مسحراتى العبور .. فى ذكرى العاشر من رمضان

[أبو محمد]

هذا جزء من قصيدة كتبها الصديق حسام نصار

جميلة .. رائعة

وكأن روح فؤاد حداد وسيد مكاوى كانتا تحومان حوله عند كتابتها

مسحراتى العبور

مسحراتي الصبا دقدق وقال يا وْلاد
مع كل دقة صَبا قلبي عشق دي بْلاد
رمضان لمصر اجتبى أحلى الأهلة وْ عاد
وانا قلت فيها وْفيه أحلى حكاياتي
دقت قلوب طبطبة ما انا للفؤاد حداد

طرق فؤادي - حداد بلادي -ركِّب لقلبي- شبّاك حديد
وطلّ منّه-المسحراتي-بعباية بيضة-مدّيت له إيد
مدد يا سيدي-خش ف وريدي-واكتب بإيدي-موّال جديد
قال لي يا شاعر-ان كنت واعر-اكتب بإيدك-ايّاك تهاب
ما تْخافش منّي-دنا حتة منّي-من حر كَبَدي-موّال معاك
خد منّه نغمي-بيشر دمّي-واكتب بقلمي-عللي ف هواك

مسحراتي-وذكرياتي-في سْنين صبايا-جت من بعيد
صبي وصايم-العصر نايم-وكنت باحلم-بجوز حمام
ورز قابب-من البرام
وسمعت أمي-بصوت فرايحي-بتقول لي إصحى-قلت الأدان
ضحكت برنّة-التمر حنّة-قالت ولادنا-عدّوا القناة
وف سوريا حلّوا-ع الشيخ يا حللو-من فوق وطلّوا-على بيت جيران
والبيت ده بيتنا-في الأصل غيطنا-لكن بتلعب-"فيه الفيران"

[حسين امبابي]

كان ولازال " يهود " لا يعترفون الا بالقوة

في جميع صورها كمخلص لهم .

​شعرت بالفخر اننا استطعنا أن نهزم القوة بالقوة

تم تعديل 9 يوليو 2014 بواسطة حسين امبابي