اذهب إلى المحتوى
محاورات المصريين

مغامرات نونو وبيبي (الحلقة العاشرةوالاخيرة)


shahd

Recommended Posts

في الحقيقة وفي الواقع هو المفروض

انزل الموضوع ده بعد اسبوعين او شهريييييييين

يعني اريحكو شوية من الشخابيط الى عمالة ترف عليكو

يادي الكسوووووووووف :blush: mfb:

بس بما اني مش ضامنة اني اقدر اكتب بعد كده جايز لفترة

او بمعنى اصح احتمال ما اقدرش ادخل نت

اهئ اهئ اهئئئئئئئئئئئئئ

حدش عنده كليوووووووونكسسسسسس

ماعلينا .......................

وبناء عليه ........ عسل الكلمة دي تقلش سيباويه ياخيييييييييي

اجري كده وبلاش غلبة عايزة تقولي ايه يابت ياشهد

اجري اروح فيييييييين ماما قالت لي ما تعلبيش بعييييييييد

خلاص خلاص حقول......................

اممممممممممممممممممم

اديني جاية في الكلام اهو

وما يحلى الكلام الا بذكر النبي عليه الصلاة والسلام

قررت وربنا يعينكم على قراررررررري

اني ادوشكوا بشخبطةعلى الله تعجبكم

:angry:

:blink:

:P

بمغامرت نونو وبيبي

الجزء الأول

بيبي ليها اسم حقيقي غير الأسم ده وهو(؟؟؟؟؟)

ونونو اسمها الحقيقي (؟؟؟؟) حنشوف هما حيقولو ايه)

بيبي: ازيك يا نونو عاملة ايه في الشغل

نونو : زي الفل كله تمام دا انا كنت قاعدة وسط مجموعة لزيزة خالص طول ماهما قاعدين يحكو ويتحاكو : شفتي ده حصل وحصل شفتي الوليه الي جوزها اتجوز عليها والحنة لسة في اديهاوالتانية تقلها ايوة يا ختي ...........واالتالتة تقلها ايوة شفت ؟؟؟؟؟؟طب خدي عندك بقى شفتي البنية الييييييييي هاتي ودنك وعماله وودودودودو وانا عمالة اتنقل من حته لحته لحد ما خليت كل الدنيا حريقة وانت بقى ياغيبة عملتي ايه اخبارك يه طمنيني شغلك ماشي كويس

بيبي: اسكتي اسكتي ايه لعب العيال بتاعك ده تعالي عندي اعلمك الشغل الي على اصوله

ده انا عملت عمايل اسمعي ياستي : كنت عند واحدة هي وجارتها خليتهم يقطعو في فروة جارتهم الي ساكنة فوقيهم اصل هما قصاد بعض دول اشتغلوها شغل ........الأولانية تقول اسكتي شفتي مش دخلت عند جارتنا الي في الدور السابع لقيت بيتها اخييييييييييي

وهدوم ولادها وسخة ولااااااااااا جوزها انا عارفة مستحملها ازاي انا لو منه اطلقها على طوووووول ايه رايك تروحي تزوريها عشان تشوفي بعينك

نونو: عمالة تقولي عملت وعملت جتك خيبة وجتني خيبة معاكي دا احنا لسةعايزين اكتر

بس تعرفي انا ناوية على خطة ما تخرش الميه

بيبي : حتعملي ايه قوليلي

نونو : خليها تستوي الأول وبعدين اقلك

ياترى حتعمل ايه حتفكر في ايه ولا ايه وياترىعايزين ايه اكتر يانونو انت وبيبي ؟؟؟؟؟؟؟؟

حنشوف ونعرف في الحلقةالجاية من مغامرات ونونو

رابط هذا التعليق
شارك

الحلقة الثانية

بيبي :صباح الخير يانونو

نونو:صباح الف يا بيبي ها فكرتي في حاجة

بيبي: طبعا دا انا جتلي امبارح حتة فكرة

نونو: ها قولي حتفضلي معلاقاني كده

بيبي: اصبري بس وحتعرفي حالا بعد ما اعمل المكالمة دي

الو ازيك يا سوسو اخبار فيفي ايه عايزاكو تيجو تزوروني بكرة ممكن في موضوع مهم قوي

سوسو: ماشي حكلم فيفي وارد عليك

بيبي: طيب مستنايكي

نونو: اه ياعفريته فيفي وسوسو مرة واحدة دا حنا حنعمل شغل جامد .... ياهوووووووو

بيبي : يلا يلا نجهز العدة الشغل حيبقى جامد قووووي

وتروح نونو وبيبي يجهزو لزوم ضيافة سوسو وفيفي ويجهزو عدة الشغل

اما سوسو وفيفي جاهزين على طول وعند الطلب

تعالوا نشوف حيعملو ايه وياترى كل واحد فيهم حتبقى مهمتة ايه

دلوقتي احنا في شقة بيبي الجرس بيرن

روحي افتحي يانونو

نونو : ايوة مين الي بيخبط

انا سوسو يانونو

يا اهلا وسهلا يا الف مرحب ازيك يانونو ازيك ياسوسو ازيك يافيفي وحشتوني مووووووووت

سوسو وفيفي: امال فين بيبي

بيبي :انا هنا اتفضلو بجهزلكم احلى عصير فواكة مشكل بس ايه حاجة اسبيشل

ها ياسوسو عملتي ايه الأيام دي قوليلي اخبارك شغلك زباينك كل حاجة

اسكتي يا نونو يا اختي الشغل واقف اليومين دول ومش زي زمان دى في وليه جابتلي بنتها وبتقول معملوها عمل وعايزاني اعملها عمل يفك العمل الأولاني

بيبي: طب وفيها ايه ماتعملية يا اختي ولاانت عجزتي وخرفتي خلاص ومما بقيتيش تعرفي تعملي حاجة

سوسو: عجزت اية يا ام نص لسان انت

نونو: استني يا بيبي خلينا نسمع

سوسو: ياخراشي علـ البت طول ما انا بشتغل وهي عمالة تقرا ايةالكرسي في سرها

لما فقعتلي المرارة وقلت مابدهاش ورحت قايلة للسكرتية بتاعتي تخرجها عشاناعرف اشوف شغلي ...... يا اختي دي حتقفلي في رزقي ولا ايه

بيبي: اي والله عندك حق طلعت منين دي وايهالي جابها اصلا

نونو: تلاقي ماماتها غصبت عليها وهي مش عايزة حاكم بنات اليومين دول بقوا واعين قوووووووي

بيبي: وانت يا فيفي عملتي ايه وساكتةليه واحنا عمالين نهري وننكت

فيفي: ايه مالكو اهدو شوية وبطلو الصربعةالي بتوديكو في داهية كله بالهداوة والرواقة يبقى تمام

نونو: طبعا ما انت بتعملي شغلك من غير ما حد يحس بيكي

بيبي: طب يا جماعة ايه رايكم نعمل صفقة مع بعض كل واحدة حتاخد نصيبها بدل ما احنا مش عارفين نشتغل ها اتفقنا

الكل يرد مرة واحدة: ماشي موافقين خلينا نقب على وش الدنيا

ويتفقوا انهم يتقابلو في بيت سوسو الأسبوع الجاي بس بشرط يبقى يوم مليان زباين وعشان كل واحدة تقدم تقرير عمل الأسبوع كامل

حتستونونا الأسبوع الجاي يلا بينا

علىفكرة نسيت اقول حاجة

ولا بلاش خليها لبعدين :blush:

رابط هذا التعليق
شارك

  سـلـمـت أنـامـلـك شـهد

      ودمـتى لـنـا

    ابـن الجـنـوب

اشكر لك مرورك الكريم اخي الفاضل

رابط هذا التعليق
شارك

الحلقة الثالثة

في الجزء الي فات اتفقت نونو وبيبي وفيفي وسوسو انهم يتقابلو في بيت سوسو

عشان تتم الصفقة والشغل الجامد حيكون هناك يلا بينا نشوف حيتفقوا على ايه

سوسو:يلا يا نونو هاتي التقرير الأسبوعي بتاعك عملتي ايه

نونو: شوفي ياحلو ة انتي وهي دا انا عملت الهوايل خليت النسوان قاعدين ودخلت عليهم لحد

واحدة واحدة اسيب دي واروح للتانية

فيفي: ما تخلصينا هو انتي حتحكيلنا قصة حياتك يلا عملتي ايه

نونو: اخص عليك يا فيفي اديني جيالك في الكلام خليتهم يحكو حكاوي ورويات

وكل واحدة توصل لجارتها الي قالته التانية وطبعا انا بدوري ومواهبي احم احم بكبر واهول يااختي علي دا انا جننتهم وايه كمان ما وقفتش على الستات دخلت على الرجالة كمان وانتو عارفين الرجالة مالهمش في الحجات تقي بس مش لحاجة اصلهم مش فاضيين بس تعرفوا في صنف كده يا اختي تلاقيهم قاعدين

وكل واحد واخد ودن التاني عجبي تربيت ايديا وحياة عنيا

دور بيبي: ياخراشي ياخراشي على العمايل الي عملتها دخلت على الجارتين الي في عمارةواحدة دول وبيحبوا بعض قوي وقعدت اودود للجارة الأولانية في ودنها عشان تقول كلام يمس سمعة جارتها قدام الست الي في الدور الي تحت ودي بقى لسانها متبري منها

وعينك ما تشوف الا النور راحت كلمتها وشفي الخناقه الي حصلت وسط السلم

دور فيفي: اجروا العبوا بعيد انتي وهي جتكوا خيبة

فالحين تخاصمولي نسوان هما كم يوم وحيرجعوا لبعض تعالوا شوفوا انا عملت ايه

قعدت ورا الراجل الطيب لحد ما طلق مراته ام عياله

نونو وبيبي: يا شرانية طلقتيهم lol:

فيفي: بس يا منيلة انتي وهي هو انتي لو جتلك الفرصة مش حتعمليها

نونو وفيفي: اعملها ونص

فيفي: اكمل بقى رحت للشغالة وقلتلها قولي للست جوزك بيعرف عليكي واحدة

وبيرحلها كل يوم

ورحت للسواق الي بيوصل الست كل مشاويرها وقلتله قول للراجل الي مشغلك ان مراته ليها صاحب ونزل فيها ضرب لحد ما كانت حتموت في ايده لولا الجيران خدوها عندهم بس انا ما سبتوش ولا سبتها لحد ما اتطلقوا

الكل مرة واحدة يلالالاالالالا ياسوسو دورك

سوسو: حقول ايه ولا ايه ولاايه دى الي حصل ما يتحكيش سحرت ميات وطلقت عشرات

والأهم من كده ان بقالي ناااااااااس كتير بتمشي ورايا زي ضلي والي بقول عليه بيتنفز ده في ناس بطلت تصلي وناس مش بتصوم كل دول من زبايني الي بيجولي

بيبي: نهاركو فل يا جماعة هو ده الشغل ولا بلاش

الباب بيخبط

سوسو : يلا كل واحدة في مكانها الشغل حيبتديوالزباين ابتدت تهل والشغل حيبقى على ودنه انتشروووووووووووو

ابتدى الشغل الي بجد اشوفكو الحلقة الجاية

رابط هذا التعليق
شارك

الحلقة الرابعه

سوسو:ما تقومي تشوفي الباب يابت انت وهي مش شايفة الشغل المتل تل الي في ايدي يعني اسيب الزبونة وافتح ياساتر

بيبي: جرى ايه ياسوسو هو انت لوحدك الي بتشتغلي ولا ايه نح انا ورانا زباين كمان حاجة تفلق

نونو : بسسسسسسسسسسسس انا الي حروح افتح بلاش خناق يا مقروضة انت وهيه

ايو مين انا جاية اهو

مش ممكن يا اهلا وسهلا ديدي وكوكي ياالف مرحب كنتوا فين وجيتوا منين ولايعني من لقي أحبابه

ديدي : ما تهمدي يا بت وخليني اخد نفسي مش عمالة ودودودودو خرمتي وداني روحي اعمليلي عصير غل ونفاق عشان اروق واعر ف اتكلم

نونو: من عنيا غالي والطلب رخيص

السم الهاري

كوكي: ايه بتقولي ايه

بيبي: مش بتقول حاجة مطرح مايسري يهري يمررررري

سوسو: ايه الدوشة دي يعني الواحد ما يعرفش يدعبس في دماغ الزباين الخرفانين دول

ازيك ياكوكي عاملة ايه ياديدي

كوكي وديدي: حنقول ايه كله ماشي الشغل شاحح بقاله مده كده والناس بقت مش بتحبنا خالص وكل ما نحاول نقرب منهم ناخد على دماغنا

نونو: تلاقيكو اتحسدتوا ياختي

بيبي: يخيبك يا بت اتحسدوا ايه بس هم تلاقيهم عجزوا بس

سوسو: لا عجزوا ولا حاجة دول خرفوااااااا ابقي ركبي طقم اسنان يا كوكي هههههههههه

كوكي: يلا يا ديدي يظهر اننا غلطانين عشان جينا هنا

نونو: لالالالالا احنا بنهزر لا تعيريني ولا اعيرك الهم طايلني وطايلك الشغل شاحح عندنا كلنا

ديدي: تقولي ايه السبب طب في رمضان وقلنا البتاتيع مكلبشة طب ودلوقتي مش عارفين نشتغل لييييييييييييييييه

سوسو: بتاتيع ايه

كوكي: قصدها شوشو اللهم اغزيك ياشوشو

نونو: ششششششششش لا الزعيم يسمعك يقطع خبرك

وفجأة يوصل الزعيم

:ninja:

بدل ما انتوا عمالين تتخانقوا شوفي شغلك انت وهيا

تعالي هنا ياكوكي انت بتستعيذي مني على اخر الزمن طب سيبي الكلام ده لغيرك يا جلابة المصايب

كوكي: مش قصدي يا زعيم ياشوشو باااااااااشا غلطة ومنك السماح

شوشو:

ديدي /نونو / بيبي/سوسو/

شوشو : انتوا هنا في شغل وبس بلاش كلام فاضي ولا عايزين يجروالكو زي كوكي

نونو: لا يا باشا انا تحت امر سيادتك

بيبي: وووووووانننننننننننننا كماااااااااان حشوف شغلي

ديدي: انا انا انا حدور على زباين من تحت الأرض

شوشو: لالالالالالالالالا انتوا ما بقيتوش نافعين انا حدور على غيركواااااااااا

ياترى شوشو حينفذ تهديده ويدور على غيرهم ولا حيعمل ايه ؟؟؟؟؟؟؟؟؟؟؟

تم تعديل بواسطة شهد
رابط هذا التعليق
شارك

الحلقة الخامسة

في الحلقة الي فاتت شوشو كان ناوي يستغنى عن خدمات كوكي وديدي ونونو وبيبي وسوسو عشان كوكي قالت في حقه كلمة وحشة وبسبب الكلمة طلع على جتتها القديم والجديد , وبعد ماقعد يفكر بس ياترى هو لو استغنى عن خدماتهم حيجيب عمال وموظفين منين مممممممم يعمل ايه يعمل ايه راح مقرر انه

شوشو: خلاص خلاص مش حرفدكم بس بشرط

كوكي: حضرتك تأمر يا شوشو باشا

شوشو: انت ياكوكي لازم معدل انتاجك يزيد عن السنتين الي فاتواعايز شغل مية مية

كوكي: تمام يا افندم علم وينفذ ده انا حعمل الي ما اتعملش حشعلل الدنيا احرق القولب وارش من الكلونيا الفواحة بتاعتي على كل بيت وفي كل شارع

شوشو: ديدي عايزك تقفي على كل واحد ووحدة واوال ما عينه تلمح حاجة جميلة او طفل صغير اوعي تسيبه يقول الكلمة المدمرة انت عارفاها طبعا هاااا

ديدي : ما تخافش عليا يازعيم ان ما خليت الغني يفلس والسعيد يبقى تعيس والكل يروح فطيس ما ابقاش انااااا من اعوانك يا ابليس

شوشو: نونو وبيبي انتوا يا حبايبي طبعا شغكلو دايما مع بعض وفي وسط النسوان فلانة قالت وعلانة سوت وابصر ايه وما اعرفش ايه

خلاص بقى لعب العيال ده خلص عايزين نلعب على كبير ونخش على الرجالة حاكم في رجالة انقح من النسوان عارفين الحتة دي ولا اعيد اشرح كمان

نونو: فاهمين طبعا مش سيادتك تقصد الحتة الي فيها رجالة طول ما هما قاعدين مع بعض ده يقول مراتك قالت والتاني يقله ايوة اصل مراتك كانت لابسة بتاع عامل مش عارفه ايه النهادرة

بيبي: يقله ايوة صح ويردعليه اه ما انت مراتك كانت لا بسة جيبة مش عارف لونها ايه ووووو

شوشو: تمام يا فالحة انت وهي اشتغلوا على دول بقى لحد ما تخلوا الراجل مش يطلق مراته لأ يقتلها ويشرب من دمها

نونو: بس كده حرام ياشوشو باشا

شوشو: حرمت عليكي عيشتك من امتى

بيبي: لالالالا هي ما تقصدش هي حتعمل كل الي سياتك تؤمر بيه

نونو: طبعا طبعا حرام ايه ايه العبط الي انا فيه ده انا حخليه يشك فيها ويدعبس حواليها وبالجزمة يديها

بيبي: وانا بقى حروح لجارتها لي فوقيها وحقولها دى جوزك دايب فيها واروح لجوزها واقله شوف مراتك والي فيهاااااااااا لحــــــــــــد ما بالساطور وياعيني عليها

هي دي الأعمال الي ناوين ينجزوها طول السنة ولسة فاضل كتير ياترى فيه ايه خيبة الله عليهم حنشوف والي يعيش ياما يشوف

سلام يا عسل

رابط هذا التعليق
شارك

الحلقة السادسة

في الحلقة دي حنبتدي الشغل الي بجد

كوكي بتدي التقرير لشوشو عن الأعمال الجديدة

تمام ياااااااااااااااافندم كنت عند اخ واخوه كانوا بيموتو في بعض

والأخ الكبير حنين قوي على اخوه الصغير وممكن يفيده بعمره

والصغير شايف الكبير قدوة جميلة ليه حاولت كتيييييييير اغرس نفسي بينهم ما عرفتش بس النهاردة ياهووووووووووو غلبتهم

وبكل قوتي بطحتهم ده انا خليتهم يضربوا بعض ويشتموا بعض لحد ماااااااااااااا بقيت جوه قلب كل واحد فيهم انا كوكيييييييي عرفتوا انا مين

:excl:

:excl:

مش حقلك

شاطرة يا كوكي بس عايز اكتر واكتر

ديدي: شوف يا شوشو باشا انا المره دي فكرت كتير ياترى ايه الي ممكن يبسطك مني قلت ما فيش غير اني اقطع عرق واسيح دمه شوف انا عملت ايه

شوشو: ها قولي انا سامع اما اشوف

ديدي : شفت البيت الي هنااااااااااك ده شفت جماله خليته وقع بالي فيه عشان الناس ما قالوش الكلمة المدمرة و خليت اختي نينو تعمل حاجة مش ممكن تتخيل هي عملت

ايه اتكلمي يا نينو

بتكسف ياديدي قولي نت

شوشو: ما تيلا بلاش غلبة خلصوني هو احنا في حوار صحفي قولي يا نينو اتكلمي ياديدي

نينو: حاضر حاضركان في بنوته جميلة فرحها امبارح وكانت جمييييييييييلة ورقيقة قووووووووي في فستان الفرح

ولما دخل عليها ابوها بص عليها بصة وانهبر بجمالها ومش فرحته نسي يقول الكلمة المدمرة هههههههههه انا نسيته والبنت ماتت في ساعتها

انت ممتازة يا نينو

اختك الصغيرة غلبتك ياديدي

هاااا يانونو انت وبيبي عملتوا ايه حاكم انتوا خايبين خيابة ما فيش وراكو غير الستات واللت والعجن

نونو: ده كان زمان وجبر ده احنا رحنا الحته الي فيها الرجالة الوحشين الي بيصوموا ويصلوا بس على نسوان الناس بيتبول وكل واحد فيهم بيجيب سيرة مراة التاني قدامه من غير حيا ولا خشا

ديدي: ايوا ياشوشو وفضلنا وراهم وزودنا الكلام لحد ما بقى بد لت وكلام وهزار بقى ضرب ناااااااااااار

والجميل الي قاعد هناك ماله ساكت ليه

تعالي يا ام نص لسان يالي منك اتقفلت بيبان

لولو: نعم يا شوشو انا جيت اهو

شوشو: نعم الله عليكي يا ختي اخبارك ايه فرحينا

لولو: في كل يوم لي شكل ولون وما فيش حد بيسلم مني وياسلام عليا لما ببقى رايقة بغني مواويل النهاردة ياشوشو الفت اول موال وحعمل منه اسطونات والبومات والي ما يشتري يتفرج هههههههههههههه

شوشو: جميل جميل

ميمي: احم احم نحن هنا

شوشو: يامرحب يا مرحب اتحفنا يافتى

ميمي كسفتني يا زعيم حقول ايه ولا ايه اصلهم بيقولوا عني زيزو

زيزو هو ماله ده مش يتكلم عدل ليه هو ايه الي زيزو ايه كلام العيال ده

عيال ايه بس ده انا الي عملت البدع ووزعت من بلاويا المتلتلة على كل الشوارع وفي والحواري انا من الجنسين ليا اصحاب ومن العمرين ليا احباب انا ميمي

شوشو: كلكو حلوين وممتازين خلاص عفيت عنكم ومش حرفدكم بس المرة الجاية ليا شرط وعندي طلب

في ايه ياشوشو عايز ايه بس هو انت ما بتزهقش

اشوفكوا الحلقةالجاية واما نشوف اخرة طلباتك ياشوشو :excl:

رابط هذا التعليق
شارك

الحلقة السابعة

المرة الي فاتت شوشو الله يهده كان ليه شرط بعد كل ده ولسه في شروط ياترى ايه

هو ده الي محير نونو وبيبي وشلت الأنس

الشلة( نونو وبيبي والي معاهم) : ششششششششششش شوشو وصل

شوشو: شكرا شكرا

تعالي يا سوسو اقلك مهمتك النهاردة

سوسو: امرك يا شوشو باشا

شوشو: كل الي عملتيه كوم والي حتعمليه النهاردة كوم تاني خالص بصي ركزي معايا

انا عارف انك مشغولة بزباينك الي رايحين جاين صبح وليل ده عايز يعمل عمل لمش عارف مين وده عايز مش عارف ايه بس المرة دي عايز عمل ما يخرش الميه في اتنين داخلين دماغي عيلة كاملة مش قادر عليهم عايز اجبهم الأرض اصلهم مطلعين عيني

سوسو: حاضر يا سوسو ولا يهمك ما عاش الي يزعلك يا غالي

شوشو: يلا روحي وابعتيلي ديدي

سوسو: حاضر ياديدي بت ياديدي تعالي شوفي المعلم عايز ايه

ديدي: افندم يا سيد المعلمين تحت امرك خدمتك تأمرني

شوشو: شفتي البنوته الأمورة الي على طول المصحف في اديها ودايما طايعة لبابا وماما

ديدي: ايوة قصدك البنوته العسوله الي في البيت الي كنا بنعمل فيه العمل مع سوسو وكانت بتقرا قرأن على طول لحد ما سوسو تعبت وما عرفتش تكمل شغلها

شوشو: ايو هي دي عليكي نور عايزاكي تسلطي عليها واحد او وحدة من الي ما بيرحموش فاهماني لحد ما تجبيها الأرض يعني بس لازم تبقى جامده لحسن انت عارفة البت ديه ما فيش حاجة بتحوق فيها دي

ديدي: لالالالالالالا مش علي يا شوشو ده انا ديدي والأجر على الله

شوشو: ابعتيلي لولو

لولو: بخ انا هناااااااااااااا

شوشو: اهلا يا غلابوية اما انت لايمكن استغنى عنك يا قمر

تعالي تعالي

لولو: ايه يا شوشو ما تكسفنيش

شوشو: يا ختي عاملة مكسوفة ( اسمع كلامك اصدقك اشوف امروك استعجب)

انت طبعا ما تتوصيش يا بتاعت المواويل انت عايز موال مش موال لالالالالالالالا فيديوا كلب

لولو: ليييييه اشمعنى؟؟؟؟؟ اما عجايب

شوشو:لا عجايب ولا حاجة........ ما احنا لازم نشتغل على نضيف فهمتي ؟؟؟

لولو: حاضر يا شوشو فتك بعافية اروح اجهز الفديون

شوشو: متصربعة على ايه استني وبعدين اسمها الفيديو

عرفتي حتعملي ايه وحتوري الفديو لمين مش لأي حد ها خدي بالك لازم يشوفوه

لولو: حيشوفوه غصب عنهم ورجلهم فوق رقبتهم

شوشو: اما نشوف ورينا شطارتك

اصلهم غلبوني

ميمي : واما يا شوشو واناااااااااااا

شوشو: اهلا يا مدهول تعالى

ميمي: نعم نعم

شوشو: بطل الحركات القرعة بتاعتك وصحصح معايا

ميمي: انا عملت ايه يا شوشو بس

شوشو: عملك رضي بقى كل ده ومش عارف تجيب مناخي البت والولد الأرض

بقلك ايه انت لو ما عملتش كده انا حشرب من دمك ده اخر انذار ليك

ميمي: بس بس اصل هما هما

شوشو: هما ايه عيال زي دول حيرفعوا راسهم علينا

ميمي: حاضر يا شوشو

شوشو: حنجر المهمة وكله حيبقى تمام بس المهم رضاك عني

نونو / بيبي /كوكي: واحنا ياشوشو مش عايز مننا حاجة

شوشو : بعدين لما افضالكم لسه ورايا شغل كتير

ياترى لولو /ديدي/ سوسو/ ميمي حينجحوا ولااااااااااااالله اعلم

سلام الي عايز يعرف احنا راجعين

رابط هذا التعليق
شارك

الحلقة الثامنة

سوسو: يا مصيبتي يا مصيبتي اعمل ايه بس ده شوشو حيموتني

اعمل ايه بس اصل العيلة دي مامنهاش فايدة بس حقول لشوشو اييه ده مش بيرحم

اقله ايه اقله ايه

شوشو: سوسو نفدتي المهمة الي طلبتها منك

سوسو: طبعا يا معلم هو انا في حاجة تعصى عليا ابداااااااا

دانا وريتهم الويل عملت في العيلة دي الي ما يتعمل ده بقت عيلة منخوليه على الآخر ههههههههههه

شوشو: وكمان كذابة

سوسو: ماهو يا شوشو باشا انااااا

شوشو: باشا ايه وزفت ايه انت حتعمليهم عليا

احنا نعلم الناس اه نمثل عليهم اه بس تكذبي علي انا ده انا اشرب اقتلك واشرب من دمك واعبيه في قزايز

غوري من وشي

سوسو:

شوشو: انت يا زفته يا اسمك ديدي تعالي بسرعه

سوسو: حاضر ياديدي بت ياديدي تعالي شوفي المعلم عايز ايه

ديدي: افندددددم

شوشو: عملتي ايه انت كمان اياك تكوني فشلتي زي الي ماتتسمى شوشو

ديدي: : بصراحة انااااااا كل ما احاول معاها الاقيها كل مرة تطلعلي بحاجة البت دي فظييييييييعه يا شوشو

سلطت عيليها ناس شغلهم ما يخرش المية بس ما عرفوش يعلمو معاها حاجة خالص

شوشو: انتي الي عبيييييييييطة يا وكستك يا شوشو انا بشغل معايا عيال امشي غوري جتك دهيه

ديدي: وانا اعمل ايه اما عجايب اذا كان هو مش عارف يعملها حاجة

شوشو: ابعتيلي لولو يا مضروبة

لولو: يادي اليوم الي مش فايت

احم احم نعم يا باشا امرك يا سيدهم يا كايدهم

شوشو: قصري يا فالحة وهاتي المفيد

لولو: انت عايز الحق ولا ابن عمه

شوشو: الحق يا غلابوية ابن عمه ده تضحكي بيه على حد تاني

لولو: الموال عملته بس ايه طلع

لكنننننننن كل ما اقوله لحد منهم يقفله ويمشي ويقول كلمة غريبه كده يا شوشو

مع اني عملته فيدو كليب بس ولا همهم لحد مافقعوا مرارتي

شوشو: فقعوا مرارتك الهي يفرقعوا دماغك واخلص منك يا بعيدة

لولو: ما انا عملت الي عليا هوايه اصله ده ما يحكمشييييييي

ميمي: دورك يا ميمي استلقى وعدك

شوشو: هااااا عملت ايه انت كمان ولا خايب زي اصحابك

ميمي: ودي تيجي انا بس مستني الطبخة اما تستوي على نار هادية

شوشو: نار هاديه نار يا حبيبي ناااااااااار

انت فاكرني نايم على وداني ده انا شوشو

ميمي: ما هو يا شوشو العيلا دول جننوني حاولت معاهم بطرق كتيرة جداااا

دي عيال جامده قوي

شوشو: بقى هما الي عيال يا سبع البرمبة بقلك ايه امشي اطلع بره قبل ما اتاويك هنا مصيبة تاخدك

ميمي: تاخدك انت -->

شوشو : بقى ده معقول ده كلهم يرجعوا ايد ورا وايد قدام بعد كل ا

يا خسارت تربيتك يا شوشوووو

بس ولا يهمني مش حيأس لسه نونو والباقين وحدي فرصة للي ما يتسموا ماهو انا مش حسكتتتتتتتت

ولسه ياااااااااامااااااا اشوفكوا الحلقة الجاية

رابط هذا التعليق
شارك

الحلقة التاسعة

بعد الفشل الذريع الي وقعوا فيه سوسو وديدي ولولو ميمي

وبالرغم من انهم حرقوا دم شوشو وفقعوا مرارته برضه مش راضي يهمد الهي يتهد ما يقوم

قرر المدعوق شوشو انه يحود شمال ويرجع لحبايبة نونو وبيبي

وفيفي اصل ايه من فات قديمه تاه والي ما يتسمى بيقلب في دفاتره القديمة

شوشو:بس ياترى حتعمل ايه المرادي يا شوشو

ما هو انا مش حفشل تاني ابداااااااا

بس انا بهدلتهم وطينت عيشتهم

وايه يعني مادول تربية ايديا وحياة عنيا ومش حيعصوا عليا

انت يا بت يانونو وبيبي وفيفي اجمع بالخطوة السريعة منك ليها

نونو/بيبي/ فيفي:

شوشو: انتوا طبعا طبعا شفته الي جرا لديدي وشلت الأنس بتاعتها وعارفين اني ما برحمش ابدااااااااااا

التلاميذ الفشلة

نونو: اه طبعا ياشوشو واحنا تحت امرك اشر انت بس

جتك الهم يا بعيد يعني انت الي ناجح ما انت مدرس فاشل ومش بتعرف تشرح كمان

شوشو: بتقولي حاجة يا نونو

نونو: بقول امرك يا شوشو كلي ودان مطرطقة

شوشو: طيب يا ام ودان عايزك زي عواديك تمسكي ودان كل الي تقابليه رجالة وستات بنات وصبيان ما تسيبيش حد خالص ولو لقيتي قعدة فيها ذكر للرحمن لازم تبوظيها وتخلي كل الي فيها ينسى هو جه ليه اساس وكل الكلام يبقى لت وعجن ولو امكن اصل لو دي بتفتح عملي انا شوشو

تاخدي بيبي معاكي اصلي عارفك من غيرها خايبة ما تنفعيش ببصلة

نونو: ليه بس يا شوشو

حاضر دي بيبي الخير والبركة دو ل حتى لما بيندهو علينا بيقولوا نونو وبيبي مع بعض كده تقولشي توأم يا خواااااااااتي

نونو: بت يا بيبي سمعتي شوشو قال ايه

بيبي: ايوة يا ختي سمعت بس احنا بنعمل كده كل يوم ما فيش جديد يعني

شوشو: ايوة يا لمضة بس تقلي العيار بلاش غلبة انت داخلة على جماعة دماغتهم انشف من الصخر

بيبي: صخر ايه يا شوشو باشا ده الزن عل الودان امر من السحر وانت عندك هنا اتنين موهبة

شوشو: طب يا موهبة ورينا شطارتك واما اشوف

بس عارفة لو فشلتي منك ليها يا وليكو مني

نونو/بيبي: لالا مافيش فشل ابداااااااااا

توكلنا على الله

هو ايه اصله ده هو ده كلام يتقال عليه اسم ربنا داهية تاخدكو

يلا اجري انت وهي واندهي على فيفي

نونو: فيفي ردي على الباشا

فيفي: خير اللهم اجعله خير

نحم يا شوشو باشا

شوشو:بصي يا فيفي انا املي فيكي كبير اصل انت ليكي حاجات كده بتعمليها مالهاش حل يعني بكلمة منك تولعي الدينا حريقة ده كفاية الحرايق الي بتعمليها بين صحابك وانت بتهزر بس

فما بالك لما بتشتغلي بجد

فيفي: كله ببركة وجودك يا شوشو ودعواة الوالدين

شوشو: ماشي ماشي المهم يا بكاشة عايزك تشدي حيلك شوية معيا

اصلي شايف الناس متغيرة الأيام دي ومش بتسمع الكلام

وانا ما نفزتش مهمتي يبقى وجودي زي عدمه

ادلق على نفسي ميه احسن

فيفي: اهدى بس يا شوشو كله حيبقى تمام وحنفز الي انت عايزه وربنا يعني

نقرا الفاتحة بقى عشان ربنا يوفقنا

يا خراااااااااااشي انتوا حتجننونييييييييييييييييي

انا ماشية من هنا قبل ما اطق امووووووووووت

[color=blue]

سلام يا عسل الحلقة الجاية لسه جايه

رابط هذا التعليق
شارك

الحلقة العاشرة والأخيرة

معقول يا جماعة

الي بيحصل

ده مش ممكن

هما المقاريض دول بيعملوا ايه

يا خبر

يا نهار ابيييييييض

لا اسووووووووود

بص شوف نونو بتعمل ايه

ايه النجاح الساحق ده

دي قدرت تخلي قعدة الذكر والقرأن لت وعجن وكلام فاضي

بس معقولة ناس زي دول تفوت عليهم حاجة تافهة زي دي

وينسوا هم كانوا جاين ليه اصلا والعقدة كلها تبقى حاوديت فارغة ياخرررررررراشي اسمع اسمع الراجل ده بيقول ايه للي جمبه ابااااااااااااا كده حنخش في الغميييييييق

والأجر راح والتواب طار وخشينا في المنكراااااات

اه طبعا ماهي بتبتدي نونو وبيبي وما خفي كان اعظم

وقال ايه

لا يا عم ماليش دعوةةةةةةة استغفر الله العظيم مالناش دعوة بالناس

بركاااااااااااتك يا نونو انت وبيبي

احنا كنا موعودين بفيفي كمان مش كده

اهي موجودة اهيه مش شايفينها متعنطزة ازاي

ونافشة ريشها تقلش ديك رومي

يعني عملت ايه ياعني يا خي جابت الديب من ديلة ما كل الشلة فشلت ونونو وبيبي كسبوا بس دي مجرد جولة وجايز يخسروا في الي بعديها

فيفي: مش انا الي اخسر معركة خايبة زي دي ده انا فيفي والأجر على الله

طب ما تتنيلي تقولي قبل ما شوشو يجي والشلة الفاشلة توصل

الراجل ومراته وولاده حاجة مالهاش حل فضلت اشغل المخابرات بتاعتي بينهم وبين ولا دهم وجيرانهم وتعالي شوفي الي جرااااااااااااا

ولو كنت ناسي الي جرا هات الدفاتر تنقرااااااااااا

خدي بقى اسمعي واعتبري وخدي النصيحة مني يا عيلة انت وهي

طبعا تقصد نونو وبيبي وفيفي بس وهما في نص الكلام السلة الباقية توصل وتقف تسمع بس من ورا الباب اصل الجماعة دول ليهم افكار غريبة كده ما عليناااااااااا

فيفي بتتكلم كله يسمع

شششششششششششششششش

اول حاجة عملتها كانت بسيطة جدا وتافهة

خليت الأخ يرن اخته علقة معتبره لحد ما كسر عضامها وبقت من غير عضام اصلا واديها متلقحة في المستشفى

تاني حاجة الراجل طلق مراته وراماها في الشاااااااااارع وخد بالك من الشااااااااارع حط تحتها 30000 خط

تالت حاجة خليت البنية والواد الي ما فيش منهم رجا قصدي الي كنت فاكراهم كده يخشوا في المحظوووووور وشم كده وبس اصل دي شغلة ميمي ودول زباينها

انا بقى زودت على كده كتييييير ولعتهم هما الأتنين لحد ما الواد فلسع

ده انا فيفي والأجر على الله

ووسسسسسسسسسع شوشو وصل

ايه الطعامة دي ايه الجمال ده هي دي تربية اديا وحياة عنيااااااااا

تعالوا جمبي يا فيفي يا عسل خدي التاج

وانت يا نونو انت وبيبي خدوا مني الميداليه الذهبية

اما انتووووووويالا واكسني حديكو فرصة بس مش هنا ولا دلوقتي عشان خلاص انا ورايا سفريه كده مهمة سرية كده

لازم انفزها انا شخصيا

وتفضل الدايرة تدووووووو مرة غالب ومرة مغلوب مرة شوشو يغلب ويفرررررح ومرة يا خد على دماغه ويعييييييط

وياما حنشوف طول ما الخير والشر موجودين ياااااااما حنشوف

نونو وبيبي وفيفي نجحوا مع ان الي اكبر منهم فشلوا

وتفضل الدايرة تدووووووو مرة غالب ومرة مغلوب مرة شوشو يغلب ويفرررررح ومرة يا خد على دماغه ويعييييييط

وياما حنشوف طول ما الخير والشر موجودين ياااااااما حنشوف

نونو وبيبي وفيفي نجحوا مع ان الي اكبر منهم فشلوا

عارفين ليه انا مش حقول ليه طبعا كالعادة فكروا شغلوا الجمجمة ان شاء الله حتعرفوا

ودلوقتي حان وقت الوداع مع الف سلامة

رابط هذا التعليق
شارك

الشخــــصيـــــــــات

حدش عنده صندوق طماطم الشخصيات وصللللللللللللت

نونو: النميمة:

بيبي: الغيبة

فيفي: الفتنة

كوكي: الكراهية

سوسو: السحر

ميمي: المعاكسة

نينو: العين

ديدي: الحسد

لولو: اللسان ( البذيئ )

وووووووووووو الفنان المتمييييييييييييز الي ما فيش منه اتنيييييييييين

شوشوشوووووووووووووووووووو

الي كلنا عارفينه اعوذ بالله من الشيطان الرجيم :excl:

كنتم مع مغامرات نونو وبيبي

رابط هذا التعليق
شارك

اعوذ بالله من الشيطان الرجيم واعوانه واعوان اعوان اعوانه ........الخ

عرض جميل جدا يا اخت شهد ولو انه طوييييييييييييييل جدا بس حقيقى جميل ومفيد برضه ..................

وشكراااااااااا :blush:

انما الامم الاخلاق ما بقيت .............. فان همو ذهبت اخلاقهم ذهبوا

...................................................................!

وعلمتنى الحياه اضحك لأحبابى

واضحك كمان للعدو علشان يشوف نابى

واخده كمان بالحضن لو خبط على بابى

فيحس انى قوى وميشفش يوم ضعفى.......

قناتى ع اليوتيوب ....

صفحتى ع الفيس بوك .....

رابط هذا التعليق
شارك

ولو اني قريت القصه دي اكتر من مره في كذا مكان تاني غير المحاورات

بس بجد عاجباني جداااااااااااااااااااااااااااا

عاجبني فيها اسلوبك البسيط يا شهد

وان شاء الله ..

ان شاء الله

قريب جد في مفاجأه ليكي عن الموضوع ده يا شهد

بس دي لما .....

سلااااااموووووووز

باغيب .. لكن بارجع واحس بوحشه للشارع وللحاره
رابط هذا التعليق
شارك

ولو اني قريت القصه دي اكتر من مره في كذا مكان تاني غير المحاورات

بس بجد عاجباني جداااااااااااااااااااااااااااا

عاجبني فيها اسلوبك البسيط يا شهد

وان شاء الله ..

ان شاء الله

قريب جد في مفاجأه ليكي عن الموضوع ده يا شهد

بس دي لما .....

سلااااااموووووووز

ميرسي ياسوووووو يازوووووق يا اخويا ياغالي منور والله

خليك حلو كده وقولي ايه المفاجأة

:P

:D

:D

عارفاك مش حتقووووول :D

عموما تشكرات يا باشا :D

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...