share this post


Link to post
Share on other sites

تخطيت الاربعين يا استاذ Superman لا دا انت كبير جدا احنا لسنا صغيرين يدوبك فوق الثلاتين..غالبا اطفال و شباب اليومين دول معندهمش اهتمام بالحاجات دي.

عامة هو كل الاعداد بقت مختفية و قليل جدا لما بنلاقي حاجة..و بالذات في اسكندرية يمكن القاهرة يكون فيها بس طبعا الواحد مش حيسافر عشان الموضوع ده مخصوص..

شكرا علي هديتك و يا ريت نقدر نردها..

Share this post


Link to post
Share on other sites

الاخ العزيز mickey_egp73 شكرا على الاجابة اللطيفة وهو كما ذكرت ان الموضوع في القاهرة يمكن يكون اسهل شوية انك تلاقى اعداد قديمة من هذه المجلات فاحد الاصدقاء تحصل على المجموعة الكاملة لمجلات تان تان (حوالى 9 سنوات) ينقصها حوالى 25 عدد فقط منذ حوالى اسبوعين فقط والبائع وعده ايضا بان يحضر له الباقى قريبا ... يعنى ممكن تلاقى بس لازم تدور وماتستعجلش (ده على فكرة البائعين هما اللى قالوا لي الكلمة دي) وعلى فكرة في اسكندرية برضه ممكن تلاقى عند البائعين اللى بيفرشوا في اول شارع النبى دانيال وانا في مرة قريبا كنت في الاسكندرية ووجدت عندهم بعض الاعداد ميكى و سوبرمان ويوجد احدهم واسمه (ادوارد) امام المقله واحد قالى لي انه متخصص شوية في هذه النوعية ولكن لم اجد عنده وقتها ما طلبته وعموما مرة اخرى ارفق بعض الاغلفه لعلها تثير ذكريات البعض هنا .

اولا : غلاف العدد الاول من مجلة سمير بتاريخ ابريل 1956

ثانيا : غلاف العدد الاول من مجلة تان تان بتاريخ 1970

ثالثا : غلاف العدد الاول من مجلة طارق بتاريخ يناير 1970

Samir_1.jpg

Tin-Tin_1.jpg

Tarek_1.jpg

Share this post


Link to post
Share on other sites

الله عليك يا سوبرمان تصدق الهدايا دي روعه انا كان عندي العدد الاول من ميكي بس راح مع اللي راح

حبيبي الغالي واحد تاني انت كده شوقتني لرؤياك اكثر ولكثر بس ياترى الاعداد عندك هتفرجني عليها ولا هتقراهالي ولا ايه ظروفك بالضبط

عموما انا هروح القاهرة السنه دي ولمدة اسبوع وهكثف البحث في قاهرة المعز اكثر واكثر

دعواتكم يا شباب

اوشا انا طبعا مش هسمع كلام حد غيرك :closedeyes:

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • Create New...