ما هو بديل للضرب كوسيلة لتقويم سلوك الطفل ؟

[جويرية]

السلام عليكم ورحمة الله و بركاته

فى اراء بتعتبر ان استخدام الضرب كعقوبة خطا على الاطلاق

طيب ايه الوسيلة الصحيحة للعقوبة

يعني مثلا الام حتحرم الطفل من اكلة بيحبها او من الخروج

طيب ما هى مش حتقدر تمنعه على طول ، ما لازم بعد كدة حتاكله و حتخرجه

و الطفل حيبقي عارف ان الموضوع بس صبر ساعة وبعد كدة كياكل حياكل و حيخرج حيخرج

و كمان حيحس الطفل ان الاكل ده مكافاة و كدة ممكن يحب الاكل كتير و يبقي بدين

اما العقاب اللفظى فاظن انه اسوء من العقاب البدنى

في عقوبة زي ان تكلفه الطفل باى عمل في البيت

طيب كدة حيترسخ فى ذهن الطفل ان مساعدة الام ده نوع من العقوبة مش نوعمن البر

عقاب زي التذنيب ده فبرضو فيه نوع من الاهانة

طيب يا تري ايه العقوبات المناسبة البديلة للضرب ؟

بس ناخد بالنا من اختلاف شخصيات الاطفال

يعني مثلا مش حد يقول ابنى عمرى ما ضربته و طول عمره مؤدب ، طيب ممكن يكون بطبيعته هادى ومش عنده ميول للمخافة و عمل ا اخطاء

انا عايزة حد يتكلم كدة عن طفل شقى متعفرت و يوقلنا ده ازاى ممكن تاديبه بدون ضرب

جزاكم الله خيرا

تم تعديل 10 سبتمبر 2014 بواسطة جويرية

[suma]

بسم الله الرحمن الرحيم

موضوع محير فعلا وليست له اجابة واضحة ولا يوجد هناك كتالوج لمعاملة الأطفال ,الكل في حيرة من أمره من يلجأ لمحاولة التجربة عن طريق المحاولة والخطأ والآخر يعتمد على كتاب في تربية النشء وثالث يلجأ لكل هذا ولا تجدي معه.

أقول لك تجربتي ..انا الحمد الله وهبني الله عدد من البنين والبنات كانوا قرة عيني واكون كاذبة لو قلت أنهم نسيج واحد من الطفولة كل له طبعه وله الطريقة التي اتعامل بها معهم -طبعا كان عوني الاكبر الأب في التربية-وكان هناك وله صعب المراس عييت معه وكنت اشكوا لأمي هاتفيا ولا أنسى قولها لي:يا بنتي دي الهداية من عند الله وقالت المثل ده..مالك متربي قال من عند ربي.

ده عن اولادي خلاص كبروا وتزوجوا أما عن أحفادي (بارك الله فيهم) كل واحد شقاوته شكل مختلف منها ما يغيظ ويفقع المرارة ومنها ما يجعلك تبسم او تضحك من قلبك .

اولاد ابنتي الطبيبة ثلاث سارة اربع سنوات وتوأم ثلاث سنوات وكي تعلموا مدي شقاوتهم أنني عندما يأتون إلي لازم وحتما ألم كل ما حولي في الحجرة في اكياس أو سبت كبير وخاصة الكتب والأوراق وأغطي السكانر والطباعة حتى لا تمتد اليهم الآيادي و...و...وكل منهم له لون -قلت أحكي لهم حكايات كما كنت افعل مع أمهم وفرحوا كانت هناك حكاية _الماعز الثلاث_كان ولادي يحبونها اول لما قلت :قالت المعزة الكبيرة وعينك ما تشوف الا النور ام لسانين الست سارة :إيييييييييييه يا تيته هو في معزه بتتكلم ؟ بلعت لساني وغيرت الموضوع,الله يرحم شرشروقطتي نميرة.

الضرب لا يجدي على الإطلاق لكنه يكون ضروره لو كان الطفل تجاوز لما يضر مثل مفاتيح الغاز أوالكهرباء ولكن ضربا ليس القصد منه الإيلام بل التنبيه...هناك لي لي التوأم لا يمكن يمشي معاها الضرب بمجرد أن أقلول لها انا زعلانه تبكي وتعتذر واخيها التوأم باجح بجاحة السنين .

خلاصة القول يا سيدي هم محتاجين الى الحب والإحتضان ولا تمل من التنبيه مئات المرات ولتعلم ان الفترة التي يقضوها مع الدادة أو المربية لا تعود عليهم إلا بالسلب وعلينا ان نعوضها لهم بقدر الإمكان .

معلهش أنا طولت ولم أصل لحاجة وده حال الكثيرين بكره يكبروا وكل ينشغل بما يحبه ونتوق لسويعة يقضوها معنا فتكون ذكريات طفولتهم هي الذاد لنا وبعدها سيتزوجون ويزدادوقتها الحاجة الى نفس الزاد.

اترككم على كل خير وعافية

سومه

تم تعديل 10 سبتمبر 2014 بواسطة suma

[tarek hassan]

الأخت العزيزة : جويرية

حمدا لله على السلامة

الكل يشكو من شقاوة الأطفال ....

بصراحة ولد واحد أو بنت واحدة تربيته صعبة جدا الآن .....

تعمل إيه لما تلاقي البنت بتمسك الموبايل بتاعك وبترميه لك في الشارع

أو بترزعك قلم على وشك وأنت بتلاعبها

أو تعيط علشان تضغط عليك إنك تاخدها معاك في كل غدوة أو روحة

أو تفضل سهرانة تكلمك وتطير النوم من عينك لما تحاول تنام قبلها

كل ذلك وأكثر ومع ذلك

فإني أقول إن الأطفال مظلومون

الطفل أو الطفلة عنده طاقة

لازم يلعب

والأهالي خايفين عليهم وحابسينهم وهما عايزين يعيشوا طفولتهم

إحنا لما كنا أطفال كنا بنلعب طوال النهار في الشارع في أمان

ولازم نعاملهم على إنهم أطفال صغار

دخلت على أم هنا لقيتها نازلة ضرب في البنت

بحجة إنها بطيئة الفهم وسريعة النسيان لما تحفظ وهي لم تكن جاوزت الخمس سنوات

البنت غير مطالبة بأي تعليم إلا ما كان عن قبول أو بطريقة شيقة يراعي فيها من يعلم أن المتعلم مخه صغير لسه

واستعابه قليل جدا

عموما أعتقد إن الخلاصة

إننا بأي طريقة نحاول نوجد مساحة وطريقة للطفل يخرج بها طاقته بدل ما يخرج طاقته فينا

وإننا نسيبه يعيش طفولته ونحببه في التعليم مش نكرهه فيه في بداية حياته

لا نضربه حتى لا يتعود على الضرب ويتأقلم عليه وخاصة في البنات

تحياتي

تم تعديل 10 سبتمبر 2014 بواسطة tarek hassan

[جويرية]

اهلا بيكى يا اخت سومة

موضوع محير فعلا وليست له اجابة واضحة

معلهش أنا طولت ولم أصل لحاجة وده حال الكثيرين

ما هما اللي بيرفضوا الضرب بيحطوا الناس في الحيرة دي

طيب الضرب ممنوع ايه الحل لا اجابة

اتمنى الرد خاصة ان لقيت موضوع عن الراجل اللي كان بيضرب الايتام ده و ناس كتير علقت على الموضوع

اتمنى يكون في ردود هنا عن العقوبة البديلة ايه

ناخد بالنا كمان ان شريحة الفقراء اصلا مش عدهم حاجة الام ممكن تحرمهم منها

يعننى لا فى حلويات ولا فلوس و لا فسح عشا ن تحرمهم م الحاجات دي

[جويرية]

الأخت العزيزة : جويرية

حمدا لله على السلامة

الكل يشكو من شقاوة الأطفال ....

بصراحة ولد واحد أو بنت واحدة تربيته صعبة جدا الآن .....

تعمل إيه لما تلاقي البنت بتمسك الموبايل بتاعك وبترميه لك في الشارع

أو بترزعك قلم على وشك وأنت بتلاعبها

أو تعيط علشان تضغط عليك إنك تاخدها معاك في كل غدوة أو روحة

أو تفضل سهرانة تكلمك وتطير النوم من عينك لما تحاول تنام قبلها

كل ذلك وأكثر ومع ذلك

فإني أقول إن الأطفال مظلومون

الطفل أو الطفلة عنده طاقة

لازم يلعب

والأهالي خايفين عليهم وحابسينهم وهما عايزين يعيشوا طفولتهم

إحنا لما كنا أطفال كنا بنلعب طوال النهار في الشارع في أمان

ولازم نعاملهم على إنهم أطفال صغار

دخلت على أم هنا لقيتها نازلة ضرب في البنت

بحجة إنها بطيئة الفهم وسريعة النسيان لما تحفظ وهي لم تكن جاوزت الخمس سنوات

البنت غير مطالبة بأي تعليم إلا ما كان عن قبول أو بطريقة شيقة يراعي فيها من يعلم أن المتعلم مخه صغير لسه

واستعابه قليل جدا

عموما أعتقد إن الخلاصة

إننا بأي طريقة نحاول نوجد مساحة وطريقة للطفل يخرج بها طاقته بدل ما يخرج طاقته فينا

وإننا نسيبه يعيش طفولته ونحببه في التعليم مش نكرهه فيه في بداية حياته

لا نضربه حتى لا يتعود على الضرب ويتأقلم عليه وخاصة في البنات

تحياتي

الله يسلمك استاذ طارق

حضرتك تفضلت و ذكرت اسباب عدوانية الاطفال و منها الحرمان من اللعب و نظام التعليم

طيب لو الطفل اخطأ الفعل ما هى افضل طريقة لعقابه ظ

[tarek hassan]

اتمنى يكون في ردود هنا عن العقوبة البديلة ايه

هو لازم عقوبة ....

ممكن نفهم العيل إن ما فعله كان خطأ ونتعهدة بالتربية والتهذيب ...

لحد ما يفهم مع الوقت .....

وطبعا لازم نحدد الطفل المقصود سنة كام

علشان نعرف إذا كان مدركا لأفعاله أم لا

نعم الضرب وسيلة من وسائل التربية ولكنه الوسيلة الأخيرة وبرحمة وحب

الأم والأب في البيت والمعلمة في المدرسة لابد وأن يكون عندهما خبرة بما يحقق الفائدة للطفل وما يأتي بثماره له وما ينفع معه

ليس هناك قاعدة واحدة لكل الأطفال

لازم أعرف أنا عايز إيه للطفل ويكون عندي الحكمة التي تمكنني من أحقق له ما ينفعه من تربية وتهذيب وتعليم

تم تعديل 10 سبتمبر 2014 بواسطة tarek hassan

[Alshiekh]

طيب لو الطفل اخطأ الفعل ما هى افضل طريقة لعقابه

خطأ الطفل كما الكبار هو أمر وارد

نوعية الخطأ وسن الطفل ومدي وعيه وإدراكه لما قام به من خطأ أو أخطاء هي التي ستحدد إن كان الطفل يحتاج عقوبة أم لا.

أخطاء الأطفال الصغار هي حالات منفصلة، كل حالة تحتاج لطريقة في التعامل معها قد تختلف عن التي تستخدم مع الطفل الآخر خصوصا في السنين الأولى من عمر الطفل حيث أن الطفل في هذه السن يحتاج ترويض وتعليم وتهذيب سلوكايته أو تنشيطها إن كان الطفل خاملا.

العقوبة التي تقصدينها "الإيذاء البدني" أو "الإيذاء المعنوي" لا أنصح باستخدامهم إلا كحل أخير بعد استنفاذ كل الوسائل الممكنة.

أهم الوسائل في تقويم وتهذيب سلوك الطفل هي الحوار التعليمي والإقناعي، وأن يكون المربي ( أبوين) أو أيا من كان ثابتا ومتسقا مع الثوابت التي نريد من الطفل ان يتبعها، بمعنى ألا يتغاضى الأبوين عن خطأ ما قام الطفل بارتكابه وتم تنبيهه اليه سابقا لأن الوالد متعب أو مرهق أو زهق.

ماتعملش دي ، يعني دي ماتتعملش، ولا يجب أن يمل الابوين من اصرار الطفل على ارتكاب الخطأ، بل يجب أن نستمر في تكرار التنبيه والنصح بعدم تكرار الخطأ، وكما يقولون التكرار يعلم الشطار.

يجب أن نلاحظ أن الطفل يتصرف كباحث في المعمل، يمارس مع والديه كل الوسائل الممكنة للهروب من تعليماتهم أو للحصول على مايريده حتى يصل لمفتاح ضعفهم.

كما قلت سابقا أن أهم وسيلة في منع الطفل من ارتكاب الخطأ او الوقوع فيه هو مناقشته واقناعه، وتكرار ذلك كلما حدث الخطأ،

بعد ذلك تأتي وسيلة التهديد بالحرمان من ميزة أو من شيئ يحبه، يعقبها الحرمان من الاشياء المحببة للطفل،

هناك العزل في ركن من الحجرة يتطور للعزل في غرفة منفصلة.

الحرمان من الفسح، الحرمان من زيارات العائلة أو مجالسة الزائرين خصوصا لو كان يحبهم، المنع من مشاهدة التليفزيون أو أفلام الكارتون او الافلام العادية التي تناسب سنه، الحرمان من الملابس والاحذية الجديدة.

أشياء كثيرة يمكن للأبوين أو القائمين على شؤون الطفل ابتكارها تبتعد عن الإيذاء البدني والمعنوي وأقصد بالمعنوي اهانة الطفل باعضائه اسماء كريهة او صفات مرفوضة.

[عبير يونس]

و ليه العقاب لطفل لا زال لا يدرك الصح من الغلط؟!

العقاب للراشد العاقل المدرك لما يفعل

دللوهم لسبع

و أدبوهم لسبع

وصاحبوهم لسبع

ثم اتركوا لهم الحبل على الغارب

اعتقد الكلام لسيدنا علي كرم الله وجهه

التأديب ليس معناها البحث عن وسيلة عقاب

بل هو ان نعرفهم السلوكيات الجيدة و الجميلة و نحببهم فيها و نرشدهم للخير

و لابد من التفريق جيدا بين العقوبة للتأديب و عقوبة الانتقام للنفس

فالاولى لابد ان يتبين منها الطفل " فوق سبع سنوات" انه لن يحصل على شيء يحبه لانه اساء الادب

اما الثانية و اللي للاسف كتير من الاباء و الامهات بيطلعوا زهقهم و ضيقهم على الولاد بتعلم الطفل ان ده حق مشروع للاب و الام!!

و تصبح سلسلة كلٌ يستضعف الاضعف منه و يسقط عليه غضبه و ضيقه!!

احب في الاخر اطمئنك و كل اب و ام

لا داعي للقلق من ممارسات خاطئة سابقة في التربية

ابدأ من الان من هذه اللحظة في تغيير سلوكك مع الابناء

وعليك الانتباه انك ترعى انسان لا يفرقه عنك سوى سنوات

و انظر اليهم بعين الرحمة قبل عين العقوبة

فالله تعالى سمى نفسه الغفور الرحيم قبل شديد العقاب

اللهم بارك لكل في ابنائه و انبتهم نباتا صالحا امين

[جويرية]

العقوبة التي تقصدينها "الإيذاء البدني" أو "الإيذاء المعنوي" لا أنصح باستخدامهم إلا كحل أخير بعد استنفاذ كل الوسائل الممكنة.

يعني حضرتك تقر باستخدام الضرب ولكن هو الخيار الاخير

[جويرية]

بعد ذلك تأتي وسيلة التهديد بالحرمان من ميزة أو من شيئ يحبه، يعقبها الحرمان من الاشياء المحببة للطفل،

هناك العزل في ركن من الحجرة يتطور للعزل في غرفة منفصلة.

الحرمان من الفسح، الحرمان من زيارات العائلة أو مجالسة الزائرين خصوصا لو كان يحبهم، المنع من مشاهدة التليفزيون أو أفلام الكارتون او الافلام العادية التي تناسب سنه، الحرمان من الملابس والاحذية الجديدة.

بالنسبة للعزل الطفل اليست كعقاب اشد من الضرب ، و فيها اهانة و اذلال

و بعدين الضرب مدته 5 دقايق بس ، لكن دى عقوبة مدتها اطول

طيب بالنسبة للفقراء اللي مش عندهم حاجة يحرموا الطفل منها

و بعدين اليس الالم النفسي للحرمان اشد من الالم البدنى

[جويرية]

و ليه العقاب لطفل لا زال لا يدرك الصح من الغلط؟!

العقاب للراشد العاقل المدرك لما يفعل

دللوهم لسبع

و أدبوهم لسبع

وصاحبوهم لسبع

ثم اتركوا لهم الحبل على الغارب

اعتقد الكلام لسيدنا علي كرم الله وجهه

التأديب ليس معناها البحث عن وسيلة عقاب

بل هو ان نعرفهم السلوكيات الجيدة و الجميلة و نحببهم فيها و نرشدهم للخير

و لابد من التفريق جيدا بين العقوبة للتأديب و عقوبة الانتقام للنفس

فالاولى لابد ان يتبين منها الطفل " فوق سبع سنوات" انه لن يحصل على شيء يحبه لانه اساء الادب

اما الثانية و اللي للاسف كتير من الاباء و الامهات بيطلعوا زهقهم و ضيقهم على الولاد بتعلم الطفل ان ده حق مشروع للاب و الام!!

و تصبح سلسلة كلٌ يستضعف الاضعف منه و يسقط عليه غضبه و ضيقه!!

احب في الاخر اطمئنك و كل اب و ام

لا داعي للقلق من ممارسات خاطئة سابقة في التربية

ابدأ من الان من هذه اللحظة في تغيير سلوكك مع الابناء

وعليك الانتباه انك ترعى انسان لا يفرقه عنك سوى سنوات

و انظر اليهم بعين الرحمة قبل عين العقوبة

فالله تعالى سمى نفسه الغفور الرحيم قبل شديد العقاب

اللهم بارك لكل في ابنائه و انبتهم نباتا صالحا امين

اللي لا يدرك الصح من الغلط اكيد ليس له عقوبة

ده لما الطفل يعمل الخطا لمرة الاولى

لكن اظن الطفل من سن مبكرة بيفهم الغلط من الصح

يعني لو عمل حاجة و الام كشرت اكيد بيفهم ان التصرف ده غلط

الرحمة مطلوبة في مكانها و العقوبة مطلوبه في مكانها ايضا

يعني ايه الحل مع طفل مصر على عمل خطا ، رغم تكرار التنبيه عليه

و بعدين عارف ان التصرف ده بيغضب ماما و مع ذلك غير مبالى

مش لازم يبقي في عقوبة عشان يتعود الطفل على الطاعة و انه لا يتحدى ابويه و يخرج عن طوعهما

[جويرية]

المدارس هى اللي نشرت ضرب الاطفال

زمان كان الطفل بيشتغل مع ابوه من صغره

طول ماالطفل مشغول بحاجة مش بيغلط

لكن فراغ الطفل بيخليه كثير الحركة مزعج عدوانى

تانى سبب كثرة المذاكرة و الواجبات

طبعا الطفل بيتهرب من كل الهم ده ، فتضطر الام تضرب

ثالثا عشان اصدقاء المدرسة من بيئات مختلفة عن الطفل

فالطفل بيكتسب سلوكيات مختلفة عن اللي اتعلمه في البيت

فالطفل بيقلد صاحبه و شايف انه مش بيعمل حاجة غلط

[جويرية]

فكرة المدارس الامريكة في مصر و ان الطفل مش يروح بالكتب دي فكرة جيدة و ياريت تتعمم

يعني اما يكون الطفل نص اليوم في درووس ازاى يرجع نص اليوم التاني مذاكرة

و يدخل الطفل البيت يلاقي وراه هم تاني فطبيعي انه يتهرب

و هنا بتزهق الام عشان ده بقي خلاص هم يومى فبتضطر تضرب

حتى المدارس الامريكية اليوم الدراسى طويل تقريبا لغاية الساعة 4 او 6

طيب ده كتير على الطفل

المفترض ان الطفل يشتغل بنص طاقة الكبير

يعني الموظف عدد ساعات عمله الرسمية 8 ساعات

يبقي مفروض الطفل عدد ساعات عمله في اليوم 4 ساعات

ال 4 دول فيهم اي نشاط ذهنى و باقي اليوم يلعب

لكن طبعا الام بتجبر ابنها على شئ ثقيل على نفسه

وده طبعا السبب الرئيسي لضرب الاطفال