اذهب إلى المحتوى
محاورات المصريين

برنامج بيعقد


Soly

Recommended Posts

من منا لم يرى هذا البرنامج ومن منا لم ينبهر بما فيه من فشخره كذابة

البرنامج يعرض على قناة الاسرة والطفل و ntv

الفتيات والشباب عندما يرى هذا البرنامج وما فيه من فستان بالشى الفلانى والشقة التى مفروشة بالكامل بفرش بيعقد ، الفندق الخمس نجوم ، والفرقة و المطربين اللامعين ، والشباب والشبات باحسن لبس وخصوصا الشبات الكاسيات العاريات علشان يمكن تطلعلها بعريس ولا حاجة

بالله عليكم محدودى الدخل يعملوا ايه البنت عايز عريس يجيب ذى فرح كليب ويعمل فرح كليب ،ورغم ان الكثير من هذه النقود المدفوعة يمكن ان يشترى بيها شئ نافع للبيت الجديد او يقوم بشهر عسل كويس

والادهى من كده ان البنات بتنتظر العريس اللى ذى فرح كليب ، اذا كان الناس غايزة تفرح ماشى ! والناس عايزة  تعمل فرح انا ماقلتش حاجة ! لكن الرحمة شوية بقى  ، مش لازم نعقد اللى حولينا ، واذا بوليتم فاستتروا

رابط هذا التعليق
شارك

بصراحة أنا معاكى بكل قلبى  .. اللى بيحصل ده نوع من السفلهة قولى بلاهة  أنا مش عارفة أنماط الإستهلاك دى جت منين.

بس أحب أطمنك أنا أولادى  رافضين بالكامل هذا الأسلوب  و كل البنات اللى أنا قابلتهم بيفكروا كويس و عاوزين حاجة معقولة زى بتاعت زمان

و هذا هو دور الإعلام الذى يبيع لنا و يفرض علينا أسلوب إستفزازى  لممارسة حياتنا

Mrs. Nashwah Salah[br]

رابط هذا التعليق
شارك

[english] Salam Alykum

Most of such programs are indirect advertising for the places/services displayed in the program

and I do not think an ordinary roof in El Helmeia or Imbaba will be able to pay any thing :)

Do not you think so ?

Salam All

ولو أنا إذا متنا تركنا .... لكان الموت غاية كل حي

و لكنا إذا متنا بعثنا .... ونسأل بعدها عن كل شى

رابط هذا التعليق
شارك

البرنامج فكرة واعداد وتقديم نجوي إبراهيم والمادة المعدة للبرنامج بمستوي طفله بالأبتدائي واحكموا بنفسكم وبالطبع لا تتناسب بخبرة اعلامية ومذيعة بحجم نجوي ابراهيم وبالطبع البرنامج غير موجه للأطفال

ثاني هام البرنامج لا يحمل اي صفة اعلانية عن جهة ما وهو علي ما اعتقد انه ليس مدفوع الأجر ولكن يتناول افراح اولاد الأليت ( الذوات) وطبعا لا  يعرض إلا الأفراح عشر نجوم بدأ من تجهيزات العروس لما بعد الفرح

وكنت اتمني من المذيعة ان تتواصل مع جميع المصريين وتنقل لنا هذا النمط الفولكلوري من افراح الشعب والتي تنتهي احيانا بالكرسي في الكلوب ومن فوق السطوح واللي بياخدوا صور علي كوبري اكتوبر وحتي يدرك عموم الناس ان هناك ناس فوق وناس تحت تحت خالص .ولن نظن الظن السوء بأن البرنامج يساعد المعدة بالتقارب من الطبقة النافذة بالمجتمع و جاور السعيد تسعد و........ أكملوا أنتوا باقي المثل   :biggrin:

رابط هذا التعليق
شارك

اشكركم جميعا لاهتمامكم بالرد على هذا الموضوع ، فقد كنت اظن اننى المستاءة الوحيدة لهذا البرنامج الغير هادف ،وياريت المخرج او المعد لهذا البرنامج ان ياخذ باقترحاتكم ويبدوا ينفذوها

بدل ماتبقى دعاية وشكل من الانمانط الاستهلاكية فقط

رابط هذا التعليق
شارك

[b:post_uid0]صباح الفل ... انا شفت البرنامج ده ولم انبهر به ... وربنا انعم على بالتوبة والحمد لله اقلعت عن الفرجة عليه في الوقت المناسب وقبل فوات الاوان ... ربنا ستر برضه ... الواحد مش ناقص عكننة وتفوير دم ... هو الواحد لو جاله سكر ولا ضغط حد ح ينفعه ... لا الست نجوى ولا العرايس والعرسان بتوعها ... انما البرنامج ده مش بس بيفرس المشاهدين الغلابة ويطلع لهم لسانه لكن بيرسخ مفاهيم وعادات غريبة جدا ... يوم من ايام الفرجة الغابرة شفت حلقة فيها العروسة والسؤال الموجه لها اذا كانت بتدخل المطبخ مش حتى بتطبخ لاسمح الله ... انتفضت العروسة كأنما لدغتها حية واستنكرت السؤال وشجبت ونددت وقالت انها عمرها مادخلت المطبخ ولا بتفكر تدخله ... تصوروا ... كأن دخول المطبخ مساوي لدخول كبارية مثلا او ماخور واخلاقها لاتسمح بمثل هذه التجاوزات ... والادهي ان البيه العريس سألوه عن نفس الموضوع وقال انه مبسوط جدا بيها وعارف انها مش بتعرف تطبخ  وأن الطبيخ مش كل حاجة في الجواز هاهاهاها. والمهم عنده انها ظريفة ودلوعة ... ياصلاة النبي ... ونرجع بعد كده نسأل الشباب والشابات احوالهم اتغيرت ليه ؟؟؟ من غير مانتعب نفسنا كفاية برنامج واحد من برامج قنوات النيل كفيل بإفساد مفاهيم جيل بحاله ... ونظرة على ماترتديه المذيعات الشابات والشايبات علشان نتوكل على الله ونرمي الشباب في جهنم ونرتاح منهم ومن مشاكلهم اللى مش بتخلص ... هم ح ينهبوا ... مش كفاية عليهم بيتفرجوا على قصور عمرهم مايحلموا يعدوا جنبها والتليفزيون مشكور بينقلهالهم لغاية عندهم على نظام توصيل الطلبات للمنازل ... بلاش طمع بقى وخليكم قنوعين ... دي القناعة حتي كويسة وموصوفة بس النفس اللى تقنع هاهاهاهاها[/b:post_uid0]

رابط هذا التعليق
شارك

استاذة عبلة وحشتينا خالص ووحشنا دمك الخفيف انت كنت فين ، واسفة على تاخرى فى الرد اصلى فى اوائل الشهر التاسع وانتظر بنوتة حلوة ان شاء الله

انا الحمد لله لم ارى الحلقة بتاعة العروسة التى لم تدخل المطبخ لكن بجد جوزها عاجبة الحال والله ارزاق ورزق الهبل على المجانين

ان شاء الله اول ماتتولد بنتى حغمى عنيها عن برامج النيل سات كلها بلا مسخرة وقلة ادب احسن بنتى تتمرد عليه وتبدا تقولى ..يااى يااى مطبخ انا ادخل المطبخ

.......وعجبى .......

القيامة قربت تقوم يا جماعة

رابط هذا التعليق
شارك

[english] for my self

i see that the girls are affected by this program i have alittle sister she disn'sleep in thursday before she see

this program i think the majority of the girls dream of that kind of  'arees' the one who could make expensive celebration and could got her the famous singer

so that they could be proud in front of their friends

A.S.F

رابط هذا التعليق
شارك

  • بعد 1 شهر...

انا عضو جديد مش قوى ويرجع الفضل للاخ اكرم فى توجية النصح الى بخصوص التعليق على اى موضوع فلة الشكر منى

بخصوص هذا البرنامج فهو  نموذج للسفة والاستفزاز والبلاهة الموجهة  عن عمد

وطبعا مش اى حد ممكن يصوروة فرح كليب لازم المعارف والمحاسيب وربنا يتوب علينا

وعاوز اعرف الناس دى بتجيب الفلوس دى كلها منين فرغم انى اعمل بالخليج منذ زمن فانى احس انى شحات بالنسبة لهذا السفة

فشكرا للسيدة نجوى ابراهيم وللوزير الهمام صفوت الشريف على المساهمة فى رفع ضغط دمى فنحن جيل الثورة منذ ولدنا قيل لنا شدوا الحزام ومن يومها وهو مشدود وسافرنا للغربة لفك الحزام ولكنة مازال مربوطا وبقوة فماذا نفعل

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...