لو عايز تنزل وزنك ..اتفضل وصفات أعشاب

[شاعرالرومانسية]

بصى يا ست ريهام ...

اللى انا اعرفة عن شاى التخسيس .. انه مجموعة من الاعشاب تتكون غالبا من

اوراق شاي+ مستخلص البارميريا + مستخلص الشمر+ مستخلص الجوازوم0+ مستخلص الكركم

ومن فوائد الشاى دة انه بيعمل على ادرار البول وبالتالى خروج المياة الزائدة من الجسم وكذلك بعض انواع الاعشاب دى بيدى احساس بالشبع

اما رويال تى على وجه التحديد فدى محتواياته :

20% عشب سيكوريام إنتيبس

30% اوراق كاسيا إنجستوفوليا

50% ثمار فونيكليم فيلجارس

30% اوراق كاسيا إنجستوفوليا

cassia angustifolia

دى أوراق السنه أسمها كده و دى مسؤله عن التأثير الملين للشاى لأنها بتعمل اسهال

ثمار فونيكليم فيلجارس

foneiculum vulgaris

دى الشمر أو ال fennel

وده برضه له تأثير ملين

بالأضافه أنه طارد للغازات و يعطى احساس ضئيل بالشبع لأحتوائه على زيوت طياره وبتساعد على تنظيم عمليه الهضم

عشب سيكوريام إنتيبس

وغالبنا دة :

Cichorium Intybus herb

و يميزه أنه بيخفض نسبه السكر فى الدم و برضه يعتبر كبديل للسكر العادى كما أنه يساعد على الهضم و مقوى يعنى مصدر ممتاز للطاقه دا غير أنه مدر للبول

وهو غنى بفيتامين أ و الحديد و الكالسيوم و يحتوى على حوالى 290 كالورى و نسبه كويسه من البروتينات و كذلك نسبه كبيره كربوهيدرات و الألياف

و كمان يحتوى على فيتامين سى و ماده النياسين أو فيتامين ب 3

ودى بقى مربط الفرس لأنها بتساعد على حرق الدهون و البروتينات و النشويات الخ الخ و برضه بتزبط نسبه الكوليسترول

وفية كمان... الشاى اخضر

بالنسبه للشاي الاخضر هو مقاوم للسر طان ولكن هذه المعلومه لم تثبت بعد علميا ولكنه مفيد بدون ادني شك

حبه كدا مقدار معلقه ويتشربى بعديه كوبايه ميه

بعد فترة مش طويله حيبدأ الواحد يحس انه مش بيجوع

وعلى فكرة...

من الاعشاب المماثله في المفعول كدا عشب اسمه البردقوش

واى خدمة ياحاجة :D

[مصريه بالكويت]

بسم الله الرحمن الرحيم

بصراحه انا اول مره اشارك ف منتدى بس المنتدى ده شدني جدا

وبالنسبه لموضوع الرجيم شاغل تفكيرى ليل ونهار انا 159سم ووزنى 70 احب افيد ان الروب هو الزبادى عندنا فى مصر وبالنسبه للسنامكى انا رحت اجيبه من العطار قالى انه بيسبب اسهال بقول للافاده مع انه ف الطب النبوى

شكرا لكم ع الموضوعات الجميله دى اتمنى اكون صديقه معاكوا

[شاعرالرومانسية]

اهلا بيكى يا مصرية ...

ازيك وازى الكويت واهل الكويت

نورتى المنتدى بوجة عام ...

ونورتى موضوع الاعشاب بوجة خاص

وان شاء الله تكونى مبسوطة بين اخوانك هنا

وتابعينا انشاء الله يكون فية كل جديد

معلش لتأخرى فى الرد .. بس اكيد انتى عارفة الظروف

شكرا لمشاعرك ومشاركتك

تقبلى منى خالص شكرى ... وفائق احترامى

[مصريه بالكويت]

الأخ شاعر الرومانسيه حمد لله على سلامتك

وربنا يجعلها اخر الأحزان

بصراحه انا جربت بعض الاعشاب منها اكليل الجبل غيرها بس المشكله انها بتكون غير محلاه بالسكر بيبقا طعمها مر

دا طبعا غير مشكلة عدم الاستمرار دى

اخر ما زهقت جبت حبوب شيتوكال ومن يومها وانا نازله ف الاكل فرم بحجة انى معايا الحبوب السحرية ومع ذلك مش بخس ارجو التشجيع او حد يقولى على نظام امشى عليه بس وانا حافيه طبعا علشان متعبش من المشى :closedeyes:

[بنت شعنونة]

شفت ناس كتير بتشاهد الموضوع دا

ف حبيت بس المح لحاجا

انه اخر دراسات اتعملت بتقول انه قشر الرومان استعماله المتكرر عامل زي موانع الحمل واستعماله اكتر من كذا شهر ممكن يؤدي للعقم عند النساء..

بذرة الكتان تؤدي الى خلل بالهرمونات الأنثوية واضطراب في الدورة او انقطاعها فترة تعاطيه :wub:

[جوهرة نادرة]

سلام عليكم ورحمة الله وبركاته 

بصراحة أنا اشتريت شاي الرويال اليوم لسى ماجربتو بس حبدا اليوم فيه تجربتو وان شاء حقلكم شو صار معي 

ولي جربو يفيدني هل هو منيحة ولا لا

بصراحة لي عندو حمية أو طريقة لفقدان وزن مضمونة يفيدني فيها لاني انا بعمل رجيم من دماغي وساعات كثير بفشل  

قريت مقال وموضوع رجيم شديني كثير هي فترة ولهيك اشتركت مشان افدكم بتجربتي واستفاد منكم واحس بشوي من دعم