اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

كيف نحل المعادله التاليه ...ضابط محترم و له هيبه...و مواطن محترم لا يهان؟


Recommended Posts

المشكله انك لما بتعلي من شأن المواطن و تحقر من شأن الشرطه يحصل تسيب و فراغ امني يودي البلد في ستين داهيه

و لو رفعت شأن الشرطه و مجدتها يقوم يحصل فراغ انساني ينتج عنه مواطن مهان و بيتلزق على قفاه

ازاي نوصل للمعادله السليمه في رأيكم؟

رابط المشاركه
شارك

كلمة السر يا مايسترو هى


التربية والتعليم


لازم تربى وتعلم فرد الشرطة على إنه يحترم المواطن اللى هو منه


ولازم تربى وتعلم المواطن إن فرد الشرطة ده منه وبيحميه



المعادلة عاوزة عدة أجيال عشان تتحقق


رابط المشاركه
شارك

محتاجه وقت بس مش مستحيلة يعني انا شايف ان دول الخليج رغم انها حالة لا يمكن مقارنتها بمصر لكن انا شوفت ف الكويت والامارات والسعودية وقطر تعامل رجل الامن مع المواطن او المقيم الى درجه كبيرة محترم

وطبعا ف الغرب بدرجه ممتازة ، نروح نسألهم مش عيب

رابط المشاركه
شارك

كان نفسى يا مايسترو أحط لك صورتى وانا صغير فى الابتدائى


وانا معلق على دراعى اليمين شارة "الشرطة المدرسية"


ومع ذلك كنا تلاميذ بنحب بعض وبنلعب مع بعض


للأسف الصورة راحت أيام غزو صدام للكويت



خطوة أولى .. سيبك من جيل إعادة هيكلة الشرطة بطريقة انسف حمامك القديم


وجيل الظباط بتوع احنا اسياد البلد


خطوة تانية .. ركز على الجيل اللى داخل أولى ابتدائى


رابط المشاركه
شارك

كان نفسى يا مايسترو أحط لك صورتى وانا صغير فى الابتدائى

وانا معلق على دراعى اليمين شارة "الشرطة المدرسية"

ومع ذلك كنا تلاميذ بنحب بعض وبنلعب مع بعض

للأسف الصورة راحت أيام غزو صدام للكويت

خطوة أولى .. سيبك من جيل إعادة هيكلة الشرطة بطريقة انسف حمامك القديم

وجيل الظباط بتوع احنا اسياد البلد

خطوة تانية .. ركز على الجيل اللى داخل أولى ابتدائى

يعني تقصد يابو محمد ان مفيش اي أمل لمدة 20 سنه مثلا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رابط المشاركه
شارك

طيب عايزين خطوات عمليه 1 ..2

اول خطوه هو انك تقنع القياده السياسيه ان فيه خلل فى المعادله اللى بتعبر عن علاقة الشرطه بالشعب .. وتفهم القياده دى ان المعادله دى محتاجه تتظبط .. القياده السياسيه هنا ممثله فى السيسى طبعا ولا احد غيره .. هو اللى فى ايديه جزء كبير من حل الاشكاليه دى بحكم منصبه وشعبيته وشخصيته .. واول شئ لازم يبعد الشرطه تماما عن السياسه عشان ميغلطش غلطه سابقيه .. ويمنع دخول اكاديمية الشرطه عبر الواسطه والرشوه.. لازم الدافع للالتحاق بالشرطه يكون دافع وطنى بحت ((وليس بحثا عن سبوبه او نفوذ او جاه أو فشخره))

رابط المشاركه
شارك

يعني تقصد يابو محمد ان مفيش اي أمل لمدة 20 سنه مثلا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قارن بين فترة هدم أى مبنى .. وفترة بناء مبنى بنفس المواصفات الأصلية

قارن بين فترة هدم أخلاق هذا الشعب والفترة اللازمة لإعادة بنائها

إنت رجعتنى لموضوع قديم كان بيتكلم عن الطبقة الوسطى

وانا كنت باقول ان الطبقة الوسطى دى هى "عقل الأمة"

الذى يبدع أدبا وفنا وثقافة

ووضعت فى الموضوع ده مقال لمأمون فندى له عنوان قاسى وصادم

استغربت أن يختاره مثقف مثل مأمون فندى لأحد مقالاته

يتكلم فيه عن "عقل الأمة" أو الطبقة الوسطى عندما تنزع منها الأخلاق

عارف مسمى الطبقة الوسطى منزوعة الأخلاق إيه ؟

الطبقة الوسخة

أقرا المقال يا مايسترو وانت تعرف حجم المصيبة اللى احنا فيها

رابط المشاركه
شارك

أولا .. اللي بيتكلم عن الشرطة والأمن في الدول العربية .. يقولي هو في هناك شرطة أصلا ... ؟؟
يعني مثلا كده .. هل حصل إن في حاجة اتسرقت منه والشرطة هناك قدرت ترجعها له ؟؟

ده أولا ..
أن حصل لي عدة مواقف مع رجال الشرطة قبل نكبة زفت يتاير .. والله ما شفت فيها منهم غير كل احترام .. طالما انت كنت محترم ومش مخالف القانون .. وشفت برضه مواقف تانية لناس تانيين فيها تعامل قاسي من رجال الشرطة لكن بصراحة الموقف ممكن يبرر ده ..
تعالوا كده نحكي عن مواقف عملية ..
المكان .. طريق اسكندرية الزراعي اتجاه اسكندرية .. مطلع كوبري الطريق الدائري ( عند ميت نما ) .. اتجاه الشرق ( السلام ومصر الجديدة ) ..
الزمان .. عام 2002 .. الساعة .. حوالي 7.30 صباحا
الموقف .. مطلع الدائري في المنطقة دي ضيق جدا لأن جنبه شريط السكة الحديد علطول والمطلع بالظبط ياخد عربيتين بالكاد .. سواقين الميكروباص .. واخدين حارة كاملة من الحارتين وعاملينها موقف خاص ليهم .. بالعافية كده .. ومتسببين في زحمة هايلة في المطلع والطريق كله .. هوب مرة واحدة .. لقيت سواق الميكروباص جاي يجري على العربية .. وببص لقيت عربية مرور وقفت ونزل منها تقريبا عقيد أو عميد مرور .. العميد وقف ادام السواق قبل ما يوصل للعربية .. وهوب قام مديله قلم محترم على وشه .. وقام مصرخ فيه .. هات رخصك .. وقام مطلع اللاسلكي واتصل بواحد .. فين خدمة ميت نما .. ابعت لي خدمة ميت نما حالا .. وطبعا السواق قام مسلم الرخص وقام طالع جري بالعربية .. ووراه كل السواقين التانيين ..
طب دلوقتي لو انت في الموقف ده ومتعطل في الطريق بسبب الزحمة الناتجة عن فوضى السواق ده ووقوفه في الممنوع .. مش كنت هتسقف للظابط ده واللي عمله ساعتها ..

المكان .. في غرفة أحد الأصدقاء .. الزمان تقريبا عام 1999 ..
في أحد زياراتي لهذا الصديق وجدت صديق ثالث ( كان وقتها يعمل أمين شرطة ) .. قاعد وماسك في ايده سيف مشرشر .. بقوله .. انت جبت البتاع ده منين .. فوجئت بيه بيقولي مسكناه في خناقة ( قلت له .. ايه خناقة .. ده لو لمس رقبة واحد هيطيرها ) .. قعد يضحك ..
هل لو انت داخل خناقة فيها سيوف بالشكل ده .. هتتعامل ازاي مع السادة المتخانقين .. هتقف تدعوهم بهدوء كده لفض الخناقة ولا هتنزل ضرب فيهم ؟؟

المكان .. طريق اسكندرية الزراعي اتجاه القاهرة ..
الزمان .. ديسمبر عام 2007 الساعة حوالي 7 صباحا ..
الموقف .. كنت لسه متجوز حديثا وطالع الصبح بالعربية ( كانت 128 ومكنتش بتاعتي كانت بتاعت اختي ) .. عشان رايح السفارة السعودية عشان نخلص اجراءات سفر المدام .. وفجاة عجلة من عجلات العربية الخلفية فرقعت .. ووقفنا في جنب الطريق .. مكنش معايا كوريك ساعتها عشان ارفع بيه العربية واركب الاستبن .. طبعا في وسط الحيرة لقيت عربية الدورية الراكبة واقفة وفيها ظابط بيتكلم في الموبايل وجنبه السواق .. قمت رايح ناحيتهم وخبطت على ازاز العربية .. الظابط فتح الازاز .. قلت له لو سمحت يافندم ( مفيش بس مع حضرتك كوريك عشان اغير الاستبن ) طبعا أنا كان أقصى توقعي انه يديلي الكوريك عشان اغير الاستبن .. فوجئت بيه .. قام بص للسواق .. وقال له .. ( انزل غير له الاستبن ) .. وقام نازل الظابط من العربية واقف في البرد .. لأن الكوريك كان محطوط تحت الكرسي اللي كان قاعد عليه .. وقام السواق رافع الكرسي وجاب الكوريك من تحته ( حتى كانت أول مرة اشوف فيها الكوريك الباكم الصغير وبقيت مستغرب هيرفع بيه العربية ازاي ده ) .. وفضل الظابط بره العربية واقف يتكلم في الموبايل في البرد لحد ما السواق غير لي الاستبن ..

دي مواقف بسيطة من مواقف تانية كتير .. حصلت مع رجال الشرطة ...
اللي احنا لازم نفهمه .. ان رجال الشرطة دول مش من شعب تاني .. هما نفس الشعب .. وهما انعكاس لينا ولكل تصرفاتنا .. احنا لو لقينا أي تهاون من السلطة الحاكمة .. فورا بنتجاوز وبندوس على القانون ولا بيهمنا أي حاجة .. وأي حد في مصر شاف السنتين اللي فاتوا يقدر يتأكد من ده بنفسه ..
عشان تحل مشكلة الشعب والشرطة .. لازم الأول تغير طبيعة الشعب .. وتجيب شعب جديد يتعلم الانضباط واحترام القانون من نفسه بدون وجود قوة قاهرة تخليه يبقى منضبط ..

رابط المشاركه
شارك

http://www1.youm7.com/News.asp?NewsID=1772936#.U8PUOkC8Ozt

عطفا على الموضوع السابق ...

يعني كمان مطلوب من الداخلية انها تأمن أبراج الكهربا .. ده غير تأمين محطات الكهربا .. فاضل بعد كده تأمين سلوك الكهربا ..

هل هذه الجماعة .. لها دين ؟؟

جماعة المخربين .. هل لهم دين ؟؟ أي دين يدينون به ؟؟

وسط الصيام والحر .. ويتم تفجير أبراج الكهرباء .. هو مين اللي هيلحق به أذى مباشر من الموضوع ده .. الحكومة .. لأ .. المواطن مش الحكومة ..

للأسف السلطة أعمت عقول هؤلاء وجعلتهم ينطلقون كالمجانين في كل اتجاه مخربين ..

هل هذا يثبت خطأ حسابات من قاموا باستخدام الإخوان لتحقيق مرادهم الخفي منذ يوم 28 يناير وحتى يوم 30 يونيو .. وظنوا أن منح السلطة للإخوان ثم سلبها منهم ثانية سيكون أمرا هينا ويسيرا وسيمر مرور الكرام ..

للأسف .. حسابات فاشلة ستؤدي لنتائج أكثر فشلا ..

رابط المشاركه
شارك

أولا .. اللي بيتكلم عن الشرطة والأمن في الدول العربية .. يقولي هو في هناك شرطة أصلا ... ؟؟

يعني مثلا كده .. هل حصل إن في حاجة اتسرقت منه والشرطة هناك قدرت ترجعها له ؟؟

ده أولا ..

أن حصل لي عدة مواقف مع رجال الشرطة قبل نكبة زفت يتاير .. والله ما شفت فيها منهم غير كل احترام .. طالما انت كنت محترم ومش مخالف القانون .. وشفت برضه مواقف تانية لناس تانيين فيها تعامل قاسي من رجال الشرطة لكن بصراحة الموقف ممكن يبرر ده ..

تعالوا كده نحكي عن مواقف عملية ..

المكان .. طريق اسكندرية الزراعي اتجاه اسكندرية .. مطلع كوبري الطريق الدائري ( عند ميت نما ) .. اتجاه الشرق ( السلام ومصر الجديدة ) ..

الزمان .. عام 2002 .. الساعة .. حوالي 7.30 صباحا

الموقف .. مطلع الدائري في المنطقة دي ضيق جدا لأن جنبه شريط السكة الحديد علطول والمطلع بالظبط ياخد عربيتين بالكاد .. سواقين الميكروباص .. واخدين حارة كاملة من الحارتين وعاملينها موقف خاص ليهم .. بالعافية كده .. ومتسببين في زحمة هايلة في المطلع والطريق كله .. هوب مرة واحدة .. لقيت سواق الميكروباص جاي يجري على العربية .. وببص لقيت عربية مرور وقفت ونزل منها تقريبا عقيد أو عميد مرور .. العميد وقف ادام السواق قبل ما يوصل للعربية .. وهوب قام مديله قلم محترم على وشه .. وقام مصرخ فيه .. هات رخصك .. وقام مطلع اللاسلكي واتصل بواحد .. فين خدمة ميت نما .. ابعت لي خدمة ميت نما حالا .. وطبعا السواق قام مسلم الرخص وقام طالع جري بالعربية .. ووراه كل السواقين التانيين ..

طب دلوقتي لو انت في الموقف ده ومتعطل في الطريق بسبب الزحمة الناتجة عن فوضى السواق ده ووقوفه في الممنوع .. مش كنت هتسقف للظابط ده واللي عمله ساعتها ..

المكان .. في غرفة أحد الأصدقاء .. الزمان تقريبا عام 1999 ..

في أحد زياراتي لهذا الصديق وجدت صديق ثالث ( كان وقتها يعمل أمين شرطة ) .. قاعد وماسك في ايده سيف مشرشر .. بقوله .. انت جبت البتاع ده منين .. فوجئت بيه بيقولي مسكناه في خناقة ( قلت له .. ايه خناقة .. ده لو لمس رقبة واحد هيطيرها ) .. قعد يضحك ..

هل لو انت داخل خناقة فيها سيوف بالشكل ده .. هتتعامل ازاي مع السادة المتخانقين .. هتقف تدعوهم بهدوء كده لفض الخناقة ولا هتنزل ضرب فيهم ؟؟

المكان .. طريق اسكندرية الزراعي اتجاه القاهرة ..

الزمان .. ديسمبر عام 2007 الساعة حوالي 7 صباحا ..

الموقف .. كنت لسه متجوز حديثا وطالع الصبح بالعربية ( كانت 128 ومكنتش بتاعتي كانت بتاعت اختي ) .. عشان رايح السفارة السعودية عشان نخلص اجراءات سفر المدام .. وفجاة عجلة من عجلات العربية الخلفية فرقعت .. ووقفنا في جنب الطريق .. مكنش معايا كوريك ساعتها عشان ارفع بيه العربية واركب الاستبن .. طبعا في وسط الحيرة لقيت عربية الدورية الراكبة واقفة وفيها ظابط بيتكلم في الموبايل وجنبه السواق .. قمت رايح ناحيتهم وخبطت على ازاز العربية .. الظابط فتح الازاز .. قلت له لو سمحت يافندم ( مفيش بس مع حضرتك كوريك عشان اغير الاستبن ) طبعا أنا كان أقصى توقعي انه يديلي الكوريك عشان اغير الاستبن .. فوجئت بيه .. قام بص للسواق .. وقال له .. ( انزل غير له الاستبن ) .. وقام نازل الظابط من العربية واقف في البرد .. لأن الكوريك كان محطوط تحت الكرسي اللي كان قاعد عليه .. وقام السواق رافع الكرسي وجاب الكوريك من تحته ( حتى كانت أول مرة اشوف فيها الكوريك الباكم الصغير وبقيت مستغرب هيرفع بيه العربية ازاي ده ) .. وفضل الظابط بره العربية واقف يتكلم في الموبايل في البرد لحد ما السواق غير لي الاستبن ..

دي مواقف بسيطة من مواقف تانية كتير .. حصلت مع رجال الشرطة ...

اللي احنا لازم نفهمه .. ان رجال الشرطة دول مش من شعب تاني .. هما نفس الشعب .. وهما انعكاس لينا ولكل تصرفاتنا .. احنا لو لقينا أي تهاون من السلطة الحاكمة .. فورا بنتجاوز وبندوس على القانون ولا بيهمنا أي حاجة .. وأي حد في مصر شاف السنتين اللي فاتوا يقدر يتأكد من ده بنفسه ..

عشان تحل مشكلة الشعب والشرطة .. لازم الأول تغير طبيعة الشعب .. وتجيب شعب جديد يتعلم الانضباط واحترام القانون من نفسه بدون وجود قوة قاهرة تخليه يبقى منضبط ..

ماتحكيلنا عن تجديدك للرخصة وعن اي تعامل مع قسم الشرطة في حالة اي ابلاغ

اما عن دول الخليج فمش عارف هو حضرتك كنت بتشوف ف مصر عربيات النجده (الدوريات ) ماشية طول الوقت !!! انا بتكلم ع مصر اللي كلنا عارفينها بعيدا عن مصر اللي حضرتك بتحكي عنها اللي مش عراف هي فين

سيادتك الدوريات والمرور ف الخليج بيقفوا يساعدوك عزيزي لما بتبقى مسافر ف طريق مثلا زي الرياض -الدمام بتلاقي حاجه اسمها امن الطرق تحس انك مطمن طول الطريق ان لو احتجت حاجه حد هيوصلك

معرفش عربيات الدورية ف مصر لها استخدام غير انها تودي ولاد البيه للمدرسة وتجيب خضار للهانم وتجيبها من الشغل ؟؟؟

استاذ شرف الدين بجد مصر اللي بتحكي عليها ده حلوة قووووووووووووي سيبتها ازاي بس ده جنة الله ف ارضه حضرتك بجد قولنا النظام الحلو ده والحنية ده موجوده فين ف مصر

يا استاذي انت من اول مابتنزل المطار بتبان التكشيرة والقرف ف التعامل واللي له واسطة بيمشي

طبعا من كلام حضرتك يبدو ان موضوع التوبيك مش صحيح فالمواطن لا يهان ويحترم من رجال الشرطة مش عارف حضرتك امين الشرطة بتعتبره رجل شرطة ولا ابو رجل مسلوخه

اصل لو حضرتك بتتكلم ع عميد وانت طالع فياسيدي دول مش بتحتك بيهم ف الشارع كثير انا بتكلم ع الضابط اللي فرحان بنفسه لسه او امين الشرطة اللي فاكر نفسه لواء

واتعجب ان الاعلام والفلام عرضت التجاوزات ده لكن حضرتك ماشفوتهاش وراضي كل الرضا والاعجب انك بتقول الشرطة ف الخليج هي ده شرطة ياسيدي انا بتكلم ع الكويت مثلا الناس كانت بتسيبعربياتها مفتوحه والشقق مش مقفولة

فرق كبير جداااااااااااااااا ان يبقى عندك شرطة هدفها الترهيب والتخويف او يبقى عندك مجتمع فيه سلم اجتماعي

ناقص تقولي ان ف مصر نظام الشرطة لما بتحصل حادثة مرور الموضوع بيتحل سلميا وعادي جدا زي ما بيحصل ف دول الخليج

استاذ شرف رجاء شخصي هات لي عنوان مصر اللي فيها كل الحاجات ده ده انت بتخلي الواحد يندم انه مش عايش فيها اكيد حضرتك ف اقرب وقت هتنزل تعيش فيها طبعا

رابط المشاركه
شارك

نظرة تشاؤمية أن نرجئ الإصلاح إلى عشرين سنة قادمة أو حتى يتخرج جيل جديد بالكامل

ما سبق كان إستهلالا لابد منه

بالتأكيد طبعا إذا بدأت على "مية بيضة" فستصل إلى هدفك بنسبة كبيرة أو على سبيل التغليب ، و لكن أليس من الأفضل أن "نفصص" المشكلة إلى مكوناتها ... أليس جزء كبير من مكونات المشكلة هي إعداد رجل الشرطة هل نقوم بإعداد رجل الشرطة بحرفية ؟ هل من المنطق أن تكون دراسته لمدة أربع سنوات ل يحصل على ليسانس حقوق و المواد الشرطية - و هي كثيرة جدا و كل يوم هناك جديد فيها - تكون كما لو كانت شئ جانبي ؟

لو بدأنا بدراسة و تطوير آليات تكوين رجل الشرطة سنصل إلى علاقة صحية بين الشرطة و المواطنين.

و في نفس الوقت نحتاج لتطوير أليات تعامل الشرطة. و لنأذ مثالا ما يجري في إدارات المرور فحص السيارة تنحصر في الكشف على رقم الشاسيه أليس الأصلح أن يتم فحص السيارة و التأكد من صلاحيتها في مراكز و ورش خاصة يديرها القطاع الخاص بإشراف صارم من وزارة النقل أو إدارة المرور ؟

تتحدثون عن الشرطة في الخليج و تنسون فارق الكثافة السكانية. في بعض دول الخليج هناك تصنيف معين لل VIP حيث يتم إنجاز معاملاتهم بعيدا عن الزحام. ( نفس فكرة تمييز حسابات بنكية معينة أو وجود كشف عند الطبيب مستعجل )

رابط المشاركه
شارك

العلاقة الصحية بين الشرطة و المواطنين تتطلب أيضا سلوكا سويا من المواطنين ليس به " لوع " بمعنى كذب و لف و دوران

ما سبق كان إستهلالا لابد منه

كثير من قصص العلاقات غير الصحية بين الشرطة و المواطنين تعود إلى " ال لوع " و اللف و الدوران و الكذب ( والذي يكون أحيانا بحسن نية. كالتي طفش جوزها و إختفى لعدة شهور فتزوجت بآخر بحسن نية و هي لا تعرف أن الجمع بين زوجين على الورق تعتبر جريمة ) و الجهل

رابط المشاركه
شارك

نظرة تشاؤمية أن نرجئ الإصلاح إلى عشرين سنة قادمة أو حتى يتخرج جيل جديد بالكامل

ما سبق كان إستهلالا لابد منه

بالتأكيد طبعا إذا بدأت على "مية بيضة" فستصل إلى هدفك بنسبة كبيرة أو على سبيل التغليب ، و لكن أليس من الأفضل أن "نفصص" المشكلة إلى مكوناتها ... أليس جزء كبير من مكونات المشكلة هي إعداد رجل الشرطة هل نقوم بإعداد رجل الشرطة بحرفية ؟ هل من المنطق أن تكون دراسته لمدة أربع سنوات ل يحصل على ليسانس حقوق و المواد الشرطية - و هي كثيرة جدا و كل يوم هناك جديد فيها - تكون كما لو كانت شئ جانبي ؟

لو بدأنا بدراسة و تطوير آليات تكوين رجل الشرطة سنصل إلى علاقة صحية بين الشرطة و المواطنين.

و في نفس الوقت نحتاج لتطوير أليات تعامل الشرطة. و لنأذ مثالا ما يجري في إدارات المرور فحص السيارة تنحصر في الكشف على رقم الشاسيه أليس الأصلح أن يتم فحص السيارة و التأكد من صلاحيتها في مراكز و ورش خاصة يديرها القطاع الخاص بإشراف صارم من وزارة النقل أو إدارة المرور ؟

تتحدثون عن الشرطة في الخليج و تنسون فارق الكثافة السكانية. في بعض دول الخليج هناك تصنيف معين لل VIP حيث يتم إنجاز معاملاتهم بعيدا عن الزحام. ( نفس فكرة تمييز حسابات بنكية معينة أو وجود كشف عند الطبيب مستعجل )

استاذي عندما كان يقال مطلوب هيكلة الداخلية كان المطلوب هو اعادة توزيع المهام لكي يكون دور رجل الشرطة مرتبط بالامن

دول الخليج وموضوع الكثافة اصلا هم بيحاولوا ع قدر الامكان تعميق استخدام التكنولوجيا مما يوفر جهد رجال المرور وجهد وعناء المواطن بقدر الامكان بيقلل من لاعتماد ع العنصر البشري ويركز جهوده ع نواحي اخرى

قل لي بالله عليك هل استخراج جواز السفر او تجديد الرخصه محتاج رجل امن كفاءة ؟؟ هل مخالفات المرور تسديدها يتطلب الذهاب الى وحدة المرور مثلا

استاذي الفاضل اظن ان هناك رغبة ف بقاء الحال كماهو عليه موضوع الكمثافة السكانية طب ف امريكا ف اي دولة اخرى ولا هي مصر حاله خاصة ولها خصوصية اتعجب ان دائما نرفض المقارنة او نستعين باي فكرة نجح فها الاخرون والخاصة ان مصر حاله خاصة وف النهاية نفضل زي ما احنا صدقني ارى ان هذه العلاقة الحالية مطلوب استمرارها ولا يوجد رغبة ف تغييرها وبقت سمة من سمات المجتمع

رابط المشاركه
شارك

ضابط شرطة "محترم" له "هيبته" في مصر

نحن أمام معادلة طرفاها الشرطة والشعب

يجب على طرفي المعادلة أن يؤمن بحقوق الآخر ومركزه في المعادلة

لم تُنشأ الشرطة كي تكون دولة فوق الدولة أو فوق الشعب

الشرطة ماهي إلا أداة مراقبة الإلتزام بالقانون وتنفيذه

ومن أهم وظائفها هو حماية أمن المواطن وممتلكاته وحماية ممتلكات الدولة طبقا "للقانون"

وفي سبيل ذلك أعطي القانون الحق لإفرادها إستخدام القوة أو العنف لتنفيذ القانون.

ولتحقيق التوازن بين طرفي المعادلة يجب أن تتم توعية الطرفين بحقوقه وواجباته، وفوق هذا وذاك، يجب أن يتعلم الجميع ماهي حقوق الإنسان والحفاظ على البقاء داخل أطرها.

المشكلة في مصر أن هناك مفاهيم خاطئة بين بعض وليس كل رجال الشرطة بأنهم أسياد البلد كما ادعي مدير امن او شيئ من هذا القبيل بمحافظة البحيرة، على الرغم من أن الغالبية من ضباط وأفراد الشرطة مطحونون في العمل ويعملون فوق طاقة البشر دون أن نسمع عن أي تجاوز منهم.

على الجانب الآخر هناك مفهوم يشبه العداء لرجال الشرطة بين نسبة ليست بالقليلة بين أفراد الشعب، ربما لعدم معرفتهم بالحقائق والإكتفاء بما يتم ترديده من شائعات أو أحداث فردية يتم تعميمها على كل جهاز الشرطة، غذاها ويغذيها المنتمون للمتطرفون المتأسلمون.

لفت نظري أيضا أن الشرطة لا تستخدم القيود الحديدية "الكلابشات" في التعامل مع من يتم إيقافهم واراه دليل على التقصير في التدريب أو في عدم التقيد بقواعد العمل، واتذكر كم من مرة رأينا رجل الأمن يضع رقبة ورأس المواطن تحت إبطه وأشهرهم صورة البنت الإخوانية والاعتماد هنا على القوة البدنية لرجل الشرطة سواء كان ضابط او اقل رتبة..

إذن من وجهة نظري فالطرفين بحاجة لتغيير المفاهيم ولتحقيق ذلك اقترح:

دورات تدريبية مكثفة في مواد حقوق الإنسان لكل ذباط وأمناء الشرطة تليها محاضرات علىى مستوى الأقسام لباقي أفراد الشرطة ويتم التركيز فيها على كيفية التعامل مع الجمهور لتحقيق المحافظة على حقوق الإنسان والقانون معا.

دورات تدريبية احترافية في كيفية التعامل المباشر مع المقبوض عليهم.

بالنسبة للمواطن:

ليس عيبا أن تكون هناك "دروس و حصص" للمواطنين تذاع على جميع قنوات التليفزيون الفضائية والأرضية لتثقيف الشعب بما له وما عليه، وتعريفه بأن المواطن الذي يستخدم العنف ضد رجل الأمن عليه أن يتحمل أي إصابات جسدية قد تحدث له إنتهاء بقتله، وأنه كي يحظى بمعاملة آدمية من رجل الأمن فأنه عليه عدم مقاومة رجل الأمن وتنفيذ أوامره، والتظلم حين شعوره بحدوث أي تجاوز في حقه الى الجهات المنوط بها التحقيق في تلك الأحداث.

فرد الأمن (جندي حتى ضابط) ليس من مهام وظيفته أن يهان معنويا او لفظيا أو أن يتعرض للإيذاء الجسدي جراء تنفيذ عمله، ولذلك توجد مادة في القانون تعاقب من يعتدي على موظف عمومي أثناء تأدية عمله.

ملخص الكلام ،

يمكن تحقيق المعادلة خلال 6 شهور لو خلصت النوايا،

دورات تعليمية للضباط والامناء، يعيدوا تدريسها لمن هم اقل رتبة من أمين على مستوى الاقسام والوحدات

برنامج مكثف تليفزيوني واذاعي للشعب بنفس الخصوص والحقوق والواجبات، ويمكن أن يدخل في إختبارات استخراج رخصة القيادة وتجديدها وعند استخراج مستندات حكومية لو لزم الأمر.

بالاضافة لإستحداث مادتي القانون وحقوق الانسان في المدارس بدءا من الابتدائي للثانوي او حتى الجامعي بشكل متدرج يتناسب مع اعمار التلاميذ والطلبة.

عندها سيكون لدينا شعب وشرطة لديهم ثقافة الحقوق والواجبات.

قد يكون كلامي غير مرتب بما فيه الكفاية ولكنه ملخصا لوجهة نظري على ضوء ممارساتي وقراءاتي.

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • من صور الفراعنة النادرة …… مواطن مصري قديم عادي

      الرفق بالحيوان ليس جديدا و العجيب هذه الصورة ليست لملك او قائد او كاهن  مجرد مواطن عادي ليس له اسم او ربما له اسم و لكني لم اعرفه

      في معرض الصور

    • حوار بين الرئيس مرسي و .. مواطن مصري! ( من أرشيفي )

      حوار بين الرئيس مرسي و .. مواطن مصري! ( من أرشيفي )التقى الرئيس الدكتور محمد مرسي بأحد المواطنين الغاضبين على حُكم الإخوان المسلمين، وأعطاه الأمان أن لا يتم القبض عليه فور خروجه من القصر، ودار بينهما الحوار التالي:الرئيس: الآن أنت في الجنة بعدما قضيت ثلاثين عاماً في نار المخلوع، وعاماً ونصف العام في جحيم المشير طنطاوي، لماذا لا تشكر ربك على نعمة حُكم الإخوان المسلمين؟المواطن: لكنك، سيدي الرئيس، لم تصل إلى القصر بثقة الناس، فنصف المصريين لم ينتخبوك، ونصف النصف أعطوك أصواتهم نكاية في الفلولي المنا

      في المغتربين المصريين - egyptian expatriates

    • حوار بين مواطن خليجي و .. إعلامي عربي!

      حوار بين مواطن خليجي و .. إعلامي عربي!في أحد فنادق عاصمة دولة عربية خليجية التقى مواطنٌ خليجي بأحدّ المثقفين الإعلاميين الذي كان قد صاحبه في سنوات الدراسة الجامعية بعاصمة مشرقية ثورية.دار بين الرجلين حوارٌ على مائدة العشاء في المطعم الأنيق بالطابق الأرضي، والتقطنا شطرا منه ..المواطن الخليجي: أرى ملامحَك قد تغيّرت قليلا، وبدأتَ تميل نحو السمنة، وفقدت بعضا من رشاقتك التي عرفناك بها خلال سنوات الزمن الجميل في الجامعة! الإعلامي العربي: وأنا كدت لا أعرفك بعقالك ودشداشتك، ولا أدرى إنْ كان الشيبُ قد

      في المغتربين المصريين - egyptian expatriates

    • هل اللي بياكل فسيخ يعتبر شخص محترم؟

      مخبيش عليكم :blink: انا بحب الفسيخ ...بس مباكلوش اكتر من مره في السنه :blink: و خصوصا لو معاه عيش فريش و سخن ....ياخرااااشي :) بس بعد ما باكله بحس بالذنب :sad: زي ما أكون ارتكبت خطيئه في لحظة طيش و بعد ذهاب السكره جاءت الفكره و الندم :sad: الفسيخ أكله غير محترمه بالمره :happy: و أي حته تلمس الفسيخ من جسمك بتفضل ريحتها معاك و ملاصقاك لمدة 22 اسبوع شامل العطلات و الاجازات الصيفيه ..برغم الصابون و المطهرات و البارفانات و أي اختراع يعتبر فاشل في ازالة رائحة هذا الفسيخ اللي بياكل

      في موضوعات خفيفة

    • عودة مواطن - الاسباب الحقيقية للهجرة

      بدون مقدمات و تفاصيل  سؤال اود ان اطرحه على كل المغتربين و الذين يفكرون فى الهجرة و الاغتراب ما هى الاسباب الحقيقية لهجرتك و متى يمكن ان تفكر فى العودة و انهاء غربتك ؟؟؟؟؟؟

      في موضوعات جادة

×
×
  • اضف...