اذهب الي المحتوي
Scorpion

أول قرار بإرسال أوراق رئيس جمهورية مصري إلي المفتي لإبداء الرأي .. و2 يونيو النطق بالحكم.

Recommended Posts

لقد أعدم الكثير من ضباط وجنود وأبناء الشعب المصري المؤمن


مسلمين وأقباط بدون محاكمة


ودون أن يتوفر لهم حق الدفاع


ونفذ الحكم في الحال غدرا


أتمنى أن ينفذ حكم الإعدام فورا وبدون تأجيل في حق مرسي وعصابته


التي لم تجرم فقط بقتل أبناء الشعب ولكنها أجرمت أكثر بتغييب عقول الناس وتشوية الدين واستغلاله والتجارة به


لن يفعلوا أكثر مما فعلوا


إن كانت تنتظرهم الجنة كما يزعمون فيجب أن يزفوا إليها فورا وبدون تأجيل


تم تعديل بواسطة tarek hassan

شارك هذه المشاركه


رابط المشاركه
شارك

11259492_835636459840602_150211428824079

ناس بتاخد حقها وقتي

وانت لسه بتبعت تستشير المفتي

بيان صدر من حزب الحرية والعدالة الاخوان المسلمين - ومن الواضح فعلا انهم جماعة اثبتت انها ارهابية بكل المعانى وهذا كلامهم الواضح وفعلا الان استطيع ان اقول يجب ان يتم ازاحتهم تماما ولا صلح بعد هذا المنشور العلنى

=========================================

عاجل | ‫#‏الحرية_والعداله‬: الحكم الباطل الذي أصدرته اليوم حفنة من قضاة الزور على رئيس مصر المنتخب ورفقائه يفتح كل الخيارات أمام الثوار لتخليص البلاد من هذه العصابة التي استولت على السلطة بقوة السلاح.

لقد بات من الواضح أن المجلس العسكري وعصابته يُصرون على الدفع بالبلاد إلى الهاوية مما يستوجب تحركا سريعا وحاسما يقوم به كل المخلصون لتجنيب البلاد المصير الأسود الذي يجرّها إليه الانقلاب العسكري.

إن حزب الحرية والعدالة وكوادره وأعضاءه في طول البلاد وعرضها لن يقفوا مكتوفي الأيدي أمام هذا التطور الخطير، وسيدفع الانقلاب العسكري وقادته ثمنا فادحا لجرائمهم بحق الشعب المصري وقيادته المنتخبة.

إننا إذ نوجه التحية لصمود وثبات الدكتور محمد مرسي ورفاقه الأحرار في وجه الطغاة رغم كل الضغوط التي تمارسها سلطات الانقلاب العسكري ضدهم. نؤكد أن القصاص قادم ولن يفلت مجرم مما دنت يداه.

"وَسَيَعْلَمُ الّذِينَ ظَلَمُوا أَيَّ مُنْقَلَبٍ يَنْقَلِبُون".

شارك هذه المشاركه


رابط المشاركه
شارك

قال عبد المنعم عبد المقصود، محامي الرئيس الأسبق محمد مرسي، تعليقا على أحكام الإعدام بحق موكله، إننا لسنا

بصدد حكم وأن هذا قرار، وننتظر رأي المفتي، ثم النطق بالحكم في 2 يونيو، مضيفًا ولو صدرت أحكام بالإدانة سيتم الطعن عليها بعد صدور الحيثيات، و لكننا لن نستطيع الطعن بالنسبة لمرسي؛ لأنه لا يعترف بالمحاكمة و يرفضها تماما.

جاء ذلك بعد قرار محكمه جنايات القاهرة بإحالة المتهمين في القضية المعروفة إعلاميا بالهروب من سجن وادي النطرون إلي المفتي و مثلهم متهمي التخابر مع حماس، و حددت جلسه 2 يونيو للنطق بالحكم، وقال خالد بدوي المحامي "حسبي الله و نعم الوكيل و لم يعلق علي ما صدر من قرار.

المصدر : بوابة الفجر

شارك هذه المشاركه


رابط المشاركه
شارك

ما لم أفهمه ابدآ .. ما لم استوعبه حتي الآن ..

كيف سمح لمرسي منذ الأساس بالترشح لرئاسة الجمهورية و هو قانونيآ مجرمآ فارآ ؟؟

كيف لم يتم القبض عليه و تقديمه للمحاكمة عندما عاد للظهور مرة اخري بل و بلغت به و بجماعته البجاحة لتقديمه كمرشح منافس للرئاسة ؟؟

اين كان القانون طوال كل تلك الفترة ؟؟

شارك هذه المشاركه


رابط المشاركه
شارك

إذا كان الحكم النهائي سيكون إعدام مرسي فإن ذلك يحقق القصاص ويحقق العدل والمساواة بينه وبين الرئيس الأسبق مبارك فإنه ينفذ حكم قضى به القضاء عليه وعلى أولاده


إعدام مرسي سيريح الجميع المؤيدين والمعارضين القائلين والسامعين لمقولة


مرسي راااجع


شارك هذه المشاركه


رابط المشاركه
شارك

ما لم أفهمه ابدآ .. ما لم استوعبه حتي الآن ..

كيف سمح لمرسي منذ الأساس بالترشح لرئاسة الجمهورية و هو قانونيآ مجرمآ فارآ ؟؟

كيف لم يتم القبض عليه و تقديمه للمحاكمة عندما عاد للظهور مرة اخري بل و بلغت به و بجماعته البجاحة لتقديمه كمرشح منافس للرئاسة ؟؟

اين كان القانون طوال كل تلك الفترة ؟؟

لم يجبني أحد ..

قد تكون الأجابة موجودة في غرفة الأزرار التي تدير بلدنا ..

هل كان يجب ان تصل الأخوان الي الحكم بأي وسيلة و محتفظين بكروت في كم الجاكيتة يتم اظهارها في وقتها ...

هل كل ما مررنا به حتي الآن ما هو الا مسرحية قمنا بادوار الكومبارس فيها ..

في رأيي ... نعم ..

علي ايه حال قد تكون مسرحية تصب في صالح البلد .. حتي لو كانت من نوع الكوميديا السودا

شارك هذه المشاركه


رابط المشاركه
شارك

لم يجبني أحد ..

قد تكون الأجابة موجودة في غرفة الأزرار التي تدير بلدنا ..

هل كان يجب ان تصل الأخوان الي الحكم بأي وسيلة و محتفظين بكروت في كم الجاكيتة يتم اظهارها في وقتها ...

هل كل ما مررنا به حتي الآن ما هو الا مسرحية قمنا بادوار الكومبارس فيها ..

في رأيي ... نعم ..

علي ايه حال قد تكون مسرحية تصب في صالح البلد .. حتي لو كانت من نوع الكوميديا السودا

الاجابة معروفة من زمااان من يوم ما قامت الثورة يوم ما شعرنا ان البلد ضاعت وفيه انفلات امني ووقفنا في الشارع بالشوم كنت متيقن وعلى ثقة مطلقة ان مصر تركة لا يحكمها الا العسكر ولم اكن اتخيل يوم ان الجيش سيتخلى عن الحكم من اجل اي شيء بما فيها اللي ما تتسمى الديمقراطية

الحكاية ان الجيش كان في حيرة من امره وهو يتابع مشهد التوريث وماذا هو فاعل اذا حدث ما يلوكه الناس

فقامت الثورة الجيش قال بركة يا جامع وانضم للثورة عشان ينجحها وقد حدث من اجل قتل فكرة التوريث والتي كانت ستسلب الارث من الجيش ولذلك نجحت الثورة ليس في اسقاط مبارك فهو كان في حكم الميت لكنها نجحت في قتل التوريث وسلب الارث

ومنذ قيام الثورة الجيش يسيطر على مقاليد الحكم ومقدرات ومؤسسات الدولة ودع الجميع يلهو ويلعب ويثور ويطالب وحقق له مطالبه لكن كل هذا بعيد عن الحكم والتحكم في الدولة حتى جاء مرسي وسواء مرسي او غيره كان سيظل خيال مأتة لان ادوات الحكم مازالت وستظل في قبضة الجيش

لو كانت ادوات الحكم بيدي استطيع الان ان البسك ١٠٠ تهمة وبادواتي استطيع ان اجيب مليون دليل على قيامك بهذه الجريمة

حتى اذا انتهى الى غير رجعة مشروع التوريث اصبح كل شيء يأتي من بعده هو اهون وابسط

اقسم بالله العظيم لم اكن في يوم من الايام مقتنع بان الجيش يمكن له ان يتخلى عن الحكم وانا صادق في مشاعري واقوالي

شارك هذه المشاركه


رابط المشاركه
شارك

ما لم أفهمه ابدآ .. ما لم استوعبه حتي الآن ..

كيف سمح لمرسي منذ الأساس بالترشح لرئاسة الجمهورية و هو قانونيآ مجرمآ فارآ ؟؟

كيف لم يتم القبض عليه و تقديمه للمحاكمة عندما عاد للظهور مرة اخري بل و بلغت به و بجماعته البجاحة لتقديمه كمرشح منافس للرئاسة ؟؟

اين كان القانون طوال كل تلك الفترة ؟؟

تسريب السيد البدوى ده بياكد لى اكتر واكتر ظنى الاكبر .. الا وهو ان مرسى فعلا تم التزوير له فى انتخابات الرئاسه .. او على الاقل جهة ما سياديه ساعدته بكل السبل عشان يوصل هو وجماعته للحكم .. مش عشقا لسواد عيونهم او اقتناعا بيهم .. بالعكس طبعا .. يعنى مش محتاج اقول خلاص ((حتى بينى وبين نفسى)) ليه تم الزج بمرسى والاخوان فى طريق الثوره وإستخدامهم أسوء استغلال .. .. واللى يفتكر معايا ايام الانتخابات ان كلنا كنا شبه موقنين ان اللى حينجح فيها هو المرشح الاخر اللى امام مرسى اللى بيمثل الفلول والنظام السابق ((والله نسيت اسمه ايه)) .. ونجاح مرسى كان مفاجاه مدويه تصل للصدمه عند الكثيرين من المؤيدين قبل المعارضين

كانت خيه .. وأغبى جماعه سياسيه عرفها التاريخ المصرى وقعت فيها بكل أريحيه .. وقال ايه جايين بكل عبط بيتكلموا وبيدافعوا عن شرعية مرسى .. بدلا من ان ينتحروا بكرامه كما ينتحر اليابانيين الفشله على طريقة الهارى كارى

والظاهر جدا ان دولتنا ((من قبل ومن بعد)) يتحكم فيها ويحكمها المخابرات او أمن الدوله أو جهه ما ((سمها كما شئت)) .. والجهه دى كل الجهات الاخرى بالنسبه لها ((قضاء شرطه جيش اعلام الخ الخ الخ الخ)) مجرد قطع على رقعة شطرنج تحركها على حسب مصلحتها ((او ما تراه)) مصلحة للدوله ..

عشان كده ..وبعد كل ما سبق ذكره .. من الغباء والهطل والعبط والاستفزاز.. ان الاخوان ومن والاهم يتهموا القضاء مثلا بأنه مسيس ((واظنه صحيح)) ..وفى نفس الوقت يعتقدوا لدرجة اليقين بأن نفس هذا القضاء كان نزيه وشريف وحيادى ومستقل وزى فل ((((فقط)))) لما اشرف على انتخابات الرئاسه اللى فاز ((او تم تفويز)) مرسى فيها

شارك هذه المشاركه


رابط المشاركه
شارك

لم يجبني أحد ..

قد تكون الأجابة موجودة في غرفة الأزرار التي تدير بلدنا ..

هل كان يجب ان تصل الأخوان الي الحكم بأي وسيلة و محتفظين بكروت في كم الجاكيتة يتم اظهارها في وقتها ...

هل كل ما مررنا به حتي الآن ما هو الا مسرحية قمنا بادوار الكومبارس فيها ..

في رأيي ... نعم ..

علي ايه حال قد تكون مسرحية تصب في صالح البلد .. حتي لو كانت من نوع الكوميديا السودا

مع احترامى لتحليلك وتحليل الأستاذ إسلام وتحليل الأستاذ التونسى

وهى تحليلات أحترمها وربما أتفق مع تنتوفة من كل تحليل منها

بس حضراتكم ناسيين اللى حصل .. لأن كما يقول الفرنجة :

First impression lasts

أو كما نقول نحن بنى يعرب

"الانطباع الأول يدوم"

- حضراتكم فضلتم - وربما ما زلتم - مقتنعين إن الثورة استمرت شبابية نقية لغاية يوم 11 فبراير .. وما بعدها

- فيه ناس لم تغير رأيها سوى يوم جمعة قندهار

- وناس تانية اتأخرت لغاية لما ميليشيا الأخوان منعت "الثوار" من الاقتراب من مجلس الشعب الإخوانى

- وناس تالتة فضلت نايمة لغاية ما سُمِّى يوم الحساب "بعد الـ 100 يوم اللى كان مفروض كل مشاكل البلد تتحل فيهم"

- وناس رابعة ما فاقتش غير لما نزل على وشها جردل المية الساقعة فى 21 نوفمبر 2012 بالإعلان الدستورى

- وناس جلدها تخين استنت لغاية يوم مسلخة الاتحادية

الحقيقة بقى يا حضرات (أنا مش ناسى سؤالك يا سكوب حارد عليه فى الآخر)

إن ثورة 25 يناير استمرت تلات أيام ونص بس قبل ما تتركب

اتركبت يوم 28 يناير بعد الضهر .. عندما بدأ الحرق والقتل والقنص والتدمير

واللى خطفها دلدل رجليه يوم ما يسمى "موقعة الجمل"

وكنت كل ما آجى افتح بقى تتفتح علىَّ مدافع رشاشة باتهامات أعتقد ما انتوش ناسيينها

يوم 28 بعد الضهر .. قيل (بدون كلام ولكن بأفعال) للشباب : "خلاص يا بابا انت وهو عملتوا اللى عليكم"

وتجلى هذا - على عينك يا تاجر - يوم ما سُمِّى "جمعة الانتصار"

عندما عاد "خمينى الثورة المصرية" من قطر ليخطب فى الميدان

أعتقد مفيش حد ناسى منظر أيقونة الثورة و "مفجرها" وائل غنيم وهو بينطرد من على المنصة

حد ناسى ؟ .. اللى ناسى يرجع الشريط بمساعدة اليوتيوب

عصر مبارك - يا حضرات - لم يترك على الساحة سوى قوتين فاعلتين

قوة الجيش .. وقوة "تنظيم" الأخوان

وطبعا شوية أحزاب تعلمون ويعلم الله بحالها على شوية رفاصين سموا نفسهم "نخبة"

كل واحد بعدما بدأت تتضح النوايا أخد الجنب اللى يريحه

وكان توقيت أخذ الجانب بناء على توقيت "نوبة الصحيان" اللى اتكلمت عنها فيما سبق

وتوقيت الانتباه إلى الصراع الدائر بين القوتين الفاعلتين

كان صراعا لا يمكن أن ينتج عنه إلا :

1) ما نحن فيه الآن

أو

2) ما آلت إليه البلدان المجاورة

وأكتفى بهذا القدر - الآن - لأنى نسيت أرد على سؤال صديقى العزيز سكوربيون

شوف يا عم سكوب

مرسى وإخوانه اتقبض عليهم يوم 27 يناير .. وخرجوا من السجن بعد اقتحامه يوم 29 يناير

يعنى لا كانوا اتعرضوا على نيابة ولا كان اتحقق معاهم ولا كان اتوجه لهم أى اتهام

وخرجوا والحالة كانت البلد فيها على كف عفريت .. والداخلية كانت .. بح .. "كل سنة وانت طيب"

يعنى ناس كانوا فى حكم المعتقلين من النظام الذى قامت ضده "الثورة"

عايز إيه منهم ؟ .. دول أبطال (فى وقتها) مش مجرمين

تمنع مرسى من الترشح بأمارة إيه ؟

مين قدم فيه - هو أو زمايله - بلاغ فى النيابة وبتهمة إيه ؟

هو كان فين أمن الدولة اللى عمل التحريات ؟ .. كان بح

ومين اللى هاجم مقرات أمن الدولة ؟ .. ومين اللى لغى حاجة اسمها أمن دولة وسرح ظباطها ؟

مش حاقولك :)

عرفت ليه بقى ما كانش ممكن منع مرسى من الترشح ؟

شارك هذه المشاركه


رابط المشاركه
شارك

قرات هذا الرد في مقالة ل"محمد نبيل صابر" و ربما يكون هذا الرد بجانب مداخلة العزيز ابو محمد الرد الذي من الممكن اعتباره حجة قانونية علي "عدم الممانعة" من اولي المر حينها في ترشيح مرسي العياط .. و ان كانوا ايضآ قاموا بالقبض علي آخرين تم تهريبهم في نفي الفترة .. علي ايه حال ما زلت مقتنع ان تواجد مرسي كرئيس كان يمثل دائمى الكارت في كم الجاكيتة مثلما ذكرت من قبل ...

.اولا مرسى لم يكن متهما ..مرسى والقيادات تم اعتقالهم طبقا لاحكام قانون الطوارئ ..مرسى نفسه طول عمره ماشى بالريموت كونترول والراعى الرسمى لاتفاقات الدولة والاخوان طوال ظهوره على الساحة السياسية فمثلا من ينسى تصريحه الشهير باخلاء الدوائر الانتخابية امام "عز والشاذلى ....الخ" باعتبارهم "قامات وطنية"..مرسى لم يتم مسه نتيحة لذلك فى قضايا "قرص الودن" التى تلقاها الاخوان اذا تجاوزوا الحدود الحمراء المتفق عليها فى لاظوغلى طوال عهد مبارك
قانونا يحق لكل من لم يصدر ضده حكم نهائى الترشح لاى انتخابات فى اى مكان ..مثلا مبارك وعلاء وجمال العام الماضى وقبل حكم القصور الرئاسية الاخير يصبح من حقهم الترشح لاى انتخابات بل وزد على ذلك لو مات مبارك فى اثناء الطعن على حكم القصور الرئاسية سيصبح من حقه جنازة رسمية باعتباره رئيس سابق وقائد عسكرى ..واتمنى من قلبى حقا الا يطعن فى الحكم وكفى الله المؤمنين القتال
ثانيآ لم يتلق احد حكما وهو تصريح لمحامى الاخوان نفسه "عبد المقصود" حين قال ان ما صدر من المحكمة هو قرار ولو تم تأييد القرار فى جلسة 2 يونيو لازالت هناك لفة طويلة من النقض واعادة المحاكمة ....الخ . الموضوع فى رأيى الشخصى يتلخص ان الدولة قررت ان تذكر الاخوان من المسيطر فى التفاوض على التصالح بعد بالونات الاختبار الكثيرة التى اطلقتها الاخوان طوال الفترة الماضية عبر جمال حشمت . كل ما تطلبه الدولة عبر تلك "المناوشات" ان تخرس الجماعة الاصوات المعارضة التى تنطلق ضد بالونات الاختبار وضد اللقاءات المباشرة لتسريع عمليه التفاوض وهو اسلوب قوى فى اساليب ادارة التفاوض وربما يقتصر الامر على تقليل سقف طلباتهم

شارك هذه المشاركه


رابط المشاركه
شارك

انا خائف !!!!!!!!!

انا معنديش مشكلة يعدم الدكتور مرسي او الرئيس السابق او الحالي كل ده مش مشكلة فيه قاضي امامه ادلة بيحكم على أساسها وحسابه عند رب العباد

انما اللي مخليني مرعوب من المستقبل في مصر ريحه الدم اللي بقت ف كل حته ، ياترى من يروا ان الدكتور مرسي هو شخص منزل لا يقبل الطعن او التشكيك ومن يناظرهم ع الجهة الاخرى مع الرئيس الاسبق حسني مبارك ومن يماثلهم ف نظرته للرئيس الحالي السيسي
ياترى خلاص بقت لغة العنف هي الموجودة ، لو فكرنا كده وقولنا ياترى الناس اللي ابائهم او اخوانهم او اصدقائهم او ابنائهم صدر بحقهم أحكام بالاعدام واللي اعتقل واللي خد مؤبد

ياترى الناس ده هتعيش مع بعض ازاي بعد كده ، انا بفترض ان ف خلال سنتين هنصدر وهنفذ الاحكام ف كل الاخوان وكل من نرى انه مجرم وارهابي طب ياترى ورثة هذا الدم هيتعاملوا ازاي !!!!

صورة مخيفة جدااااااااااااا وللاسف غير مبشرة ، هو أنا لو ابويا اتعدم او اخويا او زوجي او اخي او حبيبي او صديقي المقرب نفذ في حقه الاعدام هل بسهولة هتقبل الامر ، ياترى الاحكام ده هتكون النهاية ولا للاسف بداية النهاية

شارك هذه المشاركه


رابط المشاركه
شارك

وهو اقتحام السجن وتهريب المجرمين كان اقتحام طاهر وعفيف ولونه أخضر ؟


أم كان اقتحاما مقترنا بمقتل ظباط وعساكر ومساجين ولونه بلون الدم ؟


وبتهريب أكتر من 20 ألف سجين من المحكوم عليهم بجرائم شتى


مما أثار الخوف والرعب فى طول البلاد وعرضها لأسابيع وشهور ؟


وهل تم الاقتحام بالآر بى جى واللودرات والالى باتفاق مع الأخوان ؟


أم كان تهريبهم غصب عنهم ومش برضاهم ولا بالاتفاق معاهم ؟



الخوف عمره أربع سنين ونص


مش بس من يوم الحكم على مرسى ورفاقه



ماهو المطلوب ؟


نطبطب على من قتلوا وأثاروا واشتركوا فى القتل وفى إثارة هذا الخوف والرعب طوال هذه السنين ؟


أم نقول لهم .. إذهبوا فأنتم الطلقاء ؟


شارك هذه المشاركه


رابط المشاركه
شارك

انا خائف !!!!!!!!!

انا معنديش مشكلة يعدم الدكتور مرسي او الرئيس السابق او الحالي كل ده مش مشكلة فيه قاضي امامه ادلة بيحكم على أساسها وحسابه عند رب العباد

انما اللي مخليني مرعوب من المستقبل في مصر ريحه الدم اللي بقت ف كل حته ، ياترى من يروا ان الدكتور مرسي هو شخص منزل لا يقبل الطعن او التشكيك ومن يناظرهم ع الجهة الاخرى مع الرئيس الاسبق حسني مبارك ومن يماثلهم ف نظرته للرئيس الحالي السيسي

ياترى خلاص بقت لغة العنف هي الموجودة ، لو فكرنا كده وقولنا ياترى الناس اللي ابائهم او اخوانهم او اصدقائهم او ابنائهم صدر بحقهم أحكام بالاعدام واللي اعتقل واللي خد مؤبد

ياترى الناس ده هتعيش مع بعض ازاي بعد كده ، انا بفترض ان ف خلال سنتين هنصدر وهنفذ الاحكام ف كل الاخوان وكل من نرى انه مجرم وارهابي طب ياترى ورثة هذا الدم هيتعاملوا ازاي !!!!

صورة مخيفة جدااااااااااااا وللاسف غير مبشرة ، هو أنا لو ابويا اتعدم او اخويا او زوجي او اخي او حبيبي او صديقي المقرب نفذ في حقه الاعدام هل بسهولة هتقبل الامر ، ياترى الاحكام ده هتكون النهاية ولا للاسف بداية النهاية

من حق حضرتك تخاف ... كلنا خايفين

ودا مش معناه ن احنا متعاطفين مع الاخوان أو بنبرأهم

لكن خايفين من مسلسل العنف و الثأر اللي مش حينتهي

خايفين انه يكون بينهم واحد بريء

شارك هذه المشاركه


رابط المشاركه
شارك

نعم الإعدام ليس هو الحل للقضاء على التطرف


و ليس هو الحل لنشر الوعي وتنوير العقول الضِلمة


لكنه - بالتأكيد - الحل لخطيئة القتل والخيانة والإرهاب


شارك هذه المشاركه


رابط المشاركه
شارك

ياسادة من قتل يقتل وده شرع ربنا اي حد ايا كان انتمائه خرب او دمر او قتل ده حق ربنا انه يتقتل وبقول اي حد واللي وجد سكة وثغرة ونفذ ده حسابه عند ربنا

انا بتكلم ع مشكلة شايفها اجتماعيا وهي ان بقى عندنا ثأر بين فئات كثيرة في المجتمع

ده شايف انه محتاج مجهود من كثيرين انا اعترضت ع شق الصف اللي حصل ايام مرسي وايام المجلس العسكري وللاسف شايفه دلوقت بيحصل

موضوع فتح السجون والقصه ده بصراحه مادام القضاء قال كلمته يبقى خلاص ،لكن ماننساش شهادات قيادات في الداخليه ف حلقة حافظ الميرازي ومقتل اللواء البطران وغيرها من الامور اللي تخلي فيه علامات استفهام

والسؤال اللي نفسي حد من الافاضل يجاوبني عليه وينسى خالص اي انتماء او ميل لفصيل معين

عناصر حماس وغيرها دخلت مصر ، أين الاستخبارات الحربية ؟؟؟ تدخل تهرب مساجين وترجع بيهم ولا من شاف ولا من دري !!!

شارك هذه المشاركه


رابط المشاركه
شارك

السلام عليكم

الزميل الفاضل هيرو اهلا بك

لم اجد افضل من الرد الآتى الموجود على الفيسبوك لشخصيه اسمها عباس المنوفى

و العهده كامله عليه


عارف بلاد الواق واق؟
.
عليك نوووور!!!
.
بعدها بمحطتين... تنزل تلاقي على إيدك الشمال بلاد الماو ماو...
.
من بلاد الماو ماو... تركب دابة مسيرة شهر... تلاقي نفسك في بلاد السوسو...

في بلاد السوسو...
.
مرة جماعة إرهابية... أقتحموا حدود دولة السوسو... بعشرات من عربات الدفع الرباعي والمدافع والصواريخ... ومئات المقاتلين الأشداء...
.
ومشيوا في الصحرا مئات الكيلومترات... وعبرو القناة... ومشيوا مئات من الكيلومترات مرة ثانية...
.
وإقتحموا أكثر من خمسين سجن في وقت واحد... ودمروها وأخرجوا منها المساجين...
.
دون أي مقاومة تذكر من جيش دولة السوسو...
.
دون أن يقتل أو يصاب منهم... ولو واحد... واحد بس منعا للحسد!!!
.
ورجعوا مشيوا مئات الكيلومترات... ثم عبروا القناة... ومشيوا مزيدا من مئات الكيلومترات... وخرجوا من نفس الحدود اللي دخلوا منها...
.
دون أن يصاب واحد... أو حتى عربة من عربات الدفع الرباعي يفرقع لها عجل...
.
حاجة كدا ولا رامبو في زمانه...
.
٭٭٭٭٭
.
قوم إيه يا سيدي...
.
في بلاد السوسو...
.
يحكموا بالإعدام على المساجين... اللي كل جريمتهم إنهم وجدوا أبواب السجن مفتوحة فخرجوا... مع العلم إنهم كانوا محبوسين إختطافا أصلا... ولم تكن ضدهم أي أحكام أو عقوبات أساسا...
.
أما مدير الأمن في دولة السوسو... الموظف المسؤول عن هذه المهزلة... والإختراق الأمني الفاضح لهيبة الدولة المسوسة... تفتكر يعملوا معاه إييييه ؟
.
في كوريا الشمالية... الراجل عينه غفلت ثانية... ضربوه بالصواريخ المضادة للدبابات... فلم تعد له جثة...
.
وصاحبك سايب البلد مفتوحة على البحري لمئات الإرهابيين... داخلين وخارجين...
.
فضيحة أمنية تدل على أنه موظف آخرته يقعد ياكل فتة جنب الحاجة إنتصار...
.
مش يحاكموه...
.
مش يرفدوه لتقصيره في عمله...
.
مش يعدموه لأن ما فعله من تقصير يعتبر خيانة عظمى للأمن القومي...
.
لا...
.
بيقولك أصله... دكر!!!!
.
يا لهوي على جوز الكاريزما البلدي !!!!
.
.
٭٭٭٭٭
.
ولذلك... فقد أجمع علماء أهل السنة والشيعة... أن من عاش في بلاد السوسو دخل الجنة حدف... يدخل الجنة حتما ولابد وبدون حساب... لما معه من حسنات...
.
مش لأنهم خير أوغاد الأرض... أبدا... أبسلوتلي...
.
وإنما لأنك طول ما إنت عايش في بلاد السوسو ...
.
لن تتوقف أبدا عن قول: "سبحان الله"... "سبحان الله"... "سبحان الله"!!!!

يا حسره عليكى يا مصر

شارك هذه المشاركه


رابط المشاركه
شارك

عناصر حماس وغيرها دخلت مصر ، أين الاستخبارات الحربية ؟؟؟ تدخل تهرب مساجين وترجع بيهم ولا من شاف ولا من دري !!!

هذا سؤال تمت الإجابة عليه عشرات المرات .. ولكن لا حياة لمن تنادى

ولا فائدة من الإجابة عليه مرة أخرى

لأنه سوف يوضع مرة وأخرى وعشرات المرات

مفيش فايدة

شارك هذه المشاركه


رابط المشاركه
شارك

هذا سؤال تمت الإجابة عليه عشرات المرات .. ولكن لا حياة لمن تنادى

ولا فائدة من الإجابة عليه مرة أخرى

لأنه سوف يوضع مرة وأخرى وعشرات المرات

مفيش فايدة

بالنسبة لي يابشمهندس أبو محمد لم اسمع اجابته رسميا ولم اجد من يطرحه في الاعلام

عشان كده بجد نفسي اعرف اجابته ازاي كل ده حصل في يوم وليلة !!! معقولة حماس ع هذا القدر من التخطيط

طب وكلام وشهادات الكثيرين ومنها حلقة حافظ الميرازي كلامهم مالوش محل من الاعراب

نفس برده السؤال اللي هيجنني ومش لاقي اجابة له الجرائم اللي حصلت في حق جنودنا الشرفاء من القاتل ؟؟ بشمهندس أبو محمد حضرتك مهندس وانا راجل بتاع 0 او 1 هل حضرتك شايف ان الكلام اللي بنسمعه يوصلنا لنتيجه واضحه ولا شايف انه كلام مايع مالوش طعم

والاهم من كل ده ومازلت مصر عليه ياترى نهاية الدم ده ايه انا شايف ان الطرفين غلطانين ومقتنع ان لازم ف الاخر يقعدوا ع طاولة واحده واللي بيحصل دلوقت بيبعد الاحتمال ده اووووووووووي واي عاقل يعرف ان اللي بيحصل ده عمره ماهيوصل البلد لبر الامان

الحل ايه ؟؟؟

11350404_462095070612771_693591715996538

11350612_462095067279438_792329125336598

الصورتين دول كان ممكن يكونوا الحل ، ده مواطن مصري بيعمل عمله والاخر مواطن مصري مقتنع انه بيدافع عن قضية

وف الاخر مصر خسرت الاثنين

ياترى مش كانت مصر اولى بيهم

شارك هذه المشاركه


رابط المشاركه
شارك

مفيش حل مع اللى بيقارن من مات شهيدا بإطلاق النار عليه


ومن مات مريضا بغيبوبة كبدية بعد عشرة أيام من نقله من السجن إلى المستشفى


مفيش حل .. ما زالت المعادلة صفرية


فلننتظر لنرى


شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • عن ٩ يونيو سنة ١٩٦٧ أتحدث..... عندما غابت الغشاوة

      في الخامس من يونيو سنة ١٩٦٧ أعلنت الإذاعة عن هجوم إسرائيلي على مصر  و كان رد الفعل هو الفرحة الشديدة   لأنها الفرصة التي كنا ننتظرها لإلقاء إسرائيل في البحر ! و كنا في خضم تصعيد إعلامي منذ ٢٢ مايو سنة ١٩٦٧  و طلبت مصر سحب قوات الأمم المتحدة التي كانت موجودة على الحدود  و أذكر أننا طلبنا سحب جزئي لهذه القوات  و لكنهم أصروا على إما الإنسحاب الكامل و ألا فلا إنسحاب. الفاضلة عبير يونس سامحك الله  من أجل موضوعك فتحت غرفة التذكارات السوداء  أذكر في هذا اليوم أني ذهبت لمقر عملي في ميدان التحر

      في موضوعات جادة

    • من كان أفضل رئيس جمهورية حَكَم مصر ؟

      الحقيقة انا قرأت هذا الموضوع على هيئة استفتاء فى احد المنتديات ......... و لكنى رأيت انه من المفيد لنا جميعاً ان نتناوله كموضوع للمناقشة ......اذ انه فرصة كبيرة لمناقشة مساوئ حكم الثلاث رؤساء و ايضاً هى فرصة لتناول مميزات فترات حكمهم ......... أولهم رسمياً كان اللواء محمد نجيب أول رئيس جمهورية ( وصاحب اقصر فترة رئاسة ) ...... و ثانيهم جمال عبد الناصر ........و ثالثهم .........السادات ....... و أخيراً السيد الرئيس / محمد حسنى مبارك ......... ماذا فعل هؤلاء لنهضة مصر ؟ أكان فى الإمكان أفضل

      في تاريخ مصر

    • كلنا ضحية لميراث الرأي الواحد

      معظم أو كل الحاضرين  هنا في محاورات المصريين  نشأوا سياسيا و فكريا  في ظل  ثقافة الرأي الواحد ، بداية من جمع التوكيلات للمحامي - زعيم الأمة فيما بعد - سعد زغلول  حيث قام الشعب عن بكرة أبيه بالتوقيع على تلك التوكيلات  ل سعد زغلول  ليرأس وفدا  للمشاركة في مؤتمر باريس عارضا قضية مصر  المطالبة بالجلاء    هذا الوفد برياسة المحامي سعد زغلول  تحول فيما بعد إلى حزب الوفد  .... و ما كان يجرؤ أحد في بر مصر  أن تكون له رؤية  مخالفة لما يراه حزب الوفد   و بلغ  سطوة الفكر الواحد أن قيل أن الإحتلال على يد سعد

      في الملتقى العام لزوار محاورات المصريين

    • العلوم الزائفة .. أوراق من دفاتر "النصابين"

      «العلوم الزائفة».. أوراق من دفتر «النصابين»        ٢٣/ ٢/ ٢٠١٦   صورة أرشيفية لأحد الاختراعات الخاصة بالضوء تُعرف مجلة «ساينتفك أمريكان» العلوم الزائفة Pseudoscience بادعاء أو ممارسة أو تقديم أمر ما على أنه علم، دون الالتزام بالطرق العلمية المنطقية أو الأساليب العلمية التجريبية، ودون إمكانية اختباره بشكل موثوق ومستقل، وتعد التفرقة بين العلوم الحقيقية وا

      في  فى الثقافة و العلم

    • المعتقلات واصحاب الرأي

      المعتقلات تجربة مفيدة لكل الشباب لماذا تنظرو اليها بهذا السوء فهي نوع من التدريب على تحمل الشدائد اعتقد الان خلاص مفيش معتقلات زي زمان والحكاية مجرد حجز يوم ولا يومان وافراج بعدها واعتقد شبابنا الايام دي صعب يتحمل معتقلات زمان فقد حكى لي ابن بنت عمي اشرف السباعي عن تجربته في المعتقل واستعجبت فهي اقل ما تكون معسكر عمل فيه الرياضة والقراءه والعمل داخل المعتقل وايضا فيه محاضرات على خلاف معتقلات عبد الناصر كان لها شكل تاني والي يخرج منه يبقى انكتب له عمر جديد اعتقد ان الحكومة مش ناقصة مشا

      في موضوعات جادة

×
×
  • اضف...