فيها إيه ؟

[أبو محمد]

فيها إيه !!
لو تبص على الوشوش
تلقى مرسـوم ابتسـامـة
و أمـا تخـرج بـره بيتك
ترجعـه بمليون سـلامة
و الشوارع تبقى هادية
و القلوب مبسوطة راضية
و الولاد شيك زى رشـدى
و البنات فاتن حمامة
فيها إيه ؟
(دعاء عبدالوهاب)

[التونسى]

فيها إيه !!!!؟

فيها إيه !!!!؟

فيها قلب لابد يصفا

ويتنزع منُه السواد

فيها عدل يسِل سيفُه

يدق بيه روس الفساد

فيها دم جديد وطاهر

يجرى ف عروق البلاد

فيها روح لازم تعود

تحـيي أحــلام الولاد

لما يحصل ده يا صاحبى

راح تبص على الوشوش

تلقى مرسـوم ابتسـامـة
و أمـا تخـرج بـره بيتك
ترجعـه بمليون سـلامة
و الشوارع تبقى هادية
و القلوب مبسوطة راضية
و الولاد شيك زى رشـدى
و البنات فاتن حمامة

تم تعديل 22 ديسمبر 2014 بواسطة التونسى

[شيدوان]

فيها اننا نفتكر اننا فى الزمن الجميل

نفوت على البيوت نشوف ورقة كارتون مكتوب عليها شقه للايجار

نفتح الجرنال نلاقى وظايف خاليه مش مطلوب فيها كمبيوتر ولا لغات

نروح السوق بتلاته اربعه جنيه نرجع بكيلو لحمه وخضار وفاكهه للعيال

يروح الواد المدرسه كل يوم ويذاكر دروسه وينجح آخرالسنه من غير دروس خصوصيه وربكه للميزانيه

لما حد تخبطه عربيه فى الشارع او يجيله اى مرض مفاجئ ويجروا بيه على المستشفى يبقى المهم اسعافه بسرعة مش اللى ممعهوش ميلزموش

نفتح الراديو نسمع عبد الحليم وفريد وعبد الوهاب وام كلثوم

نلم الاولاد كل شهر ونروح نتفسح فى القناطر او الفيوم او نلبس احسن ماعندنا وعلى السينما نقضى سهره مع فيلم جديد لفاتن الحمامه ورشدى اباظه

ويوم الخميس من اول كل شهر نجتمع احنا والاصدقاء فى سهره صباحى نسمع ام كلثوم واحنا فى نشوه وسعاده وكل متحلص كوبليه نقولها كمان والنبى ياست

فيها ان احنا حنصحى فجأه من النوم ونقول بيأس وحسره .. عايزنا نرجع زى زمان قول للزمان ارجع يازمان

كنت اود ان اكتبها شعرا او فى شكل قصير جميل لتتناسب مع باقى الكتابة فى الموضوع لكن معلهش خيرها فى غيرها

تم تعديل 22 ديسمبر 2014 بواسطة شيدوان

[أبو محمد]

منك لله يا تونسى .. بترجعنا ليه يا أخى لأيامكم اللى يعلم بيها ربنا

البنية "دعاء" كانت بتحلم .. لازم يعنى تنكد عليها وعلينا ؟

حتى فى أيام فاتن ورشدى كان فيه نكد وهم وغم

بس كانت ناس بتعرف تفصل

وبتعرف تشوف الجمال وسط أكوام النكد

مش حيبقى فيها رشدى .. مش حتبقى فيها فاتن

كان مجـرد حـلم عندى .. لمـا مريت بالأمـاكن

اللى كنت فـيـها رشدى .. وكل بنت فيـهـا فاتن

كنـا بـرضه مهمـوميـن .. كنا زيـرو مأشفـرين

بس كل خميس وجمعة .. ننسى قهر المهزومين

نـفـتـكر بـس الأمـاكـن .. اللى بنبقى فيها رشدى

والـلى كـل بنت فيـهـا .. كـات بتبـقى زى فـاتـن

........................................................

........................................................

لـيـه يـابـنتى تـفكـرينى .. لـيـه ياشـيخة تحسرينى

فيها إيه ؟ وبتسألينى ؟ .. والسـؤال محتاج جواب ؟

فيهـا فرق كبير وبـاين .. يـا دعـاء عبد الـوهاب

[أبو محمد]

يانعيش سوا
يانموت سوا
بايديا حدّيكي الدوا
تدّيني بعنيكي الدفا
انا قلبي حَبّك واما حبك
داب ف قلبك واكتفى
انتي الحقيقة المطلقة
وانتي البساطة بفلسفة
بتوضّى من روحك أمل
وباصلّي ف عنيكي وكَفَى .
(عمرو حسن)

[أبو محمد]

مش حيبقى فيها رشدى .. مش حتبقى فيها فاتن

:sad:

ايقونة تختفي .. شمعه تنطفئ
وردة جميلة تقطفها يد القدر من بستان الحياة
لكي يبقي لنا فقط عطرها وسحرها الذى تركته فى أعمالها
:sad:
وداعا فاتن حمامة .

[أبو محمد]

المحترم يفرض احترامه على الجميع

الله يرحم الاحترام

https://www.youtube.com/watch?v=Dlsj-gpzPfM

https://www.youtube.com/watch?v=euZnkJDuTvE&feature=youtu.be