موظفينك يا مصر

[Scorpion]

كان أبي موظفآ ..

كان عمي موظفآ ..

كان جدي موظفآ ..

و الان انا بدوري موظفآ ..

واحد من الأربعة كان موظف ايام الملكية ... و اتنين منهم كانوا موظفين ايام الملكية و ايام الجمهورية .. و واحد منهم موظف ايام الجمهورية ..

السؤال الأول : فيه فرق بين اداء الوظيفي لكل واحد منهم في كل عصر ..

السؤال التاني : ازاي اتحولت الوظائف الحكومية في البلد من نعمة و برستيج و اداة لتيسير حياة الناس ... لنقمة و عذاب للناس نفسها قبل الموظفين و في نفس الوقت حجر تقيل جدآ جدآ مربوط في رجل اي حكومة ما بيخلهاش تقدر تتحرك خطوة الا بصعوبة بالغة و غالبآ بترجعها تاني ..

السؤال التالت . ايه الحل ؟؟

[أبو محمد]

الحل بسيط ولا يحتاج إلا إلى الإرادة والإدارة

والضرب بيد من حديد على من يقاوم

مش حتصدق بساطة الفكرة يا سكوب لأنك حتنشغل بتعقيد التطبيق

الحل هو فى إبعاد الفاسد عن المفسد

الحل فى الشباك الواحد للوارد

والشباك الواحد للصادر

أو

عن طريق المعاملات الإلكترونية

إبعد الكبريت عن البنزين يا سنيور

[Scorpion]

ما هو ده جزء اساسي من الصورة الكاملة كلها .. حتي لو الفساد اختفي تمامآ . فيه لسه جيش جرار من موظفين مالهومش اي لازمة لازم تلاقيلهم رواتب و معاشات و اجازات مرضية و حوافز حتي لو شركتهم بتخسر و بلا ازرق ..

الحجر اللي مربوط في رجل الحكومة و فضلنا ورث من ايام ناصر .. و كل حكومة جديدة تيجي تبعد عم وجع الدماغ و تورثه للحكومة اللي بعدها .. و اللي بعدها للي بعدها لحد ما وصلنا للي احنا فيه ..

ثورة .. ثورة علي رأي العقيد الله يرحمه ..

ثورة علي الفساد و معاها ثورة علي البيروقراطية ..

ثورة تخلي موظفين الجمهورية يرجعوا يبقوا زي موظفين الملكية ...

[أبو محمد]

ما هو ده جزء اساسي من الصورة الكاملة كلها .. حتي لو الفساد اختفي تمامآ . فيه لسه جيش جرار من موظفين مالهومش اي لازمة لازم تلاقيلهم رواتب و معاشات و اجازات مرضية و حوافز حتي لو شركتهم بتخسر و بلا ازرق ..

الحجر اللي مربوط في رجل الحكومة و فضلنا ورث من ايام ناصر .. و كل حكومة جديدة تيجي تبعد عم وجع الدماغ و تورثه للحكومة اللي بعدها .. و اللي بعدها للي بعدها لحد ما وصلنا للي احنا فيه ..

ثورة .. ثورة علي رأي العقيد الله يرحمه ..

ثورة علي الفساد و معاها ثورة علي البيروقراطية ..

ثورة تخلي موظفين الجمهورية يرجعوا يبقوا زي موظفين الملكية ...

هل قرأت قانون الخدمة المدنية الجديد ؟

عارف مفيش عليه دوشة ليه .. مع إنه لو اتطبق فمعناه ثورة إدارية من اللى قلبك يحبها ؟

:)

عشان زى ما قولتلك .. شباب مصر معظمهم معاش مبكر

مش موظفين

[Scorpion]

السؤال الأول : فيه فرق بين اداء الوظيفي لكل واحد منهم في كل عصر ..

بالنسبة ليا موظف العصر الملكي ما عرفش كان شغال ازاي .. لكن ممكن اكون فكرة من افلام زمان ..

الموظف منهم كان له برستيج .. بدلة و كرافتة و الشغل بضمير حقيقي .. و الشغل ماشي زي الساعة فعلآ .. و اللي كان حتي مربوط عالدرجة السابعة كان ليه مع الماهية .. انصاف علي رأي عزيز عثمان ..

و بعدين مات الملك عاش الرئيس .. و الرئيس حلو و جميل و قال من هنا و رايح ماحدش يشيل هم وحطوا في بطنكم بطيخة صيفي .. حنعمل عدالة اجتماعية و اي واحد حيتخرج يروح القوي العاملة و هي تديله الوظيفة مش مهم يكون فاهمها او بيحبها بس اهي وظيفة و مرتب و ما حدش يقدر يهوب جنبك .. يعني لا رفد و لا يحزنون .. و قام مكمل عليها لما خلي حتي الجامعة مجانية .. و من هنا اتفتحت البلاعة .. و كله ساب الشغل الحرف و جري علي المدارس و الجامعات اللي اتحولت مع الوقت من مكان علم حقيقي لمطبعة شهادات ميري .. و بقي اللي يفوته الميري يتمرغ في ترابه .. و اللي كانوا عايزين يعملوه فينا الأنجليز ايام الإحتلال و ما عرفوش .. عملناه احنا و بكل سعادة .. تفريخ كوادر موظفين .. و بس .. و عليه العوض في روح الأبداع و المنافسة و الإبتكار ... ربينا اجيال متسلبطة و نايمة في حضن ماما الحكومة .. و شوية شوية مات التعليم المهني و التخصص في الحرفة اللي كان قايم علي توريث المهنة و خلق الأسطوات اللي بحق .. و ظهر جيل جديد كله هواة بتوع كله علي رأي الأفوكاتو الله يرحمه في موضوع كان كتبه عن بتوع كله دول ... ما بقاش فيه الأسطي الحقيقي سواء سباك او نجار او كهربائي بقي عندنا الجوكر بتاع كله .. شغل بايظ مواعيد يوك تشطيب في الضياع فهلوة و سرقة ..

تبص عالناحية التانية .. علي شبابنا اللي اتخرج و اتعين و بقي موظف .. تلاقيه اتحط جنب موظف تاني في نفس الشغلة .. مافيش يومين و تلاقي التالت اتضاف عليهم .. و بعدين الرابع و الخامس .. و دور يا عم علي مكتب يقعد عليه .. طب حتي ترابيزة صغيرة .. طب كرسي .. و المكاتب بقت علب سردين و المسئولية تضيع بين جيش الموظفين .. و المؤسسة اللي هما فيها يجيلها ترهل و شيخوخة و شلل .. مليانة الاف اغلبهم مالهمش شغل يعملوه ..

و بقينا زي ما احنا شايفين دلوقتي .. صحيح خلاص ما بقاش فيه توزيعات جديدة .. لكن لازم نلاقي حل في اللي موجود فعلآ ..

في مناخ زي ده الفساد لو ما ظهرش يبقي حمار .. لازم غصب عنه يظهر .. ..

يبقي نخللي المكاتب دي تعمل رجيم .. و نفضيها شوية لغاية ما نقدر نشوف موظف واحد علي كل مكتب .. و بعدبن الصادر و الوارد و المعاملات اللكترونية حيكون ليها نسبة مش بطالة في النجاح .. و دم الفساد مش حيتوزع علي قبائل الموظفين .. و تعقيداتهم .. و بيروقراطيتهم .. و يمكن صحيح كله يبقي بالكومبيوتر .. لأنه اسهل حاجة حتتقال .. الكلمة اللي بتجنن اهلي و تخلي عفاريت الأرض يركبوني .. الكومبيوتر غِلِط ..

[باهى الطائر الحزين]

الشعب افسد الحكومه ..

حضرتك استاذ اسكور

طرحت سؤالين اجبت علي احدهما

وانا معك تماما كما مع استاذي ابو محمد

في ما اقترحتموه من حلول الكترونيه ..

في الإجابه عن السؤال الثاني

فإنها الزياده السكانيه جعلت الشعب يصطف

امام الموظفين بالمصالح الحكوميه مما دفع

البعض من الطبقه البرجوازيه لأغواء الموظف

بالرشوه حتي ينهي له معامله حكوميه بدون

الإلتزام بدور او الإصطفاف في طابور طويل

ربما لعدة ايام .

ومن ثم تبعتهم طبقات الشعب للهروب من

البيروقراطيه القانونيه الحكوميه .. وهلم جرا

حتي اصبحت الرشوه بالتبعيه الي حق اصيل

من الحقوق الوظيفيه وبالتالي اصبح للقانون

المتهرئ ترزيه يحيكوه بقدر القيمه الماليه ..

وهنا عم الفساد وبالطبع لم تنجو منه الوحدات

المحليه حتي وصلنا الي مانحن به من عشوائيه

والحل ايضا في رفع الكفائه والحكومه الأليكترونيه ...

[باهى الطائر الحزين]

تمنيت لو ان عنوان الموضوع

عمالك يا مصر

ما سبق كان لابد منه استهبال

وده العادي بتاعي بحال ..

قرأت عن قصة صيصه التي

مات عنها زوجها فخلعت دلال الأنوثه

ولبست ثوب الرجال وخاضت الشاق من الأعمال

في سبيل تربية وليدها وفلذت كبدها حتي انتهي

بها الحال الي تكريم رئاسي ونوط تكريمي يدر

عليها مبلغا من المال

تعظيم سلام لها وهذا اقل ما يقال ..

في عملي فاجئتني سيده وابنتها بأنتاج ورديه

بأكملها مكونه من ستة عمال ..

بالطبع كافئتها بما يتقاضونه من مال

عن طيب خاطر وراحة بال ..

تحية شكر واجلال للأيدي الناعمه التي فاقت

الرجال ...

[باهى الطائر الحزين]

المهندس خالد عبد العزيز، وزير الشباب والرياضة

آيات الموافى

قال المهندس خالد عبد العزيز، وزير الشباب والرياضة، إن هناك أزمة حقيقية في عدم وجود رغبة لدى الشباب في التوظيف والحصول على العمل، في ظل مبادرات القطاع الخاص لتوفير العمالة.

وأضاف عبد العزيز، خلال كلمته بتدشين مبادرة " اشتغل" التي أطلقتها جمعية شباب الأعمال اليوم، بحضور منير فخري عبد النور وزير الصناعة وسها سليمان، الأمين العام للصندوق الاجتماعي، أن هناك بعض الوظائف للفئات التي لا تقرأ ولا تكتب تصل من 150 إلى 200 جنيه يوميا، في الوقت الذي توفر فيه بعض المصانع والشركات رواتب تتراوح ما بين 4 إلى 5 آلاف جنيه شهريا، لكنها لا تجد من يشغلها.

وكشف عبد العزيز، عن عقد اجتماع منذ 4 أسابيع مع رؤساء مجالس المستثمرين مع وزيرة القوى العاملة، الدكتورة ناهد العشري، ووزارة الشباب والرياضة، والبعض طرح 5 آلاف جنيه للعمل شهريا ولكنه لم يجد العمالة، مشيرا إلى أن حجم العمالة التي تسربت من القطاع السياحي بلغ 1.9 مليون عامل، في الوقت الذي لا يعمل بذلك القطاع سوى فئات قليلة جدا ومنها المرأة.

وقال عبد العزيز، إن تطوير المهارات مطلوب وينبغي تغيير الثقافة بشأن التوظيف في القطاع الخاص باعتبار أن الحكومة أكثر استقرارا، مشددا على ضرورة أن تركز الدراما المصرية، والخطاب الديني على أهمية العمل.

[باهى الطائر الحزين]

القوي العامله تعلن عن توافر ٤٣ الف فرصة عمل بالقطاع الخاص

قالت الدكتورة ناهد عشرى، وزيرة القوى العاملة والهجرة، إن الوزارة لم تعلن عن وظائف خالية بالقطاعين الحكومى والعام منذ عام 1997 حتى الآن.

وأضافت: «الوزارة وفرت 253 ألفًا و353 فرصة عمل بالقطاعين الخاص والاستثمارى خلال الفترة من أول مارس من العام الماضى حتى 28 إبريل الماضى، من خلال 1256 شركة بالقطاع الخاص، وتم بالفعل تعيين 169 ألفًا و709 من طالبى العمل، فضلًا عن ترشيح 40 ألفًا و551، جارٍ متابعة تشغيلهم، وتوجد 43 ألف فرصة عمل للراغبين في العمل بشركات القطاع الخاص».

[أبو محمد]

مفيش بطالة

فيه إيدين بطالة

[Scorpion]

 

 

هل قرأت قانون الخدمة المدنية الجديد ؟

عارف مفيش عليه دوشة ليه .. مع إنه لو اتطبق فمعناه ثورة إدارية من اللى قلبك يحبها ؟

:)

عشان زى ما قولتلك .. شباب مصر معظمهم معاش مبكر

مش موظفين

 

النهارد محلب قال ان مافيش اي حاجة حتتغير .. 

 

أكد المهندس إبراهيم محلب، رئيس مجلس الوزراء، أنه لا مساس بالأوضاع الوظيفية الحالية على الإطلاق، موضحًا أنه لن يضار موظف من قانون الخدمة الوطنية الجديد.

وأضاف في لقائه مع الإعلامي حمدي رزق على قناة "صدي البلد" مساء الأحد: "لن يخصم من أي موظف مليم واحد؛ بسبب قانون الخدمة المدينة، لكننا نبحث عن إثابة المجيدين واستنهاض الهمم، فالقانون لفرصة لأي موظف ليعمل ليحصل على أجر أعلى".

وأكد أن قانون الخدمة المدنية يهدف إلى تحقيق الإصلاح الإداري، ويلبي طلب المواطنين في القضاء على البيروقراطية، مضيفًا: "القانون يضمن أن يكون الأجر الاساسي 75% من الأجر الشامل للموظف بعد أن كان 18% فقط".

 

 

و اخدها منه السيسي و اشتكي و قال اللي بنقوله .. بس من غير اي رؤية واضحة علي اللي ممكن يتعمل علشان نكسر السلاسل دي :

 

قال الرئيس عبدالفتاح السيسي، إن حجم الجهاز الإداري لا يتناسب مع حجم الدولة، مشيرا إلى أنه يشتمل حوالي 7 ملايين موظف، أضيف مليون منهم بالمطالب الفئوية منذ 2011، مؤكدا أن الحجم المناسب ربع عدد الموظفين.

وأكد "السيسي" خلال كلمته في إحدى ندوات القوات المسلحة، أن مرتبات الموظفين حتى أوائل عام 2011 كان 70 مليار جنيه، زاد خلال السنوات الأربع التالية إلى 218 مليار، مشيرا إلى أنه يشعر بمرارة من ذلك.

وأضاف الرئيس قائلا: "كلامي فيه مرارة..أيوه.. وأنا زعلان.. أيوه.. انتوا عايزين تبنوا مصر ولا إيه.. العلاوات اتجمدت؟.. لا.. طب الأداء متميز ..أنا مش هتكلم".

 

لأ ما ينفعش انك ما تتكلمش يا ريس ... 

[أبو محمد]

 

 

هل قرأت قانون الخدمة المدنية الجديد ؟

عارف مفيش عليه دوشة ليه .. مع إنه لو اتطبق فمعناه ثورة إدارية من اللى قلبك يحبها ؟

:)

عشان زى ما قولتلك .. شباب مصر معظمهم معاش مبكر

مش موظفين

 

 

أخيرا ومن يومين تلاتة الموظفين بتوع الضرايب عملوا وقفة احتجاجية

وواحد منهم بيتريق وبيقول القانون بيخلى الموظف يعمل تقييم لرئيسه 

هى الدنيا حتمشى بالمقلوب على آخر الزمن ؟

سأله المذيع إنت قريت القانون ؟ قال له (متهربا من الإجابة) دا وزير التخطيط هو اللى بيقول كده بنفسه

ساعتها بصراحة حولت إلى قناة أخرى

لأن هذا القيادى إما جاهل لم يقرأ أو مغرض

وأنا أعتقد أنه الأخير

لأن القانون لا يمكن أن يتضمن مثل هذه التفصيلات 

فمكانها هو اللائحة التنفيذية واللوائح الداخلية للهيئات والمؤسسات 

 

الأهم من هذا هو اننى قرأت اللائحة التنفيذية بالتزامن مع نشر القانون

ومكتوب عليها إنها "مسودة أولية" للحوار المجتمعى

مين قراها ؟

هذا هو القانون

وهذه هى مسودة اللائحة التنفيذية

أراهن إذا كان حد من اللى كانوا فى الوقفة الاحتجاجية قراهم

 

القانون والائحة التنفيذية طالعين من مارس

يعملوا وقفة احتجاجية فى التوقيت ده .. مش عجيبة شوية ؟

[herohero]

 

أخيرا ومن يومين تلاتة الموظفين بتوع الضرايب عملوا وقفة احتجاجية

وواحد منهم بيتريق وبيقول القانون بيخلى الموظف يعمل تقييم لرئيسه 

هى الدنيا حتمشى بالمقلوب على آخر الزمن ؟

سأله المذيع إنت قريت القانون ؟ قال له (متهربا من الإجابة) دا وزير التخطيط هو اللى بيقول كده بنفسه

ساعتها بصراحة حولت إلى قناة أخرى

لأن هذا القيادى إما جاهل لم يقرأ أو مغرض

وأنا أعتقد أنه الأخير

لأن القانون لا يمكن أن يتضمن مثل هذه التفصيلات 

فمكانها هو اللائحة التنفيذية واللوائح الداخلية للهيئات والمؤسسات 

 

الأهم من هذا هو اننى قرأت اللائحة التنفيذية بالتزامن مع نشر القانون

ومكتوب عليها إنها "مسودة أولية" للحوار المجتمعى

مين قراها ؟

هذا هو القانون

وهذه هى مسودة اللائحة التنفيذية

أراهن إذا كان حد من اللى كانوا فى الوقفة الاحتجاجية قراهم

 

القانون والائحة التنفيذية طالعين من مارس

يعملوا وقفة احتجاجية فى التوقيت ده .. مش عجيبة شوية ؟

 

اللي بيتقال ان وراهم اخوان !!! 

الغريب ان اي مواطن طلع بره مصر عارف ان الجهازالحكومي في مصر متضخم جدااااااااااااا وان المفروض ربع العدد بالكثير اللي محتاجينه ويمكن أقل 

 

الحكومة الالكترونية !!!

ده الحل بس محدش عاوز يلجأ له عشان ده هيقضي ع الفساد وطبعا ده شئ غير مرغوب فيه ، كلام الرئيس السيسي كل الرؤساء قالوه من قبل لكن اتمنى ان ارى رؤية وخطوات للتنفيذ 

[عادل أبوزيد]

الموظفون ينهبون البلد أنظر إلى ما يتقاضاه الموظف فعلا من بدلات و بدلات البدلات ... الخ

ما سبق كان استهلالا لابد منه

ما زلت أذكر خبر من سنوات بالنسبة للتهريب الجمركي حيث زادت العقوبة على من يتهرب. و التفاصيل ان نسبة من الغرامات تتوجه. لمكافأه للموظفين نسبة الغرامات هذه. نتصورها بالمنطق ١٠٪ ١٥٪ مثلا التفاصيل ان هذه النسبة ٩٠٪ اكرر. ٩٠٪

و قس على ذلك في ما يقبضه الموظف من الصراف فعلا و هذا يفسر زيادة ميزانية الاجور من ٧٠ مليار الى ٢١٨ مليار. في اربع سنوات.

التوسع في تطبيقات تقنية المعلومات هو الحل الأمثل لزيادة كفائة. الجهاز الوظيفي. كانت العقبة هي جمهور المتعاملين. مع جمهور الموظفين في السنوات الأخيرة. لاحظنا نجاحا كبيرا في استخدام تقنية المعلومات. النموذج الناجح جدا هو منظومة الخبز و القبول العام. باستخدام تقنية المعلومات في توزيع طلاب الثانوية العامة

و للحوار بقية ..

[أبو محمد]

التوسع في تطبيقات تقنية المعلومات هو الحل الأمثل لزيادة كفائة. الجهاز الوظيفي. كانت العقبة هي جمهور المتعاملين. مع جمهور الموظفين في السنوات الأخيرة. لاحظنا نجاحا كبيرا في استخدام تقنية المعلومات. النموذج الناجح جدا هو منظومة الخبز 

 

لم تقض هذه المنظومة على طوابير الموت فحسب

بل وفرت ما يقرب من 2 مليون طن قمح كنا نستوردهم سنويا

[Grandma]

لو الحكومة طلعت أغلب الموظفين معاش مبكر ووقف التعينات الجديدة الا لمن تحتاجه من موظفين فقط 

لوفرت للدولة أمولا طائلة 

لو كان في ايدي الامر كنت عملت كدا بس السيسي حنين 

المهاتير محمد لا يعطي مواطن أجر دون عمل و على قد عمله ياخد

مش تقعد و تعطل مصالح الناس علشان تاخد رشوة و في الاخر تاخد مرتب و بدلات و مكافاءات و كمان مش عاجبك!!!

[أبو محمد]

لو الحكومة طلعت أغلب الموظفين معاش مبكر ووقف التعينات الجديدة الا لمن تحتاجه من موظفين فقط 

لوفرت للدولة أمولا طائلة 

لو كان في ايدي الامر كنت عملت كدا بس السيسي حنين 

المهاتير محمد لا يعطي مواطن أجر دون عمل و على قد عمله ياخد

مش تقعد و تعطل مصالح الناس علشان تاخد رشوة و في الاخر تاخد مرتب و بدلات و مكافاءات و كمان مش عاجبك!!!

 

صح .. ولو إن السيسى هو الحاكم الوحيد المؤهل لمثل هذا العمل

لأنه ليس عليه أى فواتير لأى حد

ولكنها المواءمة السياسية

:)

البلد لسه .. بيلصم فيها السيسى الديكتاتورى الانقلابى السفاح الفاشيستى

[Scorpion]

 

 

هل قرأت قانون الخدمة المدنية الجديد ؟

عارف مفيش عليه دوشة ليه .. مع إنه لو اتطبق فمعناه ثورة إدارية من اللى قلبك يحبها ؟

:)

عشان زى ما قولتلك .. شباب مصر معظمهم معاش مبكر

مش موظفين

 

 

القانون اتفرمت يا ابو محمد .. و بكده واضح ان موظفينك يا مصر خط احمر لا مساس به .. طب علي الاقل يبتدوا يشتغلوا بجد في موضوع التعامل الالكتروني .. مش تبقي مرتبات بتتدفع لناس بياخدوا رشاوي ..

رفضت لجنة القوى العاملة بمجلس النواب، قانون الخدمة المدنية بالإجماع وهو القانون الوحيد الذي رفض من جميع اللجان.

وقال النائب هيثم الحريرى عضو مجلس النواب، عبر صفحته على موقع التواصل الاجتماعي «فيس بوك»:« أن هناك إجماع فى لجنة القوى العاملة على رفض قانون الخدمة المدنية، متمنيا النجاح فى إسقاط القانون خلال الجلسة العامة التى تعقد الأسبوع المقبل، واصفًا إياها ببشرة خير.

وكتب على صفحته:« بشرة خير.. اليوم كان هناك إجماع فى لجنة القوى العاملة على رفض قانون الخدمة المدنية.. أتمنى أن ننجح فى إسقاط القانون الاسبوع القادم فى الجلسة العامة.. ما ضاع حق وراءه مطالب».

الأمر ذاته أكده مصطفى بكرى، عضو مجلس النواب، بأن لجنة القوى العاملة بالبرلمان، رفضت قانون الخدمة المدنية بالإجماع، وذلك خلال اجتماعها المنعقد الأربعاء، لمناقشة القرارات بقوانين التى صدرت فى غيبة البرلمان. وكان قانون الخدمة المدنية أثار غضب موظفي الدولة، ما دفعهم إلى تنظيم تظاهرات حاشدة، رافضين تطبيقه، ومؤكدين أنه يهدف إلى تسريح موظفي الدولة والتضييق عليهم.

 

[أبو محمد]

 

 

هل قرأت قانون الخدمة المدنية الجديد ؟

عارف مفيش عليه دوشة ليه .. مع إنه لو اتطبق فمعناه ثورة إدارية من اللى قلبك يحبها ؟

:)

عشان زى ما قولتلك .. شباب مصر معظمهم معاش مبكر

مش موظفين

 

 

القانون اتفرمت يا ابو محمد .. و بكده واضح ان موظفينك يا مصر خط احمر لا مساس به .. طب علي الاقل يبتدوا يشتغلوا بجد في موضوع التعامل الالكتروني .. مش تبقي مرتبات بتتدفع لناس بياخدوا رشاوي ..

رفضت لجنة القوى العاملة بمجلس النواب، قانون الخدمة المدنية بالإجماع وهو القانون الوحيد الذي رفض من جميع اللجان.

وقال النائب هيثم الحريرى عضو مجلس النواب، عبر صفحته على موقع التواصل الاجتماعي «فيس بوك»:« أن هناك إجماع فى لجنة القوى العاملة على رفض قانون الخدمة المدنية، متمنيا النجاح فى إسقاط القانون خلال الجلسة العامة التى تعقد الأسبوع المقبل، واصفًا إياها ببشرة خير.

وكتب على صفحته:« بشرة خير.. اليوم كان هناك إجماع فى لجنة القوى العاملة على رفض قانون الخدمة المدنية.. أتمنى أن ننجح فى إسقاط القانون الاسبوع القادم فى الجلسة العامة.. ما ضاع حق وراءه مطالب».

الأمر ذاته أكده مصطفى بكرى، عضو مجلس النواب، بأن لجنة القوى العاملة بالبرلمان، رفضت قانون الخدمة المدنية بالإجماع، وذلك خلال اجتماعها المنعقد الأربعاء، لمناقشة القرارات بقوانين التى صدرت فى غيبة البرلمان. وكان قانون الخدمة المدنية أثار غضب موظفي الدولة، ما دفعهم إلى تنظيم تظاهرات حاشدة، رافضين تطبيقه، ومؤكدين أنه يهدف إلى تسريح موظفي الدولة والتضييق عليهم.

 

 

بـ "إيجاز"

حتى الآن .. ووفق على "كل" ما تم عرضه من القرارات بقوانين ما عدا قانون "الخدمة المدنية"

يبدو - على غير الظاهر - أن فى المجلس عقولا

 

 

يتفرمت ازاى يا سنيور وهو أصلا كان Dormant يعنى كان فى سبات عميق

وده السبب اللى خلانى قلت ملاحظتى اللى فوق دى .. أو بالأصح ، الجزء ده منها

 

يبدو - على غير الظاهر - أن فى المجلس عقولا

 

 

على العموم ممكن أستطرد فى النقطة دى فى مكانها إن شاء الله

(متابعة جلسات برلمان 2015)

 

أما بخصوص امبراطوربة الجهاز الإدارى للدولة

فإننى أؤمن بأن زمن العلاج بالمسكنات يجب أن يولى

الحل صعب .. قابلته على Scale أصغر مرتين فى حياتى العملية

والحمد لله نجحت فيه إداريا إلى حد كان ملحوظا

الحل هو إعادة التوظيف Redeployment

أكدب عليك لو قلت لك يتعمل ازاى سياسيا مش إداريا

لأن مشكلة الجهاز الإدارى للدولة هى مشكلة سياسية أولا ثم إجتماعية وفى الآخر إدارية

[White heart]

 .. طب علي الاقل يبتدوا يشتغلوا بجد في موضوع التعامل الالكتروني .. 

ألمانيا تنقسم الى 16 ولاية ... تعداد سكانها حوالي 83 مليون مواطن ... يعمل بها أكثر قليلاً من 3 ملايين موظف عام ....

مصر الحبيبة تنقسم الى 27 محافظة ... تعداد سكانها 90 مليون مواطن ... يعمل بها أكثر من 6 مليون موظف عام  ...

هناك مثل ألماني يقول: "Papier ist geduldig" أى : " الورق صبور " ... وهو ببساطة مثل يُقال عند الإشارة الى مفهوم " البيروقراطية " خاصة تلك الغير ناجزة بالمرة ....  مثل يختزل مفهوم " البيروقراطية "، وفي حالتنا هنا هى تلك الخاصة بكل المؤسسات العامة، والمصالح الحكومية الرسمية، بكل ما تُصاحبها من تعقيدات وصعوبات تجعل من هذا "الورق الصبور " تجعله يقود المواطن إلى المبالغة في إستنفاذ صبره هو !!!

ومن هذا المُنطلق ولدت لديهم الوصفة السحرية .. الا وهى :

"الحكومة الإلكترونية" (E-Government)

فقد تبنوها رسمياً مع مطلع الألفية الثانية ... وتبلورت في عام 2005 ... والهدف المُعلن وقتها ببساطة كان تحسين أداء المؤسسات والمصالح الحكومية، وتطوير التعاون فيما بينها على قواعد وأسس "رقمية" ...  وبالتالي تفادي الإزدواجية في العمل، وإتاحة المجال أمام المواطن لإنجاز المزيد من حاجاته عبر شبكة الإنترنت ... اليوم وبعد 15 عاماً من بداية تبني هذا المشروع، وصل عدد الخدمات العامة / الحكومية التي يٌمكن المواطن أن يُنجزها ومن خلال أى نقطة إتصال بالإنترنت، وصلت الى حوالي 450 خدمة ... ومازال العمل مُستمراً !

الخُلاصة يا عزيزي أنه حتى يتم " التعامل " الكترونياً كما تُطالب، فأنه لا مفر من:

1- ميكنة كل المؤسسات والمصالح الحكومية رقمياً، وعلى مستوى الجمهورية (الــ 27 محافظة)  ... وهذا بدوره سيؤدي بالضرورة الى:

2- الإستغناء عن تلك الملايين من <<< العمالة الزائدة >>> !!!

وهو ببساطة من وجهة نظري ما ليس بإستطاعة " المنظومة " القديمة / الجديدة الإقدام عليه لا سابقاً، ولا حالياً ... والسبب الرئيسي معروف ... إحتمالية قيام " ثورة " حقيقية جديدة ....  تلك " المنظومة"  حالياً في مرحلة محاولات إستعادة مركزها " المهيمن " والمسيطر ليس فقط مثلما كانت عليه حتى 25 يناير 2011، بل أقوى بمراحل لتعويض ما خسرته على مدار تلك الأعوام الــ 4 وليس الــ 5  ... وهى لا تملك " الأن " الإصطدام بمثل هذا العُنف والقوة مع المزيد من الملايين ... يكفي هؤلاء الملايين الذين يتم طهيهم على نار هادئة نسبياً !!!