اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

كله ضرب مافيش شتيمة


Recommended Posts

.

كله ضرب مافيش شتيمة

جملة وردت على لسان علاء ولى الدين

فى احدى المسرحيات ولكنها تعبر عن حال المصريين وفى تعاملهم اليومى مع الحكومة

فالحكومة تفضل الضرب وتستبعد التنبيه أو الانذار

اذا قمت

بتعليق لمبتين احتفالا بشهر رمضان فوجئت بعدها بمحضر دون أى تنبيه

بالرغم أنك تسحب من عداد الكهرباء

واذا تكلمت

مع أحد المسؤولين بجرأة يجعلك تثبت أن الأرض كروية

اذا زرعت

شجرة فانك تزرع فى الممنوع واذا قلمتها فانك تكون ضد البيئة

ويوجد قانون وتعريف لكل حركة تقوم بها أو حتى لم تقم بها وكانت مجرد فكرة أو نية

اذا تأخرت

عن تجديد رخصة سيارة أو سجل تجارى أو لديك عامل ليوم واحد دون اثباته فى التأمينات فلابد أن يكون فى انتظارك محضر أو مخالفة وقضية

وهكذا امتلأت المحاكم بالقضايا على الفاضى والمليان وكان ممكن أن تحل بالتنبيه أو الانذار لو فيه مودة ورحمة بين الحكومة والشعب الكادح

ولو أن الحكومة تحب الشعب وتحترمه وتخاف على شعوره

ولا يشفع لك الاعتذار أو حتى التعهد بعدم التكرار وتلافى المخالفة

الا الواسطة أو الرشوة فى بعض الأحيان لدى صغار النفوس من موظفى الحكومة الذين وجدوا فى عصا الحكومة فرصة لابتزاز الشعب وارهابه

رفض المرور مرة تجديد رخصة سيارتى منذ عشرة سنوات  بحجة الزجاج الفاميه وكنت فى حاجة اليه فى هذا الوقت لتسهيل ارضاع صغيرى داخل السيارة وأفهمت المرور بذلك ورفض الى أن أحضرت واسطة من طبيب قريب رئيس المرور التابع له فقدم لى شايا ساخنا وتم ترخيص السيارة دون نزع الفاميه أثناء شربى الشاى مع قائد المرور

وفى

احدى المرات سحبت من صديق لى رخصة القيادة على طريق الاسكندرية الصحراوى بسبب السرعة واعتذر ولم يشفع له الاعتذار والتعهد بعدم التكرار بعدها عمل الاتصالات اللازمة بعد عودته للمنزل وأحضرت له الرخصة فى نفس اليوم مع مخصوص الى منزله

فى

يوم من الأيام فوجئ صديق لى باتصال تليفونى من أحد ضباط تنفيذ الأحكام يخبره أنه تم الحكم عليه حكم غيابى  بستة أشهر وغرامة وعندما استفسر طمأنه الضابط أنها مشكلة بسيطة وتتلخص فى تقاعسه فى عدم توريد حصيلة العملة الصعبة نتيجة التصدير

وكان الضابط حقا متفهما وعلى مستوى عالى من تقدير المسؤولية

وقام صديقى على الفور باستبدال العملة اللازمة من مكتب الصرافة وتسديدها للبنك بالرغم أنه عرض على البنك تسديد فرق العمله واعفائه من عشرة مشاوير ذهابا ايابا من البنك للصرافة حيث كان يصرف من البنك

بالمصرى ثم يعيد شراء الدولارات من الصرافة وتدخيلها البنك مرة ثانية وصرفها بالمصرى مرة أخرى ولكن البنك  رفض

وهكذا حصل صديقى بعدها على حكم آخر لوقف التنفيذ

وأقسم صديقى بعدها بنسيان أى شيئا اسمه تصدير الذى نحن فى أمس الحاجة اليه

والمشكلة

أن المحاضر كلها تتم كتيمى كما يقال بالدارج ولا يخطر بها صاحب الشأن

هل نطلب الرأفة من الحكومة حتى لا تتكدس القضايا وتعيق القضاء كثرة القضايا وترحم المواطن المصرى من التنقل بين المحاكم والمحامين وترك أعماله والتفرغ للدفاع عن نفسه ضد شغب الحكومة وارهاب الدولة

رابط المشاركه
شارك

عزيزى الأخ رجب,

لقد إستعملت جملة فى بعض مداخلاتى, و سأعيد إستعمالها بمناسبة هذا الموضوع.

     " نواب النائب العام يعانون من حالة إسهال فى إصدار قرارات إتهام"

و أسباب ذلك هى:

القانون غير واضح

القانون واضح, و يمكن اللف حوله

القانون لا يغطى الحالة, لكن ما يضرش نعمل قضية

إضرب عشرة, تصيب خمسة, و تخيب حمسة, أحسن من بلاش.

و هناك نظرية أخرى, أن رفع قضايا بالجملة أرخص من القطاعى. و كاننا فى سوق باب اللوقز

هل سمعت عن قصة والدة وكيل النيابة التى دعت لإبنها وهو ذاهب الى العمل؟

لقد قالت:

إلهى يا إبنى يرزقك بتهمتين و اللا ثلاثة, إسمع منى يا رب.

تحياتى.

الأفوكاتو.

رابط المشاركه
شارك
  • 5 weeks later...
  • 7 months later...
ومازال

الوضع كما هو ضرب فى شعب فقير

بسم الله الرحمن الرحيم

السلام عليكم ورحمة الله وبركاته

يا سلام...الحكومه مهتمه بضعه ألاف من المصريين في امريكا و اضطهادهم و لست مهتمه بالملايين في داخل البيت....لعن الله قوما ضاع الحق بينهم.....

رابط المشاركه
شارك

ماهو حضرتكم مش عارفين... الظاهر ان الحكومة مشية بمبداء محطات البنزين... يعني ترفع عليك قضية من وراها يسترزق مخبر وكاتب محكمة و موظف والحكومة لانها مبتدفعش مرتبات للعاملين وبتعتمد علي البقشيش وهو دة النظام عندنا.

وحسبي الله ونعم الوكيل...

رابط المشاركه
شارك

الشيئ الذي يحيرني دائما هو :عند مداهمة موظف حكومي لي هل اسأله عن بطاقته وما يثبت وظيفته أم لا؟ وسر الحيرة هو انني ربما نفذت المطلوب دون سؤاله ثم اكتشف مثلا انه نصاب وممكن اساله على بطاقته وكرنيهه يطلع من الموظفين اياهم ويقرر أن يردها لي واقع في المحظور

من كام شهر جالي موظف شكله محترم ومعاه دفاتر من بتاعت مصلحة الضرايب ومعاه كرنيه وكله تمام واخبرني انني علي ان اقوم بتوريد مبلغ 79جنية وستين قرش لصالح ما أسماه تسويات لمصلحة الضريبة على المبيعات وبصراحة كدت ادفع ولكنني ترددت بعض الشيئ وجالي الهام اني اقوله طب خلاص انا حاجي ادفع في المصلحة بس سيب لي العنوان فترك لي العنوان بمنتهى الثقة وبعد قليل سألت الزملاء قكلهم قرروا انهم قامو بالدفع (مش ناقصة وجع دماغ مع الحكومة)فطبعا انا خفت احسن اكون ارتكبت كبيرة من الكبائر في حق الحكومة التي لا تغفر ولا ترحم فقمت بالأتصال من فوري بالمحاسب المختص وكانت المفاجأة ان هذا الموظف مفصول وبقضية لكنه استطاع الأبقاء على الكارنيه وبعض الأوراق القديمة لاستغلالها في نصبه

القضية تكشف وبوضوح اننا كمصريين ولأننا نتوقع من الخكومة كل شيئ واي شيئ قانونيا كان او بقرار وزاري او بقرار محافظ أو حتى بلا سند قانوني فإننا لا نسأل بل نتبع الحكمة المصرية الخالدة (نفذ بعدين اسأل)

رابط المشاركه
شارك

أقولكم حكاية

فيه حاجة اسمها الرسم النسبى فى المحاكم المصرية .. تاجر ميسور الحال أقام دعوى مدنية للحصول على حكم اثبات تعاقد لقطعة أرض قام بشرائها .. وسدد الرسوم وأخذ الحكم .. ونسى الموضوع

بعد شهور .. كانت قوة من الشرطة تتخفى فى سيارة ميكروباص مدنية تقوم بحملة لتنفيذ الأحكام .. فجأة وهو واقف أمام شركته صاح المخبر من داخل السيارة "هوه ده " ثم انفتحت أبواب السيارة وخرج منها الضابط والجنود وحشروه فى مؤخرة السيارة الى قسم الشرطة مع آخرين بمثل حالته ..

وصل الضابط الى مكتبه وأجرى اتصالا تليفونيا برئيسه قائلا تمام يا فندم نفذنا 14 حكم النهاردة ..

سأل التاجر عن تهمته فرد الضابط بأنه لا يعرف وانما هو ينفذ حكما صادرا ضده من المحكمة وانه سيتم عرضه على النيابة المختصة حيث يعرف هناك الحكم الصادر ضده وأسبابه ..

ولأن اليوم كان الخميس نهاية الأسبوع والجمعة أجازة رسمية فقد تم ايداع "المحكوم عليهم" زنزانة القسم حتى صباح يوم السبت حيث تم اقتيادهم الى النيابة مكبلين بالكلابشات .. وهناك اكتشف التاجر أن الحكم الصادر ضده هو غرامة 3 جنيهات فرق رسم نسبى مستحق للمحكمة !!

دفعها التاجر وعاد الى منزله يضرب كفا بكف ويتساءل وغيره أيضا لماذا كلفت الحكومة خاطرها وتعبت نفسها .. كانوا قالولى وكنت رحت دفعت لهم 30 جنيه وليس ثلاثة فقط !!

وطبعا الأضرار التى تنتج عن ذلك غير خافية على أحد .. خاصة وأن الهاربين الخطرين والصادر ضدهم أحكام فى جرائم قتل يقدر عددهم بالعشرات والمئات .. ولكن مع تنفيذ الأحكام كله حكم غرامة أو تأبيده أهو كله حكم والمهم العدد فى الاحصائية ..

لكن السؤال هو من المسئول ؟! هل الضابط .. سنجد أنه ينفذ عمله والتلميات الصادرة اليه والا فانه يكون مقصرا .. هل هو القاضى ؟ سنجد أنه مطلوبا منه الحكم فى 5 آلاف قضية فى ساعتين واذا قصر فانه قد يتعرض للعزل "لعدم الصلاحية" باعتباره غير قادر على اتخاذ قرار .. هل هو محضر المحكمة ؟ سنجد أنه موظف مطحون يخاف من خصم يوم واحد من راتبه اذا قصر فى تنفيذ 10 آلاف أمر يوميا !!

الحقيقة أننى فكرت فى الاجابة عن هذا السؤال .. وأخيرا وجدت أن كل هؤلاء ضحايا والمواطن طبعا أولهم .. والجريمة الحقيقية هى غياب "القواعد" وقصور النظام العام .. على نحو أدى الى حدوث هذه الظواهر التى صارت تمثل ظاهرة أقوى من المنطق والدستور والقانون وكل الأعراف الانسانية .

:mad:

رابط المشاركه
شارك

العمليه فى منتهى البساطه ان لو فى اى نوع من احترام حقوق الانسان مش هتبقى مشكله ولو اى حد هيغلط فى مواطن دون وجه حق هيبقى فى تعويض من اللى بنسمع عنه بره فعلا البلد والسلطه سوف تحترم المواطن لكننا نعيش فى بلد تحت حكم قانون طوارىء يعتقلك للغلاسه او اى شئ غير الحق ونحن فيها طوال22 سنه وبعد كده تقولوا ان فى قانون اعتقد انها طابونه بالثلث

رابط المشاركه
شارك

حلوة غلاسة دي ...بالفعل وبتحصل لما يجي الظابط في اي كمين ويكون لسة بنجمة واحدة ويقولك تعالي هنا يلة ولما تسئل عن السبب يقولك شكلك مش عاجبني... اصبح الاعتقال بالشكل فلو كنت ممن وهبهم الله الوسامة فبرتع ياعم ولايهمك ولكن لو لم يهبك الله من الوسامة الا القليل فالتزم المنزل بكرمتك... واحترت ماذا يقصد بالشكل اهي فعلا الوسامة الظاهرية ام المظهر الخارجي من ملابس مثلا ولكن حتي اعرف سالتزم المنزل في كل زيارة لام الدنيا... :D :D :D

رابط المشاركه
شارك

انت ما تعرفش انا مييييييييييين؟؟؟؟

انت ما تعرفش انا اقدر اعمل ايييييييه!!

انت ازاي بتكلمني كدا؟؟؟؟؟؟؟

اهم حاجا اوعى تقول التلات جمل دول...

ليه بقى

عشان اول حاجا ها تحصل انك هاتاخد على قفاك اكتر واكتر لو كان تعاملك مع احد ضباط الحكومة او موظفيها

لأنها بقت كلمة اللي ما حلتوش حاجا :?

احسن حاجا

هوا التبااااااااتة

يعني تبصله من فوق لتحت والرد بكلمة واحدا وبقرف كدا

والله العظيم ها يخاف منك جددددددااااااا

انا كل مرة اعمل كدا

مرة واحد وقفني عشان ياخد رخصي بعد ما خبطت واحد بمتسكل

والولد كان تمام ومافيهوش حاجا ومش عاوز يعمل محضر

وانا اصلا كنت نبطشية استقبال في القصر وقلتله ها اخدك اعملك اشعة من ساسك لراسك ولو فيك حاجا ها اعالجك

وهوا اصلا ما فيهوش حاجا الحمدلله

المهم الضابط راسه والف سيف ياخد الرخصة

واول كلمة قالهالي

رخصك يا امورة

قلتله نعم؟؟؟؟

اسمي دكتورة دا ما اتعملتش الكلام يعني

راح كررها

رحت مطلعه الرخصة ورمتها في وشه

راح واخدها ومعدي الشارع وقعد يتكلم في اللاسلكي دا يجي دقيقتين كدا

وثوان ولقيته ها يركب العربية وماشي المهم عديت الشارع ورحتله وبقوله

انت رايح فين كدا

قالي ها اعملك محضر

قلتله اوكي

بله واشرب ميته

ومشيت

والله هيا ثانية ولقيت العسكري اللي معاه جايبلي الرحصة وروحوا

:D :D :D :D

اتعلموها بقى :wink: :roll: :D

رابط المشاركه
شارك

ياسيدتي حضرتك جنس لطيف

يعني حايعمل اية غير مخالفة

انما لو خنشور من الخناشير ، فسيسمع تعال يلة ، وحياة ( ... ) ، وجايز يكون هناك قلم سينمائي وحلني بقي لحد ما يكتشف ان المذكور امامة ليس سوابق

احسن حاجة الواحد يمشي ببدلة كاملة وكرافتة ، وما فيش مانع ، كولونيا خمس خمسات

:lol:

رابط المشاركه
شارك

انضم إلى المناقشة

يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • محاورات مشابهه

    • المشكلة .... مافيش ورق

      أكيد تذكرون مثلا مسرحيات صبحي  مثل "وجهة نظر" و التي كتبها لينين الرملي و الذي كان يمثل ثنائي ناجح جدا  ثم  لشيء ما غير معلن توقف التعاون بينهم   و نفس الشيء  حدث بين مصطفى حسين و أحمد رجب. كل الأعمال الناجحة  تتوقف بالكامل على الورق. ما سبق كان استهلالا لابد منه أكيد عندنا في مصر مواهب عديدة  و ما ينقصنا  هو التواصل بين هذه المواهب  و بين  صانعي الفن الجميل في السينما و المسرح ، بل أكاد أجزم أن بالتنقيب هنا في محاورات المصريين  سنجد كثير من المواهب.  لست متخصصا و لكني أحسب ن

      في الفنون

    • تعبت من الوقفة ... مافيش كرسي ؟!!

      إيه يا جماعة !!! هو المدير العام موظف حكومة ولا ايه ؟!!! كل دا وقت علشان تفعيل حسابي ووضع ختم النسر ؟!! من امبارح وانا مسجلة ومش عارفة اكتب حاجة الا في منتدى الزوار بيقولولي انتظري المدير العام علشان يراجع حسابك و يفعله كل دي إجراءات فيش و تشبيه ؟!! عمرها ما حصلت اني اقف على باب منتدى كدا وماحدش يفتحلي بقى بعد ما الواحد شاب يوقفونا ع الابواب ؟!! افتح يا سمسم بقى و خلصني

      في الملتقى العام لزوار محاورات المصريين

    • ايه مافيش كلام مبهج و لا احداث سعيدة

      يا عالم يهوه بتفكروا في ايه. بتعملوا ايه انتم و جيرانكم ما فيش و لا خبر حلو و لا موضوع خفيف يخلي الواحد يشعر بالانبساط انتوا حزانى و الا ايه محدش فيكم اشترى قميص جديد و الا بنطلون شيك بسعر حلو ' ما حدش فيكم عنده ابن او اخ صغير ليه نوادر ' محدش عايز يتجوز او تتجوز و تكلموا عن احلامكم. مافيش احداث عائلية حلوة ما حدش كسب البريمو طيب حدش شاف فيلم منيل و يقول ماتدخلهوش ؟؟؟

      في الملتقى العام لزوار محاورات المصريين

    • هو كله تحرش مفيش ضرب ولا شتيمة

      الزهرة الجميلة اللي فتحت في جناين مصر رشا عزب بتتهم ظباط الشرطة بالتحرش بها ودي مش اول مرة سبق لها اتهام ظباط الجيش بالتحرش هل ممكن إن حد يتحرش بالـ .......... دي

      في موضوعات خفيفة

    • بكاء من شيخ بالأزهر بسبب سب و شتيمة ممن سموا أنفسهم دعاة وشيوخ

      http://www.youtube.com/watch?v=FvmS9Y1bpMw&feature=player_embeddedبكاء من شيخ بالأزهر د.أحمد كريمة أستاذ الشريعة بجامعة الأزهر وتعليقات

      في محاربة الفساد

×
×
  • اضف...