اذهب إلى المحتوى
محاورات المصريين

طايب علي أبوه


Recommended Posts

(( طايب علي أبوه ))


ـــــــــــــ



لا هاعرف .....


ولا هاقدر ........


ولا ف النيـَّـة ف زحمة سكة أتوه


ألف مُحـال ياحبيبة أحاول أبص لحـَــد


علي بعـض فتحتي حيطاني ف بعـض


خليـِّـتي الكام أوضة ف قلبي ....


أوضة كبيرة يادوب ع القــَـد


ولوحديكي دخلتي قفلتي عليكي الباب


ونا واقف زي العيــِّـل سايب إيده من أمه ....


فرحان بالتوهة ف زحمة سوق !


فرحان بخطاوي الحـاوي جــوَّة الطوق


وإزاي من عين المـُهر ......


ف عــِّز الضـُهر الكُحـل يكون مسروق !


ومسلــِّم سايب عيني تعسس ف التفاصيل !


بتخمـِّن باقي حواسي ف المــدَّاري ورا المنديل !


وبيشبع جوع الروح ....


من شهد الشيخ الطيب ف الترتيل


وبيشبع جوع الروح ....


م الخبز الطازا لفــُرن حكاوي الليل


وبيشبع جوع الروح ....


من ريحـة ستـِّي .....


وصوتها المالي البيت وكأنه هـَديل


وبيشبع جوع الروح ....


من ضي ( كلوب ) وحيد ....


بيبوس ف ناموس طاير فرحان بالموت ....


وبيدخل جنة ناره ......


ف أحلي كلام بيقوله سكوت مبسوط !


حتي الحواديت حسداني عليكي


وبتسأل ليه أنا دايم هايم فيكي


أحلي الحواديت منـِّك بتغـيـــر


من غـير تفسير ..


من غـير تبرير ..


منـِّـك بتغـير


ويوماتي تغيــَّر ميت فستان


ويوماتي تضيف تخاريف أشكال وألوان !


ولحد ماتتعب م التغيير.....


ترجع تصبغ وِشْ وشـَعـر وعين ...


لكن علي مين !؟


أنا غير البني آدمين


ولا ياخد طرف عنيا ثواني .....


أتخـن خلطة ضي كهارب .....


بيلعلط جوَّة قزاز أتخـن فتارين !


دا أنا المتربي ف بدر ضياكي


وأنا المفتون معجون مجنون بهواكي


وأنا اللي غشيم


ولئيم


وحويط


وحكيم


وقديم


وفهيم فـ لـُغــاكي


والفارد باطي ليلاتي وعيني تعبــِّي ف نور !


وأنا اللي بـَـدُّق الطبل واهـِّش بنات الحور .....


لو ليلة اتكاتروا عليكي .....


وحاولوا يقيموا مابيني وبينك سور !!!


وأنا اللي بقلبي بقابل طعنة سيف ( مسرور )


وأنا مسرور !


كـُل بنات الحـور وحشين


أنتي البنت البــِكــر غرامها بيجري ف الشرايين


أنتي الصورة الصافية الصادقة ف نــِن حبابي العين


يخلص كل كلام الحب الحلووتاني أقوله .....


وأحس كأني ماقلتش منــِّه غير حرفين


غيري ياغالية تاخده خطاوي الوقت


ويشم بشوق ف دخان وروايح الزفت


وبنشوة يدوس فوق جلد أسفلت .....


غيري ياغالية يغيب ويغيــَّر جلده !!!


ويحس بضعف فيعـوج طرف لسانه ف حَـلقـه !


ويطفــِّي فنارة ويحرق كل مراكب صدقه !


لكن ....


أنا فقري ورافض مكسب سوق الزحمة وموت الروح


رافض أكون ف كتاب الكـدب كلام ممسوح !


رافض أخون و أخش ف حفلة رقص لطير مدبوح


رافض تفاح الضحك الماسخ والمعـطــوب


رافض اقيــَّل تحت شجر مزروع من رمل وطوب


واركب ( قـطــر الزحمة ) بالمندار ......


وأشوفها الدنيا بالمقلوب


رافض أدور ف الساقية وأشوفها أيامي وأنا معصوب


رافض لقمة شهـد ف جوعي أكلها وأنا مغصوب


رافض يسـَـتــَّـر جلدي ف يوم علي توب معيوب !


راضي بـــ فقري وراضي أكون مغلوب


راضي ف حضرة روحك أكون مجذوب


راضي ف حضرة حبك أكون سوَّاح


قفلت قليبي عليكي بضبة ومـِـيت مفتاح


ملا صحـن القلب هواكي لتـُمـَّة عينه وساح


ياقليب الغالية اطمـِّن غمـَّض عينك نام مرتاح


دنا حـُبي أصيل طايب علي أبوه


فــا ...


لا هاعرف .....


ولا هاقدر ........


ولا ف النيـَّـة ف زحمة سكة أتوه

رابط هذا التعليق
شارك

بسم الله ما شاء الله


راائعة


اخذتنى من نفسى


احييك عليها


:Laie: :Laie: :Laie:


" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      ازيك يامامي وحشتيني قوي انتي وبابي واخويا الصغير وجدو وتيتة وعمو جمال وكل اصحابي مصر كلها وحشتني يامامي يوم 25 يناير صحابي في الجنة نادولي وقالولي تعالي بسرعة يامحمد في ناس من بلدك دخلو الجنة .. قولتلهم مصريين؟ قالو ايوة دول شهداء كمان يامحمد جريت بسرعه معاهم اشوف الشهداء اللي من بلدي واسلم عليهم وافتخر بيهم وكل يوم بيجي شهداء تانيين ولما كثرو قوي يامامي وذادوا ووصلوا اكتر من 300 شهيد قلت لصحابي وانا فرحان عارفين.. !! دا اكيد جدو بيقود مصر في حرب تانية علي اسرائيل او اعدء تانيين روحت يا
    • 17
      حبيت أناقش الخاطر دة معاكم زي ما ناقشته مع ناس تانيين.. عايز أوصل منه لفكرة شريرة حأوضحها في سياقها.. افرض.. أو افرضي أن فيه شاب كويس اتقدم لبنتك ، أبوه برضه راجل كويس ومحترم.. اتضح بما لا يدع مجالاً للشك إن الراجل دة مرتشي وحرامي وكان طيب ..كااااااااااااااااان حنين.. أتاريه كداب كبييييييير.. مش زي ما كان مبين.. دة خدعنا سنين كتييييير.. حتكمل معاه؟ ولا حتفركش؟ هل حتكمل معاه من باب الشكل الاجتماعي، ولا علشان ما تبقاش قليل الأصل وندل؟ هل حتفركش على أساس إنك ما تبقاش منافق وعديم المبادئ؟ ولا
×
×
  • أضف...