تأشيرة عامل للسعودية أرجوكم افيدونا

[master]

السلام عليكم و رحمة الله و بركاته

انا معايا بكالوريوس نظم و معلومات

و لأن مفيش شغل حاليا فى مصر الا كول سنتر او مخازن او امن

جتلى فرصة انى اسافر السعودية

الشغل فى شركة برمجيات فى جدة

مبدأياً هاخد كورس مدفوع فى القاهرة على حسابهم

الشغل هيبقى فى الاوراكل

التدريب و التأشيرة و الفيزا و تذاكر السفر و الاقامة و الانتقالات و السكن

كل ده مدفوع و عليهم

السلبيات بقا

الراتب 2500 ريال - بس بيقول هيزيد بعد كده

اجازة شهر واحد كل سنتين

التأشيرة " عامل " بس بيقول هيغيرها بعد كده تبقى مبرمج

انا حاليا عاطل فى مصر و مش شغال

افيدونا

[خالد شحاته]

الاخ الفاتضل

الراتب مش يصالح لك ابداااا ولا هينفعك بشي ارجو اعادة النظر في الراتب

[AbuZeyad]

الراتب طبعا ضعيف جداً

وخصوصا لو انت متزوج او ناوي على الزواج

موضوع اجازة شهر كل سنتين دا غير قانوني حقك اجازة شهر في السنة

شوف قانون العمل السعودي على النت علشان تعرف حقك كويس

موضوع تعديل التأشيرة بصراحة مش عارف شروطه بس اظنه ينفع

الخلاصة العرض دا ممكن تقبله بشرطين:

اولا : انك تكون يائس من الحياة في مصر بدرجة كبيرة وانك تكون مش عارف تجيب مصاريفك وتغطي التزاماتك لان المبلغ المعروض عليك ضعيف ولو ادخرت منه مش هايكون مبلغ كبير بس على الاقل يغطي مصاريفك الشخصية لو كنت عازب طبعا مع هامش ادخار بسيط

ثانياً: انك لا تسمح للغربة انها تجرفك يعني تشتغل سنتين بالكتير تاخد خبرة وتروح بعداها مكان تاني