اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

Recommended Posts

لى سؤال محير

عندى بنتى عندها 6 سنوات وأسأل هل اقوم بعملية الختان لها ام لا ؟

كثر الكلام عن ختان الاناث ومشاكله حتى الان لم استطع ان اكون رأى محدد عن هذا الموضوع هل هو صح ام خطأ.

انا فى حيرة من امرى افيدونى وجزاكم الله خيرا

رابط المشاركه
شارك
  • الردود 114
  • Created
  • اخر رد

Top Posters In This Topic

Top Posters In This Topic

Popular Posts

بعد وفاة طفلة اسيوط ... شيخ الازهر الختان عادة وليس له اصل في الشرع سبحان الله كان فيه د  نوال السعداوي استهين بها واتشتمت كتير لانها أثارت مسألة الختان وحكت عن مأساة ختانها وكانت سببا في تجريم ه

اعجب العجب انهم يحرموا نتف شعرتين في حواجبها....ويفرضوا ويحللوا قطع حتة لحمه من جسمها!!!! 🙂 

الختان قد يؤدى إلى الموت نتيجة حدوث نزيف حاد يتسبب فى صدمة مخية وعصبية نتيجة الألم والجرح كمان بيودى انتشار التهابات خطيرة وتسمم فى الدم. وهو ضار بصفة عامة.   ختان البنات ده عمل جنوني مبيحصلش غير

الزميل الفاضل ..

أعتذر كون المحاورات ليست الجهة المنوط بها إبداء الاستشارات الطبية فى هكذا موضوع نظرا لحساسيته وشدة تخصصه .. وأنصح بالرجوع إلى احد المواقع أو المنتديات الطبية المتخصصة درءا وتوفيرا لإحراج لا داعى له نظرا لحساسية الموضوع كما اسلفت .. وأقترح عليك زيارة الموقع التالى والذى يحتوى على منتدى طبى إضافة إلى مقالات ودراسات أخرى فى مختلف مناحى الطب بالضغط هنا

تحياتى

رابط المشاركه
شارك

إضافة إلى كلام عصام فإن حتى الموضوع من الناحية الدينية في مصرنا الحبيبة لم يتم حسمه .. والعمليه عبارة عن هيصه وإرتجال والناس يا ولداه ما بقيتش عارفه راسها من رجليها ..

رابط المشاركه
شارك

الاستاذ / عصام شوقى

شكرا على ردك السريع والموقع الذى شكرته كافى جدا

وان وجدت ان الموضوع غير مرغوب فيه فلك مطلق الحرية فى الغائه حيث انى حصلت من الموقع الذى ذكرته على ما اريد .

حتى الموضوع من الناحية الدينية في مصرنا الحبيبة لم يتم حسمه .. والعمليه عبارة عن هيصه وإرتجال والناس يا ولداه ما بقيتش عارفه راسها من رجليها ..

نعم يا استاذ/ se_ Elsyed هذا ما كنت اعانى منه لذلك طرحت السؤال .

لأنهم دائما فى الاعلام يتحدثون عن ضرر هذا الموضوع ولكن فى الواقع مازال يمارس حتى ان احد اقربائى قامت بعملية الختان لبنتها قريبا لذلك طرأ الى ذهنى تساؤلى .

وشكرا

رابط المشاركه
شارك

الغريب بقى يا عم فنجري إن العادة دي مش موجودة إلا عندنا في مصر وبعض القبائل الأفريقية ... ولما جينا هنا أختلطنا بعرب ومسلمين من دول آخرى وخصوصاً دول الخليج وجدنا بإن الموضوع ده مش موجود عندهم إطلاقاً ...بل إنهم بيتتريقوا علينا لما بتيجي سيرته ...

رابط المشاركه
شارك

و الله الموضوع له شقين .

و نظرا لاني واخد انذار فانا اخشى ان انال الثاني و يطلع الكارت الاحمر و افتقدكم جميعا لذلك :-

هكتفي باني أقول !!!!

أن لو كان عندي بنت هسيبها على الفترة اللي اتخلقت عليها بدون محاولة للتلاعب بها فسيولوجيا

و لكن هحسن تربيتها .

خلص الكلام على راي الاخ شريف عبد الوهاب

رابط المشاركه
شارك
  • 3 years later...

السلام عليكم و رحمه الله و بركاته:

انا كنت بتكلم مع جماعه اصدقائي اوروبيين اعتنقوا الاسلام جديد, ما شاء الله الاسلام لسه بخير و هيفضل بخير ليوم الدين, لكن فزعتني ارائهم حول موضوع ختان الاناث!

الموضوع اصلا غير قابل للمناقشه عندهم, بالنسبه لهم هوا حرام حرام حرام و ضد حقوق الانسان و ضد حقوق المراه و اللي يعمل كدا يروح السجن و قالوا ان مصر دوله متخلفه لانها فيها ختان, قلتلهم دا متجرم بالقانون قالولي و لو بس لسه معظم المصريين بيمارسوا العاده دي.

بصراحه انا نفسي مش عارف ايه حكم ختان الاناث, يا ريت حد عنده معلومات يفيدنا و يوضح لنا الصورة و يجيب الدليل من القران و السنه و يا ريت الاحاديث تكون بتخريجها و مدي صحتها و يستحسن يكون موقع بالانجليزي.

و جزاكم الله خيرا.

رابط المشاركه
شارك

يا أخي العزيز

أنت جبت مسألة مختلف فيها من زماااااااان

ووبما أنهم جدد وشايفين انه حرام ولا يقبل للنقاش عندهم

فاتركهم على قولهم إنه حرام لعدم تنفيرهم في الدين

ويركزوا على الاولويات والعقيدة ومسائل الحلال والحرام الواضحة

وتقبل الله منا ومنهم

رابط المشاركه
شارك

ختان الاناث عادة فرعونيه افريقية وليست اسلاميه بالمرة

رسولنا الكريم علية الصلاة والسلام لم يوجبه ولم يحرمه

الشيخ على جمعة مفتى مصر أفتى بحرمته للضرر الناتج على الانثى ومايترتب علية من الم وتشوة وأثار جانبية وأذى نفسي على الانثى من الممكن ان يؤدى الى نزيف حاد او التهاب يؤدى الى موتها

وأنا شخصيا اتسأل لكل من يؤيد الختان ماهو الفائدة المرجوة منه

هل هو عقائدى يعنى واجب اوسنة طبعا لا والحديث الذى يتمسك بيه اخوانا المؤيدين مردود عليه كثيرا

هل هو اضافة بدنية او نفسية او اجتماعيه للانثى لا بالعكس

هل يؤثر على سلوك الانثى الجنسى اذا اخذنا برأى بعض الاطباء المتخصصين الذين يقولون بأن مركز الجنس هو المخ وان منطقة الختان تثار بناء على اثارة المخ والرغبة تبعا فابالتالى يكون عمل الختان ليس له اى فائدة تذكر

واذا اخذنا بالرأى الذى يقول ان منطقة الختان هى التى تثير المرأءة وبناء علية عمله يحد من رغبتها

وانى لاستغرب من الاخذين بهذا الرأى الاخير من اعطى لك الحق بأن تحرم الانثى من اهم حق من حقوقها هذا حق منحها الله اياه نمنعه احنا عنها

ثالثا

سلوك الانثى الجنسى مرهون اولا بتربيتها ومدى التزامها بدينها ثانيا الذى يتحكم فى هذا الموضوع هو العقل بمعنى ان البنت المنحرفه ولا هيمها ختان ولا غيرة

رابط المشاركه
شارك

عندنا في السعودية (لم نسمع بختان الاناث) و عني (شخصيا) لم اسمع بذلك الا في تسعينيات القرن الماضي

ولا اعرف الحكم الشرعي لذلك

رابط المشاركه
شارك

انا شايف ابو عمر داخل اهو

الحق اقول كلمتين و اخلع

انا شايف ان الموضوع ذو صبغه اجتماعيه عاداتيه اكثر منه صبغه دينيه

و لذا فإن كل ما ورد من احاديث حول هذا الموضوع إن صحت فهي تعبر فقط عن العادات الإجتماعيه الممارسه في ذلك الوقت ليس أكثر

و بالتالي اتباع هذا الأمر إن وجد فهو اتباع لعادات كانت تتم في الماضي و رفضها الجانب الأعظم من الأطباء و خبراء علم النفس الحاليين

لذلك ارى ان عنوان الموضوع من الأفضل ان يتحول الى ختان الإناث في الجزيره العربيه وقت ظهور الإسلام و ليس ختان الإناث في الإسلام

واللي عايز يختن بنته عشان يحميها من الوقوع في الخطأ يبقى مش واخد باله ان التربيه السليمه هي الحل الوحيد و أن كثير من العاهرات قد يكونن مختونات

شكرا

رابط المشاركه
شارك

ذكرنى الموضوع بحلقه تلفزيونيه شاهدتها على القناة المصريه تناقش الختان

ولقاءات مع عدد من السيدات فى الأرياف كنت يتحدثن عن الموضوع وكأنه شيئ

يجب على كل إمرأة أن تقوم به .

السؤال الذى ما زال عالق بذهنى منذ شاهدت الحلقه هو سؤال المذيعه لفتاة

حديثة عهد بالزواج تعرضت لعمليه الختان : (تفتكرى حياتك كانت ممكن تكون احسن

لو مكنتيش اتعرضت لعملية الختان ؟)

إجابة البنت كانت ( معرفش ..هما قالولى اللى مبتعملش كده بتبقى انسانه مش طبيعيه

فى حياتها الزوجيه !)

بالتالى ضحكت كثيرا من بساطة الإجابة وسذاجتها !! طبعا نقص التعليم كفيل بحشو رؤوس

هؤلاء بالمنطق الذى يراه البعض وبقناعات وتقاليد خاطئة جعلت من فتاة كهذه تشعر بالفخر الشديد

ان أهلها أكرموها بهكذا عملية جعلت من حياتها الزوجيه على اتم ما يرام .. وكانت ستكون جحيما

بدونها !! والمسكينه صدقت !! لسبب بسيط هى لا تعرف اصلا كيف ستكون حياتها بدونها!!

المهم .. أجدها مسألة مرفوضه تماما لأقصى درجة .

عشت فى السعوديه فترة طويله ولم اسمع بإنتشار عاده كهذه هنا رغم الحرص فى الجزيره العربيه

على اتباع السنن ، مما يعنى انها متوارثه بشكل اجتماعى بحت فى المقام الأول وتجدها دوما

متمركزه فى الأرياف المصريه .

الشرف والعفه شيئ نتشأ الفتاة عليه ولا يستوجب ابدا السعى لحرمانها من حقها الإنسانى

فى مشاعرها كاملة تماما دون اى نقص فى ظل علاقه انسانيه شريفه محترمة عندما تتزوج.

تحياتى .

لولا

تم تعديل بواسطة لولا
رابط المشاركه
شارك

السلام عليكم

الموضوع ببساطة شديدة جدا اوردت فيه كل الاراء سواء الموافقة او المخالفة

فى مداخلة الاستاذ مسافر نقلا عن الشيخ القرضاوى

و طبعا تقدر تأخد بده او بعكسه

انما انا عايز اقول انى اتناقشت مع استاذ دكتور فى طب الازهر

و قالى بالحرف الواحد

المسألة بتتوقف على كل حالة بمفردها

يعنى فيه حاله تحتاج ختان وحالة متحتاجش ختان

انتهى كلامه

طبعا انا نقلت الراى للامانة مش اكتر

انما انا عن نفسى شايف ان الموضوع ده ميلزمناش من اساسه

و الا كنا هنلاقى ساداتنا من الصحابة والتابعين كلهم عملوه فى بناتهم

و لما يبقى قدامى اختيار انى اعمله او معملوش فطبعا اختار انى معملوش

و افكر كم بالمثل الصعيدى

الحرة يزرعوها وسط فدان رجاله وميتخفش عليها

رابط المشاركه
شارك

السلام عليكم و رحمه الله و بركاته:

"موضوعك سيثير ضجه و مداخلاته ستتخطى المائة مداخله

وناس حتتخانق و ناس حتشتم و خلينا نشوف"

الحمد لله, ربنا سترها علينا و الناس لسه متخانقتش و لا حاجه. يا ريت لما الخناقه تبدأ تقولولي :roseop:

"ليه سؤال خارج الموضوع بعد اذنك يا استاذ هشام

هوه ايه سبب أسلام الناس دول"

سؤال جميل جدا احكي قصته من البدايه للنهايه:

ليا واحد صاحبي اتجوز واحده فرنسيه اسلمت جديد من كام سنه كدا هيا و اعز صديقاتها, المهم هما الاتنين جم مصر علشان صاحبي يتجوزها و صاحبتها تحضر الفرح و انا كنت موجود. اتكلمت معاهم و خدت ايميلات اصحابهم المسلمين جداد برضه ( من عرقيات مختلفه فمنهم الاشقر و الاسود و اللاتيني يجمعهم كلهم التحول للاسلام حديثا) و بتكلم معاهم لحد دلوقتي تقريبا يوميا علي النت.

لكن بجد يا جماعه لازم ندق ناقوس الخطر لان اخواننا المسلمين في الغرب تقريبا في حاله ضياع فكري.

واحده من البنات المسلمين جداد بتلبس طرحه علي راسها, بس بتلبس تي شيرتات كت!!!

واحد مسلم بيشرب خمرة و بيقول الخمرة تبقي حرام لو سكرت بس!!!

اما عن الاختلاط بين الرجل و المراه بل و حتي الخلوة فدا شئ عادي جدا خاصه لو الاتنين مقبلين علي الزواج طالما مفيش زنا. و علي فكرة الزنا بالنسبه لهم هو التقاء الفرج بالفرج فقط و اي حاجه غير كدا يبقي حلال عندهم كالتقبيل و اللمس و خلافه. بالنسبه لهم العاده السريه امر مستحب كي لا تقع في الخطيئه!!

اما عن وجوب طاعه الزوجه لزوجها طالما لم يامرها بامر حرام, فقالوا دا كلام غريب و بيفكرنا بالعصور الوسطي! و الواحده ممكن تخرج بدون اذن زوجها و ممكن تقابل اصدقائها الذكور لو زوجها مش موجود لان الاعمال بالنيات, دا حسب كلامهم.

انا طبعا اتجننت لما سمعت الكلام دا كله و صرت اصول و اجول و اقول لا دا حرام و هما يجادلوا لكنهم اقتنعوا حتي الان بتحريم الخمر حتي و لو قطرة و البنت بقت تلبس ملابس طويله دلوقتي, بس للاسف شفافه جدا لان الجو حر حسب كلامها. المهم حققنا خطوة لادام.

بصراحه الناس دي بتصعب عليا اوي لانهم مش لاقيين شيوخ تشرحلهم او مش لاقيين وقت. احنا فعلا في نعمه و مش حاسيين بيها, كفايه انك في اوضتك هتفتح التليفزيون هتشوف قناه الناس او الرحمه او الخليجيه او او او او....... لكن هما هيشوفوا ايه؟؟؟ اضعف الايمان لو الانسان في الدول الاسلاميه معندوش ايمان خالص هيتكسف يعمل حاجه ادام الناس من باب الكسوف مش من باب التقوي حتي.

انا حاسس اني ممكن اخدم ديني لاني بتكلم لغات اجنبيه بس معلوماتي الدينيه مش قويه لدرجه اني ادخل في مناقشات. الناس دول كلهم اسلموا لسبب واحد هوا ان الدين الوحيد اللي شافوه او سمعوا عنه بينادي بالتوحيد و العباده لاله واحد كامل هو الاسلام. اللي انا ملاحظه انهم بيحبوا الله جدا و بيصلوا و بيصوموا, لكنهم مش متقبلين تشريعات كتير في الاسلام.

يا ريت لو حد يعرف موقع بالانجليزي بيشرح الاسلام بشكل مبسط و محبب لقلوب غير المسلمين يجيبه و جزاه الله خيرا.

اخوكم

هشام الكندي ان شاء الله

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • ختان الاناث

      5889 - عن ابى هريرة ( خمس من الفطرة - الختان و الاستحداد و نتف الابط و تقليم الاظافر و قص الشارب ) صحيح البخارى - باب اللباس 812 - قال رسول الله صلى الله عليه وسلم ( إذا جلس بين شعبها الاربع و مس الختان الختان فقد وجب الغسل ) صحيح مسلم - باب الحيض فقد اجمع العلماء على ان يتم عرض البنت عند بلوغيها 10 سنوات على طبيبه مختصة و هى التى تحدد ما ان كانت الفتاه تحتاج الى هذه العمليه ام لا .... و حسبى الله ونعم الوكيــــــــــــــــــــــــــــــــــــــــل...

      في موضوعات جادة

    • الـمـجهـود البــدني والـحـمـاية من أمراض شرايين قلب الاناث

      الـمـجهـود البــدني والـحـمـاية من أمراض شرايين القلب لدى الإناث مازالت أمراض شرايين القلب تمثل السبب الرئيسي للوفيات، فلا غرابة أن تبلورت الوسائل الوقائية للحد من خطورة هذه الأمراض ، وبما أن الخمول وعدم ممارسة الرياضة من مسببات هذه الأمراض ، صارت الرياضة المنتظمة إحدى هذه الوسائل إذ أثبتت دراسات عديدة فعالية المجهود البدني للحد من الإصابة بأمراض شرايين القلب ، إلا أن معظم هذه الدراسات عنيت بالذكور دون الإناث ، وحتى تلك الدراسات التي أجريت في الإناث لم تحدد مدى قسوة المجهود البدني الذي من شأ

      في الرياضة


×
×
  • اضف...