اذهب إلى المحتوى
محاورات المصريين

ميثاق شرف للعمل الوطني Brain Storm


se_ Elsyed

Recommended Posts

إيه العنوان الجامد ده ..

ميثاق إيه .. وشرف إيه ( على رأي توفيق الدقن .. أحلى من الشرف ما فيش ) وبعدين إيه brain storm دي ؟ .. دي غير desert storm ؟ :D

ما علينا خلينا في موضوعنا

- عايزين نقعد مع بعض قاعدة رجالة ونضع ميثاق شرف للي نقدر نعمله كمصريين غيورين على بلدهم في المرحلة القادمة ...

في ناس ممكن تقول .. يا عم هو أحنا أصحاب قرار ؟ أو حتى لو قعدنا القاعدة بتاعتك دي وفضلنا نأذن للصبح فهل في حد هايسمعنا ؟ طبعاً لأ ... يابا وهاينفضوا لنا زي كل مره ...

طبعاً ده كلام مش صحيح بالمره .. ليه بقى ؟

لإن عالم الإنترنت أصبح حقيقة وواقع عملي ولا أُبالغ بأن أقول بأنه اصبح قوة ضغط على أي حكومة ديكتاتورية

إوعوا تفتكروا إن مبارك لما أتكلم عن الإصلاح وتعديل الدستور والإنتخابات بدل الإستفتاء والكلام ده كله كان نتيجة ضغط الأمريكان أو رضاهم ...

أبداً

يا جماعة عصر الدوائر المغلقة والغطرشة على الأخبار وكله تمام يا ريس وإحنا ميت فل وخمستائر لإنتهى وذهب بدون رجعه... لإن العالم أصبح قرية صغيرة والأخبار بتنتشر في ثواني إنتشار النار في الهشيم وبقى في حاجة إسمها إنترنت ومنتديات وصحف إلكترونية وصحف مُستقلة وصحف معارضة وحركات معارضة وحركات مستقلة وجمعيات وهيئات مدنية وحقوق إنسان .. إلخ

فبالتالي الحكومات الديكتاتورية أصبحت مُحاصرة .. والديمقراطية أصبحت خيار لا مفر ولا مهرب منه ... والشفافية ما بقتش كلام .. لأ دي بقت تُفرض بالقوة الجبرية من الشعوب اللي صحيت وأنقلبت على حكوماتها .. لإنهم لو ما أتبعوهاش يبقى في ثواني هايتفضحوا فضيحة اللحمة عند الجزارين .. واللي هايخبيه النهاردة مش هايقدر يخبيه بكرة .. واللي هايقمعه ويسحله النهاردة بكره هايطلع 1000 غيره مش هايقدر عليهم ..

فاكرين زمان ماكنش بيقف في وش الحكومة غير بعض أحزاب المعارضة وجرايدها على إستحياء وعلى خفيف ويادوب كانوا ممكن يهاجموا وزير أو مسئول وممكن توصل إلى إنهم يشيلوه من منصبة لما يستفحل أمره زي ما حصل للطاغية زكي بدر اللي كان بيقول إنه عنده كارد بلانش من الرئيس إنه يخلص على 25 % من الشعب المصري في سبيل إستقرار الحكم .

إذاً فنحن أمام فرصة تارخية .. وإذا لم نسعى إلى حريتنا وفرض صوتنا على الجميع .. فلا عزاء لوقتنا الضائع خلف الشاشات .. ولا عزاء لغيرتنا على بلدنا اللي بنشوفها بتتنهب وحالتها بتسوء يوم بعد يوم ... ولا مكان لأي محبط ( مش الدكتور محبط صاحبي طبعاً :) ) لإن الحكومة عايزانا محبطين وعايزانا سلبيين وعايزه لا مؤخذه تلبسنا طُرح ونقعد نصوت ونلطم في بيوتنا ونقول مافيش فايدة يا صفيه .. وهو يعني صوتي اللي هايغير الكون .. يا عم الإنتخابات بتتزور .. ودول ناس جبابرة .. ونحن مستضعفون في الأرض ...

ده بكل تأكيد برضوا غلط ..

وأديكوا شفتوا بأنفسكم إن بقى فيه جرايد معارضة وحكومية ( تبعهم يعني ) بتنقل عن منتديات مصرية ما يدور فيها من مناقشات ..

واللي سمع حديث هيكل الأخير على قناة الجزيرة هايتأكد بأننا أصبحنا حقيقة ولسنا كما سمانا البعض في بداية إنتشار الإنترنت حيث أطلقوا على عالم الإنترنت مصطلح Castle of sand أو زي ما بيقولوا بالعربي إنها قلعة من الرمال وأي شوية هوا يطيروها ... فهيكل قال بالحرف الواحد إن هناك مثقفين في منتهى القوة والبلاغة في عالم الإنترنت ولهم أراء شديدة الإحترام وهو نفسه أعطى تعليمات لطاقم مكتبه بإنه يطبعوا له مقالات معينة من النت وبإنه مُعجب شخصياً بكاتبه في أحدى المنتديات إسمها ( بهيه ) وبيحرص على قرأة أي مقاله بتكتبها .

إذا فالمطلوب مننا يا سادة إختصاراً للوقت إننا نلخص في نقاط محددة إيه هو دورنا في المرحلة القادمة .. خصوصاً إننا داخلين على إنتخابات برلمانية وتعديلات وزارية .. وخلافه ..

وخلونا نعتبر الموضوع ده لمجرد طرح ومناقشة الأفكار وتنقيحها ومن ثم هانفتح موضوع تاني نلخص فيه تلك النقاط بحيث تبقى محدده وواضحه للجميع .

أرجو إنكم ما تخذلونيش وتكتفوا بدور المتفرجين .. كفاية فُرجه بقى وتعالوا شاركوا في كتابة وصنع تاريخ بلدكم .

ده أحنا 1950 عضو يا جماعة .. يعني لو فيه مننا 500 عضو نشيط .. أقسم بالله ممكن يقلبوا موازين دولة بحالها ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الزملاء الأفاضل ..

اقتصر دورنا حتى هذه اللحظة كما أرى على النقد والنقد ثم تفويض الأمر لله والدعاء الحار على الفساد والفاسدين .. وبقليل من التفكير سنجد أن هذا لا يمثل على الإطلاق الحد الأدنى لما نرى لأنفسنا من دور فى الإصلاح الذى نتمنى لمصر العزيزة ..

لهذا رأيت أن أفتح موضوعا .. يبتعد تماما عن النقد والنحيب .. محاولا به إنشاء دليلا لإصلاح مصر المحروسة.

الزملاء الأفاضل..

أنا لا أدعى أننا خبراء فى الشئون الاقتصادية أو السياسية أو التعليمية .. إلخ لكننا أبناء هذا الوطن .. نمتلك قدرا من الثقافة وقدرا من التعليم وقدرا آخر من حب الوطن والغيرة عليه .. فدعونا نوظف ما نمتلك فى شيء قد يكون مفيدا ..

دليل الإصلاح الذى أتمنى .. أفترض فيه ان يشمل حلولا سياسية واقتصادية وتعليمية ودينية وتكنولوجية .. إلخ فيمتد ليشمل كل المجالات على أن يستعين به "من لا يفقه فى الكوسة" فى حالة توليه وزارة أو مؤسسة ما (وهو ما تؤكده الأيام)

لستم مضطرون لصياغة حلولا متكاملة أو حتى شبه متكاملة .. لكنكم مطالبون على الأقل أن تشاركوا فى صنعه برؤيتكم .. مجرد وجهات نظر .. طرف خيط .. ليلتقطه زميل آخر فيكمل وهكذا .. لنجد فى النهاية صورة شبه نهائية بصدد أمر ما قد تمثل نواة للحل الذى اتفق عليه أهل المحاورات فى الشأن الفلانى.

وحقيقة أتمنى أن يفوق عدد صفحات هذا الموضوع المئات .. لنثبت أننا جديرون بأن نناقش أحوال المحروسة .. جديرون بأن نحبها ونعمل لصالحها بدلا من الشكوى إلى الله أن الحكومة لم تصلح تشوهات قوانين الجمارك طيلة 50 سنة!

تم تعديل بواسطة se_ Elsyed

[وسط]!Question everything

[/وسط]

رابط هذا التعليق
شارك

الفاضل س س..

في رأيي المتواضع جداً أفضل ما يمكننا عمله هو العمل على إيجاد حلول عملية لمشاكلنا... فالملاحظ أننا كمصريين شاطرين أوي في النقد وإظهار العيوب...ولكننا لا نحاول إيجاد حلول...

يعني لو أننا أخذنا أي مشكلة نعاني منها مثلاً كالبطالة أو الرشوة أو سوء العملية التعليمية أو الصحية...وفرضنا جدلاً اننا أصبحنا وزراء معنيين بهذه المشكلة وفي أيدينا كل الصلاحيات...حنعمل إيه...

نقعد ونتحاور ونتخانق ونقطع هدوم بعض..المهم نصل في النهاية لحل واقعي قابل للتنفيذ...ثم ننتقل لمشكلة أخرى وهكذا... حتى نصل في النهاية لحاجة كدة زي برنامج مفصل لما يمكن القيام به وما نريد أن تكون عليه بلدنا...

لو وجد مثل هذا البرنامج سيكون من السهل جداً وقتها توزيع الأدوار وتركيز الجهود...

أنا تقريباً مقلتش حاجة جديدة :D

ما علينا...أقترح علينا موضوع نبتدي بيه وأنا معاك إن شاء الله...

(وطبعاً ده كله في كنف عهد سيادة الرئيس والعبور والاستقرار تحت شعار على أد فوله أدفوله... :D

فكأننا والماء من حولنا... قوم جلوس وحولهم ماء...

رابط هذا التعليق
شارك

زنقنتى ظروف خاصة منعتنى عن الإنضمام لأخوتى س س, و وجدى, و لكنى سأضع مسودة عمل فى خلال 24 ساعة.

أعز الولد ولد الولد

إهداء إلى حفيدى آدم:

IMG.jpg

رابط هذا التعليق
شارك

إستجابة لحملة الأخ " س س ", لتحدى مشاكل مصر, و مواجهتها.

أسلوب مختلف, لدراسة مشاكلنا, و محاولة إيجاد حل لبعضها.

الأخوات و الإخوة الأعزاء,

منذ أن إنضمامنا الى هذا المنتدى, و نحن ندور و نلف حول قضايا العصر, و يلقى كل منا بدلوه فى الموضوعات بطريقة عفوية غير منتجة , ثم تنتهى الهوجة على لا شيئ .

إستعملنا أسلوب إستطلاع الرأى, الذى لم يُفرخ أى حلول, و لم يبلور الآراء التى تعتمل فى صدور الأعضاء, لأنه لم يكن هناك متابعة منهجية لتصنيف و تحليل و استقراء الأفكار و الآراء التى أدلى بها مشاركوا المنتدى.

لهذا, فقد فكرت فى طريقة أخرى قد تكون أكثر فعالية, بحيث نحصل فى النهاية على آراء تمثل مشاعر أغلبية أعضاء , و يتم عرضها , بعد تجميعها, و تحليلها, و تصنيفها, فى مذكرة جامعة شاملة, يحصل جميع الأعضاء على نسخة منها, و يمكن نشرها فى الصحف الحزبية, مثل صحيفة الوفد, و أيضا فى الصحف القومية, و المستقلة.

و يتكون مشروع( أو مسودة) هذا البحث من عدة خطوات, مقصود منها تحديد المشاكل التى تنخر فى الكيان المصرى, و تحيل حياة المواطن المصرى إلى جحيم.

و أقترح إتباع الخطوات الأتية:

شرح:

أ- ما هى العيوب التى نرجوا تصحيهها؟

ب- كيفة جمع البيانات و المعلومات الخاصة بها؟

ج- كيفة حفظ هذه البيانات فى مكان مركزى, ثم تصنيفها؟

ء- بحث و مناقشة العديد من الحلول المتاحة , و العملية,

ه- دراسة هذه الحلول, و اختيار منها ما يتناسب مع مجتمعنا و تقاليدنا , ثم تصنيفها, ثم عرضها على الأعضاء, كوثيقة تصلح مستقبليا أن تُستعمل كمطلب قومى, يُقدم للحكومة و لمجلس الشعب.

و يمكن معالجة الفقرة (أ) كالآتى ( مثال فقط)

العيوب و المثالب الموجودة فى:

1- الدستور, و مجلسى الشعب و لشورى.

2- الإنتخابات.

3- الروتين الحكومى.

4- الفوضى الإقتصادية.

5- مشاكل التعليم.

6- الأمن العام, و علاقة الشرطة بالشعب.

7- الفوضى فى الشارع المصرى و زيادة معدل الفساد.

8- الإعلام.

9- صحة المواطن.و تأمينها

10- حماية البيئة.

11- نظرة إلى القيم الدينية و الإجتماعية

12- إزالة الفروق بين الطبقات

13- الإستفادة من خبرة المعتربين

14- حصر موارد مصر الطبيعية, و إتاحة المعلومات الخاصة بها لعناصر الإستثمار القومى.

(و أى موضوعات أخرى تضاف يمكن إضغفتها إلى هذه القائمة.)

* و بعد تحديد أهداف البحث , ننتقل الى بقية الفقرات, و يتطوع عدد من الزملاء بتغطية أى من, أو كل هذه الموضوعات, ثم تُرسل هذه الدراسات الى عضو,( أو لجنة مكونة من عدة أعضاء) تكون مهمته( او مهمتها) جمع و تصنيف , و تنسيق هذه المعلومات,

* يمكن, بعد إختيار العضو المنسق لهذه العملية, أن تُرسل اليه المشاركات عن طريق الماسنجر الشخصى, أو الإميل الخاص به, و ذلك بدون الحاجة الى نشر هذه المعلومات على صفحات المنتدى كفقرات متنافرة غير مترابطة.

* بعد ذلك يتم عرضها على جميع الأعضاء كورقة عمل, و بعد مناقشتها, نتقدم بها للحكومة و الجهات الأخرى كمطلب قومى.

هذه هى مسودة للمشروع, و هى قابلة للتعديل, و و يمكن أن يكون التعديل بالإضافة, أما الحذف, فيتم عند البدأ فى تنفيذ وقة العمل.

و أعتقد أن من حق سى السيد أن يكون منسقا لهذ العملية, حيث أنه, رغم أن كثير منا كتب فى هذا الموضع, فقد إختار الوقت المناسب لتفعيل هذه العملية.

أرجوا إعطاء هذه الفكرة فرصة لبدأ أسلوب جديد فى البحث عن حلول لقضايانا و مشاكلنا,

و تقبلوا تحياتى.

الأفوكاتو.

أعز الولد ولد الولد

إهداء إلى حفيدى آدم:

IMG.jpg

رابط هذا التعليق
شارك

الله عليك .. تسلم إيديك يا متر ..

هو ده الكلام .. وأنا مستعد لأي مسئولية او حاجة ممكن أقدر أقدمها ..

بس أرجو رجاء حار من الجميع إنهم يشاركوا ولو بأفكار بسيطة ..

يا جماعة دي بلدنا كلنا .. وجه الوقت اللي لازم نصحى فيه .. وما نسيبش ناس تانية تخطط وتنفذ وبعدين تغرقنا ونقعد إحنا نعيط ونقول غرقونا ..

ما هم عملوا كده لإننا أعطينا لهم الفرصة ..

وإذا كان على الأمل المعقود على تنفيذ مقترحاتنا ..

فبإذن الله هناك أمل .. وحتى لو مافيش ولم يستجيبوا فيكفينا شرف المحاولة . ويكفينا أيضاً أن نزرع الأمل في بكره في نفوس أولادنا .. وإلأ إسمحوا لي أقول إن " فاقد الشيء لا يُعطيه " وإذا فضلنا سلبيين ونايمين .. فلا نتوقع أن يكون الجيل الذي نربيه الأن أحسن مننا في المستقبل..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الاخوة الاعزاء.

ان شاء الله ساشارك فى هذا الموضوع الشيق. انا اتفق مع الخطوات المقترحة للاخ العزيز الافوكاتو. ارجو من الاخوة اختيار اول مجالات البحث.

رابط هذا التعليق
شارك

بالتأكيد ستكون لي مساهمة أو مساهمات في هذا الموضوع ..

خلال الأيام القادمة ..

مع تأكيدي ورجائي بأن يقترح أي من الزملاء موضوع واحد أو نقطة واحدة يتحدث عنها بالتفصيل ثم يقترح أو نقترح حلولاً لها ... مع الأخذ في الإعتبار أن يقوم أحد الأخوة المشرفين عاتق تنقية المداخلات التي فيها ردود لا تخص الموضوع الأساسي ..

أعتقد أنه قد سبق إعداد جزء خاص مشابه بمعرفة هشام عبد الوهاب وكتب فيه محمد حافظ وكتبت فيه أنا وغيرننا كثيرون .. ليتنا نعود له لعله يفيد بعض الشئ

تحيايت

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني ..
بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك

طب إحنا نبتدي والناس حاتسخن معانا إن شاء الله...

أقترح أن نبدأ بموضوع بعيد شوية عن الإنتخابات والرئاسة...الناس زهقانة ومحبطة اليومين دول...وأنا في رأيي مشكلة التعليم في بلدنا يجب أن تكون لها الأولوية القصوى...فالرئيس قد يتغير في يوم...والدستور يتغير في شهر... والإعلام يتغير في السنة...أما التعليم فيحتاج لسنين طويلة جداَ ليأتي بنتائجه...

وعلى خطة عمل الفاضل أفوكاتو...

فعلى الجميع المشاركة بالمعلومات أولاً قبل الأراء...يعني كل من تقع يده على معلومة أو رقم أو احصائية عن التعليم المصري فليضفها كده زي ما هي...حتى يجتمع عندنا بنك للمعلومات في هذا الموضوع نستطيع النقاش على أساسه...

مش عارف ليه برضه حاسس إني ماقلتش حاجة جديدة.. :D

(نسيت أقول إن اي مسودة ممكن نعملها سوف تكون نابعة من كنف عهد سيادة الرئيس والعبور والاستقرار تحت شعار على أد فوله أدفوله :D )

فكأننا والماء من حولنا... قوم جلوس وحولهم ماء...

رابط هذا التعليق
شارك

الاخ العزيز الافوكاتو

بالنسبة لى لم تنفجر البالونة و لسه عندى امل ان ناس كتيرة حتشارك. انا شخصيا قد اكون اقل نشاطا لظروف خارجة عن ارادتى ولكن ان شاء الله سابذل كل ما استطيع من جهد. :wub:

نرجع لموضوع التعليم

تقرير التنمية البشرية بيربط ما بين نسبة الامية وبين مركز مصر المتأخر عن الكثير من الدول النامية والشرق اوسطية فى مؤشر التنمية البشرية.

نسبة الامية انخفضت على المستوى القومى بس لم تنخفض فى كل الاقليم بل زادت عن معدلات 1996 فى الصعيد. الجدول 2.6 فى الصفحة 25 من التقرير يشير الى ان نسبة الامية قلت من 12.6% الى 8.3% فى المدن ومن 44.5% الى 42.8% فى وجه بحرى بينما زادت فى وجه قبلى من 41.8% الى 47.8% وزادت زيادة بسيطة فى المناطق النائية من 1.1% الى 1.2%. المقارنة بين سنة 1996 و سنة 2002.

الوصلة:

http://www.undp.org.eg/publications/HDP-2004-E%20.pdf

قد اكون ابتعدت عن جو التعليم فى المدارس.. بس السؤال للاخوة الاكثر معرفة ودراية ..هل هناك تعليم فى المدارس اذا كان الغالبية العظمى من الطلبة بياخدوا دروس خصوصية ومن سن صغيرة جدا ؟؟ ايه الفايدة من المدرسة؟؟ هل ينظر الطالب للمدرس نظرة اقتداء بشخص ذو قيم ام نظرة ازدراء لقرصان صاحب شعار (من دخل مجموعتى نجح فى مادتى)

هل نحمل الاباء مسؤلية عدم دفع ابنائهم للتعليم المفترض ان يكون مجانى ؟؟

هل نقف فى صف اولياء الامور الذين لم يدفعوا باولادهم للدراسة نظرآ لما يتبع ذلك من تكاليف الدروس الخصوصية؟؟؟

هل نحمل الدولة المسؤلية لان نهاية المتعلم وغير المتعلم واحدة وهى القهوة ؟؟

هل الدروس الخصوصية هى المسؤلة عن نسبة الامية ؟؟

ام هو الاحباط من المستقبل الذى سينتظر المتعلم او غيره؟

يتبع

تم تعديل بواسطة New
رابط هذا التعليق
شارك

لسه برضه مفيش حد شارك بأى شئ. :D ما علينا نكمل احنا ممكن حد يشارك كمان شوية.

اعضاء كتير اتكلموا عن التعليم الجامعى وعلشان كده حاحاول كتابة بعض نقاط الضعف والعيوب اللى فيه.

بعض العيوب الموجودة في التعليم الجامعى:

1- تسلط الدكاترة والمعيدين

2- الفساد والمحسوبية (برضه فيه توريث الوظائف)

3- قدم المناهج

4- ضعف البحث العلمى

5- الاسراف بشكل لا يتناسب مع قدرات الدولة فى البعثات

رابط هذا التعليق
شارك

بعض الحلول المقترحة:

بالنسبة للتعليم الاساسى:

1- زيادة مرتبات المدرسين (طبعا يجب اصلاح الحالة الاقتصادية للدولة اولا)

2- تفعيل دور الرقابة الادارية

3- العمل على انهاء استغلال المدرس للطالب

4- التأكد من صلاحية المدرس للعمل

5- التأكد من ان الكتب الدراسية تصلح لمخاطبة عقلية الطالب فى هذا السن

6- ترسيخ دور المدرسة التربوي والتعليمى وان تكون المكان الاساسى لتحصيل العلم.

بالنسبة للتعليم الجامعى:

1- وجود رقابة ادارية حازمة لمحاسبة الدكاترة والعاملين

2- العمل بنظام تقييم الدكتور او المعيد بواسطة الطلبة فى اخر الفصل الدراسى (قبل الامتحانات) والاستماع الى شكواهم.

3- العمل بنظام ال advisor للطلبة

4- العمل على تطوير المناهج بشكل دورى (كل 5 سنين مثلا)

5- مراجعة مرتبات البعثات والفترة اللازمة لانهاء الدرجة العلمية بالخارج

6- التواصل مع الجامعات الامريكية والاوربية والتعاون معهم فى البحث العلمى

7- التعاون مع الشركات الصناعية العالمية التى ترغب فى عمل ابحاث فى مصر.

اخيرآ لابد من اصلاح الحالة الاقتصادية المتنيلة اللى فى البلد من اجل ايجاد فرص عمل للمتعلمين لان من الاخر فيه ناس بتحسبها بان ايه هى الفايدة؟؟؟ فلو مفيش فايدة من التعليم يبقي ايه الدافع والحافز ليه؟؟؟

رابط هذا التعليق
شارك

ربنا ينفخ فى صورة بقية الزملاء, و تتفتح قريحتهم بأفكار خلاقة فى محاولة حصر و حل مشاكل مصر.

شكرا يا أخى " نيو" على تقديم العون.

أعز الولد ولد الولد

إهداء إلى حفيدى آدم:

IMG.jpg

رابط هذا التعليق
شارك

الاخ الفاضل الافوكاتو.

اشكرك على ردك الجميل.. هذا اقل ما يمكن عمله....

كل بند من البنود اللى كتبتها يمكن مناقشتها فى صفحات... على سبيل المثال البعثات وميزانيتها. لما كنت طالب فى الدراسات العليا فى احد الجامعات الامريكية التى تستقبل بعثات من مصر (ولم اكن احدهم) عرفت ان البعثات ما كانتش بتدفع مرتبات بس للمبعوثين ... كان فيه فلوس بتندفع سنويآ للمبعوثين علشان شراء الكتب (اعتقد انه مرتب شهر )علما بان الكتب كلها متوفره فى المكتبات ويمكن استعارتها طوال السنة.....و فلوس بتندفع علشان الملابس..... و تذاكر سفر ذهاب واياب كل سنتين للمبعوث واسرته لمصر ...وكل ده و مرتباتهم فى مصر شغالة كمان.... وطبعا معظم المبعوثين يتمنوا مد فترة البعثة لاطول فترة ممكنة.

امتيازات لم تقدمها لنا الجامعات الامريكية نفسها علما بانى كنت شغال Research Assistant وقتها وكنت عايش كويس....

و تعرف بعد كل هذة الالاف المطلوب من المبعوث الرجوع لمصر والعمل فى الجامعات المصرية لمدة سنتين بس وبعدها ممكن يقول لهم سلامو عليكم فى اى لحظة بعد كده..

من الاخر بعزقه بشكل يتنافى مع قدرات الدولة الاقتصادية المعدومة.

وعلشان كده باطالب باعادة مراجعة لمصاريف ومرتبات البعثات..

البحث العلمى ... حدث ولا حرج.. دول امريكا الجنوبية ودول اسيوية لهم ابحاث مشتركة مع معامل وطنية وجامعات امريكية.. احنا لا ليه؟؟

الرقابة الادارية دى مصيبة تانية... والله العظيم دكتور امريكى هنا اتمنع من تدريس مادة علشان طالب مصرى (اعرفه كويس جدا) اثبت ان الدكتور ظلمه فى تصحيح ورقة اجابته.....المشكلة دى اتحلت على مستوى القسم وليست الكلية ولا الجامعة

هو ده الصح وهو ده اللى احنا المفروض نعمله...

يا تري كفاية كده تعليم وندخل فى المشاكل الاقتصادية؟؟

فى انتظار مشاركات بقية الزملاء

تم تعديل بواسطة New
رابط هذا التعليق
شارك

الفشل الاقتصادى.

المشاكل الاقتصادية لا تخفى على احد والكل متضرر منها سواء من قريب او بعيد. المشكلة ان اصحاب المشاريع الصغيرة الدولة قاضمة وسطهم ضرايب وتصعيبات فى كل شئ

وده طبعآ شئ غير مشجع.

الحلول المتاحة:

1- تسهيلات فى الاجراءات اللازمة لاقامة المشروع

2- فترة من الاعفاءات الضريبية او الضرائب المخفضة (لمدة خمس سنوات مثلا)

3- تقديم قروض بفوائد مخفضة حتى ولو لفترة زمنية محدودة

اما بالنسبة للاستثمار الاجنبى المفروض تشجيعه و تقديم تسهيلات له سواء تسهيلات تضريبية او تسهيلات اقامة المشاريع او حماية المنتجات....

اقامة مدن صناعية على السواحل لتكون قريبة من مناطق التصدير فى اوربا او منطقة الخليج.....

استغلال ال outsourcing اللى شركات كتيرة بتعمله فى كل انحاء العالم لتخفيض تكلفة الانتاج ومحاولة جذبهم الى مصر....

استصلاح الاراضى الكلام ده اتكلم فيه ناس كتير ومن المواضيع الجديدة اللى بتتكلم على الساحل الشمالى مداخلة الزميل kokowawa1979 فى فكرة الدكتور الفاضل الباز. كل المعطيات بتشير انه مشروع ناجح لوجود مخزون كبير من المياة الجوفية بس لابد للحكومة من التحرك لازالة الالغام الموجودة او بمعنى اصح مطالبة الدول اللى زرعتها فى الحرب العالمية التانية بتحمل تكاليف ازالتها.

رابط هذا التعليق
شارك

انا سايب الدستور علشان الاخ العزيز الافوكاتو اكترنا خبرة فى المجال ده وان شاء الله يفيدنا فيه..... بس ممكن نتكلم عن الروتين الحكومى اللى الكل بيعانى منه.

باختصار يمكن تلخيص مشاكل الروتين الحكومى فى:

1- الموظف مش عارف ايه هى المستندات المطلوبة او عارف ومطنش وكل اللى عايزه رشوة حلوة علشان يقوم يجرى ويعمل الشغل.

2- المواطن عايز يقضى مصلحته بس مش عارف ايه هو المطلوب

3- ليست هناك قوانين معروفة للجميع تحكم المطلوب وتعطى تقدير للوقت اللازم لانهاء المصلحة.

فى نظرى للقضاء على الموضوع ده يجب:

1- تفعيل الرقابة الادارية للقضاء على الرشوة

2- تعميم نظام الطلبات والقوائم فى المصالح الحكومية بمعنى قائمة مكتوب فيها المطلوب تجهيزه والوقت اللازم لانهاء الخدمة.....فالمواطن يكتب طلب للخدمة اللى هو عايزها.... ويرفق معها المستندات المطلوبة ويكون عارف قد ايه الوقت المطلوب لاكمال الموظف الخدمة دى

اخيرا

كنت اتمنى ان يشاركنى بقية الاعضاء بس للاسف مفيش حد فكر يكتب وجهة نظرة واسلوب الحل.... طيب احنا بننتقد الحكومة ليه اذا ما كانش عندنا حلول نقدمها؟؟؟ :blink:

الاخ سي السيد فتح الموضوع والاخ عصام كان متحمس ليه ....... فين مداخلاتكم.......... وفين بقية الاعضاء ؟؟؟ :D

تم تعديل بواسطة New
رابط هذا التعليق
شارك

شكرا يا أخى " نيو على مجهودك المشكور, و لكن يد واحدة لا تصفق, نريد أيدى أخرى تشارك فى التصفيق, لكى نتستفيق.

لقد إقترب الشهر المبارك, و لعله يأتى بخير ووفرة فى القرائح.

همتكم يا أخوتى, فمصير مصر مسئوليتكم.

أعز الولد ولد الولد

إهداء إلى حفيدى آدم:

IMG.jpg

رابط هذا التعليق
شارك

  • بعد 2 أسابيع...
شكرا يا أخى " نيو على مجهودك المشكور, و لكن يد واحدة لا تصفق, نريد أيدى أخرى تشارك فى التصفيق, لكى نتستفيق.

لقد إقترب الشهر المبارك, و لعله يأتى بخير ووفرة فى القرائح.

همتكم يا أخوتى, فمصير مصر مسئوليتكم.

قرأت سريعا هذا الموضوع وتداعياته من الزملاء..واحيي الفكر المنطقي للأخ الأفوكاتو ..واسمحوا لي ان ادلي بدلوي في هذا الموضوع بعد بعض الوقت .

رابط هذا التعليق
شارك

الاخ الفاضل الافوكاتو.

اشكرك على ردك الجميل.. هذا اقل ما يمكن عمله....

كل بند من البنود اللى كتبتها يمكن مناقشتها فى صفحات... على سبيل المثال البعثات وميزانيتها. لما كنت طالب  فى الدراسات العليا فى احد الجامعات الامريكية التى تستقبل بعثات من مصر (ولم اكن احدهم) عرفت ان البعثات ما كانتش بتدفع مرتبات بس للمبعوثين ... كان فيه فلوس بتندفع  سنويآ للمبعوثين علشان شراء الكتب (اعتقد انه مرتب شهر )علما بان الكتب كلها متوفره فى المكتبات ويمكن استعارتها طوال السنة.....و فلوس بتندفع علشان الملابس..... و تذاكر سفر ذهاب واياب كل سنتين للمبعوث واسرته لمصر ...وكل ده و مرتباتهم فى مصر شغالة كمان.... وطبعا معظم المبعوثين يتمنوا مد فترة البعثة لاطول فترة ممكنة.

امتيازات لم تقدمها لنا الجامعات الامريكية نفسها علما بانى كنت شغال Research Assistant وقتها وكنت عايش كويس....

و تعرف بعد كل هذة الالاف المطلوب من المبعوث الرجوع لمصر والعمل فى الجامعات المصرية لمدة سنتين بس وبعدها ممكن يقول لهم سلامو عليكم فى اى لحظة بعد كده..

من الاخر بعزقه بشكل يتنافى مع قدرات الدولة الاقتصادية المعدومة.

وعلشان كده باطالب باعادة مراجعة لمصاريف ومرتبات البعثات.. 

البحث العلمى ... حدث ولا حرج.. دول امريكا الجنوبية ودول اسيوية لهم ابحاث مشتركة مع معامل وطنية وجامعات امريكية.. احنا لا ليه؟؟

الرقابة الادارية دى مصيبة تانية... والله العظيم دكتور امريكى هنا اتمنع من تدريس مادة علشان طالب  مصرى (اعرفه كويس جدا) اثبت ان الدكتور ظلمه فى تصحيح ورقة اجابته.....المشكلة دى اتحلت على مستوى القسم وليست الكلية ولا الجامعة

هو ده الصح وهو ده اللى احنا المفروض نعمله...

يا تري كفاية كده تعليم وندخل فى المشاكل الاقتصادية؟؟

فى انتظار مشاركات بقية الزملاء

الحرية:حرية الرأي والتعبير والإعتقاد.

المشاركة:مشاركة الشعب في إتخاذ القرار وبصدق ودون تزوير وعدم تهميش الدور الشعبي

رفض الوصاية على الوطن والمواطنين:فلا يوجد من هو أدرى بمصلحة الوطن أكثر من المواطنين أنفسهم

المساواة في الحقوق والواجبات:فلا يوجد من هو فوق القانون ,الكل سواسية لافرق بين وزير أو خفير

كرامة الوطن من كرامة المواطن:فحقوق الأنسان تمتد من حقه في حياة كريمة لا مهانة فيها ولاإذلال إلى حقه في التعليم والصحة والعمل.

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...