اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

أخبار ع السريع


Grandma

Recommended Posts

فيديو : كيف نفزت القوات المصرية عملية انزال ضد داعش في ليبيا

عجبني الفيديو دا رغم ان هذه العملية لم يعلن عنها الى الان بشكل رسمي

http://www.elfagr.org/1658164

مفيش اى دليل حقيقى على ان فيه عملية انزال حصلت فعلا, و كله كلام ربما لرفع الروح المعنوية.

عمليات الانزال اثبتت فشلها فى حالة حرب العصابات... اسرائيل نفسها فشلت فى عملية الانزال اللى عملتها فى حربها ضد حزب الله فى جنوب لبنان 2006.

عمليات الانزال ممكن تكون صالحة فى حالة الحرب النظامية بين دولة و دولة, زى ما اسرائيل كده عملت عمليات انزال فى مصر بين 67 و 73, كعملية تفكيك الرادار المصرى الشهيرة.

يا تيتة الضرب بالطيران المنخفض كان نتيجته أسر الكساسبة فى العراق... فما بالك بعملية انزال, مش طيران منخفض. :)

تم تعديل بواسطة محاور
رابط هذا التعليق
شارك

مفيش اى دليل حقيقى على ان فيه عملية انزال حصلت فعلا, و كله كلام ربما لرفع الروح المعنوية.

عمليات الانزال اثبتت فشلها فى حالة حرب العصابات... اسرائيل نفسها فشلت فى عملية الانزال اللى عملتها فى حربها ضد حزب الله فى جنوب لبنان 2006.

عمليات الانزال ممكن تكون صالحة فى حالة الحرب النظامية بين دولة و دولة, زى ما اسرائيل كده عملت عمليات انزال فى مصر بين 67 و 73, كعملية تفكيك الرادار المصرى الشهيرة.

يا تيتة الضرب بالطيران المنخفض كان نتيجته أسر الكساسبة فى العراق... فما بالك بعملية انزال, مش طيران منخفض. :)

هو مادام السيسي امبارح ما قالش في خطابه إانه تم اسر أي داعشي يبقى فعلا مافيش انزال ولا حاجة

رابط هذا التعليق
شارك

post-47141-0-94994700-1424708352_thumb.j



الصيد الثمين علي اكتاف الأبطال


بلاها رغي ...


رابط هذا التعليق
شارك

attachicon.gifIMG_8994873041902.jpeg

الصيد الثمين علي اكتاف الأبطال

بلاها رغي ...

حضرتك مقتنع بالصورة دى؟ :)

اولا الصورة ملعوب فيها...

ثانيا... الصورة فيها طيارة من نفس طراز الاباتشى... و الاباتشى استحالة تدخل ليبيا, لانها حتى لو قدرت تطير مسافة ال400 كيلو لغاية درنة و ترجعهم تانى, و ده مستحيل بالمناسبة لطيارة اباتشى, بس انا هفترض ان ده حصل... الاباتشى لو نزلت فى ليبيا هتتدمر حضرتك. :)

ثالثا... اى عملية انزال قوات, الطيارات مش بتنزل الارض... الطيارات بتفضل فى الهوا, و بترمى القوات فى نقطة معينة.

رفع الروح المعنوية بالكذب و الخداع, هتكون نهايته اننا كلنا هنفقد الثقة فى الجيش, و هنشوف نكسة جديدة, اسأل الله ان يحفظ مصر من حدوثها.

تم تعديل بواسطة محاور
رابط هذا التعليق
شارك

من تكتيكات الطابور الخامس : حرب الإشاعات السلبية والإيجابية


أقصد بالإيجابية تلك التى تبعث الآمال الكبيرة


يليها إحباط وفقدان ثقة عندما يُكتشف كذب الإشاعة


رابط هذا التعليق
شارك

البعض يتصور أن عمليات القوات المسلحة هي مجرد فيديو كليب وإنتاج فني، ويجب الإعلان عن تفاصيل العملية وأسماء من قاموا بها ونوعية المعلومات التي حصلوا عليها قبل التحضير للهجوم، ويتم تصويرهم وهم يجهزون المعدات والأسلحة ولحظة ركوبهم الطائرات ولحظة نزولهم منها أيضا، وكيف ساروا في الظلام الدامس بفضل اجهزة الإنفرارد. حاجة كده زي لما يعلنوا عن القبض على حرامي وكيف ان مدير الآمن بناء على توجيها الوزير، قد قام بتوجيه كل اللي بيشتغلوا تحت رئاسته أن ينفذوا الخطة التي ابلغه بها الوزير عن كيفية ضبط الحرامي، وكيف تلقى رئيس المباحث الأمر وكيف تعامل معه بحرض شديد حتى يكون تنفيذ خطة الوزير بفضل توجيهات الرئيس قد تم على الوجه الأكمل.

العمليات العسكرية من الفها الى يائها تعتبر من الأحداث التي توضع في مرتبة عالية من السرية قبل وبعد تنفيذها ، وعندما يعلن عن شيئ منها، فهي معلومات يفرج عنها لمقاصد معينة.

حرب أكتوبر 1973 لازالت فيها أسرار لا يعرفها إلا من عملوا فيها.

كنا نعلم عندما انتقلنا من انشاص الى القصاصين أننا في طريقنا لتنفيذ واجب عمليات ولكن لم نكن نعلم أكثر من أنها طبقا للخطة كذا، وعلمنا أن الحرب بدأت عند فتح ظرف مختوم بالشمع الأحمر عليه تووقيت فتحه 1405 وتعني الساعة 2:05 ظهرا ووقتها رأينا الطائرات تمر في أسراب فوق رؤوسنا في إتجاه الشرق، وبعدها أمر آخر بالتحرك مساءا إلى منطقة معبر فايد.

تخيلوا لو مثل تلك المعلومات كان وراءها صحفيون يسعون لسبق صحفي، وأشاروا فقط إلى أن هناك تحركات عسكرية في إتجاه منطقة قناة السويس، هل كانت الحرب لتنجح في تحقيق عنصر المفاجأة؟

الجيوش لا تفرج أي معلومات عن خططها وكيف تم التنفيذ والنتائج إلا بعد العمليات بعدة سنوات حتى لايستفيد العدو من معلوماتها فيتفاداها في الجولات التالية.

ما يقوله المشككون أرى أنه مجرد استهلاك للكلام لإثبات موقف أراه هشا ولا يدل إلا عدم فهم للأمور بشكل صحيح، وأرى أن معظمهم لا يختلف عن تحميل السيسي مسئولية جهاز علاج فيروس سي، وان الكلام عن الجهاز كان مجرد دعاية وانه كفتة وكباب، وعندما تستفسر عن علاقتهم بالبحث العلمي أو التكنولوجيا فستجدها أصفار كثيرة على اليسار.

دعوا القوات المسلحة تؤدي عملها طبقها لخططها واستطلاعاتها،

انسوا شوية أن السيسي كان رجلا من القوات المسلحة، عندها تستريحوا وتريحوا القوات المسلحة من عدائكم لها

رابط هذا التعليق
شارك

بدأت حرب اكتوبر وأنا فى إحد كتائب الصواريخ بالاسكندرية


وكان أهلى وزوجتى (كنت عريس لى شهر واحد) حاطين فى بطنهم بطيخة صيفى لأن بينى وبينهم فركة كعب


يوم 12 أكتوبر تحركت إلى بورسعيد إلى يوم 22 أكتوبر


ولم يعلم أهلى إلا عندما دخلت عليهم فى السادسة من صباح 23 بسلاحى


والأفرول تحول من الكاكى إلى الرمادى لأنه فضل عشر أيام على جسمى


أهلى ما عرفوش إلا إنى سافرت بورسعيد ورجعت



حاجة تقرف بعيد عنكم .. مفيش شفافية .. حكم عسكر بقى

رابط هذا التعليق
شارك

كلام حضرتك صحيح, و صحيح ان عمليات مخابراتية كتير بتحصل فى السر و الخفاء, و السبب هو الحفاظ على "التكنيك" او الاسلوب المستخدم, لان بيتم اعادة استخدامه فى عمليات لاحقة حتى لو مختلفة.

لكن فى نفس الوقت, لازم نبقى حريصين فى حالة الحرب, ده لو احنا فى حالة حرب فعلا يعنى, و مانسمعش كلام غير من المتحدث الرسمى للقوات المسلحة فقط لاغير.

اما بخصوص جهاز الكفتة, فانا مش عارف حضرتك تقصد ايه... تقصد يعنى ان جهاز الكفتة حقيقى؟ لان فيه حاليا ملاحقات قضائية بخصوصه.

رابط هذا التعليق
شارك

بدأت حرب اكتوبر وأنا فى إحد كتائب الصواريخ بالاسكندرية

وكان أهلى وزوجتى (كنت عريس لى شهر واحد) حاطين فى بطنهم بطيخة صيفى لأن بينى وبينهم فركة كعب

يوم 12 أكتوبر تحركت إلى بورسعيد إلى يوم 22 أكتوبر

ولم يعلم أهلى إلا عندما دخلت عليهم فى السادسة من صباح 23 بسلاحى

والأفرول تحول من الكاكى إلى الرمادى لأنه فضل عشر أيام على جسمى

أهلى ما عرفوش إلا إنى سافرت بورسعيد ورجعت

حاجة تقرف بعيد عنكم .. مفيش شفافية .. حكم عسكر بقى

التوازن مطلوب يا استاذ ابو محمد... و عموما ما كان صالح بالامس, لم يعد صالح اليوم...

الحروب دلوقتى بقت بتناقش علنا, ربما لان الحروب دلوقتى فقدت معناها عن زمان, بسبب كل التداخل اللى حصل بين الدول و بعضها, و ان فيه وسائل تأثير اكبر بكتير من الدبابات و الطيارات... و هو ده اللى بيقولوا عليه الجيل الرابع من الحروب. :)

رابط هذا التعليق
شارك

الجيش والدولة لم يدعوا هذا الشرف العظيم ....

ولا الطرف الآخر إدعي إنه قد أسر بعض عناصره

بلاش إشاعات

الدول لا تدار عبر الميديا !!

رابط هذا التعليق
شارك

لا مؤاخذة مين اللى فهمك الكلام ده ؟

كل اللى بيحصل فى العالم... المناقشات اللى بشوفها علنيا و على الهواء مباشرة من انجلترا و امريكا و فرنسا و كندا, و كل المناقشات العلنية فى برلماناتهم اللى بتناقش الكلام ده علنيا.

يمكن ده مش مناسب لمصر, لانها دولة متخلفة, بس الوضع فى العالم اختلف تماما.

رابط هذا التعليق
شارك

الدول لا تدار عبر الميديا !!

تصدق يا أستاذ : باهي ....

لقد بلغ الافتراء في الإشاعة إن الأسرى الـ 56 بينهم ضابط قطري

إيه اللي هيودي الضابط القطري هناك مع داعش

يمكن مش لاقي شغل في بلده

اللي مخليني أشك في الموضوع هو شخصية السيسي إنها تسك على الموضوع

على أساس إن بكره تميم يجيبه الضابط بتاعه

كل شيء ممكن

رابط هذا التعليق
شارك

كل اللى بيحصل فى العالم... المناقشات اللى بشوفها علنيا و على الهواء مباشرة من انجلترا و امريكا و فرنسا و كندا, و كل المناقشات العلنية فى برلماناتهم اللى بتناقش الكلام ده علنيا.

يمكن ده مش مناسب لمصر, لانها دولة متخلفة, بس الوضع فى العالم اختلف تماما.

طيب ما تحكيلنا كده على عملية عسكرية حتحصل

فى أمريكا وأوروبا والدول المتقدمة

بلاش حتحصل .. ما تحكيلنا على تفاصيل عملية حصلت

عشان ننشرها .. يمكن العسكر بتوعنا يستفيدوا منها

رابط هذا التعليق
شارك

استاذى الفاضل ابو محمد, انا مش بقول انهم بيتكلموا عن التفاصيل الدقيقة دى... انا بتكلم عن اعلان الحرب و تكاليفها و عدد القوات المشاركة و غيره..

و حتى بعد التفاصيل الدقيقة لبعض العمليات, زى عملية اغتيال اسامة بن لادن مثلا, تم الاعلان عنها بكل تفاصيلها لاحقا... و غيره من العمليات المحدودة اللى تمت فى افغانستان و العراق, و كان بيتم الترويج لها فى الاعلام الامريكى, و كان بيتم منح جنود الجيش الامريكى اوسمة بمختلف درجاتها بسبب اشتراكهم فى العمليات دى. :)

رابط هذا التعليق
شارك

استاذى الفاضل ابو محمد, انا مش بقول انهم بيتكلموا عن التفاصيل الدقيقة دى... انا بتكلم عن اعلان الحرب و تكاليفها و عدد القوات المشاركة و غيره..

و حتى بعد التفاصيل الدقيقة لبعض العمليات, زى عملية اغتيال اسامة بن لادن مثلا, تم الاعلان عنها بكل تفاصيلها لاحقا... و غيره من العمليات المحدودة اللى تمت فى افغانستان و العراق, و كان بيتم الترويج لها فى الاعلام الامريكى, و كان بيتم منح جنود الجيش الامريكى اوسمة بمختلف درجاتها بسبب اشتراكهم فى العمليات دى. :)

:)

نكتفى بهذا القدر من المعرفة

رابط هذا التعليق
شارك

و حتى بعد التفاصيل الدقيقة لبعض العمليات, زى عملية اغتيال اسامة بن لادن مثلا, تم الاعلان عنها بكل تفاصيلها لاحقا... :)

المرجح في عملية مقتل ابن لادن أنه قد فجر نفسه قبل أن يصل إليه الأمريكان ..... ولا أصدق أبدا أن أمريكا قتلته وألقت بجثته في البحر

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    لايوجد أعضاء مسجلون يتصفحون هذه الصفحة

  • محاورات مشابهه

    • البانكيك الخطير السريع

      ألبان كيك ٢ بيض فى درجة حرارة الغرفة كيس فانيليا ٤ ملاعق سفرة سكر ٤ ملاعق سفرة زبدة سايحة  كوب لبن ١ و ٣/٤ كوب دقيق ١ و ١/٢ ملعقة صغيرة بيكينج باودر ١/٢ ملعقة صغيرة كربونات الصودا أو بيكنج باودر ١/٢ ملعقة صغيرة ملح الطريقة إضربي البيض و الفنيليا و السكر بمضرب سلك أو مضرب كهربا أضيفى اللبن و الزبدة و اخفقى قليلا فى وعاء آخر أتخلى الدقيق و الملح و بيكنج باودر و الصودا أضيفى خليط البيض و اللبن إلى الدقيق و قلبى بملعقة خشب و لا تخفقيه على نار متوسطة سخنى طاسة و إدهنيه

      في المطبخ

    • أخبار ... أهرااااااام ... جمهورية !!!

      مؤخرآ استلم علي الواتس من العزيز الأستاذ عادل ابو زيد نسخ الكترونية من بعض الصحف المصرية ... و هو شيء حتي زمن قريب لم اكن اتخيل ان نصل اليه بل و عند بداية عصر المعلومات الديجيتال تكون داخلي شعور بعدم تقبل الفكرة نفسها كرد فعل أولي  ... فالتعود البشري علي شيء ما يجعل من تقبل شيئآ أخر مختلف يشوبه بعض المقاومة و الرفض في البداية ..   فجيلنا هو اخر جيل تعود علي "لمس" الحروف اثناء قرائتها او كتابتها ... ملمس الصحف في ايدينا ... رائحة الورق ... تقليب صفحات كتاب و عيوننا تقفز بين السطور ... فتح خط

      في الإعلام المصرى

    • القصة الغير معلنة للإنتشار السريع للكورونا في أمريكا

      هذا كان العنوان بالخط العريض في موقع ال بي بي سي و المحتوى صادم و أضع هنا رابط الموضوع  https://www.bbc.com/news/world-us-canada-52311877 How did the biggest cluster in the US emerge in a corner of South Dakota? Infections spread like wildfire through a pork factory and questions remain about what the company did to protect staff.

      في  فى الثقافة و العلم

    • قاربت على الإنهيار من أخبار الوباء

      يمكن في ناس تانية زي حالاتي  على وشك الجنون و الانهيار العصبي ليس الجنون بالضبط  لكن التوتر المتزايد بلا منطق أو سبب … حد سمع عن الموت او الانتحار اليكترونيا هل جربت ان تتخلص من رأسك  أو على الأقل تتوقف عن استعمالها. … هل جربت أن تغلق عينيك و تغلق رأسك  في السينما  لانك مشفاهم او مش عاجبك الفيلم

      في موضوعات شخصية

×
×
  • أضف...