اذهب الي المحتوي
ArabHosters
Scorpion

طياري مصر للطيران و الإستقالات الجماعية

Recommended Posts

ده الخبر :

قدم 224 طيارا يعملون بشركة مصر للطيران، الأربعاء، استقالات جماعية، وذلك اعتراضا على اللائحة المالية الجديدة، التي وصفوها بـ"غير العادلة".

ونصت الاستقالة المقدمة إلى رئيس شركة مصر للطيران للخطوط الجوية، التي ضمت أسماء 224 طيارا، أن "سوء بيئة العمل والأحوال المحيطة بالطيارين وتدني دخل طياري الشركة، الذين باتوا أصحاب أقل دخل بين طياري العالم، أوجبت تقديم استقالة جماعية..".

وأعلن مصدر في مطار القاهرة أن التأخيرات في إقلاع الرحلات لم تتجاوز الدقائق في 3 رحلات فقط لأسباب فنية متعلقة بالتشغيل، ولا علاقة للطيارين بها.

يشار إلى أن إجمالي عدد الطيارين بشركة مصر للطيران، يبلغ ما يقرب من 900 طيار.

في المقابل، ردت شركة مصر للطيران بالقول إنها تدرس الإجراءات القانونية اللازمة للنظر في قبول الاستقالات الجماعية، التي تقدم بها الطيارين المصريين، خلال المدة المنصوص عليها بالقانون.

وأضافت الشركة في بيان: "رابطة الطيارين تقدم بطلبات مالية لم تكن مدرجة على طاولة المفاوضات، وتم التصعيد المفاجئ بتقديم رابطة الطيارين بطلب لاستقالة 224 طيارا بمصر للطيران".

وأشارت الشركة إلى أن تشغيل رحلاتها منتظم، ولم يحدث أي تعطيل أو تأخيرات في مواعيد الرحلات، وأن مصر للطيران تعتبر مرفقا عاما حيويا لا يجوز تعطيله وفقا لأحكام القانون.

كابتن طيار .. من منا لم يحلم بان تكون هذه مهنة مستقبله ..

صورة الطيار كان يصاحبها دائمآ اطار كامل من اشياء ايجابية كثيرة سواء رغد العيش و المستوي الأجتماعي العالي و برستيج .. الخ الخ ..

لذا كان خبر تلك الإستقالة بالأضافة انها جماعية و لعدد لا بأس به من طيارين ما اثار دهشتي ..

قبل ان اطرح الموضوع للنقاش حول ملابساته .. و بما ان سبب الأستقالة في النهاية مادي بحت ..

هل هناك منا من هو علي دراية بالمرتب المتوسط لطياري شركة مصر للطيران ..

فعلي هذا الأساس نستطيع ان نتفهم طلباتهم او نستهجنها .

شارك هذه المشاركه


رابط المشاركه
شارك

الطيارون يريدون رفع المرتب من 11000 دولار شهريا إلى 15000 شهريا و مساعد الطيار من 3500 دولار شهريا إلى 7500 دولار شهريا

شارك هذه المشاركه


رابط المشاركه
شارك

الطيارون يريدون رفع المرتب من 11000 دولار شهريا إلى 15000 شهريا و مساعد الطيار من 3500 دولار شهريا إلى 7500 دولار شهريا

الطيار المقاتل ، قائد الطائرة التى أسقطها الكلاب الإرهابيون فى سيناء

وجدوا فى جيبه 13 جنيها مصريا

الرجولة مواقف

شارك هذه المشاركه


رابط المشاركه
شارك

أصل الحكاية أهو يا حضرات

أصلها إنهم بيطالبوا بالعدالة الاجتماعية

وبيقولوا انهم أقل من أمثالهم فى شركات الطيران العالمية

يعنى ناس - ما شاء الله - حريصين على العدالة الاجتماعية "العالمية" مش "المصرية "

الفولة كلها فى تطبيق الحد الأعلى للأجور على شركة مصر للطيران

تطبيق الحد الأقصى على «وزارة الطيران»الخميس, يونيو 26, 2014 | وكالات
index4.jpg?fbc96f
تسلمت وزارة الطيران المدني اليوم خطابًا يؤكد ضرورة تطبيق الحد الأقصى للأجور.
كان مجلس الوزراء قد أقرّ أمس الأربعاء تطبيق الحد الأقصى للأجور بـ 42 ألف جنيه، وذلك على الراتب الشامل في جميع مؤسسات الدولة.
كانت وزارة الطيران المدني مستثناة من تطبيق الحد الأقصى، إضافة إلى البنك المركزي، وذلك في حكومة رئيس الوزراء السابق الدكتور حازم الببلاوي.
يبلغ متوسط راتب الكابتن طيار 85 ألف جنيه شهريًا، بينما يحصل الطيار المساعد على متوسط راتب 40 ألف جنيه شهريًا.

شارك هذه المشاركه


رابط المشاركه
شارك

لطيران التركي والقطري وكمان الأثيوبي بقى فجأة فاتح دراعاته لأي عدد من مصر للطيران و بمثل هذه الأعداد الضخمة ، حتى مع عدم وجود وظائف حقيقية وهتكون عمالة زائدة ، مع وجود وسطاء تبع الخرفان بيبلغوا الطيارين المصرين بهذه العروض المغرية مع توافر قلة الأصل والوطيان والنفوس الدنيئة ، هنعرف حقيقة اللي بيحصل في ‫#‏مصر_للطيران‬

شارك هذه المشاركه


رابط المشاركه
شارك

مصر للطيران هي اللي عملت في نفسها كدا نتيجة لسياسة الكوسة و المحسوبية و الفوضى اللي عايشين فيها .. الطيارين اللي قدموا استقالتهم اكتر طيارين متدلعين و واخدين حقهم .. بس ما كانوش عاوزين يخضعوا لقانون الحد الاقصى للأجور .. فيه طيارين صغيرين نفسهم بس يتدربوا وياخدوا ساعات عمل علشان يقدروا يبقوا كباتن وبنص المرتبات دي لكن المحسوبية و الكوسة بتطير ناس على حساب ناس تانية فبيفضل تزيد ساعات عملهم وكل ما زادت ساعات العمل كل ما كبر المرتب .. الكوسة بدأت من أيام أحمد شفيق وفي تزايد .. مافيه كباتن شباب زي الفل قاعدين في بيوتهم .

عموما الأزمة اتحلت و الكباتن خضعوا خلاص .. بس اكيد أي كابتن هتجيله فرصة حقيقية و براتب أعلى مش هيتردد في انه يشوف مصلحته.

شارك هذه المشاركه


رابط المشاركه
شارك

قرر مجلس ادارة رابطة طياري الخطوط الجوية المصرية، وجموع الطيارين، سحب جميع الاستقالات المقدمة إلى شركة مصر للطيران، حرصا على مصالح الشركة واستجابة لتوجيهات الرئيس عبدالفتاح السيسي رئيس الجمهورية عقب خطابه أمس.

وأكدت الربطة في بيان صحفي أنها لم تطالب بأية ماديات منذ بداية الأزمة، وأوضحت الرابطة أن طياري مصر للطيران على أعلي درجة من الوطنية وحب الوطن، وسيستمروا في العمل على أعلي مستوى من التشغيل والسلامة.

كده الموضوع خلص قبل ما يبان اذا كانوا علي حق او لأ..

دلوقتي في الخبر ده فيه حاجتين مش راكبين ..

واحد لما هما بالفعل علي اعلي درجة من الوطنية و حب الوطن .. كانت لازمتها ايه بقي المسرحية دي كلها .. يعني اللي وطني مش محتاج اي حد حتي لو كان رئيس الجمهورية يفكره بواجبه ..

اتنين لما مالهمش اي مطالب مادية .. اومال الإستقالات كانت ليه ؟

شارك هذه المشاركه


رابط المشاركه
شارك

أنا رأيى أنه فى بلد يشكو من البطالة .. اللى عايز يمشى نقول له مع ألف سلامة

كلامى ليس على الطيارين فقط .. على أى واحد مش عاجبه الـ 40 ألف فى الشهر

فى أى هيئة أو مؤسسة أو جهة حكومية

أما بالنسبة للطيارين فهم هكذا من مدة .. 11 ألف دولار مش مالية عنيهم

بيبصوا للشركات التانية فى الدول التانية ويقول لك "العدالة الاجتماعية"

خلاص ما دام مجتمعك هو المجتمع العالمى .. إتفضل يا باشا

وسيبنا فى المجتمع اللى على أد الحال

فى أبريل 2013 كان فيه حوار مع سيدة "كابتن" .. بتتكلم فيه عن العدالة الاجتماعية .. بتقول

- ما المشكلات التى تواجه الطيارين؟

وظيفتنا تعتبر من الوظائف المؤثرة جدًا فى فى كل نواحى المجتمع سواء الحياة الاقتصادية أو الاجتماعية، هذا التأثير لابد أن يكون له تعويض، ففي مصر يوجد 1700 طيار بيشتغلوا فى جميع شركات الطيران التى تدخر مليارات الجنيهات، وإحنا أقل فئة طيارين فى العالم بتحصل على مرتبات، فضلًا عن بدل المخاطر، ولذلك نطالب بتقعيل "العدالة الاجتماعية" معنا.

- حدثينا عن أوضاع الطيارين خلال تولي الفريق أحمد شفيق وزارة الطيران المدني؟

عصر شفيق كان أسوأ شىء حدث بكل المقايس، فمنذ توليه وزارة الطيران المدنى، حيث كان يقوم بطرد الموظفين تعسفيًّا دون أى سبب واضح لمجرد أنهم لا يأتون على هواه، فضلاً عن عدم إعطاء الطيارين حقوقهم "كان ماشى بمبدأ مفيش حقوق اضربوا دماغكم فى الحيط"، أما بعد الثورة فالأحوال جميعها لا تطمئن ونحاول جاهدين أن نسترد حقوقنا من خلال نقابة الطيارين.

كده بقى أقول إننا خسرنا احمد شفيق .. وعلى رأى الفلسطينيين

"هيك طيارين .. بدهم هيك إدارة"

شارك هذه المشاركه


رابط المشاركه
شارك

اذا كانت شركة مصر للطيران بتخسر يبقى أكيد الادارة سيئة او فيه فساد اداري ..

اذن احنا ببساطة لم نخسر أحمد شفيق ولا غيره .. المهم ان الشركة تفوق وتقف على رجلها . وتلتزم بقوانين العمل بالنسبة للطيارين ..

الطيار المصري بيشتغل ساعات عمل اكتر من المسموح به دوليا ودا بيعرضه للضغط العصبي و النفسي و بيعرض حياته و حياة الركاب للخطر المفروض الشركة تصلح كل اخطاءها بدل ما ندفن راسنا في التراب و نقول كله تمام .

شارك هذه المشاركه


رابط المشاركه
شارك

أنا رأيى أنه فى بلد يشكو من البطالة .. اللى عايز يمشى نقول له مع ألف سلامة

كلامى ليس على الطيارين فقط .. على أى واحد مش عاجبه الـ 40 ألف فى الشهر

فى أى هيئة أو مؤسسة أو جهة حكومية

أما بالنسبة للطيارين فهم هكذا من مدة .. 11 ألف دولار مش مالية عنيهم

بيبصوا للشركات التانية فى الدول التانية ويقول لك "العدالة الاجتماعية"

خلاص ما دام مجتمعك هو المجتمع العالمى .. إتفضل يا باشا

وسيبنا فى المجتمع اللى على أد الحال

فى أبريل 2013 كان فيه حوار مع سيدة "كابتن" .. بتتكلم فيه عن العدالة الاجتماعية .. بتقول

- ما المشكلات التى تواجه الطيارين؟

وظيفتنا تعتبر من الوظائف المؤثرة جدًا فى فى كل نواحى المجتمع سواء الحياة الاقتصادية أو الاجتماعية، هذا التأثير لابد أن يكون له تعويض، ففي مصر يوجد 1700 طيار بيشتغلوا فى جميع شركات الطيران التى تدخر مليارات الجنيهات، وإحنا أقل فئة طيارين فى العالم بتحصل على مرتبات، فضلًا عن بدل المخاطر، ولذلك نطالب بتقعيل "العدالة الاجتماعية" معنا.

- حدثينا عن أوضاع الطيارين خلال تولي الفريق أحمد شفيق وزارة الطيران المدني؟

عصر شفيق كان أسوأ شىء حدث بكل المقايس، فمنذ توليه وزارة الطيران المدنى، حيث كان يقوم بطرد الموظفين تعسفيًّا دون أى سبب واضح لمجرد أنهم لا يأتون على هواه، فضلاً عن عدم إعطاء الطيارين حقوقهم "كان ماشى بمبدأ مفيش حقوق اضربوا دماغكم فى الحيط"، أما بعد الثورة فالأحوال جميعها لا تطمئن ونحاول جاهدين أن نسترد حقوقنا من خلال نقابة الطيارين.

كده بقى أقول إننا خسرنا احمد شفيق .. وعلى رأى الفلسطينيين

"هيك طيارين .. بدهم هيك إدارة"

دى استغاثة من سنة فاتت

سيبوا الـ 224 براحتهم .. فيه 800 مش لاقيين شغل

رسالة من طيار إلى وزير الطيران المدني: أنقذونا وحش البطالة يلتهمنا

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...